The Mandalay Times, Mandalay (2026)

11/06/2026

မန္တလေးတွင် ဆိုင်ကယ်ပိုင်ရှင်ကို ထိခိုက်အောင်လုပ်ပြီး ဆိုင်ကယ်လုယက်သူ(၄)ဦး ဖမ်းဆီးရမိ
ဇွန်(၁၁)၊၂၀၂၆

မန္တလေးမြို့၊ ပြည်ကြီးတံခွန်မြို့နယ်၊၆၁လမ်းနှင့် ၁၂၃ လမ်းအနီးတွင် ဇွန်လ၈ရက်ညနေ၆နာရီကျော်က ဖြစ် ပွားခဲ့သည့် ဆိုင်ကယ်ပိုင်ရှင်အား ထိခိုက်အောင်လုပ်ပြီး ဆိုင်ကယ်လုယက်သွားသူ(၄)ဦးကို ဖမ်းဆီးရမိထားကြောင်း ရဲတပ်ဖွဲ့မှ စုံစမ်းသိရရှိရသည်။

ဆိုင်ကယ်လုယက်သူများ ဖမ်းဆီးရမိကြောင်းကို ဇွန်လ၁၁ရက်နေ့က ရဲတပ်ဖွဲ့မှ သတင်းထုတ်ပြန်ခဲ့တာဖြစ်ပြီး ဖမ်းဆီးရမိမှုဖြစ်စဥ်မှာ ဇွန်လ ၉ ရက် နေ့လယ် ၃ နာရီခွဲက မဟာအောင်မြေခရိုင်မူခင်းနှိမ်နင်းရေးအဖွဲ့က ဒုရဲမှူး လွင်အောင် ဦးစီးပူးပေါင်းအဖွဲ့သည် ဆိုင်ကယ်လုယက်မှုနှင့်ပတ်သက်ပြီး စုံစမ်းရှာဖွေခဲ့ရာ ချမ်းမြသာစည်မြို့နယ် ၄၉ လမ်း နှင့် ၁၁၆ လမ်းထောင့်ရှိ ဘီယာဆိုင်တစ်ဆိုင်တွင် ဆိုင်ကယ်လုယက်သွားသူများအနက် တစ်ဦး ရောက်ရှိနေကြောင်း သတင်းရရှိသဖြင့် သွား ရောက် ဖမ်းဆီးခဲ့ရာ မျိုးသန့်ဇော်(ခ) သီဟဇော်(ခ) ဒီဒိုင်း (၂၀နှစ်)ကို ဖမ်းဆီးရမိခဲ့ပြီး စစ်ဆေးဖော်ထုတ်ခဲ့ရာတွင် လုယက်ပါဝင်သူများဖြစ်သည့် အောင်သူရ ကျော်(ခ)ဖိုးချစ်(၁၉နှစ်)၊ ကုလားကြီးခြံကျေးရွာ၊ စိုင်းသူရထွန်း(ခ)ဟုတ်ပ( ၂၀နှစ် )ရေကြည်ကျေးရွာနှင့် စိုင်းဇူးဇူးမောင် (၂၀)နှစ် ရေကြည်ကျေးရွာ၊ပုသိမ်ကြီးမြို့ နယ်တို့ကိုလည်း အဆိုပါဘီယာဆိုင်တွင် ဆက်လက်ဖမ်းဆီးရမိခဲ့ခြင်း ဖြစ်ကြောင်း သိရသည်။

#ဆိုင်ကယ်လုယက်သူများ
#ဖမ်းမိ
#မန္တလေး

11/06/2026

မန္တလေး-ပြင်ဦးလွင်လမ်းတွင် တွဲကားတစ်စီး ချောက်ထဲထိုးကျပြီး အမျိုးသားတစ်ဦး သေဆုံး
ဇွန်(၁၁)၊၂၀၂၆

မန္တလေး-ပြင်ဦးလွင်လမ်း၊မိုင်တိုင်(၁၆/၂)အနီးတွင် ဇွန်လ ၁၀ရက်ည၁၁နာရီခန့်က သံကျောက်များ တင်
ဆောင်လာသည့် တွဲကားတစ်စီး လမ်းဘေးချောက်ထဲထိုးကျပြီး အမျိုးသားတစ်ဦး သေဆုံးခဲ့ကြောင်း ဒေသ ခံသတင်းရင်းမြစ်များထံမှ သိရသည်။

ဖြစ်စဥ်မှာ ဇွန်လ ၁၀ရက်ည၁၁နာရီခန့်က သံကျောက်များ တင်ဆောင်လာသည့် တွဲကားတစ်စီးသည် အရှိန်မထိန်းနိုင်ဘဲ မန္တလေး-ပြင်ဦးလွင်လမ်း၊မိုင်တိုင်(၁၆/၂) အနီး ချောက်အတွင်းထိုးကျခဲ့ရာ လိုက်ပါလာသူနှစ်ဦးအနက် အမျိုးသားတစ်ဦးသည် ကားနှင့်အတူ ချောက်အတွင်းပြုတ်ကျ သေ ဆုံးခဲ့ခြင်း ဖြစ်ကြောင်း သိရသည်။

တွဲကားချောက်အတွင်း ထိုးကျမှုဖြစ်ပွားရာသို့ စေတနာမွန် လူမူကူညီရေးအသင်း(အုန်းချော)မှ သွားရောက်ပြီး ကူညီကယ်ဆယ်ရေးလုပ်ငန်းများကို ဆောင်ရွက်ပေးခဲ့ရာ ကားပေါ်လိုက်ပါလာသူ အမျိုးသားနှစ်ဦးအနက် တစ်ဦးကို ချောက်နှုတ်ခမ်းအပေါ်တွင် အသက်ရှင်
လျှက်ကယ်ဆယ်ပေးနိုင်ခဲ့ပြီး ပျောက်ဆုံးနေသူတစ်ဦးအား ချောက်အတွင်းထိဆင်းသက်ပြီးရှာဖွေကယ်ဆယ်ရေးဆောင်ရွက်ခဲ့ရာသေဆုံးလျှက်တွေ့ရှိရပြီး ရုပ်အ လောင်းအား ချောက်နှုတ်ခမ်းပေါ်သို့ ခက်ခဲစွာတင် ဆောင်ပေးခဲ့ကြောင်း သေဆုံးနှင့်ထိခိုက်ဒဏ်ရာရရှိသူတို့အား ပြင်ဦးလွင် ပြည်သူ့ဆေးရုံကြီးသို့ ပို့ဆောင်ကူညီခဲ့ကြောင်း သိရသည်။

#တွဲကားချောက်ထဲထိုးကျ
#တစ်ဦးသေ
#ပြင်ဦးလွင်

07/06/2026

မန္တလေးတွင် ခြေထောက်သွေးကြောထုံးခြင်းနှင့်ခြေ ထောက်သွေးပြန်ကြောအားနည်းခြင်းရောဂါအကြောင်း သိကောင်းစရာ ဟောပြောပွဲ ကျင်းပ
ဇွန်(၇)၊၂၀၂၆

မန္တလေးမြို့၊ချမ်းအေးသာစံမြို့နယ်၊၃၁လမ်းနှင့်လမ်း ၇၀ ထောင့်ရှိ မြန်မာနိုင်ငံဆရာဝန်များအသင်းခန်းမတွင် ဇွန်လ၇ရက်နေ့နံနက်၈နာရီက ခြေ ထောက်သွေးကြောထုံးခြင်းနှင့်ခြေထောက်သွေးပြန်ကြောအားနည်းခြင်းရောဂါအကြောင်း သိကောင်းစရာ ဟောပြောပွဲကို ကျင်း ပခဲ့သည်။

ဟောပြောပွဲတွင် အသိပညာပေး ဟောပြောခဲ့သည့် ပါမောက္ခ ဒေါက်တာကျော်စိုးဝင်း၊ပါမောက္ခ/ဌာနမှူး(နှလုံး ရောဂါအထူးကုဌာန)အား တွေ့ဆုံမေးမြန်းရိုက်ကူးတင်ဆက်လိုက်ရပါသည်။

#ဆေးပညာဆိုင်ရာဟောပြောပွဲ
#ကျင်းပ
#မန္တလေး

07/06/2026

မန္တလေးတွင် အစ္စလာမ်ဘာသာဝင်များ၏ အီးဒ်နေ့ အထိမ်းအမှတ် သံဃာတော်အရှင်သူမြတ်များအား ဆွမ်းဆက်ကပ်
ဇွန်(၇)၊၂၀၂၆

မန္တလေးမြို့၊ချမ်းအေးသာစံမြို့နယ်၊၆၄လမ်းနှင့်၂၇ လမ်း ထောင့်ရှိ Oriental House ခန်းမတွင် ဇွန်လ(၇) ရက် နံနက်(၁၀)နာရီက အစ္စလာမ်ဘာသာဝင်များ၏ အီးဒ်နေ့ အထိမ်းအမှတ် သံဃာတော်အရှင်သူမြတ်များအား ဆွမ်းဆက်ကပ်လှူဒါန်းပွဲကို ကျင်းပခဲ့သည်။

လှူဒါန်းပွဲနှင့်ပတ်သက်ပြီး ဃရာနာ (K.A.F.T.G)မိသားစုမှ ခလီဖွာ ဦးသိန်းဝင်းအောင်အားတွေ့ဆုံမေးမြန်း ရိုက်ကူးတင်ဆက်ပေးလိုက်ပါသည်။

#အီးဒ်နေ့အထိမ်းအမှတ်
#ဆွမ်းဆက်ကပ်
#မန္တလေး

06/06/2026

မင်္ဂလာ-မန္တလေးတွင် Myanmar - Japan Alliance Business Association "MABA" ၏ ၁၀ နှစ်ပြည့် အထိမ်းအမှတ်ပွဲတော် ကျင်းပ
ဇွန်(၆)၊၂၀၂၆

မန္တလေးမြို့၊ချမ်းမြသာစည်မြို့နယ်ရှိ မင်္ဂလာ-မန္တလေးတွင် Myanmar - Japan Alliance Business Association "MABA" ၏ ၁၀ နှစ်ပြည့် အထိမ်းအမှတ်ပွဲတော်ကို ဇွန်လ ၆ရက်နှင့်၇ရက်တို့က ကျင်းပခဲ့သည်။

ပွဲတော်တွင် SMEsလုပ်ငန်းရှင်များနှင့် Sponsor များ၏ ဆိုင်ခန်းနှင့်ပြခန်းများ၊ နိုဘယ်အိုက- မြန်မာ ချစ်ကြည်ရေးအသင်း၏ ဂျပန်ဆာကေးမိတ်ဆက်ခြင်း၊ မြန်မာနိုင်ငံအတွင်းရှိ ဂျပန်ကုန်သည်ကြီးများ အသင်းဝင်များ၏ ကုမ္ပဏီပြခန်းများ၊ ဂျပန်ရိုးရာ Yukata ဝတ်ဆင်ခြင်းနှင့်ဓာတ်ပုံရိုက်ကူးခြင်း၊ မြန်မာ Cosplay association အသင်း၏ ပြကွက်များအပါအဝင်၊ Japan Foundation မှ Quiz နှင့်ဂျပန်အက ၊ မန္တလေးမြို့ခံများ၏ အနုပညာ ခေတ် ၃ ခေတ်ဝတ်စားဆင်ယင်မှု အကအလှနှင့် အစားအ သောက် အစီအစဥ်များ၊မြန်မာ့ရိုးရာဆင်အက၊ တိုင်းရင်း
သားရိုးရာအကများ၊ ဂျပန် Bon Odori ဖျော်ဖြေမှု၊ DJ တီးဝိုင်း အစရှိသည်များ ပါဝင်ခဲ့သည်။

ပွဲတော်သို့ လာရောက်သူများအတွက် Bingo ဂိမ်းအစီအစဥ်များ၊ သိန်း ၄၀တန် အပန်းဖြေ ခရီးစဥ်၊ ၂၅ သိန်းဆုကြေး၊ ၁၅ သိန်းခန့် တန်ဖိုးရှိသည့် ရေသန့်စက်များအပါ အဝင် ကံစမ်းမဲအစီအစဥ်များလည်း ပါဝင်ကြောင်း သိရသည်။

#၁၀နှစ်ပြည့်ပွဲတော်ကျင်းပ
#မန္ဆလေး

05/06/2026

မန္တလေးတွင် ဂျပန်နိုင်ငံမှ BEPPU MIZOBE GAKUEN COLLAGE အကြောင်း မိတ်ဆက်ပွဲ ကျင်းပ
ဇွန်(၆)၊၂၀၂၆

မန္တလေးမြို့၊မဟာအောင်မြေမြို့နယ်ရှိ ဟိုတယ်ဟေဇယ်တွင်ဂျပန်နိုင်ငံမှBEPPU MIZOBE GAKUEN COLLAGE အကြောင်း မိတ်ဆက်ပွဲအခမ်းအနားကို ဇွန်လ၆ရက်နေ့ကကျင်းပခဲ့သည်။

BEPPU MIZOBE GAKUEN COLLAGE(ဂျပန်) ၏ ပညာသင်ကြားရေးနှင့်ပတ်သက်ပြီး BEPPU MIZOBE GAKUEN ရဲ့ ကျောင်းအုပ်ကြီး Mrs Mizobe Yoshiko ကို တွေ့ဆုံမေးမြန်းရိုက်ကူးခဲသည်များကို တင်ပြလိုက်ရပါသည်။

#ဂျပန်ပညာရေး
#မဟာအောင်မြေ
#မန္တလေး

02/06/2026

အကြောင်းအရာ။။ ပြည်သူ့အသံတင်ပြခြင်း
နိုင်ငံတော်လူကြီးများမှ ရက်(၁၀၀) စီမံချက်ဖြင့် တိုင်ပြည်ကိုဖွံဖြိုးတိုးတက်အောင် ဌာနဆိုင်ရာများနှင့်ပြည်သူများလိုအပ်ချက်များဖြည့်ဆည်းဆောင်ရွက်နေချိန်တွင် မန္တလေးမြို့တော်စည်ပင်သာယာရေးကော်မတီမှ လေလံပေးထားသော မန္တလေးမြို့အတွင်း ၂၆လမ်းမှ၃၈ လမ်းအတွင်းနှင့်လမ်း၈၀ မှ ၈၄ လမ်းတစ်လျောက်၊လမ်း၃၀ ဆေးရုံကြီးရှေ့မှ ၇၁ လမ်း ဗထူးကွင်းအထိယဉ်ရပ်နားခ ကောက်ခံသူများမှာ မော်တော်ကား တစ်စီးလျင် ၁၅၀၀ကျပ်၊မော်ဆော်ဆိုင်ကယ်တစ်စီးလျင် ၁၀၀၀ ကျပ် နှုန်းဖြင့်ကောက်ခံလျက်ရှိရာ ဈေးဆိုင်များသို့ ပစ္စည်းဆင်းဝယ်ပီး မရှိသဖြင့်ပြန်လည်ထွက်ခွာချိန် ၂ မိနှစ်အချိန်အတွင်း ၁၀၀၀/၁၅၀၀ ပေးနေရပါသဖြင့် ပြည်သူများနှင့် ရပ်နားခွင့်ကောက်ခံသူများနေ့စဉ်ပြသာနာများ ဖြစ်ပေါ်လျက်ရှိကြောင်း အများပြည်သူ ပြောဆိုသံများကြားသိရပါသဖြင့် လေလံပေးပြီး နေ့စားဖြင့်ကောက်ခံခိုင်းသော လူအချို့ကြောင့် နိုင်ငံတော်၏ ရက်(၁၀၀) စီမံချက် ပုံရိပ်ကိုမှေးမှိန်စေသောကြောင့် သက်ဆိုင်ရာ စည်ပင်သာယာ လမ်းတံတားအကောက်ခွန်ဌာန သို့တင်ပြပီးစီစစ်ပေးစေလိုကြောင်း တင်ပြအပ်ပါသည်

30/05/2026

အမရပူရမြို့နယ်တွင် လူမျိုးဘာသာမရွေး ကုရ်ဘာနီအီးဒ်ဆိတ်သားအလှူ ပြုလုပ်
မေ(၃၀)၊၂၀၂၆

မန္တလေးမြို့၊ အမရပူရမြို့နယ်၊ ငယ်တိုးကျေးရွာအုပ်စု၊ ဆင်ကာကျေးရွာက ဓမ္မာရုံတွင် မေလ၃၀ရက် နံနက်ပိုင်းက ကိုကျော်ကျော်(တန်မှတန်)နှင့် ခလီဖွာ ဦးသိန်းဝင်းအောင်
(KAFTG) မန္တလေးမြို့၊ ကြော်ငြာမင်းသား Halal Food With Ibrahimနှင့်ဟာဂျီဦးမြင့်ထွန်း ကျောက်ဆည်မြို့တို့ စုပေါင်း၍ လူမျိုးဘာသာမရွေး ကုရ်ဘာနီအီးဒ်ဆိတ်သားအလှူ ပြုလုပ်ခဲ့ပါသည်။

ကုရ်ဘာနီအီးဒ်ဆိတ်သားအလှူပြုလုပ်ရခြင်းနှင့်ပတ်သက်ပြီး ကိုကျော်ကျော်(တန်မှတန်)နှင့် ခလီဖွာ ဦးသိန်းဝင်းအောင်(KAFTG)တို့မှ ယခုလ ပြောကြားခဲ့ကြသည်။

#ဆိတ်သားအလှူ
#ခလီဖွာဦးသိန်းဝင်းအောင်
#တန်မှတန်ကိုကျော်ကျော်

28/05/2026

မန္တလေးတွင် "MABA" ၏ ၁၀နှစ်ပြည့် အထိမ်းအမှတ် Mandalay Japan Festival & SME Bazzar ပွဲတော်ကျင်းပမည်
မေ(၂၈)၊၂၀၂၆

မန္တလေးမြို့၊ချမ်းမြသာစည်မြို့နယ်၊မင်္ဂလာမန္တလေး ပရိုမိုးရှင်းဧရိယာတွင် ဂျပန် မိတ်ဖက်စီးပွားရေးလုပ်ငန်းရှင်များအသင်း(MABA)ကြီးမှူးသည့် "MABA" ၏ ၁၀ နှစ်ပြည့် အထိမ်းအမှတ် Mandalay Japan Festival & SME Bazzar ပွဲတော်ကို လာမည့် ဇွန်လ၆ရက်နှင့်၇ရက်တို့၌ ကျင်းပမည်ဖြစ်ကြောင်း ပွဲကြိုသတင်းစာရှင်း လင်းပွဲမှ သိရသည်။

ပွဲတော်ကျင်းပရခြင်း ရည်ရွယ်သည် ဂျပန်-မြန်မာ နှစ်နိုင်ငံယဉ်ကျေးမှုဖလှယ်ရန်၊ နှစ်နိုင်ငံထုတ်ကုန်ပြပွဲများပြုလုပ်ပြီး ကုန်သွယ်မှုပူးပေါင်းဆောင်ရွက်ရန်ဖြစ်ကြောင်း သိရသည်။

ပွဲတော်တွင် SMEsလုပ်ငန်းရှင်များနှင့် Sponsor များ၏ ဆိုင်ခန်းနှင့်ပြခန်းများ၊ နိုဘယ်အိုက- မြန်မာ ချစ်ကြည် ရေးအသင်း၏ ဂျပန်ဆာကေးမိတ်ဆက်ခြင်း၊ မြန်မာ နိုင်ငံအတွင်းရှိ ဂျပန်ကုန်သည်ကြီးများ အသင်းဝင်များ ၏ ကုမ္ပဏီပြခန်းများ၊ ဂျပန်ရိုးရာ Yukataဝတ်ဆင်ခြင်း နှင့်ဓာတ်ပုံရိုက်ကူးခြင်း၊ မြန်မာ Cosplay association အသင်း၏ ပြကွက်များအပါအဝင်၊ Japan Foundation မှ Quiz နှင့်ဂျပန်အက ၊ မန္တလေးမြို့ခံများ၏ အနုပညာ ခေတ် ၃ ခေတ်ဝတ်စားဆင်ယင်မှု အကအလှနှင့် အစားအ သောက် အစီအစဥ်များ၊မြန်မာ့ရိုးရာဆင်အက၊ တိုင်း ရင်းသားရိုးရာအကများ၊ ဂျပန် Bon Odori ဖျော်ဖြေမှု၊ DJ တီးဝိုင်း အစရှိသည်များ ပါဝင်မည်ဖြစ်ကြောင်း သိရသည်။

ပွဲတော်သို့ လာရောက်သူများအတွက် Bingo ဂိမ်းအစီအစဥ်များ၊ သိန်း ၄၀တန် အပန်းဖြေ ခရီးစဥ်၊ ၂၅ သိန်းဆု
ကြေး၊ ၁၅ သိန်းခန့် တန်ဖိုးရှိသည့် ရေသန့်စက်များအပါ အဝင် ကံစမ်းမဲအစီအစဥ်များလည်း ပါဝင်ကြောင်း သိရသည်။

#၁၀နှစ်ပြည့်ပွဲတော်ကျင်းပ
#မန္ဆလေး

27/05/2026

မန္တလေး ကန်တော်ကြီးရှိ ဘီယာဆိုင်တစ်ဆိုင်တွင် သက်ကြီးပိုင်းအရွယ်အမျိုးသားတစ်ဦး ဘီယာသောက်ရင်း ရုတ်တရက် သေဆုံး
မေ(၂၇)၊၂၀၂၆

မန္တလေးမြို့၊ချမ်းမြသာစည်မြို့နယ်၊ကန်တော်ကြီးရှိ ဘီယာဆိုင်တစ်ဆိုင်တွင် မေလ၂၆ရက်ညနေပိုင်းကသက်ကြီးပိုင်းအရွယ်အမျိုးသားတစ်ဦး ဘီယာသောက်ရင်း ရုတ်တရက် သေဆုံးမှုဖြစ်ပွားခဲ့ကြောင်း မြို့ခံများထံမှ သိရသည်။

"ရောဂါအခံကြောင့်လားတော့ မသိဘူး။ဘာကြောင့်လဲတော့ မသိဘူး။ပြောနေကြတာကတော့ အမောဖောက်ပြီး အသက်ပါပါသွားတာတဲ့"ဟု မြို့ခံတစ်ဦးမှ ပြောကြားခဲ့သည်။

သေဆုံးသွားသူ၏ ရုပ်အ လောင်းကို ချမ်းမြသုခပရဟိ တလူမှုကူညီရေးအသင်းက မော်တော်ယာဥ်ဖြင့်မန္တလေး ပြည်သူဆေးရုံကြီး ရင်ခွဲရုံသို့ ပို့ဆောင်ကူညီပေးခဲ့ကြောင်း သိရသည်။

Photo -ချမ်းမြသုခ

#သက်ကြီးအမျိုးသား
#ဘီယာသောက်ရင်းသေဆုံး
#မန္တလေး

The Mandalay Times

11/06/2026

11/06/2026

07/06/2026

07/06/2026

06/06/2026

05/06/2026

02/06/2026

30/05/2026

28/05/2026

27/05/2026

Address

Website

Alerts

Shortcuts

Share

Category