https://www.facebook.com/themusesos?mibextid=JRoKGi

The MUSE school of strings, Mandalay (2026)

26/11/2025

နှလုံးေသွးများလည်း ရပ်တန့်သွားပါေစ

Love me like there's no Tomorrow

Freddie Mercury (Queen) ရဲ့ သီချင်းတစ်ပုဒ် ဖြစ်တဲ့ Love me like there's no tomorrow သီချင်းဟာ တီးရ ခက် ခြင်း ၊ ဆိုရခက်ခြင်း ၊ စာသားအရမ်းေကာင်းမွန်ခြင်း၊ ဖရက်ဒီရဲ့ လက်ဖျားခါေလာက်တဲ့ အသံအနေအထား စတာေတွနဲ့ နာမည်ကြီးပါတယ်။ အခုတော့ ဒီ သီချင်းရဲ့ တည်ေဆာက်ပုံ ထူးခြား မှုေတွကို ေလ့လာကြည့်မှာ ဖြစ်ပါတယ်။

ဒီသီချင်းကို 'နှလုံးေသွးများလည်း ရပ်တန့်သွားပါေစ' ဆိုပြီး ဂျက် မြသောင်း က မြန်မာလို ဆိုခဲ့ဖူးပါတယ်။

ဒီသီချင်းရဲ့ အရသာဟာ Pop-Ballad style ကို Classical harmony touch နည်းနည်းနဲ့ ေရာစပ်ထားပံုခံစားရပြီး Chord structure, modulation, phrasing တွေလည်း တော်တော်သန့်ပါတယ်။ အထူးသဖြင့် final chorus မှာ modulation သုံးပြီး vocal line ကို high note သုံးလိုက်တာဟာ ပရိတ်သတ်ကို အရှိန်အမြင့်ဆုံးအထိ ဆွဲေခါ်သွားနိုင်ပါတယ်။ Key change ေတွကြား ဖရက်ဒီရဲ့ အသံ တစ်ချက်ဝဲမသွားပုံ၊ ကီးချိန်းေကြာင့် လိုသေလာက်ပဲ အသံဝဲသုံးပုံေတွကလည်း တကယ်ေကြာက်စရာေကာင်းပါတယ်။

သီချင်းရဲ့ ဖွဲ့စည်းပုံ ကို ေပြာရာမှာေတာ့ chord progression နဲ့ Modulation ဆိုပြီး နှစ်ပိုင်းခွဲကြည့်ပါမယ်။ သီချင်းရဲ့ Form Structure ကတော့ ရိုးရှင်းပါတယ်။
Intro
Verse 1
Verse 2
Chorus
Interlude ( Bridge)
Verse 3
Chorus (last) – modulated up
Outro
ပုံစံပါ။
Storytelling အားေကာင်းတဲ့ သီချင်းေတွအတွက် အကောင်းဆုံး ပုံစံတစ်ခုပါပဲ။

Chord Progression ပိုင်းမှာေတာ့

Verse
vi ii V I
IV I V I
III vi I V
vii iii

Cho
I/iii IV ii V
I/iii IV ii ii/V
I

ဒီသီချင်းမှာ modulation ေတွ ခဏခဏ ေတွ့ရပါတယ်။ Verse ေတွမှာ Bb Key ရဲ့ relative minor ဖြစ်တဲ့ G minor Key ဖြစ်ပြီး Chorus မှာေတာ့ G Major Key ဖြစ်သွားပါတယ်။ Parallel Key ချိန်းတာပါ။ ( G minor ရဲ့ parallel key ဟာ G major ပါ)။ တခါ Verse 3 မှာ G minor Key ပြန်ဖြစ်သွားပြီး Chorus ေရာက်တဲ့အခါ G Major Key ထဲ ပြန်ေရာက်သွားပါတယ်။ တခါ Interlude ပြီးေတာ့ final chorus ကို ေရာက်တဲ့အခါ semi tone ( half step) တက်သွားပြီး G # Key ထဲ ေရာက်သွားပါတယ်။ အရမ်း လှ တဲ့ အတက်အကျများနဲ့ ေဝဝေဆာဆာ ဖွဲ့သီထားပါတယ်။

D major ရဲ့ relative minor ဖြစ်တဲ့ B minor Key ဆိုရင်တော့
Bm > B > Bm > B > C ပါ။

ြမန်မာ ဗားရှင်း မှာေတာ့
F > F # > F > F # > G ပုံစံ modulation နဲ့ သွားထားပါတယ်။ တကယ်မိုက်ပါတယ်။

23/11/2025

Radiohead တို့ စင်ေပါ်ပြန်တက်ပြီ 💔💔

( ၇ )နှစ်ေလာက် နားထားတဲ့ Radiohead တို့ လန်ဒန်မှာ ပွဲလုပ်သွားပါတယ်။ အသက်ေတွကြီးလာကြတယ်။အချိန်ဟာ ခဏေလးလိုပဲ။
Alternative ရဲ့ နက်ရှိုင်းတဲ့ အထီးကျန်ခြင်းေတွအကြောင်းပြောရင် Radiohead တို့က မပါမဖြစ်ပါပဲ။ ဒါေကြာင့်လည်း သူတို့ရဲ့ ဩဇာဟာ သိပ်ကြီးမားခဲ့သလို ကုန်ကုန်ေပြာရရင် Coldplay ( Chris Martin) တို့အပေါ်မှာပါ Radiohead တို့ရဲ့ လွှမ်းမိုးမှုရှိခဲ့ပါတယ်။

Photo Crd

05/11/2025

များများနားထောင်
နည်းနည်း လေ့ကျင့်

ကျနော်တို့ဟာ သီချင်းနားထောင်ရတာကို တခါတခါမှာ မေ့လျော့နေတတ်ကြပါတယ်။ ကိုယ့်ရဲ့ Skill တွေ မြင့်တက်လာဖို့ scale လေ့ကျင့်တာ၊ သီချင်း တီးကျင့်တာတွေက အဓိက ကျတယ်လို့ ထင်တတ်ကြပါတယ်။ သီချင်းနားထောင်ဖို့ကျတော့ ဒီသီချင်း ငါကြားဖူးပါတယ် ဒီတိုင်းတီးကြည့်လိုက်တော့မယ်ဆိုပြီး သေချာနားမထောင်ပဲ နေတတ်ကုပါတယ်။

သီချင်းတွေကို ဘယ်လိုနားထောင်ရင် ကိုယ့်ရဲ့ ဂီတတီးခတ်မှုနဲ့ ဝိဉာဉ်စွဲကပ်မှုအပိုင်းဟာ ပိုမို တိုးတက်လာနိုင်လဲ

သီချင်းတွေကို သေချာနားထောင်ပါ။ ခံစားပါ ။ ပြီးတော့ သုံးသပ်ကြည့်ပါ။ analysis အပိုင်းအတွက်
Audience Vision အပြင် Player Vision ဖြင့်ပါ နားထောင်ကြည့်ပါ။ Track တွေ တစ်လိုင်းချင်းထုတ်ကြည့်ပါ။ တစ်စစီ ဆွဲထုတ်ကြည့်ပါ။ ပြန်တပ်ကြည့်ပါ။ ပေါင်းထည့်ကြည့်ပါ။ ပြုပြင်ကြည့်ပါ။

ဒါတွေအားလုံး နားထောင်ခြင်း နဲ့သာ စိတ်ကူးဖြင့်ခွဲထုတ်ကြည့်ပါ။

များများနားထောင်
နည်းနည်း တီးကြည့်ပါ။

04/11/2025

သင်တန်းမှာသုံးတဲ့ Manuscript book ပါ
International note ( Staff Notes) တွေကို ကိုယ်တိုင်ရေးချင် ၊ မှတ်ချင်တဲ့သူတွေအတွက် အဆင်ပြေပါတယ်။

02/11/2025

Concerto in no.3 in G Major - Wolfgang Mozart

29/10/2025

ဆိုနာတာ

Sonota ဆိုတာ Solo instrument ပုံစံ ဖွဲ့စည်းထားတဲ့ classical ဂီတအမျိုးအစားပါ။ Melody, Harmony ကို contrast ထူထူနဲ့ ပေါ်ပေါ်လွင်လွင်ဖန်တီးလေ့ရှိပါတယ်။ Sonata သီချင်းတွေထဲမှာ Beethoven ရဲ့ Moonlight Sonata က နာမည်အကြီးဆုံးလို့ ပြောလို့ရပါတယ်။

ရီနေးဆွန်း( Renaissance ) ခေတ်မှာ လူတွေရဲ့ အတွေးအမြင်တွေ ကျယ်ပြန့်လာခြင်းနှင့်အတူ စာပေ၊ဂီတ၊အနုပညာတွေဟာ ဥရောပ‌မှာ အလွန်ဖွံဖြိုးလာပါတယ်။( ပုဂံခေတ်လယ်လောက်ဖြစ်မယ် ထင်ပါတယ်။) ။ Barque ခေတ်ရဲ့ ဂီတဟာ နောင်လာမယ့် Classical, Romantic, 20th Century era, Modern Classical ခေတ်တွေကို ဖြစ်ပေါ်စေဖို့ လုံလောက်တဲ့ အနုပညာမျိုးစေ့တွေ ချပေးနိုင်ခဲ့ပါတယ်။
အဲ Barque ခေတ်မှာတော့ Sonata Form က မပေါ်ပေါက်သေးပါဘူး။ Classical ခေတ်ရောက်မှ Haydn, Mozart, Beethoven တို့တွေ အပြိုင်အဆိုင် ရေးစပ်ကြမှုနဲ့အတူ ခေတ်စားလာတဲ့ သီချင်းပုံစံဖြစ်ပါတယ်။ Barque ခေတ်မှာ Sonata မပေါ်သေးပေမယ့် ရှေ့ပြေးပုံစံတွေဖြစ်တဲ့ Sonata De Chiesa ၊ Binary Form, Ritornello form style တွေက ပေါ်ပေါက်နေပါပြီ။ အဲဒီလို တဖြည်းဖြည်းနဲ့ Classical ခေတ်ကို ရောက်တဲ့အခါ Sonata Form ရယ်လို့ ပီပီပြင်ပြင်ပေါ်လာပါပြီ။

Sonata Structure (3 or 4 Movements)

1.Allegro(Fast) ( Tempo 135 -154 ခန့်)
2. Adigo(Slow)(Tempo 69 - 75ခန့်)
3.Minuet
4. Allegro ( Fast)

ဘာပဲဖြစ်ဖြစ် Sonata ဟာ ကျနော့်တို့ စိတ်ကို ညှို့ယူတတ်သော နတ်တေးတစ်ပုဒ်ပဲ ဖြစ်ပါတယ်ခင်ဗျာ။

25/10/2025

ယနေ့ တယောသံ

နှစ်ကိုယ်တူချစ်သမျှ - မြို့မ ကိုပေါ

12/10/2025

Music typewriter from 1963.

Crd

12/10/2025

ယနေ့ တယောတန်း
ရွှေ မန်း ဆီ သို့

ရေး -ဦးဘသိန်း
ဆို - မစိမ်းစိမ်း

10/10/2025

Just Don't Leave !!!

R A D I O H E A D

ညက ကိုင်ဇာတင်မုံ ဆုံးတာ ကြားတော့ သူတို့တွေနဲ့ လုံးထွေးရောယှက်နေတဲ့ ကိုယ့်ငယ်ဘဝကို ပြန် သတိရမိတယ်။ ချာတိတ်လေးတစ်ယောက်က Big Bagရဲ့ အဆင်မပြေသောချာတိတ်များ တို့ ၊ နေဝင်သွားသောဘဝများ၊ အယ်ဖြူရဲ့ နောက်ဆုံး သီချင်းတွေကို စကြိုက်ခါစ အချိန်တွေပေါ့ ။ Alternative Music ဆိုတာကို ဘာကြီးမှန်းမသိပေမယ့် ကိုယ်ကြိုက်တဲ့သီချင်းတွေနဲ့ အဆိုတော်တွေက Alternative Rock၊ Punk ‌သမားတွေမှန်း သိလိုက်ရတဲ့အတွက် အော်တာနေးတစ်ဆိုတာကြီးကို စကြိုက်တော့တာပဲ ။ ကိုင်ဇာတင်မုံ( Query Query Band ) ၊ The Ants ၊ ဒိုးလုံး ၊ Big Bag ၊ အရိုး ၊လှိုင်ဦးမော် တို့ကိုကြိုက်ပြီး ပြင်ပကဆိုရင် Green Day ၊ Radiohead ။ နောက်မှ ထပ်သိရတာက Nirvana၊ Blink 182 ၊ Linkin Parkတို့ပေါ့။

ခုပြောချင်တာက Radiohead တို့အကြောင်းပါ ။ မပြောခင် Alternative Rockအကြောင်းကို နည်းနည်းအာရုံနောက်ကြည့်မယ်။ 1990ကျော်လောက်မှာ ကတ်ကိုဘိန်းတို့ရဲ့ Nirvana တို့က စခဲ့တဲ့ Rock Revolution ကြီးဟာ ကမ္ဘာကို တုန်လှုပ်စေခဲ့တယ်။ သူတို့ရဲ့ ပွဲဦးထွက်အယ်လ်ဘမ်လို့ ပြောလို့ရမယ့် Nevermind Album ဟာ တကယ့် ရှော့ ပဲ ။ သူ‌တို့ရှေ့က နာမည်ကြီးနေတဲ့ Rock Band တွေ ၊ Heavy Metal သမားတွေ ၊ ဖန်တရာတေနေတဲ့ old school rockပုံစံတွေ ၊ Soloအရှည်ကြီးတွေနဲ့ လက်စွမ်းပြတီးကြနေကြတာတွေကနေ ခွဲထွက်လာတဲ့ လတ်လတ်ဆက်ဆက် ကျောက်သားများပေါ့။ Tempoတွေချိန်းတယ်၊ မထင်ရင်မထင်သလို ရပ်ပစ်တယ်၊ musical formတွေကလည်း Chorus က စလာချင်လာတယ်၊ နှစ်ကြောင်းသုံးကြောင်းနဲ့လည်း သီချင်းက ပြီးချင်ပြီးသွားတယ် ။ အကြောင်းအရာပိုင်းကလည်း ရှေ့က သမားရိုးကျ Rockသမားတွေလို အရက်၊မိန်းမ၊မူးယစ်ဆေးဝါး၊လိင်ကိစ္စတင် မဟုတ်တော့ပဲ ပိုကျယ်ပြန့်လာတယ် ။ ဒါက ကတ်ကိုဘိန်းတို့ကြောင့် ဖြစ်လာတဲ့ ဂယက်ကြီးပါ ။

ကိုယ်တို့လို အချစ်ရေး၊လူမှုရေးနယ်ပယ်တွေမှာ ကျရှုံးခဲ့ရတဲ့ ချာတိတ်တွေအတွက်တော့ Radiohead တို့အဖွဲ့ဟာ နတ်ဘုရားပါပဲ။ သူတို့ဟာ သူတို့သီချင်းတွေနဲ့ ငါတို့စောက်သည်းကို အကြိမ်ကြိမ်ခွဲခဲ့တယ်။ ငါတို့ရဲ့ သေကောင်ပေါင်းလဲမျက်နှာတွေကို သူတို့သီချင်းတွေနဲ့ ပြန်ဆက်ခဲ့ကြတယ်။ စီးကရက်တွေကြိုက်လာတယ် ။ ဆေးခြောက်ကြိုက်တတ်လာတယ်။ ရန်ဖြစ်ချင်လာတယ်။ ဘာအကြောင်းပြချက်မှ မရှိပဲ တီးလက်စ ဂစ်တာကို ရိုက်ခွဲချင်လာတယ်။ တကယ့်ရှော့ပဲ ။ လေလွင့်နေတဲ့ ချာတိတ်တွေဟာ စစ်ကြိုခေတ်တစ်ခေတ်လုံး မမကို ဖုံးနေတော့လည်း ငိုရတယ်။ ဂျွန်လမိုးရေတွေအကြောင်း ကြားရတော့လည်း ဝမ်းနည်းရတယ် ။ သစ္စာပန်းများနဲ့မေလကိုတော့ ကိုယ်တွေအသက်ကြီးမှ ကြုံခဲ့ရပါတယ်။

93လောက်မှာ Radiohead တို့ရဲ့ ပွဲဦးထွက် သီချင်းအယ်လ်ဘမ် ထွက်ခဲ့တယ် ။ Creep သီချင်းဟာ သူတို့ကို ကမ္ဘာကျော်ဖြစ်စေခဲ့တယ် ။ ဒါ့အပြင် Creepသီချင်းဟာ Alternative Rockဂီတရဲ့ ပြယုဒ်တစ်ခု ဖြစ်လာခဲ့ပြီး ဒီသီချင်းဟာ အဲဒီခေတ် လူငယ်တွေအပြင် နောက်ကျနော်တို့ မျိုးဆက်ထိပါ လွှမ်းမိုးနိုင်စွမ်းရှိခဲ့တယ် ။ (မနှစ်ပိုင်းလောက်ကတောင် Exo အဖွဲ့ဟာ Creepသီချင်းကို ပွဲတစ်ခုမှာ ပြန်ဆိုထားတာ တွေ့လိုက်ရသေးတယ် ။ ဒါဟာ 90sတုန်းက Rock သီချင်းတစ်ပုဒ်ရဲ့ ဒီနေ့ခေတ် ကေပေါ့ပ်အပေါ် ဩဇာလွှမ်းမိုးနိုင်စွမ်းရှိမှုပဲ။) Creepသီချင်းအကြောင်းကို ဒီထက်ပိုသိချင်ရင်တော့ ခင်တဲ့ကိုဝီ ရေးထားတာရှိပါတယ် ။ ရှာဖတ်ကြည့်ကြပါ။

ဒီလိုသီချင်းတွေနားထောင်တိုင်း ငယ်ဘဝတွေကို သတိရပြီး ကိုယ့်စိတ်တွေ အုံ့ဆိုင်းရီဝေနေတတ်တယ်။ ဒါပေမယ့် ကိုယ်က အရူးပဲ ။ တကယ့်ခပ်ကြောင်ကြောင်ကောင်လေ။ အဲ့လိုအရသာကိုပဲ စွဲနေမိတယ်။ Nostalgiaဟာ ကိုယ့်ထရော်မာတွေဖြစ်တဲ့ ငယ်ဘဝရဲ့ ငရဲပန်းတွေကိုပဲ သတိရမိနေတာမျိုး ။ ဖြစ်နိုင်ရင်ပေါ့ကွယ်။ ကိုယ့်ကို 90ခုနှစ်များဆီမှာပဲ ချန်ထားခဲ့ပေးပါ။

Radiohead တို့ရဲ့နောက်ထပ် နာမည်ကြီးတွေထဲက တစ်ပုဒ်ကတော့ True love waits ပဲ ။ သီချင်းက စာသားနည်းနည်းလေး။ ဒါပေမယ့် ကိုယ်တို့ကို ရူးခါစေတယ် ။ ချစ်တဲ့ကောင်မလေးကို ထွက်မသွားဖို့ပြောရင်း ဂယောင်ခြောက်ခြားနဲ့ သူစိတ်ကျေနပ်မယ်ထင်တဲ့ ကတိမျိုးတွေ ပေးမိတဲ့အကြောင်းပေါ့ ။ တာရာမင်းဝေရဲ့ စကားနဲ့ပြောရရင် မထားခဲ့ဖို့‌ ဆိုင်းညို့တောင်းပန်ရင်း အုန်းလက်နွားလို ကျန်ခဲ့ရသူပါ ပေါ့ကွာ။

Radiohead တို့ရဲ့ သီချင်းစာသားတွေက ရိုးရှင်းတယ်။ ဒဲ့တွေ ရေးလေ့ရှိတယ် ။ ဒီသီချင်းရဲ့ အစပိုဒ်မှာဆိုလည်း ပြောချင်တာကို ဒဲ့ပြောထားတဲ့ သဘောကိုတွေ့ရမယ်။ သီချင်းရဲ့ အစမှာကတည်းက ဂစ်တာသံအေးအေးလေးနဲ့ ဝင်လာတယ်။ ဂစ်တာသံက (ပုံမှန်မဟုတ်တဲ့ ကော့ဒ်တွေကို သုံးထားတာကြောင့်) ရိုးသလောက် ဆန်းနေတယ်။

I'll drown my beliefs
To have your babies
I'll dress like your niece
And wash your swollen feet

ကိုယ့်ယုံကြည်ချက်ကိုတောင် နောက်မှာပဲ ထားလိုက်ပါ့မယ်ကွယ် ။ ကိုယ်တို့ကတစ်ယောက်ယောက်ကို ချစ်မိရင် အောက်ကျနောက်ကျ ခံခဲ့ကြတာပဲမလား ။ ကြိုက်မရှက် ငိုက်မရှက် သဘောတရားရဲ့ စက်သေနတ်လို မွှေ့ယမ်းပစ်ဖောက်မှုအောက်မှာ အတုံးအရုံးကျရှုံးကြသူတွေလေ။

Just don't leave
Don't leave
I'm not living
I'm just killing time

ခွဲမသွားစေချင်ယုံလေးပါကွယ် ။ ခွဲမသွားရင် ပြီးရောပါ။ just don't leave လို့ ဆိုတဲ့နေရာမှာ Thom Yorke (Vocalist, Radiohead) ရဲ့ အသံဟာ တကယ့်ကြေကြေကွဲ‌ကွဲပဲ ။ သီချင်းရဲ့ အဓိက နေရာပဲလို့ ခံစားမိတယ်။ ဒဏ်ရာတွေကို ပေါက်ကွဲဆေးကြောတဲ့နေရာမှာ ကတ်ကိုဘိန်းက ဆရာကြီးပဲ ။ ဒါပေမယ့် ဒဏ်ရာတွေကို ငြီးငြူတဲ့နေရာမှာတော့ T.Yorke ရဲ့ အသံဟာ ကြောက်စရာပဲ ။ တကယ်ကို ထွက်မသွားစေချင်ရုံလေးပါပဲ။

Your tiny hands
Your crazy kitten smile
Just don't leave
Don't leave

မင်းရဲ့ လက်သေးသေးလေးတွေနဲ့ ရူးလောက်တဲ့ ချစ်စရာအပြုံးလေးတွေက တို့တွေခွဲခွာဖို့ရာအတွက် တကယ်မလွယ်ကူ‌စေပါဘူး ။ မင်းထားခဲ့ရင် မြစ်ထဲခုန်ချမှာနော် ဆိုပြီးတော့ ငိုယို တောင်းပန်ဖူးတဲ့ညနေများလိုပါပဲ။ တို့တွေက တက်တူးထိုး၊ ရန်ဖြစ်ဖို့ ဝန်မလေးကြပေမယ့် တိတ်ဆိတ်သွားတဲ့ နှုတ်ခမ်းတွေကိုတော့ ရင်မဆိုင်ရဲကြသူတွေမလား ။

And true love waits
In haunted attics
And true love lives
On lollipops and crisps
Just don't leave
Don't leave

တကယ်တော့လည်း လူတွေဟာ အချစ်ဦးကို အချစ်စစ်လို့ပဲ ထင်တတ်တာမျိုးလေ။ ဒီဇာတ်လမ်းလေးဟာ မြို့ငယ်လေးတစ်မြို့မှာ ဖြစ်ချင်ဖြစ်ခဲ့လိမ့်မယ် ။ ကောင်လေးတစ်ယောက်ရဲ့ ဆိုင်ကယ်နောက်က ခါးသေးသေးလေး ဖြစ်ချင်ဖြစ်ခဲ့လိမ့်မယ်။ ရူးခါစေတဲ့ မျက်ဝန်းတွေနဲ့ တွေ့ခဲ့တာမျိုး ဖြစ်ချင်ဖြစ်လိမ့်မယ် ။ Radiohead ကတော့ အချစ်က အားငယ်နေတဲ့ထပ်ခိုးလေးထဲမှာ စောင့်နေတာ ဖြစ်တယ် ။ ဒါမှမဟုတ် အရင်င်က နှစ်ကိုယ်ကြားအမှတ်တရလေးတွေထဲမှာ ရှင်သန်နေတာဖြစ်ပါတယ် တဲ့ ။ ကိုယ်ကတော့ကွယ် စကားတခွန်းတည်းကိုသာ မန္တန်တစ်ပုဒ်လို ထပ်ထပ်ပြီး ရွတ်နေမိတာပါပဲ ။ Just Don't Leave ပေါ့။

- မစန ( The Muse school of strings)

07/10/2025

- လင်းလင်း
- ရင်ကွဲနာ ( သံမဏိလိပ်ပြာ Album )

04/10/2025

ယနေ့ တယောအတန်း

Obladi Oblada - The Beatles

The MUSE school of strings

26/11/2025

23/11/2025

05/11/2025

04/11/2025

02/11/2025

29/10/2025

25/10/2025

12/10/2025

12/10/2025

10/10/2025

07/10/2025

04/10/2025

Address

Telephone

Website

Alerts

Contact The Business

Shortcuts

Share

Category