18/03/2026
"မြေအောက် ပေ ၅၀၀ အနက်က အီရန်ရဲ့ လျှို့ဝှက်မြို့တော် - Mizar City"
ဒီနေရာဟာ အီရန်နိုင်ငံက သူတို့ရဲ့ လက်နက်တွေကို ဖျက်ဆီးမှုကနေ ကာကွယ်ပြီး သိမ်းဆည်းထားရန်အတွက် တည်ဆောက်ထားတဲ့ ကျယ်ပြန့်လှတဲ့ မြေအောက် ဘန်ကာကွန်ယက်ကြီးတစ်ခု ဖြစ်ပါတယ်။
ဒီဘန်ကာတွေကို ဆောက်လုပ်ဖို့ နှစ်ပေါင်းများစွာ ကြာမြင့်ခဲ့ပြီး တောင်တန်းများအောက်တွင် အလွန်နက်ရှိုင်းတဲ့ tunnel network များအဖြစ် တည်ဆောက်ထားပါတယ်။ သို့သော် ယခုအချိန်တွင် ဒီတည်ဆောက်မှုဟာ အီရန်အစိုးရအတွက် မမျှော်လင့်ထားတဲ့ အားနည်းချက်တစ်ခု ဖြစ်လာနိုင်တယ်လို့ ခန့်မှန်းချက်များ ထွက်ပေါ်နေပါတယ်။
အမေရိကန်နှင့် အစ္စရေးတို့၏ စစ်လေယာဉ်များနှင့် လက်နက်တပ်ထားသော ဒရုန်းများက ဒီမြေအောက်စခန်းများ၏ ဝင်ပေါက်များကို အမြဲတမ်း စောင့်ကြည့်နေကြပြီး မစ္စိုင်ပစ်ခတ်ရန် launcher များ အပြင်ထွက်လာသည့်အချိန်တိုင်း တိုက်ခိုက်နေကြသည်ဟု ဆိုကြသည်။
ထို့အပြင် ဗုံးကြဲလေယာဉ်အုပ်စုများကလည်း စခန်းဝင်ပေါက်များကို အကြိမ်ကြိမ် ဗုံးကြဲတိုက်ခိုက်ခဲ့ကြပြီး အချို့နေရာများတွင် ဝင်ပေါက်များ ပြိုကျသွားခြင်းကြောင့် လက်နက်များ မြေအောက်ထဲတွင် ပိတ်မိနေပြီး အသုံးမပြုနိုင်တော့သော အခြေအနေများ ဖြစ်ပေါ်နေသည်ဟု သုံးသပ်သူများက ပြောကြသည်။
Satellite ပုံများအရ အီရန်နိုင်ငံ မြောက်အနောက်ဘက်တွင်ရှိသော Tabriz မစ္စိုင်စခန်းတွင် tunnel ဝင်ပေါက်များ အကြိမ်ကြိမ် တိုက်ခိုက်ခံရပြီးနောက် ပြိုကျသွားသည့် အထင်အရှားများ တွေ့ရှိရသည်။
ထို့အပြင် U.S. Central Command ကလည်း စစ်ပွဲအစပိုင်းရက်များနှင့် နှိုင်းယှဉ်ပါက အီရန်ဘက်မှ ပြန်လည်ပစ်ခတ်မှု သိသိသာသာ လျော့နည်းလာကြောင်း ထုတ်ပြန်ထားသည်။
“Mizar City” ဟုခေါ်သော မြေအောက်စနစ်များကို အများအားဖြင့် Islamic Revolutionary Guard Corps (IRGC) က ထိန်းချုပ်ပြီး မစ္စိုင်များကို လုံခြုံစွာ သိမ်းဆည်းရန်နှင့် လေကြောင်းတိုက်ခိုက်မှုများမှ ကာကွယ်ရန်အတွက် တည်ဆောက်ထားခြင်း ဖြစ်သည်။
ဒီလို “Missile City” များတွင် မစ္စိုင်သိုလှောင်ခန်းများ၊ transporter-erector-launcher (TEL) ယာဉ်များ၊ လောင်စာသိုလှောင်နေရာများ၊ command & control အခန်းများ၊ လေဝင်လေထွက်စနစ်များနှင့် ဝင်ပေါက်များစွာ ပါဝင်တတ်သည်။
စစ်ရေးဗျူဟာအရ မြေအောက်ဘန်ကာများကို တိုက်ခိုက်ရာတွင် အတွင်းပိုင်းကို တိုက်ခိုက်ရန် ခက်ခဲသောကြောင့် ဝင်ပေါက်များကို ပစ်မှတ်ထားတတ်ကြသည်။ ဝင်ပေါက်များ ပြိုကျသွားပါက မစ္စိုင် launcher များ အပြင်ထွက်မရတော့ဘဲ လက်နက်များ မြေအောက်ထဲတွင် ပိတ်မိနေတတ်သည်။ ဒီနည်းဗျူဟာကို စစ်ရေးတွင် “deny access” tactic ဟု ခေါ်ကြသည်။
#အီရန်မြေအောက်ဘန်ကာ
#လျှို့ဝှက်မြို့တော်
#ဗဟုသုတ
#စစ်ရေးသတင်း
#ကမ္ဘာ့ထူးဆန်းဖွယ်ရာများ
