https://www.facebook.com/ddaynewschannel

D-Day News Channel, Amarapura (2025)

25/05/2025

၉ တန်းကျောင်းသူအား အဓမ္မပြုကျင့်ကာ ရက်ရက်စက်စက်သတ်ဖြတ်ခဲ့သူ ၂ ဦးကို မသေမချင်းကြိုးကွင်းစွတ်သေဒဏ် အမိန့်ချ

May 23, 2025

ပဲခူးတိုင်း၊ တောင်ငူမြို့နယ်၊ ကျွန်းကုန်းကျေးရွာမှာ အသက် ၁၆ နှစ်အရွယ် ၉ တန်းကျောင်းသူလေးကို မုဒိမ်းကျင့်ပြီး သတ်ဖြတ်ခဲ့တဲ့ အမျိုးသား ၂ ယောက်ကို မေ ၂၂ ရက်က တောင်ငူခရိုင်တရားရုံးက သေဒဏ်ကြိုးမိန့်ပေးလိုက်ပါတယ်။

မနေ့က တောင်ငူခရိုင်တရားရုံးကနေ တရားခံ သိန်းထိုက်အောင် (ခ) သားပုနဲ့ စည်သူနိုင် (ခ) မှဲ့ကြီး တို့ကို ရာဇသတ်ကြီးပုဒ်မ - ၃၀၂(၁)(ဂ)/၃၄ အရ စစ်ဆေးပြီး မသေမချင်း ကြိုးကွင်းစွပ်သတ်ဖို့ အမိန်ချခဲ့တာလို့ တရားရုံးနဲ့ နီးစပ်သူဆီကနေ သိရပါတယ်။

တရားရုံးနဲ့ နီးစပ်သူတယောက်က “အမှုကို စစ်ဆေးတဲ့အခါ ကောင်မလေးကို ၂ ယောက်လုံး မုဒိမ်းကျင့်တာ ၅ ကြိမ်၊ မုဒိမ်းကျင့်ပြီးတော့ လည်ပင်းကို ကြိုးနဲ့ချည်ပြီးသတ်တယ်။ ကောင်မလေးက တောင်းပန်တယ်။ မသေဘူးဆိုတာသိတော့ ဓားမနဲ့ လည်ပင်းကို စိမ်ပြေနပြေ ခုတ်သတ်တာ။ အဲဒါကြောင့် တရားသူကြီးက သေဒဏ်ပေးလိုက်တာပါ” လို့ ပြောပါတယ်။

သက်ငယ်မုဒိမ်းမှုကို အခုလို ထိရောက်စွာ အပြစ်ပေးဖို့ မြို့ခံတွေနဲ့ မိသားစုဝင်တွေက အခင်းဖြစ်ချိန်မှာ တရားရုံးအထိ လာရောက်ကြိုးစားခဲ့ရလို့ ကျေနပ်ကြောင်း မြို့ခံတယောက်က ပြောပါတယ်။

“သက်ငယ်မုဒိမ်းမှု ကျူးလွန်ရင် ဒီလို သေဒဏ်ခံရမယ်ဆိုတာ သိအောင် မြို့ခံတွေရော၊ ရွာခံတွေရော ကြိုးစားကြတာ။ အခုလို သေဒဏ်ပေးမှ တဏှာရူးတဲ့သူတွေ ကလေးငယ်တွေကို ပစ်မှတ်မထားရဲမှာ။”

မတ် ၁၉ ရက်က တောင်ငူမြို့နယ်၊ ကျွန်းကုန်းကျေးရွာမြောက်ပိုင်းမှာ မိဘတွေ လုပ်ငန်းခွင်သွားနေတုန်း အိမ်မှာကျန်ခဲ့တဲ့ အသက် ၁၆ နှစ်အရွယ် ၉ တန်းကျောင်းသူကို တရွာတည်းနေ အမျိုးသား ၂ ယောက်က အဓမ္မပြုကျင့်ပြီး ရက်ရက်စက်စက် သတ်ဖြတ်ခဲ့တာ ဖြစ်ပါတယ်။

သေဆုံးသွားတဲ့ ကျောင်းသူလေးမှာ လိမ္မာယဥ်ကျေးပြီး ပညာရေးထူးချွန်ကာ မိဘအပေါ် သိတတ်သူတယောက်ဖြစ်တာကြောင့် ရွာခံတွေနဲ့ မြို့ခံတွေပေါင်းကာ ပြစ်မှုကျူးလွန်သူ ၂ ယောက်ကို ထိရောက်တဲ့ပြစ်ဒဏ်ချရေးအတွက် ကြိုးစားခဲ့ကြတာပါ။

D-Day News Channel #မှုခင်းသတင်း #သေဒဏ် #မှုဒိမ်းမှု

25/05/2025

အပြာညစ်ညမ်းဗီဒီယိုရိုက်ကူးထုတ်လုပ်သည့် တရုတ်လူမျိုး ၄ဦး အလုပ်နှင့်ထောင်ဒဏ် နှစ် ၃၀ စီချ

25 May, 2025

အမျိုးသမီးစုံတွဲတွေကို ညစ်ညမ်းဗီဒီယို live လွှင့်ရိုက်ကူးပြီး ရရှိတဲ့ အကျိုးအမြတ်ကို ခေါင်းပုံဖြတ်ရယူခဲ့တဲ့ တရုတ်နိုင်ငံသား ၃ ဦးအပါအဝင် ဆောင်ရွက်သူတွေကို လူကုန်ကူးမှုနဲ့ အရေးယူပြီး အလုပ်နဲ့ ထောင်ဒဏ် နှစ် ၃၀ စီ ချမှတ်ခဲ့တယ်လို့ လူကုန်ကူးမှုတားဆီးနှိမ်နှင်းရေးရဲတပ်ဖွဲ့ က ထုတ်ပြန် ပါတယ်။

လှိုင်သာယာ (အနောက်ပိုင်း) မြို့နယ် ၊အပြင်ပဒံကျေးရွာ ၊ရွှေကမ်းသာယာအိမ်ရာမှာ တရုတ်လူမျိုး Mr. Wang Shaohua (၃၉)နှစ် (ဘ) ဦးဝမ်းရှင်းဖား ၊ Mr. Yung Kun (၃၇)နှစ် (ဘ)ဦးရန်ပေါင်စွင့် ၊ Mr. Zeng Yuan (၂၉)နှစ် (ဘ) ဦးကျင်းယုံ ကောင်းနဲ့ အဲလစ်စစ် (ခ) နော်မူးရှီးဖော(ခ) ကျဲကျဲ (မ) (၃၂) နှစ် (ဘ) ဦးစောလားချရှီးတို့က မြန်မာအမျိုးသမီး စုံတွဲ လေးတွဲ ကို S*x video Live လွှင့် ရိုက်ကူးပြီး ရရှိတဲ့ အကျိုးအမြတ်တွေ ကို ခေါင်းပုံဖြတ်ယူခဲ့တာကို စိစစ်တွေ့ရှိရတယ်လို့ ဆိုပါတယ်။

အခုလို လုပ်ဆောင်ခဲ့တဲ့ အတွက် ကျူးလွန်သူ တွေ ကို လှိုင်သာယာ(အနောက်ပိုင်း) မြို့မရဲစခန်းမှာ (ပ) ၈၇၆/၂ဝ၂၄၊ လူကုန်ကူးမှု တားဆီး နှိမ်နင်းရေးဥပဒေပုဒ်မ ၃၈(က) (ခ) နဲ့ အမှုရေးဖွင့် တရားစွဲတင်ခဲ့တယ်လို့ သိရပါတယ်။

သက်ဆိုင်ရာရဲစခန်းက တရားစွဲတင်မှုကို အင်းစိန်ခရိုင်တရားရုံးမှ စစ်ဆေးခဲ့ပြီး ၂၀၂၅ ခုနှစ် မေ ၂ဝ ရက်မှာ တရားခံ Mr. Wang Shaohuai ၊Mr. Yung Kuni၊ Mr. Zeng Yuan နဲ့ အဲလစ်စစ် (ခ) နော်မူးရှီး ဖော (ခ) ကျဲကျဲ (မ) တို့ လေးဦးတို့ကို လူကုန်ကူးမှု တားဆီးနှိမ်နင်းရေး ဥပဒေပုဒ်မ ၃၈ (က)အရ အလုပ်နဲ့ ထောင်ဒဏ်နှစ် (၂၀) စီနဲ့ လူကုန်ကူးမှုတားဆီးနှိမ်နင်းရေး ဥပဒေပုဒ်မ ၃၈ (ခ) အရ အလုပ်နဲ့ထောင်ဒဏ် (၁ဝ) နှစ်စီကို တစ်ပေါင်းတည်း ကျခံစေဖို့ အမိန့်ချမှတ်ခဲ့ပြီး တိမ်းရှောင်တရားခံ သူသူရှိန် ကို ရာဇဝတ်ကျင့်ထုံး ဥပဒေ ပုဒ်မ ၈၇/၈၈ အတည်ပြု ထုတ်ဆင့်ခဲ့တယ်လို့ ထုတ်ပြန်ထား ပါတယ်။

D-Day News Channel #အပြာ #ညစ်ညမ်းဗီဒီယို #တရုတ် #မှုခင်းသတင်း

25/05/2025

အသက် ၁၄နှစ်အရွယ် ၇ တန်းကျောင်းသား ပြန်ပေးဆွဲ အသတ်ခံရမှုမှ ကျူးလွန်သူ ၁ ဦးကို ဖမ်းမိ
May 24, 2025

ပဲခူးမြို့က အသက် ၁၄ နှစ် အရွယ် ၇ တန်းကျောင်သားကို ပြန်ပေးဆွဲ ခြိမ်းခြောက်ငွေတောင်းပြီး ရက်ရက်စက်စက် သတ်ခဲ့သူတွေထဲကတယောက်ကို ရဲတွေက ဖမ်းမိထားတယ်လို့ မြို့ခံတွေဆီက သိရပါတယ်။

မေ ၂၀ ရက်နေ့ ညနေပိုင်းက နေအိမ်ကနေ ဘောလုံးသွားကန်ဖို့သွားတဲ့ ပဲခူးမြို့၊ မဇင်းရပ်ကွက်မှာနေထိုင်တဲ့ မောင်သက်နိုင်မင်းကို လူတစုက ပြန်ပေးဆွဲခဲ့ပြီး သတ်ပစ်လိုက်တာလို့ ဖြစ်စဉ်ကိုသိသူတယောက်က DVB ကို ပြောပါတယ်။

“ကလေးပျောက်တဲ့ညမှာပဲ ဖမ်းသွားတဲ့သူတွေက မိဘတွေဆီဖုန်းဆက်တယ်။ ငွေ ၅ သိန်းပေးရင် ပြန်လွှတ်မယ်။ ဖောင်ကြီးကိုလာခဲ့လို့ ချိန်းတယ်။ ရဲတိုင်ရင်သတ်ပစ်မယ်လို့လည်း ခြိမ်းခြောက်တယ်။ မိဘတွေက ရဲကိုလည်းအကြောင်းမကြားရဲဘူး။ သားသမီးဇောနဲ့ငွေယူပြီးသွားတယ်။ ဖောင်ကြီးရောက်တော့ မတွေ့ဘူး။ နောက်ရက် ဖုန်းထပ်မဆက်ဘူး။ ၃ ရက်မြောက်မှာ ကလေးအလောင်းတွေ့တာ” လို့ ပြောပါတယ်။

မောင်သက်နိုင်မင်းအသတ်ခံရမှုနဲ့ပတ်သက်ပြီး ပြစ်မှုကျူးလွန်သူတွေထဲက တယောက်ကို ပဲခူးမြို့နယ်၊ အမှတ် ၂ နယ်မြေရဲစခန်းမှာ မေ ၂၃ ရက် ညနေက ဖမ်းမိခဲ့ပြီး စစ်ဆေးနေတယ်လို့ ရဲတပ်ဖွဲ့နဲ့နီးစပ်သူတယောက်က DVB ကို ပြောပါတယ်။

“ဖမ်းသွားတဲ့သူတွေက ဆေးသမားတွေဖြစ်မယ်။ ဖုန်းဆက်ပြီး ၅ သိန်းတောင်းတယ်။ မိဘတွေက ပေးဖို့သွားတာ ရဲတွေခေါ်လာတယ်ထင်ပြီး ကလေးကို သတ်ပစ်လိုက်တာ။ ၁ ယောက်ကိုမိထားတယ်။ လက်ရှိစစ်ဆေးနေဆဲပဲ ကျန်တဲ့သူတွေက လွတ်နေတယ်” လို့ ပြောပြပါတယ်။

မောင်သက်နိုင်မင်းအသတ်ခံရတဲ့ကိစ္စနဲ့ပတ်သတ်ပြီး ပြစ်မှုကျူးလွန် ၄ ယောက်မိတယ်ဆိုတဲ့ သတင်းမှားယွင်းနေပြီး ကလေးကိုလာခေါ်ဆောင်သွားသူတယောက်ကိုပဲ လက်ရှိဖမ်းမိပြီး တခြား ပြစ်မှုကျူးလွန်သူတွေက လွတ်မြောက်နေတယ်လို့ သူက ဆက်ပြောပါတယ်။

မောင်သက်နိုင်မင်းရဲ့ ရုပ်အလောင်းကို မေ ၂၃ ရက် မွန်းလွဲပိုင်းက ပဲခူးမြို့ ဆင်ဖြူကွင်းသုသာန်မှာ သင်္ဂြိုလ်ခဲ့ပါတယ်။

D-Day News Channel #မှုခင်းသတင်း #ပြန်ပေးမှု #လူသတ်မှု

25/05/2025

အသားမည်းမည်ကို ကြောက်၍ နေရောင်အထိမခံသည့် တရုတ်အမျိုးသမီးတဦး အိပ်ပျော်နေစဉ် လှိမ့်လိုက်ရာမှ အရိုးကျိုးသွားခဲ့
25 May, 2025

တရုတ်ရိုးရာတိုင်းရင်းဆေးရုံ ရှင်တိဆေးရုံ၏ အရေးပေါ်ဌာနမှ ဆရာဝန် လောင်ဆွမ်းက ပုံမှန်မဟုတ်သော အဖြစ် အပျက်ကို မေလ ၁၄ ရက်တွင် လူမှုမီဒီယာတွင် ဖော်ပြပြီးနောက် လူသိများလာခဲ့သည်။

ယင်းအဖြစ်အပျက်က တရုတ်လူမှုကွန်ရက်တွင် လူအများကို တုန်လှုပ်ခြောက်ခြားစေခဲ့သည်။

တရုတ်အနောက်တောင်ပိုင်း စီချွမ်ပြည်နယ်၊ ချန်ဒူးမြို့မှ အသက် ၄၈ နှစ်အရွယ်၊ အမျိုးသမီးတဦးသည် နေရောင် ခြည်ကို ကြာရှည်စွာရှောင်ခြင်း၏ အကျိုးဆက်အဖြစ် အိပ်ရာပေါ်တွင် လူးလိမ့်ရုံမျှဖြင့် အရိုးကျိုးခဲ့ရသည်။

ယင်းအမျိုးသမီးသည် ငယ်စဉ်ကတည်းက နေရောင်ခြည်ထိတွေ့မှုကို ရှောင်ရှားခဲ့ပြီး အပြင်ထွက်ပါက အင်္ကျီ လက်တိုဝတ်ဆင်ခဲပြီး နေရောင်ခြည်ဒဏ်ကာကွယ်ဆေးကို အမြဲလိမ်းလေ့ရှိကြောင်း ဒေါက်တာ ဟောင်က ပြောကြားသည်။

အလွန်အမင်းနေရောင်ရှောင်ခြင်းအလေ့အထနှင့် ပတ်သက်၍ သူမ၏ မိသားစုက စိုးရိမ်ပူပန်မှုများကို ထုတ်ဖော် ပြောဆိုဖူးခြင်း ရှိ၊ မရှိ မသိရသော်လည်း၊ သူ ဒဏ်ရာပြီးနောက် ယင်းကိစ္စသည် သက်ရောက်မှုများ ရှိလာခဲ့သည်။

ဆေးရုံတင်ပြီးနောက်တွင် သူ၏ ဗီတာမင်ဒီပမာဏသည် အလွန်နိမ့်ကျကြောင်း တွေ့ရှိရပြီး၊ အရိုးသိပ်သည်းဆများ ကျဆင်းနေပြီး၊ ပြင်းထန်အရိုးပွရောဂါကို ဖြစ်စေနိုင်သည်။

ကွမ်ကျိုးဆေးတက္ကသိုလ်၏ ပြင်ပရောဂါကုဆေးရုံမှ ကျောရိုးခွဲစိတ်ကုဆရာဝန်ကြီး ကျန်းရှောင်ပင်းက အွန်လိုင်းဗီဒီယိုတခုတွင် သတိပေးချက်ထုတ်ပြန်ခဲ့သည်။

“နေရောင်ဒဏ်ကာကွယ်ဖို့အတွက် ခေါင်းကနေ ခြေဖျားအထိ အပြည့်ဖုံးကာထားတဲ့လူတွေကို အခုတွေ့မြင်နေရ ပါတယ်။ ဒါက ကျန်းမာရေးနဲ့ မညီညွတ်ပါဘူး။ ကျွန်တော်တို့ရဲ့ ခန္ဓာကိုယ်ထဲက အရိုးတွေအားလုံးဟာ ၁၀ နှစ်တ ကြိမ်ပြန်ပေါက်တတ်ပေမယ့်၊ အသက် ၃၀ နှစ်ကစပြီး၊ နှစ်စဉ် အရိုးထုက ၀ ဒသမ မှ ၁ ရာခိုင်နှုန်း အထိ ဆုံးရှုံးတတ်ပါတယ်။ ကယ်လစီယမ်စားသုံးမှုနည်းတာ၊ နေရောင်ခြည်မထိတွေ့တာ၊ ဗီတာမင်ဒီ ချို့တဲ့တာ၊ ကယ်လ်စီယမ်စုပ်ယူမှုနည်းတာ၊ ဆေးလိပ်သောက်တာနဲ့ အရက်အလွန်အကျွံသောက်တာက အရိုးကျန်းမာရေးကို ထိခိုက်စေပါတယ်။”

“ဒါက မယုံနိုင်စရာပါပဲ၊ အိပ်ရာပေါ်လှိမ်လိုက်ရုံနဲ့ သူ့အရိုးကျိုးသွားသလား” ဟု အင်တာနက်တွင် လူတယောက်က မှတ်ချက်ပြုခဲ့သည်။

SCMP မှ Chinese woman, afraid of tanning, suffers fractures from rolling over in bed အား သောမတ် ဘာသာပြန်သည်။

D-Day News Channel #တရုတ်

25/05/2025

ဒါယိကာမကို မုဒိမ်းကျင့်တာ မရ၍ ဓားဖြင့်ခုတ်သတ်သည့် ကျောင်းထိုင်ဘုန်းကြီးကို ဖမ်းဆီး

May 25, 2025

သိမ်ကျောင်းလှူထားတဲ့ ဒါယိကာမကို မုဒိမ်းကျင့်ဖို့ ကြိုးစားတာမှာ ထွက်ပြေးလို့ ဓားနဲ့ ၁၅ ချက် ခုတ်သတ်ခဲ့တဲ့ လှည်းကူးမြို့နယ်၊ အောင်ဘုန်းပြည့်ကျောင်းတိုက်ဆရာတော်ကို ရဲတွေက ဖမ်းဆီး စစ်ဆေးနေတယ်လို့ မြို့ခံတွေဆီက သိရပါတယ်။

လှည်းကူးမြို့နယ်၊ ရွှေအင်တုံကျေးရွာ၊ အောင်ဘုန်းပြည့်ဘုန်းကြီးကျောင်းမှာ သိမ်ကျောင်း လှူထားတဲ့ ဒါယိကာမကို မေ ၂၁ ရက်မနက်က ကျောင်းထိုင်ဆရာတော် ဦးသမ္မာစာရ က မုဒိမ်းကျင့်ဖို့ ကြိုးစားခဲ့ပြီး ဒါယိကာမက ရုန်းကန်အော်ဟစ်ထွက်ပြေးတဲ့အတွက် ဓားနဲ့ မသေမချင်း ခုတ်သတ်ခဲ့တာလို့ မြို့ခံတယောက်က ပြောပါတယ်။

“သိမ်ကျောင်းလှူထားတဲ့ ဒါယိကာမရဲ့ အမေက ဘုန်းကြီးကျောင်းမှာ နေတာ။ သူ့အမေ နေမကောင်းလို့ဆိုပြီး ဘုန်းကြီးက ဒါယိကာမကို အိမ်အထိ လိမ်ပြီးသွားခေါ်တာ။ ကျောင်းရောက်တော့ ကိုရင်တွေကို ဆွမ်းခံထွက်ခိုင်း၊ ကပ္ပိယကို ဆွမ်းချိုင့်သွားယူခိုင်းပြီး လူရှင်းတဲ့အချိန် အဓမ္မကျင့်ဖို့ ကြိုးစားတာ။ ဒါယိကာမက ရုန်ကန်းပြီးထွက်ပြေးလို့ ဓားနဲ့ မသေမချင်းခုတ်သတ်လိုက်တာ” လို့ ပြောပါတယ်။

ဒါယိကာမကို ခုတ်သတ်ပြီးနောက် အောင်ဘုန်းပြည့် ကျောင်းတိုက်ဆရာတော် ဦးသမ္မာစာရ ထွက်ပြေးသွားခဲ့ပြီး မေ ၂၁ ရက်ည ၇ နာရီမှာ အမြန်လမ်း ၁၅ မိုင်အနီးတောစပ်မှာ ရဲတွေက ဖမ်းမိခဲ့တာလို့ ရဲတပ်ဖွဲ့နဲ့နီးစပ်တဲ့ သတင်းရင်းမြစ်က ပြောပါတယ်။

“အဲဒီနေ့ညကတည်းက မိတာ။ မုဒိမ်းကျင့်ဖို့ ကြိုးစားတာ မရလို့ ဓားနဲ့ခုတ်သတ်တာ မှန်ပါတယ်။ ဓားဒဏ်ရာ ၁၅ ချက်ရှိတယ်။ မျက်မြင်သက်သေအနေနဲ့ အခင်းဖြစ်ချိန် ကျောင်းမှာ ကျန်ခဲ့တဲ့ ကိုရင်တွေ ရှိတယ်။ အလောင်းကို အရင်ဆုံးစမြင်တဲ့ ကပ္ပိယလည်း ရှိတယ်။ ရဲစခန်းဘက်က စစ်ဆေးနေတုန်းပဲ” လို့ ပြောပါတယ်။

ပြစ်မှုကျူးလွန်သူ အောင်ဘုန်းပြည့်ကျောင်းထိုင်တော်ဆရာတော် ဦးသမ္မာစာရ(ခ)ဦးသန်းဦး ကို လူဝတ်လဲပြီး လှည်းကူးမြို့မရဲစခန်းမှာ စစ်ဆေးနေတယ်လို့ သူက ဆက်ပြောပါတယ်။

#မှုဒိမ်းဘုန်းကြီး #မှုခင်းသတင်း

15/08/2023

လေးမျက်နှာမြို့တွင် တစ်ပတ်အတွင်းအုပ်စုလိုက်ဆိုင်ကယ်ခိုးယူမှု၂၀ ကျော်ဖြစ်ပွား၊ ကျူးလွန်သူများမှာ လွတ်ငြိမ်းဖြင့်ပြန်လွတ်သူများဖြစ်နေ

Aug 15

ဧရာဝတီတိုင်း၊ လေးမျက်နှာမြို့နယ်တွင် သြဂုတ်လ ပထမအပတ်အတွင်း အုပ်စုလိုက်ဆိုင်ကယ် ခိုးယူမှု (၂၀)မှုထက်မနည်းဖြစ်ပွားခဲ့ကြောင်း ရဲတပ်ဖွဲ့အသိုင်းဝိုင်းမှ သိရသည်။

ခိုးယူမှု ကျုးလွန်သူများမှာလွတ်ငြိမ်းခွင့်ဖြင့်ပြန်လည်လွတ်မြောက်သူများဖြစ်ကြောင်း ရဲသတင်းအရင်းအမြစ်နှင့် ဒေသခံများထံကသိရသည်။

" ပထမအပတ်ထဲမှာ နေအိမ်ထဲကိုအုပ်စုလိုက် ဆိုင်ကယ်ခိုးခံရတဲ့အမှုတွေလာတိုင်တာမနည်းဘူး။ တစ်ပတ်ကျော်ကို အမှု၂၀ လောက်ကိုဖြစ်နေတယ်။ လုံခြုံရေးကင်းလှည့်နေတဲ့အလစ်မှာကို ရပ်ကွက်ထဲကိုဝင်ခိုးနေကြတာ။ အခုရပ်ကွက်ကရာအိမ်မှူးတွေကိုစောင့်ကြည့်ခိုင်းထားတယ်" ဟု ရဲတပ်ဖွဲ့နှင့်နီးစပ်သူတစ်ဦးမှ ပြောသည်။

အုပ်စုလိုက်ဆိုင်ကယ်ခိုးယူသူများမှာ ပြီးခဲ့သည့်သြဂုတ်လ ၁ ရက်နေ့၌ စစ်ကောင်စီ၏ လွတ်ငြိမ်းချမ်းသာခွင့်ဖြင့် ပြန်လည်လွတ်ပေးခံရသူများဖြစ်ပြီး ရပ်ကွက်အတွင်း နေထိုင်သူများမှ ဖမ်းဆီးကာရဲစခန်းသို့အပ်နှံခဲ့သော်လည်း ရဲထံ ငွေကြေးပေးကာပြန်လည်လွတ်ပေးနေကြောင်း မြို့ခံများထံကသိရသည်။

" အခုဆိုင်ကယ်သူခိုးတွေကလွတ်ငြိမ်းနဲ့ပြန်လွတ်လာတဲ့သူတွေချည်းပဲဖြစ်နေတယ်။ ရပ်ကွက်ကဝိုင်းဖမ်းပေးပြီးရဲစခန်းကိုသွားအပ်ရင်လည်း ပိုက်ဆံပေးပြီးပြန်လွတ်လာကြတာ။ အကြောင်း မထူးဘူး။ ရာဇဝတ်နှိမ်နှင်းရမယ့် ရဲတွေကိုယ်၌က ရာဇဝတ်ကောင်တွေ ဖြစ်နေပြီ။ အဲတော့တအိမ်နဲ့တအိမ်အချင်းချင်းသတိပေးပြီးသူခိုးရန်စောင့်နေကြရတယ်" ဟု အမှတ်( ၁)ရပ်ကွက်အတွင်းနေထိုင်သူတစ်ဦးကဆိုသည်။

လေးမျက်နှာမြို့တွင်း၌ စစ်ကောင်စီတပ်၊ရဲ၊မီးသတ်၊ပျူစောထီးအဖွဲ့နှင့်ရပ်ကွက်အုပ်ချုပ်ရေးအဖွဲ့များမှညစဥ်ကင်းလှည့်လည်ဆောင်ရွက်နေသော်လည်း ပြီးခဲ့သည့်ဇူလိုင်လအတွင်း အုပ်စုဖွဲ့ဆိုင်ကယ်ခိုးယူမှု(၈၀)မှုထက်မနည်းဖြစ်ပွားခဲ့ကြောင်းမြို့နယ်ရဲတပ်ဖွဲ့မှူးရုံးနှင့်နီးစပ်သည့်ရဲသတင်းအရင်းအမြစ်ထံကသိရသည်။

#လေးမျက်နှာမြို့ #စစ်ကောင်စီတပ် #ခိုးမှု #ဆိုင်ကယ်
D-Day News Channel

Photo - CJ

13/08/2023

ဩစတေးလျသွားတော့မည်ဖြစ်ကြောင်း ပရိတ်သတ်ကို အသိပေးလာတဲ့ ဟားငါးကောင်
#ဟားငါးကောင်း #ဩစတေးလျ

13/08/2023

အကြမ်းဖက်စကစလော်ဘီများကိုယ်တိုင် အကြမ်းဖက်ခေါင်းဆောင် မင်းအောင်လှိုင်ဦးဆောင်သော အာဏာသိမ်းအကြမ်းဖက်စစ်အုပ်စုမှာ အရည်အချင်းမရှိကြောင်း ထုတ်ပြောလာရ

Video- အကြမ်းဖက်စစ်အုပ်စုသည် အရည်အချင်းမရှိကြောင်း အကြမ်းဖက်စကစလော်ဘီ ကျော်မျိုးမင်း၏ ပြောဆိုချက်

13/08/2023

ဖားကန့်မြို့နယ်၊ မနရွာအနီးရှိ လက်ကျင်း ကျောက်စိမ်းတူးဖော်ရေး လုပ်ကွက်မြေစာပုံ ပြိုကျပြီး လူဦးရေ ၄၀ နီးပါး ပျောက်ဆုံးနေ(ရုပ်/သံ)

Aug 13

ကချင်ပြည်နယ်၊ ဖားကန့်မြို့နယ်၊ မနရွာအနီးရှိ လက်ကျင်း ကျောက်စိမ်းတူးဖော်ရေး လုပ်ကွက်မြေစာပုံ ပြိုကျပြီး လူဦးရေ ၄၀ နီးပါး ပျောက်ဆုံးနေကြောင်း ဒေသပြည်သူများက ပြောဆိုသည်။

သြဂုတ်လ ၁၃ ရက်နေ့ မွန်းလွဲ ၂ နာရီ ၃၀ မိနစ်ခန့်တွင် ဖားကန့်မြို့နယ်၊ မနရွာအနီးရှိ လက်ကျင်း ကျောက်စိမ်းတူးဖော်ရေး လုပ်ကွက်မြေစာပုံ ပြိုကျခဲ့ပြီး လူဦးရေ ၄၀ နီးပါး ပျောက်ဆုံးလျက်ရှိကြောင်း သိရသည်။

"ဖားကန့်မြို့ မနရွာအနီးက လက်ကျင်းလုပ်ကွက်မြေစာပြိုကျတယ်။ အခုအလောင်းတွေ ဖော်နေပါတယ်။ အသေ အပျောက် အားလုံးခန့်မှန်း ၄၀ ခန့်ရှိမယ်။ အလောင်းတော့ မတွေ့သေးဘူး။ ရှာနေတုန်း" ဟု ဒေသပြည်သူများကပြောဆိုသည်။

D-Day News Channel
#ဖားကန့် #ကျောက်စိမ်း #မြေစာပုံပြို

07/08/2023

ရဟန်း နှင့် အရေခြုံ
နံသာဆီ နှင့် အီး
ပညာရှိ နှင့် ဆိတ်လစိ

Video: ရဟန်းဟောသော တရားနှင့် အရေခြုံဖောသော စကား

21/07/2023

အကြမ်းဖက်စစ်ကောင်စီက အွန်လိုင်းရှော့ပင်းများကိုမှတ်ပုံတင်ခိုင်းပြီး မှတ်ပုံတင်ထားခြင်းမရှိပါက အရေးယူမည့်အပေါ် ဝေဖန်မှုမြင့်တက်

22/7/2023

"အွန်လိုင်း ရှောပင်းကို တသီးတစ်သန့် ကြီး အမိန့်ထုတ် အခွန်ကောက် ၊တည်နေရာ ပြခိုင်းတာကို ရှက်ဖို့ကောင်းတယ်။နိုင်ငံက ပြည်သူတွေ ငတ်နေတာကိုကြ ဘာလုပ်ရမှန်းမသိဘူး။အာဏာရှင်က အာဏာရှင်ဆန်ပြီး ပိုယုတ်မာနေတာလို့ပဲ မြင်တယ်"- တရားလွှတ်တော်ရှေ့နေ

အကြမ်းဖက်စစ်ကောင်စီက အွန်လိုင်းရှော့ပင်းလုပ်ငန်းများကို မဖြစ်မနေမှတ်ပုံတင်ခိုင်ပြီး မှတ်ပုံမတင်ပါက အရေးယူမည်ဟု ခြိမ်းခြောက်ခြင်းမှာ မှတ်ပုံတင်ကြေးငွေလိုချင်ခြင်းနှင့် ငွေကြေးလွှဲပြောင်းမှုများကိုစောင့်ကြည့်ထိန်းချုပ်ရန် ကြံစည်ခြင်းဖြစ်ကြောင်း အွန်လိုင်းမှဈေးရောင်းဝယ်နေသူများကပြောသည်။

"လူထုအခြေပြုတဲ့ လုပ်ငန်းကို ကြပ်တည်းအောင် လုပ် နေတာလို့ပြောလို့ရတယ်။သူတို့ အကျိုးစီးပွား အတွက် အဓိကပဲ။နောက် အရေးကြီးတာတစ်ခုက အွန်လိုင်း Pay တွေကနေ ငွေစီးဆင်းမှု အခြေအနေကို အတိအကျမဟုတ်တောင် ခန့်မှန်းအနေနဲ့ သူတို့ ဒေတာလိုချင်တာ ဖြစ်နိုင်တယ်"ဟု ရန်ကုန်မြို့တွင်း အွန်းလိုင်းရှော့ပင်းပိုင်ရှင်တစ်ဦးကသုံးသပ် ပြောကြားသည်။

အကြမ်းဖက်စစ်ကောင်စီက အွန်လိုင်းစနစ်ဖြင့်ရောင်းချခြင်းလုပ်ငန်းများကိုအရေးကြီးဝန်ဆောင်မှုလုပ်ငန်းအဖြစ် သတ်မှတ်လိုက်ပြီး ယနေ့မှ စ၍ ၆ လအတွင်းမဖြစ်မနေမှတ်ပုံတင်ရမည်ဟုဆိုသည်။ မှတ်ပုံတင်လိုင်စင်မရှိဘဲ အွန်လိုင်းစနစ်ဖြင့် ရောင်းချခြင်းလုပ်ငန်းကိုဆောင်ရွက်ပါကမည်သူ့ကိုမဆို အရေးကြီးကုန်စည်နှင့်ဝန်ဆောင်မှုဥပဒေပုဒ်မ (၅) အရအရေးယူမည်ဟု စစ်ကောင်စီကခြိမ်းခြောက်ထားသည်။ထိုခြိမ်းခြောက်စာကို အကြမ်းဖက်စစ်ကောင်စီခန့် စီးပွားကူးသန်းဝန်ကြီး ဦးအောင်နိုင်ဦးလက်မှတ်ထိုးထုတ်ပြန်ထားခြင်းဖြစ်သည်။

အရေးကြီးဝန်ဆောင်မှုဟုသတ်မှတ်လိုက်သောကြောင့် အရေးကြီးကုန်စည်နှင့်ဝန်ဆောင်မှုဥပဒေတွင် အကြမ်းဖက်စစ်ကောင်စီက ထုတ်ပြန်သည့် အမိန့်များကို မလိုက်နာပါက ပြစ်ဒဏ်ခြောက်လမှ အများဆုံး ထောင်ဒဏ် ၃နှစ်ချမှတ်နိုင်သည့် အပြင် ငွေဒဏ် ၅သိန်းကိုလည်း ချမှတ်ခြင်းခံရမည်ဟု ပြဌာန်းထားသည်။ ထိုအပြင်ပစ္စည်းများကိုလည်း နိုင်ငံတော်ဘဏ္ဍာအဖြစ် သိမ်းဆည်းနိုင်သည်ဟုလည်း ပြဌာန်းထားသည်။အွန်လိုင်းစနစ်ဖြင့်ရောင်းချသည့်လုပ်ငန်းများကို အရေး ကြီးဝန်ဆောင်မှုအဖြစ် ဇူလိုင် ၄ရက် ရက်စွဲဖြင့် အကြမ်းဖက်စစ်ကောင်စီက ကနဦး ထုတ်ပြန်ခဲ့သည်။

ထိုအပြင် အကြမ်းဖက်စစ်ကောင်စီ၏ အမိန့်ကြေညာစာ အခန်း ၅ အပိုဒ် ၁၈ အပိုဒ်ခွဲ(ဋ) တွင် အွန်လိုင်းစနစ်ဖြင့် ရောင်းချခြင်းလုပ်
ငန်းမှတဆင့် နိုင်ငံ ရေးကိုရည်ရွယ်၍ သော်လည်းကောင်း၊အများပြည်သူ၏ တည်ငြိမ်အေးချမ်းရေးနှင့်လုံခြုံရေးကို ပျက် ပြားစေရန် ရည်ရွယ်၍ သော်လည်းကောင်း လှုံဆော်၊ဟောပြော၊စည်းရုံးမှု၊အားပေးမှု၊ဆန္ဒ ထုတ်ဖော်မှုကို ရှောင်ကြဥ်ရမည်ဟု ဖော်ပြထားသည်။

"ဒါက အရင် နဝတ၊နအဖ ခေတ် အတိုင်းပဲ။ဥပဒေနဲ့ အမိန့်တိုင်းမှာ သူတို့ကို စည်းကျော်ခွင့် မပေးဘူး။ကလေး ကလားအရမ်းဆန်တယ်။အွန်လိုင်း ရှောပင်းကို တသီးတစ်သန့် ကြီး အမိန့်ထုတ် အခွန်ကောက် ၊တည်နေရာ ပြ ခိုင်းတာကို ရှက်ဖို့ကောင်းတယ်။နိုင်ငံက ပြည်သူတွေ ငတ်နေတာကိုကြ ဘာလုပ်ရမှန်းမသိဘူး။အာဏာရှင်က အာဏာရှင် ဆန်ပြီး ပိုယုတ်မာနေတာလို့ပဲ မြင်တယ်"ဟု တရားလွှတ်တော်ရှေ့နေတစ်ဦးကလည်း ပြောသည်။

“အွန်လိုင်းရှော့ပင်လုပ်ငန်းတွေကို ခြိမ်းခြောက်ပြီး ဓားမြတိုက်တယ်လိုပဲမြင်တယ်။ ဒီလုပ်ငန်းတွေက အခုမှဖွံဖြိုးစကို အခုလိုကန့်သတ်လိုက်တာ အလုပ်အကိုင်အခွင့်အလန်းအတွက်ထိခိုက်သွားနိုင်တယ်”ဟုအွန်လိုင်းရှော့ပင်လုပ်ကိုင်နေ သူတစ်ဦးကပြောသည်။

မှတ်ပုံတင်ရာတွင် လူပုဂ္ဂိုလ်ဖြစ်ပါက မြန်မာနိုင်ငံအတွင်း အခြေချနေထိုင်သူများဖြစ်ရပြီး ဆောင်ရွက်မည့်နေရာကိုလည်း တင်ပြရမည်ဟု ကန့်သတ်ထားသည်။ မှတ်ပုံတင်သက်တမ်းကို နှစ်နှစ်ပေးမည်ဟု ဆိုထားသည်။ မှတ်ပုံတင်စဉ်က တင်ပြထားသည့် ကုန်ပစ္စည်းနှင့်ဝန်ဆောင်မှုများကိုသာ ရောင်းချရမည်ဟုလည်း အကြမ်းဖက် စစ်ကောင်စီကကန့်သတ်ထားသည်။

ယခုလို့ ကန့်သတ်လိုက်ခြင်းသည် အွန်လိုင်းများအတွက် အကြီးအကျယ်သက်ရောက်မှုကြီးမည်ဟုလည်း စီးပွားရေးလုပ်ငန်းရှင်တစ်ဦးကပြောသည်။

ယခုအခါပြည်တွင်း၌ ကုန်ဈေးနှုန်းများတက်ပြီးစီးပွားရေးကြပ်တည်းသဖြင့် လုပ်ငန်းအချို့မှာ ရပ်နားထားရပြီး အချို့မှာ လုပ်ငန်းလည်ပတ်ရုံသာလုပ်ကိုင်နေကြသည်။ရပ်နားသောလုပ်ငန်းများသဖြင့် ပြည်တွင်း၌ အလုပ်လက်မဲ့ပိုများလာနေသည်။ အကြမ်းဖက်စစ်ကောင်စီသည် အမေရီကန်အစိုးရက MFTB နှင့် MICB ဘဏ်တို့ကိုအရေးယူဒဏ်ခတ်လိုက်ပြီးနောက် ပို့ကုန်သွင်းကုန်လုပ် ငန်းများ ကို ပိုမိုကန့်သတ်ကြပ်မတ်လာရာမှ ယခုအခါ အွန်လိုင်းဈေးရောင်းဈေးဝယ်လုပ်ငန်းများကိုပါ ကန့်သတ်ကြပ်မတ်ရန်လုပ်လာခြင်းဖြစ်သည်။

#အွန်လိုင်းရှော့ပင်

Photo-အကြမ်းဖက်စစ်ကောင်စီ၏ ထုတ်ပြန်ချက်

16/07/2023

မြို့သိမ်းတိုက်ပွဲဆင်နွှဲရန် ပြင်ဆင်နေပြီး စစ်ကောင်စီလက်အောက်ခံဝန်ထမ်းများကိုလည်း အရေးယူမည်ဟု ချင်းကာကွယ်ရေး တပ်ဖွဲ့(တွန်းဇံ) တာဝန်ရှိသူပြောကြား

16 July

မြို့သိမ်းတိုက်ပွဲဆင်နွှဲနိုင်ရန်အတွက် ကြိုတင်ပြင်ဆင်မှုများဆောင်ရွက်နေပြီဖြစ်ကြောင်း ချင်းကာကွယ်ရေးတပ်ဖွဲ့(တွန်းဇံ)ထံမှ သိရသည်။

ချင်းကာကွယ်ရေးတပ်ဖွဲ့(တွန်းဇံ)သည် ယခင်က တမူးမြို့နယ်နှင့် နယ်စပ်တလျှောက်တွင် မဟာမိတ်ဒေသကာကွယ်ရေးတပ်ဖွဲ့များနှင့် ပူးပေါင်း၍ စစ်ရေးလှုပ်ရှားမှုများလုပ်ဆောင်နေပြီး မြို့သိမ်းတိုက်ပွဲဆင်နွှဲရန် နီးစပ်လာခြင်းကြောင့် တွန်းဇံမြို့အနီးသို့ လာရောက်အခြေချခြင်းဖြစ်ကြောင်းသိရသည်။

“မြို့ပေါ်က လွဲ၍ ဇိုနယ်မြေတစ်ခုလုံးကို ထိန်းချုပ်နိုင်ပါပြီ။ တွန်းဇံမြို့ပေါ်က စစ်ကောင်စီလက်အောက်ခံတွေကိုလည်း ကြိုက်တဲ့ချိန် ဝင်ဖမ်းလို့ရတယ်။ ဘာမှ မလှုပ်ရှားချင်သေးလို့ပါ။ ဘာဖြစ်လို့လဲဆိုတော့ ကျွန်တော်တို့ အမျိုးတွေ နေထိုင်တဲ့ နေရာ၊ ကျွန်တော်ကိုယ်တိုင်နေထိုင်တဲ့ တွန်းဇံမြို့ပေါ်ဖြစ်တဲ့အတွက်ကြောင့် ငဲ့ညှာတဲ့အနေနဲ့ ဘာမှမလုပ်သေးတာ” ဟု ချင်းကာကွယ်ရေးတပ်ဖွဲ့(တွန်းဇံ)၏ အထွေထွေအတွင်းရေးမှူးနှင့် ပြောရေးဆိုခွင့်ရှိသူထန်ဆွင်းမုန်က ပြောသည်။

ချင်းကာကွယ်ရေးတပ်ဖွဲ့(တွန်းဇံ)၏ သတိပေးထုတ်ပြန်ချက်များကို မလိုက်နာသော စစ်ကောင်စီလက်အောက်ခံ ဝန်ထမ်းများကိုလည်းအရေးယူဆောင်ရွက်မှုများလုပ်ဆောင်ရန် စီစဉ်ဆောင်ရွက်နေပြီး အရေးယူမှုနှင့်အတူ အပြစ်ပေးမှုများလည်း လုပ်ဆောင်သွားမည်ဟု သိရသည်။

တွန်းဇံမြို့၊ မြို့နယ်အုပ်ချုပ်ရေးမှူးနှင့် မြို့နယ်ပညာရေးမှူးတို့ကို ချင်းကာကွယ်ရေးတပ်ဖွဲ့(တွန်းဇံ)က ဖမ်းဝရမ်းထုတ်ထားပြီးနောက် တွန်းဇံမြို့မှ မြို့နယ်ပညာရေးမှူးထွက်ပြေးတိမ်းရှောင်နေရကြောင်း ဒေသခံများထံမှ သိရသည်။

“မြို့တွင်းတိုက်ပွဲလုပ်တဲ့အချိန်မှာ ရုန်းမထွက်တဲ့လူ၊ ကျောင်းတက်တဲ့သူ၊ ရုံးတက်တဲ့သူဆိုရင်တော့ အဲ့ချိန်မှာ အချင်းချင်းဆိုပေမယ့် မငဲ့ညှာတော့ဘူး။ အဲ့သလိုပဲ အများပြည်သူကို သတင်းပါးချင်တယ်”လို့ ထန်ဆွင်းမုန်က ပြောသည်။

တွန်းဇံမြို့၊ အထကကျောင်းတွင် ကင်းစောင့်နေသော စစ်ကောင်စီတပ်ကို ချင်းကာကွယ်ရေးတပ်ဖွဲ့(တွန်းဇံ)က ပြီးခဲ့သည့် ဇူလိုင်လ ၁၃ ရက်နေ့တွင် သွားရောက်တိုက်ခိုက်ခဲ့ပြီး စစ်ကောင်စီတပ်ဖွဲ့ဝင် နှစ်ဦးသေဆုံးကာ ကျောင်းထဲရှိ အခြားစစ်ကောင်စီတပ်ဖွဲ့ဝင်များ ထွက်ပြေးသွားကြောင်းသိရသည်။

စစ်ရေးအခြေအနေကြောင့် တွန်းဇံ-တီးတိန်လမ်း၊ တွန်းဇံ-ကျီခါးလမ်းနှင့် တွန်းဇံ-မွာလ်ပီလမ်းတို့ကို ယနေ့၊ ဇူလိုင် ၁၅ ရက်နေ့မှ စတင်၍ နာရေးကိစ္စမှအပ အသုံးမပြုကြရန် ချင်းကာကွယ်ရေးတပ်ဖွဲ့(တွန်းဇံ)က အသိပေးထုတ်ပြန်ခဲ့ပြီး ထုတ်ပြန်ချက်အား မလိုက်နာပါက အယောင်ဆောင်သူဟု မှတ်ယူကာ
ပစ်မိန့်(သို့မဟုတ်)စစ်ဆေးမေးမြန်းခြင်းမရှိ ထိရောက်စွာ အရေးယူသွားမည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

Photo-CDF-တွန်းဇံတပ်ဖွဲ့ဝင်များ

D-Day News Channel
#မြို့သိမ်းတိုက်ပွဲ #ပြင်ဆင်နေ #စစ်ကောင်စီလက်အောက်ခံ #ဝန်ထမ်း #အရေးယူမည် #ချင်းကာကွယ်ရေး #တပ်ဖွဲ့တာဝန်ရှိသူပြော

D-Day News Channel

25/05/2025

25/05/2025

25/05/2025

25/05/2025

25/05/2025

15/08/2023

13/08/2023

13/08/2023

13/08/2023

07/08/2023

21/07/2023

16/07/2023

Address

Website

Alerts

Shortcuts

Share

Category