22/01/2024
အိမ်ကွင်းမှာ ဝါဒါဘရီမင်ကို ရှုံးနိမ့်တာ ထိုက်တန်ပါတယ်လို့ ဝန်ခံခဲ့တဲ့ တူဟယ်လ်
~~~~~~~~~~~~~~~~~~~~~~~~~~~~~~~~~
ဂျာမန်ဘွန်ဒက်လီဂါ ထိပ်သီးအသင်း ဘိုင်ယန်မြူးနစ်ရဲ့ နည်းပြချုပ်ဖြစ်သူ သောမတ် တူဟယ်လ် က မနေ့ညက ယှဉ်ပြိုင်ကစားခဲ့တဲ့ ဘိုင်ယန်မြူးနစ် 0 - 1 ဝါဒါဘရီမင် ပွဲစဉ်အပြီးမှာ သူတို့အသင်းရဲ့ ခြေစွမ်းပိုင်းဟာ အတော်လေးဆိုးရွာခဲ့တာကြောင့် ရှုံးပွဲနဲ့ ထိုက်တန်တယ်လို့ ဝန်ခံသွားခဲ့ပါတယ်။
တူဟယ်လ် က "ကျနော်တို့ ကောင်းကောင်းလေ့ကျင့်ခဲ့ပါတယ်လို့ မပြောချင်ပါဘူး၊ ဘာကြောင့်ဆိုတော့ လူတွေက ကျနော်တို့ကို မယုံတော့လို့လေ၊ ကျနော်တို့က ကစားသမားတွေကို ဘယ်လိုဖြစ်သွားလဲလို့ မေးဖို့လိုနေပါပြီ။ ကျနော်တို့ ဘိုင်ယန်မြူးနစ်အသင်း အဆင့်အတန်းနဲ့ မကိုက်ညီတဲ့ ကစားပုံမျိုးနဲ့ ကစားခဲ့ကြတယ်၊ ဒါကြောင့် ဒီပွဲက ထိုက်တန်တဲ့ ရှုံးပွဲပါ" လို့ ထုတ်ဖော်ပြောကြားသွားခဲ့တာပါ။
အဆိုပါ ရှုံးပွဲကြောင့် ဘိုင်ယန်မြူးနစ်က ပွဲကျန် 1 ပွဲသာ ကစားဖို့ ကျန်နေချိန်မှာ အမှတ်ပေးဇယား ဦးဆောင်သူ လေဗာကူဆင်နဲ့ 7မှတ်ထိ ပြတ်သွားခဲ့ပြီပဲ ဖြစ်ပါတယ်။
