https://www.facebook.com/111194433690472/

မန္တလေးသတင်းကွန်ရက်, Mandale (2025)

24/07/2025

မန္တလေး မန်းမြို့ဈေးအနီးက ရွှေဆိုင်တွင် ဓားပြတိုက်မှုဖြစ်ပွား၊ အပြန်အလှန်ပစ်ခတ်မှုများရှိခဲ့

Jul 24, 5:08 PM

ယနေ့ ဇူလိုင်၂၄ရက် ညနေပိုင်းက မန္တလေးမြို့ရှိ ရွှေဆိုင်တဆိုင်တွင် ဓားပြတိုက်မှုဖြစ်ပွားသွားခဲ့သည်။

မန္တလေးမြို့၊ မဟာ‌အောင်မြေမြို့နယ်၊ ၃၉လမ်းနှင့် ၈၅ လမ်းထောင့်ရှိ ရွှေနန်းသုခရွှေဆိုင်တွင် ယ‌နေ့ညနေ၄နာရီအချိန်က ဓားပြတိုက်မှုဖြစ်ပွားခဲ့ရာ ဓားပြတိုက်သူများနှင့် လုံခြုံရေးတပ်ဖွဲ့ဝင်များကြား အပြန်အလှန်ပစ်ခတ်မှုများကြောင့် အနည်းဆုံး လူ၂ဦး ထိခိုက်မှုများရှိခဲ့ကြောင်း လူနာများကို သွားရောက်ကူညီခဲ့သည့် မဏီစလလူမှုကူညီရေးအသင်းမှ ထုတ်ပြန်သည်။

ဖြစ်စဉ်အသေးစိတ်အခြေအနေနှင့်ပတ်သက်၍ သက်ဆိုင်ရာမှ စုံစမ်းစစ်ဆေးနေဆဲဖြစ်ပါသည်။

#မန္တလေးသတင်းကွန်ရက် #မန္တလေး
Photo credit to မဏီစလ

24/07/2025

လေဖိအားနည်းရပ်ဝန်းအရှိန်ကြောင့် လာမည့် ၂၄နာရီအတွင်း ဒေသတချို့ နေရာကွက် မိုးများနိုင်

Jul 24, 10:55 AM

ဘင်္ဂလားပင်လယ်အော် အနောက်မြောက်ပိုင်း၊ ရခိုင်ပြည်နယ် စစ်တွေမြို့၏ အနောက်-အနောက်တောင်ဘက် မိုင် ၁၄၀ ခန့်တွင် လေဖိအားနည်းရပ်ဝန်းတခု ယနေ့ ဇူလိုင် ၂၄ ရက် နံနက်ပိုင်းမှ စတင်ဖြစ်ပေါ်လျက်ရှိသည်။

အဆိုပါ လေဖိအားနည်းရပ်ဝန်းအရှိန်ကြောင့် လာမည့် ၂၄နာရီအတွင်း မြန်မာနိုင်ငံနေရာအနှံ့အပြားတွင် မိုးထစ်ချုန်းရွာနိုင်ပြီး ဒေသချို့၌ နေရာကွက်၍ မိုးများနိုင်ကြောင်း နိုင်ငံတကာမိုးလေဝသစောင့်ကြည့်သူ ဆရာဝင်းနိုင်က ယနေ့ နံနက်၁၀နာရီကျော်အချိန် လူမှုကွန်ရက်မှတဆင့် ရေးသားထားသည်။

နေရာကွက်၍ မိုးများနိုင်ပြီး ၂၄ နာရီအတွင်း မိုးရေချိန် ၁.၂ လက်မအထက်နှင့် မိုးရေချိန် ၄ လက်မအောက် ရွာသွန်းရရှိနိုင်သည့်‌ဒေသများမှာ တနင်္သာရီတိုင်း၊ မွန်ပြည်နယ်၊ ရခိုင်ပြည်နယ်၊ ပဲခူးတိုင်း- အရှေ့၊ နေပြည်တော်၊ ရခိုင်ကမ်းရိုးတန်းတောင်ပိုင်း၊ ရှမ်းပြည်နယ်၊ ကယားပြည်နယ်၊ ချင်းပြည်နယ်၊ မကွေးတိုင်း၊ စစ်ကိုင်းတိုင်းအထက်ပိုင်း၊ ကချင်ပြည်နယ်တို့ဖြစ်သည်။

ထို့အတူ မိုးအသင့်အတင့်ရွာနိုင်မည့် ဒေသများမှာ ဧရာဝတီတိုင်း၊ ရန်ကုန်တိုင်း၊ ပဲခူးတိုင်း-အနောက်၊ စစ်ကိုင်းတိုင်းအောက်ပိုင်း၊ မန္တလေးတိုင်း၊ ရခိုင်ပြည်နယ်-မြောက်ပိုင်းတို့ ဖြစ်သည်ဟု ဆိုပါသည်။

#မန္တလေးသတင်းကွန်ရက် #မိုး #မိုးလေဝသ

24/07/2025

Jul 24, 9:13 AM

အင်ဂျင်နီယာနောက်ဆုံးနှစ် ဘွဲ့တန်းကို ပြည်တွင်းမှာပဲတက်ရောက်ပြီး နိုင်ငံတကာနှင့်ပြည်တွင်း အလုပ်အကိုင်လမ်းကြောင်းကို ကြိုက်ရာ ရွေးချယ်တက်လှမ်းချင်သူတွေအနေနဲ့ မဖြစ်မနေ ကြည့်ရှုသင့်ပါတယ်။

23/07/2025

၂၀၂၅ခုနှစ် မြန်မာနိုင်ငံအိမ်ခြံမြေဝန်ဆောင်မှုအသင်း(မန္တလေးတိုင်းဒေသကြီး)၏ စုပေါင်းဝါဆိုသင်္ကန်းကပ်လှူခြင်းအလှူတော်မင်္ဂလာ အောင်မြင်စွာကျင်းပပြီးစီး(ရုပ်သံ)

Jul 23, 1:40 PM

မြန်မာနိုင်ငံအိမ်ခြံမြေဝန်ဆောင်မှုအသင်း (မန္တလေးတိုင်းဒေသကြီး/ခရိုင်/မြို့နယ်အသီးသီး)မှ အလုပ်အမှုဆောင်များနှင့် အသင်းသား/အသင်းသူများ၏ စုပေါင်းဝါဆိုသင်္ကန်းကပ်လှူခြင်းအလှူတော်မင်္ဂလာအခမ်းအနားကို ယနေ့ ဇူလိုင်၂၃ရက်၊ နံနက်ပိုင်းတွင် မန္တလေးမြို့၊ ၇၇ လမ်း၊ လမ်း၃ဝ× ၃၁ လမ်းကြား၊“ရွှေဘုံသာဘုရားဝင်းဓမ္မာရုံ”၌ ပြုလုပ်ခဲ့သည့်မှတ်တမ်းဖြစ်သည်။

အခမ်းအနားတွင် ပင့်သံဃာတော် (၁၁)ပါးတို့အား ဆွမ်း၊ သင်္ကန်း၊ ဒါတဗ္ဗဝတ္ထုအစုစုတို့နှင့်တကွ လှူဒါန်းခဲ့ကြပြီး ယနေ့လှူဒါန်းမှုအတွက် ရေစက်သွန်းချ အမျှပေးဝေခဲ့ကြပါသည်။

ပင့်သံဃာတော်များအတွက် ဆွမ်းနှင့် ဧည့်ပရိသတ်တို့အတွက် နေ့လယ်စာထမင်းနှင့် ဟင်းမျိုးစုံတို့ကို မြန်မာနိုင်ငံအိမ်ခြံမြေဝန်ဆောင်မှုအသင်း (မန္တလေးတိုင်းဒေသကြီး)၏ ဥက္ကဌ အဂ္ဂမဟာသီရိသုဓမ္မမဏိဇောတဓရ ဦးအောင်တိုး+ ဒေါ်လှလှဝင်း (“စိန်ခြယ်” စားသောက်ကုန်ထုတ်လုပ်ရောင်းဝယ် ဖြန့်ချိရေးကုမ္ပဏီ၊ “သုဓမ္မ”အိမ်ခြံမြေနှင့် အထွေထွေအကျိုးဆောင်ကုမ္ပဏီ) မိသားစုက ကုသိုလ်ပြုကျွေးမွေးခြင်းဖြစ်သည်။

ဖျော်ဖြေရေးအစီအစဉ်အဖြစ် အသင်းသူအသင်းများက မြန်မာသံစဉ်နှင့် ခေတ်ပေါ်တေးဂီတတို့ဖြင့် သီဆိုဧည့်ခံဖျော်ဖြေခဲ့ကြသည်။

#မန္တလေးသတင်းကွန်ရက်
#အိမ်ခြံမြေ

22/07/2025

၂ဝ၂၅ ခုနှစ် တက္ကသိုလ်ဝင်စာမေးပွဲ အောင်စာရင်း ဇူလိုင် ၂၇ ရက်တွင် ကြေညာမည်ဟု ယနေ့ည ထုတ်ပြန်

Jul 22, 9:31 PM

လာမည့် ဇူလိုင်၂၇ ရက်၊ နံနက်၆နာရီအချိန်တွင် ၂ဝ၂၅ ခုနှစ် တက္ကသိုလ်ဝင်စာမေးပွဲ အောင်စာရင်း ကြေညာမည်ဖြစ်ကြောင်း ပညာရေးဝန်ကြီးဌာနမှ ‌ယနေ့ဇူလိုင်၂၂ရက် ညပိုင်း ထုတ်ပြန်လိုက်သည်။

အဆိုပါအောင်စာရင်းများကို သက်ဆိုင်ရာမြို့နယ်အသီးသီးရှိ စာစစ်ဌာနကျောင်းများတွင် တချိန်တည်း ကပ်ထားမည်ဖြစ်ကြောင်း၊ အောင်စာရင်းထုတ်ပြန်မည့် ဇူလိုင် ၂၇ ရက် နံနက် ၄ နာရီတွင် မြန်မာနိုင်ငံ စာစစ်ဦးစီးဌာန Website ဖြစ်သော www.myanmarexam.org တွင်လည်း ဝင်ရောက်ကြည့်ရှုနိုင်ရန် စီစဉ်ထားမည်ဖြစ်ကြောင်း၊ ဝေးလံ၍ အင်တာနက်ကောင်းစွာမရရှိသည့် ဒေသများအတွက် မြန်မာ့အသံရေဒီယိုအစီအစဉ်မှလည်း ထုတ်လွှင့်ပေးမည်ဖြစ်ကြောင်း ထုတ်ပြန်ချက်အရ သိရသည်။

#မန္တလေးသတင်းကွန်ရက် #‌ပညာရေး

22/07/2025

မန္တလေးရှိ မီးဘေးသင့်အိမ်ထောင်စုများသို့ မန္တလေးတိုင်း‌ပြည်သူ့ရှေ့ဆောင်ပါတီက ထောက်ပံ့လှူဒါန်းမှုများပြုလုပ်(ရုပ်သံ)

Jul 22, 12:45 PM

မန္တလေးတိုင်းဒေသကြီး၊ ပြည်သူ့ရှေ့ဆောင်ပါတီသည် မန္တလေးမြို့၊ မဟာအောင်မြေမြို့နယ်၊ မဟာနွယ်စဉ်ရပ်ကွက်ရှိ မီးဘေးသင့်အိမ်ထောင်စုများကို လူသားချင်းစာနာထောက်ရှုသောအားဖြင့် လှူဒါန်းမှုများကို ယနေ့ ဇူလိုင်၂၂ ရက် နံနက်ပိုင်းက ပြုလုပ်ခဲ့သည့်မှတ်တမ်းဖြစ်သည်။

ပြည်သူ့ရှေ့ဆောင်ပါတီ( PPP) မှ တိုင်းတာဝန်ခံ ဗဟိုအလုပ်အမှုဆောင် ကော်မတီဝင် ဦးထက်အောင်လင်း(ခ)ဦးဇော်ဝင်းသန့် မန္တလေးတိုင်းဒေသကြီး၊ ပြည်သူ့ရှေ့ဆောင်ပါတီ၏ ဥက္ကဌ ဦး‌‌‌အောင်ကျော်ဦး၊ မြို့နယ်ပါတီဥက္ကဌနှင့် ပါတီဝင်များက မီးလောင်ပြင်ရှိ မီးဘေးသင့်အိမ်ထောင်စု ၂၂စုအတွက် တစုလျှင် ထောက်ပံ့ငွေ ကျပ်ငါးသောင်းနှင့်အတူ ဆန်၊ ကြက်ဥနှင့် ခေါက်ဆွဲခြောက်တို့ကို နေရာအရောက်အထိ သွားရောက်လှူဒါန်းခဲ့ကြပြီးနောက် အားပေးနှစ်သိမ့်စကားများ ပြောကြားခဲ့ကြပါသည်။

ပြီးခဲ့သည့် ဇူလိုင်၁၉ရက် ည ၇နာရီ ၅၃မိနစ်က မဟာနွယ်စဉ်ရပ်ကွက်၊ ၃၆ လမ်း၊ ၇၁လမ်းနှင့် ၇၂ လမ်းကြားရှိ အိမ်ငှားဒေါ်... နေထိုင်သည့် နေအိမ်အပေါ်ထပ်တွင် Bluetooth Speaker Box အားသွင်းထားရာမှ ဘက်ထရီပွင့်ထွက်ပြီး အနီးရှိ အဝတ်အစားများကို မီးကူးစက်ကာ မီးလောင်မှုဖြစ်ပွားခဲ့ရသည်။

#မန္တလေးသတင်းကွန်ရက် #ပြည်သူ့ရှေ့ဆောင်ပါတီ #မီးဘေးသင့်

20/07/2025

Mandalay Earthquake News

Jul 20, 2:31 PM

မန္တလေးမြို့တွင် ယနေ့ ဇူလိုင်
၂၀ရက် နေ့လယ်၂နာရီ ၂၉မိနစ် အချိန်က အင်အားသိသာသည့် နောက်ဆက်တွဲငလျင်တခု လှုပ်ခတ်သွားခဲ့သည်။ ထုတ်ပြန်ချက်များသိရပါက ကွန်မန့်၌ ဖော်ပြပါမည်။

မိုး‌ဇလထုတ်ပြန်ချက်

မြေငလျင်သတင်းအမှတ်စဉ် ၂၁၂
=====================
နေ့စွဲ ၂၀-၇-၂၀၂၅
လှုပ်ခတ်သည့်အချိန် - ၁၄း၂၉း၀၆
အင်အားပမာဏ - ၃.၈ ရစ်(ခ်)တာစကေး
အနက် - ၁၉ ကီလိုမီတာ
ဗဟိုချက်တည်နေရာ - ပုသိမ်ကြီးမြို့၏ အရှေ့-အရှေ့မြောက်ဘက် (၉) မိုင်ခန့်

#မန္တလေးသတင်းကွန်ရက် #ငလျင်

19/07/2025

မန္တလေးတွင် Bluetooth Speaker Box အားသွင်းထားရာမှ ဘက်ထရီပွင့်ထွက်ပြီး မီးလောင်မှုဖြစ်ပွားရာ နေအိမ်၈လုံး ဆုံးရှုံးခဲ့

Jul 20, 6:20 AM

မန္တလေးမြို့ရှိ နေအိမ်တအိမ်တွင် မနေ့ညပိုင်းက Bluetooth Speaker Box ကို အားသွင်းထားရာမှ ဘက်ထရီပွင့်ထွက်ပြီး မီးလောင်မှုဖြစ်ပွားခဲ့သည်။

ဖြစ်စဥ်မှာ ဇူလိုင်၁၉ရက် ည ၇နာရီ၅၃ မိနစ်က မဟာအောင် မြေမြို့နယ်၊ မဟာနွယ်စဉ်ရပ်ကွက်၊ ၃၆ လမ်း၊ ၇၁လမ်းနှင့်၇၂ လမ်းကြားရှိ အိမ်ငှား ဒေါ်... နေထိုင်သည့် နေအိမ်အပေါ်ထပ်တွင် Bluetooth Speaker Box အားသွင်းထားရာမှ ဘက်ထရီပွင့်ထွက်ပြီး အနီးရှိ အဝတ်အစားများကို မီးကူးစက်ကာ မီး လောင်မှုဖြစ်ပွားခဲ့သည်။

မီးလောင်မှုကြောင့် စုစုပေါင်းနေအိမ်(၈) လုံးသည် မီးဘေးသင့်ခဲ့ရပါသည်။

မီးလောင်မှုဖြစ်ပွားရာကို မန္တလေးတိုင်းဒေသကြီးမီးသတ်ဦးစီးမှူး ညွှန်ကြားရေးမှူး ဦးဇော်ဝင်းထွန်း ဦးဆောင်၍ သန္ဓေ မီးသတ်တပ်ဖွဲ့ဝင်( ၃၀)ဦး၊ အရန်မီးသတ်တပ်ဖွဲ့ဝင်( ၇၀ )ဦး၊ စုစုပေါင်း ( ၁၀၀ )ဦးတို့ကမီးငြှိမ်းသတ်ယာဉ် ( ၁၀ ) စီး၊ မီးသတ်ရေသယ်ယာဉ်(၅)စီး၊ အုပ်ချုပ်မှုယာဉ် (၂)စီး စုစုပေါင်း (၁၇) စီးတို့ဖြင့် မီးငြှိမ်းသတ်ပေးခဲ့ရသည်။

အဆိုပါ မီးလောင်မှုနှင့်ပတ်သက်၍ အိမ်ဌားဖြစ်သူ ဒေါ်... ၃၉ နှစ်ကို သက်ဆိုင်ရာမှ အမှုဖွင့်အရေးယူထားရှိသည်။

#မန္တလေးသတင်းကွန်ရက် #မီးလောင်

Photos Credit To Than Htay

18/07/2025

အာဇာနည်နေ့ ဥဩဆွဲမှုအပေါ် မိဘပြည်သူများ ထိတ်လန့်မှုမရှိစေရန် အသိပေးကြေညာခြင်း

Jul 18, 8:24 PM

မနက်ဖြန် ဇူလိုင်၁၉ ရက်၊ (၇၈)နှစ်မြောက် အာဇာနည်နေ့၊ နံနက် ၁၀နာရီ ၃၇ မိနစ်တွင် ဗိုလ်ချုပ်အောင်ဆန်းနှင့်တကွ ကျဆုံးပြီးသော အာဇာနည်ခေါင်းဆောင်ကြီးများအတွက် ဝမ်းနည်းနှမြောတမ်းတခြင်းအဖြစ် မီးသတ်စခန်းများမှ မီးသတ်ကားများ ဥသြဆွဲ၍ တမိနစ်တိတိ အလေးပြုမည်ဖြစ်သောကြောင့် ထိုအချိန်ထိုမိနစ်များတွင် မီးသတ်ကားဥသြသံကြားမိပါက ထိတ်လန့်ခြင်းမရှိစေရန် ကြိုတင် အသိပေးအပ်ပါသည်။

#မန္တလေးသတင်းကွန်ရက် #အာဇာနည်နေ့ #ဗိုလ်ချုပ်အောင်ဆန်း

18/07/2025

Mandalay Earthquake News

Jul 18, 4:01 PM

မန္တလေးမြို့တွင် ယနေ့ ဇူလိုင်
၁၈ရက် ညနေ၄နာရီအချိန်က အင်အားသိသာသည့် နောက်ဆက်တွဲငလျင်တခု လှုပ်ခတ်သွားခဲ့သည်။ ထုတ်ပြန်ချက်များသိရပါက ကွန်မန့်၌ ဖော်ပြပါမည်။

မိုးဇလထုတ်ပြန်ချက်

မြေငလျင်သတင်းအမှတ်စဉ် ၂၁၀
=====================
နေ့စွဲ ၁၈-၇-၂၀၂၅
လှုပ်ခတ်သည့်အချိန် - ၁၆း၀၀း၀၈
အင်အားပမာဏ - ၅.၅ ရစ်(ခ်)တာစကေး
အနက် - ၁၈ ကီလိုမီတာ
ဗဟိုချက်တည်နေရာ - မတ္တရာမြို့၏ အနောက်မြောက်ဘက် (၆) မိုင်ခန့်

#မန္တလေးသတင်းကွန်ရက် #ငလျင်

18/07/2025

ရင်ခုန် ရင်တုန် ပျော်စရာတွေစုံတဲ့ မြို့တော်ဥယျာဉ်

Jul 18, 2:04 PM

တနေ့တနေ့ အလုပ်နဲ့ အိမ် - အိမ်နဲ့ အလုပ် ဖြစ်‌နေရတော့ ကောင်းသော အကြံလေးပေးမယ်နော်

ကောင်းကောင်းအလုပ်လုပ်၊ ကောင်းကောင်းအနားယူ ဦးနှောက်ကိုအနားပေးဖို့ လူကျန်းမာဖို့ဆိုတာ အားရက် နားရက်လေး အပြင်မှာလေကောင်း လေသန့်ရှူ၊ သူငယ်ချင်း ချစ်ရသူတွေနဲ့ ပျော်ပျော်ရွှင်ရွှင်နေဖို့တော့ လိုတာပေါ့ဗျာ...

မိသားစုနဲ့လာလာ ချစ်သူလေးနဲ့ လာလာ
သူငယ်ချင်းတွေနဲ့ လာလာ မိတ်ဆွေတို့ ပျော်ရွှင်ဖို့ပါ။

ပျော်ရမယ့် ‌နေရာလေးကိုတော့ သိတယ်ဟုတ်

📌၂၆ (B) လမ်း နှင့် ကမ်းနားလမ်းထောင့် ပိုက်ကျုံး, ချမ်းအေးသာစံမြို့နယ်, မန္တလေးမြို့‌။ 02 406 3779 / 09 772 383 328 / 09 441 056 007၊ 09 200 9189
#မန္တလေးသတင်းကွန်ရက် #မြို့တော်ဥယျာဉ်

18/07/2025

အစားအသောက်လုပ်ငန်းရှင်များအတွက် Must-Have Item!(ကြော်ငြာ)

Jul 18, 9:24 AM

ဟမ်ဘာဂါ၊ ဆူရှီ ၊ ကြော်လှော်ချက် အရာအားလုံးကို မြန်မြန်ဆန်ဆန် ပြုလုပ်နိုင်ပါတယ်။

ဒီလို အသုံးဝင်တဲ့စက်တွေကို ⭐ဟိန်းသစ်မှာ
➡️ ခိုင်မာတဲ့ Stainless Steel နဲ့ပြုလုပ်ထားတာကြောင့် တာရှည်ခံ
➡️ ခရမ်းလွန်ရောင်ခြည်ဒဏ်လည်းခံနိုင်ရည်ရှိ၊ အသုံးပြုရလွယ်ကူပြီး သန့်ရှင်းရေးလုပ်ရလွယ်ကူ
➡️ သင့်ဆိုင်နဲ့ Menu နဲ့ကိုက်ညီအောင် စိတ်ကြိုက်ဒီဇိုင်းပြင်ဆင်နိုင်တဲ့ Custom Design

ဒါကြောင့်… ဈေးနှုန်းချိုသာပြီး အရည်အသွေးမြင့် စက်တလုံးကို ချက်ချင်းပိုင်ဆိုင်လိုက်ပါ။

လူကြိုက်များနေတဲ့ ဒီ Model တွေက Stock နည်းနေတာကြောင့် အမြန်ဆုံးအော်ဒါမှာယူဖို့ အခုပဲဆက်သွယ်လိုက်ပါရှင့်

🔥 ဟိန်းသစ် – စိတ်ချလက်ချဝယ်ယူစရာနေရာ "အရည်အသွေးကောင်း – ဈေးနှုန်းတန်”

ဖောက်သည်ကျေနပ်မှု 100% က ကျွန်ုပ်တို့တာဝန်ပါ! မန္တလေးမြို့အတွင်း ဆိုင်သုံးဆိုင်ဖြင့် ပိုမိုလွယ်ကူစွာ ဝယ်ယူနိုင်ပါပြီ။
ပစ္စည်းဈေးနှုန်း မေးချင်ရင်. ဖုန်းလေးတချက်သာခေါ်ပါ!

📍 ဆိုင်တည်နေရာများ 📍

🏪 ဆိုင် (၁)
54(A) လမ်း၊ 131 × 132 လမ်းကြား၊ ပြည်ကြီးတံခွန်မြို့နယ်
📞 09-797 365 938 | 09-426 977 794 | 09-770 416 091 | 09-977 921 586

🏪 ဆိုင် (၂)
62 လမ်း၊ 130 × 131 လမ်းကြား၊ ပြည်ကြီးတံခွန်မြို့နယ်
📞 09-950 535 717 | 09-781 486 302

🏪 ဆိုင် (၃)
55×111 ထောင့်၊ ချမ်းမြသာစည်မြို့နယ်
📞 09-442 042 204 | 09-763 457 979

မန္တလေးသတင်းကွန်ရက်

24/07/2025

24/07/2025

24/07/2025

23/07/2025

22/07/2025

22/07/2025

20/07/2025

19/07/2025

18/07/2025

18/07/2025

18/07/2025

18/07/2025

Address

Website

Alerts

Shortcuts

Share

Category