Kachin News Group

Directions Website Contact the business

Kachin News Group The Kachinnews (KNG) is an independent media organization and covering news from Kachin and Burma. KNG was founded in 2003 by pro-democracy Kachin students.
(546)

The Kachinnews or kachinnews.com is an independent ethnic Kachin multi-media organization and covering news from Burma (Myanmar), regional and around the world. Its office is at Myitkyina, Kachin state and it is the first Kachin mainstream media and the first independent ethnic Kachin media outlet after the 1988 countrywide pro-democracy uprising in military-rooted Burma.

ဗန်းမော်မှာ စစ်ရှုံးတဲ့ စစ်ကောင်စီတပ်ဖွဲ့တွေက မိုးမောက်သွားလမ်း ၃ မိုင်ကျေးရွာရှိ ကချင်နှစ်ခြင်းခရစ်ယာန် KBC ဘုရားကျောင်...
14/10/2026

ဗန်းမော်မှာ စစ်ရှုံးတဲ့ စစ်ကောင်စီတပ်ဖွဲ့တွေက မိုးမောက်သွားလမ်း ၃ မိုင်ကျေးရွာရှိ ကချင်နှစ်ခြင်းခရစ်ယာန် KBC ဘုရားကျောင်းအပါ လူနေအိမ်တွေကို မီးရှို့ဖျက်ဆီးခဲ့တယ်လို့ KIA ရှေ့တန်းသတင်းရင်းမြစ်တွေဆီကနေ သိရပါတယ်။

၃ မိုင်ကျေးရွာ နမ့်ဖာနောင်း(Nam Hpa Nawng) ဘက်ကို စစ်ကြောင်းထိုးလာတဲ့ စစ်ကောင်စီတပ်ဖွဲ့တွေဟာ KIA ပူးပေါင်းတပ်တွေရဲ့ တိုက်ခိုက်ခြင်းခံရပြီးနောက် မီးရှို့ဖျက်းဆီးတာတွေ လုပ်ခဲ့တာဖြစ်တယ်လို့ KIA ရှေ့တန်း စစ်ရေးသတင်းအရင်းအမြစ်တစ်ဦး KNG ကိုပြောပါတယ်။

“ဒီရက်ပိုင်းတိုက်ပွဲမှာ စစ်တပ်ဘက်က တော်တော်အထိနာကြတယ်။ ၁၁ ရက်နေ့မှာ နမ့်ဖနွန်ဘက်ကို စစ်ကြောင်းထိုးလာတာ KIA ဘက်ကပိတ်ဆို့ တိုက်ခိုက်လိုက်တဲ့ထဲမှာ ထိခိုက် သေဆုံးမှုများတယ်။ အထိနာတော့ တပ်ဆုတ်သွားကြတယ် ပြီးတာနဲ့ ရွှေပြည်သာထဲကို ဝင်ပြီး ဘုရားကျောင်းမီးရှို့ပစ်လိုက်တယ်” လို့ ပြောပါတယ်။

စစ်ကောင်စီတပ်စစ်ကြောင်းတွေဟာ အောက်တိုဘာလ ၁၁ ရက်နေ့ ၃ မိုင်ကျေးရွာ နမ်ဖာနောင်း(Nam Hpa Nawng)ဘက်ကို ဒရုန်း၊ လက်နက်ကြီးတွေပစ်ခတ်ပြီး စစ်ကြောင်းထိုးလာချိန် KIA ပူးပေါင်းတပ်တွေက ဝိုင်းရံပိတ်ဆို့ တိုက်ခိုက်ခံရပြီး အထိနာသွားတယ်လို့ သိရပါတယ်။

စစ်ရှုံးပြီးနောက် ၁၂ ရက်နေ့ ညနေပိုင်း ၃ နာရီခွဲဝန်းကျင်လောက်မှာ ၃ မိုင်ကျေးရွာထဲကို ဝင်ပြီး KBC ဘုရားကျောင်းဆောင်းနဲ့ ကျေးရွာထဲက လူနေအိမ်တွေကို မီးရှို့ဖျက်ဆီးခဲ့တယ်လို့ ဆိုပါတယ်။

KBC ဘုရားကျောင်းနဲ့ လူနေအိမ်တွေကို မီးရှို့ဖျက်ဆီးခဲ့တဲ့ စစ်ကြောင်းတွေဟာ တပ်မ ၃၃ နဲ့ တပ်မ ၈၈ လက်အောက်ခံ စစ်ကြောင်းတွေဖြစ်တယ်လို့ KIA စစ်ရေးသတင်းရင်းမြစ်တွေပြောပါတယ်။

သတင်းအပြည့်အစုံဖတ်ရှု့နိုင်ဖို့ Comment အောက်မှာလင့်(ခ်)ဖော်ပြထားပါတယ်။

14/10/2026

A virtual launch event of “Deciphering Myanmar's Peace Process-A Reference Guide (2025-2026)” published by the Burma News International (BNI)-Myanmar Peace Monitor (MPM).

13/10/2026

ဗလမင်းထင်တံတားမှာ ကုန်စည်သယ်ယူခွင့်ကန့်သတ်ထားပေမယ့် တစ်ချို့က သယ်ယူခွင့်ရနေတယ်လို့ မြစ်ကြီးနားမြို့ခံတွေပြောပါတယ်။

13/10/2026

အင်းတော်ကြီးဒေသမှာ ရှမ်းနီအမျိုးသားတပ်မတော် SNA တပ်သား ၃ ဦး KIA တပ် ဆီအလင်းဝင်လာတယ်လို့ သိရပါတယ်။

ကချင်ပြည်နယ်၊ မြစ်ကြီးနားမြို့ ဂျန်မိုင်ကောင်ရပ်ကွက်မှာ နေအိမ်တစ်လုံး မီးလောင်ခဲ့ပြီး ဘေးအိမ်ကိုပါ မီးကူးစက်ခဲ့တာကြောင့်...
13/10/2026

ကချင်ပြည်နယ်၊ မြစ်ကြီးနားမြို့ ဂျန်မိုင်ကောင်ရပ်ကွက်မှာ နေအိမ်တစ်လုံး မီးလောင်ခဲ့ပြီး ဘေးအိမ်ကိုပါ မီးကူးစက်ခဲ့တာကြောင့် ကားတစ်စီးလည်း မီးလောင်သွားတယ်လို့ မျက်မြင်တွေ့ရှိသူတွေဆီက သိရပါတယ်။

အောက်တိုဘာလ ၁၃ ရက်နေ့ ဒီမနက် ၁ နာရီဝန်းကျင်မှာ ဂျန်မိုင်ကောင်ရပ်ကွက်၊ နယ်မြေ ၂ ရှိ နေအိမ်တစ်လုံးကနေ မီးစတင်လောင်ကျွမ်းခဲ့တာဖြစ်ပြီး မီးက ဘေးအိမ်ကိုပါ ကူးစက်သွားခဲ့တယ်လို့ သိရပါတယ်။

မီးသတ်တပ်ဖွဲ့ဝင်တွေ ရောက်ရှိချိန်မှာ မီးအတော်လောင်ကျွမ်းနေပြီဖြစ်ပြီး မီးကျန်တွေကိုသာ ငြိိိမ်းသတ်နိုင်ခဲ့တယ်လို့ မျက်မြင်တွေ့ရှိသူတစ်ဦးက ပြောပါတယ်။

“ကျွန်တော်တို့လာတော့ တော်တော်ကျွမ်းနေပြီ။ ကျွန်တော်တို့ ရောက်သွားတော့ ဘာမှမရှိတော့ဘူး။ နောက်ဆုံး မီးကျန်တွေ ငြိမ်းခဲ့ရုံပဲ ရှိတယ်” လို့ သူက ပြောပါတယ်။

အဲဒီမီးလောင်မှုကို မြစ်ကြီးနားမြို့နယ် မီးသတ်စခန်းက မီးသတ်ယာဉ် ၁ စီး၊ ရေသယ်ယာဉ် ၂ စီးအပြင် သန္ဓေ မီးသတ်နဲ့ အရန်မီးသတ်တပ်ဖွဲ့ဝင်တွေ သွားရောက်ငြိမ်းသတ်ခဲ့ပြီး မနက် ၁ နာရီ မိနစ် ၄၀ မှာ မီးငြိမ်းသွားတယ်လို့ မီးသတ်ဦးစီးဌာနက ဖော်ပြထားပါတယ်။

ဒီဖြစ်စဉ်မှာ လူထိခိုက်သေဆုံးတာ မရှိဘူးလို့လည်း ရပ်ကွက်နေပြည်သူတစ်ဦးရဲ့ လူမှုကွန်ရက်ပေါ်က ဖော်ပြချက်အရ သိရပါတယ်။

ရပ်ကွက်နေပြည်သူတချို့က လျှပ်စစ်ဝါယာရှော့ကြောင့် မီးလောင်တာလို့ ပြောဆိုနေကြပေမယ့် မီးသတ်ဦးစီးဌာနရဲ့ ထုတ်ပြန်ချက်မှာတော့ မီးလောင်ရတဲ့အကြောင်းရင်းကို ဖော်ပြထားတာ မတွေ့ရပါဘူး။

သတင်းအပြည့်အစုံဖတ်ရှု့နိုင်ဖို့ Comment

မြစ်ကြီးနားနဲ့ ဝိုင်းမော်မြို့ကို ဆက်သွယ်ထားတဲ့ ဗလမင်းထင်တံတားမှာ ကုန်သယ်ယူခွင့် ပိတ်ထားပေမယ့် ဌာနဆိုင်ရာ အကြီးအကဲတွေရဲ့...
13/10/2026

မြစ်ကြီးနားနဲ့ ဝိုင်းမော်မြို့ကို ဆက်သွယ်ထားတဲ့ ဗလမင်းထင်တံတားမှာ ကုန်သယ်ယူခွင့် ပိတ်ထားပေမယ့် ဌာနဆိုင်ရာ အကြီးအကဲတွေရဲ့ ဆွေမျိုးနီးစပ်တဲ့ ကုန်သည်တချို့ကိုတော့ ကုန်တင်သွင်းခွင့်ပေးနေတယ်လို့ ကုန်သည်တွေနဲ့ ကားသမားတွေက ပြောပါတယ်။

ဒီလို ကုန်သယ်ခွင့် ကန့်သတ်ချက်မှာ ကုန်သည်တိုင်းကို တန်းတူသတ်မှတ်မထားဘဲ အာဏာရာထူးရှိတဲ့သူတွေနဲ နီီးစပ်သူတချို့ကိုသာ ခွင့်ပြုနေတဲ့အပေါ် မမျှတဘူးလို့လည်း ကုန်သည်တွေက ထောက်ပြနေကြပါတယ်။

“ကျနော်တို့ကျတော့ သယ်မရဘူး ပြုမရဘူးတဲ့၊ သူတို့လူတွေကျတော့ ညညဆို ကားအကြီးနဲ့ကို သယ်နေကြတာ။ ရှင်းရှင်းပြောရရင် လူကြီးပိုင်တဲ့သူတွေက သယ်ခွင့်ရပြီး မပိုင်တဲ့သူတွေကျတော့ တစ်ချို့က ဝိုင်းမော်မှာသောင်တင်နေတယ်။ တစ်ချို့ကျတော့ စက်လှေနဲ့အဆင့်ဆင့်သယ်ယူနေရတယ်“လို့ ကုန်သည်တစ်ဦးပြောပါတယ်။

စစ်ကောင်စီခန့် ကချင်ပြည်နယ်အစိုးရအဖွဲ့ဟာ ပြီးခဲ့တဲ့ ဩဂုတ်လကစပြီး တရုတ်နယ်စပ် ကံပိုက်တည်နဲ့ လိုင်ဇာဘက်ကနေ မြစ်ကြီးနားမြို့ထဲ ဝင်လာတဲ့ အခြေခံစားသောက်ကုန်တွေကို ဗလမင်းထင်တံတားကနေ သယ်ယူခွင့် ကန့်သတ်ထားတာ အခုဆိုရင် ၃ လနီးပါး ရှိလာပြီလို့ သိရပါတယ်။

ခုလို ကုန်သယ်ခွင့် ကန့်သတ်ထားတာကြောင့် ကုန်သည်တချို့ဟာ စက်လှေတွေနဲ့ အဆင့်ဆင့် ပြောင်းသယ်နေရပြီး ကုန်တင်ကုန်ချစရိတ်နဲ့ သယ်ယူပို့ဆောင်ရေးစရိတ်တွေ ပိုကုန်လာတယ်လို့ ကုန်သည်တစ်ဦးက ပြောပါတယ်။

“ကုန်တွေကို တံတားပေါ်ကနေ တိုက်ရိုက်သယ်ခွင့်မရတော့ စက်လှေနဲ့ အဆင့်ဆင့် ပြောင်းသယ်ရတယ်။ အရင်ကထက် အလုပ်ပိုရှုပ်သလို စရိတ်လည်း ပိုကုန်လာတယ်။ ဒါပေမဲ့ တချို့လူတွေကျတော့ တံတားကနေ သယ်ခွင့်ရနေတယ်” လို့ ကုန်သည်တစ်ဦးက ပြောပါတယ်။

သတင်းအပြည့်အစုံဖတ်ရှု့နိုင်ဖို့ Comment

13/10/2026

ဖားကန့်မှာ ဗုံးပေါက်ကွဲမှုဖြစ်ပွားခဲ့ပြီးနောက် စစ်တပ်က ညမထွက်ရ အမိန့်ထုတ်ပြန်ထားတယ်လို့ ဖားကန့်ပြည်သူတွေပြောပါတယ်။

12/10/2026

ဝိုင်းမော်မြို့နယ် မိုင်းနား-မခေါယန် လမ်းပိုင်းမှာ စစ်တပ်နဲ့ ပြည်သူ့စစ်ဂိတ်ပေါင်း (၂၀) ခန့်ရှိလာတာကြောင့် စီစစ်ပေးဖို့ ဒေသခံတွေတောင်းဆိုနေပါတယ်။

12/10/2026

ကချင်ပြည်နယ်ကို စစ်တပ်က နောက်ထပ် ကုန်းလမ်းကို အသုံးပြုပြီး စစ်ကြောင်းဖို့ကြိုစားလာတယ်လို့ တော်လှန်ရေးတပ်ဖွဲ့ဝင်တွေပြောပါတယ်။

စစ်ကိုင်းတိုင်းအထက်ပိုင်း ထီးချိုင့်–ကသာလမ်းပိုင်းကို ဖြတ်သန်းပြီး မြစ်ကြီးနားဘက်ကို ဦးတည်လာတဲ့ စစ်ယာဉ်တန်းတွေနဲ့အတူ အရပ...
12/10/2026

စစ်ကိုင်းတိုင်းအထက်ပိုင်း ထီးချိုင့်–ကသာလမ်းပိုင်းကို ဖြတ်သန်းပြီး မြစ်ကြီးနားဘက်ကို ဦးတည်လာတဲ့ စစ်ယာဉ်တန်းတွေနဲ့အတူ အရပ်သားပိုင် ကုန်တင်ကားတွေပါ ချောဆွဲခံရကာ လိုက်ပါသွားရတယ်လို့ ဒေသခံတွေဆီက သိရပါတယ်။

မန္တလေးမြို့ဘက်ကနေ မြောက်ဘက်ကိုဦးတည် တက်လာတဲ့ စစ်ယာဉ်တန်းမှာ ၁၂ ဘီးကားတွေလည်း ပါဝင်ပြီး တချို့ယာဉ်တွေဟာ မော်လူးဒေသကို ရောက်ရှိနေသလို တချို့ကတော့ အဲဒီဒေသကို ကျော်ဖြတ်သွားပြီလို့ ထီးချိုင့်–ကသာ လမ်းပိုင်းက ကာကွယ်ရေး တပ်ဖွဲ့ဝင်တစ်ဦးက ပြောပါတယ်။

“ယာဉ်တန်းကတော့ ၈၀ ကျော်တယ်လို့ သိရပါတယ်ဗျ။ ၁၂ ဘီးကားတွေပါသေးတယ်ဗျ။ မနေ့က မနက်ပိုင်းက တက်သွားတဲ့ ယာဉ်တန်းတွေပါပဲ။ တချို့က မော်လူးရောက်တယ်၊ တချို့က ကျော်သွားပြီ။ အကုန်လုံးတော့ ဆက်တိုက်မတက်သွားဘူး။ တချို့က သက်သက်ချန်ထားခဲ့တာ။”လို့ ပြောပါတယ်။

လက်ရှိ စစ်ယာဉ်တန်းဟာ တစ်စုတစ်စည်းတည်း သွားနေတာမျိုးမဟုတ်ဘဲ ယာဉ်တချို့ကို လမ်းတစ်လျှောက် ချန်ထားခဲ့ တာတွေလည်းရှိတယ်လို့ အဲဒီကာကွယ်ရေးတပ်ဖွဲ့ဝင်က ပြောပါတယ်။

တစ်ဖက်မှာလည်း အဲဒီစစ်ယာဉ်တန်းနဲ့အတူ အရပ်သားပိုင် ကုန်တင်ကားတွေပါ ချောဆွဲခံရပြီး စစ်တပ်အရာရှိတစ်ဦးရဲ့ အိမ်ဆောက်ပစ္စည်းတွေ သယ်ယူပေးခဲ့ရတယ်လို့ ကုန်ကားသမားတွေနဲ့ နီးစပ်တဲ့ ဒေသခံတစ်ဦးက ပြောပါတယ်။

အဲဒီဒေသခံရဲ့ ပြောပြချက်အရ ကုန်ကားသမားတချို့ဟာ မြစ်ကြီးနားကို ဘိလပ်မြေသယ်ယူပို့ဆောင်ရမယ်လို့ အကြောင်းပြပြီး ခေါ်ယူခံခဲ့ရတာဖြစ်ပေမဲ့ မန္တလေးတိုင်း၊ မတ္တရာမြို့နယ်ဘက်ကို ရောက်ရှိချိန်မှာတော့ စစ်တပ်အရာရှိတစ်ဦးရဲ့ အိမ်ဆောက် ပစ္စည်းတွေ သယ်ယူပေးရမယ်ဆိုတာ သိရှိခဲ့ရတာဖြစ်ပါတယ်။

သတင်းအပြည့်အစုံဖတ်ရှု့နိုင်ဖို့ Comment အောက်မှာလင့်(ခ်)ဖော်ပြထားပါတယ်။

Address

Myitkyina

Website

Alerts

Be the first to know and let us send you an email when Kachin News Group posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Kachin News Group:

Shortcuts

Share

Category