What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 17:00 Sunday 09:00 - 17:00

https://www.facebook.com/109430683897998/

New Creation, Myitkyina (2026)

09/07/2021

"တို့ပြည်သူတွေ တကယ်ညီရဲ့လား''
ဂျာဆန်(Ja San)

Kpay ထဲကငွေထုတ်ဖို့ မြို့ထဲက ငွေထုတ်ဝန်ဆောင်ခ(%) အနည်းဆုံးဆိုင်တွေ လိုက်ရှာတော့ ဝန်ဆောင်ခ အနည်းဆုံး ဆိုင်တစ်ဆိုင်တွေ့တယ် Percentage က 5%။ ငွေတစ်သိန်း ထုတ်ရင် ငါးထောင်က ဝန်ဆောင်ခပေါ့...။ ကဲ.. တစ်ခြား ဝန်ဆောင်ခနည်းတဲ့ဆိုင်လည်း မရှာချင်(မရှိတာလည်းဖြစ်နိုင်)တော့တာနဲ့ Account ထဲကငွေ သုံးသိန်းကို ဝန်ဆောင်ခ (၅%)တစ်သောင်းငါးထောင် ပေးပြီး ထုတ်လာတယ်။

တစ်ပတ်လောက် ကြာတော့ Kpayထဲက ငွေထုတ်ဖို့ ကိစ္စပြန် ပေါ်လာတာနဲ့ အရင်တစ်ခေါက် (၅%)နဲ့ ထုတ်ပေးတဲ့ဆိုင်ကို ပြန်သွားထုတ်တော့ ငွေထုတ်ဝန်ဆောင်ခက ၆% ဖြစ်သွားရော။ ''ဟာ ဦးလေး အရင်တစ်ပတ်ကပဲ ၅% နဲ့ထုတ်ခဲ့တာ ဦးလေးဆိုင်မှာပဲ'' လို့ ပြောတော့ ''တစ်ခြား Kpay ထုတ်ပေးတဲ့ဆိုင်တွေ မေးကြည့်လိုက်ပါဦး အကုန် ၇%နဲ့ပဲ ထုတ်ပေးကြပြီ...ဦးလေးဆိုင်မှာ များတယ်ထင်ရင် တခြားဆိုင်တွေ လိုက်မေးကြည့်ပါ''

ထုတ်ရမဲ့ငွေကလည်း ငါးသိန်းဆိုတော့ (%)နည်းတဲ့ဆိုင်ရှာဖို့ ပြန်လှည့်ထွက်လာခဲ့လိုက်တယ်။ ဒါနဲ့...အသိမိတ်ဆွေ တစ်ယောက်ဆီ ဘယ်ဆိုင်တွေ ဝန်ဆောင်ခ သက်သာသလဲဆိုပြီး ဖုန်းဆက်မေးတော့ ဆိုင်တစ်ဆိုင်ကို ညွှန်းပေးတယ်။

အသိက ညွှန်းပေးတဲ့ ဆိုင်ကို ချက်ချင်းပဲ ထသွားလိုက်တယ်။ဆိုင်ရောက်တော့ ''Kpay ထုတ်ချင်လို့ပါ အစ်ကိုဆိုင်မှာ ဝန်ဆောင်ခ ဘယ်လောက်ယူသလဲ'' မေးတော့ ''ဝန်ဆောင်ခကတော့ သတ်မှတ်ထားတဲ့ ငွေထုတ်ဝန်ဆောင်ခပဲပေးရမှာပါ...ဒါပေမဲ့ အစ်ကို့ဆိုင်က ဖုန်းဘေလ်ဖြစ်ဖြစ် ညီလေးတို့အဆင်ပြေမဲ့ဟာ တစ်ခုခုဝယ်ပေးပါ'' လို့ပြန်ပြောတော့ ငွေထုတ်ပြီး ဖုန်းဘေလ် သုံးထောင် ဝယ်ယူအားပေးပြီး ပြန်လာခဲ့လိုက်တယ်။

Kpay ငွေသားထုတ်ပေးတဲ့ဆိုင်တွေလည်း ပြည်သူထဲကပြည်သူပဲမလား..။အသက်သာဆုံးနဲ့ နှစ်ဦးနှစ်ဖက်အကျိုးမယုတ်မဲ့ နည်းလမ်းတွေနဲ့ ပြည်သူတွေကို ဘယ်လိုဝန်ဆောင်ပေးနိုင်မလဲ စဥ်းစားကြဖို့ပါ....။ မိတ်ဆွေအချင်းချင်းလည်း ဝန်ဆောင်မှုအနည်းဆုံးနဲ့ ငွေကြေး(ငွေသား) လဲလှယ်ပေးခြင်းနဲ့ ကူညီရိုင်းပင်းကြပါ။ နောက်တစ်ခုက မလိုအပ်တဲ့အရာတွေ ဖိမဝယ်ကြပါနဲ့။ ဝယ်လိုအား အဆမတန်များလာတဲ့အခါ စျေးကွက်မှာ ကုန်စည်ရှားပါးလာမှုကြောင့် ကုန်စည်စျေးနှုန်းတွေ မလိုအပ်ပဲတက်လာပါလိမ့်မယ်။ မဖြစ်မနေ လိုအပ်တဲ့အရာတွေကိုသာ ချင့်ချိန့်ဝယ်ယူသုံးစွဲကြရမှာပါ။
ခုကာလမှာ
ရွှေဝယ်ဖို့မလိုအပ်သေးပါဘူး...
အိမ်သုံးပရိဘောဂ(မသုံးမဖြစ်ကလွဲရင်)ဝယ်ဖို့ မလိုအပ်သေးပါဘူး..
တန်ဖိုးကြီးအသုံးအဆောင်ပစ္စည်းတွေ ဝယ်ယူဖို့မလိုအပ်သေးပါဘူး...
အခြားသော တန်ဖိုးမြင့်ဇိမ်ခံ ပစ္စည်း/အသုံးအဆောင်တွေ ဝယ်ယူဖို့မလိုအပ်သေးပါဘူး...

လူမှုရေး၊စီးပွားရေး၊ နိုင်ငံရေး အဖက်ဖက်က ညီညီညွတ်ညွတ် တော်လှန်ကြရဦးမဲ့ ပွဲမို့ပါ...

"တို့ပြည်သူတွေ..ညီရဲ့လားဟေ့''
ကူညီကြပါ ညီကြပါ ညီပေးကြပါ

ဂျာဆန်(Jasan)
အပတ်စဉ်သောကြာနေ့တိုင်းတင်ဆက်သည့် "ကလောင်လက်နက်ဖြင့်အာဏာရှင်ကိုအပြုတ်တိုက်မည်" အစီအစဉ်သို့ ပေးပို့လာသော စာစဉ်များကို ဖော်ပြခြင်းဖြစ်သည်။

#ရှတ်ဂျမ်စာစောင်

09/07/2021

Telenor ကော Ooredoo ကောကနေ ဝယ်ထားတဲ့ Package တွေကို ဖျက်သိမ်းဖို့အထိလုပ်လာပါပြီ။
Telenor Myanmar ကတော့ ကြေညာပြီးပါပြီ
Ooredoo Myanmar လည်းသိပ်မကြာခင်ကြေညာပါလိမ့်မယ်။

https://www.telenor.com.mm/my/floorpricechanges

https://ooredoo.com.mm/portal/en/prprochanges

01/07/2021

ယနေ့ချိန်အထိ
CDM အဖြစ်တောင့်ခံပေးကြတဲ့ မိတ်ဆွေအားလုံးကို
လေးစားဂုဏ်ယူပါတယ်
🙏🙏🙏

23/06/2021

Covid 19 ကူးစက်ခံရတဲ့ညီအစ်ကိုနှစ်ယောက်
မိဘနှစ်ပါးလည်းကူးစက်ခံရ ကူညီမဲ့သူမရှိတာကြောင့် Quarantine သွားနေဖို့အတွက် ကိုယ်တိုင် လိုအပ်တာလေးတွေပြင်ဆင်နေတဲ့ကလေးတို့ အမြန်ဆုံးသက်သာပျောက်ကင်းပါစေ မိဘနှစ်ပါးလည်း အမြန်ဆုံးပြန်ကျန်းမာလာပါစေ
ယေရှူနာမ၌ အမြန်ဆုံး ပျောက်ကင်းပါစေ😢😢🙏
22-6-2021

20/06/2021

မသာမက ပြန်လာလိုက် ထွက်သွားလိုက်နဲ့

16/06/2021

#ကိုယ်ချင်းစာတတ်အောင်လို့ပါ😄

crd

08/06/2021

၈/၈၂ အင်းလျား🌇
မွန်းအောင်🎤🎤
Violin cover- Hkawng Hong✅
Backing music cover-Hkawng Hong.

06/06/2021

သင်ကိုယ်တိုင်နိုးထရမဲ့ အချိန်ကို ရောက်လာပြီ ဖြစ်တယ်

06/06/2021

ရှေ့တန်းတစ်နေရာ ထန်ပါဘွမ်စခန်းက ကေအိုင်အေကိုကို ရေးထားတဲ့သီချင်း

FULL INDEPENDENCE

Mahkawn - Lahtaw Dai Li
Ka Shalat - Lasham Tu Mai & Zaumu Hka Mai

08/01/2021

တကယ်ကို စိတ်ပျက်ဆာကောင်းတယ် ကိုယ့်ပတ်ဝန်းကျင် တန်ဖိုးကို မထားတတ်ကြတဲ့ဟာတေ မြစ်ကြီးနားသား/သူတေ တဲ့ဗျာ အံ့ပ ကျွန်းတကျွန်းကို ရွံ့စရာကောင်းအောင် လုပ်ပစ်ကြတယ်, ရေထဲ ပစ်ချနေတဲ့ အကိုတောက်ကို အဲလိုမလုပ်ပါနဲ့ပြောတာ မြောသွားမှာပဲတဲ့ဗျာ မြစ်ချောင်းအင်းအိုင်တေကို အမိုက်ပုံးလို့ မြင်နေတရွေ့ ငါတို့ပတ်ဝန်းကျင်အတွက်တော့ ရင်လေးတယ်ဗျာ :( :(

03/01/2021

မြန်မာနိုင်ငံတွင် Medical Industries Ltd မှ ထုတ်လုပ်အောင်မြင်ခဲ့သော Anti-viral drug FAVIPAC ဆေးဝါးနှင့်ပတ်သတ်၍ ရှင်းလင်းကြောင်း ထုတ်ပြန်
=====================================================

Medical Industries Ltd မှ ထုတ်လုပ်အောင်မြင်ခဲ့သော Anti-viral drug FAVIPAC ဆေးဝါးနှင့်ပတ်သတ်၍ အငြင်းပွားမှုများဖြစ်ပေါ်လာရသည့်အတွက် ရှင်းလင်းတင်ပြကြောင်း အဆိုပါ Medical Industries Ltd က ထုတ်ပြန်လိုက်သည်။
ယင်းထုတ်ပြန်ချက်တွင်
“ပထမဦးစွာရှင်းပြလိုသည်မှာ FDA approval နှင့်ပတ်သက်သည့်ကိစ္စဖြစ်ပါသည်။Pacific Medical Industries Ltd (PMI)ဆေးဝါးစက်ရုံ၏ Antiviral generic medicine FAVIPAC (Favipiravir 200mg) tablet ကို အစားအသောက်နှင့်ဆေးဝါးကွပ်ကဲရေးဦးစီးဌာန (FDA)သို့ အောက်တိုဘာလဆန်းတွင် Registration Sample & Registration Dossier အပ်နှံ၍ ဆေးဝါးမှတ်ပုံတင်ခြင်းများကို ဆောင်ရွက်ခဲ့ရာ Myanmar FDA ၏ စီစစ်မှူအဆင့်ဆင့်ကိုအောင်မြင်သောဆေးများကို ကြော်ငြာသည့် ဒီဇင်ဘာလ ၂၀၂၀ FDA notice board (FDA ကြော်ငြာသင်ပုန်း)တွင် အခြားအောင်မြင်သောဆေးများနှင့်အတူကြော်ငြာခဲ့ပါသည်။ (ပုံပူးတွဲ)

ထို့နောက် FDA အရာရှိလက်မှတ်ထိုးလျှက် ဆေးဝါးမှတ်ပုံတင်ခြင်းကိုခွင့်ပြုကြောင်း (registration approve) စာထုတ်ပြီး ဆေးဝါးမှတ်ပုံတင်ကြေး (registration fees) ပေးသွင်းရန် PMI စက်ရုံသို့ ဒီဇင်ဘာလ (၂၃) ရက် တွင်FDA မှ အကြောင်းကြားလာပါသည်။ (ပုံပူးတွဲ)

ထိုအကြောင်းကြားစာအရ ဆေးဝါးမှတ်ပုံတင်ကြေးပေးသွင်းပြီး ထိုပေးသွင်းပြီးကြောင်းအထောက်အထားကို FDA သို့ပြန်လည်ပေးပို့ပြီးဖြစ်ပါသည်။ (ပုံပူးတွဲ)

FDA ၏အကြောင်းကြားစာပါ Note 1 တွင်ဖော်ပြချက်အရ မှတ်ပုံတင်ကြေးပေးသွင်းပြီးလျှင် မှတ်ပုံတင် လက်မှတ် certificate ထုတ်ပေးမည်ဟု ဖော်ပြချက်အရ ဆေးဝါးမှတ်ပုံတင်လက်မှတ် certificate မူရင်းရရန်သာကျန်ရှိပါသည်။

PMI စက်ရုံ၏ FAVIPAC (favipiravir) ကို လှူဒါန်းခွင့်ပြုပါရန် နိုဝင်ဘာ(၁၃)၂၀၂၀ ရက်နေ့ကတည်းက ကျန်းမာရေးနှင့် အားကစားဝန်ကြီးဌာနသို့ တင်ပြခွင့်ပြုချက်တောင်းခံခဲ့ရာ ကျန်းမာရေးနှင့်အားကစား ဝန်ကြီးဌာနက လှူဒါန်းခွင့်ပြုခဲ့ပါသည်။

ထိုသို့ တရားဝင်လှူဒါန်းခွင့် ခွင့်ပြုချက်နှင့် FDA ၏ ဆေးဝါးမှတ်ပုံတင်ခွင့်ပြုသည့်အကြောင်းကြားစာများ စုံလင်သည့် အတွက် လှူဒါန်းမှူကို နှစ်ဦးတွင် ပြည်သူများ ဝမ်းသာကြည်နူးနိုင်စေရန်အတွက် Facebook တွင်ရိုးသားစွာမျှဝေခဲ့ခြင်းဖြစ်သည်။

သို့သော် FDA မှ ဆေးဝါးမှတ်ပုံတင်ခြင်းကိုခွင့်ပြုကြောင်း (FAVIPAC registration has now been approved) စာထုတ်ပြီး ဆေးဝါးမှတ်ပုံတင်ကြေး (registration fees)သွင်းရန် PMI စက်ရုံသို့အကြောင်းကြား စာပို့ရုံမျှဖြင့် မလုံလောက်ဘူးဟု သတ်မှတ်ယူဆသော ကျန်းမာရေးနှင့်သက်ဆိုင်သောဌာနတစ်ခု၏ အရာရှိ အချို့ကမှတ်ချက်ပြုကြသဖြင့် ကျွန်ုပ်တို့မှ စောစီးစွာအလှူသတင်းကို ကြိုတင်သတင်းပေးမျှဝေခဲ့မှူ၊ စိတ်စော စွာဖြင့် တင်ပြခဲ့မှူအပေါ် နားလည်မှူလွဲမှားခြင်းများဖြစ်ပွားရသည့်အတွက် များစွာစိတ်မကောင်းဖြစ်ရပါသည်။

ရိုးသားစွာ အလှူသတင်းကို နှစ်ဦးတွင် စောလျှင်စွာ မျှဝေခဲ့ခြင်းဖြစ်ပြီးကိုယ်ကျိုးစီးပွားအတွက် FDA ဆေးဝါးမှတ်ပုံတင်လက်မှတ်မရခင်ရောင်းချခြင်းလည်းမရှိပါ။

ဆေးဝါးရောင်းချခြင်းနှင့်ပတ်သက်၍ FDA မှပြဌာန်းချက်များကိုတိကျစွာလိုက်နာခြင်းသည် ကျွန်ုပ်တို့၏အခြေခံလိုက်နာလျှက်ရှိသည့် စည်းမျဉ်းဖြစ်ပါကြောင်းတင်ပြအပ်ပါသည်။

FAVIPAC (Favipiravir 200mg)ကို Covid-19 ကာကွယ်၊ ထိန်းချုပ်၊ ကုသရေး အမျိုးသားအဆင့် ဗဟိုကော် မတီထံမှတစ်ဆင့် ကျန်းမာရေးနှင့်အားကစားဝန်ကြီးဌာနလက်အောက်ရှိ central medical store department သို့ 30.12.20 တွင် tablets (10,000)ပေးပို့လှူဒါန်းခဲ့ပြီး၊ 31.12.20 တွင် Tablets 15,000 ကို သံဃာတော်များ၊ အရပ်သားများနှင့် တပ်မတော်သားများအား COVID-19 ကုသမှူပေးနေသော တပ်မတော်၏ Covid19 ကုသ ရေးဆေးရုံများသို့လှူဒါန်းခဲ့ပါသည်။

ဆက်လက်၍ Tablet 50,000 ကို တစ်နိုင်ငံလုံးရှိ Covid-19 ကုသဆေးရုံ (၂၅)ရုံသို့ ကျန်းမာရေးနှင့်အား ကစားဝန်ကြီးဌာန၏ခွင့်ပြုချက်များအတိုင်း ပေးအပ်လှူဒါန်းသွားမည်ဖြစ်ပါသည်။
ဒုတိယအချက်အနေဖြင့်ရှင်းပြလိုသည်မှာအထက်ပါလှူဒါန်းသည့်သတင်းကို နှစ်သစ်အခါသမယတွင် လူအများမုဒိတာပွားနိုင်ရန် နှင့် ဆရာဝန်ကြီးများအတွက် ရွေးချယ်စရာဆေးအမျိုးမျိုးရှိလာပြီဖြစ်ကြောင်း အသိပေးတင်ပြခဲ့ခြင်းသာဖြစ်ပြီး Anti-viral ဆေး FAVIPAC (Favipiravir) ကို COVID-19 ရောဂါ”ပျောက်ဆေး” ဟု ဖော်ပြခဲ့ခြင်းမရှိပါ။ ထိုကုသဆေး သောက်ဆေးသောက်လျှင် COVID-19 ပျောက်ကင်းမည်ဟုလည်း ရေးသားခဲ့ခြင်းမရှိပါ။ COVID-19 အတွက် "drug of choice" ဖြစ်ပါသည် ဟူ၍လည်းရေးသားခဲ့ခြင်းမရှိပါကြောင်း တင်ပြအပ်ပါသည်။
စတင်ထုတ်လုပ်သည့်အချိန်မှ ယနေ့အထိ မည်သူတစ်ဦးတစ်ယောက်ထံကိုမှရောင်းချခဲ့ခြင်း၊ မတော်လောဘ အကျိုးစီးပွားရှာခဲ့ခြင်းမရှိပါ။အခမဲ့လှူဒါန်းမှူသာရှိပါသည်။မီဒီယာနှင့် သတင်းဌာနအချို့တွင် Covid-19 ကာ ကွယ်ဆေးအဖြစ်လည်းကောင်း၊ Covid-19 ရောဂါကုသပျောက်ကင်းတော့မယ့် သတင်းကောင်း ဟူ၍ လည်း ကောင်း ထင်ယောင်ထင်မှားရေးသား ကြသည့်အတွက် ပြည်သူအများကြား နားလည်မှူ လွဲမှား စေခဲ့ပါသည်။

ကုမ္မဏီ၏ Facebook စာမျက်နှာတွင် ဆရာဝန်ဆေးညွှန်းဖြင့်သာသုံးစွဲရသည့်ဆေးဖြစ်ကြောင်း ရှင်းလင်းစွာ ရေးသားတင်ပြခဲ့ပြီး original မူရင်းဆေးမှာ ဂျပန်နိုင်မှ Avigan ဖြစ်ကြောင်းလည်း ပွင့်လင်းမြင်သာစွာဖော်ပြခဲ့ပါ သည်။ Avigan ဆေးအကြောင်းသိလိုသောမည်သူမဆို Avigan အမည်ဖြင့် google page များနှင့် ဆေး သတင်း website များတွင် ဖတ်ရှူနိုင်ကြသည်ဖြစ်သဖြင့် မူရင်းဆေး Avigan နာမည်ကိုယှဉ်တွဲဖော်ပြလျှက် အသိပေးခြင်းလည်းဖြစ်ပါသည်။

Favipiravirဆေးကို ဆရာဝန်ကြီးများမှသာ မည်သို့သော လူနာများတွင်သုံးမည်၊ မည်သို့သောလူနာများတွင် မသုံးပါဆိုသော အချက်ကိုစဉ်းစားသည့်အခါ ရရှိမည့်အကျိုးကျေးဇူးနှင့် ဖြစ်နိုင်သော ဘေးထွက်ဆိုးကျိုးများကို ချင့်ချိန်ဆုံးဖြတ်ရမည်ဖြစ်ပါသည်။

နိုင်ငံတစ်နိုင်ငံနှင့်တစ်နိုင်ငံ ကုသမှူနည်းလမ်း (Treatment Guideline) ခြင်းတိကျစွာ တူညီခြင်းမရှိဘဲ မိမိနိုင်ငံသည့်သင့်တော်သည့် Treatment guideline ကိုဖော်ထုတ်ကျင့်သုံးကြသည့်အားလျှော်စွာ နိုင်ငံ တိုင်းသာမက မြန်မာနိုင်ငံတွင်ပင် Remdesivir ကိုလက်ခံသည့်ဆရာဝန်အုပ်စု၊ လက်မခံသည့်ဆရာဝန်အုပ်စု၊ Favipiravir ကိုလက်ခံသည့်ဆရာဝန်အုပ်စု၊ လက်မခံသည့်ဆရာဝန်အုပ်စု ဟူ၍ အမျိုးမျိုးကွဲပြားလျှက်ရှိပြီး လူနာ၏အခြေအနေ၊ ရရှိထားသော သုသေတနအချက်အလက် (limited clinical trial data) များပေါ်အခြေခံ၍ အရေးပေါ်အခြေအနေတွင်သုံးစွဲရသောဆေး (emergency use authorisation) အဖြစ် Favipiravir နှင့် Remdesivir တို့ကို ချင့်ချိန်သုံးစွဲနေကြခြင်းဖြစ်ပါသည်။
Favipiravir သောက်ဆေးမှာလည်း Remdesivir ထိုးဆေးကဲ့သို့ပင် WHO မှထောက်ခံထားခြင်း၊ သုံးစွဲသင့် သည်ဟု မှတ်ချက်ပြုခြင်း (WHO မှ Recommend လုပ်ထားခြင်း)မရှိ သော်လည်း ထိုးဆေး Remdesivir ကဲ့သို့ storage condition , cost စသည့် အချက်များ နည်းပါးအဆင်ပြေသည့်အတွက် နိုင်ငံတော်တော်များများတွင် mild to moderate COVID infection အတွက် Favipiravir ကိုကုသဆေးအဖြစ် လက်ခံသုံးစွဲလျှက်ရှိပါသည်။

Covid-19 ရောဂါဖြစ်ပွားမှုနှုန်းများသော India နိုင်ငံတွင်လည်း Favipiravir ဆေးဝါးအား လျှင်မြန်စွာ ဗိုင်းရပ်ပိုးတိုက်ထုတ်နိုင်မှု ( Rapid viral clearance ) နှင့် ရောဂါလက္ခဏာ အခြေအနေများ လျှင်မြန်စွာ တိုးတက်လာမှု ( Faster clinical improvement ) တို့ကြောင့် တရားဝင်ခွင့်ပြုသုံးစွဲလျှက်ရှိကြောင်းကိုလည်း International Journal of Infectious Disease တွင်ဖတ်နိုင်ပါသည်

NCBI စာမျက်နှာ US National Library of Medicine, National Institutes of Health Website တွင်လည်း Favipravir အား " A new and emerging antiviral option in COVID-19 " အဖြစ်ညွှန်းဆိုထားပြီး တရုတ်ပြည်နှင့်ဂျပန်နိုင်ငံတွင်ပြုလုပ်ခဲ့သော Trial များနှင့် ရုရှား ၊ ဆော်ဒီအာရေးဗီးယား၊ အမေရိကန် ၊ India နိုင်ငံများ တွင် ပြုလုပ်နေသော ongoing trial များအားလည်းလေ့လာနိုင်ပါသည် ။

ထို့အပြင် Glenmark ၏ Favipiravir ကိုလည်း Covid-19 trial တွင် လူနာကုသချိန် period ပို၍ မြန်ကြောင်း ကိုလည်း ဖတ်ရှုနိုင်ပါသည် ။

ဂျပန်နိုင်ငံမှ Avigan ဆေး 12,000 tablets အား Covid ကာလတွင် မြန်မာနိုင်ငံသို့ လူအယောက် ၁၀၀ စာကုသနိုင်ရန် လှူသည့်သတင်းကို Embassy of Japan in Myanmar တွင်ဖော်ပြသည့်သတင်းများနှင့် ထိုလှူဒါန်းသွားသောဆေးကို မြန်မာနိုင်ငံရှိ Covid-19 ကုသရေူဆေးရုံကြီးများတွင် သုံးစွဲကြကြောင်းသိရှိ ရပါသည်။
Anti-viral (ဗိုင်းရပ်စ်ပိုးသတ်ဆေး) ဆေးအားလုံးတွင် ဘေးထွက်ဆိုးကျိုး အနည်းမှ အများထိရှိနိုင်ပါသည်။ Remdensivir ထိုးဆေးကဲ့သို့ပင် Favipiravir ဆေးတွင်လည်း ဆေးနှင့်သက်ဆိုင်သည့် ဘေးထွက်ဆိုး ကျိုးရှိမည်ဖြစ်ပြီး သက်ဆိုင်ရာCOVID-19 ရောဂါကုသပေးသော ဆရာဝန်၏ ဆေးညွှန်းခွင့်ပြုချက်ဖြင့်သာ သုံးစွဲရမည့်ဆေးဖြစ်သည် ။
Favipiravir ဆေးအား Influenza/Covid-19 ကုသမှုအတွက်သုံးစွဲလျှက်ရှိသည့်နိုင်ငံအချို့ဖြစ်သော တရုတ် ပြည် ဝူဟန်မြို့ ၊ Italy ၊ Russia ၊ Ukraine ၊ Uzbekistan ၊ Japan ၊ Moldova ၊ Kazakhstan ၊ Indonesia ၊ Saudi Arabia & UAE ၊ Trukey, Bangladesh, Egypt ၊ India စသည်တို့တွင်လည်း ကိုလည်း အဆိုပါ ထုတ် ပြန်ချက်တွင် ဖော်ပြပေးထားသည်ကို တွေ့ရသည်။

Favipiravir ဆေးဝါး Avigan ကိုဂျပန်နိုင်ငံတွင် ပထမဦးဆုံး ဈေးကွက်ထဲဝင်ပြီး approve ဖြစ်ခဲ့စဉ်အခါက Anti-influenza agent အနေဖြင့်ဖြစ်ခဲ့သော်လည်း နောက်ပိုင်းတွင် DCGI ဟုခေါ်သော Drug Controller General of India မှ emergency approval ပေးခဲ့ပြီး India တွင် Covid လူနာများအတွက် သုံးစွဲကြခြင်းဖြစ် ကြောင်း၊ထို့ကြောင့် ယခု မြန်မာနိုင်ငံတွင်လည်း သာမန်အဆင့်မှ အလယ်အလတ်စား COVID-19 လူနာများ များပြားသည့်အလျှောက် Anti-viral option တစ်ခုနေဖြင့် Remdesivir ထိုးဆေးကဲ့သို့ စရိတ်စကမကြီးမားခြင်း ၊ သိုလှောင်သည့်အခါ တင်းကြပ်သည့် စံသတ်မှတ်ချက်များမလိုအပ်ခြင်းကြောင့် နှစ်သစ်အချိန်အခါတွင် ပြည်တွင်းဆေးဝါးစက်ရုံ PMI မှ အောင်မြင်စွာ ထုတ်လုပ်နိုင်ခဲ့သော Anti-viral option တစ်ခုဖြစ်သည့် FAVIPAC (Favipiravir 200mg) ဆေးကို ပြည်သူများ ကြိုတင်ဝမ်းသာနိုင်စေရန် ရိုးသားစွာဖြင့် Facebook post တင်၍ မျှဝေပေးခဲ့ခြင်းဖြစ်ကြောင်း ဖော်ပြထားသည် ။

“ တစ်ကမ္ဘာလုံးတွင် ၂၀၂၀ ခုနှစ်တစ်နှစ်လုံးအား ဆိုးရွားစွာ ထိတ်လန့်စေခဲ့သော သေနှုန်းမြင့်တက်စေခဲ့သော COVID-19 ရောဂါဆိုးကြီးအား ယခုအချိန်ထိ ၁၀၀% ကုသပျောက်ကင်းသောဆေးမရှိသေးပါ။ COVID-19 ရောဂါပျောက်ဆေးလည်းမရှိသေးပါ။စမ်းသပ်ဆဲ လေ့လာဆဲ အဆင့်များသာဖြစ်ကြပြီး "လက်လှမ်းမှီရာ ကောက်ရိုးတစ်မျှင်အနေဖြင့် " မျှော်လင့်ချက်ထားကာ Anti-viral option (ဗိုင်းရပ်စ်ပိုးသတ်ဆေး) များကို နိုင်ငံအလိုက် COVID-19 ကုသသည့်ဆရာဝန်ကြီးများ၏ အတွေ့အကြုံ၊ ဉာဏ်ပညာ၊ ဆင်ခြင်တုံတရားပေါ်မူ တည်၍ သုံးစွဲနေကြခြင်းဖြစ်ပါသည် ။ မြန်မာနိုင်ငံတွင်လည်း ပြည်တွင်းဆေးဝါးထုတ်လုပ်ရေးစက်ရုံ Pacific Medical Industries Ltd မှ ထုတ်လုပ်သော Favipiravir ဆေးအား (၁၀၀% ကုသပျောက်ကင်းသောဆေး မပေါ်သေးသည့်အလျောက်) ကုသဆေး ရွေးချယ်စရာ option တစ်ရပ်အနေဖြင့် ပြည်တွင်းမှာပင် generic ဆေးဝါးကို အောင်မြင်စွာ ထုတ်လုပ်နိုင်ပြီဖြစ်ကြောင်း ပြည်သူများ နှစ်သစ်တွင်ဝမ်းသာကြည်နူးနိုင်စေရန် အတွက် Post တင်ခဲ့ခြင်းဖြစ်ပါကြောင်း ရိုးသားစွာဖြင့် ရှင်းလင်းပါကြောင်းလည်း ဖော်ပြထားသည်။

ယခုအခါတွင်လည်း မြန်မာနိုင်ငံတွင်အခြားနိုင်ငံများနည်းတူ ဈေးနှူန်းသက်သာသော COVID-19ကုသဆေး များကို ဆရာဝန်နှင့် လူနာများအတွက်ရွေးချယ်စရာဆေးဝါးပိုမိုရရှိလာစေရေး ကြိုးပမ်းခြင်း၊ မိတ်ဆက်ပေးလို ခြင်း၊ စေတနာအပြည့်ဖြင့်ရိုးသားစွာလှူဒါန်းခြင်း သာဖြစ်ကြောင်း၊ သို့သော် ရိုးသားစွာလှူဒါန်းခြင်းသတင်း ထုတ် ပြန်မှူကို အပြုသဘောမဆောင်ဘဲ မိမိလိုရာဆွဲ၍ရေးသားပြောဆိုမှူများကိုလည်း မေတ္တာစေတနာထား နားလည် မှူပေးပြီး မိမိ၏ဆောင်ရွက်လျက်ရှိသော နိူင်ငံသားများကောင်းကြိုး၊ တိုင်းပြည်ကောင်းကျိုးအတွက် အုပ်တစ်ချပ် သဲတစ်ပွင့်အဖြစ် ဆက်လက်ဆောင်ရွက်သွားမည်ဖြစ်ပါကြောင်းလည်း အဆိုပါ ထုတ်ပြန်ချက်တွင် ဖော်ပြထား သည်။

New Creation

09/07/2021

09/07/2021

01/07/2021

23/06/2021

20/06/2021

16/06/2021

08/06/2021

06/06/2021

06/06/2021

08/01/2021

03/01/2021

Address

Opening Hours

Website

Alerts

Contact The Business

Shortcuts

Share

Category

Our Story

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 17:00
Sunday	09:00 - 17:00