25/07/2025
UEN Youth Program မှ ကျောင်းသားလူငယ်များကို ဖိတ်ခေါ် ခြင်း 💙
University Esports Network (UEN) အနေနဲ့ မြန်မာ့ Esports နယ်ပယ် ဖွံ့ဖြိုးတိုးတက်ရေးနှင့် လူငယ်များ၏ စွမ်းရည်ပိုမိုမြင့်မားလာစေရန် အစဉ်တစိုက် ကြိုးပမ်းလျက်ရှိပါတယ်။ အခုတခါ လူငယ်များရဲ့ စွမ်း ဆောင်ရည်ကို အမှန်တကယ်ဖော်ထုတ်လာနိုင်အောင် လက်တွေ့ကျကျ အခွင့်အလမ်းများ ဖန်တီးပေးမယ့် "UEN Youth Program" ကို စတင်မိတ်ဆက်ပေးလိုက်ပြီပဲဖြစ်ပါတယ်။
ယခု Program ဟာ Esports Industry အတွက် လိုအပ်သော ပါရမီရှင် လူငယ်များ၊ အထူးသဖြင့် Content Creator များ နှင့် Video Editor များစတဲ့ Social Media နယ်ပယ်ကို စိတ်ဝင်စားတဲ့ ကျောင်းသားလူငယ်များအတွက် ပထမဦးဆုံး ရည်ရွယ်ထားပါတယ်။
UEN ရဲ့ ဒီပထမဦးဆုံး Youth Program မှာ ရွေးချယ်ခံခဲ့ရသူတွေဟာ သက်ဆိုင်ရာကဏ္ဍအလိုက် လက်တွေ့လုပ်ငန်းခွင် အခြေပြုသင်တန်းများ (On-the-job training) ပံ့ပိုးပေးသွားမှာဖြစ်ပြီး၊ လူငယ်များအနေနဲ့ UEN နှင့်အတူ မြန်မာ့ Esports အသိုက်အဝန်းကို တည်ဆောက်နိုင်ဖို့အတွက် အခွင့်အရေးများရရှိနိုင်မှာ ဖြစ်ပါတယ်။
Esports နယ်ပယ်အပေါ် စိတ်ဝင်စားပြီး၊ သင်ယူလိုစိတ် ပြင်းပြတဲ့ မည်သည့်လူငယ်မဆို၊ Social Media ပိုင်းမှာလည်း ကိုယ့်ရဲ့ပါရမီများကို ဖော်ထုတ်လိုသူများ ပါဝင်လျှောက်ထားသင့်ပါတယ်။
UEN Youth Program လျှောက်ထားရန် 📩
လျှောက်လွှာပိတ်ချိန် : နံနက် ၁၁:၀၀ နာရီ၊ ဇူလိုင်လ ၃၀ ရက်၊ ၂၀၂၅ ခုနှစ် (ဗုဒ္ဓဟူးနေ့)
လျှောက်လွှာ: https://forms.gle/Ey3QWE3sdvyvApuf6
University Esports Network (UEN) ဟာ လူငယ်များရဲ့ စွမ်းဆောင်ရည်ကို ပိုမိုမြှင့်တင်ပေးနိုင်ရန်နှင့် Esports နယ်ပယ်တွင် ရေရှည်တည်တံ့သော အခွင့်အလမ်းများ ဖန်တီးပေးနိုင်ရန်အတွက် စဥ်ဆက်မပြတ် ကြိုးစားသွားမှာပဲဖြစ်ပါတယ်။
