Myeik Wa TV

28/03/2025

27/01/2025

လူတိလည်း ကောင်းယုတ်ကပ်ယာဂုတလော

■ မြောက်ဦးတွင် HIV ပိုးရှိသည်ဟုဆိုကာ သားမိ ၂ ဦး ရွာပြင်ထုတ်ခံရ

Western News| ဇန်နဝါရီ ၂၅

ရခိုင်ပြည် မြောက်ဦးမြို့နယ်က သားမိနှစ်ဦးကို HIV ပိုးရှိသည်ဟုဆိုကာ ကျေးရွာသားများက ကျေးရွာအတွင်း နေထိုင်းခြင်း လုံးဝခွင့်မပြုဘဲ ကျေးရွာသားများမှ ရွာပြင်ထုတ်ထားကြောင်း Western News မှ စုံစမ်း သိရှိရသည်။

HIV ပိုး ကူးစက်ခံထားရသည်ဟုဆိုကာ ရွာအပြင်ထုတ်ခံထားရသည့် သားမိနှစ်ဦးကို Western News သတင်းဌာနက မေးမြန်းခွင့် ရရှိခဲ့ပြီး သားမိနှစ်ဦး၏ ကျန်းမာရေးအခြေအနေကိုလည်း သိရှိခွင့် ရရှိခဲ့သည်။

သားမိနှစ်ဦးစလုံးမှာ ရွာပြင်သို့ နှင်ထုတ်ခံထားရသည်မှာ သီတင်းတစ်ပတ်ခန့်ကြာ ရှိပြီဖြစ်ပြီး ရွာသားများက HIV ပိုးကူးခံရမည်စိုး၍ နှင်ထုတ်ထားကြခြင်းဖြစ်သည်ဟု ရွာအပြင်သို့ ထုတ်ခံရသူ ကာယကံရှင် အမျိုးသမီးက ပြောသည်။

"ကျမ ယောင်္ကျားမှာက HIV ရှိတယ်။ သူ့မှာ ဒီပိုးရှိတာ သူသေမှ ကျမသိတာ။ သူသေတော့ ရွာကလူတွေက ကျမတို့မှာလည်းရှိမှာပဲဆိုပြီး သူတို့ ကူးစက်ခံရမှာကြောက်တယ်ဆိုပြီး ရွာပြင်ထုတ်လိုက်ကြတာပါ။ ရွာပြင်မှာ ညဆို ကြောက်ကြောက်လန့်လန့်နဲ့နေနေရတယ်။ တစ်နေ့မှ အိပ်မပျော်ဘူး" ဟု ပြောသည်။

HIV ပိုးရှိသည်ဟုဆိုကာ ရွာပြင်ထုတ်ခံထားရသူ အဆိုပါအမျိုးသမီးမှာ မြောက်ဦးမြို့နယ် ရွာသစ်ကေ ကျေးရွာတွင် နေထိုင်သူဖြစ်ပြီး အသက် ၃၃ နှစ်ရှိပြီဖြစ်ကာ လက်ရှိ ၈ နှစ်အရွယ် သားဖြစ်သူနှင့်အတူ ရွာပြင် နှင်ထုတ်ခံထားရခြင်းဖြစ်သည်။

အဆိုပါ အမျိုးသမီး၏ ခင်ပွန်းဖြစ်သူမှာ ပြီးခဲ့သည့် နှစ်ပတ်ခန့်တွင် ဆုံးပါးသွားခဲ့ခြင်းဖြစ်ပြီး ခင်ပွန်းဖြစ်သူ ဆုံးပါးသွားပြီး တစ်ပတ်အကြာတွင် သားဖြစ်သူနှင့် အတူ ရွာပြင် နှင်ထုတ်ခံထားရခြင်းဖြစ်ကြောင်း ယင်းအမျိုးသမီးက ပြောသည်။

ထို့အပြင် မိခင်နှင့်အတူ ရွာပြင်နှင်ထုတ်ခံထားရသည့် အသက် ၈ နှစ်အရွယ် ကလေးငယ်မှာလည်း ရွာထဲ မဝင်ရ၍ စာလည်းမသင်ကြားနိုင်ဘဲ ညညတွင် ကြောက်ကြောက်လန့်လန့်ဖြင့် အိပ်နေကြရကြောင်း သားဖြစ်သူက ပြောသည်။

အဆိုပါကျေးရွာသားများမှ HIV ပိုးမှာ လေမှတစ်ဆင့်ကူးစက်ခြင်း အတူထိုင်လျှင်ကူးစက်နိုင်ခြင်း ပိုးရှိသူအနီးနားတွင်ရှိလျှင် ကူးစက်ခြင်း စသည့် ထင်မြင်ချက်များရှိနေသည်ဟုဆိုကာ အဆိုပါ သားအမိအား ရွာပြင်ထုတ်ထားခြင်းဖြစ်ကြောင်း ရွာသားများထံမှ သိရသည်။

ရွာပြင်ထုတ်ခံရသူ သားအမိနှစ်ဦးအပြင် ၎င်းတို့ လင်မယားနှင့် ဆွေမျိုးတော်သူစပ်သည့် မိသားစုဝင်များကိုလည်း ရွာသားများက အဆက်ဆံမလုပ်ခြင်း၊ အိမ်ထဲသို့ ပေးမဝင်ခြင်းတို့လည်း ရှိနေသည်ဟု ရွာပြင်နှင်ထုတ်ခံထားရသည့် သားမိ၏ မိသားစုဝင်များက ပြောသည်။

မိသားစုဝင်တစ်ဦးက "ကျမတို့ကိုလည်း ရွာသားတွေက ရွာထဲကိုမဝင်နဲ့လို့ပြောကြတယ်။ သူတို့အိမ်တွေကိုလည်းမဝင်ရဘူး။ ဆိုင်မှာ တစ်ခုခုသွားဝယ်ရင်လည်း အဝေးကပဲနေဆိုပြီး ဝယ်ထဲက ပစ္စည်းကို ပစ်ပြီးပေးတယ်။ ကျန်းမာရေးအရ ဆေးခန်းသွားပြမယ်ဆိုရင်လည်း ကယ်ရီငှားလို့ ဘယ်သူမှ မလိုက်ကြဘူး" ဟု ဆိုသည်။

လက်ရှိ HIV ပိုးရှိသည်ဟု ယူဆခံထားရသည့် အဆိုပါသားအမိနှစ်ဦးမှာ ရောဂါပိုး ရှိ၊ မရှိ ဆိုသည်ကိုလည်း စစ်ဆေးနိုင်ခြင်းလည်း မရှိသေးကြောင်း စုံစမ်း သိရှိရသည်။

အဆိုပါ သားမိနှစ်ဦးမှာလည်း ကျန်းမာရေး ဆိုးရွားသည့် လက္ခဏာပေါ်ပေါက်ခြင်းမရှိဘဲ အနည်းငယ်သာ ကျန်းမာရေးချို့တဲ့မှုနှင့် အာဟာရချို့တဲ့မှုသာ ရှိနိုင်ကြောင်း မိသားစုဝင်များနှင့် နီးစပ်သူတစ်ဦးက Western News ကို မှတ်ချက်ပေးသည်။

HIV ပိုးက လက်ခံသူ လူ့ခန္ဓာကိုယ်ပြင်ပတွင် ကြာကြာအသက်မရှင်နိုင်ခြင်း မပွားများနိုင်ခြင်းကြောင့် ၎င်းကို လေ၊ ရေ၊ ခြင်၊ အင်းဆက်များမှတစ်ဆင့် ကူးစက်ရရှိနိုင်ခြင်း မဟုတ်သလို လက်ဆွဲနှုတ်ဆက်ခြင်း၊ ပါးပြင်ကိုနမ်းခြင်း၊ ခွက်တစ်ခွက်တည်းအတူသောက်ခြင်း မကူးစက်နိုင်ကြောင်း သိရသည်။

HIV ပိုးရှိသူနှင့် အတူ ဆေးထိုးအပ်ကိုမျှဝေသုံးစွဲခြင်း၊ မူးယစ်ဆေးထိုးသွင်းရာမှာသုံးသော ပစ္စည်းများအတူသုံး ခြင်းတို့ကနေလည်း HIV ကူးစက်ရရှိနိုင်နိုင်ပြီး HIV ပိုးက ပတ်ဝန်းကျင်အနေအထားကိုမူတည်ပြီး ဆေးထိုးအပ်ထဲတွင် ၄၂ ရက်အထိ အသက်ရှင်နေနိုင်ကြောင်း သိရသည်။

အများအားဖြင့် HIV ပိုးရှိသူတစ်ဦးနှင့် ကွန်ဒုံးမသုံးဘဲ လိင်ဆက်ဆံသူများ မှာ HIV ကူးစက်ခံရပြီး စအိုမှ လိင်ဆက်ဆံခြင်းနှင့် လိင်အင်္ဂါမှ လိင်ဆက်ဆံခြင်းတို့သည် အန္တရာယ်အများဆုံးလိင်မှုရေးရာ လှုပ်ရှားဆက်ဆံမှုဟု ယူဆရကြောင်း သိရသည်။

ပုံစာ - HIV ရောဂါပိုးရှိသည်ဟု သံသယဖြင့် ရွာပြင်သို့ နှင်ထုတ်ခံထားရသော သားမိနှစ်ဦးအား ရွာပြင်ရှိလယ်ကွင်းတဲတစ်ခု၌ တွေ့ရစဉ်။

#မြောက်ဦး #ရွာသစ်ကေ #သားမိနှစ်ဦး #ရွာပြင်နှင်ထုတ်ခံရ

YouTube: https://youtu.be/okvirJRfyPE
Website: https://westernnewsmm.com/news/9083/
YouTube Post: https://pse.is/63n2hc
TikTok: https://www.tiktok.com/
Instagram: https://www.instagram.com/thewestern_news/
X: https://x.com/Western__News

27/01/2025

စစ်မှုထမ်းအရေအတွက် တိုးမြှင့်ခေါ်ယူဖို့ စစ်ကောင်စီကို အကြံပြုခဲ့တာမရှိဘူးလို့ ပြည်သူ့ပါတီဥက္ကဋ္ဌ ဦးကိုကိုကြီးက ငြင်းဆိုလိုက်ပါတယ်။

“အခုကိစ္စဟာ ကျနော်တို့ သဘောတူညီခဲ့တဲ့ ၄၃ ချက်ထဲမှာလည်းမပါဘူး။ နောက်တခုက အလုပ်အဖွဲ့ကိုယ်စားပြုပြီးတော့ ပြောဆိုခဲ့ခြင်းလည်းမရှိပါဘူး။”
#စစ်မှုထမ်းအရေအတွက် #ဦးကိုကိုကြီး #ပြည်သူ့ပါတီ #စစ်ကောင်စီ
အပြည့်အစုံ ကွန်မန့်တွင် ဆက်လက်ဖတ်ရှုနိုင်ပါတယ်။

23/12/2024

မင်းတပ်နှင့်ကန်ပက်လက်မြို့ကို AA ၏ မဟာမိတ်ချင်းညီနောင်အဖွဲ့ ထိန်းချုပ်
--------------------------
ပလက်ဝမြို့မှ အပ ချင်းပြည်နယ်တောင်ပိုင်းတစ်ခုလုံးကို စစ်ကောင်စီတပ် လက်လွှတ်လိုက်ရသဖြင့် ဒေသတွင်းတော်လှန်ရေး အင်အားစုက အိန္ဒိယနှင့် ဘင်္ဂလားဒေ့ရှ်နယ်စပ်အထိ ထိန်းချုပ်နိုင်ပြီ ဖြစ်သည်။

ချင်းတောင်ဘက်အစွန်ဆုံး ပလက်ဝကိုမူ AA က ထိန်းချုပ်ထားပြီး ပလက်ဝအထက်ပိုင်း ချင်းတောင်ပိုင်း မြို့များဖြစ်သော ကျင်ဒွေး၊ မတူပီ၊ မင်းတပ်၊ ကန်ပက်လက် စသော ၄ မြို့ကို ချင်းညီနောင်အဖွဲ့က ထိန်းချုပ်ထားသည်။

ပလက်ဝ တိုက်ပွဲတွင် စစ်ကောင်စီတပ်သား ၁၆၀ ကျော်ကို အရှင်ဖမ်းမိခဲ့သည်၊ တိုက်ပွဲအပြီး နိုင်ငံရေးအကျဉ်းသား ၁၃ ဦးကို ကယ်တင်နိုင်ခဲ့ သည်ဟု သိရသည်။

ကန်ပက်လက်မြို့မှာမူ မြို့သိမ်းတိုက်ပွဲကြေညာအပြီး ထိတွေ့မှုအနည်းငယ် ဖြစ်ကာ စစ်သားနှင့်ရဲ ၁၀၀ နီးပါးက ကပ်လျက် မကွေးတိုင်းထဲ ဆုတ်ခွာသွားသဖြင့် ၂၄ နာရီမပြည့်မီ မြို့ကိုသိမ်းနိုင်ခဲ့သည်။

ချင်းပြည်နယ်တော်လှန်ရေးတွင် AA ၏ မဟာမိတ်များ ဖြစ်သော ချင်းညီနောင်အဖွဲ့ တော်လှန်ရေးအင်အား စုများနှင့် CNF/CNA ဦးဆောင်သော တော်လှန်ရေးအင်အားစုများ ဦးဆောင်လှုပ်ရှားနေကြသည်။

23/12/2024

ဂွမြို့ ခမရ-၅၆၂ တပ်ရင်း အတွင်းပိုင်းအထိ AA ဝင်တိုက်
~~~
■ ရခိုင်ပြည်နယ်၊ တောင်ဘက်အစွန်ဆုံး ဂွမြို့နယ်မှာ နောက်ဆုံးကျန်နေတဲ့ စစ်ကောင်စီရဲ့ ခမရ-၅၆၂ တပ်ရင်းအတွင်းပိုင်းထိ အာရက္ခတပ်တော် (AA) က ဒီဇင်ဘာလ ၂၃ ရက်နေ့ မနက်ပိုင်းမှာ ဝင်ရောက်တိုက်ခိုက်နေတယ်လို့ တိုက်ပွဲအခြေအနေကို စောင့်ကြည့်နေတဲ့ ဒေသခံတွေက ပြောပါတယ်။


“နေဗီ (ရေတပ်) နဲ့ လေကြောင်းကတော့ အပြင်းအထန်ပစ်နေတာ၊ သင်္ဘောတွေက နေရာအတည်တကျမဟုတ်ဘူး၊ ပစ်လိုက် မောင်းပြေးလိုက် အဲ့ဒီလိုပဲ။ ကမ်းခြေအနား မကပ်နိုင်ဘူး”

စစ်ကောင်စီတပ်ဖွဲ့ဝင်တချို့ကတော့ ဂွမြို့နယ်ထဲမှာရှိတဲ့ ရခိုင်ရိုးမတောင်ပေါ်ကို တဖြည်းဖြည်း ဆုတ်ခွာနေပြီး အင်အားပြန်စုနေတယ်လို့ နောက်ထပ်ဒေသခံတစ်ဦးက ပြောပါတယ်။

“မနေ့က ဝတိမ်မှာ အဲဒီမှာလည်း တိုက်ပွဲဖြစ်နေတယ်။ ဝတိမ်က ကြားစခန်း ၅၆၂ နဲ့ ဒေါင့်ချောင်းကြားမှာ ရှိတယ်”

ဂွမြို့ပေါ်က နေအိမ်တချို့ကို စစ်ကောင်စီတပ်က မီးရှို့တာတွေရှိနေပြီး ရခိုင်ရိုးမပေါ်ကနေ ဧရာ၀တီတိုင်းဘက်ကို တစ်ဆင့်ချင်း ဆုတ်ခွာနေတဲ့ စစ်ကောင်စီတပ်ကို လိုက်လံတိုက်ခိုက်နေတယ်လို့ AA က ဒီဇင်ဘာလ ၂၁ ရက်နေ့မှာ ထုတ်ပြန်ထားပါတယ်။

22/12/2024

တောင်ကုတ်မြို့သိမ်းတိုက်ပွဲ ဓါတ်ပုံများ AA ထုတ်ပြန်

၂၀၂၄ ခုနှစ်၊ ဒီဇင်ဘာလ ၁၄ ရက်နေ့ ညနေ ၄ နာရီကျော်အချိန်က သိမ်းပိုက်ရရှိခဲ့သော တောင်ကုတ်မြို့သိမ်းတိုက်ပွဲအတွင်းမှ ဓါတ်ပုံများအား အာရက္ခတပ်တော် AA က ယနေ့ ဒီဇင်ဘာလ ၂၂ ရက်တွင် ထုတ်ပြန်လာသည်။

တောင်ကုတ်မြို့ထဲက အမှတ် (၅) စစ်ဆင်ရေးကွပ်ကဲမှုဌာနချုပ် (စကခ-၅) တပ်မဌာနချုပ်၊ ခမရ (၅၄၄)၊ ခမရ (၃၄၆) အပါအဝင် စစ်ကောင်စီ၏ တပ်စခန်းများအားလုံးကို သိမ်းပိုက်ခဲ့ခြင်းဖြစ်သည်။

Myeik Wa TV
22/12/2024

21/12/2024

စစ်တွေက စစ်ကောင်စီမိသားစု ၉၀ စုရေကြောင်းမှထွက်ခွာ

မဇ္ဈိမ။ ။ ရခိုင်ပြည်နယ်၊စစ်တွေမြို့ရှိ စစ်ကောင်စီမိသားစုဝင် အိမ်ထောင်စု ၉၀ စုမှ လူဦးရေ ၃၀၀ ဝန်းကျင်မှာ ရွှေမင်းဂံရေတပ်ဆိပ်ကမ်းမှတဆင့် ဇက်သင်္ဘောများဖြင့် ယမန်နေ့(ဒီဇင်ဘာလ ၂၀ ရက်) ညပိုင်းက ပြောင်းရွှေ့သွားကြောင်း စစ်တွေဒေသခံထံက သိရသည်။

"စစ်သားတွေတော့မပါဘူး သူတို့တပ်မိသားစုတွေ ဇက်သင်္ဘောနဲ့ချပြီး ကျောက်ဖြူဘက်ကို သွားတယ်။ မနေ့ညက နောက်ဆုံးပြောင်းတာ။သူတို့ဆင်းသွားတာမြင်နေရတာပေါ့။ သူတို့ကတော့ တိတ်တဆိတ် ပြောင်းနေကြတာပေါ့"ဟု စစ်တွေမြို့သတင်းရင်းမြစ်ကမဇ္စျိမကိုပြောသည်။

ယခုလ ဒီဇင်ဘာလဆန်းပိုင်းကစပြီး စစ်ကောင်စီတပ်အရာရှိ၊ လက်အောက်ငယ်တပ်သားများ၏ မိသားစုဝင်များမှာ စစ်လေယာဥ်၊ဇက်သင်္ဘောများနှင့်ကျောက်ဖြူမြို့သို့ တရွေ့ရွေ့ပြောင်းရွှေ့ခဲ့ခြင်းဖြစ်ကြောင်း၎င်းကဆိုသည်။

စစ်တွေမြို့တွင် တပ်မိသားစုဝင် အနည်းငယ်သာကျန်ခဲ့ပြီး အများစုမှာမြို့မှ စွန့်ခွာရွှေ့ပြောင်းသွားခြင်းဖြစ်ပြီး မြို့ပေါ်သို့ စစ်အင်အားရာချီထပ်မံတိုးချဲ့ထားကြောင်း သိရသည်။

စစ်တွေမြို့တွင် နပခတိုင်းမှူး ကျော်စွာဦးမှာလည်း ပြီးခဲ့သည့် နိုဝင်ဘာလကတည်းက ထပ်မံတိမ်းရှောင်သွားခြင်းကြောင့် ဒေသကွပ်ကဲမှုစစ်ဌာနချုပ်(ဒကစ)မှူးသာကျန်ရှိကြောင်း စစ်တွေမြို့သတင်းရင်းမြစ်က ပြောသည်။

တပ်မိသားစုဝင်များ ရွှေ့ပြောင်းသွားခြင်းကြောင့် စစ်ရိပ်သမ်းနေသည့် စစ်တွေမြို့တွင် တိုက်ပွဲဖြစ်ပွားသောအခါ စစ်ကောင်စီမှမြို့ကိုဖျက်ဆီးမည်ကိုစိုးရိမ်နေကြကြောင်း ဒေသခံများကဆိုသည်။

ပြီးခဲ့သည့် စက်တင်ဘာ ၁ ရက်နေ့က စစ်တွေမြို့ အခြေစိုက်ဒေသကွပ်ကဲမှုဌာနချုပ် (ဒကစ) ရုံးအနီးတွင် လက်နက်ကြီးကျည်တလုံး ကျရောက်ပေါက်ကွဲခဲ့သည်။

ထို့ကြောင့်စစ်တွေမြို့ပေါ် AA ထိုးစစ်အချိန်မရွေးရောက်လာနိုင်ကြောင်း ဒေသခံများက တွက်ဆထားကြသည်။

ယခင်လပေါင်းများစွာကတည်းက စစ်တွေမြို့ခံအများစုမှာ ရန်ကုန်မြို့သို့ လေယာဥ်ဖြင့် စစ်ဘေးတိမ်းရှောင်သွားကြသော်လည်း မြို့၏သုံးပုံနှစ်ပုံသောအရပ်သားများမှာ ငွေကြေးမတတ်နိုင်သူများဖြစ်ကြသောကြောင့် ကျန်ခဲ့ကြောင်း ဒေသခံများထံက သိရသည်။

ထို့အပြင် စစ်တွေမြို့နယ်၊ ကျေးရွာ ပေါင်း ၁၄ ရွာရှိ ရွာခံများကို စစ်ကောင်စီက ပြီးခဲ့သည့်ဖေဖော်ဝါရီလမှစကာ စစ်တွေမြို့ပေါ်သို့ပြောင်းရွှေ့ခိုင်းထားခြင်းကြောင့် လူသားဒိုင်းလုပ်မည်ကိုလည်း အရပ်သားပြည်သူများမှာ စိုးရိမ်နေကြသည်။

"တိုက်ပွဲမဖြစ်သေးတာကို စစ်တပ်က လက်နက်ကြီးတွေနဲ့ တောက်လျှောက်လှည့်ပစ်နေတယ်။ ပစ်တာက သုံး၊ လေးရက်လောက်ရှိပြီ ။ စစ်တွေမြို့ပေါ်ကနေ တခြားနေရာတွေကို ပစ်တာ။ ညဆိုပစ်ပြီ၊ နားတွေဆူတာ နေ့လယ်ကနေ ညအထိပစ်တယ်။ နှစ်နာရီခြား သုံးနာရီခြား တခါပစ်တယ်"ဟုစစ်တွေမြို့ဒေသခံက ပြောသည်။

မောင်တော နခခ-၅ ကျပြီး နောက်ပိုင်းစစ်တွေတွင် စစ်ကောင်စီ အကြီးအကဲပိုင်းများ မြို့ပေါ်ရပ်ကွက်တိုင်း ဘုန်းကြီးကျောင်း၊ ကယ်ဆယ်ရေးစခန်းများပါမကျန် အိမ်စေ့ဝင်ရောက်စစ်ဆေးမှုများကို လက်ရှိအချိန်ထိ ခပ်စိပ်စိပ်ပြုလုပ်နေသည်။

စစ်ကောင်စီသည် စစ်တွေမြို့တွင် ဒေသကွပ်ကဲမှုစစ်ဌာနချုပ်နှင့် တပ်ရင်းတပ်ဖွဲ့ (၂၀)ခုအထိုင်ချထားပြီး စစ်ကူအင်အားများလည်းတိုးချဲ့ထားသည်။

တိုင်းစစ်ဌာနချုပ်အပါအဝင် မြို့ ၁၄ မြို့ကိုသိမ်းထားနိုင်သည့် အာရက္ခတပ်တော်(AA) အနေဖြင့် လက်ရှိတွင်ဂွမြို့ရှိ ခမရ(၅၆၃)ကိုထိုးစစ်အရှိန်မြင့်တင်ထားခြင်းကြောင့်တိုက်ပွဲများပြင်းထန်နေသည်။

ပုံအညွှန်း-မေယုကမ်းရှိစစ်ရေယာဥ်တစီး(ဓါတ်ပုံ-စစ်ကောင်စီ)

Myeikwa
21/12/2024

20/12/2024

အနောက်ပိုင်းတိုင်းစစ်ဌာနချုပ်ကို AA က သိမ်းပိုက်ပြီးနောက် ဖမ်းဆီးရရှိသော ဒုတိုင်းမှူး ဗိုလ်မှူးချုပ်သောင်းထွန်း၊ ဗိုလ်မှူးချုပ် ကျော်ကျော်သန်း တို့၏ ဓာတ်ပုံများ AA က ထုတ်ပြန်

ရခိုင်ပြည်၊ အမ်းမြို့ရှိ အနောက်ပိုင်းတိုင်းစစ်ဌာနချုပ်ကို AA က သိမ်းပိုက်ပြီးနောက် ဖမ်းဆီးရရှိသော ဒုတိုင်းမှူး ဗိုလ်မှူးချုပ်သောင်းထွန်း၊ ဗိုလ်မှူးချုပ် ကျော်ကျော်သန်း တို့၏ ဓာတ်ပုံများကို AA က ယနေ့ ထုတ်ပြန်လိုက်သည်။

အာရက္ခဒေသ အမ်းမြိုနယ်၊ အနောက်ပိုင်းတိုင်းစစ်ဌာနချုပ်၏ နောက်ဆုံးတစ်ခုတည်းသာ ကျန်ရှိတော့သည့် နပခ ဌာနချုပ် တိုင်းစစ်ရုံးအတွင်းမှ လက်ကျန်နေရာအားလုံး ဒီဇင်ဘာလ ၂၀ ရက်နေ့၊ မွန်းလွဲ ၁ နာရီ ၄၀ မိနစ်အချိန် AA က အပြီးသတ်သိမ်းပိုက်နိုင်ခဲ့ကြောင်း၊ ထိုကြောင့် အမ်းမြိုနယ်တစ်ခုလုံးကို ယနေ့တွင် အလုံးစုံ သိမ်းပိုက်ထိန်းချုပ်နိုင်ခဲ့ပြီ ဖြစ်သောကြောင့် အမ်းမြို့သည် အာရက္ခပြည်သူ့တော်လှန်ရေးအစိုးရမှ အပြည့်အဝ အလုံးစုံထိန်းချုပ်ထားနိုင်သော (၁၄) မြိုမြောက် မြိုဖြစ်လာခဲ့ပြီဖြစ်ကြောင်း သိရှိရသည်။

ယခင်သိမ်းပိုက်ထားသော ၁၃ မြို့မှာ ပလက်ဝမြို့ ၊ ပေါက်တောမြို့ ၊ မင်းပြားမြို့ ၊ မြောက်ဦးမြို့ ၊ ကျောက်တော်မြို့ ၊ မြေပုံမြို့ ၊ ပုဏ္ဏားကျွန်းမြို့ ၊ ရမ်းဗြဲမြို့ ၊ ရသေ့တောင်မြို့ ၊ ဘူးသီးတောင်မြို့ ၊ သံတွဲမြို့ ၊ တောင်ကုတ်မြို့ နှင့် မောင်တောမြို့တို့ ဖြစ်ကြောင်း သိရှိရသည်။

Myeikwa
21 /12 /2024

20/12/2024

“အမ်း နပခ ဌာနချုပ် တခုလုံးကို ထိန်းချုပ်လိုက်ပြီ၊ ဒုတိုင်းမှူးသောင်းထွန်းကိုလည်း လက်ရဖမ်းဆီးမိခဲ့တယ်၊ တခြား နပခထဲမှာကျန်နေသေးတဲ့ စစ်ကောင်စီတပ်သားတွေရော အကုန်လုံးကို ဖမ်းမိခဲ့ပြီ။”

အပြည့်အစုံကို ကွန်းမန့်တွင် ဆက်လက်ဖတ်ရှုနိုင်ပါတယ်။

#ရခိုင် #အမ်း #နပခ #စစ်ကောင်စီတပ်

20/12/2024

ဂွတစ်မြို့လုံးက ဌာနဆိုင်ရာ ရုံးအားလုံး နဲ့ အတူ ခမရ ၅၆၃ ကို AA သိမ်းပိုက်
စစ်ကောင်စီ ၄၀ လက်ရဖမ်းဆီး

ရခိုင်ပြည် ဂွမြို့ ပေါ်မှာရှိတဲ့ ဌာနဆိုင်ရာ ရုံးတွေ နဲ့ အတူ အဓိက ထိုးစစ်ဆင်နေတဲ့ ခမရ ၅၆၃ ကို အာရက္ခတပ်တော်က သိမ်းပိုက်လိုက်ပြီဖြစ်တယ်လို့ သတင်းရရှိပါတယ်။

ဒီကနေ့ ဒီဇင်ဘာ ၂၀ ရက်မနက်ပိုင်းမှာ ခမရ ၅၃၆ အတွင်းက ခုခံနေတဲ့
ဂွမြို့ပေါ်မှာရှိတဲ့ ထွေအုပ်ရုံးအပါအဝင် ၊ မီးသတ် ၊ ရဲစခန်း ၊ လဝကစတဲ့ ဌာနဆိုင်ရာ ရုံးအားလုံးကို ထိန်းချုပ်လိုက်ပြီး တပ်ရင်းအတွင်းက ခုခံနေတဲ့ စစ်သုံ့ပန်း ၄၀ ကျော်ကိုလည်း လက်ရဖမ်းဆီးခဲ့တယ်လို့ စစ်ရေးသတင်းရင်းမြစ်က ပြောပါတယ်။

"စစ်ကောင်စီ တပ်သား ၄၀ ကျော်ဖမ်းမိထားတယ်၊ တချို့ကျန်တဲ့ လူတွေက ၅၆၂ မှာ ပူးပေါင်းသွားတယ်" လို့ စစ်ရေးသတင်းရင်းမြစ်က ပြောပါတယ်။

ခမရ ၅၆၃ ဟာ သံတွဲ-ဂွကားလိုင်းပေါ်မှာ ရှိပြီး စစ်အင်အား အများအပြားကို စုဝေးထားတဲ့နေရာလည်းဖြစ်ပါတယ်။

ခမရ ၅၆၃ နဲ့ မနီးမဝေးမှာ ခမရ ၅၆၂ တပ် က ဆက်လက်ခုခံနေဆဲ ဖြစ်တယ်လို့ သိရပါတယ်။

ဂွမြို့မ ရဲစခန်းကို ဒီဇင်ဘာ ၁၉ ရက်မှာ AA က သိမ်းပိုက်ခဲ့ပြီး ဖြစ်ပါတယ်။

ဂွမြို့ ခမရ ၅၆၃ ကို သိမ်းပိုက်ပြီးနောက်မှာ ဂျက်ဖိုက်တာ တွေ နဲ့ မြို့ပေါ်ကို ဗုံးကြဲတိုက်ခိုက်နေတယ်လို့ဆိုပါတယ်။

ဂွမြို့ဟာရခိုင်ပြည် တောင်ဘက် အစွန်ဆုံးက ပြည်နယ်ထွက်ပေါက်မြို့ဖြစ်ပြီး ဧရာဝတီ တိုင်းနဲ့ နယ်မြေချင်းထိစပ်နေပါတယ်။

အာရက္ခတပ်တော်ဟာ ဂွမြို့ကို စစ်ကောင်စီ စစ်ကူ ထပ်မရောက်စေရေးအတွက် ဂွရိုးပေါ်မှာ ရှိတဲ့ ဗေဒါစစ်ဆေးရေးဂိတ်ကိုလည်း ထိုးစစ်ဆင် သိမ်းပိုက်ပြီးဖြစ်တယ်လို့ သိရပါတယ်။

Myeikwa
20 /12/2024

20/12/2024

ဗိုလ်ကြီးကြာလှအောင် ခေတ် က စစ်တွေ၊ ကျောက် ဖြူ နဲ့ သံတွဲ မြို့သိမ်း တိုက် ပွဲ များ နဲ့ မျက် မှောက် ခေတ် AA အတွက် နမူနာ
--------------------------------

၁၉၄၄ ခုနှင် တွင် ဗိုလ်ကြီးကြာလှအောင်ခေါင်းဆောင်တဲ့ ဒီ (Arakan Defence Army-ADA) ADA တပ်ဟာ စစ် တွေ၊ ကျောက် ဖြူ နဲ့ သံတွဲ မြို့သိမ်း တိုက် ပွဲ များ ဆင် နွှဲ ခဲ့ ကြတယ်။ ထို ကာလ ဟာ ရခိုင် ကို ဂျပန် အုပ် ချုပ် တဲ့ ကာလပင် ဖြစ် တယ်။ ဗိုလ်ကြီးကြာလှအောင်ခေါင်းဆောင်တဲ့ ဒီ (Arakan Defence Army-ADA) ADA တပ် က
BIA တပ်မှူး ဗိုလ်ရန်အောင် ဦးစီး ပြီး ဖွဲ့ စည်း ပေး ခဲ့၊ သင် တန်း ပေး ခဲ့ တဲ့ ရခိုင့်ကာကွယ်ရေးတပ်မတော် (Arakan Defence Army-ADA) မဟုတ် ပါ။ ဗိုလ်ကြီးကြာလှအောင်ခေါင်းဆောင်တဲ့ ဒီ (Arakan Defence Army-ADA) ADA တပ် ကို သူ ကိုယ် တိုင် ဦး ဆောင် ဖွဲ့ စည်း ပြီး
စစ် တွေ၊ ကျောက် ဖြူ နဲ့ သံတွဲ မြို့သိမ်း တိုက် ပွဲ များ ကို ဆင် နွဲ ကာ အောင် ပွဲ ရခဲ့ပါတယ်။

၁၉၄၄ ခုနှစ်၊ ဒီဇင်ဘာလထဲမှာဂျပန်ကိုဆန့်ကျင်တဲ့လက်တွေ့တိုက်ပွဲကတော့ ရခိုင်တိုင်းမှာစတင်ပေါ်ပေါက် လာခဲ့ပါတယ်။
၁၉၄၄ အကုန်မှာစစ်တွေခရိုင်မေယု၊ ကုလားတန်မြစ်ဖျားအနီးမှာရှိတဲ့ ဂျပန်တွေကိုစတင်ထိုးစစ်ဆင် ပါတယ်။ မဟာမိတ်တွေဖြတ် ကျော်မကူးနိုင်မီဗိုလ်ကြာလှအောင် ခေါင်းဆောင်တဲ့ ရခိုင် ကာကွယ်ရေးတပ်တွေကဂျပန် တွေကိုတိုက်ပါတယ်။
ဗိုလ်ကြီးကြာလှအောင်ခေါင်းဆောင်တဲ့ ဒီ (Arakan Defence Army-ADA) ADA တပ်ဟာ ဗမာ့တပ်မတော်နဲ့ ပတ် သက်မှုမရှိခဲ့ဘဲ ၁၉၄၄ နိုဝင်ဘာမှာ အိန္ဒိယနိုင်ငံ ဗြိတိသျှတပ်မတော် ၁၃၆ တပ်ဖွဲ့ကလွှတ်လိုက်တဲ့ ရခိုင် လူမျိုးကျောင်းသားသမဂ္ဂခေါင်းဆောင်ဟောင်း ကိုညိုထွန်းနဲ့ ပူးပေါင်းပြီး ဂျပန်တော်လှန်ရေးလုပ်ခဲ့တယ်။ ၁၉၄၄ ဒီဇင်ဘာ ၃၁ ရက်မှာ စစ်တွေကိုသိမ်းခဲ့ပြီး မဟာမိတ်တပ်တွေက ၁၉၄၅ ဇန်နဝါရီ ၃ ရက်ကျမှ စစ်တွေကို ဝင်လာတယ်။

ဒီ သမိုင်း မှတ် တမ်း ကို ထောက် ဆ ကြည့် သော အား ဖြင့် ၁၉၄၄ ဒီဇင်ဘာ ၃၁ ရက်မှာ စစ်တွေကိုသိမ်းခဲ့ပြီး ၊ ၄င်း ကာလ အပိုင်း အ ခြား တခု တွင် ပင် ကျောက် ဖြူ နဲ့ သံတွဲ တို့ အား လည်း သိမ်း ပိုက် နိုင် ခဲ့တယ်။ ကျောက် ဖြူ နဲ့ သံတွဲ တို့ကို သိမ်း ပိုက် ခဲ့ တဲ့ အ ကြောင်း အရာ ကို တော့ ဗိုလ်ကြီးကြာလှအောင် ရဲ့ တပ် ထဲ မှ ထွက် လာ ခဲ့ သူ ဦး ရွှေ လူး အောင် ရဲ့ ပြော ကြား ချက် မှာ နား ထောင် ဖူး ပါတယ်။ စစ် တွေ၊ ကျောက် ဖြူ နဲ့ သံတွဲ မြို့သိမ်း တိုက် ပွဲ များ ကို အဲဒီ ခေတ် ကာလ တုန်း က ဘယ် လို စစ် ရေး ဗျူ ဟာ များ ဖြင့် တိုက် ခိုက် ခဲ့သလဲ ဆို တာ ကို အ သေးစိပ် မသိ ရှိ ခဲ့ရ ပါ။ သူ့ ခေတ် သူ့ ကာလ စစ် ရေး ဗျူဟာ တစ် မျိုး မျိုး ဖြင့် တိုက် ခိုက် ပြီး စစ် တွေ၊ ကျောက် ဖြူ နဲ့ သံတွဲ မြို့ များ ကို သိမ်း ပိုက် နိုင် ခဲ့ တဲ့ မှတ် တမ်း ကို ဖတ် ရှု ရ ပါတယ်။ ဦး ရွှေ လူး အောင် ရဲ့ ပြော ကြား ချက် အရ စစ် တွေ၊ ကျောက် ဖြူ နဲ့ သံတွဲ မြို့ များ ကို သိမ်း ပိုက် နိုင် ခဲ့ ပေ မယ့် စစ် ရေး၊ လူအင် အား လက် နက် အင် အား အားနည်း ချက် တွေ ကြောင့် ဗျူဟာ မြောက် စွာ ဖြင့် တာရှည် ထိန်း သိမ်း မထား နိုင် ခဲ့ဘူး လို့ သူ က ဆို ပြန် တယ်။ သူ က တော့ စစ် ရေး ဗျူဟာ အားလုံး ကို အ သေးစိပ် မ ပြော ပြ ခဲ့ပါ။

ဆိုတော့ အထက် ပါ သမိုင်း များ ကို ထောက် ဆ လျက် မျက် မှောက် ခေတ် တွင် AA ရဲ့ ထိုး စစ် လက် ကျန် သုံး မြို့ ဖြစ် တဲ့ စစ် တွေ ၊ ကျောက် ဖြူ နဲ့ မာန် အောင် မြို့ များ ကို ဘယ် လို စစ် ရေး ဗျူဟာ များ ဖြင့် ချဉ်း ကပ် ပြီး တိုက် ခိုက် မလဲ ဆိုတာ စိတ် ဝင် စား စရာ ပါ။ ဗိုလ်ကြီးကြာလှအောင် တို့ ဂျပန် တော် လှန် ရေး ခေတ် ရေစီး ကြောင်း နဲ့ AA ရဲ့ လက် ရှိ အာရက္ခ ပြည် ထိုး စစ် ကြီး ခေတ် ရေစီး ကြောင်း က များ စွာ ကွဲ ပြား နေ လိမ့် မယ် မှာ အ သေအချာ ပင် ဖြစ် တယ်။ ဗိုလ်ကြီးကြာလှအောင်ခေါင်းဆောင်တဲ့ ဒီ (Arakan Defence Army-ADA) တပ် က စစ် တွေ၊ ကျောက် ဖြူ နဲ့ သံတွဲ မြို့ များ ကို အလုံးစုံ သိမ်း ပိုက် နိုင် ခဲ့ ပေ မယ့် လူသူ လက် နက် အင် အား နည်း ပါး မှု များ ကြောင့် ရေရှည် ထိန်း မထား နိုင် ခဲ့ပါ။ သို့ ပေ မယ့် AA ရဲ့ ခေတ် သစ် တော် လှန် ရေး လက် ထွက် တွင် ၄င်း အ ခြေ အ နေ များ အားလုံး ပြောင်း ပြန် ဖြစ် နေ ပါ ပြီ။ ဗိုလ်ကြီးကြာလှအောင် တို့ လက် ထက် မှာ တောင် မှ စစ် တွေ နဲ့ ကျောက် ဖြူ မြို့ များ ကို သိမ်း ပိုက် ထား နိုင် ခဲ့ ရင် AA လက် ထက် မှာ ဒီ လောက် လူသူ လက် နက် အင် အား ပြည့် စုံ ပါလျက် ဖြင့် စစ် တွေ နဲ့ ကျောက် မြို့ များ ကို မသိမ်း ပိုက် နိုင် စရာ အ ကြောင်း လုံးဝ မရှိ ပါ။ သို့ သော် လည်း ပဲ လက် ရှိ စစ် တွေ နဲ့ ကျောက် ဖြူ မြို့ များ တွင် အိန္ဒိယ နဲ့ တရုတ် တို့ ရဲ့ အကျိုး စီး ပွား ရင်း နှီး မြှပ် နှံ ထား မှု များ က AA ကို စစ် ရေး အတား အဆီး ဖြစ် စေ နိုင် မလား။ ဒါ မှ မဟုတ် ကန့် သတ် စစ် မဲ့ ဇုန် ၊ အပစ် အခတ် ရပ် စဲ ရေး ဇုန် အ ဖြစ် ၄င်း နိုင် ငံ ကြီး နှစ် နိုင် ငံ က AA ကို တားဆီး ကာ ဖိအား ပေး လာ မလား ဆိုတာ က လည်း စိတ် ဝင် စား စရာ တခု အ ဖြစ် မတင် မကျ လိပ် ခဲတည်း လဲ ဖြစ် စေ မယ့် သ ဘော ဆောင် နေ ပါ တယ်။ ဘယ် လို ပဲ ဖြစ် ဖြစ် ဗိုလ်ကြီးကြာလှအောင် တို့ ခေတ် က တောင် မှ ၄င်း စစ် တွေ နဲ့ ကျောက် ဖြူ မြို့ များ ကို သိမ်း ပိုက် နိုင် ခဲ့ ရင် AA လက် ထက် မှာ လည်း စွန့် စား ပြီး မသိမ်း ပိုက် နိုင် စရာ အ ကြောင်း မရှိ ပါ။ လက် ရှိ အမ်း မြို့ ထိုး စစ် ဟာ အလုံးစုံ မ ပြီး ပြတ် သေး သလို ၊ ရခိုင် ဂွင် တွင် အဓိက စစ် ရေး အရ မဟာဗျူဟာ ကျကျ မြို့ ဟာ အမ်း မြို့ ပင် ဖြစ် တယ်။ စစ် တွေ နဲ့ ကျောက် ဖြူ မြို့ များ က စစ် ရေး ထက် နိုင် ငံရေး ယန္တရား လည် ပတ် စီးဆင်း ရာ အုပ် ချုပ် ရေး မြို့ များ သာ ဖြစ် တယ်။ ဒါ ကြောင့် AA က စစ် တွေ နဲ့ ကျောက် ဖြူ မြို့ များ ကို ဘယ် နေ့ ဘယ် အချိန် ကာလ မှာ ထိုး စစ် သံ ထွက် ပေါ် လာ မလဲဆိုတာ ကို နား သောတ ဆင် ရင်း ၊ ဗိုလ်ကြီးကြာလှအောင် ခေတ် က စစ် တွေ၊ ကျောက် ဖြူ မြို့ သိမ်း တိုက် ပွဲ များ နောက် ကြောင်း ကို စား မြုံ့ ပြန် ကာ စစ် ရေး အာဟာရ သိဒ္ဓိ တင် လျက် ဗီတာမင် ဓာတ် စာ အ ဖြစ် ဖော် စပ် တင် ပြ လိုက် ပါတယ်။

Myeikwa
21.12.2024