12/06/2024
အလုပ်မှာဖြတ်သန်း ကြုံတွေ့နေတဲ့
အခက်အခဲနဲ့ဖိအားတွေကို
မိသားစုက သိမှာမဟုတ်သလို
အလုပ်ကလူတွေကလဲ
ကိုယ့်အိမ်မှာ ဖြစ်နေ ကြုံနေရတဲ့
အခြေအနေတွေကို သိကြမှာမဟုတ်ပါဘူး။
သူငယ်ချင်းတွေ မိတ်ဆွေတွေကလဲ
ကိုယ်ယူထားရတဲ့ တာဝန်တွေရဲ့
လေးနက်မှု နက်ရှိုင်းမှုကို
နားလည်ကြမှာမဟုတ်ပါဘူး။
ဘဝရဲ့လက်တွဲဖော်ဆိုသူကလည်း
ကိုယ့်ဆီကသာ ချစ်ခြင်းတွေနဲ့
အားပေးမှုတွေ နွေးထွေးမှုကိုပဲ
မျှော်လင့်လေ့ရှိကြတာဖြစ်ပြီး
ကိုယ်ရင်ဆိုင်နေရတဲ့ ဖိအားတွေအကြောင်း
(ဘယ်လိုပဲပြောပြပြောပြ)
ကိုယ်ချင်းစာနိုင်ကြမှာမဟုတ်ပါဘူး။
ကမ္ဘာပေါ်မှာ ဘယ်သူကမှ
ကိုယ့်ဘဝမှာတကယ်ဖြစ်ပျက်နေတဲ့အရာတွေကို
နားလည်ပေးနိုင်ကြမှာမဟုတ်သလို
သင့်ရဲ့ကြိုးစားအားထုတ်မှုတိုင်းကိုလဲ
အသိအမှတ်ပြုနိုင်မှာ မဟုတ်ပါဘူး။
ဒါဟာသာမန်ပါ။
ဒါဟာဘဝပါ။
ဘယ်သူ့ကိုမှ အပြစ်တင်နေဖို့မလိုပါဘူး။
ကိုယ့်ဘဝကို ကိုယ်တိုင်နားလည်နိုင်ဖို့က
အရေးကြီးပြီး ကိုယ်ပျော်ဖို့က
ကိုယ့်မှာပဲ တာဝန်ရှိပါတယ်။
