Yin Nyein Thu

28/08/2026

🌿🙏 ဝါခေါင်လပြည့် — မေတ္တာအခါတော်နေ့ 🙏🌿

မေတ္တာတရားဟာ
မိမိစိတ်ကို အေးချမ်းစေရုံသာမက
ပတ်ဝန်းကျင်ရှိ သတ္တဝါများအပေါ်မှာပါ
ကောင်းကျိုးဖြစ်စေနိုင်တဲ့ အဖိုးတန်တရားတစ်ပါး ဖြစ်ပါတယ်။ 🌿

မြတ်စွာဘုရားရှင် လက်ထက်တော်က
ရဟန်းတော် (၅၀၀) တို့ ကြုံတွေ့ခဲ့ရတဲ့ အဖြစ်အပျက်မှစတင်ပြီး
ကရဏီယမေတ္တာသုတ်တော် ဟောကြားတော်မူခဲ့ပုံနှင့်
ဝါခေါင်လပြည့်နေ့ကို “မေတ္တာအခါတော်နေ့” ဟု
သတ်မှတ်ပူဇော်ကြပုံကို
သစ္စာရွှေစည်ဆရာတော်၏ တရားတော်မှ
နာယူကြည်ညိုနိုင်ကြပါရန် မျှဝေပေးလိုက်ပါတယ်။ 🙏

💚 ဒီနေ့ကစ မေတ္တာပို့ရုံနဲ့ မရပ်ဘဲ
မေတ္တာနဲ့ ပြောကြရအောင်
မေတ္တာနဲ့ ဆက်ဆံကြရအောင်
မေတ္တာနဲ့ ခွင့်လွှတ်ကြရအောင်။

သတ္တဝါအပေါင်း ကိုယ်စိတ်နှစ်ဖြာ
ကျန်းမာချမ်းသာကြပါစေ။
ဘေးရန်အပေါင်းမှ ကင်းဝေးကြပါစေ။
မေတ္တာတရားဖြင့် ငြိမ်းချမ်းကြပါစေ။ 🙏🌿

🎥 သစ္စာရွှေစည်ဆရာတော်၏
“ဝါခေါင်လပြည့် မေတ္တာအခါတော်နေ့” တရားတော်

နာယူကြည်ညိုရင်း
မေတ္တာတရားကိုလည်း နေ့စဉ်ဘဝမှာ လက်တွေ့ကျင့်သုံးနိုင်ကြပါစေ။ 🙏

🙏✍️© မယ်ရစ်

#မယ်ရစ် #သစ္စာရွှေစည်ဆရာတော် #မေတ္တာအခါတော်နေ့ #ဝါခေါင်လပြည့်

28/07/2026

ဝါတွင်းသုံးလ ဂုဏ်တော်ကိုးပါး အဓိဋ္ဌာန်
🌼 ပထမအဆင့် (၉) ရက် အဓိဋ္ဌာန် 🌼

📅 ၂၉.၀၇.၂၀၂၆ (ဗုဒ္ဓဟူးနေ့)
🌕 ဒုတိယဝါဆိုလပြည့်နေ့
☸️ ဓမ္မစကြာအခါတော်နေ့မြတ် မှ စတင်၍ဂုဏ်တော်ကိုးပါးကို အာရုံပြုကာ
ရက်ပေါင်း (၉၀) ဝါတွင်းသုံးလ အဓိဋ္ဌာန်
ဝင်ရောက်ကြမည့် ဓမ္မမိတ်ဆွေများအား
လေးစားစွာ အသိပေးနှိုးဆော်အပ်ပါသည် 🙏

━━━━━━━━━━━━━━━

📿 ပထမအဆင့် (၉) ရက် 📿

📅 ၂၉.၀၇.၂၀၂၆ မှ ၀၆.၀၈.၂၀၂၆ အထိ

ပထမအဆင့် (၉) ရက်အတွင်း

🙏 ဂုဏ်တော်ကိုးပါးလုံးကို
နေ့စဉ် အစဉ်လိုက် စိပ်ပူဇော်ရပါမည်။

📿 ဂုဏ်တော်တစ်ပါးလျှင် ပုတီး (၁) ပတ်စီ
📿 တစ်နေ့လျှင် စုစုပေါင်း ပုတီး (၉) ပတ်
စိပ်ပူဇော်ရမည် ဖြစ်ပါသည်။

🌿 စိပ်ပူဇော်ရမည့် ဂုဏ်တော်ကိုးပါး 🌿

၁။ အရဟံ — ပုတီး (၁) ပတ်
၂။ သမ္မာသမ္ဗုဒ္ဓေါ — ပုတီး (၁) ပတ်
၃။ ဝိဇ္ဇာစရဏသမ္ပန္နော — ပုတီး (၁) ပတ်
၄။ သုဂတော — ပုတီး (၁) ပတ်
၅။ လောကဝိဒူ — ပုတီး (၁) ပတ်
၆။ အနုတ္တရော ပုရိသဓမ္မသာရထိ — ပုတီး (၁) ပတ်
၇။ သတ္ထာ ဒေဝမနုဿာနံ — ပုတီး (၁) ပတ်
၈။ ဗုဒ္ဓေါ — ပုတီး (၁) ပတ်
၉။ ဘဂဝါ — ပုတီး (၁) ပတ်

━━━━━━━━━━━━━━━

🌕 သတိပြုရန် 🌕

ပထမအဆင့် (၉) ရက်တွင်
ဂုဏ်တော်တစ်ပါးစီကို တစ်ရက်စီ စိပ်ရမည် မဟုတ်ဘဲ

🙏 ဂုဏ်တော်ကိုးပါးလုံးကို နေ့စဉ် အစဉ်လိုက် စိပ်ရမည် ဖြစ်ပါသည်။

အဓိဋ္ဌာန်ဝင်ရောက်ကြသူများအနေဖြင့်
စိပ်နည်း မမှားယွင်းစေရန်
မေတ္တာဖြင့် အသိပေးအပ်ပါသည် 🙏

━━━━━━━━━━━━━━━

🙏 ဝါတွင်းသုံးလ (၉၀) ရက် အဓိဋ္ဌာန်တစ်လျှောက် 🙏

🌿 ခန္တီတရားဖြင့်
စိတ်ရှည်စွာ မပျက်မကွက် ဆက်လက်နိုင်ကြပါစေ။

🌿 သဒ္ဓါတရားဖြင့်
မြတ်စွာဘုရားရှင်၏ ဂုဏ်တော်အဓိပ္ပါယ်များကို နားလည်သဘောပေါက်နိုင်ကြပါစေ။

🌿 ဝီရိယတရားဖြင့်
ဒါန၊ သီလ၊ ဘာဝနာ ကောင်းမှုများ တိုးပွားနိုင်ကြပါစေ။

🌿 သမာဓိတရားဖြင့်
စိတ်ကြည်လင်၍ အာရုံတစ်ခုတည်းတွင် တည်ငြိမ်နိုင်ကြပါစေ။

🌿 ပညာတရားဖြင့်
တဏှာ၊ ဒေါသ၊ မောဟ အညစ်အကြေးများ တဖြည်းဖြည်း ကင်းစင်နိုင်ကြပါစေ။

🙏 ဤဂုဏ်တော်အဓိဋ္ဌာန် ကုသိုလ်ကောင်းမှုအပေါင်းကြောင့်

ကိုယ်စိတ်နှစ်ဖြာ ကျန်းမာချမ်းသာ၍
ဘေးရန်အန္တရာယ်အပေါင်း ကင်းဝေးကြပါစေ။

🌼 စိတ်ချမ်းသာခြင်း
🌼 ကုသိုလ်တိုးပွားခြင်း
🌼 ဓမ္မအလင်းရောင်ဖြင့် ဘဝအေးချမ်းခြင်း

တို့နှင့် ပြည့်စုံကြပါစေရှင့် 🙏🙏🙏

မေတ္တာဖြင့်
🌸✍️© မယ်ရစ် 🌸

#မယ်ရစ် #ဝါတွင်းသုံးလအဓိဋ္ဌာန်
#ဂုဏ်တော်ကိုးပါး #ပထမအဆင့်၉ရက်
(မူရင်းစာ၊အမည်မပြောင်းလဲဘဲမူရင်းအတိုင်းမျှဝေကုသိုလ်ယူနိုင်ပါသည် 🙏)

28/07/2026

ဝါတွင်း (၃)လ ဂုဏ်တော်ကိုးပါး အဓိဋ္ဌာန် ပုတီးစိပ် ကုသိုလ်ယူကြဖို့ဖိတ်ခေါ်ပါတယ်ရှင့် 🌕🙏

ဗုဒ္ဓဘာသာဝင် ဓမ္မမိတ်ဆွေအပေါင်းတို့ရှင့်...
ဝါတွင်းကာလဆိုတာ ကုသိုလ်တရားတွေ တိုးပွားဖို့၊ စိတ်ကိုသန့်စင်ဖို့နဲ့ ဘုရားဂုဏ်တော်တွေကို အထူးအာရုံပြုဖို့ သင့်လျော်တဲ့ ကာလမြတ်လေးပါ။

ဒါကြောင့် ၂၀၂၆ ခုနှစ် ဝါတွင်းသုံးလပတ်လုံး ရက်ပေါင်း (၉၀) တိုင်တိုင် ဗုဒ္ဓဂုဏ်တော် ကိုးပါးကို အစဉ်တစိုက်အာရုံပြုနိုင်မယ့် “ကိုးနဝင်း အဓိဋ္ဌာန် ပုတီးစိပ်နည်း” လေးကို မျှဝေပေးလိုက်ပါတယ်။

🌟 ဒီပုတီးစိပ်နည်းရဲ့ ထူးခြားချက်များ 🌟
❌ သက်သတ်လွတ်စားဖို့ မလိုပါ။
❌ အချိန်တိကျစွာ စိပ်ဖို့ မလိုပါ။
✅ နေ့စဉ် မှန်မှန်ကန်ကန် စွဲစွဲမြဲမြဲ စိပ်ဖို့ပဲ လိုပါတယ်။
အလုပ်မအားတဲ့သူတွေလည်း အဆင်ပြေစွာ ကုသိုလ်ယူနိုင်ပါတယ်ရှင့်။

••• ──── ✾ ✿ ✾ ──── •••

📆 ၂၀၂၆ ခုနှစ် ဝါတွင်းကာလ စိပ်ရမယ့် အစီအစဉ် 📆

📿 အဆင့် (၁) - ဂုဏ်တော် (၉)ပါးလုံးကို နေ့စဉ် တစ်ပတ်စီ စိပ်ရန်
( ၂၉ . ၇ . ၂၀၂၆ ) မှ ( ၆ . ၈ . ၂၀၂၆ ) အထိ နေ့စဉ် အောက်ပါအတိုင်း ပုတီးတစ်ပတ်စီ စိပ်ပါ။
၁။ အရဟံ (၁)ပတ်
၂။ သမ္မာသမ္ဗုဒ္ဓေါ (၁)ပတ်
၃။ ဝိဇ္ဇာစရဏသမ္ပန္နော (၁)ပတ်
၄။ သုဂတော (၁)ပတ်
၅။ လောကဝိဒူ (၁)ပတ်
၆။ အနုတ္တရောပုရိသဓမ္မသာရထိ (၁)ပတ်
၇။ သတ္ထာဒေဝမနုဿာနံ (၁)ပတ်
၈။ ဗုဒ္ဓေါ (၁)ပတ်
၉။ ဘဂဝါ (၁)ပတ်

••• ──── ✾ ✿ ✾ ──── •••

📿 အဆင့် (၂) မှစပြီး - ဂုဏ်တော်တစ်ပါးချင်းစီကို (၉)ပတ်စီ အာရုံပြု၍ အဓိဋ္ဌာန်စိပ်ရန်

🙏 အရဟံ သိဒ္ဓိ (၉)ပတ်
(၇ . ၈ . ၂၀၂၆) မှ (၁၅. ၈ . ၂၀၂၆) အထိ

🙏 သမ္မာသမ္ဗုဒ္ဓေါ သိဒ္ဓိ (၉)ပတ်
(၁၆ . ၈ . ၂၀၂၆) မှ (၂၄ . ၈ . ၂၀၂၆) အထိ

🙏 ဝိဇ္ဇာစရဏသမ္ပန္နော သိဒ္ဓိ (၉)ပတ်
(၂၅ . ၈ . ၂၀၂၆) မှ (၂ . ၉. ၂၀၂၆) အထိ

🙏 သုဂတော သိဒ္ဓိ (၉)ပတ်
(၃ . ၉ . ၂၀၂၆) မှ (၁၁. ၉ . ၂၀၂၆) အထိ

🙏 လောကဝိဒူ သိဒ္ဓိ (၉)ပတ်
(၁၂ . ၉ . ၂၀၂၆) မှ (၂၀ . ၉ . ၂၀၂၆) အထိ

🙏 အနုတ္တရောပုရိသဓမ္မသာရထိ သိဒ္ဓိ (၉)ပတ်
(၂၁ . ၉ . ၂၀၂၆) မှ (၂၉ . ၉ . ၂၀၂၆) အထိ

🙏 သတ္ထာဒေဝမနုဿာနံ သိဒ္ဓိ (၉)ပတ်
(၃၀ . ၉ . ၂၀၂၆) မှ (၈ . ၁၀ . ၂၀၂၆) အထိ

🙏 ဗုဒ္ဓေါ သိဒ္ဓိ (၉)ပတ်
(၉ . ၁၀. ၂၀၂၆) မှ (၁၇ . ၁၀ . ၂၀၂၆) အထိ

🙏 ဘဂဝါ သိဒ္ဓိ (၉)ပတ်
(၁၈ . ၁၀ . ၂၀၂၆) မှ (၂၆ . ၁၀ . ၂၀၂၆) အထိ

••• ──── ✾ ✿ ✾ ──── •••

✨ ဗုဒ္ဓဂုဏ်တော် (၉)ပါး အကျဉ်းနှင့် အကျိုးတရားများ ✨

၁။ အရဟံ 🌼
ကိလေသာအညစ်အကြေးမှ ကင်းစင်တော်မူသော မြတ်စွာဘုရား။
⭐️ အကျိုး - ဘေးရန်ကင်းငြိမ်း၊ လူအများ၏ လေးစားချစ်ခင်မှုကို ရရှိစေသည်။

၂။ သမ္မာသမ္ဗုဒ္ဓေါ 🌼
သစ္စာလေးပါးကို ကိုယ်တိုင်ထိုးထွင်းသိမြင်တော်မူသော မြတ်စွာဘုရား။
⭐️ အကျိုး - ဉာဏ်ပညာထက်မြက်၊ ပညာရေးကိစ္စများ အောင်မြင်စေသည်။

၃။ ဝိဇ္ဇာစရဏသမ္ပန္နော 🌼
အသိနှင့် အကျင့် နှစ်ပါးစုံ ပြည့်စုံတော်မူသော မြတ်စွာဘုရား။
⭐️ အကျိုး - ဘုန်းတန်ခိုးကြီးမား၊ လက်ရုံးရည်၊ နှလုံးရည် ပြည့်စုံစေသည်။

၄။ သုဂတော 🌼
ကောင်းမြတ်သော စကားကိုသာ မိန့်ကြားတော်မူတတ်သော မြတ်စွာဘုရား။
⭐️ အကျိုး - လူချစ်လူခင်ပေါများ၊ မျက်နှာပွင့်လန်းပြီး တောင့်တသမျှ အောင်မြင်စေသည်။

၅။ လောကဝိဒူ 🌼
လောကသုံးပါးကို အကြွင်းမဲ့သိမြင်တော်မူသော မြတ်စွာဘုရား။
⭐️ အကျိုး - အကြံအောင်မြင်၊ သူတစ်ပါးအကြံကိုပါ သိနိုင်စွမ်းရှိစေသည်။

၆။ အနုတ္တရောပုရိသဓမ္မသာရထိ 🌼
မယဉ်ကျေးသော သတ္တဝါများကို ဆုံးမရာ၌ အတုမဲ့တော်မူသော မြတ်စွာဘုရား။
⭐️ အကျိုး - သူတစ်ပါး၏ နိုင်ထက်ကလူမှု ကင်းဝေး၊ အပြိုင်အဆိုင်တိုင်း အနိုင်ရစေသည်။

၇။ သတ္ထာဒေဝမနုဿာနံ 🌼
လူ၊ နတ်၊ ဗြဟ္မာတို့၏ ဆရာစစ်ဖြစ်တော်မူသော မြတ်စွာဘုရား။
⭐️ အကျိုး - လူအများ၏ အကြည်ညိုခံရပြီး ဩဇာအာဏာ ထက်မြက်စေသည်။

၈။ ဗုဒ္ဓေါ 🌼
သစ္စာတရားကိုသိ၍ ဝေနေယျကို သိစေတော်မူသော မြတ်စွာဘုရား။
⭐️ အကျိုး - အရာရာသိမြင်နိုင်၊ ပြဿနာအားလုံးကို ဖြေရှင်းနိုင်စေသည်။

၉။ ဘဂဝါ 🌼
ဘုန်းတော် (၆)ပါးနှင့် ပြည့်စုံတော်မူသော မြတ်စွာဘုရား။
⭐️ အကျိုး - အခြွေအရံများပြား၊ သူတစ်ပါး ကြောက်ရွံ့ရိုသေစေသည်။

••• ──── ✾ ✿ ✾ ──── •••

ဓမ္မမိတ်ဆွေအားလုံး ဒီ ၂၀၂၆ ဝါတွင်းကာလမှာ ကုသိုလ်တရားများ တိုးပွားကာ စိတ်ချမ်းသာ၊ ကိုယ်ကျန်းမာစွာဖြင့် ကုသိုလ်များ စုဆောင်းနိုင်ကြပါစေရှင်။ 🤍

သူတော်ကောင်းတရား ခင်တွယ်သူတိုင်း နိဗ္ဗာန်ဆီသို့ ချောမောစွာ ခရီးဆက်နိုင်ကြပါစေ။ 🙏✨

မေတ္တာဖြင့် 🙏 မယ်ရစ် ( နိဗ္ဗာန်ဆော် )

(မူရင်းအမည်၊စာသားမပြောင်းလဲဘဲမျှဝေကုသိုလ်ယူနိုင်ပါသည်ရှင့် 🙏 ©မယ်ရစ် )
#မယ်ရစ် #ကိုးနဝင်းပုတီးစိပ်နည်း #၂၀၂၆ဝါတွင်း #ဗုဒ္ဓဂုဏ်တော်၉ပါး #အဓိဋ္ဌာန်ကုသိုလ် #ဓမ္မမျှဝေ #ပုတီးစိပ်ကြပါစို့

08/05/2026

ကိုးစနေ နှင့် ယတြာ ၊ အဓိဌာန်ထူး

ကဲ ကိုးစနေ အပူအပင်အကြောင့်ကျများ ကင်းဖို့ ဆုတောင်းရင်း ရှယ်ပေးသွားကြပါအုန်းဗျာ။

စနေဆိုတာက ကျွန်တော်တို့ ဗေဒင်အလိုအရ အဆင်းရဲပင်ပန်းဆုံး ဒုက္ခတွေဟာစနေကြောင့် ဖြစ်လာရပါတယ်။ အဲ့ဂလို့ပဲ အချမ်းသာဆုံး အအေးချမ်းဆုံး သုခတွေဟာလဲ စနေကြောင့်ပဲ ဖြစ်လာရပြန်ပါတယ်။ အချို့က စနေဂြိုဟ်စီးရင် အရမ်းကြောက်တတ်ပါတယ်။ စနေကို အသုံးချတတ်လျှင် အဲ့ အသုံးချတတ်သောသူက ထူးခြားမှုတွေကို ရရှိစေတတ်ပါတယ်။ ဒုက္ခရောက်နေကြသောသူတွေက ဒုက္ခအေးဖို့ အစီအရင်တွေ ဒါနတွေလုပ်ရသလို အေးချမ်းကြသောသူများကတော့ ပိုပိုအေးချမ်းဖို့ ဆောင်ရွက်ရပါတယ်။ အချို့ဆရာတွေကတော့ အတိုက်အခိုက် တန်ပြန်တွေမှာ အသုံးပြုတတ်ကြပါတယ်။

ဆင်းရဲမွဲတေ ဒုက္ခရောက်နေသူများကတော့ ကိုးရက် နဲ့ စနေကျသောနေ့တွေမှာ ဆုတောင်းစားများအား ပေးကမ်းစွန့်ကျဲခြင်း အစာရေစာများ လှူဒါန်းခြင်းကို ပြုလုပ်ပေးရပါတယ်။ မိမိအိမ်မှ စနေနံ ပစ္စည်းအစုတ်အပြတ်များအား စွန့်ပစ်ပေးရပါတယ်။ ဘုန်းကြီးကျောင်းကန်တွေကို သွားရောက်ပီး သန့်ရှင်းရေးတွေ ပြုလုပ်ပေးရပါတယ်။ နဂါးများ နှင့် အောက်နတ် ဖုတ်ပြိတ္တာ တစ္ဆေ သရဲများအား ပူဇော်ခြင်း အောက်ဗလိနတ်စာပြုခြင်းများ ဆောင်ရွက်ပေးရပါတယ်။

အေးချမ်းနေလျက်နဲ့ ပိုပိုအေးချမ်းချင်ကြသောသူတွေအနေနဲ့ ဘုရားကို ရွှေထီးလှူပေးရပါတယ်။ ဘုန်းကြီးများအား ထီးလှူပေးရပါတယ်။ သံဃာတော်များအား နို့ဆွမ်းလှူခြင်း နို့လှူခြင်း ဆောင်ရွက်ပေးရပါတယ်။ ဘုရားတစ်ဆူဆူရဲ့ စနေထောင့်မှာ ပရိတ် ပဌာန်း သက်ဆိုင်ရာ ဂါထာမန္တန်များ ရွတ်ဖတ်ပူဇော်ပေးရပါတယ်။ နတ်မင်းကြီးတွေ ၊ နတ်ဘီလူးကြီးတွေအား ပွဲလှူတာတွေ ပွဲကပ်တာတွေ ဒေဝဗလိနတ်စာတင်မြှောက်တာတွေ ဆောင်ရွက်ပေးရပါတယ်။

ကိုးစနေ မှစပြီး ဆောင်ရွက်ရသော အဓိဌာန်ထူးတစ်ခုအား လမ်းညွှန်ပေးပါရစေ။ မိမိအိမ်မှာ နှင်းဆီပန်းများ လှိုင်နေအောင် ဘုရားပန်းကပ်လှူထားပေးပါ။

၉.၅.၂၀၂၅ (စနေနေ့) ညကိုးနာရီအချိန်မှာ အဓိဌာန်စဝင်ရပါမည်။ မြန်မာကိုးရက်ရော အင်္ဂလိပ်ကိုးရက်ရော ကျပါတယ်။ အရမ်းထူးခြားတဲ့ နေ့ပါ။

၁။ ဆီမီးကိုးတိုင် ရေချမ်းကိုးခွက် အမွှေးတိုင်ကိုးတိုင် နှင်းဆီပန်းကိုးပွင့် ဘုရားကပ်လှူထားပါ။
၂။ မိမိအိမ်မှဘုရားတွင် ပရိကံများပြုလုပ်ပြီး ငါးပါးသီလခံယူဆောက်တည်ပါ။ (ဘုရားတစ်ဆူဆူကို သွားနိုင်ပါက ပိုကောင်းပါသည်)
၃။ ကိုးရက် စနေနေ့မှစတင်ပြီး ကိုးရက်တိုင်တိုင် မပျက်မကွက် ရွတ်ဖတ်ပူဇော်ခြင်း ၊ ပုတီးစိပ်ခြင်း အမှုများအား ဆောင်ရွက်ပါမည်ဟု အဓိဌာန်ပြုပါဟု ဆိုကာ အဓိဌာန်ပြုရပါသည်။
၄။ မေတ္တာသုတ် ပရိတ်တော်အား ကိုးခေါက် ရွတ်ဖတ်ပူဇော်ပါ။
၅။ ခန္ဓသုတ် ပရိတ်တော်အား ကိုးခေါက် ရွတ်ဖတ်ပူဇော်ပါ။
၆။ ပထဝီဇယ မန္တန်တော်အား ကိုးခေါက်ပူဇော်ပေးပါ။
၇။ ဒိဝါတပတိဂါထာတော်အား (၁၀၈)လုံး ပုတီးဖြင့် ကိုးပတ်စိပ်ပေးရပါမည်။
၈။ တစ်ရက်အဓိဌာန်ပီးစီးပြီ ဖြစ်ပါသောကြောင့် မိမိသည် အဆင်ပြေရပါလို၏ စသော မိမိတို့ ဆုတောင်းအား ဆုတောင်းပါ။ (ကိုးရက်လုံးလုံး ဆုတောင်းတစ်မျိုးထဲသာ ဆုတောင်းရပါမည်)
၉။ ကုသိုလ်အားလုံးတို့အား အမျှပေးဝေပေးပါ။

ကဲ အားလုံး အဆင်ပြေ ချောမွေ့ကြပါစေ။

လင်းညှို့တာရာ

17/04/2026

📿 နှစ်သစ်မှာ စိတ်၏အေးချမ်းရာ... ရက် (၁၀၀) ဂုဏ်တော်အဓိဋ္ဌာန် 📿✨

၂၀၂၆ ခုနှစ်ရဲ့ မြန်မာ နှစ်ဆန်းတစ်ရက်နေ့ကစပြီး ကုသိုလ်နဲ့ စတင်ချင်သူများအတွက် မြတ်စွာဘုရားရှင်ရဲ့ ဂုဏ်တော် (၉) ပါးကို ရက်ပေါင်း (၁၀၀) တိတိ စနစ်တကျ ပုတီးစိပ်ပူဇော်သွားမယ့် ကုသိုလ်လေးကို မျှဝေပေးလိုက်ပါတယ်။

💙 နေ့စဉ် ပုတီး (၁၀) ပတ်ပဲမို့ အလုပ်မအားတဲ့သူတွေလည်း အချိန်ပေးရတာ အဆင်ပြေစေသလို၊ ဇယားလေးအတိုင်း တစ်ဆင့်ချင်း အဓိဋ္ဌာန်ဝင်သွားရမှာမို့ စိတ်ကြည်လင်မှု အပြည့်အဝရစေမှာပါ။

---

· စတင်မည့်ရက် ➜ ၁၇.၄.၂၀၂၆ (နှစ်ဆန်းတစ်ရက်နေ့)
· ပြီးဆုံးမည့်ရက် ➜ ၂၅.၇.၂၀၂၆
· ပူဇော်ရမည့်အကြိမ် ➜ တစ်နေ့လျှင် ပုတီး ၁၀ ပတ် (ဇယားပါရက်စွဲအတိုင်း ဂုဏ်တော်တစ်ပါးချင်းစီကို ပြောင်းလဲပူဇော်ရန်)

---

🙏 အဓိဋ္ဌာန်ဝင်ပုံနှင့် ဆုတောင်းပုံ အဆင့်ဆင့်

၁။ အဓိဋ္ဌာန်ပြုခြင်း

“အရှင်ဘုရား... တပည့်တော်/တပည့်တော်မသည် ယနေ့မှစ၍ ရက်ပေါင်း (၁၀၀) တိုင်တိုင် မြတ်စွာဘုရားရှင်၏ ဂုဏ်တော်များကို သတ်မှတ်ထားသော ရက်အတိုင်း မပျက်မကွက် ပုတီးစိပ်ပူဇော်ပါမည်ဟု အဓိဋ္ဌာန်ပြုပါ၏ အရှင်ဘုရား။”

၂။ ပုတီးစိပ်ပူဇော်ခြင်း

ဇယားပါရက်စွဲအလိုက် သတ်မှတ်ထားသော ဂုဏ်တော်ကို အာရုံပြု၍ ပုတီး (၁၀) ပတ် စိပ်ပါ။

၃။ အမျှဝေ ဆုတောင်းခြင်း (ပုတီးစိပ်ပြီးတိုင်း ရွတ်ဆိုရန်)

“ဤသို့ ဂုဏ်တော်များကို ပူဇော်ရသော ကုသိုလ်ကံကြောင့် တပည့်တော်/တပည့်တော်မ၏ ဘဝတွင် အန္တရာယ်ခပ်သိမ်း ကင်းငြိမ်းရပါလို၏။ စိတ်၏ချမ်းသာခြင်း၊ ကိုယ်၏ကျန်းမာခြင်းနှင့် ပြည့်စုံရပါလို၏။ (မိမိလိုရာဆုကို ဆက်၍တောင်းနိုင်သည်)။ ဤကုသိုလ်အစုစုကိုလည်း ၃၁ ဘုံ၌ ရှိကြကုန်သော ဝေနေယျသတ္တဝါအပေါင်းတို့အား အမျှပေးဝေပါ၏။”

---

အဓိဋ္ဌာန်ပြုသူများအတွက် အကြံပြုချက်

· နေ့စဉ် ပုံမှန်အချိန်တစ်ခု (ဥပမာ- နံနက်စောစော သို့မဟုတ် ညအိပ်ခါနီး) သတ်မှတ်ပြီး စိပ်ပါက အာရုံစူးစိုက်မှု ပိုမိုကောင်းမွန်စေပါသည်။

· ပုတီးစိပ်နေစဉ် ဂုဏ်တော်တစ်ခုချင်းစီ၏ အနက်အဓိပ္ပါယ်ကို အာရုံပြုခြင်းက စိတ်တည်ငြိမ်မှုကို ပိုမိုရရှိစေပါသည်။

· အဓိဋ္ဌာန်ပြီးဆုံးတိုင်း မိမိပြုခဲ့သော ကုသိုလ်များကို သတ္တဝါအပေါင်းအား မေတ္တာပို့ အမျှဝေပေးပါ။

---

တစ်နေ့တာရဲ့ မိနစ်အနည်းငယ်မျှသာ ဖြစ်ပေမယ့် ဒီအချိန်လေးက သင့်ရဲ့ တစ်နေ့တာလုံးကို အေးချမ်းစေမှာပါ။

ဘုရားဂုဏ်တော်တွေကို အာရုံပြုရင်း ပုတီးစိပ်ခြင်းက...

· မငြိမ်မသက်ဖြစ်နေတဲ့ စိတ်ကို အေးချမ်းစေပါတယ်။
· အခက်အခဲတွေကို ရင်ဆိုင်နိုင်မယ့် စိတ်ဓာတ်ခွန်အားကို ပေးစွမ်းပါတယ်။
· သတိတရား ကပ်လာတဲ့အတွက် ဆုံးဖြတ်ချက်တွေ မှန်ကန်လာစေပါတယ်။

---

ရက်ပေါင်း ၁၀၀ ဆိုတာ ကိုယ့်ကိုယ်ကိုယ် စည်းကမ်းရှိအောင် လေ့ကျင့်ယူရတဲ့ ခရီးစဉ်တစ်ခုပါ။

ဒီခရီးမှာ စိတ်မလျော့ဘဲ ပါဝင်ခြင်းဖြင့် ကုသိုလ်အထပ်ထပ်ကို စုဆောင်းနိုင်မှာ ဖြစ်သလို၊ အဓိဌာန်အောင်မြင်တဲ့နေ့မှာ ရရှိမယ့် ကြည်နူးမှုက ဘာနဲ့မှ မလဲနိုင်တဲ့ ပီတိကို ပေးစွမ်းပါလိမ့်မယ်။

---

နှစ်သစ်မှာ ဘုရားဂုဏ်တော်တွေရဲ့ အရိပ်အောက်မှာ အေးအေးချမ်းချမ်း ခိုလှုံရင်း ပါဝင်ကုသိုလ်ယူကြဖို့ မေတ္တာဖြင့် ဖိတ်ခေါ်လိုက်ပါတယ်ရှင့်။

ဤရက်ပေါင်း (၁၀၀) အတွင်း ဂုဏ်တော်များ၏ တန်ခိုးတော်ကြောင့် ဘေးဘယာဝေးကွာပြီး စိတ်ချမ်းသာ၊ ကိုယ်ကျန်းမာစွာဖြင့် လိုအင်ဆန္ဒများ ပြည့်ဝကြပါစေကြောင်း ဆုတောင်းမေတ္တာ ပို့သအပ်ပါသည်ရှင်။ 🙏

ဒီဓမ္မလက်ဆောင်လေးကို မြင်တွေ့ရသူတိုင်း ကုသိုလ်ပွားများနိုင်ကြပါစေ။
မိမိကိုယ်တိုင်လည်း အဓိဋ္ဌာန်ဝင်၊ တခြားသူတွေပါ သိရှိအောင် Share ပေးရင်း ဓမ္မဒါန ကုသိုလ်ယူလိုက်ကြရအောင်နော်။ 🙏

“နှစ်သစ်မှာ ကျန်းမာချမ်းသာပြီး စိတ်နှလုံးအေးချမ်းကြပါစေ။”

မေတ္တာဖြင့် 🙏✍️
© မယ်ရစ်

---

(မူရင်းစာသားနှင့် အမည်ကို မပြောင်းလဲဘဲ မျှဝေကုသိုလ်ယူနိုင်ပါသည်။ ✍️©မယ်ရစ် 🙏)

#မယ်ရစ် #ဂုဏ်တော်ကိုးပါး #အဓိဋ္ဌာန်
#ရက်ပေါင်း၁၀၀ #ဓမ္မဒါန

မူရင်းပိုစ်__ https://www.facebook.com/share/p/1KFvnMPAAN/

17/04/2026

မင်္ဂလာရှိသော မြန်မာနှစ်သစ်ဖြစ်ပါစေနော်။
နှစ်ဟောင်းက အညစ်အကြေးတွေ အားလုံး အတာရေနဲ့အတူ မျောပါသွားပြီး...
နှစ်သစ်မှာ စိတ်သစ်၊ လူသစ်၊ အင်အားသစ်တွေနဲ့ လိုအင်ဆန္ဒတွေ အားလုံး ပြည့်ဝကြပါစေ
ကံကောင်းခြင်းတွေသယ်ဆောင်လာတဲ့ နေ့ရက်တွေပိုင်ဆိုင်နိုင်ပါစေ...လို့ ဆုမွန်ကောင်း တောင်းပေးလိုက်ပါတယ်။
💜🙏✨
#နှစ်သစ်ဆုတောင်းလွှာ

01/01/2026

Wishing everyone a Happy and Prosperous New Year 2026 💖

31/08/2025

Good luck 🍀

စက်တင်ဘာလမှာ ကံကောင်းချင်သောသူများသာ ရှယ်ပါလေ ဩဂုတ်မှ ကံဆိုးခြင်းတွေကို မေ့ထားပြီး စက်တင်ဘာကို ကံကောင်းခြင်း ၊ ချမ်းသာခြင်း ၊ ငွေဝင်ခြင်း ၊ အခက်အခဲတွေ ကင်းပျောက်ခြင်းတွေကိုပဲ ရွေးပြီးသယ်သွားရအောင်ဗျာ ၊ အနှောင့်အယှက်အစုံဆိုတာက ကိုယ်က လူသားပေမို့ လောကဓံရဲ့ပြယုဂ်တွေပဲ ဖြစ်ပါတယ် ၊ ကဲ အားလုံး စက်တင်ဘာမှာ လာဘ်အကြီးကြီး ပွင့်ကြမယ် ငွေတွေ ဒလဟောဝင်ကြမယ် စိတ်တွေ လွန်စွာချမ်းသာကြမယ် အစစအရာရာ အဆင်ပြေကြမယ်မလားဗျို့ဆုတောင်း ရှယ်သွားကြပါဗျို့

လင်းညှို့တာရာ

09/07/2025

🙏🙏🙏 ဝါတွင်း(၃)လ " ကိုးနဝင်းပုတီး " ရက်ပေါင်း (၉၀) အဓိဌာန် ပုတီးစိပ်ကြမယ် 🙏🙏🙏

🙏🙏🙏ဗုဒ္ဓဂုဏ်တော်ကိုးပါး အဓိပ္ပါယ်အကျဉ်း🙏🙏🙏

၁။ အရဟံ = ကိလေသာ အညစ်အကြေးတို့မှ ကင်းဝေးစင်ကြယ်တော်မူသော မြတ်စွာဘုရား...

၂။ သမ္မာသမ္ဗုဒ္ဓေါ = သစ္စာလေးရပ် တရားမြတ်ကို ဆရာမကူ သယမ္ဘူဉာဏ်ဖြင့် ကြွင်းမဲ့ဥဿုံ အလုံးစုံကို ကိုယ်တော်တိုင်သာလျှင် ပိုင်းခြားထင်ထင် အကုန်အစင် သိမြင်တော်မူသော မြတ်စွာဘုရား...

၃။ ဝိဇ္ဇာစရဏသမ္ပန္နော = အသိတရား အကျင့်တရားတို့နှင့် ပြည့်စုံတော်မူသော (ဝါ) ဝိဇ္ဇာသုံးပါး၊ ဝိဇ္ဇာရှစ်ပါး၊ စရဏတရား တစ်ဆယ့်ငါးပါးတို့နှင့် ပြည့်စုံတော်မူသော မြတ်စွာဘုရား...

၄။ သုဂတော = ကျိုးရှိဟုတ်မှန် နှစ်တန်သော စကားကိုသာ မိန့်ကြားတော်မူတက်သော (ဝါ) ကျိုးရှိဟုတ်မှန် သူခံသာသောစကားနှင့် ကျိုးရှိဟုတ်မှန် သူမခံသာသောစကား ဤနှစ်ပါးကိုသာ မိန့်ကြားတော်မူတက်သော မြတ်စွာဘုရား...

၅။ လောကဝိဒူ = သတ္တလောက၊ ဩကာသလောက၊ သင်္ခါရလောက တည်းဟူသော လောကသုံးခွင်ကို အကုန်အစင် သိမြင်တော်မူသော မြတ်စွာဘုရား...

၆။ အနုတ္တရော ပုရိသဒမ္မသာရထိ = မယဉ်ကျေးကြငြား သတ္တဝါများကို ယဉ်ပါးလေအောင် ဆုံးမခြင်း၌ တုဘက်ကင်းတော်မူသော မြတ်စွာဘုရား...

၇။ သတ္တာဒေဝမနုဿာနံ = လူ၊ နတ်၊ ဗြဟ္မာ သတ္တဝါတို့၏ ဆရာတစ်ဆူအစစ် ဖြစ်တော်မူသော မြတ်စွာဘုရား...

၈။ ဗုဒ္ဓေါ = သစ္စာလေးပါးမြတ်တရားကို ပိုင်းခြားထင်ထင် သိမြင်တော်မူသော (ဝါ) သစ္စာလေးအင်ကိုယ်တိုင်မြင်၍ များဖြင့်ဝေနေ တပည့်တွေကိုလည်း သိစေတော်မူသော မြတ်စွာဘုရား...

၉။ ဘဂဝါ = ဣဿရိယ၊ ဓမ္မ၊ ယသ၊ သိရီ၊ ကာမ၊ ပယတ္တ ဟူသော ဘုန်းတော် ၆ ပါးနှင့် ပြည့်စုံတော်မူသော မြတ်စွာဘုရား...

ဤသို့လျှင် အရဟံ စသား ဂုဏ်ကိုးပါးနှင့် ထူးခြားကုံလုံ ပြည့်စုံတော်မူသော မြတ်စွာဘုရားကို ကြည်ညိုမြတ်နိုး လက်စုံမိုး၍ ရှိခိုးကန်တော့ပါ၏ အရှင်ဘုရား 🙏🙏🙏

🙏🙏🙏ဗုဒ္ဓဂုဏ်တော်ကိုးပါး အကျိုး🙏🙏🙏

၁။ အရဟံ - ဂုဏ်တော်အား ဆင်ခြင်ပွါးများလျှင် ဘေးရန်ခပ်သိမ်း ကင်းငြိမ်းစေသည်၊ သူတစ်ပါးတို့က လေးစားချစ်ခင်သည်။

၂။ သမ္မာသမ္ဗုဒ္ဓေါ - ဂုဏ်တော်အား ဆင်ခြင်ပွါးများလျှင် အသိဉာဏ်ပညာ ထိုးထွင်းတိုးပွါးစေသည်၊ အသိဉာဏ်နှင့် စပ်လျဉ်းသည့် ကိစ္စအားလုံး အောင်မြင်စေသည်။

၃။ ဝိဇ္ဇာစရဏ သမ္ပန္နော - ဂုဏ်တော်အား ဆင်ခြင်ပွါးများလျှင် ဘုန်းတန်ခိုးကြီးမားစေသည်၊ လက်ရုံးရည် နှလုံးရည် တိုးပွါးစေသည်။သတ္တိ ဗျတ္တိ နှင့် ပြည့်စုံနိုင်စေသည်။

၄။ သုဂတော - ဂုဏ်တော်အား ဆင်ခြင်ပွါးများလျှင် သူတစ်ပါးတို့က ချစ်ခင်လေးစား ကူညီသည်၊ ချီးမြင့်သည်၊ မိမိတောင့်တသမျှ ကောင်းကျိုးများ အောင်မြင်သည်၊ ရောက်လေရာရာ အခါမရွေး ဒေသမရွေး မျက်နှာပွင့်လန်းသည်။

၅။ လောကဝိဒူ - ဂုဏ်တော်အား ဆင်ခြင်ပွါးများလျှင် အချိန်ကာလ နေရာဌာနအားလျော်စွာ အကြံအစည် ပြုသမျှကိစ္စ အားလုံးကို အလွယ်တကူ အောင်မြင်သည်၊ သူတစ်ပါးတို့ အကြံအစည်ကိုလည်း သိနိုင်သည်။

၆။ အနုတ္တရော ပုရိသဒမ္မသာရထိ - သူတစ်ပါးတို့က နိုင်ထက်ကလူ မပြုနိုင်၊ အပြိုင်အဆိုင်ဟူသမျှ အနိုင်ရသည်။

၇။ သတ္တာဒဝေ မနုဿာနံ - သူတစ်ပါး၏ အကြည်ညိုခံရသည်၊ အစဉ်ထာဝရ လေးစားရိုသေမှုခံရသည်။ ဩဇာအာဏာ ထက်မြက်သည်။

၈။ ဗုဒ္ဓေါ - ဂုဏ်တော်အား ဆင်ခြင်ပွါးများလျှင် အရာရာကြံဆ၍ သိနိုင်ပေသည်၊ ပြဿနာ ဟူသမျှကို ဖြေရှင်းနိုင်သည်။

၉။ ဘဂဝါ - ဂုဏ်တော်အား ဆင်ခြင်ပွါးများလျှင် လူချစ်လူခင်ပေါများသည်၊ အားလုံးက ကြည်ညိုကြသည်၊ အခြွေအရံပေါများသည်၊ သူတစ်ပါးတို့ မတုပြိုင်ဝံ့ ကြောက်လန့်ရိုသေစေသည်။
....................................................................

🙏🙏🙏ဝါတွင်း(၃)လ ရက်ပေါင်း(၉၀)စိပ်ရတဲ့ " ကိုးနဝင်း " ပုတီးစိပ်နည်း🙏🙏🙏

🙏🙏🙏စိပ်ရမယ့်နေ့ရက်များ🙏🙏🙏
_________________________________
(၉) ပါးစလုံးကို ( ၉ . ၇ . ၂၀၂၅) မှ ( ၁၇ . ၇ . ၂၀၂၅ ) အထိနေ့တိုင်းတစ်ပတ်စီစိပ်ပါ။

အရဟံ (၁)ပတ်

သမ္မာသမ္ဗုဒ္ဓေါ (၁)ပတ်

ဝိဇ္ဇာစရဏသမ္ပန္နော (၁)ပတ်

သုဂတော (၁)ပတ်

လောကဝိဒူ (၁)ပတ်

အနုတ္တရောပုရိသဒမ္မသာရထိ (၁)ပတ်

သတ္ထာဒေဝမနုဿာနံ (၁)ပတ်

ဗုဒ္ဓေါ (၁)ပတ်

ဘဂဝါ (၁)ပတ်
________________________________

🙏အရဟံ သိဒ္ဓိ (၉)ပတ်🙏

(၁၈ . ၇ . ၂၀၂၅) မှ
(၂၆ . ၇ . ၂၀၂၅) အထိ
________________________________

🙏သမ္မာသမ္ဗုဒ္ဓေါ သိဒ္ဓိ (၉)ပတ်🙏

(၂၇ . ၇ . ၂၀၂၅) မှ
(၄ . ၈ . ၂၀၂၅) အထိ
________________________________

🙏ဝိဇ္ဇာစရဏသမ္ပန္နော သိဒ္ဓိ (၉)ပတ်🙏

(၅ . ၈ . ၂၀၂၅) မှ
(၁၃ . ၈ . ၂၀၂၅) အထိ
________________________________

🙏သုဂတော သိဒ္ဓိ (၉)ပတ်🙏

(၁၄ . ၈ . ၂၀၂၅) မှ
(၂၂ . ၈ . ၂၀၂၅) အထိ
_______________________________

🙏လောကဝိဒူ သိဒ္ဓိ (၉)ပတ်🙏

(၂၃ . ၈ . ၂၀၂၅) မှ
(၃၁ . ၈ . ၂၀၂၅) အထိ
________________________________

🙏အနုတ္တရောပုရိသဒမ္မသာရထိ သိဒ္ဓိ (၉)ပတ်🙏

(၁ . ၉ . ၂၀၂၅) မှ
(၉ . ၉ . ၂၀၂၅) အထိ
________________________________

🙏သတ္ထာဒေဝမနုဿာနံ သိဒ္ဓိ (၉)ပတ်🙏

(၁၀. ၉ . ၂၀၂၅) မှ
(၁၈ . ၉ . ၂၀၂၅) အထိ
________________________________

🙏ဗုဒ္ဓေါ သိဒ္ဓိ (၉)ပတ်🙏

(၁၉ . ၉ . ၂၀၂၅) မှ
(၂၇ . ၉ . ၂၀၂၅) အထိ

_______________________________

🙏ဘဂဝါ သိဒ္ဓိ (၉)ပတ်🙏

(၂၈ . ၉ . ၂၀၂၅) မှ
(၆ . ၁၀ . ၂၀၂၅) အထိ
________________________________

- သက်သတ်လွတ်လည်း စားစရာမလိုပါဘူး
- အချိန်လည်း တိတိကျကျစိပ်စရာမလိုပါဘူး
- နေ့တိုင်း မှန်မှန်စိပ်ဖို့ပဲလိုပါမယ်

🙏🙏🙏 လုံးစုံများစွာ သတ္တဝါ ချမ်းသာကိုယ်စိတ်မြဲပါစေ။ ဥပါဒ်ရန်ဘေး ကင်းစင်ဝေး ငြိမ်းအေးကြပါစေ။🙏🙏🙏

Crd from original writer