ပုံပြင်လေးတွေ ဖတ်ကြမယ်

ပုံပြင်လေးတွေ ဖတ်ကြမယ် ဘဝအတွက် တိုးတတ်စေဖို့
(1)

08/06/2025

ညနက်ချိန်ခါ၊ တိတ်ဆိတ်လွန်းတယ်
ကြယ်တွေစုံလင်၊ မမြင်နိုင်တော့။
လွမ်းဆွေးခြင်းရဲ့၊ အကြောင်းရင်းမှာ
အရာရာတိုင်း၊ ဝေဒနာသာ။

ပြန်မလာတော့မယ့်၊ နေ့ရက်များစွာ
ပျောက်ဆုံးခဲ့ပြီ၊ ချစ်ရသူများ။
တိတ်ဆိတ်ခြင်းရဲ့၊ အလယ်မှာတော့
အလွမ်းမျက်ရည်၊ စီးဆင်းဆဲပါလား။

အတိတ်ဆိုတာ၊ ချည်နှောင်ထားရာ
အမှတ်တရများ၊ ရင်မှာစွဲထင်။
ပစ္စုပ္ပန်မှာ၊ အေးစက်ခြင်းတွေ
အနာဂတ်မှာ၊ မျှော်လင့်ချက်တွေပျက်။

အကြောင်းမဲ့မဟုတ်၊ လွမ်းဆွေးခြင်းများ
အကြောင်းရင်းရှိတယ်၊ နာကျင်မှုများ။
တစ်ယောက်တည်းသာ၊ ရင်ဆိုင်ရတဲ့
မမြင်နိုင်တဲ့၊ ဝေဒနာအမှန်

18/01/2025

ပုံပြင်လေးတစ်ပုဒ် ပြောပြပါရစေ။
တစ်ခါက လယ်သမားတစ်ဦး ရှိခဲ့သည်။ သူသည် နေ့စဉ်နေ့တိုင်း လယ်ထဲတွင် ပင်ပင်ပန်းပန်း လုပ်ကိုင်နေရသည်။ နေပူထဲမှာ လယ်ထွန်၊ နွေးထွန်၊ စပါးစိုက်၊ စပါးနုန်းကျွေး၊ နှံစပါး၊ သိမ်းဆည်းခြင်းများ ပြုလုပ်ရသည်။
တစ်နေ့တွင် လယ်သမားသည် လယ်ထဲတွင် လုပ်ကိုင်နေစဉ် ပင်ပန်းလွန်း၍ နားချင်မိသည်။ ထိုအခိုက် သူသည် တွေးမိသည်။ "ငါ့လယ်မြေကို ငါဘယ်လိုလုပ် ပိုင်ဆိုင်နိုင်မည်နည်း။ ငါလုပ်ကိုင်နေသော စပါးများသည် ဘုရင်ထံသို့ သွားရောက်ရသည်။ ငါတို့လယ်သမားများသည် ဘုရင်၏ အခွန်ကို ပေးဆောင်ရသည်။ ပြီးလျှင် ကျန်သည့်စပါးများသည်လည်း ဈေးကွက်တွင် ဈေးနည်းနည်းဖြင့် ရောင်းချရသည်။ ငါတို့လယ်သမားများသည် ဘယ်လိုလုပ် ချမ်းသာနိုင်မည်နည်း" ဟု စိတ်ညစ်နေသည်။
ထိုအခိုက် သူသည် အနီးရှိ သစ်ပင်အောက်တွင် ထိုင်နေသော ဆရာတော်တစ်ပါးကို တွေ့လိုက်ရသည်။ ထို့ကြောင့် ဆရာတော်ထံသို့ သွားရောက်၍ သူ၏စိတ်ညစ်မှုကို ပြောပြလိုက်သည်။
ဆရာတော်က "သားတော်၊ စိုက်ပျိုးရေးသည် သဘာဝ၏ လက်ဆောင်ဖြစ်သည်။ သင်သည် စိုက်ပျိုးရေးကို ချစ်မြတ်နိုးပါ။ သင်၏ လုပ်အားကို ပြုစုပျိုးထောင်ပါ။ စပါးများကို ဂရုစိုက်ပါ။ သင်၏ လယ်မြေသည် သင့်အား ကျေးဇူးဆပ်လိမ့်မည်။ စပါးများသည် သင့်အား ပြည့်စုံစေလိမ့်မည်။ လောဘကို စွန့်လွှတ်ပါ။ ကျေးဇူးတရားကို သိရှိပါ။ သင်၏ စိတ်ကို ငြိမ်းချမ်းစေပါ။" ဟု ဆုံးမပေးသည်။
လယ်သမားသည် ဆရာတော်၏ စကားကို နားထောင်ပြီးနောက် စိတ်သက်သာရာရသည်။ သူသည် ဆရာတော်၏ ဆုံးမမှုအတိုင်း လုပ်ကိုင်သည်။ သူ၏ လုပ်အားကို ပြုစုပျိုးထောင်သည်။ စပါးများကို ဂရုစိုက်သည်။ လောဘကို စွန့်လွှတ်ပြီး ကျေးဇူးတရားကို သိရှိသည်။
တစ်နှစ်ပြီးတစ်နှစ် ကြာလာသည်နှင့်အမျှ သူ၏ လယ်မြေသည် ပိုမိုထွန်းကားလာသည်။ စပါးများ ပိုမိုများပြားလာသည်။ သူသည် သူ၏ မိသားစုကို ပြုစုပျိုးထောင်နိုင်သည်။ သူ၏ ဘဝသည် ပိုမိုကောင်းမွန်လာသည်။
ဤပုံပြင်သည် လုပ်အားကို ချစ်မြတ်နိုးခြင်း၊ ကြိုးစားအားထုတ်ခြင်း၊ ကျေးဇူးတရားကို သိရှိခြင်းတို့၏ အရေးပါမှုကို သင်ပေးသည်။
သင်ခန်းစာ
* လုပ်အားကို ချစ်မြတ်နိုးပါ။
* ကြိုးစားအားထုတ်ပါ။
* ကျေးဇူးတရားကို သိရှိပါ။
* လောဘကို စွန့်လွှတ်ပါ။
မှတ်ချက်
ဤပုံပြင်သည် စာပေရေးရာဆိုင်ရာ ဖန်တီးမှုတစ်ခုဖြစ်သည်။

#လယ်သမားတစ်ယောက်နဲ့သူရဲ့နွားလိမ္မာလေးအကြောင်းတစ်ခါတုန်းက လယ်သမားတစ်ယောက်ရှိတယ်၊ သူ့နာမည်က ကိုဖူးကျော်ဖြစ်ပြီး သာယာတဲ့ရွ...
13/10/2024

#လယ်သမားတစ်ယောက်နဲ့သူရဲ့နွားလိမ္မာလေးအကြောင်း

တစ်ခါတုန်းက လယ်သမားတစ်ယောက်ရှိတယ်၊ သူ့နာမည်က ကိုဖူးကျော်ဖြစ်ပြီး သာယာတဲ့ရွာငယ်လေးမှာ နေထိုင်ပါတယ်။ သူက လယ်ယာကိုပင်ပန်းစွာအလုပ်လုပ်ပြီး မြေလယ်တွေမှာ စိုက်ပျိုးတာကနေ အသက်မွေးတယ်။ ကိုဖူးကျော်ရဲ့ နေ့စဉ်ဘဝမှာ အထူးအခွင့်အာသာပေးရတဲ့ နွားလိမ္မာလေးတစ်ကောင်လည်းရှိတယ်။ နွားလိမ္မာလေးကို အနေနာမည်မသိဘဲ "အောင်မင်း" လို့ ခေါ်ကြတယ်။

အောင်မင်းကတော့ ထူးချွန်တဲ့နွားတစ်ကောင်ပဲ။ သူ့ရဲ့ရုပ်ထုကြီးကျယ်မှု၊ အထူကြီးတဲ့အသားအရေ၊ နို့ထုတ်မှုတွေအပြင် လယ်ထဲမှာ လုပ်ရပ်ကောင်းပြီး စိုက်ပျိုးမှုတွေမှာ အထောက်အကူပေးတဲ့နွားဖြစ်ပါတယ်။ ကိုဖူးကျော်အတွက် အောင်မင်းက သူ့ရဲ့ အနုပညာလက်ထောက်တစ်ယောက်ဖြစ်သလို၊ သူ့ရဲ့မိတ်ဖက်ကောင်းတစ်ယောက်လည်းဖြစ်တယ်။
တစ်ရက်မှာ ကိုဖူးကျော်ဟာ နွားကောင်အများကြီးနဲ့ မြေလယ်မှာ ပင်ပန်းစွာလုပ်ကိုင်ရင်း နွားလိမ္မာလေးအောင်မင်းကို လွယ်လေးဆိုးထားပြီး လယ်အခွင်မှာ လုပ်ငန်းတွေကို ဆောင်ရွက်နေတဲ့အချိန်၊ ရွာမှာ မိုဃ်းမည်းနက်လာပြီး မိုးတိမ်တွေက စလည်းပါပြီ။

ကိုဖူးကျော်ဟာ အောင်မင်းကို ရွာပြန်ကြဖို့ပြင်ဆင်နေသလို သတိထားမိတဲ့အချိန်မှာ ကောင်းကင်ထဲက မိုးတိမ်တွေ ပြင်းထန်စွာရောက်လာတဲ့အခိုက်၊ သူတို့နှစ်ယောက်ဟာ ရွာပြန်ဖို့ကြိုးစားရင်း အဲဒီလယ်ပြင်အရှေ့ဆုံးမှာ သွားရောက်ဖို့ အခက်ခဲတွေ့နေကြတယ်။

အောင်မင်းကတော့ သူ့ရဲ့ အထူးပြင်ဆင်ထားတဲ့ လိမ္မာစွမ်းအားနဲ့ အမြန်လှုပ်ရှားရင်း ကိုဖူးကျော်ကို ကာကွယ်ပေးတယ်။ မိုးရွာတာလည်း အမှန်ကောင်းကောင်း၊ မြေနက်ကွန်းတာတွေကို အောင်မင်းက ရင်ဆိုင်ဖို့ အားကိုးခဲ့တယ်။ သူ့ရဲ့အင်္ဂါရပ်ကြီးက အချိန်မီဆောင်ရွက်နိုင်သလို၊ လောလောဆယ်မှာတော့ မိုးရောက်ပြီးနောက်ပိုင်းကို ဖူးကျော်နဲ့ အောင်မင်းတို့နွားလိမ္မာဟာ လွတ်မြောက်စွာ ရွာပြန်နိုင်ခဲ့တယ်။

အဲဒီရက်နောက်ပိုင်းမှာတော့ ကိုဖူးကျော်နဲ့ အောင်မင်းရဲ့ မေတ္တာ၊ အချင်းချင်းယုံကြည်မှုဟာ ပိုမိုခိုင်မာလာတယ်။ အောင်မင်းဟာ ဖူးကျော်ရဲ့လယ်ယာအလုပ်တွေမှာ ထောက်ကူပေးရုံမကဘဲ၊ သူ့ဘဝတစ်လျှောက်မှာ လုံခြုံစိတ်ချရတဲ့ နွားလိမ္မာတစ်ကောင်အဖြစ် ဖြစ်လာတယ်။

ဒီလိုနဲ့ အောင်မင်းနဲ့ ကိုဖူးကျော်တို့ရဲ့ ခိုင်မာတဲ့ပုံပြင်ဟာ သူတို့ရဲ့ရွာထဲမှာ နာမည်ကျော်ကြားလာပြီး ကာလရှည်လျားစွာတွင် သူတို့ရဲ့ချစ်ခင်မှု၊ ယုံကြည်မှုတွေအပြင် သူတို့ရဲ့ အမှတ်တရတွေကို တည်ဆောက်ခဲ့တယ်။

09/07/2023

ဟယ်လို အဖေ
အဆောင်ခနဲ့ ကျူ ရှင်ခ ပေးရမှာမို့
၂သိန်းလောက် ပို့ပေးပါအုံး သုံးစရာလဲပြတ်နေပြီ

အေးအေး မနက်ဖြန် အဖေ ကားနဲ့ထည့်ပေးလိုက်မယ်

ဟုတ် အဖေ ဒါပဲနော်

သား ဘွဲ့ရအောင်.....တီတီတီ

ဖုန်းချသွားလေပြီ

သားရီး မနက်ဖြန် ငဝိုင်းပို့ပေးဖို့ အဖေ့ကို ပြောလိုက်ပြီ

၂ဆက်ရှင်လောက်တော့ ဒိုးကြရအောင်

လုပ်လိုက်လေ ကြာသလားလို့

ဟားးး
.........

ငါ့သားလေး ဘွဲ့ရအောင်တော့ ဖျစ်ညှစ်ပြီး ထားပေးရမယ် ငါ့လိုတော့ အဖြစ်မခံနိုင်ဘူး အဲ့ဒါမှ သူ့ဘဝရှေ့ရေး သာယာ ဖြောင့်ဖြူ းနိုင်မှာ...
.........

ကိုဘမောင် ဘယ်ကနေဘယ်လို မျက်စိလည်လာတာလဲရှင်

ဒီကိုပဲ သက်သက်လာခဲ့တာ အစ်မ

ရှင့်သားဆီက ငွေတောင်းပြန်ပြီလား

ဟုတ်ပါတယ် အဲ့ဒါကြောင့် ကျွန်တော့်ဆိုင်ကယ်လေး အစ်မဆီမှာ ခဏ အပေါင်ထားချင်လို့ပါ

ရှင့်ဆိုင်ကယ်က ကောင်းရော ကောင်းသေးရဲ့လားရှင် ကျွန်မဆီပေါင်ထားပြီးမှ ပျက်နေပါအုံးမယ်

အကောင်းကြီးပါဗျာ
ကျွန်တော့်သား ငွေလိုနေလို့ လက်ထဲမှာလဲ ပေးစရာငွေမလုံလောက်လို့ အစ်မဆီအကူအညီတောင်းရတာပါ

ဟုတ်ပါပြီရှင် ဟုတ်ပါပြီ
ဒီလူနဲ့ ဒီလူ ပြောစရာ မလိုပါဘူး

ဒါနဲ့ ရှင့်သားက ကျောင်းမပြီးသေးဘူးလား

ဒီနှစ်ပြီးရင်တော့ ပြီးပါပြီ

ရှင့်မလဲနော် အဖေတစ်ခု သားတစ်ခုမို့သာပဲ ဒီသားလေး ကျောင်းထားရတာနဲ့ကို ရှိသမျှကုန်နေပါပြီ

ခုရော ဘယ်လောက်ယူမှာလဲ အားမနာပါနဲ့ လိုတဲ့ငွေကိုပြောပါ
အတတ်နိုင်ဆုံး ကျွန်မ ကြည့်ကြပ်ပြီး ပေးမှာပေါ့

ခဏပဲ ပေါင်ထားမှာဆိုတော့
၂ သိန်းလောက်ဆို အဆင်ပြေပါတယ်

ရှင်လိုတဲ့ပိုက်ဆံ ကျွန်မပေးလိုက်မယ်
လကြာသွားရင် အတိုးလေးတော့ ပေးပေါ့

ဟုတ် ပေးပါ့မယ်

ရှင်က ဆိုင်ကယ်ပေါင်လိုက်တော့ ဘယ်ဆိုင်ကယ်နဲ့ ကယ်ရီဆွဲမလဲ ကိုဘမောင်

တစ်ခြားအလုပ်လေး ဘာလေး ရှာလုပ်ရတော့မပေါ့ဗျာ

မဟုတ်တာ ရှင်
ရှင့်ဆိုင်ကယ်ရှင် ပြန်ယူသွားပါ ကယ်ရီဆွဲလို့ ရတဲ့ငွေလေးတွေ စုပြီးမှ ကျွန်မဆီပေးစရာ ရှိတာ လာလာဆပ်ပါ

တစ်ကယ် တစ်ကယ် ပြောတာလား မမမော်
ရှင်.....
ဆောရီးပါဗျာ ကျွန်တော် အပျော်လွန်သွားလို့ ခေါ်မိလိုက်တာပါ

ရော့ရော့ ရှင်လိုတဲ့ ငွေ ၂ သိန်း

ဟုတ်ကဲ့ ပြန်ခွင့်ပြုပါအုံး ကျေးဇူးတင်ပါတယ် အစ်မ

ကောင်းပါပြီရှင်

ကိုဘမောင်ရယ်
အရင်တုန်းက ရှင်သာ ကျွန်မကို ငြင်းပယ်မထားခဲ့ဘူးဆိုရင်လေ......
.........

ဒီလိုနဲ့
သားဖြစ်သူ BEဘွဲ့ရပြီး မကြာခင်မှာပဲ ဆောက်လုပ်ရေးတစ်ခုထဲမှာ site engineerအဖြစ် အလုပ်ရတယ်

ရှေ့ဆင့် နောက်ဆင့်ဆိုသလို ဘဝလက်တွဲဖော်ပါ ထပ်ရပြန်ပါတယ်

ရလာတဲ့ မဟေသီကလဲ အဝေးကြီးကဆိုတော့ ဖခင်ကို ထားခဲ့ပြီး လိုက်သွားပါတော့တယ်
နွေ မိုး ဆောင်း ရာသီစက်ဝန်းသာ အလီလီပြောင်းသွားခဲ့ရတယ်
.........

ငါ့သားလေး
အဖေ့ဆီကို ပြန်မလာတာ ခုဆို
၂နှစ်လောက်တောင် ရှိနေပြီ
အဆင်မှပြေပါ့မလား
အလုပ်တွေမအားလို့ နေမှာပါလေ

ဟယ်လို အဖေ့
ပိုက်ဆံလွှဲပေးထားတယ် သွားထုတ်လို့ရပြီ

အေးအေး

သား ....
သီတင်းကျွတ်ရောက်တော့မယ်
အဖေ့ဆီကို အလည်လေး ဘာလေးလာပါအုံးလား
သား အလုပ်အားမှပါလေ

အလုပ်တွေက ခုနောက်ပိုင်း အရမ်းများတယ်အဖေ သားလာလို့ အဆင်မပြေဘူး ခွင့်ရက်ကလဲ သိပ်မရဘူး
ပြီးတော့ အဖေ့ချွေးမကလဲ မပေါ့မပါးကြီးနဲ့

အေးပါ ကျန်းမာရေးကို ဂရုစိုက်နော်သား

ဟုတ် အဖေ ဒါပဲနော်...
.........

မောင်ရေ လာပါအုံး
ချစ်ဗိုက်တွေ အရမ်းနာနေပြီ

သူ့မိန်းမခေါ်သံကြားလိုက်ရတော့ estimateတွက်ရင်းကနေ ပြာပြာသလဲ ထသွားလိုက်တယ်

ဆေးရုံကို သွားဖို့ ပြင်စရာရှိတာ ပြင်ရင်းနဲ့
Taxiသမားကို ခေါ်ပြီး သွားလိုက်တယ်

ခွဲခန်းရဲ့ရှေ့မှာ ခေါက်တုံ့ခေါက်ပြန်လျှောက်နေရင်း နာ့စ်တစ်ယောက်ရဲ့ အသံကြားလိုက်မှပဲ
ရင်အေးရပါတော့တယ်
Congratulationsပါ
အစ်ကို ကလေး အဖေ ဖြစ်ပါပြီ
ဘာလေးလဲ ဆရာမ
ယောက်ျားလေးပါရှင် ယောက်ျားလေးပါ

သားလေးတဲ့လား ဝမ်းသာလွန်းလို့ ထကမိမတတ်ပါပဲ
ငါ့သားလေးအတွက် အရင်ကထက်ပိုပြီး အလုပ်တွေ ကြိုးစားရမယ်
ငါ့သားလေးရှေ့ရေးအတွက်ဆိုတဲ့ အတွေးပေါင်းစုံနဲ့ .......
.........

မောင်ရေ့ ကလေးပဲ နှိုက်မနေနဲ့အုံး
အလုပ်တွေ လစ်ဟင်းနေအုံးမယ်

အင်းပါ ချစ်ရဲ့
မောင်သိပါတယ်

သားကို အရမ်းချစ်တာပဲလား မောင်

ဘယ်လိုများ မေးလိုက်တာလဲ ချစ်ရယ်
သားလေးက မောင့်အသက် မောင့်ဘဝ
သားလေးကို လူတစ်လုံး သူတစ်လုံးနဲ့ ပညာတတ်ကြီးဖြစ်အောင် မောင် ကြိုးစားထားမှာ

မောင်

ပြောလေချစ်

မောင့်အဖေလဲ မောင့်ကို အရမ်းချစ်မှာပဲနော်

ဟင်....

မောင့်ကို သူ့ရင်ခွင်ထဲက ဆွဲထုတ်လာတာ ချစ်သနားမိတယ်မောင်

မောင့်ရဲ့အလုပ်ကို တစ်ရက်လောက်ဖျက်ပြီး အဖေ့ဆီကို ချစ်တို့ မိသားစု သွားပြီး ကန်တော့ရအောင်နော် မောင်

ချစ်ပြောပြမှ အဖေ့ကို သတိရတဲ့စိတ်က ထိန်းချုပ်မရအောင် ဖြစ်လာမိတယ်
ကိုယ်ကိုယ်တိုင် ဖခင်နေရာရောက်မှ အဖေတစ်ယောက်ရဲ့ ရင်ထဲက ခံစားချက်ကို ပိုပြီးနားလည်လာမိတယ်

အဖေ အဖေ အဖေ...

အဖေ ခုချိန်ဘာတွေများ လုပ်နေပါလိမ့်
နေလို့ရော ကောင်းလား
အဖေတစ်ယောက်ထဲ ဘယ်လိုနေပြီး ဘယ်လိုများ စားနေရရှာပါလိမ့်နော်

ချစ်ပြောတာ ကြားလားမောင်

ကြား ကြားပါတယ်ချစ်ရဲ့

လာမယ့် စနေနေ့မောင်တို့ သွားကြမယ်လေ
မောင်တို့လာမယ့်အကြောင်း အဖေ့ကို
ကြို ပြီးပြောပြမထားနဲ့နော်ချစ်

ဘာလို့လဲ မောင်ရဲ့

ဘာရယ်မဟုတ်ပါဘူး အဖေ့ကို ပိုပြီး ဝမ်းသာသွားစေချင်လို့ပါ

ကောင်းပါပြီတဲ့ ရှင်

ဒီလိုနဲ့ စနေနေ့မနက်ပိုင်း အဖေ့ဆီကို သွားခဲ့ကြတယ်

အိမ်ကိုရောက်တော့ အဖေ မရှိဘူး
အဖေ ဆိုင်ကယ် ကယ်ရီများ ဆွဲနေလို့လား မသိဘူးဆိုပြီး Taxiဂိတ်ကို လိုက်သွားတော့

ကျွန်တော်တို့ကို ကျောပေးပြီး ဆိုင်ကယ်အအိုလေးကို ပြင်နေတဲ့ အဖေ

အဖေ
ပထမတစ်ခါခေါ်တယ်

အဖေ
ဒုတိယ တစ်ခါခေါ်လိုက်တော့
အဖေ့လက်ထဲက ဆိုင်ကယ်ပြင်နေတဲ့ဂွကလေး လွတ်ကျသွားတယ်

အဖေ
တတိယတစ်ခါခေါ်လိုက်တော့မှ
ကျွန်တော်တို့ ဘက်ကို လှည့်ကြည့်လာတဲ့ အဖေ့ရဲ့ မျက်ဝန်းမှာ.......
သား သား ငါ့သား အဖေ့ဆီ လာတယ်နော်

အဖေရယ်
အဖေ့ကို ကျွန်တော်ထွေးပွေ့
ထားလိုက်ပါတော့တယ်

ဒီမှာ ဘယ်သူတွေပါလာလဲ ကြည့်ပါအုံး အဖေ

သမီးရော ပါလာတယ်လား
အဖေ အရမ်းပျော်တယ် သားတို့ သမီးတို့ရယ်

လက်ထဲက...

အဖေ့မြေးလေ အဖေ

ဘာလေးလဲ သမီး

ယောက်ျားလေး အဖေ

ငါ့မြေ့လေး နေပူနေလိမ့်မယ်
အဖေတို့ အိမ်ပြန်ကြရအောင်
အိမ်ရောက်မှ အေးဆေးစကားပြောကြတာပေါ့

အိမ်ရောက်တော့
အဖေ့ကို တစ်ခါထဲ ခေါ်ခဲ့ဖို့အတွက် မိန်းမကို တိုင်ပင်ခဲ့တယ်

ကြည်ကြည်ဖြူဖြူပါပဲ ခွင့်ပြုပေးခဲ့တယ်

အဲ့ဒါနဲ့ အဖေ့ကို အတူလိုက်ခဲ့ဖို့ ဖွင့်ပြောလိုက်တော့.....

ခဏတော့ အဖေတွေဝေ သွားတယ်

ငါ့သားနဲ့သမီး အဖေ့ကြောင့် ဝန်ထုတ် ဝန်ပိုး ဖြစ်နေပါအုံးမယ်

မဖြစ်ပါဘူးအဖေ သမီးတို့နဲ့ အတူလိုက်နေလှည့်ပါ
အဖေမလိုက်ရင် သမီးတို့ ဒီကနေ မပြန်တော့ဘူးနော်

အဖေ လိုက်ခဲ့ပါမယ် သားတို့ သမီးတို့ရယ်
လိုက်ခဲ့ပါမယ်
.........

သွားရအောင် အဖေ

ခဏလေးသား ဆိုပြီး ပြောပြောဆိုဆိုနဲ့ အပြင်ထွက်သွားလိုက်တယ်
.........

ကိုဘမောင် သားနဲ့ချွေးမလာလို့ အရမ်းပျော်နေတဲ့ ပုံပဲ
လာလာ ဒီမှာ လာထိုင်
ဘာကိစ္စပေါ်လာရပြန်တာတုန်း

ကိစ္စပေါ်လာလို့ လာတာမဟုတ်ပါဘူး
အစ်မကို လာနှုတ်ဆက်တာပါ
ရှင်....
ကျွန်တော် သားနဲ့ချွေးမရှိတဲ့ဆီကို လိုက်သွားတော့မယ်
အစစ အရာရာ ကူညီပေးခဲ့တဲ့အတွက် ကျေးဇူးပါ အစ်မ

အင်းပါ ကိုဘမောင်ရယ် ရှင့်အတွက် ကျွန်မ ဝမ်းသာပါတယ်

သွားတော့မယ်နော် အစ်မ

ဟုတ်ကဲ့ပါရှင် ဟုတ်ကဲ့ပါ

ဪ ကိုဘမောင်ရယ်
ရှင့်ဘဝလေး အဆင်ပြေပြေ နေရတော့မှာဆိုတော့ ဘာပဲဖြစ်ဖြစ် ကျွန်မ ပျော်ပါတယ်ရှင် ပျော်ပါတယ်
........

ဖိုးဖိုးကြီး ဆင်ကြီးလုပ်ပေး သားစီးမယ်
ဟေ ဖိုးဖိုး လုပ်ပေးမှာပေါ့ကွ

သားလေး ဖိုးဖိုးကို အဲ့လို မလုပ်ခိုင်းရဘူးလေ
ငရဲကြီးလိမ့်မယ်

ရပါတယ် သမီးရဲ့ အဖေ ခွင့်လွှတ်ပြီးသားပါ ငါ့မြေးလေး ပျော်နေရင် ပြီးတာပဲ

ဒီမြေးအဖိုးကတော့နော်.....

ကြည့်ပါအုံး ချစ်ရယ်
အဖေနဲ့သူ့မြေး ပျော်နေကြတယ်

ငယ်ငယ်ကတည်းက အဖေ့မေတ္တာငတ်နေတဲ့ချစ်
ခုလိုလေးနေရတာ စိတ်ချမ်းသာတယ်မောင်
အဖေတစ်ယောက် ကောက်ရလိုက်သလို ချစ်လဲ အရမ်းပျော်မိတယ်

သားနဲ့ ဆော့ကစားနေတဲ့ အဖေ့ကို ကြည့်ပြီး......
ရင်ထဲက စကားလုံးတစ်ချို့ ရေရွတ်မိတယ်
ငယ်ငယ်က ဆိုးခဲ့မိုက်ခဲ့ မသိတတ်ခဲ့သမျှတွေ အတွက် တောင်းပန်ပါတယ် အဖေ
သား သမီးအပေါ်ထားရှိတဲ့ အဖေတစ်ယောက်ရဲ့မေတ္တာကို သားသိတဲ့အချိန် နောက်ကျခဲ့တယ်အဖေ
ဒါပေမယ့် အဖေရယ် အဖေ့ရဲ့လက်ကျန်အချိန်တွေအတွက် သားတို့နဲ့အတူ အေးအေးချမ်းချမ်း ပျော်ပျော်ရွှင်ရွှင်နေနိုင်အောင်
သားတို့ ကြိုးစားထားပါ့မယ်
အဖေ စိတ်ချမ်းသာစေရပါ့မယ်
အဖေ့ရဲ့ အထီးကျန်ဆန်ဆန်ဖြတ်သန်းခဲ့ရတဲ့ နေ့ရက်တွေအတွက် အတိုးပါဆပ်လို့ နွေးထွေးစေရမယ်လို့ ကတိပေးပါတယ် အဖေ...

🙏🙏🙏🙏🙏🙏🙏🙏🙏🙏🙏🙏🙏

ဒီစာလေးဆုံးအောင်ဖတ်ပြီးရင် သင့်ရဲ့အဖေကို သွားပြီးထွေးပွေ့ပေးပါ
မသေမချင်းလုပ်ရမယ့် အလုပ်
မအားသေးဘူး အချိန်မရဘူးဆိုတဲ့ ခေါင်းစဉ်လေးအောက်မှာ အစားထိုးလို့မရတဲ့ အဖေ့မေတ္တာတွေကို လျစ်လျူ မရှုလိုက်ပါနဲ့ သူငယ်ချင်း

မရှိမှတောင့်တနေတာထက်စာရင် ရှိနေတဲ့အချိန် ဂရုတစိုက်ပြုစုပေးတာ
လူသားဆန်တဲ့ လူတွေရဲ့ လုပ်ရက်ပါ သူငယ်ချင်းရေ

ကမ္ဘာပေါ်မှာ ရှိရှိသမျှ အဖေများအားလုံး
စိတ်၏ချမ်းသာခြင်း ကိုယ်၏ကျန်းမာခြင်းများနှင့် ပြည့်စုံနိုင်ကြပါစေ🙏🙏

( Credit Original Uploader )

12/12/2022

အိမ်ထောင်ပြုလို့အကောင်းဆုံးအရွယ်ကို
ပြပါဆိုရင်......
အသက်၅၀ / ၆၀ ကျော်
၇၀အရွယ်ကိုပဲ ညွှန်းပါရစေ

ဘာလို့လဲဆိုတော့
အဲ့ဒီအရွယ်က---
စုဆောင်းသင့်သလောက်စုဆောင်းမိပြီ
ဝန်ထမ်းဖြစ်ခဲ့မယ်ဆိုရင်လဲ ပင်စင်လစာလေးနဲ့အလုပ်လဲဆင်းစရာမလိုတော့ဘူး

ပြီးတော့
ကလေးတွေဘာတွေလဲ
မွေးစရာမလိုတော့ဘူး
ထိန်းစရာလဲမလိုတော့ဘူး
ကလေးစရိတ်လဲမလိုတော့ဘူး
နှစ်ဖက်မိဘမျက်နှာနာစရာ
ထောက်စရာလဲမလိုတော့ဘူး
ယောက္ခမတွေလဲရှိမနေကြတော့လို့
အတော့်ကိုစိတ်ချမ်းသာကြရတော့မယ်

စားတာသောက်တာကလဲ အဆီ အငန် အသားတွေလျော့စားနေရတော့ စားစရိတ်သက်သာသလို မီးဖိုချောင်ကိစ္စအချိန်ကုန်သက်သာလာလို့
တစ်ယောက်မျက်နှာတစ်ယောက်ကြည့်ရင်းတီတီတာတာတွတ်ထိုးချိန်လေးတွေ
ပိုထွက်လာပြီ

အိမ်ပိုင်ရမယ် ကားပိုင်ရမယ်နဲ့
ဖိအားတွေဝင်နေစရာမလိုတော့တဲ့အရွယ်ဆိုတော့ TVလေးတစ်လုံးရှိရင်ကိုကျေနပ်စရာ
TVကလာတဲ့တရားအတူထိုင်နာမယ်
ဇာတ်လမ်းတွဲတွေအတူကြည့်မယ်
ဘောပွဲအတူကြည့်ပြီးလောင်းမယ်
ငါ့အသင်းနိုင်ရင်နင့်ကိုနမ်းမယ်
ငါ့အသင်းရှုံးရင်နင်ကနမ်းပါပေါ့🙄

တစ်ခါတလေကျတော့
ကိုယ်ဝါသနာပါတဲ့အနုပညာကို
အတူဖန်တီးကြရုံမယ်
ကဗျာရေးမယ်၊
တယောထိုးမယ်၊
ပန်းချီဆွဲမယ်၊
ပန်းပင်လေးတွေရေအတူလောင်းမယ်၊
ငှက်ကလေးတွေအစာကျွေးမယ်......
အဖွားကြီးမင်းကအဖိုးကြီး ငါ့ကို
မောင်တွေဘာတွေခေါ်ပါအုန်းဆိုတဲ့
ကိုင်ဇာသီချင်းသူကအသံတုန်တုန်နဲ့ဆိုရင် ကိုယ်ကသွားကျိုးလေးနဲ့ပြုံးပြီး
စံပယ်ပန်းလေး ပန်ခိုင်းရုံပဲ😏

ဟိုလူနဲ့စိတ်မချ ဒီလူနဲ့သဝန်တိုဆိုတဲ့
အကုသိုလ်မစ္ဆရိယစိတ်လေးတွေလဲ
မရှိတော့သလောက်မို့
မင်းရဲ့လက်ကိုအတူတွဲရင်းနိဗ္ဗာန်သောင်ကမ်းအတူကူးဖြတ်နိုင်တဲ့အခွင့်အရေးလေးပါရမှာပါနော် ... 😇😇😇

တဏှာ ပေမ ကိစ္စတွေ အတော်နည်းပြီဖြစ်လို့ အ ကုသိုလ်နည်းပြီး ဘဝကူးကောင်းမှာ အသေအခြာပါပဲလေနော် .. 🤢

နောက်ဆုံးအချက်တွေးမိတာကတော့......
စပ်စလူးအရွယ်တုန်းကလို လက်ထပ်ပြီးရင် အိုအောင်မင်းအောင်ပေါင်းရပါစေလို့
စိုးရိမ်သောကဗျာပါဒနဲ့ဆုတောင်းနေစရာ
မလိုတော့ဘူးလေ.....

အိုအောင်မင်းအောင်ပေါင်းပြီးသားလေ😌

ဒါရယ်စရာဟာသ မဟုတ်ဘူး
ဥာဏ်ကိုလွှာပြီးတွေးကြည့်ပါ
မပိန်းနဲ့။ .. 🤓🤓🤓

သင့်မျှော်လင့်ချက်တွေနောက်မကျသေးဘူး ဆိုတဲ့အတွေးနဲ့ကို
သင်ပီတိတွေတဝေဝေဖြစ်နေရမှာပါ။

ကဲ Ready 1 2 3. . . . 🥰🥰🥰

😁😁😁😁

03/12/2022

. "အခမ်းနားဆုံးး မုသားများ "

သူဌေးအိမ်မှာ အိမ်ဖော်လုပ်နေတဲ့
ကောင်မလေးကို နယ်ကသူ့အမေက ဖုန်းဆက်
ရင်းမေးတယ် သမီးလေးအလုပ်လုပ်ရအဆင်
ပြေရဲ့လားး??

"ဟုတ်ကဲ့အမေ သမီးအဆင်ပြေပါတယ် သူဌေးလင်မယားကလဲ သဘောအရမ်းကောင်း
ကြတယ်"တဲ့

သူဌေးကတော် ခေါက်လို့ဖူးနေတဲ့ ခေါင်းလေးကို
ပွတ်ရင်းဖြေတယ် #

---------------

"မောင်တိုးရေ မင်းအမေဖုန်းဆက်တယ်
လာပြောလိုက်ဦး"

စားပွဲထိုးလေးမောင်တိုးဆေးလက်စပန်းကန်
တွေပစ်ချပီးပြေးသွားတယ်

"သား လူလေး နေကောင်းလား အဆင်ပြေလား
သားလေး"

"အင်းးးအမေ ပြေတယ် စားသောက်ဆိုင်ဆိုတော့
မုန့်တွေလဲများကြီးစားရတယ်အမေရဲ့"

မနက်ကတည်းက ဘာမှမစားရသေးလို့
တဂွီဂွီမြည်နေတဲ့ ဗိုက်ကအသံ အမေကြားသွား
မလားလို့တော့ စိုးရိမ်မိသား
---------------
လိမ်ညာခြင်းဟာမကောင်းကြောင်း လောက
နီတိတွေ ကိုသင်ပီးပြန်လာတဲ့ ကျောင်းဆရာ
မလေးးမိုးချုပ်လို့ အိမ်နဲ့ phပြောတဲ့အခါ

-ဗွက်တောထဲ လမ်းလျှောက်သွားရတဲ့ ဒုက္ခတွေ
မသိတော့ဖူး

-အိမ်ပို့ဖို့ လစာမကျန်မှာစိုးလို့ အသီးရွက်ကြော်နဲ့
ဘဲဥပဲ အမြဲစားနေရတဲ့ ဒုက္ခတွေ မရှိတော့ဖူးး

-နယ်မြေက မငြိမ်းချမ်းလို့ ကျီးလန့်စာစား
နေနေရတဲ့ သောကတွေကို မေ့ပီးအဆင်
ပြေပါတယ် အမေလို့ ညာမိပြန်တယ် #

------------

ဘဝမှာ လူတကာကို အကြိမ်ကြိမ် ညာဖူး
လိမ်ဖူးကြပေမယ့်

အဝေးရောက်သားသမီးတွေရဲ့ ကိုယ့်ရဲ့
လက်တလောဒုက္ခတွေ သောကတွေကိုမေ့ပီး
မိဘတွေစိတ်ချမ်းသာဖို့အတွက်

"အဆင်ပြေပါတယ် အဖေ"

"အဆင်ပြေပါတယ် အမေ" လို့ ညာရတဲ့
အချိန်တွေက အခမ်းးနားဆုံးးနဲ့ ကျေနပ်ရဆုံး
အချိန်တွေပါပဲ 😊😊

27/10/2022

ချစ်သူကို လမ်းခွဲတော့မလို့လား !
_

" ခဏလေး တွေးကြည့်ရအောင် "

လမ်းခွဲမယ်ဆိုတဲ့အတွေးက ခေါင်းထဲဝင်လာတတ်တာ
ခင်ဗျားတစ်ယောက်တည်းမဟုတ်ပါဘူး
ချစ်သူတွေတိုင်း ကြုံနေရတဲ့ အနေအထားတစ်ရပ်ပါ။
ဒါပေမယ့် ဖြေရှင်းနိုင်သူနဲ့ ကျရှုံးသူတွေပဲကွာသွားတာ။

_

" သူ့ဘက်ကိုရော တွေးပေးမိသေးသလား ! "

လူသိရှင်ကြားတွဲထားတဲ့ ကောင်မလေးတစ်ယောက်
ချစ်သူနဲ့လမ်းခွဲလိုက်တဲ့အခါ

ဥပမာဗျာ - သူ့သူငယ်ချင်းတွေကြားမှာဖြစ်စေ၊သူ့အသိုင်းအဝိုင်းကြားမှာဖြစ်စေ
" သူပေါ့ သူ့ချစ်သူနဲ့ဘာသံညာသံတွေ ဘယ်လိုကြားမိတာ " ဆိုတဲ့
လူမသိ သူမသိ
အပျင်းပြေဝါးတဲ့ အတင်းပြောစရာ သရေစာတစ်ခုအနေနဲ့သုံးကြတော့မှာ။

_

" ကိုယ့်ကိုယ်ကိုယ် အမေးအဖြေလေး လုပ်ကြည့်ပါလား ! "

သူ့ကြောင့် မပျော်ရွှင်ခဲ့ဖူးဘူးလို့ ပြောရဲလား !

သူ့ကို ငိုအောင်မလုပ်မိခဲ့ဖူးဘူးလို့ရော ပြောရဲလား !

ကိုယ့်အားနည်းချက်တွေကို သူနှိမ်ဖူးသလား !

ကိုယ်စိတ်ညစ်နေတဲ့အခါ သူပျော်နေဖူးသလား !

_

" ကျနော်က သူ့ကိုမပြောဘဲ ထိန်းထားခဲ့တာတွေ အများကြီး ဗျ "

အိုကေပါ bro
ကိုယ့်အတ္တလေးနည်းနည်းလေးလျော့ပြီး တဖက်ကနေ ပြန်တွေးကြည့်ပါလား !
သူလည်း bro ကို မပြောဘဲ မြိုသိပ်ထားတာတွေ တပုံကြီးရှိနေနိုင်ပါတယ်။
အင်း … … … တပုံကြီးမက ရှိနေမှာကျိန်းသေပါတယ်။

_

" နောက်တစ်ယောက်ထားကြည့်မယ် "

ကြမ်းကျွံရင် ပြန်နှုတ်လို့ရတယ် bro
ဒါက ကြမ်းတော့မဟုတ်လောက်ဘူး။
စဉ်းစားပါဦး

နောက်တစ်ယောက်ကရော စင်းလုံးချော ဖြစ်လိမ့်မယ်လို့ တွေးနေလို့လား !

- မင်းလောက် ကိုယ့်အပေါ်ဘယ်သူမှမကောင်းဘူး တို့
- သခင့်ဆီအပြေးပြန်လာမည်တို့ ဆိုနေရပါဦးမယ်။

_

" နေနိုင်အောင်နေမယ် "

နေနိုင်ဖို့တော့ မပူပါနဲ့
ဘယ်သူမှလွမ်းလို့ဆိုပြီး မသေသွားကြပါဘူး
ဒါပေမယ့် တည်ဆောက်ထားတဲ့အိပ်မက်တွေတော့ ပျက်စီးသွားလိမ့်မယ်။

_

" နားလည်မှုမရှိဘူးဗျ "

ချစ်သူတွေ ဘာလို့လမ်းခွဲကြသလဲဆို
နားလည်မှုမရှိလို့လို့ပြောကြတယ်။

အိုကေ . . .
တစ်ဝမ်းတည်းမောင်နှမတောင် အယူအဆမတူကြတာ
သူစိမ်းနှစ်ယောက်က ဘယ်လိုကြောင့်နားလည်မှုရှိနေရမတုန်း။

ကျနော်ကတော့ သည်နေရာမှာ " ခွင့်လွှတ်မှု " လို့ပဲ သုံးချင်တယ်။

သူကလည်း သူ့စိတ်နဲ့သူ့ကိုယ်
ကိုယ်ကလည်း ကိုယ့်စိတ်နဲ့ကိုယ့်ကိုယ်လေ။

သူ့အပေါ်ချစ်စိတ်လေးနဲ့ပဲ အပြစ်ဖြစ်နေတဲ့ သူ့ကွက်လပ်လေးတွေကို ဖြည့်လိုက်ရတာပဲ။

_

" နည်းနည်းဖီးလ်ကြည့်ဗျာ "

တစ်ယောက်တည်းစိတ်ညစ်နေချိန်မှာ ခင်ဗျားဘက်မှာ သူရှိနေပေးခဲ့တယ်လေ။
အားရပါးရ ငိုကြွေးချင်နေချိန်တွေမှာ သူနားထောင်ပေးခဲ့တယ်လေ။

ခင်ဗျားပျော်ဖို့ သူသိတာလေးတွေရော သူမသိတသိလေးတွေရော လျှောက်တွေးပြီး သူလုပ်ပြခဲ့တယ်လေ ။

ခင်ဗျားနဲ့ဝေးရင်ဆိုပြီး သူကလေးတစ်ယောက်လို ငိုခဲ့ဖူးတယ်လေ။

ခင်ဗျားမကြိုက်ဘူးဆိုလို့ သူကြိုက်ပါတယ်ဆိုတဲ့အရာတွေကို စွန့်လွှတ်ခဲ့သေးတယ်လေ။

ခင်ဗျားနဲ့တွေ့ရင် ပျော်နေတတ်တဲ့သူ
ခင်ဗျားနဲ့တွေ့ရင် ကလေးဆန်သွားတတ်တဲ့သူ
ခင်ဗျားနဲ့တွေ့ရင် ပြောစရာစကားတပုံကြီးနဲ့သူ

ခင်ဗျားရဲ့ချစ်သူလေ
ခင်ဗျားကို တံတိုင်းကြီးတစ်ခုလို အားကိုးမှီနွဲ့နေချင်တဲ့သူ။
ခင်ဗျားနဲ့အတူဆိုတဲ့ အနာဂတ်ကို မျှော်လင့်နေတဲ့သူ

ခင်ဗျား ပြောချင်တာတွေ လျှောက်ပြောတော့လည်း
သူမပျင်းမရိပဲ နားထောင်ပေးခဲ့တာပဲ။
သူမသိ မတတ်တဲ့ အရာတွေလည်း ခင်ဗျားလိုချင်တယ်ဆို
သူကြိုးစားပေးခဲ့တာပဲ။

သူက စကား တွတ်တီ တွတ်တာမပြောတတ်ပေမယ့်
ခင်ဗျားမျက်လုံးတွေကို ငေးနေရရင်ကို ပျော်နေတာ။
သူက အရမ်းအရမ်းကြီး ရိုမဆန်ပေမယ့်
အာဘွားလို့ဆိုတဲ့ စကားလေးကိုပဲ ပျော်နေတာ။
ချစ်လားလို့ အမြဲမေးဖို့မေ့နေပြီး
ချစ်တယ်လို့ တဖွဖွပြောချင်နေတဲ့သူလေ။

_

" သူနဲ့လမ်းခွဲမယ်ဆို တကယ်ပျော်မှာလား ! "

ပျော်တော့ပျော်မှာပေါ့
ခင်ဗျား လွတ်လပ်သွားလိမ့်မယ်။
အချိန်တွေပိုလာပြီး တခြားလုပ်စရာကိစ္စတွေ ပိုပြီးမြောက်လိမ့်မယ်။
ရည်မှန်းချက်တခုခုရှိခဲ့မယ်ဆိုရင် . . . ပိုပြီးမြန်မြန်ဆန်ဆန် အထမြောက်သွားလိမ့်မယ်။

ဒါပေမယ့် ခင်ဗျားတွေးကြည့်ရဲ့လား !
အောင်ပန်းကို ဆွတ်ခူးနိုင်ပေမယ့် ခင်ဗျားနဲ့အတူ ဝေမျှခံစားမယ့်သူတော့ မရှိတော့ဘူး။

အကယ်၍ နောက်ထပ်ရလာမယ့် အသစ်ကလည်း
အတူခံစားပေးမှာပေါ့ ( အောင်မြင်မှုပဲဟာ။)
ဒါပေမယ့် ရေဆန်မှာ အတူရုန်းဖူးတဲ့သူမဟုတ်တော့
ခင်ဗျားအပျော်ကို (ချစ်သူဟောင်းလို) သူအပြည့်အဝနားလည်မှာမဟုတ်ဘူး။

_

မျက်စိနဲ့မခွဲခြားနိုင်တဲ့အရာတွေကို ခံစားချက်နဲ့ဆုံးဖြတ်ပါ။
ဦးနှောက်နဲ့မဆုံးဖြတ်နိုင်တဲ့အရာတွေမှာ နှလုံးသားရဲ့အလိုကိုလိုက်ပါ။

ကိုယ့်အပေါ်ကောင်းခဲ့သူတွေကို မေ့ပစ်ရတာ
ထင်သလောက်မလွယ်ကူပါဘူး။

ကိုယ့်အပေါ်ဘယ်လိုမှမကောင်းတဲ့အပြင်
လိမ်ညာမှုတွေကလည်းရှိနေသေးတယ်ဆိုရင်တော့ သဘောပေါ့ဗျာ။

မုန်းလျှင် အပြစ်
ချစ်လျှင် အကျိုး
မြတ်နိုးတော့ သဒ္ဓါ တဲ့ ။

မမုန်းဘဲနဲ့တော့ အပြစ်မမြင်လိုက်ပါနဲ့ဗျာ။
ချစ်သူတွေကြားက ပြဿနာကို သေချာပြန်ဆန်းစစ်ကြည့်ရင် ခွင့်လွှတ်နိုင်လောက်တဲ့အရာပါ။

03/09/2022

ကျရှုံးချိန်မှာ ခေါင်းမော့ပါ

ကြိုးစားချိန်မှာ နှုတ်လုံပါ

အောင်မြင်ချိန်မှာ မာန်ချပါ

ပြည့်ဝချိန်မှာ မျှဝေပါ

ကြိုးစားနေတဲ့အချိန်မှာ သည်းခံပါ

ကျရှုံးနေတဲ့အချိန်မှာ ရဲရင့်ပါ။

အောင်မြင်တဲ့အချိန်မှာ တည်ငြိမ်ပါ။

ပြုံးနေပေမယ့် နာကျင်ရတဲ့ရက်တွေရှိတယ်။

အပေါ်ယံလေးနဲ့ အရာရာကိုမဝေဖန်ချင်ပါနဲ့။

လူတိုင်းမှာ သောကကိုယ်စီနဲ့ ပျော်သလိုနေနေကြတာပါ။

ဘဝမြာ အခက်ခဲတွေနဲ့ရင်ဆိုင်ရတဲ့အခါ

ဘာလို့လဲလို့ မေးခွန်းထုတ်မနေပဲ

ဘယ်လိုကြိုးစားရမလဲဆိုတာ စဉ်းစားလိုက်ပါ။

ရည်မှန်းချက်တွေပျက်ရင် ဘဝတစ်ခုလုံး ပျက်စီးသွားနိုင်တယ်

ဒါကြောင့် အခက်ခဲတွေနဲ့ ဘယ်လိုပဲကြုံတွေ့နေပါစေ

ရည်မှန်းချက်တွေမပျက်ပါစေနဲ့။

အားတင်းထား ဘဝနဲ့ရင်းပြီး ရလိုက်တဲ့

သင်ခန်းစာတွေက ခံရတဲ့အချိန်မှာ ခါးသီးပေမယ့်

တချိန်ချိန်မှာ ချိုမြိန်လာမှာပါ။

မှန်မှန်မှားမှား ဆင်းရဲရင်တော့ ခံရမယ်။

ချိုချိုခါးခါး မကျန်းမာရင်တော့ သောက်ရမယ်။

လိုလိုမလိုလို ပတ်ဝန်းကျင်ဆိုတော့ ပေါင်းရတယ်။

ကောင်းကောင်းမကောင်းကောင်း အလုပ်သဘောရတော့ ပြုံးရတယ်။

မင်းဒုက္ခရောက်နေချိန်မှာ ဘယ်သူ့ကိုမှ အသနားမခံပါနဲ့

ရုန်းထွက်နိုင်အောင်ကြိုးစားပါ။

စိတ်ဓာတ်ကျတိုင်း ဤစာကိုဖတ်ပါ

သင့်ဘဝတွက် ခွန်းအားဖြစ်စေလိမ့်မယ်။

ကိုယ့်တန်ဖိုးကို နားမလည်တဲ့လူတွေကို
အချိန်ကုန်ခံမနေပါနဲ့။

ကိုယ့်ပေါ်မှာတန်ဖိုးထားတဲ့ လူတွေကိုအချိန်ပေးရအုံးမယ်။

လူကိုမကြည့်နဲ့. မူကိုကြည့်။

ရုပ်ကိုမကြည့်နဲ့. အလုပ်ကိုကြည့်။

အပြောမကြည့်နဲ့. မနောကိုကြည့်။

အတူမြင်ပေမယ့် အမြင်မတူတဲ့အခါ
အဓိပ္ပါယ် ဟာ လွဲမှားနေအုံးမှာပါ။

အဓိက ကိုယ်ကိုယ်တိုင်ပါပဲ~~~~~~~~~~~~~~~ဘဝမှာတစ်ယောက်ထဲ ရုန်းကန်နေရလို့ စိတ်ဓာတ်မကျနဲ့ တစ်ယောက်ထဲဆိုလည်းတစ်ယောက်ထဲဖြစ်အော...
19/08/2022

အဓိက ကိုယ်ကိုယ်တိုင်ပါပဲ
~~~~~~~~~~~~~~~

ဘဝမှာတစ်ယောက်ထဲ ရုန်းကန်နေရလို့ စိတ်ဓာတ်မကျနဲ့ တစ်ယောက်ထဲဆိုလည်းတစ်ယောက်ထဲဖြစ်အောင်လုပ်
အားမငယ်နဲ့ လူတိုင်းမှာ ပြီးပြည့်စုံတဲ့ မွေးရာပါ
ပါရမီဆိုတာ ဘယ်သူမှ ပါမလာကြဘူး

ဘဝဆ်ိုတာ ကိုယ့်တိုင်ဖန်ဆင်းရှင်ပဲ
ဘဝဆိုတာ လှေငယ်တစ်စင်းနဲ့တူတယ်
ကိုယ်ဦးတည်ရာကိုရောက်ဖို့ ကိုယ်တိုင်ပဲ့ကိုင်နိုင်ရမယ်

ဘယ်သူမှအားမကိုးနဲ့ ဘယ်သူ့ကိုမယုံကြည်နဲ့
ငွေမရှိရင် လောကကြီးမှာနေရတာ
မျက်နှာငယ်တယ် အချစ်ဆိုတာလည်းငွေရှိမှ
အချစ်ဆိုတာ အမျိုးဆိုတာ ရွှေရှိမှ အမျိုးတော်ကြတာ

ဒါက လောကလူ့သဘာဝရဲ့နိယာမပဲ
ကိုယ့်သမိုင်းကိုယ်ရေးပါ ကိုယ်လျှောက်မဲ့လမ်း
ကိုယ်တိုင်းဖောက်ပါ

လူတိုင်းဟာ ကိုယ်အဆင်ပြေရင် ကြိုဆိုမယ့်သူရှိပေမယ့်
ကိုယ်အဆင်မပြေရင်
ဘယ်သူမှအရေးမလုပ်ဘူး

ယုံကြည်ရသူဆိုတာ မိဘကလွဲရင် အမျိုးဆိုတာ နောက်ကျောဓါးနဲ့ထိုးဖို့ချောင်းနေကြသူကြည့်ပဲ

ဘဝဆိုတာ လက်တွေ့ခံဖူးမှ ကိုယ်ချင်းစာတက်တာ
လက်တွေ့မခံစားဖူးသူက ကိုယ်ချင်းမစာနာတက်ဖူး
ကိုယ့်အတွက်ပဲ ကိုယ်ကြည့်ကြတယ်
ကိုယ့်လက်မီးလောင်မှ ပူမှန်းသိကြတယ်

အပြောကောင်းတဲ့ လူတွေကို သတိထား
အပြုံးချိုချိုလေးနဲ့လုပ်စားသူတွေကို သတိထား
မယုံနဲ့ ဘယ်အရာမှအလကားမရဘူး
ကိုယ်လုပ်မှ ကိုယ်ရမှာ (ဘိုးဘိုးအောင်"မ"တယ်
ကိုကြီးကျော်"မ"တယ်ဆိုတယ် ယုံတမ်းစကားတွေ

တကယ်တမ်း"မ"မယ့်သူဆိုတာ ကိုယ့်ကိုယ်တိုင်ပဲ
ကိုယ့်ဘဝမြင့်အောင် ဘယ်ဖန်ဆင်းရှင်မှ လုပ်မပေးနိုင်ဘူး ကိုယ်သာလျှင်ကိုယ့်ရဲ့ဖန်ဆင်းရှင်အစစ်ဖြစ်တယ်

ဘဝဆိုတာ နိမ့်လိုက်မြင့်လိုက်ပဲ
ဗုံတုံတစ်လှည့်ငါးဖျံတစ်လှည့်ပဲ အမြဲတမ်းနိမ့်ကျမနေဘူး အပြောင်းအလဲဆိုတာအမြဲရှိတယ်

အပြောင်းအလဲ ဆိုတာ သိပ့်ကြောက်စရာကောင်းတယ်
ဒါမဲ့ အဲဒါသင်ခန်းစာတွေပဲ ယူတက်ရင် ရမယ်

ကိုယ့်ကို နာကျင်အောင်လုပ်သူတွေက တစ်ခြားသူတွေမဟုတ်ဘူး လက်ညှိုးမထိုးနဲ့
နာကျင်အောင်လုပ်သွားသူတွေက ကိုယ်ချစ်ရဆုံးသူတွေပဲ ယုံစားမိရင်ပုံစားသွားမှာပဲ

ဘာပဲဖြစ်ဖြစ် လောကဇာတ်ခုံပေါ်မှာ
ဇာတ်ဆရာအလိုက် ကရတဲ့အခါ
မင်းသားနေရာက သရုပ်ဆောင်ရတာရှိသလို
တခါတေလ လူကြမ်းနေရာကနေသရုပ်ဆောင်ရတာလဲရှိတာပဲ

ဝမ်းနည်းမနေနဲ့ စိတ်ဓာတ်ကျမနေနဲ့
အခွင့်အရေးဆိုတာ နှစ်ခါမလာတက်ဘူး
ငေးမှိုင် တွေးပူ နောင်တ ရမနေနဲ့

တောင့်ခံထား အားတင်ထား ကံဆိုးခြင်းတွေပြီးရင်ကံကောင်းခြင်းတွေ
ရောက်လာလိမ့်မယ် မုန်းတိုင်းပြီးရင်လေပြေလာသလိုပေါ့

အဓိက စိတ်ဓာတ်ခိုင်မာဖို့
စိတ္ဓာတ္မက်ဖို့ ဘဝကိုအရွုံးမေပးဖို့
အောင်မြင်တာရှိသလို ရှုံးနိမ့်တာလည်းရှိမှာပဲ
အောင်နိုင်သည်ဖြစ်စေ ရှုံးနိမ့်သည်ဖြစ်စေ
အဓိကခံနိုင်ရည်ရှိဖို့နဲ့ စိတ်ဓာတ်တွေ
ကျိုးပျက်ယိမ်းယိုင်မသွားဖို့ပဲအရေးကြီးတယ် ။
ချစ်ခြင်းအားဖြင့်
crd

အိမ်တစ်အိမ်ရဲ့စည်းကမ်းကိုသိချင်ရင်ရေချိုးခန်း အိမ်သာ ထိုင်ခွက်ကိုကြည့်ပါ။စည်းလုံးမှုကို သိချင်ရင်တော့ထမင်းဝိုင်းကို ကြည်...
11/06/2022

အိမ်တစ်အိမ်ရဲ့စည်းကမ်းကိုသိချင်ရင်
ရေချိုးခန်း အိမ်သာ ထိုင်ခွက်ကိုကြည့်ပါ။

စည်းလုံးမှုကို သိချင်ရင်တော့
ထမင်းဝိုင်းကို ကြည့်ရပါမယ်တဲ့။

လူတစ်ယောက်ရဲ့စည်းကမ်းကိုသိချင်ရင်တော့
ဖိနပ်ချွတ်ပုံကိုကြည့်ရင်သိနိုင်တယ်။

လူမှုအဆင့်အတန်းကိုသိချင်ရင်
အိပ်ခန်း နဲ့ အိပ်ယာကိုကြည့်ပါ တဲ့။

စာနာမှုနဲ့ ကြင်နာတရားသိချင်ရင်တော့
စကားအပြောအဆို စကားလုံးနဲ့ ဆက်ဆံမြုကို
ကြည့်နိုင်ပါတယ်။

ယဉ်ကျေးမှုကို သိချင်ရင်
ကိုယ်ဟန်မူယာကနေသိနိုင်ပါတယ် တဲ့။

အိမ်တအိမ်ရဲ့ ကျန်းမာရေးအတွက်ကိုတော့
မီးဖိုချောင်ကို ကြည့်ပါ။

မေတ္တာတရားနဲ့ပျော်ရွှင်မှုကိုသိချင်ရင်တော့
အိမ်ရှင်မရဲ့အဆင်းရူပကာ ကိုကြည့်ပါတဲ့။

ဒါ တကယ့်ကို အမှန်တရားတွေပါ။။

Credit_Original Writer
းစည်

12/05/2022

ဟာ !!!
ဟိုကောင် စီးထားတဲ့စက်ဘီးကသိန်းတစ်ရာကျော်တန် !!!
အော် ... ရူးနေတာ ငါသာဆို မဝယ်ဘူး
အဲ့အစား... ကားဝယ်စီးမှာပေါ့

ဟကောင်
မတူဘူးလေ... လူဆိုတာ သူ့ဘဝနဲ့သူ "

"အခု ငါတို့ စားနေတဲ့ဝိုင်း
ဘယ်လောက်ကျလဲ ???? "
"၃ထောင် .... "

"ငါတို့ လက်ဖက်ရည်ဆိုင်မှာ ခဏလေး စားတာ ၃ထောင်
ခဏ.... ငါ မင်းနားလည်အောင် သက်သေပြမယ်"

:ဖြောင်း...ဖြောင်း ....ညီလေး လာဦး"
ကျွန်တော် လက်ခုပ်တီးပြီး
ကမ်းနား မှာ တောင်းစားနေတဲ့
၈နှစ်အရွယ်
ကလေးတစ်ယောက်ကို ခေါ်လိုက်တယ်

"မင်းကို ငါတို့ ၃ထောင်ပေးမယ်
လမ်းထိပ်က ထမင်းဆိုင်မှာ ပုစွန်ဟင်းကောင်းတယ် ... ပုစွန်ထုပ်ကြီး ၂ကောင်တောင်ပါတယ် ... ဝယ်စားချည် ... စားမလား ?"

"ဟာ...ကျွန်တော်အရူးမှ မဟုတ်တာ ဘာလို့စားမှာလဲ?
စားမနေဘူး ... အဲ့အစား မိသားစုအတွက် ဆန်၂ပြည် ဝယ်သွားပြီး ချက်စားမှာပေါ့ "

ကောင်လေးက ရိုးရိုးပဲ ဆတ်ခနဲ ပြန်ပြောတယ်

သူငယ်ချင်းဘက်ကို လှည့်ပြီး ပြောလိုက်တယ်
"ဟေ့ကောင်... စောစောက မင်း ဘာပြောလဲ ?
ဝယ်မနေဘူး .... အဲ့အစား
ကားဝယ်မှာပေါ့ လို့ ပြောတယ်မလား ???"

"အေး အဲလိုပဲ
ငါတို့အတွက် ၃ထောင်ဆိုတာ ၁၀မိနစ်အတွင်း လက်ဖက်ရည်ဆိုင်ထိုင်ဖြုန်းပစ်တာ ဘာမှ အရာမဟုတ်ပေမဲ့
သူတောင်းစားတစ်ယောက်အတွက်တော့ ..... အဲ ၃ထောင်က ဆန် ၂ပြည်ပဲ"

"ထို့နည်းတူ.... သူ့ဘာသူ
ဘယ်နှစ်သိန်းတန် ဘာဝယ်ဝယ်
လူချင်းတူပေမဲ့ ဘဝချင်းမတူဘူး
ဒါကို မင်းကောင်းကောင်း နားလည်ဖို့လိုတယ်"

"သူရှိလို့ သူဝယ်တာ
သူရှာတဲ့ သူ့ပိုက်ဆံနဲ့သူဝယ်တာ
မင်းက ဝင်ကဲ့ရဲ့တော့
မင်း အဖြစ်နဲ့ မင်းအဆင့်က
စောစောက ငါယှဉ်ပြတဲ့
သူတောင်းစား လို ဖြစ်သွားတော့ မပေါ့"
"မုဒိတာတရား ထားစမ်းပါကွာ "

"မင်းအတွက် မတန်ဘူး ထင်လား
အဲ့ဒါဆို အဲ့ပစ္စည်းက မင်းအတွက် ထုတ်တာ မဟုတ်ဘူး "
crd

❝ တန်ရာတန်ရာပဲ ဆက်ဆံလိုက်ပါ ❞တချို့လူတွေရှိတယ် ငြိမ်ခံနေတုန်းက မမြင်ဘူး။ထပြောမိမှ ကိုယ်က စွာတယ်ဆိုတာမျိုး။တချို့လူတွေရှိ...
29/03/2022

❝ တန်ရာတန်ရာပဲ ဆက်ဆံလိုက်ပါ ❞

တချို့လူတွေရှိတယ် ငြိမ်ခံနေတုန်းက မမြင်ဘူး။
ထပြောမိမှ ကိုယ်က စွာတယ်ဆိုတာမျိုး။

တချို့လူတွေရှိတယ်
ခေါင်းပေါ်တက်နင်းခံရတာ မသိဘူး။
ဆတ်ဆတ်ထိမခံ ပြန်ပြောလိုက်မှ
ကိုယ်က အာကြမ်းတယ် ဆိုတာမျိုး။

တချို့လူတွေရှိတယ်
မသိချင်ယောင်ဆောင်နေတာကို အားမနာဘူး။
ဒဲ့ပြောလိုက်မှ
ကိုယ်က လူကြမ်းတစ်ယောက် ဆိုတာမျိုး။

တချို့လူတွေရှိတယ်
တသက်လုံး သည်းခံလာတာကို မစာနာကြဘူး။
ထပေါက်ကွဲမိမှ ကိုယ်ဟာ မကောင်းဘူးဆိုတာမျိုး။

တချို့လူတွေရှိတယ်
အတွင်းစိတ်ကိုမြင်အောင် မကြည့်တတ်ကြဘူး။
အပေါ်ယံ ကောင်းပြတာကိုမှ
အဟုတ်ထင်တတ်ကြတာမျိုး။

တချို့လူတွေရှိတယ်
စစ်မှန်တယ်ဆိုတာကို မတွေ့တတ်ကြဘူး။
ဟန်ဆောင်တတ်တဲ့ လူကိုမှ
အမှန်အကန် ထင်တတ်ကြတာမျိုး။

တချို့လူတွေရှိတယ်
ကိုယ်ချင်းစာ တရားဆိုတာ မရှိကြဘူး။
ဘယ်သူသေသေ ငတေမာရင် ပြီးရော စိတ်နဲ့
တစ်ဖက်သားစိတ်ကို အသေသတ်ပစ်ကြတာမျိုး။

တချို့လူတွေရှိတယ်
ရင်းနှီးချင်ယောင်ဆောင်ပြီး မထိတထိ
စော်ကားတဲ့ စကားပြောတတ်ကြတာမျိုး။

တချို့လူတွေရှိတယ်
ကိုယ်တိုင် မလုပ်နိုင်တဲ့အရာကို
တစ်ပါးလူလုပ်လိုက်မှ ဝေဖန်ရေးလုပ်တတ်တာမျိုး။

တချို့လူတွေရှိတယ်
အစွမ်းအစမရှိဘဲ အပြစ်ပြောဖို့
သက်သက် လူဖြစ်လာတာမျိုး။

ဒါကြောင့်
အကောင်းမြင်စိတ် အကောင်းမြင်ဝါဒကို
မကျင့်သုံးတတ်ဘဲ အသက်ရှင်နေတဲ့
တချို့လူတွေအတွက်
စိတ်ကသိကအောက် ဖြစ်ဖို့ မလိုပါဘူး။
တန်ရာတန်ရာပဲ ဆက်ဆံပေးလိုက်ပါ။

Address

Mandalay

Telephone

+959252766522

Website

Alerts

Be the first to know and let us send you an email when ပုံပြင်လေးတွေ ဖတ်ကြမယ် posts news and promotions. Your email address will not be used for any other purpose, and you can unsubscribe at any time.

Shortcuts

Share

Category