Let's Talk Burmese

Let's Talk Burmese Let's Talk Burmese

လှိုင်သာယာနဲ့ မတန်လို့ အိမ်ပြောင်းတော့မည့် အဆိုတော် Anoni Mus 🤭
21/08/2023

လှိုင်သာယာနဲ့ မတန်လို့ အိမ်ပြောင်းတော့မည့် အဆိုတော် Anoni Mus 🤭

စစ်တပ်က လူသားဒိုင်းအဖြစ်ဖမ်းဆီးခံသွားရတဲ့ ဒွမ်ဘုံးရွာသား ၅ ဦးပြန်လွတ်လာဩဂုတ် ၂၁.၈.၂၀၂၃ကချင်ပြည်နယ် နမ္မတီးဘက်ကနေ ဖားကန့်...
21/08/2023

စစ်တပ်က လူသားဒိုင်းအဖြစ်ဖမ်းဆီးခံသွားရတဲ့ ဒွမ်ဘုံးရွာသား ၅ ဦးပြန်လွတ်လာ

ဩဂုတ် ၂၁.၈.၂၀၂၃

ကချင်ပြည်နယ် နမ္မတီးဘက်ကနေ ဖားကန့်ဘက်ကို စစ်ကြောင်းထိုးလာတဲ့စစ်ကောင်စီတပ်တွေ လူသားအဖြစ် ဖမ်းဆီးသွားတဲ့ ဒွမ်ဘုံးကျေးရွာ (Dumbung)က ဒေသခံပြည်သူ ၅ ဦး မနေ့ ညနေပိုင်းမှာ ပြန်လွတ်လာပြီဖြစ်ကြောင်း ဒေသခံတွေဆီကနေ သိရပါတယ်။

အဲဒီဒွမ်ဘုံဒေသခံ ၅ ဦးဟာ ဩဂုတ်လ ၁၉ ရက်နေ့က နမ္မတီးဘက်ကနေ ဖားကန့်လမ်းဘက် စစ်အင်အား ၁၀၀ လောက်ရှိတဲ့ စစ်ကြောင်းဝင်ရောက်လာတဲ့ စစ်ကောင်စီတပ်သားတွေဟာ ဒွမ်ဘုံးကျေးရွာအရောက်မှာတော့ လယ်ယာလုပ်ငန်းနဲ့ ခြံလုပ်ငန်းလုပ်ကိုင်နေတဲ့ ဒေသခံအမျိုးသား ၅ ဦးကို လူသားဒိုင်းအဖြစ် ဖမ်းဆီးသွားခဲ့တာဖြစ်ပါတယ်။

“စနေနေ့က ခေါ်သွားပြီး တနင်္ဂနွေညနေ မနေ့ကပေါ့ ကားမိုင်းဂိတ်မှာ ပြန်လာပို့တာ။ သူတို့က ပြည်သူပါရင်တော့ သူတို့စစ်ကြောင်းတွေ မပစ်ခံရဘူးပေါ့ အဲ့လိုနဲ့ လူသားဒိုင်းအနေနဲ့ခေါ်သွားတာဖြစ်နိုင်တယ်။ လယ်ယာလုပ်ငန်းဝင်နေသူတွေ လမ်းမှာတွေ့တဲ့ အမျိုးသားတွေကို ခေါ်သွားတာပေါ့” လို့ ဒွမ်ဘုံးကျေးရွာ ဒေသခံတစ်ဦးက ပြောပါတယ်။

ပေါက်-ပခုက္ကူ လမ်းပိုင်းတွင် စစ်တပ် ယာဉ်တန်းကို မိုင်းဆွဲတိုက်ခိုက်၊ မြိုင်တွင် စစ်ကြောင်းကို ၃ ရက်ဆက် ဗုံးသီး ၉၀ ကျော် ...
21/08/2023

ပေါက်-ပခုက္ကူ လမ်းပိုင်းတွင် စစ်တပ် ယာဉ်တန်းကို မိုင်းဆွဲတိုက်ခိုက်၊ မြိုင်တွင် စစ်ကြောင်းကို ၃ ရက်ဆက် ဗုံးသီး ၉၀ ကျော် ကျဲချ တိုက်ခိုက်

ပြောကြမယ်၊ ဩဂုတ် ၂၁

မကွေးတိုင်း၊ ပေါက်မြို့နယ်၊ ရေပြာရွာမှ ထွက်လာသော အကြမ်းဖက် စစ်တပ် ယာဉ်တန်းကို မိုင်း ဆွဲတိုက်ခိုက် ခဲ့ရာ စစ်ကား ၂ စီးထိမှန်ခဲ့ပြီး စစ်သားများ ထိခိုက်သေဆုံးမှုရှိနိုင်ကြောင်း Anonymous Special Task Force- Pauk တပ်ဖွဲ့မှ တာဝန်ရှိသူတစ်ဦးက ပြောကြားသည်။

ယမန်နေ့ ဩဂုတ်လ ၂၀ ရက် နေ့က ပေါက်မြို့နယ်၊ ရေပြာမှ ထွက်လာသော အကြမ်းဖက်စစ်ကား ၈၀ ပါ ယာဉ်တန်းကို ပေါက်-ပခုက္ကူလမ်းပိုင်းတနေရာတွင် မိုင်းပွိုင့် ၂ ခု မိုင်းအလုံးရေ ၁၂ လုံးဖြင့် ဖောက် ခွဲတိုက်ခိုက်ခဲ့ရာ ကား ၂ စီး ထိမှန်ပြီး အကြမ်းဖက်စစ်သားများ ထိခိုက်သေဆုံးမှုရှိနိုင်ကြောင်း သိသည်။

အဆိုပါတိုက်ခိုက်မှုကို Anonymous Special Task Force- Pauk တပ်ဖွဲ့၊ ဗိုလ်လရောင်တပ်ဖွဲ့နှင့် ဆိုင် ကလုန်းပြောက်ကျားတပ်ဖွဲ့တို့ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။

ထို့ပြင် မကွေးတိုင်း၊ မြိုင်မြို့နယ်၊ ကန်နီ(ပျူ)ရွာရှိ အကြမ်းဖက်စစ်ကြောင်းကို ၃ ရက်ဆက်တိုက် အီနာဗုံးသီး အလုံး ၉၀ ကျော် ကျဲချတိုက်ခိုက်ခဲ့ကြောင်း မြိုင်ပကဖမှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာနထံသို့ ပြောကြားသည်။

ဩဂုတ်လ ၁၈ ရက်နေ့တွင် တောင်ဦးရွာဘက်မှ အင်အား ၁၀၀ နှင့် ၂၀၀ ကြားပါ စစ်သားကို ကန်နီ(ပျူ) ရွာမှ ပျူစောထီးများက ရိက္ခာပြတ်နေသဖြင့် ငွေပေးခေါ်ခဲ့ရာ ယင်းအကြမ်းဖက်စစ်ကြောင်းသည် ပြည် သူ ၃၀ ခန့်ကို ဓားစာခံဖမ်းဆီးပြီးကွမ်းတောရွာသို့ သေနတ်များပစ်ခတ်ဝင်ရောက်ကာ ပြည်သူပိုင်ပစ္စည်း များကို ခိုးယူဖျက်ဆီးပြီး ကန်နီ(ပျူ)စခန်းသို့ ရိက္ခာဖြည့်ပေးရင်းဝင်ရောက်ခဲ့ကြောင်း၊ ယင်းအကြမ်းဖက် စစ်သားများကို ဩဂုတ်လ ၂၀ ရက်နေ့အထိ ၃ ရက်ဆက်တိုက် အီနာဂါဗုံးသီး အလုံး ၉၀ ကျော်ကျဲချ တိုက်ခိုက်ခဲ့ကြောင်း သိရသည်။

အဆိုပါ ဗုံးကျဲတိုက်ခိုက်မှုကို မြိုင်မြိုနယ်၊ ပြည်သူ့တော်လှန်ရေး ပကဖ တပ်ရင်း ၁ ၊ တပ်ခွဲ ၃ ၊ တပ်ရင်း ၂ တပ်ခွဲ ၂ ၊ Myaing.U.A.V.fighter အဖွဲ့နှင့် MPL ပကဖ တိုက်နယ် ၄ အဖွဲ့တိုပူးပေါင်းတိုက်ခိုက်ခဲ့ခြင်း ဖြစ်ပြီး အကြမ်းဖက်စစ်သား ထိခိုက်သေဆုံးမှု စုံစမ်းနေဆဲဖြစ်ကြောင်း သိရသည်။

ပဲခူးတိုင်း၊ရွှေကျင်မြို့နယ်တွင် စစ်တပ်တပ်ရင်းများကို တော်လှန်ရေးတပ်များက ပစ်ခတ် တိုက်ခိုက်မှုဖြစ်ပွားပြီးနောက် စစ်တပ်က ...
21/08/2023

ပဲခူးတိုင်း၊ရွှေကျင်မြို့နယ်တွင် စစ်တပ်တပ်ရင်းများကို တော်လှန်ရေးတပ်များက ပစ်ခတ် တိုက်ခိုက်မှုဖြစ်ပွားပြီးနောက် စစ်တပ်က လမ်းမများကို ဖျက်ဆီးဖြတ်တောက်

■ တော်လှန်ရေးတပ်များ လာတိုက်လျှင် ခြိမ်းခြောက်ထားသည့်အတိုင်း စစ်တပ်က လက်နက် ကြီးများဖြင့် ပြည်သူများကို ပစ်ခတ်မှု ၁ ဦးဒဏ်ရာရ

ဩဂုတ် ၂၁

ပဲခူးတိုင်း၊ ရွှေကျင်မြို့နယ်တွင် စစ်တပ် တပ်ရင်းများကို တော်လှန်ရေးတပ်များက ပစ်ခတ်တိုက်ခိုက်မှုများဖြစ်ပွားပြီးနောက် စစ်တပ်က အများပြည်သူများ သွားလာနေသော လမ်းများကို ဖျက်ဆီး ဖြတ်တောက်မှုများ လုပ်ဆောင်နေကြောင်း ဒေသပြည်သူများထံမှ သိရှိရသည်။

ဩဂုတ်လ ၂၀ ရက်နေ့ နံနက် ၅ နာရီ ၃၀ မိနစ်အချိန် ပဲခူးတိုင်း၊ ရွှေကျင်မြို့နယ်၊ ဇလုပ်ကြီး ရှိ တပ်ရင်း ၅၉၈ တပ်ဂိတ်၀ကို ၄၀ မမ ၅ လုံးဖြင့် တော်လှန်ရေးတပ်ဖွဲ့များက တိုက်ခိုက်ခဲ့ကြောင်း ၊ စစ်တပ်က ၄၀ မမ လက်နက်ကြီးကျည် ၂ လုံးဖြင့် ပြန်လည် ပစ်ခတ်သဖြင့် ပြည်သူ ၁ ဦး ဒဏ်ရာရရှိကြောင်း သိရှိရသည်။

"စစ်တပ်ဂိတ်ကို ၄၀မမ ၅ လုံးပစ်တယ်။ စစ်သားသေဆုံးထိခိုက်မှု မသိရသေးဘူး။ စစ်တပ်ဘက်က ၄၀ မမ. ၂ လုံးနဲ့ပြန်ပစ်တယ်။ အဲဒါ ရှမ်းစု ရွာဟောင်းမှာ နေတဲ့ ကိုမျိုးမင်းဇော် အသက် ၃၅ နှစ်ဝန်းကျင်ရဲ့ လက်ကောက်ဝတ်ကို ကျည်ထိမှန်ပြီး မစိုးရိမ်ရဒဏ်ရာရတယ်။ တော်လှန်ရေးအင်အားစုတွေ အထိခိုက်မရှိ ပြန်လည်ဆုတ်ခွာနိုင်ခဲ့ပါတယ်" ဟု တော်လှန်ရေး သတင်းရင်းမြစ်က ပြောသည်။

ထို့ပြင် ဇလုပ်ကြီး. ၅၉၈ စစ်တပ်က ဩဂုတ်လ ၂၀ ရက်နေ့ နံနက် ၈ နာရီအချိန် လက်နက်ကြီး ၆ လုံး ထပ်မံ ပစ်ခတ်ခဲ့ပြီး ဝင်းကံရွာ(ရွှေကျင်ဘက်ခြမ်း) သို့ လက်နက်ကြီး ၂ လုံး ၊ ရှမ်းစု အောက်ရွာ အနောက် တောင်ဘက် ၊ ရွာ အစပ် သို့ လက်နက်ကြီးကျည် ၄ လုံး ကျရောက်ပေါက် ကွဲခဲ့ကြောင်း၊ လက်နက်ကြီး ပစ်ခတ်မှုကြောင့်အရပ်သားပြည်သူများ ထိခိုက်မှု မရှိကြောင်း သိရှိရသည်။

ထိုနေ့ ဩဂုတ်လ ၂၀ ရက်နေ့ ညနေ ၅ နာရီ ၃၀ မိနစ်အချိန် ပဲခူးတိုင်း ၊ ရွှေကျင်မြို့နယ်၊ ခြေတော်ရာ ရွာ နှင့် သရက်ချောင်း ရွာ အကြားရှိ ရှမ်းရွာမြောက်ပိုင်းကားလမ်းကို စစ်ကောင်စီတပ်က ဘတ်ဖိုး ဖြင့် တူးပြီး ၊အများပြည်သူ အသုံးပြုနေသော ကတ္တရာလမ်းကို အသုံးမပြုနိုင်စေရန် ဖျက်ဆီးလိုက်ကြောင်း သိရှိရသည်။

"စစ်တပ်က သူတို့လာတိုက်ရင် လက်နက်ကြီးတွေကို ရွာထဲ ပစ်မယ်လို့ သတိပေးတယ်။ တကယ် လည်း ပစ်ထည့်တယ်။ အိမ်တွေ ပျက်စီးပြီး ပြည်သူတွေ ကျည်ထိမှန်တာတွေဖြစ်တယ်။ စစ်တပ်က အရမ်းကို ယုတ်မာနေတာ" ဟု တော်လှန်ရေး သတင်းရင်းမြစ်က ဆိုသည်။

19/08/2023

Let's Talk Burmese Daily Popular News.

let's Talk Burmese Daily Popular News
19/08/2023

let's Talk Burmese Daily Popular News

ဖားကန့်လမ်းကို ထိန်းချုပ်ဖို့ စစ်တပ်ကကြိုးပမ်းနေ ဩဂုတ် ၊ ၁၉ ၊၂၀၂၃
19/08/2023

ဖားကန့်လမ်းကို ထိန်းချုပ်ဖို့ စစ်တပ်ကကြိုးပမ်းနေ
ဩဂုတ် ၊ ၁၉ ၊၂၀၂၃

19/08/2023

Welcome to Let's Talk Burmese 👋

Address

Myitkyina
Myitkyina
01011

Website

Alerts

Be the first to know and let us send you an email when Let's Talk Burmese posts news and promotions. Your email address will not be used for any other purpose, and you can unsubscribe at any time.

Shortcuts

Share

Category