Kachin News Group

Kachin News Group The Kachinnews (KNG) is an independent media organization and covering news from Kachin and Burma. KNG was founded in 2003 by pro-democracy Kachin students.
(546)

The Kachinnews or kachinnews.com is an independent ethnic Kachin multi-media organization and covering news from Burma (Myanmar), regional and around the world. Its office is at Myitkyina, Kachin state and it is the first Kachin mainstream media and the first independent ethnic Kachin media outlet after the 1988 countrywide pro-democracy uprising in military-rooted Burma.

လူမျိုးချင်း ကိုယ်စီ ကိုယ့်ကံကြမ္မာ ကိုယ်ဆုံးဖြတ်နိုင်ခွင့် ရရှိရေးအတွက် ဖက်ဒရယ် ဒီမိုကရေစီပြည်ထောင်စု ပေါ်ထွန်းရေး ဦးဆေ...
10/08/2026

လူမျိုးချင်း ကိုယ်စီ ကိုယ့်ကံကြမ္မာ ကိုယ်ဆုံးဖြတ်နိုင်ခွင့် ရရှိရေးအတွက် ဖက်ဒရယ် ဒီမိုကရေစီပြည်ထောင်စု ပေါ်ထွန်းရေး ဦးဆောင်ကောင်စီ – SCEF ပေါင်းစည်းမှုအောက်မှာ စစ်ရေး၊ နိုင်ငံရေးကို မရပ်မနား လုပ်ဆောင်နေတာကြောင့် တိုင်းသူပြည်သားနဲ့ ကချင်ပြည်သူများအားလုံး သံသယစိတ်မရှိဘဲ ထောက်ခံအားပေးကြဖို့ KIO ဥက္ကဋ္ဌက ပြောဆိုလိုက်ပါတယ်။

ပြည်သူလူထုကို အခြေခံပြီး မိမိဒေသကို လွတ်လပ်စွာကိုယ်တိုင်စီမံအုပ်ချုပ်နိုင်ဖို့အတွက် တူညီတဲ့ပန်းတိုင်တစ်ခုတည်း ဆုပ်ကိုင်ပြီး နိုင်ငံတကာအဖွဲ့အစည်းတွေရဲ့ ထောက်ခံမှုရရှိအောင် လုပ်ဆောင်နေတယ်လို့ ဒီကနေ့ ဩဂုတ်လ ၁၀ ရက်နေ့ ကျရောက်တဲ့ ကချင်အမျိုးသားအာဇာနည်နေ့မှာ ဗိုလ်ချုပ်ကြီးအင်ဘန်လက ပြောဆိုထားတာ တွေ့ရပါတယ်။

“ကျနော်တို့ လိုအပ်နေတဲ့ ပြည်သူလူထုအပေါ် ခြေခံပြီး မိမိဒေသကို လွတ်လပ်စွာကိုယ်တိုင် စီမံအုပ်ချုပ်နိုင်ဖို့အတွက်က နိုင်ငံအတွင်းက လက်နက်ကိုင်တော်လှန်နေတဲ့ အဖွဲ့အားလုံး တူညီတဲ့ပန်းတိုင်တစ်ခုကို ဆုပ်ကိုင်ထားရမှာဖြစ်ပါတယ်။ အိမ်နီးချင်နိုင်ငံတွေ၊ ကမ္ဘာ့နိုင်ငံကြီးတွေ၊ နိုင်ငံတကာအဖွဲ့အစည်းတွေရဲ့ ထောက်ခံမှုတွေကို ရရှိဖို့လိုအပ်တဲ့အပြင် တော်လှန်ရေးခရီးကိုလည်း တစ်ဆင့်ပြီး တစ်ဆင့်မြှင့်တင်ပြီးတော့ ရှေ့ကိုချီတက်သွားနိုင်ဖို့ လိုအပ်နေပါတယ်” လို့ ပြောပါတယ်။

ဒီလိုအခြေအနေမှာ လက်နက်ကိုင်တော်လှန်နေတဲ့အဖွဲ့အစည်းတွေ NUG၊ CRPH တွေနဲ့ လက်တွဲပြီးတော့ ကမ္ဘာ့နိုင်ငံရေးစင်မြင့်ထက်မှာ ထင်ပေါ်လာနိုင်ရန်အတွက် SCEF နဲ့ အတူကြိုးပမ်းနေတာဖြစ်တယ်လို့ ပြောဆိုထားတာ ဖြစ်ပါတယ်။

ကချင်လွတ်လပ်ရေးအဖွဲ့ KIO အနေနဲ့ အသက်ရင်းပြီး လက်နက်ကိုင်တော်လှန်တဲ့ တော်လှန်ရေး ခရီးစဉ်ကို အချိန်တိုအတွင်း ကျော်ဖြတ်နိုင်ဖို့ နည်းလမ်းပေါင်းစုံကနေ စဉ်းစားအဖြေရှာ ဦးဆောင်ကာ ဆောင်ရွက်နေတယ်လို့ ဆိုပါတယ်။

စစ်အာဏာရှင်အမြစ်ပြတ် ချေမှုန်းနိုင်ဖို့ ကြိုးပမ်းနေတဲ့ အချိန် ပြည်သူပြည်သားများအနေဖြင့် အာဏာရှင်ဖက်မှာ ပါဝင်ပတ်သက်တာတွေ လုံးဝ မလုပ်ကြဖို့လည်း မိန့်ခွန်းမှာ အထူးသတိပေးပြောဆိုထားတာ တွေ့ရပါတယ်။

စစ်အာဏာရှင်အမြစ်တွယ်စေဖို့ လုပ်ငန်းစဉ်တွေမှာ ပါဝင်နေတဲ့သူတွေရဲ့ တရားစီရင်တဲ့ နေ့ရက်ရောက်လာလိမ့်မယ်လို့ ဗိုလ်ချုပ်ကြီးအင်ဘန်လ ပြောဆိုထားပါတယ်။

ဗိုလ်ချုပ်ကြီးအင်ဘန်လရဲ့ မိန့်ခွန်းထဲမှာ စစ်ရေးမှာ အရပ်သားပြည်သူတွေကို ထည့်သွင်းပစ်မှတ်ထားတာတွေမလုပ်ဖို့၊ ပြည်သူလူထုရဲ့ အသက်အိုးအိမ်ကာကွယ်ပြီး စစ်ရေးကျင့်ဝတ်တွေကိုလည်း တိတိကျကျလိုက်နာဆောင်ရွက်ဖို့ စစ်တပ်ကို သတိပေး ပြောဆိုထားတာတွေလည်းပါရှိပါတယ်။

သတင်းအပြည့်အစုံဖတ်ရှု့နိုင်ဖို့ Comment အောက်မှာလင့်(ခ်)ဖော်ပြထားပါတယ်။

10/08/2026

KIO/KIA ဥက္ကဋ္ဌ ကချင်အမျိုးသားအာဇာနည်နေ့မှာ စစ်တပ်ကိုဘာပြောလိုက်သလဲ။
#ဗိုလ်ချုပ်ကြီးအင်ဘန်လ #ကချင်အာဇာနည်နေ့

10/08/2026

ဒီကနေ့ ကျရောက်တဲ့ ကချင်အမျိုးသားအာဇာနည်နေ့မှာ KIO/KIA ဥက္ကဋ္ဌ ဗိုလ်ချုပ်ကြီး အင်ဘန်လက စစ်အာဏာရှင်အမြစ်တွယ်စေမယ့် လုပ်ငန်းတွေမှာ ပါဝင်ပတ်သက်နေတဲ့ သူတွေ ချက်ချက်ရှောင်ကျဉ်ကြဖို့ ထပ်မံသတိပေးပြောဆိုလိုက်ပါတယ်။

09/08/2026

နေရပ်ပြန် ဖားကန့်၊မှော်ဝမ်းကလေးရွာခံတွေမှာ နေအိမ်မရှိတော့တဲ့ အိမ်ခြေတွေ အမြောက်အများဖြစ်နေပြီး ကူညီမှုလိုအပ်နေ

09/08/2026

အန္တရာယ်ရှိတဲ့ ပေါက်ကွဲလက်နက်ပစ္စည်းတွေက ဘယ်လိုအသွင်သဏ္ဍာန်တွေ ရှိပါသလဲ။

ရုတ်ချည်း ပေါက်ကွဲမိုင်း (နင်းမိုင်း) တွေကို သတ္ထု ဒါမှမဟုတ် ပလတ်စတစ်နဲ့လုပ်ထားတဲ့ လေ့ရှိပြီးတော့ မြေကြီးအောက်မှာမြုပ်ထားတာဖြစ်လို့ မျက်စိနဲ့မမြင်ရနိုင်ပါဘူး။

နင်းမိုင်းတွေကို လက်နက်ကိုင်အဖွဲ့အစည်းတွေ အခြေစိုက်ခဲ့ဖူးတဲ့နေရာတွေ၊ သွားလာလှုပ်ရှား ဖူးတဲ့နေရာတွေ၊ ခြုံနွယ်ထူထပ်တဲ့နေရာတွေ၊ လမ်းဟောင်းတွေ၊ လမ်းဆုံလမ်းခွတွေ၊ လမ်းဘေး နေရာတွေ၊ တံတားတွေ၊ ရေအရင်းအမြစ်ရှိတဲ့ စတဲ့ နေရာတွေမှာ ထောင်ထားလေ့ ရှိပါတယ်။

အစထွက်လူသတ်မြေမြှုပ်မိုင်းတွေဖြစ်တဲ့ တိုက်မိုင်း လို့ခေါ် တဲ့ တုတ်ထောက်မိုင်း၊ ရှေ့ထွက်လူသတ်မိုင်းနဲ့ ခုန်ပျံ ပေါက်ကွဲမိုင်းတွေကို စစ်ရေးအရ မဟာဗျူဟာ ကျတဲ့နေ ရာတွေ၊ သစ်ပင်အကွယ်နဲ့ သစ်ပင်အနီးတဝိုက်နေရာတွေ၊ မြက်ပင်ရှည်တွေနဲ့ ခြုံနွယ်တွေ ကြား တွေမှာ ထောင်ထားလေ့ရှိပါတယ်။

ယာဥ်ဖျက်မိုင်းအမျိုးအစားဖြစ်တဲ့ မြေမြှုပ်မိုင်းတွေဟာ အဖျက်စွမ်းအားကြီးပြီး လမ်းမကြီးတွေ၊ လမ်းဘေးပခုံးတွေ၊ လူသွားလမ်းငယ်တွေမှာ ထောင်ထားလေ့ ရှိပါတယ်။

မြေမြုပ်မိုင်းတွေအပြင် စစ်ပွဲတွေ၊ လေကြောင်းတိုက်ခိုက်မှုတွေ၊ ပစ်ခတ်မှုတွေ ဖြစ်ထားဖူးတဲ့နေရာတွေမှာ တွေ့ရတဲ့ ပစ်ခတ်၊ အသုံးပြု လိုက်ပေမယ့် မပေါက်ကွဲသေးဘဲ ကျရောက် တည်ရှိနေတဲ့ စစ်ကျန်လက်နက်ပစ္စည်းတွေရဲ့ အန္တရာယ်လည်းရှိပါသေးတယ်။

စိန်ပြောင်းကျည်လို့ခေါ်ကြတဲ့ မော်တာကျည်၊ အမြှောက်ကျည်၊ အာပီဂျီ၊ လက်ပစ်ဗုံးစတဲ့ စစ်ကျန်လက်နက်ပစ္စည်းတွေဟာ အရောင်အားဖြင့်တော့ ကာကီ၊ အစိမ်း၊ အညို၊ မီးခိုးရောင် စတဲ့အရောင်အမျိုးမျိုးရှိတတ်ပြီး တချို့ပစ္စည်းတွေက သံချေးတတ်နေတာ ဆေး ရောင် လွင့်ပျယ်နေတာမျိုးလည်း ရှိနိုင်ပါတယ်။

ဒါ့အပြင် လက်လုပ်မိုင်းတွေလည်းရှိပါသေးတယ်။ လက်လုပ်မိုင်းတွေကို ‌နေ့စဉ်သုံးအလွယ်တကူ ရနိုင်တဲ့ပစ္စည်းတွေဖြစ်တဲ့ ပလက်စတစ်ပိုက်တွေ၊ ပုလင်းခွံတွေ၊ သစ်သားစတာတွေအပြင် မပေါက်ကွဲသေးတဲ့စစ်ကျန်လက်နက်ပစ္စည်းအပိုင်းအစတွေနဲ့လည်း လုပ်ထားတတ်ကြပါတယ်။

သူတို့ကို ဘယ်နေရာမှာမဆိုမြင်တွေ့နိုင်ပြီးတော့ ပုံမှန်တွေ့နေမြင်နေကျအ ရာဝတ္ထုတွေနဲ့ ဆင်တူနေတတ်ပါတယ်။

08/08/2026

ကချင်ပြည်နယ်မှာ မူးယစ်ဆေးဝါးနဲ့ လောင်းကစားဝိုင်းတွေ ပိုမိုများပြားလာတာကြောင့် အသက် ၁၈ နှစ်မပြည့်သေးတဲ့ကလေးတွေကြား ဓားပြတိုက်တာ၊ ဓားထိုးမှု၊ ခိုက်ရန်ဖြစ်ပွားတာတွေ ပိုများလာတယ်လို့ ဒေသခံတွေက ပြောပါတယ်။

ကချင်ပြည်နယ်၊ ရွှေကူမြို့နယ်အတွင်း ကချင်လွတ်လပ်ရေးတပ်မတော် (KIA) ပူးပေါင်းတပ်တွေက ရွှေဘုန်းမြင့်ကျေးရွာက စစ်တပ်ရဲ့ ရှေ့တ...
08/08/2026

ကချင်ပြည်နယ်၊ ရွှေကူမြို့နယ်အတွင်း ကချင်လွတ်လပ်ရေးတပ်မတော် (KIA) ပူးပေါင်းတပ်တွေက ရွှေဘုန်းမြင့်ကျေးရွာက စစ်တပ်ရဲ့ ရှေ့တန်းစခန်းတစ်ခုကို သိမ်းပိုက်ပြီးနောက် နှစ်ဖက်တပ်တို့ထိတွေ့တိုက်ပွဲတွေ ဆက်လက်ဖြစ်နေပြီး စစ်တပ်က လေကြောင်း အသုံးပြုတာနဲ့ ရိက္ခာဖြည့်တင်းတာတွေဆက်လုပ်နေတယ်လို့ ဒေသတွင်းစစ်ရေးသတင်းရင်းမြစ်တွေက ပြောပါတယ်။

ရွှေကူဒေသအတွင်း လက်ရှိစစ်ရေးအခြေအနေကို သိရှိတဲ့ ကာကွယ်ရေးတပ်ဖွဲ့ဝင်တစ်ဦးကတော့ ရွှေဘုန်းမြင့်ဘက်ကို KIA ပူးပေါင်းတပ်တွေ ထိန်းချုပ်ထားနိုင်ပေမယ့် အနီးဝန်းကျင်မှာ တိုက်ပွဲနဲ့ပစ်ခတ်မှုတွေ ဆက်ရှိနေတယ်လို့ KNG ကို ပြောပါတယ်။

“ရွှေကူကတော့ ရွှေဘုန်းမြင့်ဘက်သိမ်းပြီးတော့ တစ်ဖက်နဲ့တစ်ဖက် ပစ်ခတ်မှုတွေကတော့ရှိနေတယ်။ အသံတွေလည်း ကြားနေရတယ်။ စစ်တပ်ဘက်ကတော့ Y-8 နဲ့ ရိက္ခာတွေချတာရှိတယ်။ လေကြောင်းတိုက်ခိုက်မှုကလည်း ညတွေ အချိန်မတော်တွေမှာ တိုက်ခိုက်တာတွေကတော့ရှိတယ်”လို့ ပြောပါတယ်။

ရွှေဘုန်းမြင့်ကျေးရွာဟာ ရွှေကူမြို့နဲ့ ငအိုးကျေးရွာကြားမှာရှိပြီး မန္တလေး–ဗန်းမော်လမ်းကြောင်းပေါ်မှာ တည်ရှိတာဖြစ်ပါတယ်။

အဲ့ဒီနေရာမှာရှိတဲ့ စစ်တပ်ရဲ့ ရှေ့တန်းခြေကုတ်စခန်းကို KIA ပူးပေါင်းတပ်တွေက ဇူလိုင် ၃၁ ရက်မှာ တိုက်ခိုက်သိမ်းပိုက်ခဲ့တယ် လို့ KIO ဘက်က ပြောထားပါတယ်။

အဲ့ဒီ စခန်းမှာ စစ်တပ်ရဲ့ တပ်ဖွဲ့ဝင် ၃၀ ကျော် ချထားပြီး ရွှေကူမြို့ဘက်ကို စစ်ကြောင်းထိုးဖို့အတွက် တစ်လနီးပါး အသုံးပြုခဲ့တဲ့ ရှေ့တန်းခြေကုတ်စခန်းတစ်ခုဖြစ်တယ်လို့ KIO က ဆိုထားပါတယ်။

အဲဒီစခန်း သိမ်းပိုက်ခံရပြီးနောက် ရွှေကူမြို့နယ်အတွင်း စစ်ကောင်စီတပ်နဲ့ KIA ပူးပေါင်းတပ်တွေကြား ထိတွေ့တိုက်ပွဲတွေ ဆက်လက်ဖြစ်နေသလို ရိက္ခာထောက်ပံ့တာတွေလည်းရှိတယ်လို့ ဒေသတွင်းစစ်ရေးအခြေအနေကို သိရှိသူတွေကပြောပါ တယ်။

သတင်းအပြည့်အစုံဖတ်ရှု့နိုင်ဖို့ Comment အောက်မှာလင့်(ခ်)ဖော်ပြထားပါတယ်။

ကချင်ပြည်နယ်ရဲ့ မြို့တော်ဖြစ်တဲ့ မြစ်ကြီးနားမြို့အပါအဝင် မြို့နယ်တစ်ချို့မှာ အသက်မပြည့်သေးတဲ့ လူငယ်တွေဟာ အကြမ်းဖက်မှုနဲ့...
08/08/2026

ကချင်ပြည်နယ်ရဲ့ မြို့တော်ဖြစ်တဲ့ မြစ်ကြီးနားမြို့အပါအဝင် မြို့နယ်တစ်ချို့မှာ အသက်မပြည့်သေးတဲ့ လူငယ်တွေဟာ အကြမ်းဖက်မှုနဲ့ ခိုးဆိုးလုယက်မှုတွေ ကျူးလွန်တာ ပိုမိုတွေ့လာရတယ်လို့ မြို့ခံတွေက ပြောပါတယ်။

ခုလို လူငယ်တွေကြား အကြမ်းဖက်မှုနဲ့ ပြစ်မှုကျူးလွန်မှုတွေ ပိုမိုတွေ့လာရတာဟာ နိုင်ငံရေးမတည်ငြိမ်မှု၊ အလုပ်အကိုင်ရှားပါးလာမှုနဲ့ စားဝတ်နေရေး အခက်အခဲတွေကြောင့် လူငယ်တစ်ချို့ ငွေကြေးကို အလွယ်တကူ ရှာဖွေလိုစိတ်နဲ့ အကြမ်းဖက်လုပ်ရပ်တွေထဲ ပါဝင်လာတာ ဖြစ်နိုင်တယ်လို့ မြစ်ကြီးနားမြို့ခံ အမျိုးသားတစ်ဦးက ပြောပါတယ်။

“အခုလိုမျိုး ဓားပြတိုက်တာတွေ၊ ခိုးတာတွေ များလာရတဲ့ အရင်းမြစ်က လူငယ်တွေ အသောက်အစားတွေ စုံလာတာ၊ လောင်းကစား၊ အွန်လိုင်းဂိမ်း၊ စလော့ဂိမ်းတွေ ဆော့လာတာတွေလည်း ပါတယ်။ ပိုက်ဆံသုံးချင်ပေမယ့် ရှာဖို့အခက်အခဲရှိတော့ အလွယ်တကူ ရှာချင်လာတာ”လို့ ဆိုပါတယ်။

ပြီးခဲ့တဲ့ ဇူလိုင်လနဲ့ ဩဂုတ်လအတွင်း မြစ်ကြီးနားနဲ့ မိုးကောင်းမြို့တွေမှာ အသက်မပြည့်သေးတဲ့ လူငယ်တွေ ပါဝင်ကျူးလွန်ခဲ့တဲ့ အကြမ်းဖက်မှု ဖြစ်စဉ် သုံးခုထက်မနည်း ရှိခဲ့ပါတယ်။

ဒီဖြစ်စဉ်တွေက ဩဂုတ်လ ၄ ရက်နေ့ မြစ်ကြီးနားမြို့ ကျွန်းပင်သာရပ်ကွက်မှာ ဖြစ်ပွားခဲ့တာဖြစ်ပြီး ကျောင်းဆင်းချိန် ဆိုင်ကယ်အတူစီးလာတဲ့ ကျောင်းသားနှစ်ဦးအနက် နောက်ကလိုက်စီးလာတဲ့ ကျောင်းသားက ရှေ့ကဆိုင်ကယ်မောင်းနေတဲ့ ကျောင်းသားကို ဓားနဲ့ထိုးပြီး ထွက်ပြေးသွားခဲ့ပါတယ်။

ဓားထိုးခံရတဲ့ ကျောင်းသားမှာ ဒဏ်ရာရရှိခဲ့ပေမယ့် အသက်အန္တရာယ် မစိုးရိမ်ရဘဲ ကျူးလွန်သူ ကျောင်းသားကိုတော့ လက်ရှိအချိန်ထိ ဖမ်းဆီးနိုင်ခြင်း မရှိသေးဘူးလို့ သိရပါတယ်။

အလားတူ ဇူလိုင်လ ၁၁ ရက်နေ့ ည ၉ နာရီကျော်အချိန်က မြစ်ကြီးနားမြို့ ရမ်ပူရပ်ကွက်မှာလည်း အသက် ၁၅ နှစ်ဝန်းကျင် လူငယ်တစ်ဦးကို အသက် ၁၄ နှစ်နဲ့ ၁၆ နှစ်အရွယ် သူငယ်ချင်းနှစ်ဦးက လူပြတ်တဲ့နေရာကို ခေါ်ဆောင်သွားပြီး လည်ပင်းညှစ်ကာ ဖုန်းလုယူခဲ့ပါတယ်။

လည်ပင်းညှစ်ခံရသူက ပြန်လည်သတိရလာပြီး မိဘတွေကို အကြောင်းကြားခဲ့တာကြောင့် ကျူးလွန်သူနှစ်ဦးကို ဖမ်းဆီးနိုင်ခဲ့ပေမယ့် ရန်ငြိုးထားမှာကို စိုးရိမ်တဲ့အတွက် ခံရသူဘက်က ပြန်လည်ကျေအေးပေးခဲ့တယ်လို့ သိရပါတယ်။

နောက်ထပ်ဖြစ်စဉ်တစ်ခုကတော့ ဇူလိုင်လ ၅ ရက်နေ့က မိုးကောင်းမြို့ ရွာသစ်မှာ ဖြစ်ပွားခဲ့ပြီး အသက် ၁၂ နှစ်အရွယ် ကောင်လေးတစ်ဦးက ညသန်းခေါင်အချိန် အိမ်ပြန်လာစဉ် ဆေးကြောင်နေတဲ့အခြေအနေမှာ အဖွားဖြစ်သူကို တောရှင်းဓားမလို့ ယူဆရတဲ့ လက်နက်နဲ့ ဦးခေါင်းကို အကြိမ်ရေများစွာ ခုတ်ခဲ့ပါတယ်။

အဖွားဖြစ်သူမှာ ဒဏ်ရာပြင်းထန်ခဲ့ပေမယ့် အချိန်မီ ဆေးကုသနိုင်ခဲ့တာကြောင့် အသက်အန္တရာယ်ကနေ လွတ်မြောက်ခဲ့ပါတယ်။

ဒီဖြစ်စဉ်တွေကြောင့် လက်ရှိကာလအတွင်း အသက်မပြည့်သေးတဲ့ လူငယ်တွေ ပါဝင်တဲ့ အကြမ်းဖက်မှုနဲ့ ရာဇဝတ်မှုဆိုင်ရာ လုပ်ရပ်တွေ ပိုမိုတွေ့လာရတယ်လို့ မြို့ခံတွေက ပြောပါတယ်။

သတင်းအပြည့်အစုံဖတ်ရှု့နိင်ဖို့ Comment အောက်မှာလင့်(ခ်)ဖော်ပြထားပါတယ်။

အမေရိကန်ပြည်ထောင်စု လူဝင်မှုကြီးကြပ်ရေးနဲ့ အကောက်ခွန်ဥပဒေ စိုးမိုးရေးအဖွဲ့ (ICE) က ဖမ်းဆီးထိန်းသိမ်းထားတဲ့ ကချင်ကျောင်းသ...
08/08/2026

အမေရိကန်ပြည်ထောင်စု လူဝင်မှုကြီးကြပ်ရေးနဲ့ အကောက်ခွန်ဥပဒေ စိုးမိုးရေးအဖွဲ့ (ICE) က ဖမ်းဆီးထိန်းသိမ်းထားတဲ့ ကချင်ကျောင်းသားနှစ်ဦး ပြန်လည်လွတ်မြောက်လာပြီလို့ အမေရိကန်ရောက် မြန်မာအသိုင်းအဝိုင်းထံက သိရပါတယ်။

ထိန်းသိမ်းခံထားရတဲ့ ကျောင်းသားနဲ့ ကျောင်းသူတို့ကို အမေရိကန်ရောက် အရပ်ဘက်အဖွဲ့အစည်းတွေက ရှေ့နေတွေနဲ့ ချိတ်ဆက်ကူညီပေးခဲ့တာကြောင့် ပြန်လည်လွတ်မြောက်လာတာဖြစ်တယ်လို့ နီးစပ်သူအမျိုးသားတစ်ဦး ပြောပါတယ်။

“ရှေ့နေတွေနဲ့ အားလုံးက ဝိုင်းကူညီပေးကြလို့ လွတ်လာတာပါ။ ဒါပေမယ့် လေယာဉ်စီးတဲ့အချိန်မှာတော့ သတိထားရဦးမယ်”လို့ ပြောပါတယ်။

တက္ကဆက်ပြည်နယ်မှာ ဖမ်းဆီးခံထားရတဲ့ ကျောင်းသားလူငယ်က ပြီးခဲ့တဲ့အပတ်က ပြန်လည်လွတ်မြောက်လာခဲ့ပြီး ဖလော်ရီဒါပြည်နယ်မှာ ဖမ်းဆီးခံထားရတဲ့ ကျောင်းသူကတော့ ဩဂုတ် ၆ ရက် မနက် ၂ နာရီခန့်မှာ လွတ်မြောက်လာခဲ့တယ်လို့ သိရပါတယ်။

အဲဒီ ကျောင်းသားနှစ်ဦးကို ပြီးခဲ့တဲ့ ဇူလိုင်လအတွင်း တစ်ဦးကို တက္ကဆက်ပြည်နယ်ရှိ Dallas Fort Worth အပြည်ပြည်ဆိုင်ရာလေဆိပ်မှာလည်းကောင်း၊ ကျောင်းသူကို ဖလော်ရီဒါပြည်နယ် မိုင်ယာမီလေဆိပ်မှာလည်းကောင်း ICE အဖွဲ့က ဖမ်းဆီးခဲ့တာဖြစ်ပါတယ်။

လက်ရှိအခြေအနေမှာ နိုင်ငံရေးခိုလှုံခွင့် (Asylum) လျှောက်ထားသူတွေအနေနဲ့ လွတ်လပ်စွာ သွားလာနေထိုင်ဖို့ အခက်အခဲရှိလာပြီး အထောက်အထားမပြည့်စုံဘဲ နယ်စပ်ကနေ ဝင်ရောက်လာသူတွေအနေနဲ့ ပိုမိုစိုးရိမ်ရတဲ့ အခြေအနေ ရှိနေတယ်လို့ အမေရိကန်ရောက် မြန်မာအသိုင်းအဝိုင်းက ပြောပါတယ်။

သတင်းအပြည့်အစုံဖတ်ရှု့နိုင်ဖို့ Comment အောက်မှာလင့်(ခ်)ဖော်ပြထားပါတယ်။

Address

Myitkyina

Website

Alerts

Be the first to know and let us send you an email when Kachin News Group posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Kachin News Group:

Shortcuts

Share

Category