28/04/2024
စစ်သင်တန်းမတက်ဖူးသည့် ပအိုဝ်းဒေသခံများကိုပါ PNO ပြည်သူ့စစ်က စစ်ဆင်ရေးတွင် အသုံးပြုနေပြီး ရှေ့တန်း၌ သေဆုံးမှုရှိနေ
ဧ ပြီ ၂၈
စစ်ကောင်စီ လက်အောက်ခံ ပြည်သူ့စစ်တပ်ဖွဲ့ PNOက ဒေသခံများအား အဓမ္မ စစ်သားစုဆောင်းပြီး ရှေ့တန်းစစ်မြေပြင်၌ အသုံးပြုလျက်ရှိရာ စစ်သင်တန်းတက်ဖူးခြင်းမရှိသူ အချို့လည်း တိုက်ပွဲ၌ သေဆုံးမှုများ ရှိနေသည်ဟု ပအိုဝ်းဒေသခံ သတင်းရင်းမြစ်က ပြောသည်။
ဧပြီ ၂၆ရက်က ဟိုပုံးမြို့နယ် မဲနယ်တောင် ဒေသ ဒုံကောင်ရွာခံ အမျိုးသား တစ်ဦးသည် ပြည်သူ့စစ်က ခေါ်ယူသွားပြီး ရက်ပိုင်းအတွင်း တိုက်ပွဲ၌ သေဆုံးခဲ့သည်ကို ၎င်း၏ သူငယ်ချင်းများက လူမှုကွန်ရက်မှ တဆင့်အသိပေးထား
သည်။
“မနေ့ကရှေ့တစ်နေ့ ၂၆ရက်နေ့ တိုက်ပွဲမှာ သေသွားတဲ့ PNO ပြည်သူ့စစ် တစ်ယောက်ပေါ့။ သူ့သူငယ်ချင်းတွေ တင်ထားတာက ဗမာလို အဓိပ္ပါယ်ပြန်ရရင် စိတ်နာစရာ အရမ်းကောင်းတယ်တဲ့ ။ စစ်သင်တန်းလည်း မတက်ရဘူး။ သေနတ်လည်းမပစ်တက်ဘူးတဲ့။ တိုက်ပွဲအတွေ့အကြုံလည်း မရှိဘူးတဲ့။ အဲဒါ ပြည်သူ့စစ်ခေါ်တာကို သွားရတာ။ တစ်ညပဲ အိပ်ရတယ် သေသွားတယ်တဲ့” ဟု ပအိုဝ်းသတင်းရင်းမြစ်က ပြောပြသည်။
တိုက်ပွဲ၌ သေဆုံးသွားသူသည် ဒုံကောင်ရွာမှ ခွန်အောင်ရွှေဆိုသူ ဖြစ်ပြီး ဆီဆိုင်မြို့နယ်တိုက်ပွဲ၌ ကျဆုံးခဲ့သည်ဟု ပြောပြသည်။
စစ်ကောင်စီနှင့် PNO ပြည်သူ့စစ်များ၏ လုပ်ရပ်များသည် ၎င်းတို့ အကျိုးစီးပွားနှင့် အာဏာတည်မြဲရေး အင်အားလိုအပ်နေသည့်အပေါ် ယခုကဲ့သို့ ရွာခံများကို အသုံးပြုနေခြင်းဖြစ်သည်ဟု ပအိုဝ်းသတင်းရင်းမြစ်က ပြောသည်။
“ပြောရရင်တော့ ဘယ်သူ သေသေ ငတေမာရင်ပြီးရော ဆိုတဲ့ ပုံစံနဲ့ ဘယ်သူပဲ သေသေ လူထုပဲ သေသေ ၊ လူထုတွေဘယ်လောက် ပျက်စီးပျက်စီး သူတို့ အကျိုးစီးပွား မထိခိုက်ရင် ပြီးရော သူတို့ အကျိုးစီးပွား ကာကွယ်နိုင်ရင်ပြီးရောဆိုတဲ့ ပုံစံနဲ့ ပြည်သူလူထုကို အတင်းအဓမ္မရှေ့တန်းပို့တာ လူသားတံတိုင်းလုပ်တာတွေ လုပ်တာပေါ့” ဟု ပအိုဝ်းသ
တင်းရင်းမြစ်က ပြောသည်။
လက်ရှိတွင် ဆီဆိုင်မြို့နယ်အတွင်း ပအိုဝ်းအမျိုးသားလွတ်မြောက်ရေးတပ်မတော်(PNLA)နှင့် စစ်ကောင်စီအကြား တိုက်ပွဲများ ဆက်လက်ပြင်းထန်နေပြီး ပြီးခဲ့သည့် ရက်ပိုင်းများအတွင်း စစ်ကောင်စီတပ်ဘက်က တိုက်ပွဲများ၌ အထိအခိုက်အကျဆုံးရှိခဲ့ကြောင်း PNLAက အသိပေးထားသည်။
(နေဝင်းထွန်းနှင့် PNO/PNA ခေါင်းဆောင်အချို့/ PNA သင်တန်းသားများ /တိုက်ပွဲ၌ သေဆုံးခဲ့သော PNO/ PNA ပြည်သူ့စစ်စုဆောင်းခံရသူတစ်ဦး၏ နာရေးဖိတ်စာ။
ဓါတ်ပုံ-PNA)
