Mandalay Update News

10/08/2025

မုံရွာ-အရာတော်လမ်းပေါ် စစ်ကြောင်းထိုးတဲ့ စစ်အုပ်စုက ခရီးသွားပြည်သူ ၁၈ ဦး ဖမ်းဆီး၊

10/08/2025

စစ်ကိုင်းနယ် ငလျင်ဘေးသင့် ရွာတွေကို စစ်အုပ်စု သုံးရက်ဆက် မီးရှို့လို့ အိမ်ခြေ ရာနဲ့ချီ ပျက်စီး၊

27/04/2025

Mdy ငလျင် 4.0
အားပြင်း တစ်ချက်လှုပ်
27.4.25
10:25pm

13/04/2024

11/04/2024

တောင်ငူမြို့ ၁၆ ရပ်ကွက်တွင် စစ်မှုထမ်းရန် စေလွှတ်ခံရသည့် အသက် ၂၅ နှစ်အရွယ် ကိုအေးချမ်း ကြိုးဆွဲချသေဆုံး၊ အသက် ၄ နှစ်အောက် ကလေးငယ် ၂ ဦး ကျန်ရစ်ခဲ့

14/02/2024

တမူးတွင် စစ်ကူလာသည့်ထောက်ပို့ယာဉ်ကို တိုက်ခိုက်ပြီး လက်နက်ခဲယမ်းများရရှိ
********************

စစ်ကိုင်းတိုင်း၊ တမူးမြို့နယ်တွင် တိုက်ခိုက်ခံရသောကြောင့် ဆုတ်ခွာနေရသည့် စစ်ကောင်စီတပ်ဖွဲ့ဝင်များကို စစ်ကူနှင့်လက်နက်ခဲယမ်းထောက်ပို့လာသည့် မော်တော်ယာဉ်တစ်စီးကို ယမန်နေ့ (ဖေဖော်ဝါရီ ၁၃) တွင် ကြား ဖြတ်တိုက်ခိုက်နိုင်ခဲ့ကြောင်း အမျိုးသားညီညွတ်ရေးအစိုးရ (NUG) ကာကွယ်ရေးဝန်ကြီးဌာနထံမှ သိရသည်။

တမူးမြို့မြောက်ဘက် မိုင် ၄၀ ကျော်အကွာ အောင်ဇေယျရွာရှိ စစ်တပ်စခန်းကို ဒေသကာကွယ်ရေးအဖွဲ့များက ဖေဖော်ဝါရီ ၁၁ တွင် တိုက်ခိုက်သိမ်းပိုက်လိုက်သဖြင့် ထိုစခန်းမှ စစ်ကောင်စီတပ်ဖွဲ့ဝင်များ ဆုတ်ခွာပြေးခဲ့ရပြီး နယ်မြေကပ်လျက် ဟုမ္မလင်းမှတဆင့် မော်တော်ယာဉ်တစ်စီးဖြင့် လူ၊ လက်နက်ခဲယမ်းများ ထောက်ပို့ခဲ့သည်။

အဆိုပါယာဉ်ကို တော်လှန်ရေးအင်အားစုများက ယမန်နေ့တွင် ကြားဖြတ်တိုက်ခိုက်ခဲ့ခြင်းဖြစ်သည်။

အဆိုပါ တိုက်ခိုက်မှုတွင် စစ်ကောင်စီတပ်ဖွဲ့ဝင် ၄ ဦးသေဆုံးပြီး စက်သေနတ် ၃ လက်၊ လက်နက်ငယ် ၇ လက်၊ ပစ္စတို ၂ လက်နှင့် ခဲယမ်းများ ရရှိခဲ့ကြောင်း NUG ကာကွယ်ရေးဝန်ကြီးဌာနက ဓာတ်ပုံများနှင့်တကွ ယနေ့ ထုတ် ပြန်သည်။

လေကြောင်းဖြင့် အကြိမ်များစွာ ပစ်ခတ်တိုက်ခိုက်သည့်ကြားမှ တော်လှန်ရေးအင်အားစုများက စခန်းသိမ်းနိုင် ခဲ့ခြင်းဖြစ်သည်။

“သူတို့ဘက်က တုံ့ပြန်မှုကတော့ ပြင်းထန်တယ်။ ဟယ်လီကော်ပတာတွေနဲ့လည်းလာတယ်။ ဂျက်ဖိုက်တာတွေနဲ့ လည်းလာတယ်။ အကြိမ်ကြိမ် တိုက်ခိုက်သွားတာပဲ”ဟု တော်လှန်ရေးအဖွဲ့များနှင့်နီးစပ်သည့် တမူးဒေသခံ အမျိုးသားတစ်ဦးက ပြောသည်။

စစ်ကောင်စီတပ်ဖွဲ့ဝင်များဆုတ်ခွာရသည့် အောင်ဇေယျရွာ စစ်တပ်စခန်းကို ဒုတိယအကြိမ် တိုက်ခိုက်သိမ်းပိုက် ခဲ့ခြင်းဖြစ်ပြီး ၂၀၂၃ ဒီဇင်ဘာ ၁၀ ရက်က ပထမအကြိမ် တိုက်ခိုက်သိမ်းပိုက်ခဲ့ကာ ရက်ပိုင်းအတွင်း စစ်တပ်က စစ်ကြောင်းထိုးလာသဖြင့် လက်လွှတ်ခဲ့ရသည်။

ထိုစဉ်က စခန်းသိမ်းတိုက်ပွဲအတွင်း စစ်ကောင်စီတပ်ဖွဲ့ဝင် ၆ ဦးသေဆုံးပြီး ကျန်ရှိသည့် စစ်ကောင်စီတပ်ဖွဲ့ဝင် များမှာ စခန်းစွန့်ခွာထွက်ပြေးသွားကြောင်း သိရသည်။

တမူးမြို့မြောက်ဘက် အစွန်တွင်ရှိသည့် အောင်ဇေယျရွာသည် ဟုမ္မလင်းနှင့်နယ်နိမိတ်ချင်း နီးကပ်ပြီး ထိုနေရာ ကို ထိန်းချုပ်နိုင်ပါက လမ်းပန်းဆက်သွယ်ရေးပိုမိုလွယ်ကူသွားမည်ဖြစ်သည့်အတွက် ထိုနေရာကို ထိန်းချုပ်နိုင် ရေးနှစ်ဘက်လုံး ကြိုးပမ်းနေခြင်းဖြစ်ကြောင်း‌ ဒေသခံများက သုံးသပ်သည်။

11/02/2024

ပြည်ထောင်စုနေ့ အကြိုအခန်းအနားအဖြစ် စစ်ကောင်စီက လွှတ်တင်တဲ့ မီးပုံးပျံ မီးလောင်ပျက်ကျ၊ တက္ကသိုလ် အရှေ့ဘက် တောင်ကုန်းနေရာအများအပြား မီးလောင်ကျွမ်း

ဖေဖော်ဝါရီ ၁၁ ရက်

ရှမ်းပြည်နယ်ရဲ့ မြို့တော်၊ တောင်ကြီးမြို့၊ ကျောင်းကြီး ကျောက်တစ်လုံး လမ်းမကြီး၊ အဝေရာမီးပုံးပျံကွင်းပျံကွင်းမှာ ပြည်ထောင်စုနေ့ အကြိုအခန်းအနားအဖြစ် ဒီနေ့ (ဖေဖော်ဝါရီ ၁၁)ည ၆ နာရီကစပြီး ကျင်းပနေတယ်လို့ ရပ်ကွက်နေ ပြည်သူတွေက ပြောပါတယ်။

တေးဂီတအစီအစဉ်တွေ အပါအဝင် မီးပုံးပျံလွှတ်တင်ပြီး အခန်းအနား ဖွင့်လှစ်ခဲ့ရာ မီးပုံးပျံအားလုံး မီးလောင်ပြာကျ ပျက်စီးသွားတယ်လို့ ဆိုပါတယ်။

မီးပုံးပျံကွင်းအနီး နေထိုင်သူ တစ်ဦးက “ရှေ့ဘက် တောင်တစ်ခုလုံး မီးလောင်နေတာ။ စစ်ဖြစ်နေတဲ့ အတိုင်းပဲ။ ဒါမျိုး ရုပ်ရှင်ထဲပဲ မြင်ဖူးတာ။ ဒီကောင် (စစ်ကောင်စီ)တွေ ရှိတဲ့နေရာ ကံဆိုးခြင်းတွေ လာတာပဲ” လို့ ပြောပါတယ်။

မီးပုံးပျံ ကျရောက်တဲ့ တောင်ကြီးတက္ကသိုလ်အရှေ့ဘက် တောင်ကုန်း နေရာအများစု မီးလောင်ကျွမ်းနေပြီး မီးငြိမ်းသတ်ဖို့ မီးသတ်ကား ၅ စီး တောင်ပေါ်တက်သွားတယ်လို့ သူက ဆက်ပြောပါတယ်။

လတ်တလောထိခိုက်ပျက်စီးမှုကို စုံစမ်းနေဆဲ ဖြစ်ပြီး တောင်ကြီးတက္ကသိုလ် ဝန်ထမ်းဆောင်တချို့ ထိခိုက်နိုင်တယ်လို့ အဝေးက တွေ့မြင်သူတွေရဲ့ ပြောပြချက်အရ သိရပါတယ်။

06/02/2024

မန္တလေး မြို့ပြပြောက်ကျားတပ်ဖွဲ့ဝင်အချို့ ဖမ်းဆီးခံရ
------------
မန္တလေးမြို့မှ အမျိုးသမီး မြို့ပြပြောက်ကျား ၂ ဦးနှင့် အမျိုးသားတစ်ဦးတို့ကို ဖေဖော်ဝါရီလ ၄ ရက်တွင် စစ်ကောင်စီက ဖမ်းဆီးသွားသည်ဟု သိရသည်။

06/02/2024

မုံရွာမြို့အနီး ရွာမီးရှို့သည့်စစ်တပ်နှင့် PDF အဖွဲ့များ တိုက်ပွဲပြင်းထန်ခဲ့

06/02/2024

မင်းပြားမြို့အခြေစိုက် စစ်ကောင်စီတပ်စခန်းအားလုံး AA သိမ်းပိုက်

06/02/2024

ရွှေဘိုမြို့ ဇီးဖြူကုန်းရွာကို စစ်တပ်ဝင်စီး၊ အရပ်သား ၈ ဦးကို သတ်ဖြတ်

06/02/2024

ဒီးမော့ဆိုတွင် စာသင်ကျောင်းပေါ် ဗုံးကျပြီး ကလေး ၄ ဦးသေ၊ ၁၀ ဦး ဒဏ်ရာရ
-------------
လေတပ်၏ ဗုံးကြဲတိုက်ခိုက်မှုကြောင့် ကယားပြည်နယ်တွင် ကျောင်းတက်နေသည့် ကလေးများ သေဆုံး၊ ဒဏ်ရာရသွားသည်။ ဗုံးထိသည့်နေရာသည် တိုက်ပွဲနယ်မြေမဟုတ်ဟု သိရသည်။