https://www.facebook.com/131960124126462/

Tech Talk MM, Mandalay (2026)

24/10/2024

Flagship level Android ဖုန်း/Tablet တွေမှာသုံးမယ့် SoC အသစ် "Snapdragon 8 Elite" ကိုလည်း Qualcomm ကတရားဝင်မိတ်ဆက်သွားပြီ ။ Android ဖုန်းကုမ္ပဏီတွေကလည်း သူတို့ရဲ့ နောက်ဖုန်းတွေမှာ ဒီချစ်ပ်ကိုသုံးမယ်လို့ အတည်ပြုပြီးပြီ။ ဘယ်ဖုန်းတွေမှာ သုံးမယ်ဆိုတာ ပြောပြပေးပါမယ်။

ASUS ROG Phone 9 က သုံးမယ်တဲ့။ သူတို့က gaming ဖုန်းတွေဆိုတော့ အကောင်းဆုံးချစ်ပ်ကို အမြဲသုံးတာပဲလေ။ နိုဝင်ဘာ ၁၉ မှာ ထွက်မယ်တဲ့။

HONOR Magic 7 series က လည်းသုံးမယ်။ အောက်တိုဘာ ၃၀ မှာ တရုတ်မှာ မိတ်ဆက်မယ်တဲ့။ AI နဲ့ပတ်သက်တဲ့ feature တွေ ပါမယ်လို့ ပြောတယ်။

Iqoo 13 ကလည်း သုံးမယ်။ ဒီဖုန်းရဲ့အဓိက feature တစ်ခုကတော့ ဂိမ်းကစားတဲ့အခါ အချိန်ဘယ်လောက်ကြာကြာ frame rate ကျမသွားဘူးလို့ ပြောထားတယ်။ အောက်တိုဘာ ၃၀ မှာ ထွက်မယ်။

Nubia က REDMAGIC 10 Pro နဲ့ Z70 Ultra မှာလည်း သုံးမယ်။ နိုဝင်ဘာမှာ ထွက်မယ်တဲ့။

OnePlus 13 မှာလည်း သုံးမယ်။ အောက်တိုဘာ ၃၁ မှာ တရုတ်မှာ မိတ်ဆက်မယ်။

Realme GT 7 Pro မှာလည်း သုံးမယ်။

Xiaomi 15 series က ဒီချစ်ပ်ကိုသုံးတဲ့ ပထမဆုံးဖုန်းတွေ ဖြစ်မယ်တဲ့။

Samsung နဲ့ OPPO ကလည်း သုံးမယ်လို့ပြောတယ်။ ဒါပေမယ့် ဘယ်ဖုန်းမှာလဲဆိုတာတော့ မပြောသေးဘူး။ Samsung Galaxy S25 series မှာ သုံးမယ်လို့ ထင်ကြတယ်။ OPPO ကတော့ Find X8 Ultra မှာ သုံးမယ်လို့ ကောလဟလထွက်နေတယ်။

24/10/2024

Qualcomm က သူ့ရဲ့ နောက်ဆုံးထွက် Flagship level SoC အဖြစ် Snapdragon 8 Elite Chip ကိုမိတ်ဆက်လိုက်ပါပြီ။ ဒီချစ်ပ်အသစ်ဟာ စွမ်းဆောင်ရည်ရော၊ စွမ်းအင်သုံးစွဲမှုပါ Efficiency အရမ်းကောင်းလို့ ဒီနှစ်အတွက် အကောင်းဆုံး Mobile Processor လို့ပြောလို့ရနိုင်တယ်။ ထင်ထားတဲ့အတိုင်းပဲ Snapdragon 8 Elite က နောက်ဆုံးပေါ် RAM/Memory နဲ့ Storage နည်းပညာတွေကို Support ပေးထားလို့ ၎င်းကိုအသုံးပြုမယ့် Mobile device တွေကိုအမြင့်ဆုံးစွမ်းဆောင်ရည် ပေးနိုင်မှာပေါ့။ Snapdragon 8 Elite Chip က support ပေးမယ့်အထဲမှာ Micron ရဲ့ နောက်ဆုံးမျိုးဆက် LPDDR5X မန်မိုရီ/RAM လည်း ပါဝင်တယ်။

Snapdragon 8 Elite အကြောင်း ပေါက်ကြားနေတဲ့ သတင်းတွေထဲမှာ ဒီချစ်ပ်က LPDDR5X RAM တွေကို support မယ်လို့ ပါတယ်။ ဒါကြောင့် RAM/Memory မြန်နှုန်းပိုင်းမှာ တိုးတက်မှု သိပ်မရှိဘူး ၊ လက်ရှိ Flagship SoC တွေလောက်ပါပဲလို့ ထင်ရပေမယ့် Memory/RAM တွေထုတ်လုပ်တဲ့ Micron က သူ့ရဲ့ LPDDR5X RAM တွေကို ပိုကောင်းအောင် လုပ်နေတယ်။ ရလဒ်ကတော့ အရင်ကထက် ပိုမြန်ပြီး ပို efficient ဖြစ်တဲ့ RAM/Memory တွေဖြစ်လာမှာပါ။

Micron ရဲ့ နောက်ဆုံးထွက် LPDDR5X memory က တစ်စက္ကန့်ကို 9.6 Gbps အမြန်နှုန်းရတယ်။ ဒါဟာ သူတို့ရဲ့ အရင်မျိုးဆက် LPDDR5X မန်မိုရီ (8.5 Gbps) ထက် 12% ပိုမြန်တာပေါ့။ SK Hynix ရဲ့ LPDDR5T Memory နဲ့လည်း အမြန်နှုန်းတူတယ်။ Snapdragon 8 Elite က clock speed 5.3 GHz အထိရှိတဲ့ RAM တွေကို ထောက်ပံ့နိုင်တယ်။

Memory ထုတ်လုပ်တဲ့ လုပ်ငန်းစဉ်ကလည်း ချစ်ပ်တွေလိုပဲ အရေးကြီးတယ်။ ဒါကြောင့် Micron က သူ့ရဲ့ အမြန်ဆုံး RAM အတွက် အဆင့်မြင့် 1β (1-beta) နည်းပညာကို သုံးထားတယ်။ ရလဒ်အနေနဲ့ကတော့ RAM ရဲ့ Efficiency ပိုကောင်းပြီး ပါဝါသုံးစွဲမှု ပိုနည်းစေတယ်။ Micron ရဲ့ မျိုးဆက်သစ် LPDDR5X Memory တွေက ဒီနေ့ခေတ် AI လွှမ်းမိုးနေတဲ့ နည်းပညာလောကအတွက် ကွက်တိပဲလို့ဆိုရမှာပါ။

အခုနောက်ပိုင်း AI ခေတ်မှာ RAM တွေက အရေးပါတဲ့ အခန်းကဏ္ဍက ပါဝင်လာတယ်။ အထူးသဖြင့် စက်ပစ္စည်းပေါ်မှာပဲ on-device အနေနဲ့ run ရတဲ့ လုပ်ငန်းစဉ်တွေအတွက်ပေါ့။ iPhone 15 နဲ့ iPhone 15 Plus တို့လို ဖုန်းတွေတောင် အနိမ့်ဆုံး RAM ပမာဏလိုအပ်ချက်နဲ့တောင် ဘောင်မဝင်တာကြောင့် Apple Intelligence သုံးလို့ရမယ့် ဖုန်းစာရင်းထဲမပါဝင်တော့ပါဘူး။

အခု နောက်ဆုံးထွက် Snapdragon 8 Elite Chip က Micron ရဲ့ UFS 4.0 Storage ကိုလည်း support တယ်။ ဆိုလိုတာက တစ်စက္ကန့်ကို မက်ဂါဘိုက် 4,300 (MBps) အထိ အရမ်းမြန်တဲ့ read speed ရှိမယ်။ Write speed အနေနဲ့လည်း တစ်စက္ကန့်ကို မက်ဂါဘိုက် 4,000 အထိ ရတယ်။ ဆိုတော့ Snapdragon 8 Elite က support ပေးမယ့် RAM နဲ့ Storage တွေကလည်း 8 Elite Chip ရဲ့ Performance ပိုင်းအတွက် အရေးကြီးတဲ့ အဓိကအခန်းကဏ္ဍက ပါဝင်နေတာကို တွေ့ရမှာပါ။

24/10/2024

မကြာခင်မိတ်ဆက်မယ့် Xiaomi 15 စီးရီးစမတ်ဖုန်းတွေက Qualcomm ရဲ့ 'Snapdragon 8 Elite' Processor အသစ်ကိုသုံးတဲ့ ပထမဆုံးဖုန်းတွေ ဖြစ်ပါမယ်တဲ့။

Xiaomi 15 စီးရီးကို အောက်တိုဘာ 23 မှာ တရားဝင်မိတ်ဆက်မယ်လို့ ထင်ရတယ်။ Xiaomi က တိုက်ရိုက်မပြောသေးပေမယ့် အဲဒီရက်စွဲက Snapdragon 8 Elite အမည်ကို ပထမဆုံးအတည်ပြုတုန်းက ပိုစတာပေါ်မှာ ရေးထားတာ။ Xiaomi 15 စီးရီးကိုလည်း အဲဒီပိုစတာပေါ်မှာ ဖော်ပြထားတယ်။

အခု Snapdragon 8 Elite က အောက်တိုဘာ 23 မှာ မဟုတ်ဘဲ 21 မှာ မိတ်ဆက်လိုက်တော့ Xiaomi 15 စီးရီးပဲ ကျန်တော့တယ်။ ဆိုတော့ ဒီလထဲမှာ Xiaomi က အနည်းဆုံး စမတ်ဖုန်းနှစ်လုံး ကြေညာမယ်လို့ယူဆရပါတယ် ။ Xiaomi 15 နဲ့ Xiaomi 15 Pro ပေါ့။ Xiaomi 15 Ultra ကမှာလည်း ဒီ Processor ကိုပဲ သုံးမယ်ထင်တယ်။ ဒါပေမယ့် အဲဒီဖုန်းကတော့ အခုမိတ်ဆက်မယ့်အထဲ မပါလောက်သေးပါဘူး ။ နောက်နှစ်ထဲလောက်မှပဲ ဖြစ်မှာပါ။

အစက Qualcomm ရဲ့ Flagship level SoC အသစ်ကို Snapdragon 8 Gen 4 အနေနဲ့ပဲထွက်မယ်လို့ ထင်ထားကြတာ။ ဒါပေမယ့် Qualcomm က စီးရီးအသစ် "Snapdragon 8 Elite" အနေနဲ့ မိတ်ဆက်လိုက်တယ် ။ ဘာလို့လဲဆိုတော့ သူတို့ရဲ့ မိုဘိုင်း SoC တွေကို Snapdragon X Elite လို PC ချစ်ပ်တွေနဲ့ အတူတူ အုပ်စုထဲ ထည့်ချင်လို့ ဖြစ်မယ်။

Qualcomm က ယခင် Kryo CPU Core တွေအစား Oryon CPU Core တွေကို ယခု Snapdragon 8 Elite Chip အသစ်မှာ စတင်ပြောင်းလဲအသုံးပြုလိုက်ပါတယ်။ ဒုတိယမျိုးဆက် Core တွေဖြစ်ပါတယ်။ Oryon CPU ထဲမှာပါတဲ့ Prime Core တွေက စံချိန်တင် 4.32GHz clock speed အထိ ရောက်နိုင်ပြီး performance Core တွေကတော့ 3.53GHz အထိရမယ်။

နောက်ဆုံးတစ်ခုက Xiaomi 15 က Snapdragon 8 Elite နဲ့ Geekbench မှာလည်း ပေါ်လာတယ်။ single-core စမ်းသပ်မှုမှာ 3,180 မှတ်နဲ့ multi-core စမ်းသပ်မှုမှာ 10,058 မှတ် ရခဲ့တယ်။ အဲဒီမော်ဒယ်မှာ RAM 16GB ပါတယ်။ တော်တော်ကောင်းတဲ့ စွမ်းဆောင်ရည်ပဲ မဟုတ်လား။"

24/10/2024

ဒီနေ့ Qualcomm ကနေ မိတ်ဆက်လိုက်တဲ့ "Snapdragon 8 Elite" Chip အသစ်ကို သုံးမယ့် Android device တွေဟာ Android OS update ၈ နှစ်အထိရနိုင်ပါမယ်တဲ့။

Qualcomm ရဲ့ အကြီးတန်းဒုဥက္ကဋ္ဌ Chris Patrick က သတင်းထောက်တွေကို ပြောပြထားတာက Snapdragon 8 Elite က Android OS အပ်ဒိတ်ကို ၈ နှစ်အထိ ထောက်ပံ့ပေးမယ်တဲ့။ ဒါဆို လက်ရှိ Android ဗားရှင်းအပါအဝင် နောက်ထပ် ၇ နှစ်အထိ OS အဆင့်မြှင့်တင်မှုတွေ ရနိုင်တယ်ပေါ့။

ဒါက Android ဖုန်းထုတ်တဲ့ကုမ္ပဏီတွေအတွက် သူတို့ရဲ့ဖုန်းတွေကို ကြာကြာထောက်ပံ့ပေးနိုင်ဖို့ အရမ်းအဆင်ပြေသွားစေမယ့် သတင်းကောင်းပဲ။ ဒါပေမယ့် Snapdragon 8 Elite သုံးထားတဲ့ဖုန်းတိုင်း အလိုအလျောက် ၇ နှစ် ၈ နှစ်လောက် Android OS အပ်ဒိတ်ရမယ်လို့တော့ မဆိုလိုဘူးနော်။ ဖုန်းထုတ်တဲ့ကုမ္ပဏီတွေဘက်ကလည်း Qualcomm ရဲ့ Android board support package ကို သူတို့ရဲ့ကိုယ်ပိုင် software skin နဲ့ feature တွေနဲ့ customize လုပ်ပေးဖို့ လိုအပ်သေးတယ်။

နောက်ပြီး လက်ရှိ Qualcomm ချစ်ပ်တွေက OS ဗားရှင်း ၄ ခုနဲ့ လုံခြုံရေးပက်ချ် ၄ နှစ်စာ ထောက်ပံ့ပေးနိုင်တာတောင် Sony, ZTE, Motorola လို Android ဖုန်းထုတ်တဲ့ကုမ္ပဏီတွေဟာ သူတို့ထုတ်ထားတဲ့ ဖုန်းတွေအတွက် OS အပ်ဒိတ် တစ်ကြိမ်နဲ့ လုံခြုံရေးပက်ချ် ၃ နှစ်စာလောက်ပဲ ပေးနေကြတာကို တွေ့ရတယ်။

ဒီသတင်းက Chris Patrick က ဖုန်းထုတ်လုပ်သူတွေအတွက် သူတို့ရဲ့ဖုန်းဟောင်းတွေကို ဆက်ပြီး Software Update ပေးနိုင်ဖို့ ပိုလွယ်ကူအောင် လုပ်ပေးမယ်လို့ ပြောခဲ့တာနဲ့ ဆက်စပ်နေတယ်။ ဒါ့ကြောင့် ဖုန်းဟောင်းတွေအတွက်လည်း ဒီလိုမျိုး ထောက်ပံ့မှုတွေ ပေးလာမယ်လို့ မျှော်လင့်ရတယ်။ ဘယ်လိုပဲဖြစ်ဖြစ် ဖုန်းတစ်လုံးကို ဒီလို နှစ်ကြာကြာ Software update support ပေးမယ့် မူဝါဒကို ကြိုဆိုရမှာပါ ။ MediaTek တို့လို ပြိုင်ဘက်တွေလည်း ဒီလိုမူဝါဒမျိုး ကျင့်သုံးလာမယ်လို့ မျှော်လင့်ပါတယ်။

24/10/2024

ဒီနေ့ Qualcomm ကုမ္ပဏီက Mobile device တွေအတွက် Snapdragon 8 Elite ဆိုတဲ့ Processor အသစ်ကို ကြေညာလိုက်ပါပြီ။ ဒီ Chip မှာတော့ အရင်က သုံးနေကျ Kryo CPU တွေအစား Oryon ဆိုတဲ့ CPU အသစ်ကို ပြောင်းသုံးထားတယ်တဲ့။ Qualcomm က ဒီ Snapdragon 8 Elite က "ကမ္ဘာပေါ်မှာ အမြန်ဆုံး မိုဘိုင်းဖုန်းသုံး CPU" လို့တောင် ကြွားထားသေးတယ်။ iPhone 16 Pro တွေမှာ သုံးထားတဲ့ A18 Pro ချစ်ပ်ထက်တောင် သာတယ်တဲ့ဗျ။

ဒီ Oryon CPU က Apple ရဲ့ နောက်ဆုံးထွက် ချစ်ပ်တွေလိုပဲ 3-နာနိုမီတာ နည်းပညာနဲ့ ထုတ်လုပ်ထားတာ။ CPU Core 8 ခုပါတယ်။ ဒီထဲမှာ Prime Core 2 ခုနဲ့ Performance Core 6 ခု ပါဝင်တယ်။ အမြန်ဆုံး CPU speed အနေနဲ့ 4.32 GHz အထိ မြန်နိုင်တယ်တဲ့။ ပြီးတော့ "CPU ထုတ်လုပ်မှုနယ်ပယ်ထဲမှာ အကြီးဆုံး shared cache ပါဝင်တယ်လို့ဆိုထားပြီး ဒေတာတွေကို အမြန်ဆုံး ကူးပြောင်းရယူနိုင်တယ်" လို့လည်း ဆိုထားတယ်။ Adreno GPU အသစ်လည်း ပါဝင်ပြီး စွမ်းဆောင်ရည် ပိုမြန်ပြီး ဘက်ထရီ ပိုခံတယ်တဲ့။

Generative AI နဲ့ပတ်သက်တဲ့ ဉာဏ်ရည်တု စွမ်းဆောင်ရည်တွေလည်း ပါဝင်တယ်။ ဒီ Chip မှာ Qualcomm AI Engine ဆိုတာ ပါလာပြီး စာသား၊ အသံ၊ ပုံတွေကို ပိုပြီး နားလည်နိုင်တယ်။ ဖုန်းရဲ့ကင်မရာကနေ မြင်ရတာတွေကို အခြေခံပြီး လုပ်ဆောင်ပေးနိုင်စွမ်းတွေ ပိုမြင့်လာမယ်လို့ဆိုတယ်။

ယခင်မျိုးဆက် 8 Gen SoC တွေနဲ့ နှိုင်းယှဉ်ရင် CPU စွမ်းဆောင်ရည်က 45% ပိုကောင်းလာပြီး၊ ဘက်ထရီသုံးစွဲမှုကလည်း 44% ပိုကောင်းလာတယ်လို့ ဆိုပါတယ်။

နောက်ဆုံးအနေနဲ့ ဒီချစ်ပ်မှာ Qualcomm Snapdragon X80 5G modem ၊ Wi-Fi 7 နဲ့ 5G ထောက်ပံ့မှုတွေ ပါဝင်တယ်။ ဒီ SoC အသစ်ကို Google, Samsung, OnePlus, Xiaomi တို့လို ဖုန်းကုမ္ပဏီတွေရဲ့ အသစ်ထွက်မယ့် Flagship level Android device တွေမှာသုံးသွားမယ်လို့ သိရပါတယ်။

24/10/2024

Qualcomm က Snapdragon 8 Elite လို့ အမည်ပေးထားတဲ့ Processor အသစ်ကိုမိတ်ဆက်လိုက်ပါပြီ။ အရင်က 8 Gen 1, Gen 2 , Gen 3 စသဖြင့် ခေါ်နေရာကနေ Elite လို့ ပြောင်းခေါ်လိုက်တာပေါ့။ ဒါပေမယ့် နာမည်တင်မဟုတ်ဘူး၊ အတွင်းပိုင်းမှာလည်း အပြောင်းအလဲတွေ အများကြီးရှိတယ်။

အဓိကအပြောင်းအလဲကတော့ CPU ပဲ။ Qualcomm က အသစ်ပြန် ဒီဇိုင်းထုတ်ထားတဲ့ Oryon CPU ကို သုံးထားတယ်။ CPU core တွေကိုလည်း အရင်လို လေးမျိုးခွဲမထားတော့ဘဲ နှစ်မျိုးပဲခွဲထားတယ်။ အမြန်ဆုံး Prime core နှစ်ခုနဲ့ Performance core ခြောက်ခုပေါ့။ Prime core တွေက 4.32GHz ထိမြန်တယ်။ အရင်မျိုးဆက်တွေထက် တော်တော်လေးမြန်သွားတာပေါ့။

GPU ပိုင်းမှာလည်း တိုးတက်မှုတွေ အများကြီးရှိတယ်။ Adreno GPU အသစ်က ဂိမ်းဆော့ရင် ပိုမြန်သလို ဘက်ထရီလည်း ပိုချွေတာပေးတယ်။ Ray tracing လို နည်းပညာတွေလည်း ပိုကောင်းလာတယ်။ ဂိမ်းသမားတွေအတွက် အဆင်ပြေမယ့် ချစ်ပ်ပေါ့။

AI ပိုင်းမှာဆိုရင်လည်း တိုးတက်မှုတွေ အများကြီးရှိတယ်။ ဥပမာ ဓာတ်ပုံရိုက်တဲ့အခါ AI နဲ့ အလိုအလျောက် ပုံကို ပိုကောင်းအောင်လုပ်ပေးတာတို့၊ ဗီဒီယိုထဲက မလိုချင်တဲ့အရာတွေကို ဖျက်ပေးတာမျိုးတွေ လုပ်နိုင်တယ်။

နောက်ပြီး ဂြိုဟ်တုနဲ့ ဆက်သွယ်နိုင်တဲ့စနစ်လည်း ပါလာတယ်။ Wi-Fi 7 တို့ Bluetooth 6.0 တို့လို နောက်ဆုံးပေါ် နည်းပညာတွေလည်း ပါဝင်တယ်။

ဒီချစ်ပ်က တော်တော်လေး စွမ်းဆောင်ရည်ကောင်းသလို ၊ ဈေးနှုန်းကလည်း မြင့်လာမှာဖြစ်တဲ့အတွက် ထုံးစံအတိုင်း ထိပ်တန်း Flagship ဖုန်းတွေမှာပဲ တွေ့မြင်ရမယ်။ Samsung တို့ OnePlus တို့လို ဖုန်းကုမ္ပဏီတွေက သူတို့ရဲ့နောက်ထွက်မယ့် ဖုန်းတွေမှာ သုံးဖို့ စီစဉ်နေကြတယ်။ တချို့ဆို ဒီနှစ်ကုန်ပိုင်းလောက်မှာတင် ထွက်လာနိုင်တယ်။

ဒီလောက်ဆို Snapdragon 8 Elite အကြောင်း အကြမ်းဖျင်း သိလောက်ပြီလို့ ထင်ပါတယ်။ နည်းပညာပိုင်းမှာ တော်တော်လေး တိုးတက်လာပေမယ့် Chip တွေဟာလည်းဈေးကြီးလာနိုင်တဲ့အတွက် ၎င်း Chip တွေကိုသုံးမယ့် ဖုန်းတွေရဲ့ဈေးနှုန်းတွေကလည်း မြင့်တက်လာနိုင်တယ်ဆိုတာကိုတော့ သတိပြုသင့်ပါတယ်။

24/10/2024

မကြာသေးခင်ကထွက်ရှိထားတဲ့ Xiaomi 14T စီးရီးဖုန်းတွေက စွမ်းဆောင်ရည်အရရော ကင်မရာပိုင်းအရရော ကောင်းတဲ့ဖုန်းတွေပါ။ ဒါပေမယ့် Xiaomi 14T နဲ့ 14T Pro ကြား ဘာကွာလဲဆိုတာ ခွဲဖို့ခက်တော့ ဘယ်ဟာဝယ်ရမလဲဆိုတာ ဆုံးဖြတ်ရခက်နိုင်တယ်။

14T Pro က 14T ထက် စျေးပိုကြီးတယ်။ အခုအချိန်မှာဆို ၁၀ သိန်း လောက်ကွာတယ်။ နည်းနည်းလေးတော့ မဟုတ်ဘူးနော်။ လက်ရှိ ဈေးနှုန်းအနေနဲ့ကတော့ 14T Pro က သိန်း ၃၀ ဝန်းကျင် ၊ 14T က သိန်း ၂၀ ဝန်းကျင်ပါ။ ဒါဆို 14T Pro က ဘာတွေပိုပေးနိုင်လဲဆိုတာ ကြည့်ကြရအောင်။

အရွယ်အစားတွေကရော ဘယ်လိုကွာလဲ?

အရွယ်အစားကတော့ 14T နဲ့ 14T Pro က အတူတူပါပဲ။ မျက်နှာပြင်အရွယ်၊ အမြင့်နဲ့ အကျယ်တွေ အတူတူပဲ။ သာမန် 14T က နည်းနည်းပါးပါး ပိုပါးပြီး ပိုပေါ့ပါတယ်။ ကြိုးမဲ့အားသွင်းစနစ်မပါတာကြောင့်လည်း အနည်းငယ် ပိုပေါ့တာဖြစ်ပါလိမ့်မယ်။ နောက်ပြီး အလေးချိန်ကွာတာက 14T Pro မှာ အလူမီနီယံ frame သုံးထားပြီး 14T မှာတော့ ပလတ်စတစ် frame သုံးထားလို့ပါ။ ဒါပေမယ့် 14T က အရည်အသွေးညံ့တယ်လို့ မဆိုလိုဘူးနော်။ ဖုန်းမော်ဒယ်နှစ်ခုလုံးက Build quality အရည်အသွေးကောင်းကောင်းတည်ဆောက်ထားတာပဲ။ ဖုန်းမော်ဒယ် ၂ ခုလုံးရဲ့ဘေး frame တွေက လေးထောင့်ဘောင်ဒီဇိုင်း (bozy frame) နဲ့ဆိုတော့ hand feeling အရလည်း ကိုင်ရတာလည်း ပိုကောင်းပြီး လက်ထဲမှာ ကိုင်ရတာလည်းပိုမြဲပါတယ်။

ရှေ့မျက်နှာပြင် Display တွေကရော ဘယ်လိုကွာလဲ?

ရှေ့မျက်နှာပြင် Display တွေကတော့ ဖုန်း ၂ မျိုးလုံးအတူတူပဲ။ နှစ်ခုလုံးက ၆.၆၇ လက်မရှိပြီး HDR10+ support, 16-bit color depth၊ 144Hz refresh rate စတဲ့ အဆင့်မြင့်လုပ်ဆောင်ချက်တွေပါတယ်။ စမ်းသပ်ချက်တွေအရ နှစ်ခုလုံးက maximum brightness အနေနဲ့ ၁,၂၀၀-၁,၃၀၀ nits အထိ Brightness ထုတ်ပေးနိုင်တယ်။

ဘက်ထရီသက်တမ်းကရော ဘယ်လိုကွာလဲ?

ဖုန်း ၂ လုံးစလုံးက ဘက်ထရီပမာဏတူသုံးထားပေမယ့် ဘက်ထရီအားပိုခံတာမှာတော့ 14T Pro က နည်းနည်းပိုသာတယ်။ 14T Pro မှာသုံးထားတဲ့ SoC ဖြစ်တဲ့ Dimensity 9300+ ချစ်ပ်ကြောင့်ဘက်ထရီပိုခံတာ ဖြစ်နိုင်တယ် ဒါကြောင့် 14T Pro ဝယ်ရင် ဖြစ်ဖြစ်၊ ဂိမ်းဆော့တာပဲဖြစ်ဖြစ်၊ ဗီဒီယိုကြည့်တာပဲဖြစ်ဖြစ် 14T ထက် ဘက်ထရီနည်းနည်းပိုခံမယ်။

အားသွင်းတာမှာရော ဘယ်လိုကွာလဲ?

အားသွင်းတာမှာတော့ 14T Pro ကအားဝင်ပိုမြန်ပါတယ် ။ 14T Pro က Xiaomi ရဲ့ 120W အမြန်အားသွင်းစနစ်ကို ထောက်ပံ့ပေးပြီး 14T ကတော့ 67W ထိပဲရတယ်။ နောက်ပြီး ဖုန်းမော်ဒယ် ၂ ခုလုံးရဲ့ ဖုန်းဂျပ်ဘူးထဲမှာ အားသွင်း Charger ခေါင်းမပါတဲ့အတွက် သီးခြားထပ်ဝယ်ဖို့တော့ လိုပါလိမ့်မယ်။

14T Pro ကို 120W အမြန်အားသွင်းစနစ်နဲ့ဆို အားဘယ်လောက်မြန်မြန်ပြည့်လဲ?

14T Pro ကို 120W အားသွင်းခေါင်းနဲ့သွင်းမယ်ဆို ၂၃ မိနစ်နဲ့ အားပြည့်ပါမယ်။ တော်တော်လေး မြန်တာပေါ့။ ၆၇ ဝပ်နဲ့ အားသွင်းတဲ့ 14T ထက် သိသိသာသာ ပိုမြန်တယ်။ ဒါ့အပြင် 14T Pro က 50W ကြိုးမဲ့အားသွင်းစနစ်နဲ့လည်း အားသွင်းလို့ရပါမယ် ။ ဒါကလည်း 14T Pro ကို ဝယ်သင့်တဲ့ အကြောင်းရင်းတစ်ခုပါပဲ။

စပီကာပိုင်းကရော ဘယ်လိုကွာလဲ?"

စပီကာ အသံပိုင်းစမ်းကြည့်ဖြစ်သလောက် 14T ကတော့ စပီကာ အသံနည်းနည်းပိုကျယ်တယ်။ ဒါပေမယ့် တချို့ကတော့ 14T Pro ရဲ့ စပီကာကို ပိုကြိုက်နိုင်တယ်။ အသံထွက်လည်း ကောင်းသလို Bass အသံလည်း ပိုပေါ်လွင်တယ်။

စွမ်းဆောင်ရည်ကရော ဘယ်လိုကွာလဲ?

CPU စွမ်းဆောင်ရည်အရကတော့ 14T Pro ကပိုကောင်းတယ်။ သူ့မှာ SoC အနေနဲ့ MediaTek Dimensity 9300+ Chip သုံးထားပြီး 14T ကတော့ Dimensity 8300 Ultra သုံးထားတယ်။ 14T Pro က 14T ထက် multi-threaded CPU tasks တွေမှာ ၇၇% အထိ ပိုမြန်တယ်။ CPU၊ GPU၊ မန်မိုရီနဲ့ Storage ပိုင်း အားလုံးခြုံပြောရရင် 14T Pro ဟာ 14T ထက် ၆၀% လောက်ပိုကောင်းတယ်။ ဂရပ်ဖစ်အများကြီးလိုတဲ့ 3DMark Wild Life benchmark စမ်းသပ်ချက်မှာဆိုရင် 14T Pro ရဲ့ GPU က ၃၃% လောက်ပိုမြန်တာတွေ့ရတယ် ။

RAM, Storage ကရော ?

RAM နဲ့ Storage ပိုင်းမှာတော့ ဖုန်းမော်ဒယ် ၂ မျိုးလုံးအတူတူပါပဲ ။ နှစ်ခုလုံးမှာ RAM 12GB , Storage 256G , 512GB တွေနဲ့ ရွေးချယ်ဝယ်ယူနိုင်သလို UFS 4.0 Storage တွေသုံးပေးထားတယ်။ တစ်ခုပဲကွာတာက Pro မော်ဒယ်မှာ 1TB Storage နဲ့ RAM 12GB ပါတဲ့ မော်ဒယ်တစ်ခု ထပ်ရွေးလို့ရမယ်။

ဒီဖုန်းနှစ်လုံးရဲ့ ကင်မရာတွေက ဘယ်လိုကွာခြားလဲ?

Xiaomi 14T နဲ့ 14T Pro က ကင်မရာ hardware ပိုင်းအရတော့ တော်တော်များများ တူပေမယ့် ကွာခြားချက်အနည်းငယ်တော့ ရှိတယ်။ ဥပမာ 14T မှာ 50MP f/1.7 ကင်မရာက 1/1.56" ဆင်ဆာသုံးထားပြီး Pro မှာတော့ 50MP 1/1.31" ဆင်ဆာနဲ့ f/1.6 aperture သုံးထားတယ်။ သီအိုရီအရပြောရင်တော့ 14T Pro က ကင်မရာပိုင်းပိုကောင်းတယ်ပေါ့။ ဒါပေမယ့် တကယ်တမ်းမှာတော့ သိပ်မကွာလှပါဘူး။

Zoom ပိုင်းမှာတော့ နည်းနည်းကွာတယ်။ 14T မှာ 50MP ကင်မရာနဲ့ 2x Optical Zoom ဆွဲလို့ရပြီး 14T Pro မှာတော့ 2.6x အထိ Zoom ဆွဲလို့ရတယ်။ ဒါပေမယ့် ultrawide နဲ့ Selfie Camera တွေကတော့ အတူတူပဲ - 12MP f/2.2 ultrawide နဲ့ 32MP f/2.0 Selfie Camera တွေ သုံးထားတယ်။

ဓာတ်ပုံအရည်အသွေးကရော ဘယ်လိုကွာလဲ?

ဓာတ်ပုံအရည်အသွေးအရ ကွာခြားချက်တွေက ပိုပြီးသေးငယ်ပါတယ်။ ultrawide ကင်မရာတွေက နေ့ခင်းနဲ့ ညဘက်မှာ တူညီတဲ့ရလဒ်တွေ ရရှိပြီး အဓိကကင်မရာအတွက်လည်း အတူတူပဲလို့ ပြောနိုင်ပါတယ်။

14T Pro က နေ့ခင်းဘက်မှာ အနည်းငယ်သာလွန်မှုရှိပြီး ပုံတွေက နည်းနည်းပိုကြည်လင်ပါတယ်။ ညဘက်/Low-light ရိုက်တာမှာတော့ ရလဒ်က အတူတူလောက်ပါပဲ။

14T ရဲ့ 2x zoom ကင်မရာက 14T Pro ရဲ့ 2x zoom crop ထက် အနည်းငယ်သာလွန်မှုရှိပါတယ်။

ဒါပေမယ့် 14T Pro ရဲ့ 2.6x zoom ကင်မရာက တကယ်ကို ကြည်လင်ပြီး နေ့အချိန်မှာ ပိုကောင်းတဲ့ပုံအရည်အသွေးကို ပေးနိုင်ပါတယ်။ Low-light ရိုက်ကူးမှုမှာတော့ result ကအတူတူလောက်ပါပဲ။

ဖုန်းနှစ်လုံးစလုံးက သူတို့ရဲ့ 4x နဲ့ 5x zoom mode တွေမှာလည်း တူညီတဲ့စွမ်းဆောင်ရည်ကို ပြသပါတယ်။ ဒီ zoom တွေက ဒစ်ဂျစ်တယ် zoom တွေဖြစ်နေပေမယ့်လည်း ရိုက်ကြည့်တဲ့ result တွေအရတော့မဆိုးဘူးပြောရမှာပါ။

ဗီဒီယိုအရည်အသွေးကရော ဘယ်လိုကွာလဲ?

ဗီဒီယိုပိုင်းမှာတော့ ဖုန်းမော်ဒယ်နှစ်ခုလုံး ကောင်းကြတယ်။ 14T နဲ့ 14T Pro ရဲ့ ultrawide နဲ့ မိန်းကင်မရာတွေက ရလဒ်ဆင်တူတဲ့ဗီဒီယို quality တွေ ထုတ်ပေးနိုင်ပေမယ့် ညဘက်မှာတော့ 14T Pro ရဲ့ စွမ်းဆောင်ရည်က သိသာထင်ရှားစွာ ပိုကောင်းတယ်။ ပိုကြည်တယ်၊ noise ထတာနည်းတယ်၊ Contract ကောင်းပြီး အရောင်တွေ ပိုတိကျတယ်။

နိဂုံးချုပ်

ပုံမှန်သုံး/နေ့စဉ်သုံးအနေနဲ့ပြောရရင် Xiaomi 14T ဆိုရင်ကိုလုံလောက်ပြီး အဆင်ပြေတယ်လို့ ပြောလို့ရတယ်။ နှစ်ခုက မြန်မာငွေ ၁၀ သိန်း လောက် စျေးကွာတယ်လေ။

တခြားတစ်ဖက်မှာတော့ စွမ်းဆောင်ရည်ပိုကောင်းပြီး အားသွင်းပိုမြန်တဲ့ ဖုန်းလိုချင်တာဆိုရင်တော့ 14T Pro ကိုဝယ်သင့်ပါတယ်။ ဒီနေရာမှာ 14T Pro က 14T ထက် သာလွန်ပြီး ဘက်ထရီခံချိန်စမ်းသပ်မှုနဲ့ ကင်မရာနှိုင်းယှဉ်မှုတွေမှာ အသာစီးရတယ်။

ဒီတော့ ကိုယ့်ရဲ့နေ့စဉ်အသုံး/လိုအပ်ချက်တွေကို ချိန်ဆပြီး ဈေးနည်းနည်းပိုသက်သာတဲ့ 14T ကိုပဲရွေးမလား ၊ 14T Pro က ပေးနိုင်တဲ့ အပိုဆောင်းအင်္ဂါရပ်တွေကို လိုအပ်သလား၊ ဒီအတွက် စျေးပိုပေးသင့်သလားဆိုတာ တော့ ကိုယ်တိုင်ပဲဆုံးဖြတ်ကြည့်ရမှာပါ။

24/10/2024

ပြီးခဲ့တဲ့လတွေကတည်းက OnePlus 13 နဲ့ပတ်သက်တဲ့ ကောလဟလတွေ အများကြီးထွက်နေတာ။ OnePlus ကိုယ်တိုင်ကလည်း သူတို့ရဲ့အသစ်ထွက်မယ့် ဖုန်းအကြောင်း ဟိုနည်းနည်း ဒီနည်းနည်း ပြောနေတာပေါ့။ အခုတော့ သူတို့က ဖုန်းထွက်မယ့်ရက်ကို ကြေညာလိုက်ပြီး၊ ဖုန်းဒီဇိုင်းကိုလည်း အသေးစိတ် ပြလိုက်ပါပြီ

OnePlus က Weibo မှာ OnePlus 13 နဲ့ပတ်သက်တဲ့ ဗီဒီယိုတစ်ခု တင်ထားတယ်။ အဲဒီမှာ OnePlus 13 ရဲ့ဒီဇိုင်းကို ဒီဗီဒီယိုကနေ တွေ့ရလဲဆိုတော့ စက်ဝိုင်းပုံစံ နောက်ကင်မရာအိမ် (OnePlus 12 ရဲ့ နောက်ဘက်ခြမ်း ကင်မရာအိမ်ဒီဇိုင်းနဲ့မတူတော့ပါ) Hasselblad တံဆိပ်၊ Flat ဖြစ်သွားတဲ့ ဘေးဘောင်ဒီဇိုင်း၊ alert slider ပါဝင်တာတွေပေါ့။ ရှေ့ Display ကလည်း မှန်ခုံး Curved Display မဟုတ်တော့ဘဲ Flat Display ဖြစ်သွားပါပြီ။

OnePlus 13 ကို White Dew Morning Dawn၊ Blue Moment နဲ့ Obsidian Secret Realm စတဲ့အရောင် ၃ မျိုးနဲ့ ထုတ်မှာပါ။

OnePlus ရဲ့ OnePlus 13 အကြောင်း ဗီဒီယိုနဲ့ နောက်ပို့စ်တွေမှာ OnePlus က အောက်တိုဘာ ၃၁ ရက်၊ ညနေ ၄ နာရီ GMT+8 (မနက် ၄ နာရီ ET) မှာ မိတ်ဆက်မယ့်အကြောင်းလည်း ပြောထားတယ်။ တရုတ်နိုင်ငံမှာပဲ မိတ်ဆက်မယ့်ပွဲဖြစ်မယ်ထင်တယ်။ စရောင်းမှာကတော့ ၂၀၂၅ ခုနှစ်၊ ပထမသုံးလပတ်လောက်မှာ ဖြစ်ပါလိမ့်မယ်။

ဒါ့အပြင် OnePlus က မကြာခင်ထွက်ရှိမယ့် OnePlus 13 ရဲ့ လုပ်ဆောင်ချက်တချို့ကို အတည်ပြုထားပြီးသားပါ။ Snapdragon 8 Gen 4 ချစ်ပ်နဲ့ nifty local refresh rate လို့အမည်ပေးထားတဲ့ Display နည်းပညာအသစ်ပါတဲ့ BOE X2 OLED Display ၊ IP68/IP69 အဆင့်သတ်မှတ်ချက်၊ 6,000mAh ဘက်ထရီ၊ 100W ကြိုးနဲ့အားသွင်းတာ၊ 50W ကြိုးမဲ့အားသွင်းစနစ်နဲ့ 50MP ကင်မရာ
သုံးလုံးပါ နောက်ဘက်ကင်မရာစနစ် ပါဝင်မယ်လို့ သိရတယ်။

24/10/2024

Samsung က Galaxy Z Fold စီးရီးရဲ့ Special Edition မော်ဒယ်သစ်ကိုထပ်ထုတ်လိုက်ပါပြီ။ မကြာသေးခင်က ထွက်ရှိထားတဲ့ Galaxy ZFold 6 ထက် ပိုပါး ပိုပေါ့တဲ့အပြင် ရှေ့မျက်နှာပြင် Display နဲ့ အတွင်းဘက် Foldable Display ကိုပါနည်းနည်းပိုကြီးပေးထားတယ်။ နောက်ကျောဘက်မှာလည်း ဒီဇိုင်းနည်းနည်းပြောင်းထားတယ်။ Galaxy AI အတွက် ဖုန်းရဲ့ RAM ကိုလည်း ပိုတိုးမြှင့်ပေးထားတဲ့အပြင် Main ကင်မရာကိုလည်း 200 MP Camera ပြောင်းသုံးထားတာတွေ့ရပါတယ်။

ဒါပေမယ့် ဒီဖုန်းကို တောင်ကိုရီးယားမှာပဲ ရောင်းမှာတဲ့။ စျေးကတော့ ကိုရီးယားဝမ် ၂,၇၈၉,၆၀၀၊ ဒေါ်လာနဲ့ဆို ၂,၀၀၀ (မြန်မာငွေ သိန်း ၉၀ ဝန်းကျင်) လောက်ရှိမယ်။ ၂၀၂၄ အောက်တိုဘာ ၂၅ ရက်နေ့ သောကြာနေ့မှ စရောင်းမှာ။ တရုတ်ပြည်မှာလည်း ရောင်းမယ်လို့သိရတယ်။

Galaxy Z Fold SE က အထူ ၁၀.၆ မီလီမီတာနဲ့ အလေးချိန် ၂၃၆ ဂရမ်ရှိတယ်။ Galaxy Z Fold 6 ထက် ၁.၅ မီလီမီတာ ပိုပါးပြီး ၃ ဂရမ် ပိုပေါ့တယ်။ SoC အနေနဲ့ Snapdragon 8 Gen 3 for Galaxy ကိုသုံးပေးထားပြီး RAM အနေနဲ့ 16GB ပါဝင်ပါတယ်။ Storage အနေနဲ့ကတော့ 512GB ပါဝင်ပါမယ်။ ကင်မရာကိုလည်း ယခင် ZFold 6 မှာ 50MP camera သုံးထားတာကနေ အခု Special Edition မှာ 200MP Camera ပြောင်းသုံးလိုက်တာပါ ။ အပြင်ဘက် Display size က 6.5 inch နဲ့ အတွင်းဘက် Foldable Display က 8 inch ဖြစ်သွားလို့ ယခင် ZFold 6 ထက် Display တွေသိသိသာသာပိုကြီးသွားပါတယ်။ ယခင် ZFold 6 မှာက WiFi 6e ပဲပါဝင်ပြီး အခု Special Edition မှာတော့ WiFi 7 support လုပ်ပါပြီ။

ZFold SE ကို တောင်ကိုရီးယားနဲ့ တရုတ်မှာပဲ ရောင်းမှာဖြစ်လို့ ဝယ်ချင်ရင်တော့ နိုင်ငံခြားကနေမှာမှပဲရမှာပါ။

Tech Talk MM

24/10/2024

24/10/2024

24/10/2024

24/10/2024

24/10/2024

24/10/2024

24/10/2024

24/10/2024

24/10/2024

Address

Website

Alerts

Shortcuts

Share

Category