https://www.facebook.com/101675268726243/

မြိတ် သတင်း Media Mergui, Myeik (2025)

20/09/2025

ရေထွက်ကုန်များ လေကြောင်းဖြင့် တင်ပို့ရန် မြိတ်လေယာဉ်ကွင်း အဆင့်မြှင့်မည်
-------------------------------------

မိမိတို့နိုင်ငံက ထွက်ရှိတဲ့ ရေထွက်ကုန်ပစ္စည်းတွေ အိမ်နီးချင်းနိုင်ငံတွေကို လေကြောင်းလိုင်းတွေက တစ်ဆင့် တင်ပို့နိုင်ရေး မြိတ်လေယာဉ်ကွင်း အဆင့်မြှင့်တင်တဲ့ လုပ်ငန်းတွေ ဆောင်ရွက်ပေးသွားမယ်လို့ ပြည်ထောင်စု သမ္မ တ မြန်မာနိုင်ငံတော် ယာယီသမ္မတ နိုင်ငံတော်လုံခြုံရေး နှင့် အေးချမ်းသာယာရေးကော်မရှင် ဥက္ကဋ္ဌ ဗိုလ်ချုပ်မှူး ကြီး မင်းအောင်လှိုင်က ပြောပါတယ်။

စက်တင်ဘာ ၁၉ ရက်က တနင်္သာရီတိုင်းဒေသကြီး မြိတ်မြို့ရှိ ဌာနဆိုင်ရာ တာဝန်ရှိသူတွေ ရပ်မိရပ်ဖတွေကို မြိတ် မြို့၊ ပုလဲရတနာခန်းမမှာ တွေ့ဆုံပြီး ဒေသဖွံ့ဖြိုးတိုးတက်ရေးဆိုင်ရာတွေ ဆွေးနွေးပြောကြားရာမှာ ထည့်သွင်း ပြောကြားခဲ့တာပါ။

မြိတ်မြို့မှာ အပြည်ပြည်ဆိုင်ရာ ငါးလေလံဈေးတည်ဆောက်ရေး စီမံကိန်းနဲ့ ပတ်သက်ပြီး အကောင်းဆုံးဆောင် ရွက်ပေးသွားမှာ ဖြစ်ပြီး မြေနေရာနဲ့ ပတ်သက်ပြီးလည်း မူဝါဒတွေ ချမှတ်ပေးထားပြီး ဖြစ်တယ်လို့ ဗိုလ်ချုပ်မှူးကြီး မင်းအောင်လှိုင်က ပြောပါတယ်။

ရေထွက်ကုန်ပစ္စည်းတွေ တင်ပို့ရာမှာ မှန်မှန်ကန်ကန်နဲ့ ဆောင်ရွက်သွားဖို့ လိုပြီး ချမှတ်ထားတဲ့ စည်းမျဉ်းစည်း ကမ်းတွေအတိုင်း ဖြစ်ဖို့ လိုပြီး ပြည်ပကို တင်ပို့ရာမှာ အအေးခန်း ကွန်တိန်နာတွေနဲ့ သယ်ယူဆောင်ရွက်သွားမယ် ဆိုရင် လုပ်ငန်းပိုမိုအဆင်ပြေနိုင်မှာ ဖြစ်တယ်လို့ ဆိုပါတယ်။

ပုစွန်သားပေါက် တင်သွင်းခွင့် ရရှိရေး ပုစွန်အစာ တင်သွင်းခွင့် ရရှိရေးတို့နဲ့ ပတ်သက်ပြီး အဆင်ပြေအောင် ဆောင် ရွက်ပေးသွားမှာ ဖြစ်ပြီး ပုစွန်အစာကို ပြည်တွင်းမှာ ထုတ်လုပ်နိုင်ရေး ကြိုးပမ်းဆောင်ရွက်နေတယ်လို့လည်း ဗိုလ်ချုပ်မှူးကြီး မင်းအောင်လှိုင်က ပြောပါတယ်။

ပုစွန်မွေးမြူရေးမှာ ပုစွန်ကန်တွေ ပြုလုပ်ပြီး မွေးမြူသလို သဘာဝဘေးအန္တရာယ်ကို အတတ်နိုင်ဆုံး လျှော့ချနိုင်ဖို့ အတွက် လေကာပင်တွေ စိုက်ပျိုးဖို့ လိုတယ်လို့လည်း ဗိုလ်ချုပ်မှူးကြီး မင်းအောင်လှိုင်က ပြောကြားခဲ့ပါတယ်။

အခုဘဏ္ဍာနှစ် ငါးလတာ ကာလအတွင်း ပြည်ပကို ရေထွက်ကုန် တန်ချိန် တစ်သိန်းခွဲကျော် တင်ပို့ခဲ့ပြီး အမေရိကန် ဒေါ်လာ သန်း ၂၂၀ ကျော် ရရှိထားတယ်လို့ ငါးလုပ်ငန်းဦးစီးဌာနက သိရပါတယ်။

15/09/2025

ကျွန်တော်တို့မြို့မှာ လူတိုင်းခံစားနေရတဲ့ တစ်နေ့ထက်တစ်နေ့ဆိုးရွားလာတဲ့ဒီအနံ့အသက်ဆိုးရဲ့ အန္တရာယ်က ပေါ့ပေ့ါသေးသေးမဟုတ်ပါ။

ရှုရှိုက်မိပါကဘာတွေဖြစ်နိုင်လဲ?ဒီအနံ့မှာ ဘယ်လို အဆိပ်အတောက်တွေပါဝင်နေသလဲ?ကျွန်တော်လက်လှမ်းမိသလောက်လေ့လာထားတာလေးတွေ ပြောပြပေးသွားပါမယ်..

ဒီအနံ့ဆိုးမှာ အင်မတန် အန္တရာယ်များတဲ့ အဆိပ်ဓာတ်(5)မျိုးပါဝင်ပါတယ်။

(1)ဟိုက်ဒရိုဂျင်ဆာလဖိတ်(Hydrogen Sulifide H2S)

ဒီအနံ့က ကြက်ဥပုပ်အနံ့နဲ့တူပေမဲ့ငါးအပုပ်တွေတအားဆွေးမြေ့သွားရင်လည်းထွက်တတ်ပါတယ်။အဆိပ်ပြင်းတဲ့အဆင့်လို့သတ်မှတ်လို့ရပီး ရှုရှိုက်မိရင် အာရုံကြောစနစ်ကို ထိခိုက်စေပီး အဆုတ်ကိုအောက်ဆီဂျင်မရအောင်တားဆီးနိုင်ပါတယ်။
(သူများတွေ #တအားနံတယ် ပြောနေချိန် အနံ့မရဘူးလို့ပြောကြတဲ့သူတွေတွေ့ဖူးပါလိမ့်မယ် အာရုံကြောစနစ်ကိုထိခိုက်နေတဲ့သူတွေဖြစ်နေပါပြီ။အနံ့ယဉ်ပါးခြင်းလို့ပဲ့ပြောရမလားပဲ့။

(2)အမိုးနီးယား(Ammonia-NH3)

ငါးရဲ့ပရိုတိန်းဓာတ်ဆွေ့မြေ့ပီးထွက်တဲ့ဓာတ်ငွေ့အနံ့ပါ။ မျက်စိကို အဓိက ဒုက္ခလှလှပေးနိုင်ပါတယ်။ မျက်လုံးစပ်ဖျဉ်းဖျဉ်းဖြစ်စေနိုင်ပြီး အမြင်အာရုံထိခိုက်နိုင်ပါတယ်။

(3)ထရိုင်မီသိုင်းအမိုင်း(Trimethylamme-TMA)

သူလည်းငါးပုပ်အနံ့/အတွင်းခံဘောင်းဘီတွေ ဝတ်ဖန်များရင်ထွက်တဲ့အနံ့နဲ့ ဆင်တူနိုင်ပါတယ်။ငါးမှာသဘာအတိုင်းရှိတဲ့ဓာတ်ဖြစ်ပြီး ပျက်စီးတဲ့အခါ TMAအဖြစ် ပြောင်းသွားတာပါ။ ခေါင်းကိုက်ခြင်း/ မူးဝေခြင်း တို့ဖြစ်စေပါတယ်။ ရေရှည်ရှုရှိုက်မိပါက စိတ်ဖိစီးပြီး လူမှုရေး မရှိ တယောက်တည်းနေချင်စိတ် တွေဖြစ်ပေါ်လာနိုင်ပါတယ်။
#ကို့ဟာကိုယ်ငါကintrovertကွတယောက်တည်းတောက်ပမယ်ဆိုသူများ introvert မဟုတ်ဘဲဒီအနံ့ရှုတာများပီး ဂေါက်သီးဖြစ်သွားတာလည်းဖြစ်နိုင်ပါတယ်။

(4)ဗော်လတိုင်းဒြပ်ပေါင်းများ(Volatile Compounds VOCS)

ကင်ဆာရောဂါဖြစ်စေနိုင်တဲ့ဒြပ်ပေါင်းအဖြစ် သတ်မှတ်နိုင်ပါတယ်။လေထုထဲကိုလျင်မြန်စွာ ဝင်ရောက်နိုင်ပြီး လည်ချောင်းယားပီး အဆုတ်ကို အများဆုံးဒုက္ခပေးမှာပါ။

(5)ဘက်တီးရီးယားများမှထုတ်လွှတ်တဲ့အမှုန်အမွှားများ(Bioaerosols)

အနံ့မှာပါဝင်လာတဲ့ဘက်တီးရီယားများက ထုတ်တဲ့အဆိပ်အတောက်တွေပါ။နှာချေ/ချောင်းဆိုး/တိုက်ရိုက်ထိတွေ့ပါက အရေပြားယားယံစေနိုင်ပါတယ်။ပန်းနာရင်ကြပ်သမားများ အထူးသတိထားရပါမယ်။ရှိပြီးသားရောဂါကိုပိုဆိုးနိုင်ပါတယ်။အဆုတ်ရောင်ခြင်းအဆုတ်ကိုပိုးဝင်ခြင်းစတဲ့ပြင်းထန်တဲ့ရောဂါတွေခံစားရနိုင်ပါတယ်။

ဒီအနံ့အသက်ဆိုးရဲ့နောက်ဆက်တွဲပြဿနာတွေကတော့ပြောမကုန်နိုင်အောင်ပါပဲ့။ အရင်ကဆို တစ်လလုံးမှ တစ်ကြိမ်နှစ်ကြိမ်သာရတဲ့ဒီအနံ့ဆိုး ခုတလောဘာကြောင့်နေ့တိုင်း ဖြစ်နေတာလဲ?

တာဝန်ရှိတဲ့လူကြီးမင်းများသေချာကြပ်မတ်စီစစ်ပေးသင့်တယ်လို့မြင်မိပါတယ်ခင်ဗျ။

Credit to -Ko Kyaw Swar

19/08/2025

မြိတ်ဒေသအတွက်အရေးပါသည့် ရေပေးဝေရေးစီမံကိန်း

တနင်္သာရီတိုင်း၊ မြိတ်ဒေသအတွက်အရေးပါသည့် မြိတ်မြို့ရေပေးဝေရေးစီမံကိန်းအား မြေဧရိယာ (၃၁၈ ဒသမ ၀၆) ဧကတွင် BBWI & MCPC Co. ,Ltd မှဖော်ဆောင်သွားမည်ဖြစ်ရာ တည်ဆောက်၊ လုပ်ကိုင်၊ လွှဲပြောင်းခြင်းဆိုင်ရာသဘောတူစာချုပ် (B.O.T)အား သြဂုတ် ၁၈ ရက်မွန်းလွဲပိုင်းက တိုင်းအစိုးရအဖွဲ့နှင့်လက်မှတ်ရေးထိုးခဲ့သည်။

လက်မှတ်ရေးထိုးပွဲသို့ တနင်္သာရီတိုင်းဝန်ကြီးချုပ်ဦးမြတ်ကိုတက်ရောက်၍ မြိတ်မြို့ရေပေးဝေရေးစီမံကိန်းအား မြန်မာနိုင်ငံရင်းနှီးမြှပ်နှံမှုကော်မရှင်နှင့်အစိုးရတို့၏သဘောတူညီမှုဖြင့် BBWI & MCPC Co.,Ltd နှင့်မြိတ်အများပိုင်တို့က နိုင်ငံခြားရင်းနှီး မြှပ်နှံမှုဖြင့်ဆောင်ရွက်မည်ဖြစ်ရာ မြိတ်ဒေသဖွံ့ဖြိုးတိုးတက်ရေးအတွက်အရေးပါသော စီမံကိန်းဖြစ် သည်ဟု ပြောသည်။

ထို့ကြောင့် ရေသုံးစွဲသူများကို သက်သာစွာသုံးစွဲနိုင်ရေးအတွက် အဓိကထားထည့်သွင်းပြီးဆောင်ရွက်ပေးစေလိုကြောင်း၊ ရေပေးဝေရေးစီမံကိန်းအကောင်အထည်ဖော်ဆောင်ရွက်ပြီးပါက မြိတ်မြို့တွင်နေထိုင်သော ပြည်သူများအတွက်ဈေးနှုန်း သက်သာစွာဖြင့် ရေကောင်းရေသန့်နှင့်သောက်သုံး ရေလိုအပ်ချက်များကို ဖြည့်ဆည်းပေးနိုင်သည့် စီမံကိန်းဖြစ်သည်ဟုလည်း ပြောကြားခဲ့သည်။

ထို့နောက် တနင်္သာရီတိုင်းအစိုးရအဖွဲ့နှင့် BBWI & MCPC Co.,Ltd တို့ကြား တည်ဆောက်၊ လုပ်ကိုင်၊ လွှဲပြောင်းခြင်းဆိုင်ရာသဘောတူစာချုပ်(B.O.T) အား နှစ်ဖက်တာဝန်ရှိသူများက လက်မှတ်ရေးထိုးခဲ့ကြသည်။

Popular

14/08/2025

မြိတ်မြို့တွင် စိတ်ကြွရူးသွပ်ဆေးပြားများ ဖမ်းဆီးရမိ

နေပြည်တော်၊ ဩဂုတ် ၁၃

ဩဂုတ်လ ၁၁ ရက်နေ့ ၁၂၀၀ အချိန် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ သက်သေများနှင့်အတူ မြိတ်မြို့၊ ရေပုန်းရပ်ကွက်၊ အထက်ရေပုန်းရပ်၊ စပါးရွှေဝါလမ်းတွင် ထက်လှိုင်မြင့်(ခ)ကိုထက် မောင်းနှင်လာသည့် မော်တော်ဆိုင်ကယ်အား ရပ်တန့်စစ်ဆေးရှာဖွေရာ ၎င်းထံမှ စိတ်ကြွရူးသွပ်ဆေးပြား ၉,၉၅၀ ပြား(ဒေသကာလပေါက်ဈေးတန်ဖိုးငွေကျပ် ၂၉၈.၅ သိန်း)အား တွေ့ရှိသိမ်းဆည်းရမိခဲ့သဖြင့် ထက်လှိုင်မြင့်(ခ)ကိုထက်(၃၉)နှစ်အား မြိတ်မြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဖော်ထုတ်လျက်ရှိကြောင်း CCDAC MYANMAR မှ ဖော်ပြအပ်ပါသည်။

25/07/2025

တနင်္သာရီမြစ်ရေ ၁၉ ပေ ၆ လက်မ သို့ရောက်ရှိ၊ စိုးရိမ်ရေအမှတ်ထက် ၂ ပေ ၆ လက်မ ကျော်လွန်နေ

တနင်္သာရီ၊ ၂၅ ဇူလိုင် ၂၀၂၅ - တနင်္သာရီမြစ်ရေသည် ၂၀၂၅ ခုနှစ်၊ ဇူလိုင်လ ၂၅ ရက် (သောကြာနေ့) မွန်းလွဲ ၃:၀၀ နာရီတိုင်းတာချက်အရ ၁၉ ပေ ၆ လက်မ (၁၉’ ၆”) သို့ ရောက်ရှိခဲ့ပြီး၊ စိုးရိမ်ရေအမှတ် ၁၇ ပေကို ၂ ပေ ၆ လက်မ ကျော်လွန်နေကြောင်း တနင်္သာရီမြို့နယ်ကြက်ခြေနီအသင်းခွဲမှ ထုတ်ပြန်သတင်းပေးပို့ခဲ့သည်။ လက်ရှိရေအဆင့်သည် အန္တရာယ်ရေအမှတ် ၂၄ ပေသို့ ရောက်ရှိရန် ၄ ပေ ၆ လက်မ သာ လိုပြီး၊ မိုးသည်းထန်စွာ ဆက်လက်ရွာသွန်းနေပါက ရေကြီးရေလျှံမှု ဖြစ်ပေါ်နိုင်သည့် အန္တရာယ်ရှိနေသည်ဟု သတိပေးထားသည်။

၂၀၂၅ နှင့် ၂၀၂၄ မြစ်ရေအခြေအနေ နှိုင်းယှဉ်ချက်

၂၀၂၅ ခုနှစ် ဇူလိုင်လ ၂၅ ရက် နံနက် ၆:၀၀ နာရီတွင် မြစ်ရေအဆင့်သည် ၁၉ ပေ ဖြစ်ခဲ့ပြီး၊ မွန်းလွဲ ၃:၀၀ နာရီတွင် ၁၉ ပေ ၆ လက်မအထိ ထပ်မံမြင့်တက်လာခဲ့သည်။ ယခင်ရက်များဖြစ်သော ဇူလိုင်လ ၂၂ ရက်တွင် ၁၄ ပေ၊ ဇူလိုင်လ ၂၃ ရက်တွင် ၁၆ ပေ ၂ လက်မ၊ ဇူလိုင်လ ၂၄ ရက်တွင် ၁၇ ပေ ၆ လက်မအထိ တဖြည်းဖြည်း မြင့်တက်လာခဲ့သည်။ လက်ရှိအချိန်တွင် မြစ်ရေသည် စိုးရိမ်ရေအမှတ်ကို သိသိသာသာ ကျော်လွန်နေပြီး၊ အန္တရာယ်ရေအမှတ်သို့ နီးကပ်လာနေသည်။
၂၀၂၄ ခုနှစ် ဇူလိုင်လ ၃၁ ရက်တွင် တနင်္သာရီမြစ်ရေသည် ၃၁ ပေအထိ မြင့်တက်ခဲ့ပြီး၊ အန္တရာယ်ရေအမှတ် ၂၄ ပေကို ၇ ပေကျော်လွန်ကာ နှစ်ပေါင်း ၃၀ အတွင်း ဒုတိယအကြီးဆုံး ရေကြီးမှုအဖြစ် မှတ်တမ်းတင်ခဲ့သည်။ ထိုအချိန်တွင် မြစ်ရေသည် မြို့မြေနိမ့်ပိုင်းနှင့် ကျေးရွာများတွင် ရေလျှံဝင်ရောက်မှုများ ဖြစ်ပေါ်စေခဲ့ပြီး၊ အိုးအိမ်များ၊ လယ်ယာမြေများနှင့် မွေးမြူရေးတိရစ္ဆာန်များ ထိခိုက်ပျက်စီးခဲ့သည်။ ဩဂုတ်လ ၃ ရက်တွင် မြစ်ရေအဆင့်သည် ၂၂ ပေသို့ ပြန်လည်ကျဆင်းခဲ့သည်။
၂၀၂၄ ခုနှစ် ဩဂုတ်လဆန်းပိုင်းတွင် တိုင်ဖွန်းရာဂီအကြွင်းအကျန်များကြောင့် တနင်္သာရီအပါအဝင် မြန်မာနိုင်ငံ၏ တိုင်းဒေသကြီးနှင့် ပြည်နယ်ပေါင်း ၇၀ တွင် ရေကြီးရေလျှံမှုများ ဖြစ်ပေါ်ခဲ့ပြီး၊ လူဦးရေ ၁ သန်းခန့် ထိခိုက်ခံစားခဲ့ရသည်။
၂၀၂၅ ခုနှစ်တွင် မြစ်ရေသည် ၂၀၂၄ ခုနှစ်ကဲ့သို့ အန္တရာယ်ရေအမှတ်ထက် ကျော်လွန်သည့် အခြေအနေသို့ မရောက်ရှိသေးသော်လည်း၊ လက်ရှိရေအဆင့်မှာ အန္တရာယ်ရေအမှတ်သို့ နီးကပ်လာနေပြီး၊ မိုးသည်းထန်စွာ ဆက်လက်ရွာသွန်းနေပါက ၂၀၂၄ ခုနှစ်ကဲ့သို့ ပြင်းထန်သော ရေလျှံမှုများ ဖြစ်ပေါ်လာနိုင်သည့် အန္တရာယ်ရှိနေသည်။

သတင်းရင်းမြစ်: တနင်္သာရီမြို့နယ်ကြက်ခြေနီအသင်းခွဲ

24/07/2025

တနင်္သာရီမြစ်ရေ စိုးရိမ်ရေအမှတ်ကျော်လွန်၍ ဒေသခံများ သတိပြုရန် အကြံပြုထား

တနင်္သာရီမြို့၊ ၂၄ ဇူလိုင် ၂၀၂၅ - တနင်္သာရီတိုင်းဒေသကြီး၊ မြိတ်ခရိုင်၊ တနင်္သာရီမြို့နယ်အတွင်းရှိ တနင်္သာရီမြစ်ရေသည် ၂၀၂၅ ခုနှစ် ဇူလိုင်လ ၂၄ ရက် (ကြာသပတေးနေ့) နံနက် ၆:၀၀ နာရီတွင် စိုးရိမ်ရေအမှတ် ၁၇ ပေကို ကျော်လွန်ကာ ၁၇ ပေ ၆ လက်မအထိ ရောက်ရှိခဲ့ကြောင်း တနင်္သာရီမြို့နယ်ကြက်ခြေနီအသင်းခွဲမှ သတင်းထုတ်ပြန်ခဲ့သည်။
တနင်္သာရီမြစ်၏ စိုးရိမ်ရေအမှတ်မှာ ၁၇ ပေ ဖြစ်ပြီး၊ အန္တရာယ်ရေအမှတ်မှာ ၂၄ ပေ ဖြစ်သည်။ သို့သော် မိုးသည်းထန်စွာ ဆက်လက်ရွာသွန်းနေပါက ရေအမှတ်မှာ ထပ်မံမြင့်တက်လာနိုင်သဖြင့် ဒေသခံများအနေဖြင့် သတိထားရန် လိုအပ်ကြောင်း၊ဒေသခံများအနေဖြင့် မြစ်ရေ သတင်းများကို ဆက်လက်စောင့်ကြည့်ရန်နှင့် လိုအပ်ပါက ဘေးကင်းလုံခြုံသောနေရာသို့ အမြန်ဆုံးရွှေ့ပြောင်းရန် ကြက်ခြေနီအသင်းခွဲက အကြံပြုတိုက်တွန်းထားပါသည်။

သတင်းရင်းမြစ်: တနင်္သာရီမြို့နယ်ကြက်ခြေနီအသင်းခွဲ

23/07/2025

တနင်္သာရီမြစ်ရေအဆင့် စိုးရိမ်ရေအမှတ်သို့ တစထက်တစ နီးကပ်လာနေ

၂၃ ဇူလိုင် ၂၀၂၅၊ ဗုဒ္ဓဟူးနေ့ — ယနေ့ တိုင်းထွာချက်များအရ တနင်္သာရီမြစ်၏ရေအမှတ်မှာ ယနေ့ညနေ ၆:၀၀ နာရီအချိန်တွင် ၁၆ ပေ ၂ လက်မအထိ ရောက်ရှိလာခဲ့ပြီဟု တနင်္သာရီမြို့နယ် ကြက်ခြေနီ အသင်းခွဲမှ ထုတ်ပြန်ထားသော သတင်းအချက်အလက်တွင် ဖော်ပြထားသည်။

တနင်္သာရီမြစ်အတွက်
• စိုးရိမ်ရေအမှတ်မှာ ၁၇ ပေဖြစ်ပြီး
• အန္တရာယ်ရေအမှတ်မှာ ၂၄ ပေ ဖြစ်သည်။

မနေ့က ၂၂ ဇူလိုင်တွင် ရေအမှတ်၁၄ ပေသာရှိခဲ့သော်လည်း၊ ယနေ့တွင် ၂ ပေကျော် တက်လာပြီး စိုးရိမ်ရေအမှတ်သို့ တစ်လက်မမျှသာ ကျန်ရှိနေပြီဖြစ်သည်။ လက်ရှိမြစ်ရေအဆင့်သည် အန္တရာယ်ရေအမှတ် ၂၄ ပေအောက်တွင် ရှိနေသော်လည်း၊ စိုးရိမ်ရေအမှတ်နှင့် သိသိသာသာ နီးကပ်လာနေသဖြင့် ဒေသခံများအနေဖြင့် သတိထားရန်နှင့် ရေကြီးရေလျှံမှု ဖြစ်ပေါ်နိုင်သည့် အခြေအနေအတွက် ကြိုတင်ပြင်ဆင်မှုများ ပြုလုပ်ထားရန် လိုအပ်သည်။

ဓာတ်ပုံ-တနင်္သာရီမြို့နယ် ကြက်ခြေနီ အသင်းခွဲ

22/07/2025

တနင်္သာရီမြစ်ရေအဆင့် စိုးရိမ်ရေအမှတ်နီးကပ်လာနေ

တနင်္သာရီ၊ ၂၂-၇-၂၀၂၅

ယနေ့ အင်္ဂါနေ့၊ ညနေ ၅:၃၀ နာရီတွင် တနင်္သာရီမြစ်ရေအဆင့်သည် ၁၄ ပေ (၁၄’၀”) သို့ရောက်ရှိနေပြီး စိုးရိမ်ရေအမှတ် ၁၇ ပေသို့ရောက်ရန် ၃ ပေသာလိုအပ်တော့ကြောင်း တနင်္သာရီမြို့နယ်ကြက်ခြေနီအသင်းခွဲ၏ ထုတ်ပြန်ချက်အရ သိရသည်။မိုးရေများပြင်းထန်စွာ ရွာသွန်းနေမှုနှင့် တခြားသဘာဝအခြေအနေများကြောင့် တနင်္သာရီမြစ်ရေ ပမာဏ တဖြည်းဖြည်းတက်လာနေသည်ဟု သိရှိရသည်။
တနင်္သာရီမြစ်အတွက်
• စိုးရိမ်ရေအမှတ်မှာ ၁၇ ပေဖြစ်ပြီး
• အန္တရာယ်ရေအမှတ်မှာ ၂၄ ပေ ဖြစ်ပါသည်။

လက်ရှိရေအဆင့်သည် စိုးရိမ်ရေအမှတ်နှင့် သိသိသာသာနီးကပ်လာနေသဖြင့် ဒေသခံများအနေဖြင့် သတိထားရန်နှင့် ကြိုတင်ပြင်ဆင်မှုများ ပြုလုပ်ထားရန် တိုက်တွန်းထားသည်။တနင်္သာရီမြစ်ရေသည် စိုးရိမ်ရေအမှတ်အနီးသို့ ရောက်ရှိလာနိုင်သောကြောင့် မြစ်အနီးတွင် နေထိုင်သူများအနေဖြင့် အောက်ပါအရေးကြီးသော အချက်များကို လိုက်နာဆောင်ရွက်သင့်ပါသည်။

၁။ ကြိုတင်ပြင်ဆင်မှုများ
- မိုးရေချိန်၊ မြစ်ရေအခြေအနေနှင့် သက်ဆိုင်ရာ သတင်းအချက်အလက်များကို ပုံမှန်စောင့်ကြည့်ပါ။
ပါ။
- အရေးပေါ်အခြေအနေအတွက် လိုအပ်သော ပစ္စည်းများ (ရေ၊ ဆေး၊ ဓာတ်ဆီ၊ မုန့်၊ ဖုန်း၊ ဓာတ်မီး၊ အရေးပေါ်ဆေးဘက်ဆိုင်ရာပစ္စည်းများ) ကို အဆင်သင့်ပြင်ဆင်ထားပါ။
- အရေးကြီးစာရွက်စာတမ်းများ ထိမ်းသိမ်းပါ။မှတ်ပုံတင်၊ ဘဏ်စာအုပ်၊ အိမ်ခြံမြေစာချုပ်စသည့် အရေးကြီးစာရွက်စာတမ်းများကို ရေစိုခံသော အိတ်တွင် သေချာထည့်သိမ်းထားရှိပါ။

၂။ ရေကြီးနိုင်သော အန္တရာယ်လက္ခဏာများကို သတိပြုပါ။

- မြစ်ရေအလွန်အမင်းမြင့်တက်လာခြင်း၊ ရေစီးနှုန်းပြင်းထန်လာခြင်း၊ ရေနောက်ကျိလာခြင်း စသည့် လက္ခဏာများကို သတိထားပါ။
- သက်ဆိုင်ရာအဖွဲ့အစည်းများမှ သတိပေးချက်များ၊ အရေးပေါ်အခြေအနေကြေငြာချက်များကို ဂရုတစိုက်နားထောင်ပါ။

၃။ လုံခြုံရေးအတွက် လိုက်နာရမည့်အချက်များ

- မြစ်ကမ်းနဖူးနှင့် အနိမ့်ပိုင်းဒေသများမှ စောစီးစွာ ရွှေ့ပြောင်းနေထိုင်ပါ။
- ရေစီးသန်တဲ့နေရာတွေ၊ ရေနစ်မြုပ်နေတဲ့ လမ်းတွေနဲ့ တံတားတွေကို ဖြတ်ကျော်ခြင်း ရှောင်ကြဉ်ပါ။
-လျှပ်စစ်နဲ့ ပတ်သတ်၍ သတိရှိပါ။
-အိမ်မွေးတိရစ္ဆာန်တွေအတွက်လည်း စနစ်တကျ ပြင်ဆင်ထားပါ။

၄။ အရေးပေါ်အခြေအနေတွင် ဘာလုပ်ရမည်နည်း

-ရေကြီးလာပါက ရွှေ့ပြောင်းနိုင်မည့် မြင့်မားသောနေရာ သို့မဟုတ် ဘေးကင်းသော အိမ်/အဆောက်အအုံကို ကြိုတင်သိရှိထားပါ။
- ကလေးများ၊ သက်ကြီးရွယ်အိုများနှင့် မသန်စွမ်းသူများကို ဦးစားပေးကူညီပါ။
- အရေးပေါ်ဖုန်းနံပါတ်များ (ကြက်ခြေနီ၊ကယ်ဆယ်ရေး၊ ရဲ၊မီးသတ်၊ကျန်းမာရေးစသည့်) ကို လက်လှမ်းမှီသမျှ မှတ်သားထားပါ။
- ဆက်သွယ်ရေးလမ်းကြောင်းတွေ ရွေးချယ်ထားပါ။ ဖုန်းလိုင်းတွေ ပြတ်တောက်နိုင်ခြေနိုင်တာကြောင့် အခြားဆက်သွယ်ရေးနည်းလမ်းတွေကိုလည်း စဉ်းစားထားပါ။

သတိဖြင့် ကြိုတင်ကာကွယ်ခြင်းသည် အသက်အန္တရာယ်နှင့် ပစ္စည်းဥစ္စာဆုံးရှုံးမှုများကို လျော့ချနိုင်ပါသည်။

ဓာတ်ပုံ -တနင်္သာရီမြို့နယ်ကြက်ခြေနီအသင်းခွဲ

10/07/2025

ဝါဆိုလပြည့်နေ့ ဘုတ် ရေတံခွန် အခြေနေ...

သဘာဝတရားကြီး လှနေတာကို

စည်းမဲ့ ကမ်းမဲ့ မလုပ်ကြပါနဲ့ဗျ.. 🙏

Photo..crd.

08/07/2025

မြိတ်မြို့ပေါ်တွင် လုယက် ဓားထိုးမှုကြောင့် လူငယ်တစ်ဦးသေဆုံး...
______________________________

ဇူလိုင် ၈

မြိတ်မြို့ပေါ်တွင် လုယက်ပြီး ဓားဖြင့်ထိုးသဖြင့် လူငယ်အမျိုးသားတစ်ဦး သေဆုံးကြောင်း မြို့ခံအချို့ထံမှ သိရသည်။

အသက် ၂၈နှစ်အရွယ် ကိုသီဟဝင်းသည် ဇူလိုင်လ ၇ ရက် ည ၉ နာရီခန့်တွင် ဆိုင်ကယ်စီးပြီး တစ်ဦးတည်းလာချိန် မြိတ်မြို့ ကားကြီးဝင်း (အသစ်) အနီးတွင် လုယက်သတ်ဖြတ်ခံရကြောင်း ကိုသီဟဝင်း၏ မိတ်ဆွေတစ်ဦးက ပြောသည်။

"ဆိုင်ကယ်၊ ဖုန်းလုပြီး ဓားနဲ့ ထိုးသတ်ခဲ့တာ" ဟု ၎င်းက ပြောဆိုသည်။

ကိုသီဟဝင်းက ဆိုင်ကယ်ဖြင့် မည်သည့်နေရာသို့သွားသည်ဆိုသည့်အကြောင်းနှင့် လုယက်မှု အခြေအနေ အသေးစိတ်ကို မသိရသေးပေ။

ဓားထိုးခံရမှုကြောင့် အခင်းဖြစ်နေရာတွင် သေဆုံးခဲ့ပြီး ၎င်းကို အရေးပေါ်လူနာတင်ယာဥ်ဖြင့် မြိတ်မြို့ဆေးရုံကြီးသို့ ပို့ဆောင်ခဲ့ကြောင်း ကူညီပေးခဲ့သည့် လူမှုကူညီရေးအဖွဲ့ တာဝန်ရှိသူတစ်ဦးက ဆိုသည်။

"နေရာမှာပဲ ပွဲချင်းပြီး ဆုံးနေပြီဆိုတော့ ရင်ခွဲရုံတစ်ခါတည်း ရောက်သွားတာ" ဟု ၎င်းက ပြောသည်။

ကိုသီဟဝင်းသည် ရန်ကုန်ပညာရေးတက္ကသိုလ်ကျောင်းဆင်း ပညာရေးဘွဲ့ (B.Ed.) ရ လူငယ်တစ်ဦးဖြစ်ပြီး ရုပ်အလောင်းကို ယနေ့ နေ့လယ်ပိုင်းတွင် နေအိမ်သို့ ပြန်လည်သယ်လာကြောင်း မြို့ခံအချို့ထံမှ သိရသည်။

ကမ်းရိုးတန်းတိုင်းစစ်ဌာနချုပ်အခြေစိုက်ထားသည့် မြိတ်မြို့ပေါ်တွင် ငွေကြေးနှင့် တန်ဖိုးရှိပစ္စည်း လုယက်ခံရမှုများ ဆက်တိုက်ဖြစ်ပွားနေသည်။

ပြီးခဲ့သည့် မေလ ၂၀ရက် တစ်ညအတွင်းတွင်ပင် မြိတ်မြို့ ပါရမီလမ်းတွင် လုယက်မှုသုံးကြိမ်ဆက်တိုက်ဖြစ်ပွားခဲ့ပြီး ငွေကြေးနှင့် ဖုန်းအချို့ လုယက်ခံရကြောင်း မြို့ခံများထံမှ သိရသည်။

ယခုနှစ် ဇန်နဝါရီလဆန်းကလည်း မြစ်ငယ်ရပ်၊ ရေကန်ဘောင်အနီး ဘုန်းကြီးကျောင်းအနောက်ဘက်တွင် စုံတွဲတစ်တွဲကို ဓားဖြင့်ထိုးပြီး ပစ္စည်းလုယက်မှု ဖြစ်ပွားခဲ့သေးသည်။

Credit to Dawei Watch

03/07/2025

လမ်းပန်းဆက်သွယ်ရေး မကောင်းသဖြင့် ဒူးရင်းစေ့ အဝယ်ဒိုင်အချို့ အရောင်းအဝယ်ရပ်နား

မြိတ်-ထားဝယ်ကားလမ်းနှင့် မောတောင်နယ်စပ်ကုန်သွယ်ရေးလမ်းတို့တွင် နယ်မြေမတည်ငြိမ်မှုကြောင့် လမ်းပန်းဆက်သွယ်ရေးအခက်အခဲဖြစ်ပြီး ဒူးရင်းစေ့ အဝယ်ကျကာ တွက်ခြေမကိုက်သဖြင့် ဒူးရင်းစေ့ အရောင်းအဝယ် ပြုလုပ်သူအချို့ လုပ်ငန်းရပ်နားလိုက်ကြကြောင်း သိရသည်။

မြိတ်အဝယ်ဒိုင်၏ ဧပြီလကုန်ပိုင်း အဖွင့်စျေးမှာ ဒူးရင်းစေ့ တစ်ပိသာ ကျပ်လေးထောင်ဝန်းကျင် ရှိခဲ့ပြီး မေလတွင် ကျပ်တစ်ထောင့်ငါးရာဝန်းကျင်ခန့်သာ ရရှိတော့ကြောင်း စျေးကွက်အတွင်းမှ စုံစမ်းသိရှိရသည်။

“စျေးလည်းမငြိမ် ၊ လမ်းခရီးလည်း မကောင်းလို့ အခုနှစ် လုံးဝမဝယ်ဖြစ်လိုက်ဘူး။ ပထမ ဝယ်ဖို့စုံစမ်းသေးတယ်။ လမ်းကြောင်းခရီးတွေ အဆင်မပြေတော့ ရပ်လိုက်တယ်။ ထားဝယ်မှာတော့ အခုနှစ် ဒူးရင်းစေ့ ဝယ်သမား မရှိတော့ဘူး။ လမ်းကြောင်းကလည်း ပိတ်လိုက် ဖွင့်လိုက် ဖြစ်နေလို့ လုပ်လို့မရဲကြဘူး။ အရင်ကဆို မြိတ်-ထားဝယ် ကား နေ့ချင်းရောက်တယ်။ အခုက မရတော့ဘူး” ဟု ထားဝယ်မြို့က ဒူးရင်းစေ့ အဝယ်ဒိုင်တစ်ဦးကပြောသည်။

မြိတ်-ထားဝယ် ကားလမ်းတွင် ယခုနှစ်ဆန်းကစ၍ ထိတွေ့တိုက်ပွဲများ ခပ်စိပ်စိပ်ဖြစ်လာပြီး ကားလမ်းရက်ရှည်ပိတ်ဆို့မှုများလည်း မကြာခဏကြုံနေရကြောင်း၊ ဒူးရင်းစေ့ တင်ပို့ရာတွင် ကားသမားများကလည်း အာမခံမပေးသဖြင့် သယ်ယူပို့ဆောင်ရေး အခက်အခဲရှိကြောင်း ၎င်းကဆက်ပြောသည်။

ဒေသမျိုးဒူရင်းသီးများ၏ အစေ့ကိုသာ အရောင်းအဝယ်ပြုလုပ်ခြင်းဖြစ်ပြီး သယ်ယူပို့ဆောင်ရင်း အပင်ပေါက်သွားသည့် အစေ့များကို အဝယ်ဒိုင်က ဝယ်ယူခြင်းမရှိတော့ကြောင်း ဒူးရင်းစေ့ အဝယ်ဒိုင်များပြောသည်။

ထားဝယ်ဒေသထွက် ဒူးရင်းစေ့ကို မြိတ်သို့ ကားလမ်းမှတစ်ဆင့် တင်ပို့ပြီး ထိုင်းနိုင်ငံသို့ မောတောင်ကားလမ်း ၊ ကော့သောင်း ရေလမ်းမှတစ်ဆင့် ပြန်ပို့ကာ ရောင်းချခြင်းဖြစ်သည် ဟု ဒူးရင်းစေ့ လုပ်ငန်းလုပ်ကိုင်သူများထံမှသိရသည်။

မြိတ်ဒေသရှိ ဒူးရင်းစေ့ စျေးကွက်တွင်လည်း ဒူးရင်းစေ့ အဝယ်စျေး တစ်ပိသာ လျှင် ကျပ်တစ်ထောင်ဝန်းကျင်သာရှိနေပြီး အဝယ်ဒိုင်အချို့ ပြီးခဲ့သည့် မေလကတည်းက အရောင်းရပ်ထားကြောင်း သိရှိရသည်။

“အခုက စျေးကွက်ကို မရှိတော့ဘူး။ မောတောင်လမ်းက ပို့ရင် နီးတယ်ဆိုတော့ စျေးနည်းနည်းပိုရတယ်။ ကော့သောင်းလမ်းက စရိတ်လည်းကြီးတယ်။ ကမ်းကူးခတွေလည်း စျေးကြီးတယ်။ ပြီးတော့ အခုနှစ် ထိုင်းဘက်ကလည်း အဝယ်နည်းတယ်” ဟု မြိတ်မြို့က ဒူးရင်းစေ့ အဝယ်ဒိုင် အမျိုးသမီးတစ်ဦး ကပြောသည်။

ဒူးရင်းစေ့ တင်ပို့သည့် လမ်းကြောင်းတစ်ခုဖြစ်သည့် နယ်စပ်ကုန်သွယ်ရေး လမ်းဖြစ်သော တနင်္သာရီ – မောတောင်လမ်းပိုင်းတွင်လည်း စစ်ကောင်စီ နှင့် တော်လှန်ရေးအင်အားစုများအကြား နှစ်ဝက်ကျော်အကြာ စစ်ရေးတင်းမာကာ တိုက်ပွဲများ ဆက်ရှိနေဆဲဖြစ်သည်ဟု ဒေသခံများထံမှသိရသည်။

အဝယ်စျေးနည်းသော်လည်း ရသည့်စျေးဖြင့် ဒူးရင်းစေ့ အရောင်းအဝယ်ပြုလုပ်နေသူအချို့လည်း ကျန်သေး ကြောင်း စျေးကွက်အတွင်းမှ စုံစမ်းသိရှိရသည်။

“ပြီးခဲ့တဲ့တစ်နှစ်က တစ်ပိသာ တစ်သောင်းရှစ်ထောင် (ကျပ်) အထိရဖူးတယ်။ အခုက ငါးရာစျေးပဲရှိတယ်။ ပစ်ချရမယ့်အတူတူ ရောင်းနေကြတဲ့သူတွေတော့ရှိတယ်။ လိုက်ဝယ်တဲ့သူတော့ နည်းသွားတယ် ” ဟု တနင်္သာရီမြို့နယ် က ဒူးရင်းခြံရှင် တစ်ဦးကပြောသည်။

လွန်ခဲ့သည့် ငါးနှစ်ခန့်က ဒူးရင်းစေ့ တစ်ပိဿာကို ၇၀၀ဝကျပ်အထိ စျေးရပြီး နောက်ပိုင်းနှစ်များတွင် တစ်ပိဿာကို ၅၀၀ဝကျပ်၊ ၃၀၀ဝကျပ်၊ ၁၅၀ဝကျပ်အထိ ဈေးနှုန်း ကျဆင်းသွားကာ ယမန်နှစ်က ကျပ်နှစ်သောင်းဝန်းကျင်အထိ စျေးပြန်တက်ခဲ့ဖူးသည်ဟု ဒူးရင်းစေ့ဝယ်သူများထံမှသိရသည်။

ဒူးရင်းစေ့ အရောင်းအဝယ် ကို နှစ်စဥ် သင်္ကြန်ကာလနောက်ပိုင်းမှစ၍ ဇူလိုင်လ ၊ သြဂုတ်လအထိ အရောင်းအဝယ်ပြုလုပ်လေ့ရှိကြောင်း ဒူးရင်းစေ့ အရောင်းအဝယ်ပြုလုပ်သူများကပြောသည်။

ထိုင်းနိုင်ငံတွင် ဒူးရင်းစေ့ကို ဆပ်ပြာ၊ အသားလှဆီ စသည့် လူသုံးအလှကုန်များ ထုတ်လုပ်ရာတွင် အသုံးပြုလေ့ရှိသည်။

ယင်းအပြင် ဂျုံမှုန့်နှင့် မုန့်အမျိုးမျိုး လုပ်ရာတွင်လည်း အသုံးပြုသလို အပင်မျိုးစပ်ကိုင်းကူးရာတွင်လည်း အသုံးပြုကြသည်။

Credit to Dawei Watch

30/06/2025

မြိတ်မြို့တွင်နေထိုင်သူများအနေဖြင့်

တစ်ခါတစ်ရံ အမှိုက်ကားပျက်၍သော်လည်ကောင်း၊
အမှိုက်နဲ့ပတ်သက်၍အခက်အခဲများကိုနီးစပ်ရာနေရာများတွင် လွယ်ကူစွာ ဖြေရှင်းနိုင်ရန်အတွက်

မြိတ်မြို့၏အောက်ပါနေရာ (၅ နေရာ)တွင်
အမှိုက်ပုန်းများစီစဥ်ထားရှိ ထားတာကို တွေ့ရှိရပါသည်

👉ကမ်းနားလမ်း we love myeik အနီး
👉ကမ်းနားလမ်း လင်းပိုင် ရုပ်အနီး
👉မြန်မာ့စီးပွားရေးဘဏ်အရှေ့ အနီး
👉တောရကျောင်း အနီး
👉ကုတင်၁၀၀ တပ်ဆေးရုံ အနီး

Crd to Ko Naing Myeik

မြိတ် သတင်း Media Mergui

20/09/2025

15/09/2025

19/08/2025

14/08/2025

25/07/2025

24/07/2025

23/07/2025

22/07/2025

10/07/2025

08/07/2025

03/07/2025

30/06/2025

Address

Website

Alerts

Shortcuts

Share

Category