ဗဟုသုတအရသာပေါင်းစုံ

ဗဟုသုတအရသာပေါင်းစုံ မဂ်လာပါ ဗဟုသုတ၊အရသာပေါင်းစုံ သိရှိ?

နမ့်ခမ်းမြို့ နှင့် ဖယ်ခုံမြို့နယ် စစ်ဘေးရှောင်စခန်းကို စစ်တပ်က လေယာဉ်ဖြင့် ဗုံးကျဲမှု ကြောင့် သေဆုံးသူ ပြည်သူ ၂၀ ဦးမှာ ...
06/09/2024

နမ့်ခမ်းမြို့ နှင့် ဖယ်ခုံမြို့နယ် စစ်ဘေးရှောင်စခန်းကို စစ်တပ်က လေယာဉ်ဖြင့် ဗုံးကျဲမှု ကြောင့် သေဆုံးသူ ပြည်သူ ၂၀ ဦးမှာ ကလေးငယ် ၇ ဦး၊ ကိုယ်ဝန် ဆောင် မိခင်၊ အမျိုးသမီးများ၊ သက်ကြီးရွယ်အိုနှင့် အပြစ်မဲ့ ပြည်သူများဖြစ်ပြီး ပရဟိတသမားတစ်ဦးပါဝင်

ရန်ကုန်၊ စက်တင်ဘာ ၆

ရှမ်းပြည်နယ်မြောက်ပိုင်း၊ နမ့်ခမ်းမြို့ လူနေရပ်ကွက်များနှင့် ဖယ်ခုံမြို့၊ ဘန် ကောက် စစ်ဘေးရှောင်စခန်းကို စစ်တပ်က လေယာဉ်ဖြင့် ဗုံးကျဲမှု ကြောင့် သေဆုံးသူ ပြည်သူ ၂၀ ဦးမှာ ကလေးငယ်များ၊ အမျိုးသမီးငယ်များ၊ ကိုယ်ဝန် ဆောင်မိခင်၊ သက်ကြီးရွယ်အိုနှင့် အပြစ်မဲ့ ပြည်သူများဖြစ်ပြီး ပရဟိတသမားတစ်ဦးပါဝင်ကြောင်း ဒေသပြည်သူများထံမှ သိရှိရသည်။

စစ်တပ်၏ ဗုံးကျဲမှုကြောင့် နမ့်ခမ်းမြို့တွင် ကလေးငယ်၂ ဦး အပါအဝင် ပြည်သူ ၁၁ ဦးသေဆုံးခဲ့ပြီး ဖယ်ခုံမြို့တွင် ကလေးငယ် ၅ ဦး အပါအဝင် ပြည်သူ ၉ ဦးသေဆုံးခဲ့ကြောင်း သိရှိရသည်။

ယနေ့ စက်တင်ဘာလ ၆ရက်၊ နံနက် ၁ နာရီ ၃၅မိနစ်အချိန်တွင် စစ်ကောင်စီတပ်က ဂျက်လေယာဥ်ဖြင့် နမ့်ခမ်းမြို့ ညစျေး(ပါင်ပွဲ)အနီးရှိ ပြည်သူလူထုနေအိမ်များပေါ်နှင့် ကျားဖြူခမ်းမအနီးသို့ ပေါင် ၅၀၀ ဗုံးများကျဲချခဲ့ပြီး ယင်းသို့ ကျဲချမှုကြောင့် ကလေးငယ် ၂ ဦး၊ အမျိုးသား ၅ ဦးနှင့် အမျိုးသမီး ၄ ဦး စုစုပေါင်း ၁၁ ဦး သေဆုံးသွားခဲ့ကြောင်း၊ ကလေးငယ် ၂ ဦး အမျိုးသား ၄ ဦးနှင့် အမျိုးသမီး ၅ ဦး စုစုပေါင်း ၁၁ ဦး ထိခိုက်ဒဏ်ရာရရှိခဲ့ကြောင်း၊ နေအိမ် ၆ လုံးလည်း ထိခိုက်ပျက်စီးသွားခဲ့ပြီး သေဆုံးသွားသည့် အထဲတွင် ကိုယ်ဝန် ဆောင် အမျိုးသမီး တစ်ဦးပါဝင်ကြောင်း သိရှိရသည်။

နမ့်ခမ်းမြို့ကို စစ်ကောင်စီက လေယာဉ်ဖြင့် ဗုံးကျဲမှုတွင် ကရုဏာပရဟိတအဖွဲ့ဝင် အိုက်လင်းနှင့် ကိုယ်ဝန်ဆောင် ဇနီးသည်၊ ကလေး ၁ ဦး တို့လည်း သေဆုံးခဲ့ကြောင်း၊ ထို့ပြင် အသက် ၁၂ နှစ်အရွယ် စိုင်းလိန်လိန်ဆိုသော ကလေးငယ် ၁ ဦး၊ ဒေါ်ဆောင်ဌေး၊ မရွှေအိမ်တို့လည်းပါဝင်ကြောင်း သိရှိရသည်။

အလားတူ ယမန်နေ့ည ၉ နာရီ ၃၀ မိနစ် အချိန် ရှမ်းပြည်နယ်မြောက်ပိုင်း၊ ဖယ်ခုံမြို့နယ်ရှိ ဘန် ကောက် စစ်ဘေးရှောင်စခန်းကို စစ်ကောင်စီတပ်က လေယာဉ်ဖြင့် ဗုံးကျဲချခဲ့ရာ ကလေးငယ်များ၊ ဆရာမများနှင့် ပြည်သူ ၉ ဦးသေဆုံးခဲ့ရကြောင်း၊ မိသားစုလိုက် သေဆုံးမှုလည်းရှိပြီး ညအိပ်ချိန်ဖြစ်၍ အားလုံး အနားယူ အိပ်စက်ကြချိန်တွင် စစ်ကောင်စီက လေယာဉ်ဖြင့် ဗုံးကျဲချခြင်းဖြစ်ကြောင်း သိရှိရသည်။

သေဆုံးသူအရေအတွက် အနေဖြင့် ကလေး ၅ ဦး၊ အမျိုးသမီး ၂ ဦးနှင့် စစ်ဘေးရှာင် ၂ ဦးတို့ ပါဝင်ကြောင်း၊ ဒဏ်ရာရသူ ၆ ဦးရှိကြောင်း သိရှိရသည်။

ဓာတ်ပုံ- သေဆုံးသွားကြသည့် အပြစ်မဲ့ပြည်သူနှင့်ကလေးငယ်များ။

Photo- CJ ။

Liberty ရုပ်ထုကို တော်တော်များများက နတ်ဘုရားမလို့ သိထားကြပေမယ့် တကယ့်တကယ်တမ်း American နိုင်ငံရဲ့ Democracy ပြယုဂ် ရုပ်ထ...
15/04/2024

Liberty ရုပ်ထုကို တော်တော်များများက နတ်ဘုရားမလို့ သိထားကြပေမယ့် တကယ့်တကယ်တမ်း American နိုင်ငံရဲ့ Democracy ပြယုဂ် ရုပ်ထု Liberty ရုပ်ကြီးရဲ့ မျက်နှာပိုင်ရှင်က Isabella Boyer ဆိုတဲ့ အမျိုးသမီးပဲဖြစ်ပါတယ်။
Isabelle ဆိုတဲ့ နာမည်လေးက လှပေမယ့် သူမ ဘဝကတော့ ခက်ခဲ ကြမ်းတမ်းခဲ့ပါတယ်။
Isabelle ကို Africa တိုက်က မုန့်ဖုတ်ဆရာ (အဖေ) နဲ့ English မိခင်တို့က မွေးဖွားခဲ့တာဖြစ်ပြီးတော့ ပါရီ (Paris) မှာမွေးဖွားခဲ့ပါတယ်။ Isabelle ရဲ့ ငယ်ဘဝဟာ Paris မြို့မှာ သွေးနှော အဖြစ် ကြီးပြင်းခဲ့ရတဲ့ အတွက် လူမျိုးရေးခွဲခြားမှုတချို့ခံခဲ့ရပါတယ်။
များမကြာမီမှာပဲ Isabelle ဆိုတဲ့ အမျိုးသမီးလေးဟာ အသက် ၅၀ အရွယ်ရှိ အပ်ချုပ်စက်တွေ ထုတ်လုပ်သူနဲ့ သူမ အသက် ၂၀ မှာ လက်ထပ်ခဲ့ပြီး သူမ ခင်ပွန်း ကွယ်လွန်ချိန်မှာတော့ အကြွယ် ဝဆုံး အမျိုးသမီးတစ်ဦးဖြစ်လာခဲ့တယ်။
သူမရဲ့ အမေရိကန်အိမ်မက်ကို လက်တွေ့အကောင်အထည်ပေါ်စေသောကြောင့် လွတ်လပ်ရေးရုပ်ထုအတွက် စံပြအဖြစ် ရွေးချယ်ခံရသည်မှာ အံ့သြစရာမဟုတ်ပါ။မုဆိုးမတစ်ယောက်ဖြစ်လာပြီးနောက် Isabella ဟာ ဝမ်းနည်းပူဆွေးသောအဝတ်အစားအောက်တွင် မြှုပ်နှံထားရန် ငယ်ရွယ်လွန်းသဖြင့် အသိပညာအသစ်များနှင့် စိတ်လှုပ်ရှားဖွယ်စိန်ခေါ်မှုများကို ရှာဖွေကာ ကမ္ဘာပတ်ခရီးထွက်ခဲ့ပါတယ်။
ထို့နောက် Isabella ဟာ ထိုအချိန်က ကမ္ဘာကျော် တယောထိုးဆရာ Dutch လူမျိုး Victor Robstett နဲ့ လက်ထပ်လိုက်ပြီးနောက်မှာတော့ Isabella ဟာ လဲ သူမရဲ့ မျက်နှာ အသွင်အပြင်နဲ့ အသားအရည် ကြောင့် လူသိ များလာခဲ့ပြီး နာမည်ကြီးလာခဲ့ပါတယ်။
မကြာမီ Isabella တစ်ယောက် အမေရိကနှင့် ဥရောပရှိ အရောင်းပြခန်းများ၏ ကြယ်ပွင့်ဖြစ်လာပြီး ကမ္ဘာ့ပွဲများအားလုံးသို့ ဖိတ်ကြားခံလာရတော့တယ်။နာမည်ကျော်တွေထဲက တစ်ဦးမှာ ပြင်သစ်ပန်းပုဆရာ Frederick Bartoldi ဖြစ်ပြီး Bartoldi က အမေရိကန်ပြည်ထောင်စုသို့ မှ အမေရိကန် လွတ်လပ်ရေးအထိမ်းအမှတ် ရုပ်တုကို ဖန်တီးရန် အဆိုပြုချက်ကို လက်ခံထားပြီးဖြစ်တယ်။
အဆိုပါ ရုပ်တုသည် ပြင်သစ်နိုင်ငံ၏ လွတ်လပ်ရေး နှစ် (၁၀၀) ပြည့် အထိမ်းအမှတ် လက်ဆောင်အဖြစ် ပြင်သစ်နိုင်ငံမှ လက်ဆောင် ပေးအပ်ခဲ့ခြင်းလဲဖြစ်တယ်။
ဒါကြောင့်အမေရိကန်ပြည်ထောင်စု၏ လွတ်လပ်ရေးကြေညာစာတမ်းကို မွေးစားသည့်နေ့မှစ၍ လက်တစ်ဖက်တွင် မီးရှူးမီးပန်းများကိုင်ဆောင်ထားသော အမျိုးသမီးတစ်ဦးကို သရုပ်ဖော်ထားသည့် ဧရာမရုပ်တုကြီးတစ်ခု စိတ်ကူးပေါက်လာခဲ့တဲ့ အပြင် တဖက်က ဥပဒေ စာအုပ်နဲ့ အမေရိကန်နိုင်ငံရဲ့ ဖွဲ့စည်းပုံအခြေခံဥပဒေ တွေကို ကိုင်ဆိုင်ထားတဲ့ စာအုပ်အပြင်
Bartoldi က Isabella မျက်နှာအသွင်အပြင် ရှင်းလင်းမှုကို အလွန်သဘောကျသဖြင့် Isabella ဆီမှ ခွင့်ပြုချက်ဖြင့် Liberty ရုပ်ထုအတွက် သူမရဲ့ မျက်နှာ အသွင်အပြင်ကို ရွေးချယ်ခဲ့ပါတော့တယ်။
New York ပင်လယ်ကွေ့ရှိ Bedlow ကျွန်းတွင် Liberty ရုပ်တုကို ရှေးခေတ်နတ်ဘုရားမရုပ်သွင်ဖြင့် တည်ဆောက်ထားသော်လည်း Isabella Boyerရဲ့ မျက်နှာဖြင့် တည်ဆောက်ထားခြင်းဖြစ်တယ်။
Isabella ဟာအသက် 50 နှစ်အရွယ်တွင် နာမည်ကျော် အနုပညာစုဆောင်းသူ Paul Sohege နှင့် တတိယအကြိမ် လက်ထပ်ခဲ့ပြန်တယ်။
သူမသည် အသက် 62 နှစ်တွင် 1904 ခုနှစ်တွင် Paris ၌ ကွယ်လွန်ခဲ့ပြီး သူမကို Passy သုသာန်တွင် သင်္ဂြိုဟ်ခဲ့တယ်။
သို့သော် သူ၏မျက်နှာနှင့် ရုပ်တုသည် အမေရိကန်၏ ပထမဆုံး ဂုဏ်ယူမှု၊ လွတ်လပ်မှုကို ကိုယ်စားပြုသည့် Bedlow ကျွန်းပေါ်တွင် ဆက်လက်တည်ရှိနေပါတယ်။

— တို့ဆေး(သို့) စိတ်နဲ့လူနဲ့ မကပ်စေသော ဆေးများ — ◼️ 'တို့ဆေး’ လို့ အလွယ်ခေါ်ကြတဲ့ 'စိတ်နဲ့လူနဲ့’ မကပ်အောင် ပြုလုပ်နိုင်သ...
17/03/2024

— တို့ဆေး(သို့) စိတ်နဲ့လူနဲ့ မကပ်စေသော ဆေးများ —
◼️ 'တို့ဆေး’ လို့ အလွယ်ခေါ်ကြတဲ့
'စိတ်နဲ့လူနဲ့’ မကပ်အောင် ပြုလုပ်နိုင်သော
ဆေးဝါးများ (သို့) ဓါတုပစ္စည်းများကို
ဆေးပညာမှာတော့
Dissociatives လို့ ခေါ်ပါတယ်.
အရပ်စကားနဲ့ အလွယ်ပြောရင်တော့
ကြောင်တောင်တောင်နဲ့ လွတ်သွားစေတဲ့၊
လူကို ခဏတာ သတိလွတ်သွားစေတဲ့၊
ဆေးများ ဖြစ်ပါတယ်.
ဒီလိုဆေးများရဲ့ အာနိသင်ကို အသုံးပြုပြီး
လုယက်မှုများ၊
ကလေးခိုးမှုများ၊
အမျိုးသမီးများအပေါ် အဓမ္မမှုများ၊
စသည်တို့ကို ကျူးလွန်ကြပါတယ်.
ဒါကြောင့် Dissociatives လို့ခေါ်တဲ့
ဆေးများရဲ့ အန္တရာယ်ကို သိရှိပြီး၊
ကြိုတင် ရှောင်ရှားနိုင်ရန် အလို့်ငှာ
လေးစားချစ်ခင်စွာဖြင့်
မျှဝေရေးသားလိုက်ပါတယ် ခင်ဗျာ.

◼️ စိတ်နဲ့လူနဲ့ မကပ်အောင် ပြုလုပ်နိုင်တဲ့ ဆေးတွေကတော့
အောက်ပါ အတိုင်းဖြစ်ပါတယ်.
၁။ နိုက်ထရပ်အောက်ဆိုဒ် (Nitrous oxide)
၂။ ကတ်တမင်း (Ketamine)
၃။ အမ်အိပ်စ်အီး (MXE)
၄။ ဆဲလ်ဗီးယား အပင် (Salvia divinorum)
၅။ DXM
၆။ P*P
ဘာကြောင့်ဖြစ်တာလဲ ?
ကျွန်တော်တို့ရဲ့ ဦးနှောက်ထဲမှာရှိတဲ့
‘NMDAR’လို့ခေါ်တဲ့ ဒြပ်ပေါင်းရဲ့
လုပ်ဆောင်ချက်တွေကို
နှောက်ယှက်ဟန့်တားစေတဲ့အတွက်
စိတ်နဲ့လူနဲ့ မကပ်တော့ခြင်း ဖြစ်ပါတယ်.
◼️ ၁။ နိုက်ထရပ်အောက်ဆိုဒ် (Nitrous oxide)
အနံအရသာ မရှိတဲ့
အငွေ့တမျိုး ဖြစ်ပါတယ်.
ဒါကြောင့် မိမိက သတိမထားမိဘဲ
အငွေ့ကိုရှူမိနေရင်တော့ စက္ကန့်ပိုင်းအတွင်းမှာပဲ
စိတ်နဲ့လူနဲ့မကပ် ဖြစ်သွားတတ်ပါတယ်.
လက္ခဏာများ
− စိတ်ကသိနေပေမယ့် ခန္ဓာကိုယ်က လိုက်မလုပ်နိုင်ခြင်း
− အစပိုင်းမှာ ရွှင်လန်းသလို ခံစားရခြင်း
− အလိုလို ရယ်ချင်နေမိခြင်း
− မူးဝေခြင်း
− အမြင်ဝေဝါးခြင်း
− ကိုယ်ခန္ဓာထုံသွားခြင်း
− ချွေးထွက်ခြင်း
− သွေးပေါင်ကျခြင်း
စသည်တို့ ဖြစ်စေနိုင်ပါတယ်.
ဘယ်လို ဆေးမိခံရနိုင်လဲ ?
− အငွေ့ရှုမိခြင်း
ထူးခြားချက်
ဆေးအာနိသင်က တော်တော်မြန်ပါတယ်.
စက္ကန့် ၃၀ လောက်အတွင်း
ဆေးစွမ်း စပြလာတတ်ပါတယ်.

◼️ ၂။ ကတ်တမင်း (Ketamine)
အဖြူရောင် အမှုန့်လေးတွေ
ဖြစ်ပါတယ်.
အပ်နဲ့ ထိုးသွင်းလိုက်ရင် အချိန် ၁ မိနစ်အတွင်း
ဆေးစွမ်းပြတတ်ပါတယ်.
ဆေးမှုန့်ရှူမိရင်တော့ ၅−၁၀ မိနစ်အတွင်း
ဆေးစွမ်းပြတတ်ပါတယ်. .
မျိုချမိရင် (သို့) သောက်သုံးမိရင်တော့
မိနစ် ၃၀ လောက် ကြာမှ ဆေးစွမ်းပြပါတယ်.
လက္ခဏာများ
− မိမိစိတ်က လူကိုယ်ခန္ဓာထဲကနေ
ထွက်ခွာသွားသလို ခံစားရခြင်း၊
− နာမှန်း မသိတော့ခြင်း၊
− စိတ်ရှုပ်ထွေးခြင်း၊
− အသိနှင့်သတိ မကပ်ခြင်း၊
− ဖြစ်စဥ်များကို မမှတ်မိတော့ခြင်း၊
− ခန္ဓာကိုယ် လေးလံထိုင်းမှိုင်းခြင်း၊
− အာလေးလျှာလေးဖြစ်ခြင်း၊
− သွေးပေါင်ချိန်တက်ခြင်း၊
− နှလုံးခုန်မြန်လာခြင်း၊
တို့ ဖြစ်နိုင်ပါတယ်.
ဘယ်လို ဆေးမိခံရနိုင်လဲ ?
ဆေးမှုန့်တွေ ရှူမိခြင်း
မျိုချမိခြင်း
အပ်ဖြင့် ထိုးသွင်းခံရခြင်း
ထူးခြားချက်
ဆေးစွဲနိုင်ခြင်း၊ ပါတီများ၊ကလပ်များတွင် အသုံးများလာခြင်း။
◼️ ၃။ အမ်အိပ်စ်အီး (MXE)
အဖြူရောင် (သို့)
အဝါရောင် အမှုန့်လေးဖြစ်ပါတယ်.
လက္ခဏာများ
− စိတ်ကတခြား၊ လူကတခြား ဖြစ်နေခြင်း
− မိမိကိုယ်ကို မှန်ကြည့်သလို ပြန်မြင်နေခြင်း
− စိတ်သက်တောင့်သက်သာ ဖြစ်စေခြင်း
− နှစ်လိုဖွယ် အာရုံခံစားရခြင်း
− တကယ်မရှိသည့် အရာများကို ကွက်ကွက်ကွင်းကွင်းမြင်နေခြင်း
စသည်တို့ ဖြစ်နိုင်ပါတယ်.
ဘယ်လို ဆေးမိခံရနိုင်လဲ ?
ဆေးမှုန့်တွေ ရှူမိခြင်း
မျိုချမိခြင်း၊
စားသုံးမိခြင်း၊
အပ်ဖြင့် ကိုယ်ခန္ဓာထဲ ထိုးသွင်းခံရခြင်း
ထူးခြားချက်
ဆေးအာနိသင် ပိုပြင်းထန်ပါတယ်.
ဒါပေမယ့် ဆေးစွမ်းပြဖို့
၁၅ − ၄၅ မိနစ် အထိကြာနိုင်ပါတယ်.
◼️ ၄။ ဆဲလ်ဗီးယား အပင် (Salvia divinorum)
အစိမ်းရောင်ရှိတဲ့
အပင်အမျိုးအစားဖြစ်ပါတယ်.
နတ်ဘုရား (သို့) မှော်ဆန်သောအပင်ဟု
တင်စားခေါ်ဝေါ်ကြပါတယ်.
.
လက္ခဏာများ
− စိတ်နဲ့လူနဲ့ မကပ်ခြင်း
− အလင်းရောင်တန်းများကို မြင်မိခြင်း
− ထင်ယောင်ထင်မှားဖြစ်ခြင်း
− အိပ်မက်လိုလို ဖြစ်ခြင်း
− မူးဝေခြင်း
− အာလေးလျှာလေးဖြစ်ခြင်း
အစရှိသည်တို့ ဖြစ်စေနိုင်ပါတယ်.
ဘယ်လို ဆေးမိနိုင်လဲ ၊
အရွက်ခြောက်ကို ရှူမိခြင်း
အရွက်ပြုတ်ရည် သောက်မိခြင်း
အရွက်ကို ဝါးမိခြင်း၊
ထူးခြားချက်
သဘာဝအတိုင်း ဖြစ်ပေါ်နေခြင်း၊ အာနိသင်ပြင်းခြင်း၊

🙏 ဘေးအန္တရာယ် အပေါင်းမှ ကင်းဝေးကြပါစေ ခင်ဗျာ… 🙏
လေးစားစွာဖြင့်
Dr. ကျော်ဇောဟိန်း
လ/ထ ပါမောက္ခ (ဆေးပညာ)
ခတ်ေတ USA

(မှတ်ချက်။ ဆေးပညာဖြင့် အဖြေရှာမရသေးသော အခြားပရဆေးများ၊ အရှေ့တိုင်းဆေးများလည်း ရှိနိုင်ပါသေးသည်. )
ကိုးကားချက်.
Drug Enforcement Administration (DEA), USA
Alcohol and Drug Foundation (ADF), Australia
Use and abuse of dissociative and psychedelic drugs in adolescence, M.L. Shawn Bates et al

#တို့ဆေးအကြောင်းလေးလည်း_ရေးတင်ပေးပါဦးဆရာ #တို့ဆေးရယ်လို့မရှိဘူးသိထားလို့ပါဆရာ #ခုလူပျောက်ရင်တို့ဆေးချည်းရေးကြ_ပြီးရင်ပြ...
15/03/2024

#တို့ဆေးအကြောင်းလေးလည်း_ရေးတင်ပေးပါဦးဆရာ
#တို့ဆေးရယ်လို့မရှိဘူးသိထားလို့ပါဆရာ
#ခုလူပျောက်ရင်တို့ဆေးချည်းရေးကြ_ပြီးရင်ပြန်တွေ့

😢 ကလေးတွေ ပျောက်တဲ့ သတင်းတွေ စိပ်စိပ်လာသလို
😢 လူကြီးတွေလည်း ပျောက်သွားပြီး အဝေးတနေရာရာမှာ ဘာမှမသိပဲရောက်လာတယ်ဆိုတာမျိုးနဲ့ ပြန်တွေ့ရတတ်ပါတယ်

👨‍🔬 ဆေးပညာအရ တို့ဆေး (တို့ လိုက်ရုံနဲ့ အမိန့်ပေးတဲ့အတိုင်း လိုက်လုပ်တာ) မဖြစ်နိုင်လို့ ငြင်းဆိုမှုတွေရှိသလို
😵‍💫 တကယ်ကြုံရပါတယ် ဆိုတဲ့ သူတွေလည်း ရှိနေတာမို့ ဒွိဟ က တော်တော်ကြီးလာပါတယ်။

🤔 တို့ဆေး - တို့_လိုက်ရုံနဲ့ပြောစကားနားထောင်စေတဲ့ဆေးရှိနိုင်လား ❓
🤔 တခြားထိုးသွင်းတဲ့နည်းလမ်းတွေရောရှိနိုင်လား ❓
- ထိုးသွင်းခြင်း
- အငွေ့ရှူခြင်း
- အအေးစတဲ့သောက်စရာထဲထည့်ခြင်း

ဆေးပညာရှင်တွေဘက်ကတွေးကြတဲ့အခါ
1. #တို့ဆေး
အရေပြားကို အတို့ခံလိုက်ရတယ် ဆိုတာကို လိုက်တွေးရရင် ဆေး ကို အရေပြားကနေတဆင့် စုပ်ယူပြီး ခန္ဓာကိုယ်ထဲက သွေးကြောတွေထဲရောက်ပြီး ဦးနှောက်ဆီကိုရောက်သွားမှ လိုချင်
တဲ့effect ရတာပါ
အဲ့လိုနည်းလိုချင်တဲ့ effect ရဖို့ ၂ နာရီဝန်းကျင်ကြာတတ်ပါတယ်
အရေပြားကနေတဆင့် သုံးတဲ့ဆေးတွေဖြစ်တဲ့
👉 အကိုက်ခဲပျောက်ဆေး
👉 ပွေး ဝဲ ညှင်း နှင်းခူ လိမ်းဆေး စတာတွေရှိပါတယ်
👉 Lotion တွေ ၊ Suncream တွေ စတာတွေကလည်း လိမ်းကြပါတယ်
(Lotion တွေ ၊ Suncream တွေ ဆိုရင် တို့ရုံတို့တာ မဟုတ်ဘူးနော် တကိုယ်လုံးကို ရှယ်ပွတ်ပြီးလိမ်းတာ မလား)
ဆေးတွေလိမ်းတိုင်းသာ ခန္ဓာကိုယ်ထဲရောက်ရရင် ဆေးရဲ့ဘေးထွက်ဆိုးကျိုးတွေအများကြီးခံကြရမှာပေါ့ အဲ့ဒါကြောင့် အရေပြားက ပြင်ပက ပစ္စည်းတွေခန္ဓာကိုယ်ထဲမဝင်ရအောင် အလွှာတွေအများကြီးနဲ့ကာထားပါတယ် (ဗဟုသုတပြောရရင်)
Epidermis မှာ
1. stratum basale
2. stratum spinosum
3. stratum granulosum
4. stratum lucidum
5. stratum corneum (၅ လွှာရှိပါတယ်)
သူ့အောက်မှာ Dermis ဆိုတဲ့အလွှာရှိပါတယ် အဲ့မှာတော့ သွေးကြောမျှင်လေးတွေရှိပါတယ်၊ အဲ့ထဲအထိစိမ့်ဝင်သွားဖို့ အချိန်လိုသလို ဆေးအထဲရောက်ဖို့ ပွတ်လိမ်းပေးဖို့လိုအပ်ပါတယ်။
Fentanyl patches - ကင်ဆာရောဂါဝေဒနာရှင်တွေမှာ အနာသက်သာရအောင် ကပ်တတ်တဲ့ ဆေးတစ်မျိုးရှိပါတယ်
👉 လိမ်းစရာမလိုဘူးပလာစတာလေးကပ်လိုက်ရုံနဲ့ အနာသက်သာပါတယ် (အဲ့ဒီအနာသက်သာဖို့ အချိန်အများကြီးယူရပါတယ်)
အဲ့ဒါကြောင့် တို့လိုက်ရုံနဲ့ ချက်ချင်း ပြောစကားနားထောင်သွားဖို့ #တော်တော်ကြီးကိုမဖြစ်နိုင်တာပါ

2. #ထိုးသွင်းတဲ့နည်းလမ်း
ဆေးထိုးအပ်လေး နဲ့ ထိုးထည့်လိုက်တာမျိုးပေါ့
Mission impossible တို့ James Bond တို့ စတဲ့ Action ကားတွေထဲမှာတွေ့ဖူးကြမှာပါ၊ အဲ့လိုနည်းက ပိုပြီးဖြစ်နိုင်ချေများပါတယ်။
အိပ်ဆေးတစ်မျိုးမျိုးကို အသားထဲထိုးထည့်လိုက်တာ မျိုးပေါ့
✳️ ဖြစ်နိုင်တယ်ဆိုပေမယ့်
လူတစ်ယောက်လုံးသတိလွတ်သွားအောင်ပေးရမယ့်
- #ပမာဏ က နည်းနည်းလေးနဲ့တော့မရပါဘူး (အနည်းဆုံး 1cc 2cc ရှိလို့ B ပိုးကာကွယ်ဆေး ထိုးဖူးကြတယ်မလား နာလား/မနာဘူးလား စဉ်းစားကြည့်ပါ အဲ့ပမာဏထက် ၂-၃ ဆ ရှိတဲ့ပမာဏ ထိုးခံလိုက်ရတာကို မသိလိုက်ပဲမဖြစ်နိုင်ပါဘူး)
- #အချိန်_onset အထိုးခံလိုက်ရပြီး မိနစ်ပိုင်းလောက်မှ အာနိသင်ပြနိုင်တာပါ
လူအများကြားထဲ ဘေးလူတွေ မသိအောင်လုပ်နိုင်ဖို့ က မဖြစ်နိုင်သလောက်ပါ။
သီးသန့်နေရာတွေဖြစ်တဲ့
- အများသုံးအိမ်သာ
- အဝတ်လဲခန်း
- ဓာတ်လှေကား
- Car parking စတာတွေမှာ ဖြစ်နိုင်သလို
- Taxi လိုမျိုး တစ်ယောက်တည်းစီးရတဲ့ အခါမျိုးမှာလည်း သတိထာရဖို့လိုပါတယ်
(သတင်းတွေမှာ တွေ့နေရသလို ဘာလုပ်လိုက်မှန်းမသိလိုက်ဘူးဆိုတာမျိုးက ဒီနည်းလမ်းတော့ မဖြစ်နိုင်ပါဘူး ဆေးအထိုးခံရတဲ့နေရာက ရောင်ပြီးနာနေပါလိမ့်မယ် အပ်ရာလည်းတွေ့နိုင်ပါလိမ့်မယ်)

3. အငွေ့ရှူခြင်း
ရုပ်ရှင်တွေထဲကလို လက်ကိုင်ပဝါမှာ Chloroform အရည်စွတ်ပြီးနှာခေါင်းနဲ့ပါးစပ်ကို အုပ်ပြီးမေ့အောင်လုပ်တာမျိုးပေါ့။ အဲ့လိုလည်းဖြစ်နိုင်ပါတယ်
ဒါပေမယ့် Chloroform က ရှာရမလွယ်သလို အဲ့လိုမျိုးကို ၅ မိနစ်ဆက်တိုက်လောက်အုပ်ထားမှ ရပါလိမ့်မယ်
(ဒါပေမယ့် မေ့သွားမှာဖြစ်လို့ မပြီးသယ်သွားရမှာဖြစ်သလို အဲ့ဆေးက အသက်ရှူရပ်ခြင်း ၊ နှလုံးဖောက်ခြင်းတို့ဖြစ်လို့ အခုမသုံးကြတော့ပါဘူး)
Bus ကားပေါ်မှာ လက်ကိုင်ပဝါမှာစွတ်ပြီး နှာခေါင်းနားမလှမ်းမကမ်းမှာထားရင်ရော ?
Chloroform က အနံ့ရှိပါတယ် ချိုအီအီအနံ့ထွက်တာမို့ ပတ်ဝန်းကျင်က သတိပြုမိကြမှာပါပဲ (ဖြစ်နိုင်ခေနည်းပေမယ့် သတိထားဖို့ကတော့ ချိုအီအီအနံ့ရတဲ့ပစ္စည်းတခုခု ကိုယ့်နှာခေါင်းအနီးနားလာထားရင် အမြန်ရှောင်ထွက်ဖို့ လိုအပ်ပါတယ်)

4. မျိုချမိခြင်း
အဖြစ်နိုင်ဆုံးနည်းလမ်းတစ်ခုပါ ၊ ခုလည်းတွင်တွင်ကျယ်ကျယ် သုံးနေကြပါတယ်။ Happy_Water လို့ခေါ်ပါတယ်။ Ketamine ဆိုတဲ့ ဆေးတစ်မျိုးပေါ့ (Party drug - ပျော်ပါးတဲ့နေရာသုံးကြပါတယ်)
သတိလစ်သွားတာမျိုးတော့မဖြစ်ပဲ ပတ်ဝန်းကျင်ကို မသိတော့ပဲ လွတ်သွားစေတဲ့ဆေးမျိုးပေါ့ (Dissociate ဖြစ်တယ်လို့သုံးပါတယ်)
မဖြစ်နိုင်တာကတော့ စျေးပါ (စျေးကြီးပါတယ် သိန်းချီရှိပါတယ်)
ခါးပိုက်နှိုက်ရုံလောက်နဲ့တော့ ဒီနည်းလမ်းက တွက်ချေမကိုက်ပါဘူး
😓 မင်းရဲ့အချစ်ကိုမရလို့ ခန္ဓာကိုယ်ကိုယူမယ်ဆိုတဲ့ လူယုတ်မာတွေ သုံးတဲ့နည်းပါ
😓 ကိုယ်အင်္ဂါအစိတ်အပိုင်းရောင်းစားကြမယ့် ဂိုဏ်းတွေဆိုရင်တော့ သုံးလောက်ပါတယ်
ကာကွယ်ဖို့ကတော့ သူများကျွေးတာ တိုက်တာ ဘာမှ #မစားမသောက်ဖို့ပါ
ကာကွယ်ဖို့က
ကားစီးတုန်းတစုံတရာ နဲ့ မူးသွားအောင်လုပ်မယ်
- အမူးပြေသွားအောင် ရေလေးသောက်လိုက်ပါဦး၊ ဒါလေးစားလိုက်ပါဦးဆိုရင် မသောက်ဖို့မစားဖို့ အရေးကြီးပါတယ်
ကားစီးတုန်းဒီလိုအခြေအနေကြုံလာရရင် အသံကျယ်ကျယ်နဲ့ လူအများသိအောင် အကူညီတောင်းပါ (အဖော်မပါလာကြောင်း အသိပေးပါ) မူးသွားမှ မိသားစုဝင်လိုလိုနဲ့ တွဲခေါ်သွားမယ့်သူရဲ့ အန္တရာယ်က ကာကွယ်နိုင်အောင်ပါ
🚨 ကျူးလွန်မယ့်သူဟာ အမျိုးသားမှမဟုတ်ပါဘူး အမျိုးသမီး ၊ အဘိုးကြီး အဘွားကြီး ဘယ်ပုံစံနဲ့ မဆိုဖြစ်နိုင်လို့ပါ 🚨)
✳️✳️✳️
ဒီနေရာလေးမှာလူကြီးမိဘတွေကို အကြံလေးပေးလိုတာက သားသမီးတွေကို မဖြစ်နိုင်တဲ့အခြေအနေတစ်ခုအထိ မတင်းကြပ်မထိန်းချုပ်ဖို့လေးပါ
အရမ်းတင်းကြပ်တဲ့အခါ ဘာလုပ်လုပ်အသိမပေးပါဘူး #ခိုးလုပ်ကြပါလိမ့်မယ်
သူငယ်ချင်းအိမ်သွားအိပ်မယ်တို့
အလုပ်အချိန်ပိုသွားရတယ်တို့ နဲ့ ဘယ်လိုက်လို့လိုက်ရမှန်းမသိဖြစ်တတ်ပါတယ်
Night life ကို အစိမ်းသက်သက်ကြီး သွားမိပြီး ဒီ Happy water လို Party drug နဲ့တွေ့တဲ့အခါ အကျိုးနဲတတ်ပါတယ်။
- ဘယ်နေရာသွားသွား အသိပေးဖို့ (အသိပေးတဲ့အခါတိုင်း မလွှတ်ရင် - ခိုးသွားကြမှာပါပဲ)
- အိမ်ကိုဖုန်းဆက်ဖို့ အိမ်ကဖုန်းဆက်တဲ့အခါ ကိုင်ဖို့ နဲ့ Party drug တွေအကြောင်းအသိပေးပြောပြထားဖို့လိုပါတယ်

ငါတို့တကယ်ကြုံရတာ အိမ်နားကအသိတစ်ယောက် တကယ်ကြုံတာ ဆိုတဲ့ကိုယ်တွေ့များအတွက်က
✳️ ကိုယ်ဘာဖြစ်သွားလဲသေချာသိရဖို့
✳️ တခြားသူတွေမဖြစ်ရအောင် ကူညီပေးနိုင်ဖို့က
👉 ဆေးရုံကြီးသွားပါ
👉 သက်ဆိုင်ရာကိုအကြောင်းကြားပါ
👉 အဖြစ်အပျက်ကိုပြောပြပြီး သွေးစစ်ဆီးစစ် စစ်ဆေးလိုက်တဲ့အခါ ဘာဆေးသုံးလိုက်တာလဲ ဆိုတာ သိနိုင်ပါလိမ့်မယ်

ဒီလောက်ဆိုရင်
- တို့ လိုက်ရုံနဲ့ ခိုင်းလို့ရတဲ့ဆေးရှိနိုင်သလား
- ထိုးသွင်းလိုက်ရင်ရော
- အငွေ့ရှူတာ
- မျိုချမိတာ ဘာတွေက ပိုဖြစ်နိုင်သလဲ
- ကြုံရရင်ဘယ်လိုရင်ဆိုင်မလဲ
- ကြုံခဲ့ရပါတယ်ဆိုတဲ့ လူတွေက အကူညီဘယ်လိုရယူရမလဲ ဆိုတာ သိကြပြီလို့ မြင်ပါတယ်

ခေတ်ကာလအခြေအနေအရ
❄️ တို့ဆေး ရှိတယ် မရှိဘူး အလကားထိုင်ငြင်း နေကြတာထက်
❄️ ကိုယ့်ကို မကောင်း မကြံစည်နိုင်အောင်ဘယ်လိုကာကွယ်မလဲ
❄️တစုံတယောက်အကူညီလိုနေရင် ဘယ်လိုကူညီပေးနိုင်မလဲ ဆိုပြီး အဖြေရှာတာက အများကြီးအကျိုးရှိပါကြောင်း

(Photo credit; Myanmarload)

တို့ဆေး အကြောင်း သတိထားစရာ....သင်ဖတ်ပီးရင်တခြားလူတွေသတိထားလိူ့ရအောင် ရှဲပေးပါ===================လူအများသိချင်တယ်ဆိုလို့ ...
14/03/2024

တို့ဆေး အကြောင်း သတိထားစရာ....သင်ဖတ်ပီးရင်တခြားလူတွေသတိထားလိူ့ရအောင် ရှဲပေးပါ
===================

လူအများသိချင်တယ်ဆိုလို့ တကယ်လည်း အဲ့လိုဖြစ်ခဲ့တဲ့ လူတယောက်နဲ့ ကြုံဖူးလို့ ရေးပေးလိုက်ပါတယ်။

လူတယောက်ကို တမိနစ်မပြည့်ခင်မှာပဲ ထိတ် ဖြစ်သွားစေနိုင်တဲ့ ဆေ:သုံးမျိုးရှိပါတယ်။ GHB, Rohypnol နဲ့ လူတိုင်းသိတဲ့ ketamine ပါ။ Sxually Assault နဲ့ Robbery လုပ်ဖို့အတွက် အသုံးများကြပါတယ်။
GHB က အရည်အနေနဲ့ လာပါတယ်။ ရေနဲ့ရောထားတဲ့ တငုံလေးသောက်လိုက်မိတာနဲ့ အာနိသင်လာပါတယ်။ လေးလံထိုင်းမှိုင်းစေပြီးပါတယ်။ ဒါကြောင့်မို့ ကိုယ့်ကိုဘာလုပ်နေတယ် ဘယ်လို Controlled ထိန်ချုပ်ခြင်း လုပ်နေတယ်ဆိုတာ မသိပါဘူး။ အဲဒီ အချိန်က ဖြစ်စဥ်တွေကိုလည်း မမှတ်မိပါဘူး။

Rohynol ကတော့ လူတွေသောက်နေတဲ့ xanax (alprazolam) နဲ့ အုပ်စုအတူတူပါပဲ။ ဒါပေမယ့် သူ့ရဲ့ onset of action က မိနစ်ပိုင်းအတွင်း လာပါတယ်။ သူက အမှုန့်အနေနဲ့ လာတာပါ။ ရေနဲ့ ဖျော်ပြီး တိုက်ကြပါတယ်။ သူလည်း သောက်မိတဲ့ သူကို loss of self control ဖြစ်တာမို့လို့ သောက်မိတဲ့သူကတော့ ကိုယ့်ကိုယ်ကို ထိန်းချုပ်နိုင်ဖို့ မလွယ်ပါဘူး။

နောက်ဆုံးတမျိုးကတော့ ketamine ပါ ။ ခုထိလည်း မေ့ဆေ:အနေနဲ့ သုံးနေတုန်းပါ။ Party Drugs တခုလည်း ဖြစ်လို့ သူ့အကြောင်းကို လူတိုင်းနီးပါးသိနေလို့ မရှင်းပြတော့ပါဘူး။ သူက Dissociate Anaesthesia ပါ။ နားလည်အောင် ပြောရရင် စိတ်နဲ့ ကိုယ်နဲ့ မကပ်တော့ပါဘူး။

အဲဒီသုံးမျိုးလုံးက မြန်မာနိုင်ငံမှာ အလွယ်တကူ ရပါတယ်။ ကားပေါ်မှာ ခါးပိုက်နှိုက်မယ့်ကောင်မျိုးတွေ မဝယ်နိုင်ပေမယ့် ကိုယါတွင်းကလီစာကို ရော=င်းစားဖို့ Gangနဲ့ အကြီးကြီး လုပ်နေတဲ့ သူတွေအတွက် က အရမ်းကို လွယ်ကူနေမှာပါ။

အဲဒီသုံးမျိုးလုံးက အမှုန့်နဲ့ အရည်ပုံစံမို့လို့ သောက်လိုက်မှ ပြဿနာရှိမယ်လို့ မထင်ပါနဲ့။ ကျွန်တော်တွေ့ဖူးတဲ့ အမျိုးသမီးတယောက်ဆို ချောင်းတွေ ဆက်တိုက်ဆိုးလာပြီး ဘာဆိုဘာမှ မသိပဲ ကြောင်တောင်တောင်နဲ့ လွတ်နေတာပါ။ သူ့အမျိုးတွေက သူ့ ဆွဲကြိုးကို ဖြုတ်ပေးဆိုလည်း ဖြုတ်ပေးပါတယ်။ မီးပူတွေတိုက်ဆိုလည်း တိုက်ပါတယ်။ အဝတ်တွေခေါက်ဆိုလည်း ခေါက်ပါတယ်။ အဲဒါဘယ်သူ့အဝတ်တွေလဲဆိုတာ မသိပေမယ့် သူ့မျက်စိရှေ့က သူ့အမျိုးတွေကို သိပါတယ်။ အဝေးမှာရောက်နေတဲ့ သူ့ဆွေမျိုးနာမည် ခေါ်ပြီး မေးရင် မသိပါဘူး။
ဖြစ်နိုင်တာက အမှုန့်တွေသူ့ကို ရှူမိအောင် လုပ်တာဖြစ်နိုင်သလို အမှုန့်ကိုသူတို့နည်းသူတို့ဟန်နဲ့ ရှူလို့ရအောင် အငွေ့ ဖြစ်အောင် လုပ်တာလည်း ဖြစ်နိုင်ပါတယ်။

တို့လိုက်ရုံနဲ့ target organ ဖြစ်တဲ့ဦးနှောက်ကို မိနစ်ပိုင်းအတွင်း သက်ရောက်စေမယ့် ဆေ:မျိုးကိုတော့ ကျနော် လေ့လာမိသလောက် မတွေ့ပါဘူး။ အပေါ်က ဆေ:(၃)မျိုးကိုတော့ တကယ်သုံးနေတာ ကျနော့်ကိုယ်တွေ့ပါ။

လိုင်းပေါ်မှာ နာမည်ကြီးနေတဲ့ ကောင်မလေး ဖြစ်စဥ်က တကယ်ပါ။ တရားခံက လူတွေ ဂရုမပြုမိလောက်တဲ့ အဘွားကြီးတွေ အဘိုးကြီးတွေ ဘုန်းကြီး တွေ ဖြစ်နေနိုင်ပါတယ်။ ကောင်မလေး ကားပေါ်တက်ကတည်းက သူ အငွေ့တွေရှူမိအောင် လုပ်ပြီးလောက်ပါပြီ။ ကိုယ်က သတိမထားမိပေမယ့် လုပ်မယ့်သူက ကိုယ့်ကို စောင့်ကြည့်နေတာ ဖြစ်နိုင်ပါတယ်။
မှတ်တိုင်ရောက်ပြီ ဆင်းတော့လေ ..လို့ပြောတဲ့ အချိန်မှာ ကောင်မလေးက ဆေ:မိပြီးသွားပြီ။ unconscious ဖြစ်နေပါပြီ။ အဲ့ဒီစကားလုံးဟာ orientation မအောက်ခင် နောက်ဆုံး မှတ်မိတဲ့ စကားလုံးပါ။ သူနိုးလာတော့ ရေထပ်တိုက်တယ်ဆိုတာ GHB သို့မဟုတ် Rohynol ပါ။ အဲ့အမှုန့်တွေ အရည်တွေက odourless ပါ။ အနံ့ မရပါဘူး။ ဒါကြောင့် လူတွေလည်း သတိမပြုမိနိုင်ပါဘူး။

မေးခွန်းတခုရှိတယ်။ လုပ်တဲ့သူရော မရှူမိဘူးလား။ ရှူမိပါတယ်။ ဒါပေမယ့် သူက မမေ့ပါဘူး။Mask တပ်ရင် တပ်ထားမယ်။ ဒါမှမဟုတ် သူက ခပ်လှမ်းလှမ်းမှာ နေပါလိမ့်မယ်။ ကျနော်တို့ မေ့ဆေ:ပေးတဲ့ အခါ Volatie Anaesthetic Agent လို့ ခေါ်တဲ အငွေ့ပျံတတ်တဲ့ မေ့ဆေ:ရည်တမျိုးကို ပေးရင် ကျနော်တို့်လည်းရှူမိပါတယ်။ ဒါပေမယ့် လူနာကို Mask နဲ့ အုပ်ထားတာမို့လို့ လူနာက Deep Sleep ရသွားတဲ့အချိန် ကျနော်တို့က အိပ်ငိုက်လာတာ နဲ့ ခေါင်းနောက်လာတာ လောက်ပဲ ဖြစ်ပါတယ်။ ဒီ ဆေ:တွေလည်း အဲ့လိုပါပဲ။

ဒါဆိုရင် ဘယ်လိုကာကွယ်မလဲ..
-------=-=====
ဘယ်လိုကာကွယ်မလဲဆိုရင် တော်တော်ရှင်းသွားလောက်ပါပြီ။
သူများ ဘာတိုက်တိုက် မသောက်နဲ့။ Mask ကို N 95 လိုမျိုး Tight ဖြစ်တဲ့ Mask ကို တပ်ပါ။
Bus ကား ဘာညာစီးရင် လူများတဲ့ နေရာမှာ ရောနေပါ။ (ခါးပိုက်နှိုက်တော့ သတိပြုပေါ့)
ရု*တ်တရတ်မူးလာတာ အိပ်ငိုက်လာတာ ဖြစ်လာရင် alart ဖြစ်မယ့် အချိုရည်တခုခု ရှိရင် သောက်ပါ။ ဒါမှမဟုတ် လန်းဆန်းအောင် တခုခု လုပ်ပါ။ ကိုယ့်အိမ်ကို ချက်ချင်းဖုန်းဆက်ပါ။ ကိုယ့်နေရာကို သေချာပြောပါ။
လူစိမ်းတယောက် ကိုယ့်နားကို ကပ်လာတိုင်း သတိထားပါ။
ကိုယ်က မသိပေမယ့် ကိုယ့်ကို သတိထားစောင့်ကြည့်နေတဲ့သူတွေ ရှိတယ် ဆိုတာကို မမေ့ပါနဲ့။
အဘိုးကြီး အဘွားကြီးတွေနဲ့ပဲ လုပ်စားနေတယ် ဆိုတာကို သတိရပါ။ ကလေးငယ်တွေနဲ့လည်း ခိုင်းတတ်ပါတယ်။

Credit - AI
27/11/2023

Credit - AI

Address

Mandale

Website

Alerts

Be the first to know and let us send you an email when ဗဟုသုတအရသာပေါင်းစုံ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category