16/02/2023
ဓမ္မတာသွေးအရောင်ကပြောတဲ့ကျန်းမာရေးအကြောင်း......
မိန်းကလေးတွေရဲ့ ကျန်းမာရေးက တစ်လတစ်ခါ ပုံမှန်လာနေကျ ဓမ္မတာလာခြင်းက မျိုးဆက်ပွားကျန်းမာရေးရဲ့ သတင်းအချက်အလက်တွေကိုပေးတတ်ပါတယ် ။ဓမ္မတာလာချိန်ရဲ့ အချိန်ကာလ ၊ သွေးဆင်းတဲ့ ပမာဏစတာတွေက အမျိုးသမီးတိုင်းစောင့်ကြည့်သင့်တဲ့ ကျန်းမာရေးလက္ခဏာတွေပဲဖြစ်ပါတယ် ။ပုံမှန်အနေနဲ့ မိန်းကလေးတွေရဲ့ ပုံမှန်ဓမ္မတာလာချိန်မှာ ဓမ္မတာအရောင်ဟာ လာခါစမှာ အညိုရောင်၊ အလယ်လောက်မှာ အနီရင့်ရောင်အထိ ပြောင်းလဲတတ်ပါတယ် ။ ဒါပေမယ့် ပုံမှန်သွေးအရောင်တွေက ပန်းနုရောင် ၊အနီရောင်တောက်တောက် ၊ သံချေးရောင်၊ လိမ္မော်ရောင် အနက်ရောင်ရင့်ရင့်တွေလဲ ဖြစ်တတ်ပါတယ်။
အမည်းရောင်ဓမ္မတာသွေးရောင်
အမည်းရောင်သွေးအရောင်က ရာသီလာခါစ နဲ့ ရာသီပြီးခါနီးမှာ လာတတ်ပါတယ် ။ ဓမ္မတာသွေးက သားအိမ်နံရံရဲ့ သွေးကြောလေးတွေကနေထွက်လာတာဖြစ်ပြီး ခန္ဓာကိုယ်ပြင်ပ မရောက်ခင်မှာ oxygen နဲ့ထိတွေ့ပြီး အရောင်ပြောင်းသွားခြင်းမျိုးပဲဖြစ်ပါတယ် ။ စိုးရိမ်စရာတော့မဟုတ်ပါဘူး ။
အညိုရင့်ရောင် (သို့မဟုတ်) နီညိုရောင်
အညိုရောင်(သို့မဟုတ်) နီညိုရောင် က ဓမ္မတာလာချိန်မှာ သားအိမ်ထဲမှာ ဓမ္မတာသွေးကျန်တွေ အချိန်အတော်ကြာကျန်နေတယ်ဆိုတဲ့အဓိပ္ပာယ်ပါဖြစ်ပါတယ် ။ ဓမ္မတာသွေးနီညိုရောင် ဖြစ်ရတဲ့ တခြားအကြောင်းအရင်းတွေက ဓမ္မတာသွေးဆင်းနှုန်းနည်းခြင်း ၊ ဓမ္မတာလာရက်ပြီးဆုံးခါနီးဖြစ်ခြင်း ၊ ကလေးမွေးပြီးသွေးပုပ်ဆင်းခြင်း ၊ စတာတွေကြောင့်ပဲဖြစ်ပါတယ် ။ ဒီလိုဖြစ်တာက မသိသာပေမယ့် ဒါက ပုံမှန်ဖြစ်လေ့ရှိတဲ့သဘောတွေပဲဖြစ်ပါတယ် ။ ဓမ္မတာသွေးဟာ အစပိုင်းမှာ အနီရဲရဲလာတတ်ပြီး ဓမ္မတာပြီးဆုံးခါနီးလေ အရောင်ရင့်တတ်လေပဲဖြစ်ပါတယ် ။
ပန်းရောင်ဓမ္မတာသွေး
ပန်းရောင်ဓမ္မတာသွေးက သားအိမ်ခေါင်းအရည်ကြည်နဲ့ ဓမ္မတာသွေးရောနှောသွားချိန်မှာ ဖြစ်တတ်တဲ့ ဓမ္မတာသွေးအရောင်ပဲဖြစ်ပါတယ် ။ ပန်းရောင်ဓမ္မတာသွေးလာတာက များသောအားဖြင့် စိုးရိမ်စရာမလိုပါဘူး ။ဒါပေမယ့် ဓမ္မတာ လာခါနီးမှာ ပန်းနုရောင် ဓမ္မတာသွေးဆင်းခြင်းက ကိုယ်ဝန်ရှိတဲ့ လက္ခဏာလဲဖြစ်ပါတယ် ။ဒိ့အပြင် မမျိုးဥကြွေတဲ့အချိန်မှာ လဲဖြစ်ပေါ်တတ်ပါတယ် ။
ဓမ္မတာသွေးခဲတုံးကျခြင်း
တစ်ခါတစ်လေ ဓမ္မတာလာချိန်မှာ ဓမ္မတာသွေးအရောင်ရင့်ရင့်နဲ့ သွေးခဲတုံးပါတတ်တာကို သတိထားမိမှာပါ ။ဒီလိုမျိုး အတုံးအခဲများဖြစ်ပေါ်တတ်တာက ဓမ္မတာလာတာပြီးဆုံးခါနီးအချိန်တွေမှာဖြစ်တတ်ပါတယ် ။ ဒါပေမယ့် သွေးခဲ အရွယ်အစားကြီးတာက ဟော်မုန်းဓာတ်မညီတဲ့အချိန်မှာလဲဖြစ်ပေါ်တတ်ပါတယ် ။
ဓမ္မတာသွေးရောင်တွေက ဖော်ပြတဲ့ကျန်းမာရေး အပြင် ဓမ္မတာလာချိန်မှာ မိန်းမကိုယ်က အနံ့ ပြင်းနေရင် ပိုးဝင်နေတဲ့ ရောဂါလက္ခဏာတစ်ခုပဲ ဖြစ်ပါတယ် ။ ဒါတွေအပြင် သွေးဆင်းများလွန်းတာ ၊ ဓမ္မတာလာချိန်စေးကပ်ကပ်ဖြစ်လွန်းတာ၊ ယားယံမှုတွေဖြစ်နေတာ ၊ အဖြူအဆင်းများပြီး ယားယံနေတာမျိုးတွေဖြစ်နေပြီဆိုရင်တော့ သားဖွားမီးယပ်ဆရာဝန်ပြသပြီးတိုင်ပင်သင့်ပါတယ် ။
