http://yomastream.blogspot.com/

Patheingyi News Room, Mandalay (2026)

07/11/2021

ခြုံလွှာလက်ဆောင်
❄️❄️❄️❄️❄️❄️

တေးရေး ▶️ ဂီတာစိုးသိန်း
တေးဆို ▶️ တွံတေးသိန်းတန်

ပျံ့ပျံ့ငယ် သင်း လေညင်း သုန်သုန်
ဝတ်မှုန်ရည်ခိုင်ညှာဝင်း ကြိုင်စွာသင်း မြိုင်ယံအတွင်း
မွှေး ရနံ့ထုံရှာ ရဂုံဝဠာဆီက မို့မို့မှိုင်း
ရှုလေတိုင်း ဖြေမဆည်နိုင်တာ
ဆွေးသူမှာ လွမ်းအားပိုလို့
အသည်းဘဝင် မချိစရာ

(ဝသန်လွန်မြောက်လို့ ဆောင်းဦးလည်း ရောက်ပြန်လေပြီ တစ်ခါ
မိုးထက်တိမ်းပန်း ခက်ညွန့်ဝေဝေဆာ
လေသာပြတင်းက မျှော်ရင်းစောင့်နေမှာ
တနယ်ဆီခြား ချစ်ကျွမ်းသူများ
လွမ်းတာ ဆွေးတာ ဖယ်ကာထားလို့ ဖြေသိမ့်ရပေမှာ
ချစ်သူရှိမည့်နေရာ မျှော်ရည်မှန်းလို့
မောင်ကြီးအရောက်လာမှာ)၂

(ညိုမရောင်ပြာလဲ့ ဇာချဲ့တဲ့ဗွေအာကာမှာ
တိမ်လွှာ တိမ်ရိပ်က မှေးစက်လို့မပျော်နိုင်တာ
သီးခေါင်မြင့်ဖျား မိုးအလား တောင်ထွဋ်များစွာ
ဝန်းရံလို့ ခြံရံကာ မောင့်ချစ်သူ မယ်တစ်ပါး
ချမ်းရှာရော့မှာ အေးရှာရော့မှာ
နွေးစေမယ့် ကမ္ဗလာခြုံလွှာ
အဝေးအရပ်ဆီက မောင်ကြီးစေတနာ
ပါးလိုက်ချင်ပါရဲ့ သည်ဆောင်းဟေမန်ခါ)၂

09/02/2021

မဲဆန္ဒရှင်ပြည်သူလူထု၏ ဆန္ဒပြပွဲများ နိုင်ငံတဝှမ်းပြန့်နှံ့၊ တပ်အာဏာသိမ်းအစိုးရ ၁၄၄အမိန့်ထုတ်ပြန်
💥💥💥💥💥💥💥💥💥💥💥💥💥

မန္တလေး ဖေဖော်ဝါရီလ ၈ရက်

ဖေဖော်ဝါရီလ ၆ရက်နေ့မှာ မြန်မာနိုင်ငံမြို့ကြီးတွေကစတင်ခဲ့တဲ့ မဲဆန္ဒရှင်ပြည်သူတွေရဲ့ လမ်းပေါ်ထွက် အကြမ်း မဖက်၊ ငြိမ်းချမ်းတဲ့နည်းနဲ့ ဆန္ဒပြပွဲတွေဟာ သုံးရက်မြောက်နေ့(ဒီကနေ့)မှာ တနိုင်ငံလုံးအနှံ့ကို ပျံ့နှံ့သွားပါတယ်။ လမ်းပေါ်ထွက်ဆန္ဒပြသူတွေဟာ သူတို့ရဲ့ ဆန္ဒမဲတွေကို အလေးထားဖို့၊ ဒီမိုကရေးစီရရှိဖို့၊ လူထုခေါင်းဆောင် ဒေါ်အောင်ဆန်းစုကြည်အပါအဝင်ဖမ်းဆီထားသူတွေကိုပြန်လွှတ်ပေးဖို့၊ စစ်အာဏာရှင်စနစ်ကျဆုံးဖို့ ကြွေးကြော်ခဲ့ ကြပါတယ်။

ဆန္ဒပြသူ မဲဆန္ဒရှင်ပြည်သူတွေနဲ့အတူ ဌာနဆိုင်ရာအသီးသီးက အစိုးရဝန်ထမ်းတွေ၊ ရဟန်းသံဃာတွေပါ ပူးပေါင်းပါဝင် လာတာတွေ့ရပါတယ်။ နေပြည်တော်ကောင်စီနယ်မြေမှာ ရဲတပ်ဖွဲ့ဝင်တွေက ဆန္ဒပြမဲဆန္ဒရှင်ပြည်သူတွေကို မီးသတ်ရေပိုက်နဲ့ထိုး လူစုခွဲတာတွေပြုလုပ်ခဲ့ပေမယ့် ဒဏ်ရာပြင်းပြင်းထန်ထန်ရသူတွေမရှိခဲ့ဘူးလို့ သိရပါတယ်။

လက်ရှိရရှိထားတဲ့ သတင်းတွေအရ ဒေသအချို့မှာ လူငါးယောက် ဒါမှမဟုတ် ထိုထက်ပို၍မစုရ၊ စုဝေးခြင်း၊ ဟောပြောခြင်း၊ အများပြည်သူပိုင်နေရာနဲ့ လမ်းတွေပေါ်မှာ စီတန်းလှည့်လည်ခြင်းမပြုရ၊ ည ၈နာရီကနေ မနက် ၄နာရီအထိအပြင်မထွက်ရ စတဲ့အချက်တွေ ပါဝင်တဲ့ ရာဇဝတ်ကျင့်ထုံးဥပဒေပုဒ်မ ၁၄၄ကို တပ်အာဏာသိမ်းအစိုးရက ဒီကနေ့ညနေပိုင်းမှာထုတ်ပြန်လိုက်ပါတယ်။ အကြမ်းမဖက်၊ ငြိမ်းချမ်းစွာဆန္ဒပြနေသူတွေထဲက အချို့ဟာ အများပြည်သူတို့၏လုံခြုံရေးနဲ့ တရားဥပဒေစိုးမိုးရေးကို ထိခိုက်ပျက်ပြားစေရန် ပြုလုပ်လာကြတယ်လို့ စွပ်စွဲဖော်ပြ ထားတာကိုလည်း အမိန့်မှာတွေ့ရပါတယ်။

ပြီးခဲ့တဲ့ ၂၀၂၀ခုနှစ် နိုဝင်ဘာလက ကျင်းပပြုလုပ်ခဲ့တဲ့ ရွေးကောက်ပွဲမှာ သမ္မတဦးဝင်မြင့်ခေါင်းဆောင်တဲ့အစိုးရဟာ အမျိုးသားဒီမိုကရေစီအဖွဲ့ချုပ်ပါတီအတွက် မဲမသမာမှုပြုလုပ်မဲခိုးခဲ့တယ်လို့ စွပ်စွဲပြောဆိုပြီး ဒီမိုကရေစီမှန်ကန်ရေး အတွက်ဟု အကြောင်းပြကာ ဖေဖော်ဝါရီလ ၁ရက်နေ့က တပ်မတော်က အာဏာသိမ်းယူခဲ့တာပါ။ အဲဒီစွပ်စွဲချက်တွေဟာ မဟုတ်မမှန်ပါဘူးလို့ သတ်သေပြဖို့ နိုင်ငံတဝှမ်းက မဲဆန္ဒရှင်ပြည်သူတွေ ဆန္ဒပြလာကြတာ ဖြစ်ပါတယ်။ အာဏာသိမ်းယူခြင်းနဲ့အတူ သမ္မတဦးဝင်မြင့်၊ နိုင်ငံတော်အတိုင်ပင်ခံ လူထုခေါင်းဆောင် ဒေါ်အောင်ဆန်းစုကြည်နဲ့ တက်ကြွလှုပ်ရှား သူတွေကိုလည်း ဖမ်းဆီးထိန်းသိမ်းထားပါတယ်။ အဲဒီဖေဖော်ဝါရီလ ၁ရက်နေ့ဟာ ရွေးကောက်ပွဲအနိုင်ရ အမျိုးသားဒီမိုကရေးစီအဖွဲ့ချုပ်ပါတီရဲ့ လွှတ်တော်ခေါ်ယူ၊ အစိုးရအသစ် ဖွဲ့စည်းမယ့်နေ့လည်းဖြစ်ပါတယ်။

全缅甸民众游行示威反对独裁军政府蔓延全国！独裁者军政府发布刑法144条号令
💥💥💥💥💥💥💥💥💥💥💥💥💥💥💥💥

曼德勒，2月8日

2月6日起从缅甸各地开始的非暴力、和平反抗军事政变的民众到大街上游行示威至今已是第三天，游行示威趋势已经蔓延到全国。示威民众的口号是要尊重他们的投票，实现民主，释放全国民主联盟领导人杜昂山素季在内的被关押人士，反对独裁者军政府。目前一部分政府公务员，僧人也参与了示威活动。然而内比都，警察向示威民众喷水进行驱离，所幸没有造成人员伤亡！

据目前得到的消息，独裁者军政府在今天下午发布了刑法144条号令。对某些地方实施禁夜令，内容是：禁止举行5人或5人以上的聚集活动，演讲，禁止在公共场合和大街上游行，晚上8点至早上4点禁止外出。该号令还指责一些非暴力、和平示威者在游行中破坏公共安全和法治。

在仰光的抗议活动中，一些支持独裁者军政府的宗教极端分子，带有目的性的挑拨与缅甸出生的印度后裔种族问题。但得知非暴力、和平示威的民众还是能避免了这场阴谋挑拨。

军方于2月1日夺取政权，指控以总统温敏为首的民盟政府在2020年11月的选举投票中作弊。全国广大民众为了证明这个指控是错的，所以举行了非暴力反军政府示威活动。

军方除了夺取政权，还关押了总统温敏、国务资政昂山素季和其他人士。

2月1日是赢得选举的全国民主联盟，举行议会、新政府成立的日子。

07/02/2021

တပ်အာဏာသိမ်းမှုကို အကြမ်းမဖက် ငြိမ်းချမ်းစွာ နေအိမ်အတွင်းမှ ဆန္ဒပြနေသူများ လမ်းမတွေပေါ်ထွက်လာ
💥💥💥💥💥💥💥💥💥💥💥💥💥💥💥💥💥💥💥💥💥💥💥💥💥💥
မန္တလေး ဖေဖော်ဝါရီလ ၇ရက်
အခုမြင်တွေ့နေရတာကတော့ မန္တလေးမြို့ လမ်းတွေပေါ်က တပ်အာဏာသိမ်းမှုကို ဆန့်ကျင်သူတွေပဲဖြစ်ပါတယ်။ ဖေဖော်ဝါရီလ ၁ရက်နေ့ကစလို့ ဖေဖော်ဝါရီလ ၅ရက်နေ့အထိ နိုင်ငံတဝှမ်း တပ်အာဏာသိမ်းမှုကို ဆန့်ကျင်သူ ပြည်သူတွေဟာ ည ၈နာရီတိုင်း မိမိ‌နေအိမ်တွင်းမှနေ၍ သံပုံးတီးခြင်း၊ ဖယောင်းတိုင်ထွန်းခြင်းများဖြင့် အကြမ်းမဖက် ငြိမ်ချမ်းစွာ ဆန္ဒပြခဲ့ကြတာပါ။
ဖေဖော်ဝါရီလ ၆ရက် မနေ့မနက်ပိုင်းကတော့ အာဏာသိမ်းစစ်အစိုးရဟာ တစ်နိုင်ငံလုံးက အင်တာနက်ဆက်သွယ်မှုတွေကို ဖြတ်တောက်လိုက်ပါတယ်။ ဒါကြောင့် နေအိမ်အတွင်းမှ ဆန္ဒပြနေသူတွေဟာ ဒီမိုကရေစီမှန်ကန်ရေးအတွက်ဟု အကြောင်းပြအာဏာသိမ်းယူခဲ့တဲ့ အာဏာသိမ်းစစ်အစိုးရရဲ့ နှိပ်ကွပ်မှုကို ပြောင်ပြောင်တင်းတင်းဆန့်ကျင့်ဖို့ လမ်းတွေပေါ်ထွက်လာကြပါတော့တယ်။ ဒါဟာ နိုင်ငံအဝှမ်းမြို့ကြီးတွေမှာ တပြိုင်နက်တည်းဖြစ်ပေါ်လာတာလည်း ဖြစ်ပါတယ်။
လမ်းတွေပေါ်ထွက်လာကြသူတွေဟာ ဒီမိုကရေစီရရှိရေး၊ စစ်အာဏာရှင်ကျရှုံးရေး၊ အသက်အရွယ်ကြီးရင့်နေပြီဖြစ်တဲ့ အဖမ်းအဆီးခံ လူထုခေါင်းဆောင် ဒေါ်အောင်ဆန်းစုကြည် ကျန်းမာ‌စေရေးနဲ့ ပြည်သူလူထုညီညွတ်ရေး စတာတွေကို ကြွေးကြော်ခဲ့ကြပါတယ်။
在家中不使用暴力、和平反抗军事政变的人民到大街上游行示威
💥💥💥💥💥💥💥💥💥💥💥💥💥💥💥💥💥💥💥💥💥💥💥💥💥💥
曼德勒，2月7日
现在看到的是在曼德勒反抗军事政变的人民到大街上游行示威。从2月1日起至5日，全国为了反抗军事政变，每晚8点，在各自的家中敲铁桶、点蜡烛，就这样没使用暴力、和平抗议。
2月6日独裁者军政府把全国的网络切断。所以为了民主，为了反抗军事政变，人民就光明正大的到大街上游行示威了。这是全国各大城市统一游行示威的。
大街上游行示威者喊的口号是：愿实现民主，愿军事独裁者失败，愿被抓的高龄人民领导杜昂山素季健康，愿人民团结等。

04/02/2021

စစ်အာဏာသိမ်းမှုကို ဆန့်ကျင်သည့် သံပုံးတီးသံ၊ ဟွန်းတီးသံများ ပိုမိုကျယ်လောင်လာ
💥💥💥💥💥💥💥💥💥💥💥💥💥💥💥

အခုကြားနေရတဲ့အသံတွေကတော့ စစ်တပ်အာဏာသိမ်းမှုကို ဆန့်ကျင်ကြောင်း ဆန္ဒဖော်ထုတ်ကြတဲ့ မန္တလေးမြို့ ရပ်ကွက်တွေထဲက ထွက်လာတဲ့ သံပုံးတီးသံ‌တွေနဲ့ လမ်းတွေပေါ်က သွားရင်းလာရင်း ပါဝင်ဆင်နွဲကြတဲ့ ဟွန်းတီးသံတွေပဲဖြစ်ပါတယ်။

ဒီမိုကရေစီမှန်ကန်ရေးအတွက်ဟု အကြောင်းပြ အာဏာသိမ်းခဲ့တဲ့ စစ်အစိုးရက ဒီကနေ့မှာ ဖေ့စ်ဘုတ်လူမှုကွန်ယက်ကို ပိတ်ပင်ခဲ့သလို၊ အခုလို ည၈နာရီ အချိန် အကြမ်းမဖက်၊ ငြိမ်းချမ်းသောနည်းဖြင့် ဆန္ဒဖော်ထုတ်မှုတွေကို တိုင်ကြားနိုင်ကြောင်း ရဲတိုင်စာထုတ်ပြန်လာတာကြောင့် ခါတိုင်းနေ့တွေထက် ပိုမိုကျယ်လောင်လာတာဖြစ်ပါတယ်။

03/02/2021

အခုကြားနေရတဲ့အသံတွေကတော့ တပ်မတော်အာဏာသိမ်းမှုကို ဆန့်ကျင်သောအားဖြင့် မန္တလေးမြို့ ရပ်ကွက်တွေထဲက သံပုံးတီးနေတဲ့အသံတွေပဲဖြစ်ပါတယ်။ မနေ့က စတင်ပြီး နိုင်ငံတဝှမ်း ဒေသတချို့မှာ အခုလို ငြိမ်းချမ်းစွာ၊ အကြမ်းမဖက်သောနည်းဖြင့် သံပုံးတီးခြင်း၊ ဖယောင်းတိုင်ထွန်းခြင်းများပြုလုပ်ပြီး ဖီဆန်လာကြတာဖြစ်ပါတယ်။

03/02/2021

#မင်းမဲ့တိုင်းပြည်တွေးလိုက်ရင်ဆွေးလို့ဖြေမဆည်ဘယ်သူရွှေနန်းတက်ပါ့မည်
#နန်းတက်ပွဲနဲ့လွဲတာကြာပြီရွှေအသဲနာပါသည်မြန်မာပြည်ရှေးရှေးကနဲ့မညီ

ရွှေနန်းတက်ပွဲ

တေးရေး - သဟာယဆရာတင်
တေးဆို - မေရှင်

သာသနာ့ဒါယကာ မွန်၊ မြန်မာမင်းတွေမှာဖြင့် ရွှေထီး၊ ရွှေနန်း၊ ရွှေကြငှန်းနဲ့သာ ဘယ်ခါဆီ စိုးမိုးအုပ်ချုပ် မင်းလုပ်နိုင်တော့မည် မြန်မာနိုင်ငံပြည် စိုးပိုင်ဆိုင်တဲ့ ရှင်ဘုရင်များ မြင်ချင်ရဲ့သားရယ်နဲ့ မတွေးနိုင်တော့ပြီ ဘယ်ဝယ်၊ ဘယ်ဆီ၊ ရှေးခေတ်ဟောင်းကို အောင်မေ့ပါတော့သည်။ အို အို အို မင်းမဲ့တိုင်းပြည် တွေးလိုက်ရင် ဆွေးလို့ဖြေမဆည် ဘယ်သူ ရွှေနန်းတက်ပါ့မည် ရေဖြန်းခံ၍ ဝေသဖန်အလယ် မျှော်မှန်းဆလို့ လွမ်းရပြီ။

သီဟာသနနေရာဆီ ဘုန်းသမ္ဗာမညှိုးတဲ့ မွန်၊ မြန်မာမျိုးတို့ရဲ့ မင်းဆက်ပေါ်ပါစေ။ ရာဇဝင်အထင်အရှား၊ အကျင့်တရားမြတ်သည်၊ သို့ပါသော် နန်းအဆက်ပြတ်လို့ နန်းတက်ပွဲနဲ့လွဲတာကြာပြီ ရွှေအသဲနာပါသည် မြန်မာပြည် ရှေးရှေးကနဲ့မညီ။

မြစ်မင်းငါးသွယ်က ရေကြည်၊ ငွေသင်္ခါ ခရုသင်းနဲ့ မင်းမြတ်ထိပ်ဆီ။ ဘိသိက်သွန်းမည် သောင်းလုံးကျွန်းမဟီ၊ မင်းမြောက်တန်ဆာသစ္စာခံလို့ ရွှေနန်းစံတွင် ဆင်မြန်းသည်၊ ကုန်းဘောင် ဘုန်းရောင်လင်းခဲ့သည်။

မြန်မာဘုရင် ရွှေနန်းတင်တော့ ပုဏ္ဏား၊ သူကြွယ်၊ သူဋ္ဌေးတွေရဲ့ ရင်တွင်း၊ ရင်စည်း ဘေးပတ်လည် ရှစ်ယောက်စီ ခစားရတော့သည်။ ဘုန်းမိုးသွန်းသည် နေဝန်းကဲ့သို့တေဇာတန်ခိုးနဲ့အညီ မညှိုးခဲ့တော့သည်။

သီဟာသနနေရာဆီ ဘုန်းသမ္ဗာမညှိုးတဲ့ မွန်၊ မြန်မာမျိုးတို့ရဲ့ မင်းဆက်ပေါ်ပါစေ ရာဇဝင်အထင်အရှား၊ အကျင့်တရားမြတ်သည် သို့ပါသော် နန်းအဆက်ပြတ်လို့ နန်းတက်ပွဲနဲ့ လွဲတာကြာပြီ ရွှေအသဲနာပါသည် မြန်မာပြည် ရှေးရှေးကနဲ့မညီ။

13/01/2021

စံပယ်လှိုင်လှိုင်ပွင့်ပါစေ
🌿🌿🌿🌿🌿🌿🌿🌿

ဆရာမ ရေချိုးခန်းထဲထားခဲ့ပြီနော်။

နေဦးလေ ပိုက်ဆံကဘယ်လောက်ပေးရမှာလဲ။

ဆယ်ပင် သုံးထောင်ပါဆရာမ။ ဆေးဖိုးပေးစရာရှိတာနဲ့ နှိမ်လိုက်တော့။

အမျိုးသမီးဆေးခန်းမှာ လိုအပ်တာ ကူလုပ်ပေးလေ့ရှိတဲ့ ဒေါ်ဋ္ဌေးအသံ။

ဘာတွေလဲဟ။

စံပယ်ပင်တွေလေ မှာထားတာလာပို့သွားတာ။

ဪ ...

စံပယ်ပန်းကို သိပ်ကြိုက်တယ်။ သူ့ရနံ့သင်းသင်းလေးကို နှစ်သက်တယ်။ သူ့မှာ နှင်းဆီတွေလို ဆူးလည်းမပါဘူး။ အရောင်ကလည်း ဖြူစင်တယ်။ ရနံ့ကလည်းသင်းတယ်။ နှစ်သက်မိသူကို နည်းနည်းလေးမှတောင် ဒုက္ခ မပေးတတ်ဘူး။

ကြိုက်တာမှ ဘယ်လောက်ထိကြိုက်တာလဲဆိုရင် လမ်း ၃၀(ယခုဗဟိုအမျိုးသမီးဆေးရုံ) စက်မှုလက်မှုသိပ္ပံကျောင်းသား ဘဝ နန်းရှေ့ဈေးပေါက်ကနေ စံပယ်ပန်းကုံးတွေ ဝယ်ဝယ်လာပြီး၊ အတန်းထဲ ကိုယ့်ရှေ့ထိုင်တဲ့၊ ကိုယ့်ဘေးထိုင်တဲ့ သူငယ်ချင်း မိန်းခလေးတွေကို ကြုံရင်ကြုံသလို ပန်းကုံးတွေ ဝေပေးတတ်တဲ့အထိ အောင်ကြိုက်တယ်။ ဆံပင်ရှည်ရှည်၊ ပန်းကြိုက်တတ်တဲ့ သူငယ်ချင်းတွေကလည်း အမြတ်တနိုးပန်ပေးတတ်ကြတယ်။ သူတို့နောက် သူတို့ဘေး စာသင်ခုံမှာ၊ ပုံဆွဲခုံမှာ နေခွင့်၊ ထိုင်ခွင့်ရတာ ရနံ့သင်းလိုက်ပါဘိ။ စိတ်ကြည်လိုက်ပါဘိ။

ပန်းကြိုက်ပေမယ့် အပင်စိုက်ရတာတော့ ဝါသနာမပါလှဘူး။ လချီကြာတဲ့အထိအောင် အဲဒီစံပယ်ဆယ်ပင် ရေချိုးခန်းထဲတွင် ဒီအတိုင်း။ တစ်ရက်ပြီးတစ်ရက် တစ်ပင်ပြီးတစ်ပင် နေရောင်ခြည်မရ၊ မြေဆီဩဇာမရနဲ့ အရွက်တွေ တဖြုတ်ဖြုတ်ကြွေ သေကုန်ကြတယ်။ တစ်လခွဲလောက်ကြာတဲ့အချိန်မှာတော့ ဆယ်ပင်ထဲက နှစ်ပင်သာ ကျန်တော့ တယ်။

ဪ လောကသဘာဝ ကြည့်စမ်းပါဦး။ အခြေအနေတစ်ခုကို အတူတူကြုံနေရတာချင်းအတူတူ သေသူကသေ၊ ရှင်သူကရှင်။ ဘယ်လိုလူမျိုးတွေသေတာလဲ။ ဒါမှဒါ ဒါမှမရရင် မဖြစ်နိုင်ဘူးဆိုတဲ့ အတွေးရှိသူတွေသေကြရတာ။ ဒါမရလည်း ရတာနဲ့ အသက်ရှင်အောင် ညှိယူနိုင်သူတွေ မသေကြဘူး။ စံပယ်ပင်တွေကြည့်ပြီး ဖတ်ဖူးတဲ့စာအခံနဲ့ တွေးမိတယ်။

ဒီအတွေးကိုတွေးရင် ရှင်နေတဲ့စံပယ်နှစ်ပင်ကို ဂုဏ်ပြုသောအားဖြင့် ဖယ်ထုတ်လိုက်ပြီး ပန်းအိုးထဲ ထည့်စိုက် လိုက်တယ်။

ဒီလိုတွေးမိတာ မှန်ပါရဲ့လား။ ကိစ္စတိုင်းကို အဲဒီလို ကိုယ့်မှာရှိတဲ့ ဉာဏ်အမြော်အမြင်လောက်နဲ့ လှေနံဓားထစ် တွေးလိုက်တာက သင့်တော်ပါရဲ့လား။

+++++++

ပြီးခဲ့တဲ့ရက်ပိုင်းက ကိုယ့်အိမ်အရှေ့ဘက် နှစ်အိမ်ကျော်မှာနေတဲ့ အန်တီပြုံး ကိုဗစ်ကြောင့်ဆုံးသွားသတဲ့။

အံ့ဩမှင်တက်ဖြစ်ရတယ်။ သူခမျာ ဘယ်မှလည်း မသွားပါဘူး။ မနက်ဆိုနေဆာလှုံ၊ နေ့ခင်းဘက် နေရောင်ရှိတဲ့ချိန် ရေချိုး၊ စားချိန်တန်စား၊ အိပ်ချိန်တန်အိပ်၊ လူတွေတွေ့ရင် ပြုံးပြုံး ပြုံးပြုံးနဲ့ နေရှာသူ။ ဘယ်လိုကြောင့် ကိုဗစ် ကူးစက်သွားတာလဲ။

သူမှာ ဆီချိုအခံရှိသတဲ့။ ဆီချိုကြောင့် ဆေးရုံသွားပြရင်း ဆေးရုံက ကူးတယ်ထင်ပါရဲ့။ နှစ်ရက်ပဲခံတယ်။ သူ ကိုဗစ်ကို မတွန်းလှန်လိုက်နိုင်ဘူး။ ခမျာမယ်က ကျန်းမာရေးဝန်ကြီးဌာန ထုတ်ပြန်ချက်နဲ့အညီ နေရှာသူမဟုတ်ပါလား။ သူအသက်ဆက်ရှင်နိုင်ဖို့ အတတ်နိုင်ဆုံး အားထုတ်ခဲ့တယ် မဟုတ်ပါလား။

+++++++

မြတ်ဗုဒ္ဓကတော့ ပုထုဇဉ်တွေ တွေးသလို မတွေးဘူး။ သူ့မှာရှိတဲ့ သဗ္ဗညုတရွှေဉာဏ်တော်က မြင်တဲ့အတိုင်း ဟောတယ်။ ဟောဒီသဘာဝလောကကြီးတခုလုံးဟာ သူ့နိယာမ(သဘာဝဖြစ်ရိုးဖြစ်စဉ်)အတိုင်းသာ ဖြစ်ကြရသတဲ့။ စိတ်ဆိုတာဟာ အစဉ်အတိုင်း ရှေ့စိတ်ပြီးရင် နောက်စိတ်ဖြစ်ပွားတတ်သတဲ့၊ ကုသိုလ် အကုသိုလ်ကံတို့၏ အလားတူစွာ ကမ္မဝိပါက်တရားအတိုင်း ဆင်းရဲ၊ ချမ်းသာ ဖြစ်ကြရကုန်သတဲ့၊ မူလမျိုးရိုးဗီဇအတိုင်း အလာတူဖြစ်ကြရကုန်သတဲ့၊ ဥတုရာသီအစဉ်အတိုင်း ဖြစ်ကြရကုန်သတဲ့၊ ဖြစ်ကြရမယ့်အတိုင်းဖြစ်ပြီး၊ ပျက်ကြရမယ့်အတိုင်းပျက်ကြရကုန်သတဲ့ ဒီလိုသဘာဝဖြစ်ရိုးဖြစ်စဉ် အခြေခံငါးပါးကိုဟောခဲ့တယ်။ အဲဒီငါးပါးကို အဋ္ဌကထာ၊ ဋီကာဆရာတွေက တစ်ဆယ့်ငါးပါး အထိ အကျယ်ချဲ့ပြနိုင်ပေမယ့် သူရဲ့ကျယ်ပြန့်မှုက အဲဒါထက်မကဘူး။ ဟောဒီသဘာဝလောကကြီး တစ်ခုလုံးအထိအောင် ကျယ်ပြန့်တယ်။

အမှန်တရားဆိုတာ အချက်အလက်အပေါ်မှာ မှီတည်နေတယ် ဆိုသည့်တိုင်း အချက်အလက်အတိုင်းက အမှန်တရားကို ကိုယ်စားပြုနိုင်တာမျိုး မဟုတ်ဘူး။ အချို့သော အချက်အလက်တွေဆိုတာ ကိုယ့်လက်လှမ်းမှီမှုအပေါ်မှာ တည်မှီနေတာဖြစ်လို့ ဒါဟာ အမှန်တရားပါလို့ လှေနံဓားထစ် ဆုပ်ကိုင်ထားလို့ မရဘူး။

သဘာဝတရားကို နားလည်နိုင်ပါစေ။ စံပယ်တွေ လှိုင်လှိုင်ပွင့်ပါစေ။ ရနံ့သင်းပျံ့ပါစေ။

အောင်မျိုးထွန်းကျော်
ဇန်နဝါရီလ ၁၃ရက် ၂၀၂၁

12/01/2021

အိမ်မစောင့်ခွေး
🐶🐶🐶🐶🐶

အိမ်ကို ပြီးခဲ့တဲ့နှစ်မိုးတွင်းကြီး လမ်းဘေးက ခွေးမတစ်ကောင်ရောက်လာခဲ့တယ်။

ရောက်ရောက်ချင်း ဆောက်နဲ့ထွင်းဆိုသလို အိမ်ပေါ်တက်ဖို့ လှေကားပေါ်ပြေးတက်တယ်။

ဒီခွေးမ အတော်ခွေးပါးဝပါလား။ သွား အခုဆင်းစမ်းဆို မောင်းချရတယ်။
ခဏနေတော့ အိမ်ရှေ့ဘေးလေးကပ်ပြီး အဲဒီခွေးမ ခွေးလေးတစ်ကောင်ပေါက်တယ်။

ဪ ခမျာ အပျိုဗိုက်ထင်ပါရဲ့ မအောင့်နိုင်မအည်းနိုင် မွေးချင်လို့ နေရာရှာနေတာကိုလို့ ကရုဏာသက်မိတယ်။

ဒီတော့မှသေချာကြည့်မိ။ လက်စတော့ ပြီးခဲ့တဲ့အရင်ရက်တွေက အိမ်ကအငယ်မ ကျွေးမွေးနေတဲ့ခွေးပဲ။

ဒါကြောင့် သူဒီကိုလာတာ။

ဟဲ့ အငယ်မ ညည်းကျွေးနေတဲ့ခွေးက အိမ်ရှေ့မှာ လာမွေးနေတယ်လုပ်ဦးဆိုတော့ ပျာပျာ ပျာပျာနဲ့ ဆင်းလာတယ်။

ဘယ်မှာလဲ။ ဘယ်မှာလဲ။

ဟိုမှာလေ။

ဟင် တစ်ကောင်တည်းလား။ သူများခွေးတွေဆို အများကြီးမွေးတာပါ။
အငယ်မက ကြောင်တွေ၊ ခွေးတွေချစ်တတ်တယ်။ အရင် ကြောင်တွေအပြုံကြီးမွေးထားတုန်းက မနည်း ရှင်းထုတ် ထားရတာ။

ကြိုပြောမယ်နော် ကိုယ့်အိမ်က ဧည့်သည်ပြတ်တာမဟုတ်ဘူး။ ခွေးမွေးဖို့မစဉ်းစားနဲ့။ ကိုက်နေရင် ပြဿနာတက်နေမယ်။

အငယ်မဆီက ဘာတုံ့ပြန်သံမှမကြားရ။ ပြောသာပြောရတာ သူမွေးတော့မယ်ဆိုတာတော့ သိပြီးသားပါ။ တစ်ကောင် တည်းဆိုတော့ သိပ်ပြဿနာမရှိပါဘူးပေါ့။

ဒီလိုနဲ့ မိုးရွာတဲ့ညတွေမှာ သားအမိနှစ်ယောက် အိမ်ထဲထည့်သိပ်။ သွေးနုသားနုနဲ့ တစ်ခုခုဖြစ်သွားမှ စိုးသကိုး။ မိုးမရွာတဲ့အချိန် အိမ်ရှေ့သိပ်။ သူတို့ခွေးသားအမိ လမ်းဘေးခွေးသာဆိုတယ်၊ အတော်ဇိမ်ကျတယ်။ စောင်တွေ၊ ဂွမ်းကပ်တွေနဲ့။

အဲ ဇာတ်လမ်းက စလာတယ်။ သူတို့အတွက် ပေးထားတဲ့ စောင်တွေ၊ ဂွမ်းကပ်တွေ ဘယ်အမှိုက်ကောက်က ယူသွားတယ်မသိဘူး။ သိပ်မကြာဘူး။ ပျောက်ကုန်တယ်။

ဟဲ့ကောင်မ နင့်ဟာက အိမ်စောင့်ဖို့နေနေသာသာ နင့်အတွက်ပေးထားတဲ့ ပစ္စည်းတောင် လုံခြုံအောင် မကာကွယ်နိုင်ပါ့လား ဟန်။

ဒါတွင်ပဲလားဆို။ မဟုတ်သေးဘူး။ ခါတိုင်းသိမ်းနေကြအမှိုက်ပုံးကို သူရှိတယ်ဆိုပြီး မသိမ်းဘဲထားတာ။ အမှိုက်ပုံးပါ မ သွားပါရောလား။ သူ့ယုံမိလို့ ဆုံးရှုံးတာ အမှိုက်ပုံး သုံးပုံးတောင်။ အခုတော့ မယုံရဲတော့ဘူး။

ဒီဆောင်းတွင်းတတွင်းလုံး အိမ်ကအငယ်မက ခွေးပေါက်စကို အိမ်အပေါ်ဆုံးထပ် သူ့အခန်းထဲခေါ်သိပ်တယ်။ အစက သူ့အမေပါခေါ်သိပ်လို့။
ဟဲ့ အိမ်ခေါင်မိုးပေါ် ခွေးတက်တယ်ဆိုတာ ကောင်းတဲ့ကိစ္စမဟုတ်ဘူး။ နင့်ခွေးတွေ မတင်နဲ့ အောက်မှာထား ပြောရတယ်။ ခွေးနေရာ ခွေးထားမှပေါ့ ဘယ်နှယ် လူတွေနဲ့ ရောရောနှောနှော။

အငယ်မက တထစ်လျှော့ပေးတယ်။ ခွေးမကြီးကို အိမ်ပေါ်မတင်တော့ဘူး။ ခွေးပေါက်စကိုတော့ အပြင်မထားဘူး။ သူ့အခန်းထဲမှာပဲ သိပ်တယ်။

အံမယ် ကိုယ်မသိလိုက်ခင် အငယ်မဆင်ပေးထားတာ။ ခွေးသားအမိက ခွေးအနွေးထည်တွေနဲ့။ လမ်းဘေးခွေးချင်း တောင် မနာလိုချင်စရာကြီး။

ဒီဆောင်းတတွင်းလုံး ခွေးပေါက်စ အိမ်အပေါ်ဆုံးထပ်မှာ နေရတယ်။ အကျင့်ပါလာပုံက သင်းက တစ်နေကုန် အိမ်ရှေ့ မှာကို မနေချင်တော့ဘူး။ အိမ်ပေါ်ပဲ တက်နေချင်တော့တာ။ အိမ်မှာ အငယ်မကလွဲပြီး ကျန်တဲ့သူတွေက ဒီခွေး သားအမိကို လက်မခံဘူး။

လက်မခံဆို ကြည့်လေ။ အိမ်ကို ဧည့်သည်လာပြီဆို အမေလုပ်သူက ရန်သူမှန်းမသိ၊ မိတ်ဆွေမှန်းမသိ ဟောင်တယ်။ ဟဲ့လုပ်မရ၊ ဟွန်းလုပ်မရ။ အဆိုးဆုံးက ခွေးပေါက်စ။ ဧည့်သည်ခြေရင်းနား ကပ်ကပ်ထိုင်ပြီး တဗျင်းဗျင်းနဲ့ ကုတ်တယ်။ ခွေးသန်းရှိလိုလားဆိုတော့ မဟုတ်ပါဘူး။ အငယ်မက ရေမပြတ်ချိုး၊ သန့်ရှင်းပေးနေကြ ဘယ်မှာလာ ခွေးသန်းရှိမလဲ။ လမ်းဘေး ခွေးဆိုတော့ စရိုက် မကောင်းတာ။ ရွံတတ်တဲ့ ဧည်သည်တွေက ဒါမျိုးဘယ်လက်ခံချင်ပါ့မလဲ။

အဲဒီတော့ အိမ်ကလူတွေက အငယ်မလစ်ပြီ၊ အပြင်သွားပြီဆိုတာနဲ့ ခွေးပေါက်စကို မောင်းချကြတယ်။ မာယာများတဲ့ ခွေးပေါက်စ တအီအီ တဂိန်ဂိန်နဲ့ အသံပြုတယ်။

အိမ်ရှေ့နေတဲ့ သူ့အမေက သူကလေးရဲ့ ပုံမှန်မဟုတ်တဲ့ အသံကြားရင် အခြားလူသာ ရန်မလုပ်ရဲတာ။ အိမ်ကလူတွေကို ရန်လုပ်ချင်ချင်။

အံမယ်နင်တို့သားအမိက တယ်စည်းလုံးပါလား။ အိမ်ရှေ့နေ၊ ကျွေးတာစား၊ ဘာမှလုံခြုံအောင် အိမ်စောင့်မရဘဲ ရန်လုပ်ချင်သေးတယ်။ အေး တွေ့ကြသေးတာပေါ့။

အဲဒီနေ့က စပြီး အိမ်မှာပိုနေတဲ့ ဝါယာထိန်းရိုက်တဲ့ ကစ်ရှင်းပြားကို နှစ်ပေရှစ်လက်မလောက်ဖြတ်လိုက်တယ်။ ဟောသည်မှာ ကြည့် မြင်လာ သားအမိနှစ်ယောက်လုံး နာသွားမယ်ဆိုပြီး ခွေးရိုက်ဖို့တုတ်ဆောင်ထားရတော့တယ်။

အောင်မျိုးထွန်းကျော်
ဇန်နဝါရီလ ၁၂ရက် ၂၀၂၁
(Based on true story)

11/01/2021

ကျွန်တော်ချာတာ လူသိပါစေ
😴😴😴😴😴😴😴😴

ပဏိဓာနတော ပဋ္ဌာယ၊
တထာဂတဿ ဒသ ပါရမိယော၊
ဒသ ဥပပါရမိယော၊
ဒသ ပရမတ္တ ပါရမိယောတိ၊
သမတ္တိံသ ပါရမိယော၊
ပဉ္စ မဟာပရိစ္စာဂေ၊
လောကတ်ထစရိယံ ဉာတတ်ထစရိယံ၊
ဗုဒ္ဓတ္ထစရိယန္တိ တိဿော စရိယာယော၊
ပစ္ဆိမဘဝေ ဂဗ္ဘဝေါက္ကန္တိံ၊
ဇာတိံ အဘိနိက်ခမနံ၊
ပဓာနစရိယံ ဗောဓိပလ္လင်္ကေ မာရဝိဇယံ၊
သဗ်ဗညုတညာဏပ်ပဋိဝဓေံ၊
ဓမ်မစက်ကပ်ပဝတ်တနံ၊
နဝ လောကုတ္တရဓမ္မေတိ၊
သဗ္ဗေပိမေ ဗုဒ္ဓဂုဏေ အာဝဇ္ဇေတွာ၊
ဝသောလိယာ တီသု ပါကာရန်တရသေု၊
တိယာမရတ္တိံ ပရိတ္တံ ကရောန္တော၊
အာယသ္မာ အာနန္ဒတ္ထေရော ဝိယ၊
ကာရုညစိတ္တံ ဥပဋ္ဌပေတွာ။

ဒါကရတနသုတ် အမွှန်းမှာပါတဲ့ ပါဠိတွေပါ။ ဒီကနေ့ ဆရာကျော်ဝင်းရေးတဲ့ ဆောင်းပါးတစ်ပုဒ်ကို မိတ်ဆွေတစ်‌ယောက် ရှယ်ထားတာတွေ့လို့ ဖတ်လိုက်ရတယ်။ Amatya Sen ပြောတဲ့ 'Global Value ဖြစ်ထိုက်သော ဗုဒ္ဓဝါဒ'တဲ့။ ဒီလ ၉ရက်နေ့က the voice journal နိုင်ငံရေးဆောင်းပါးကဏ္ဍမှာ ပါတယ်။ ဆောင်းပါးဆိုပေမယ့် လွှတ်တော်မှာ ဆရာဟောပြောခဲ့တဲ့ နိဂုံးပိုင်းကိုသာ ဆောင်းပါးအဖြစ် ဖော်ပြထားတာဖြစ်ပါတယ်။ ဟောပြောချက်အပြည့်အစုံက ဗုဒ္ဓတရားတွေအပေါ်မှာ အခြေခံထားတာပါ။

ကိုယ်တိုင်၌က ဗုဒ္ဓဓမ္မတွေဟာ ကမ္ဘာပေါ်မှာ ရှိရှိသမျှသော အယူဝါဒတွေ၊ အတွေးအမြင်တွေထက် သာလွန် ကောင်းမြတ်တယ်လို့ ယုံကြည်ထားသူ၊ ဗုဒ္ဓဓမ္မနဲ့ တိုင်းပြည်အုပ်ချုပ် မင်းလုပ်လို့ရရုံတွင်မဟုတ်ဘူး၊ ကမ္ဘာကြီး တစ်ခုလုံးကိုတောင် စီမံခန့်ခွဲနိုင်တယ်လို့ ဦးသန့်လို ပုဂ္ဂိုလ်မျိုးကို ကြည့်ပြီး ယုံကြည်လက်ခံထားသူရယ်ပါ။ ဘာသာရေးအကြောင်းပါလာလို့ ဟိုအမျိုးဘာသာ၊ သာသနာကုန်းအော်နေတဲ့ပုဂ္ဂိုလ်တွေနဲ့ အတူတူလို့တော့ မထင် စေချင်ဘူး။ အဲဒီပုဂ္ဂိုလ်တွေက မြတ်ဗုဒ္ဓရဲ့ ကြီးကျယ်ခမ်းနားမှုကို သေးသိမ်အောင် ဆွဲချနေတဲ့သူတွေ။

ဆရာကျော်ဝင်းပြောတဲ့ အိန္ဒိယနိုင်ငံသား Amatya Sen (အမားချက်ဆန်)ဆိုတာဟာ Human Development Theory ကို ဖော်ထုတ်ခဲ့ပြီး ၁၉၉၈ ခုနှစ်မှာ နိုဘယ်လ်ဆုရရှိခဲ့သူပါ။ လက်ရှိ ဟာဗက်က္ကသိုလ်မှာ ပါမောက္ခလုပ်နေတယ်လို့ သိရတယ်။ အဲဒီပုဂ္ဂိုလ်ကြီးရဲ့စာကို ဆရာကျော်ဝင်းလို ပုဂ္ဂိုလ်က ဘာသာပြန်ပြီး ဖောက်သည်ချထားတာ။

ဆောင်းပါးမှာ သူက ဘာပြောသလဲဆိုတော့ တကယ့် Global Value ဖြစ်ထိုက်တာဟာ Confucius(ကွန်ဖြူးရှက်) မဟုတ်ဘူး။ Liberal Democracy(လစ်ဘရယ်ဒီမိုကရေစီ လူတစ်ဦးချင်းအခွင့်အရေးကို တန်းဖိုးထားသည့်ဝါဒ) လည်း မဟုတ်ဘူး။ သူတို့ထက် ပိုပြီး Global ဖြစ်ထိုက်တာက ဗုဒ္ဓရဲ့ဓမ္မပဲ။ ဗုဒ္ဓရဲ့ Philosophy(အတွေးအမြင်) ပဲလို့ ပြောပါတယ်။

ကိုယ်နဲ့ အယူအဆတူတော့ သာလို့ကြိုက်တာပေါ့။ သို့ပေမယ့် ဆောင်းပါးထဲမှာပါတဲ့ လူတင်မကဘူး။ အပင်တွေကော၊ တိရစ္ဆာန်တွေကော ဒီလောကကြီးတစ်ခုလုံးကို ကိုယ်စားပြုနိုင်တဲ့၊ ပိုကျယ်တဲ့ Radius(အချင်းဝက်) ရှိတဲ့ Trust(ယုံကြည်မှု) က ဘယ်မှာတွေ့မလဲ။ ဗုဒ္ဓမှာ ရှိတယ်။ အလွတ်မပြောပါဘူး။ ရတနာ့သုတ်နဲ့ သက်သေပြတယ်။ ရတနာ့သုတ်အမွှန်းမှာပါပဲ။ သူကောက်ပြတယ်။ လောကတ္ထစရိယာ၊ ညာတတ္ထစရိယာ၊ အတ္တတ္ထစရိယာ။
ဒါက ဘုရားရဲ့ Radius of Trust (ယုံကြည်မှုအချင်းဝက်၊ အချင်းဝက်ဖြစ်လို့ ကျယ်ချင်သပဆို အချင်းဝက်ကို ချဲ့ပေးနိုင်ဖို့ပဲလိုတယ်) မာတိကာပေါ့။ ဘုရားက နံပါတ်တစ် လောကအကျိုး၊ နံပါတ်နှစ် ဆွေမျိုးအကျိုး၊ နံပါတ်သုံး ကိုယ့်အကျိုး အဲဒီလို မာတိကာစဉ်လိုက်တယ်တဲ့။

ပြဿနာက ရတနာ့သုတ်မှာ အတ္တတ္ထစရိယာလို့ သုံးမထားဘူး။ တစ်လျှောက်လုံး ကိုယ်သိခဲ့တာကလည်း စရိယသုံးပါးမှာ လောကတ္ထစရိယာ၊ ညာတတ္ထစရိယာ၊ ဗုဒ္ဓတ္ထစရိယာလို့ပဲ သိခဲ့တာ။ အဲဒီ အတ္တတ္ထစရိယာဆိုတာကို မသိဘူး။ ဘယ်နှယ် အတ္တ ငါပဲ ငါ့ဥစ္စာပဲလို့ သုံးထားရသလဲ။ ဗုဒ္ဓတ္ထစရိယာ သတ္တဝါအများကောင်းကျိုးငှာ ဗုဒ္ဓအကျင့်ကို ကျင့်တာပဲ။ သူဟာသူ လွတ်မြောက်ဖို့ဆို ပထမဆုံး ဗျာဒိတ်ရကတည်းက မဂ္ဂ၊ ဖိုလ်နိဗ္ဗာန်ကို ရနိုင်နေပြီးသာပဲလေ။ အမားချက်ဆန် မမှားနိုင်သလို၊ ဆရာကျော်ဝင်းလည်း မမှားနိုင်ဘူး။ ဒီလိုဆို ဒီအသုံးက ကိုယ်မသိသေးတာသာ ဖြစ်လိမ့်မယ်။

ဗုဒ္ဓစာပေကို လေ့လာနေသူတစ်ယောက်ဖြစ်လို့ ကိုယ်သာတကယ်သိချင်ပြီဆို မေးလျှောက်လို့ရတဲ့ စာချစာသင် ဆရာတော်တွေက အဆင်သင့်။ ဆိုတော့ ဆရာတော်တွေဆီ အမေးလျှောက်ရတော့တာပေါ့။ တကယ်တော့ ဆရာကျော်ဝင်းက ဗုဒ္ဓစာပေနဲ့ပတ်သက်ပြီး သူသိကြောင်းတတ်ကြောင်းကို သမားဂုဏ်ပြထားတာသာဖြစ်တယ်။ ဒီမှာ သုံးထားတဲ့ အတ္တတ္ထစရိယာဆိုတာ စရိယာတွေကို ရေတွက်တဲ့အခါမှာ ရံဖန်ရံခါသုံးတယ်။ အသုံးနည်းတယ်။ ကိုယ်ထင်ထားသလို အတ္တ ငါပဲ၊ ငါဥစ္စာပဲ ဒီလိုအဓိပ္ပာယ်မထွက်ဘူး။ မည်သူတစ်ဦးတစ်ယောက်၏ တိုက်တွန်းချက်မှ မပါဘဲ အများကောင်းကျိုးငှာ ဖြည့်ကျင့်ခြင်းလို့ အဓိပ္ပာယ်ထွက်တယ်။ ဗုဒ္ဓတ္ထစရိယာနဲ့ အဓိပ္ပာယ်လေနက်မှု မတူသည့်တိုင်အောင်၊ ကွဲပြားသည့်တိုင်အောင် စရိယအကျင့်တွေကို ရေတွက်တဲ့အခါမှာ သုံးတတ်ပါသတဲ့။

အောင်မျိုးထွန်းကျော်
ဇန်နဝါရီလ ၁၂ ၂၀၂၁

10/01/2021

အမျိုးသားရေးဝါဒလား၊ ကိုယ့်အမျိုးကောင်းစားရေးဝါဒလား
🇲🇲🇲🇲🇲🇲🇲🇲🇲🇲🇲🇲🇲🇲🇲🇲🇲🇲🇲🇲🇲🇲🇲🇲🇲🇲🇲🇲🇲🇲🇲🇲

ရွေးကောက်ပွဲမတိုင်မီကနေ့ ဒီကနေ့အထိအကြားဆုံးစကားက အမျိုးသားရေးဝါဒဆိုတာပါပဲ။ ဒီနိုင်ငံမှာနေတဲ့ ကျွန်တော်ဟာ အမျိုးသားရေးဝါဒနဲ့ နပိုလီယံဝါဒကို သဲသဲကွဲကွဲမသိပါဘူး။ ဒါကြောင့် ရှာဖွေကြည့်မိတဲ့အခါ အခုလိုတွေ့ပါတယ်။

အမျိုးသားရေးဝါဒဟူသည်မှာ နိုင်ငံတစ်နိုင်ငံစည်းလုံးညီညွတ်ခြင်း၏ ကြီးမြတ်ခြင်းကို ပုံကြီးချဲ့ထားသောအတွေးအမြင်ဟု အချို့ကဆိုကြသည်။ ထိုအမျိုးသားရေးအတွေးအမြင်သည် အများအားဖြင့် မြေခြားရေခြားမှ လာရောက်ကျူးကျော်နေထိုင်သူများနှင့်ထိုသူများ၏ ဒေသခံများအပေါ်ဖိနှိပ်မှုများမှ ပေါ်ပေါက်လာလေ့ရှိသည်။ အဓိကအခြေခံသော ခံယူချက်မှာ နယ်မြေခြားမှ လာရောက်သူများ၏ အုပ်ချုပ်မှုကိုခံရသည်မှာ လုံးဝလက်မခံသင့်သောအရာဖြစ်သည်ဟူသော အတွေးအခေါ်ပင်ဖြစ်သည်။ အမျိုးသားရေးဝါဒသည် အခြားသဘောတရားရေးရာလမ်းစဉ်တခုခုလွှမ်းမိုးပြီးနှင့်သော နိုင်င်ငံများအားလုံးလိုလိုတွင် ထပ်ဆင့်၍တည်ရှိနေလေ့ရှိပြီး သာဓကအားဖြင့် ဒီမိုကရေစီလွှမ်းမိုးသည်ဆိုသောအမေရိကန်ရှိ ရှေးရိုးစွဲဝါဒ(conservatism)သည် အမေရိကန်အမျိုးသားရေးဝါဒနှင့်ပေါင်းစပ်ထားရပြီး၊ ပုံဖျက်ထားသော အမည်ခံကွန်မြူနစ်နိုင်ငံဖြစ်သည့် တရုတ်ပြည်သူ့သမ္မတနိုင်ငံတွင်လည်း ကွန်မြူနစ်ဝါဒထက် အမျိုးသားရေးဝါဒ အတွေးအမြင်က ပိုမို၍ရှေ့တန်းရောက်နေသည်ကို တွေ့ကြရမည်ဖြစ်ပါသည်။

အမျိုးသားရေးဝါဒ၏ပထမဆုံးမျိုးစေ့အနေဖြင့် အလယ်ခေတ်ဉာဏ်ပွင့်လင်းချိန်အတွင်း(Renaissance-၁၅ရာစုဝန်းကျင်)တွင်အုပ်စိုးနေကြသော သက်ဦးဆံပိုင်ဘုရင်များ၏ ညီညွတ်သော နိုင်ငံတော်၏စွမ်းအားနှင့် အာဏာစက်ပုံစံများကို ဝါဒဖြန့်ရာမှ စတင်ပေါ်ပေါက်လာခဲ့သယောင်ရှိသည်။ အမျိုးသားရေးဝါဒပုံစံတခုဟူ၍ ပီပီပြင်ပြင်ပေါ်ပေါက်လာသည်မှာ ပြင်သစ်တော်လှန်ရေးတွင်ဖြစ်သည်။ ၁၇၉၂တွင် ပြင်သစ်သည် ပရူးရှားစစ်တပ်၏ ကျူးကျော်မှုကိုခံရသည့်အခါ ပြင်သစ်“ပြည်သူ”များ (အမှန်တကယ်အားဖြင့်ပြင်သစ်ဟုခေါ်တွင်နေသော နယ်မြေဒေသအတွင်းရှိသမျှလူများကို ပြင်သစ်လူမျိုးဟူ၍ ပြီးစလွယ်ခေါ်၍မရပဲ မျိုးနွယ်စုများကွဲပြားမှုများရှိသည်) ‘နိုင်ငံတော်’ကိုလက်နက်တပ်ဆင်ကာကွယ်ကြဟူသော အမျိုးသားရေးခံယူချက်ဖြင့် အပျော်တမ်းပြည်သူ့စစ်များက အသေအချာလေ့ကျင့်ထားပြီးဖြစ်သော စစ်တပ်ကိုအနိုင်ယူခဲ့သည်။

နောက်ပြီးတွင် နပိုလီယံဦးဆောင်သော စစ်တပ်၏ အမျိုးသားရေးဝါဒမသိမသာနောက်ခံထားသော အခြေအနေမှာ ဥရောပတလွှားနယ်ကျွံလာခဲ့ပြီး ပြင်သစ်၏ သိမ်းပိုက်ခြင်းခံရသော ဥရောပနိုင်ငံများ၌လည်း တန်ပြန်အမျိုးသားရေးဝါဒများ ပေါ်ထွန်းလာခဲ့သည်။ နပိုလီယံကို တွန်းလှန်ကြသော ကာလအတွင်းမှစ၍ ၁၉ရာစုရောက်သည်အထိ ဥရောပတတိုက်လုံးကို အမျိုးသားရေးဝါဒများ ပျံ့နှံ့နေခဲ့ပြီး ၂၀ရာစုနှောင်းပိုင်းတွင်တော့ ထိုဥရောပနိုင်ငံများ၏ ကမ္ဘာတလွှားရှိ ကိုလိုနီနယ်ပယ်များဆီအထိ အမျိုးသားရေးဝါဒအတွေးအခေါ်များ ပျံ့နှံ့လာခဲ့သည်။ အီတလီနှင့် ဂျာမဏီနိုင်ငံတို့မှာ အသည်းဆုံးဖြစ်သည်။ ထိုကာလအတွင်းမှ အီတလီစာရေးဆရာ မက်ဇီနီ(Giuseppe Mazzini)ကဆိုလျှင် "လူသားဟူသမျှသည် ‘နိုင်ငံတော်’ တရပ်ရပ်ကို ကိုယ်စားပြုထားမှသာလျှင် လူဖြစ်ရကျိုးနပ်မည်ဖြစ်ပြီး တဦးချင်းလွတ်မြောက်မှုကို အဓိကထားသော လွတ်လပ်မျှတမှုဝါဒထက် နိုင်ငံတော်တခုလုံးလွတ်မြောက်မှုရရေးကပို၍အရေးကြီးသည်"ဟုဆိုပြီး ပညာရေးတွင်လည်း တသီးပုဂ္ဂလဦးတည်သောအတွေးအခေါ်ကို ဖုံးလွှမ်းထားနိုင်စေရေးအတွက် အမျိုးသားရေးဝါဒအသိ ထည့်ပေးထားရမည်ဟုဆို၏။

ယနေ့ခေတ်တွင်တော့ အမျိုးသားရေးဝါဒလွှမ်းမိုးသောနိုင်ငံအများစုမှာ ဖွံ့ဖြိုးဆဲနိုင်ငံများဖြစ်ကြသည်။ ၂၁ရာစုရောက်လာသည့်အခါတွင်တော့ အမျိုးသားရေးဝါဒမှာ တိုင်းတပါးမှစစ်ရေးအရ ကျူးကျော်ဝင်ရောက်အုပ်ချုပ်သည်ကို တွန်းလှန်သည်ထက် စီးပွားရေးအရ ဝင်ရောက်ချယ်လှယ်အုပ်ချုပ်နေကြသည်ကို တွန်းလှန်သည့်ပုံစံပြောင်းလာခဲ့သည်။ ဤဝါဒမှာ အခြားရှိသမျှသောဝါဒများထက် စိတ်ခံစားမှုများအပေါ်တွင် မှီခိုမှုရှိနေသောသဘောရှိပြီး တစ်ဦး၏ နိုင်ငံတော်အမြင်နှင့် အခြားတစ်ဦး၏နိုင်ငံတော်အမြင်တို့ သီးခြားမဖြစ်ပဲ ဒွေးရောယှက်တင်ဖြစ်လာသည့်အခါ၊ တစ်နည်းအားဖြင့် အမျိုးသားအမြင်သည် လူမျိုးစုကွဲပြားမှုအမြင်နှင့် မကွဲပြားပဲဖြစ်လာသည့်အခါ အမျိုးသားရေးဝါဒတစ်ခုဖြင့်လွှမ်းမိုးထားသော နိုင်ငံတခုအတွင်း၌ပင် လူမျိုးစုအသီးသီးက အမျိုးသားရေးဝါဒအသီးသီးကို ဆွဲကိုင်ကာ နိုင်ငံကို အစိတ်စိတ်အမွှာမွှာဖြစ်နိုင်သည့် အန္တာရာယ်အထိ ရှိလာနိုင်သည်။ နိုင်ငံအသီးသီးကို ခြိမ်းခြောက်လာနိုင်သော အဆိုပါ အမျိုးသားရေးဝါဒကို ဒေသတွင်းအမျိုးသားရေးဝါဒ(regional nationalism)ဟူ၍လည်းခေါ်ကြ၏။

အဲဒီစာကို ဖတ်ပြီးတဲ့အချိန်မှာ ကျွန်တော်အခုလို နားလည်လိုက်တယ်။ တကယ်တော့ အမျိုးသားရေးဝါဒဆိုတာဟာ တိုင်းပြည်တည်းဟူသော နယ်နိမိတ်သတ်မှတ်ချက်အတွင်းမှာရှိတဲ့ နိုင်ငံ၊ အဲဒီနိုင်ငံအတွင်းမှာ မှီတင်နေထိုင်ကြကုန်သော နိုင်ငံသားအားလုံးကို ကိုယ်စားပြုတာသာဖြစ်တယ်။ နိုင်ငံအတွင်းမှီတင်နေထိုင်ကြတဲ့ နိုင်ငံသားအားလုံးဆိုတာဟာ တိုင်းရင်းသားပေါင်းစုံရှိမယ်၊ အဲဒါအပြင် ဟောသည်နိုင်ငံရဲ့ နိုင်ငံသားဖြစ်ခွင့် ဥပဒေအရ နိုင်ငံသားဖြစ်နေကြတဲ့ တရုတ်လည်းပါမယ်၊ ကုလားလည်းပါမယ် စသဖြင့်။ အဲဒီနိုင်ငံသားတွေရဲ့ နတ်ကိုးကွယ်မှု၊ ဗုဒ္ဓဘာသာကိုးကွယ်မှု၊ ခရစ်ယန်ဘာသာကိုးကွယ်မှု၊ အစ္စလန်ဘာသာကိုးကွယ်မှု စသဖြင့် အားလုံးအကြုံးဝင်တယ်။

အဲဒီလိုမှမဟုတ်ဘဲ လူမျိုးစုတစ်ခု၊ ဘာသာတစ်ခုကို ကိုယ်စားပြုလုပ်နေတာဟာ အမျိုးသားရေးဝါဒ၊ အမျိုးသားရေးဝါဒီလို့ ခေါင်းစဉ်တပ်လို့မရဘူး။ အဲဒီလို ကိုယ်ထင်ရာခေါင်းစဉ်တပ်နေတာဟာ ဒိုင်ဗာကျန်သီအိုရီလို့ခေါ်တဲ့ ခွဲခြားဆက်ဆံမှုသာဖြစ်လို့ ကချင်ကတမျိုး၊ ရှမ်းကတဖုံ၊ ကရင်ကတသွယ်ဖြစ်နေဦးမှာပဲ။ အမေရိကန်လိုဖြစ်လာမှာမဟုတ်သလို၊ တရုတ်လိုလည်းဖြစ်လာမှာမဟုတ်ဘူး။ တိုင်းငယ်၊ ပြည်ငယ်၊ နိုင်ငံငယ်လေးတွေအဖြစ် အစိတ်စိတ်အမွှာမွှာကွဲသွားဖို့သာ ရှိတယ်။ ဒါဟာ နိုင်ငံတစ်နိုင်ငံကို ကိုယ်စားပြုနိုင်တဲ့ အမျိုးသားရေးဝါဒ အစစ်မဟုတ်ဘူး။ အာဏာလိုချင်လို့ ပုံဖျက်ထားတာသာဖြစ်တယ်။

တကယ့်အမျိုးသားရေးဝါဒဟုတ်မဟုတ်ဆိုတာလည်း တရုတ်နဲ့ အများဆုံးချုပ်ထားခဲ့တဲ့ စာချုပ်တွေကိုသာကြည့်ပါ။ အဲဒီစာချုပ်တွေကြောင့် ဟောသည်နိုင်ငံထဲက ဘယ်တိုင်းရင်းသားပြည်သူတွေ ကောင်းစားခဲ့တာရှိသလဲ။ အဲဒီစာချုပ်တွေကြောင့် ဟောသည်နိုင်ငံအတွင်းက တိုင်းရင်းသားပြည်သူတွေ အလုပ်အကိုင်အခွင့်အလမ်းတွေ ပေါပေါသီသီရခဲ့တာရှိသလဲ။ ကြားရသမျှက ဒုက္ခပင်လယ်ဝေခဲ့ရတာတွေချည်း မဟုတ်ပါလား။ အဲဒီလို ဒုက္ခပင်လယ်ဝေနေတဲ့ ပြည်သူတွေဘက်က မားမားမတ်မတ်ရပ်တည်ပေးခဲ့တဲ့ သာဓကဆိုတာမျိုးရော တွေ့ဖူးကြရဲ့လား။ ဒါဟာ အမျိုးသားရေးဝါဒလား၊ ကိုယ့်အမျိုးကောင်းစားရေးဝါဒလား၊ အာဏာလိုချင်လို့ ပုံဖျက်ထားတဲ့ အမျိုးသားရေးဝါဒလား သိသာလွန်းပါတယ်။ တကယ်တော့ ဒီနိုင်ငံကလူတွေသုံးနေတဲ့ အမျိုးသားရေးဝါဒဆိုတာဟာ နပိုလီယံကျင့်သုံးခဲ့တဲ့ ကိုယ့်အမျိုးကောင်းစားရေးဝါဒသက်သက်မျှသာဖြစ်ပါတယ်။

အောင်မျိုးထွန်းကျော်
ဇန်နဝါရီလ ၁၀ရက် ၂၀၂၁

Patheingyi News Room

07/11/2021

09/02/2021

07/02/2021

04/02/2021

03/02/2021

03/02/2021

13/01/2021

12/01/2021

11/01/2021

10/01/2021

Address

Website

Alerts

Shortcuts

Share

Category