https://www.facebook.com/921764034601923/

Police Officer Hein Win Kyaw, Myitkyina (2025)

16/07/2025

ကျင့် ၂၀၂ အစီရင်ခံစာနှင့် ပူးတွဲတင်သွင်းသော
ရဲထံထွက်ဆိုချက်များ (ရဲစက္ကူများ)ကို
တာဝန်ခံမိတ္တူ ကူးယူခွင့် ရှိ၊ မရှိ
====================================

ကျင့် ၂၀၂ အစီရင်ခံစာကိုတော့
မိတ္တူကူးခွင့် ရရှိကြပါသည်။
နောက်ဆက်တွဲ ရဲထံထွက်ချက်များကို
မိတ္တူကူးလျှောက်ထားလျှင်
ထုတ်ပေးခွင့်ရှိ၊မရှိ ပြဿနာ ပေါ်လာပါတော့သည်။

အမှုတွဲမိတ္တူကူးနည်းဥပဒေ ၁၀ တွင်
#သက်သေခံအဖြစ်လက်ခံထားသော_ရဲစက္ကူများ ကို မိတ္တူကူးခွင့်ရှိကြောင်း ပြဌာန်းထားပါသည်။

အထက်ပါ နည်းဥပဒေ သည်
ကျင့် ၁၆၂၊ သက်သေခံ ၁၄၅ တို့အရ
တိုက်ဆိုင်စစ်မေးပြီး
သက်သေခံတင်သွင်းသော
ရဲစက္ကူ (ရဲထံထွက်ချက် ကောက်နုတ်ချက် မိတ္တူ)
ကို ရည်ရွယ်ထားခြင်း ဖြစ်ပါသည်။

(ကျင့် ၂၀၂ အစီရင်ခံစာနှင့် ပူးတွဲထားသော
ရဲထံထွက်ချက်(ရဲစက္ကူ)ကို တရားရုံးများတွင်
သက်သေခံအဖြစ် တင်သွင်းလက်ခံလေ့ မရှိပါ)
ထို့ကြောင့် အခွင့်ရအရာရှိက
သက်သေခံအဖြစ် တင်သွင်းမထားသော
ရဲစက္ကူအား မိတ္တူကူး လျှောက်ထားလာလျှင်
ငြင်းပယ်ပါလိမ့်မည်။

၁၉၄၁ ခုနှစ်၊ ရန်ကုန်စီရင်ထုံး၊ စာ- ၅၉၀
" မောင်ရှိန် နှင့် အစိုးရ " စီရင်ထုံးတွင်
#ကျင့်၂၀၂အစီရင်ခံစာနှင့်အစီရင်ခံစာ၌_အခြေခံထားသောအစစ်ခံချက်များသည်အမှုတွဲ၏အစိတ်အပိုင်းဖြစ်၍_တရားခံကစစ်ဆေးကြည့်ရှုခွင့်၊မိတ္တူကူးယူခွင့်ရှိကြောင်း
ထုံးဖွဲ့ထားပါသည်။

(အဆိုပါ စီရင်ထုံးအရ ဆိုလျှင်
မိတ္တူကူးခွင့်က ရှိနေပြန်ပါသည်)

တစ်ဖက်တွင်လည်း
တရားရုံးများလက်စွဲအပိုဒ် ၁၀၈၄(၁) တွင်
#အမှုနေ့စဥ်မှတ်တမ်းများ၊အစီရင်ခံစာများ၊
သက်သေထွက်ချက်များနှင့်စွဲချက်စာချပ်၊
ပထမသတင်းပေးတိုင်ချက်မဟုတ်သည့်
ရဲစက္ကူများကို မည်သည့်အကြောင်းနှင့်မျှ
အမှုတွဲတွင် တွဲထားခြင်း မရှိစေရ။
ဥပဒေအရာရှိသို့ ပြန်ပေးလိုက်ရမည်....ဟု
ပိတ်ပင်ထားပါသည်။

ထိုသို့ဆိုလျှင်
ကျင့် ၂၀၂ အစီရင်ခံစာကိုသာ
အမှုတွဲ၌ တွဲထားပြီး
နောက်ဆက်တွဲ (ထွက်ချက်)ရဲစက္ကူများကို
ဥပဒေအရာရှိထံသို့ ပေးအပ်လိုက်လျှင်
ပြဿနာ အေးသွားမည် ဟု
ဆင်ခြင်မိပါသည်။
(အမှုတွဲ၌ ရှိမနေ၍
မိတ္တူကူးလျှောက်ခွင့် မရှိတော့သလို၊
ထုတ်ပေးရန်လည်း မလိုတော့ပါ)

သို့သော်
ထိုနေရာတွင် ပြဿနာ က
မအေးသေးပါ။
ဦးတိုက်လျှောက်လွှာ၊ ကျင့် ၂၀၀ ထွက်ဆိုချက်နှင့်
ကျင့် ၂၀၂ အစီရင်ခံစာ တို့အရ
စွပ်စွဲခံရသူများကို အရေးယူရန်
အကြောင်းမပေါ်ပေါက်သဖြင့်
ကျင့် ၂၀၃ အရ အမှုပလပ်လိုက်သည်...ဆိုပါစို့။

အမှုတွင် ဥပဒေအရာရှိ ပါဝင်မလာသေးမီ
အမှု ပြီးသွားသောအခါ
အဆိုပါ ကျင့် ၂၀၂ အစီရင်ခံစာ နှင့်
ရဲစက္ကူ ထွက်ချက်များကို
အမှု၌သာ တွဲထားရတော့မည် ဖြစ်ပါသည်။

တရားလိုက မကျေနပ်၍
အထက်ရုံးသို့ ပြင်ဆင်မှု တက်သည့် အခါ
အထက်ရုံး တရားသူကြီးက
အမှုတွဲတွင် ပါရှိနေသော
ရဲထံထွက်ဆိုချက်များကို
၎င်း၏ စီရင်ချက်တွင်
ထည့်သွင်းသုံးသပ်သည်များ ရှိပါသည်။
အမှု၌ တွဲမပေးလိုက်လျှင်လည်း
ထပ်မံ တောင်းခေါ်သည်များ ရှိပါသည်။

ထိုသို့ဆိုလျှင်
စီရင်ချက် တွင် ထည့်သွင်းသုံးသပ်ပြီးသည့်
ရဲစက္ကူထွက်ချက်များကို
အဆိုပါ အမှုတွဲမှ
ခွဲခွာ ထား၍ မရပြန်တော့ပါ။
အစဉ်တစိုက် တွဲထားရတော့မည် ဖြစ်ပါသည်။
ရဲအရေးပိုင်မှု တစ်ခုခုဖြင့်
စွပ်စွဲခံရသူများကို အရေးယူလိုက်၍
ဥပဒေအရာရှိ ပါဝင်လာစေဦးတော့၊
BCM. 1084(1) အတိုင်း လိုက်နာပြီး
ရဲစက္ကူထွက်ချက်များကို
ဥပဒေအရာရှိ ထံ ပြန်ပေး၍
မဖြစ်နိုင်တော့ပါ။

နောက်ထပ်
အထက် တစ်ဆင့်မြင့်ရုံးသို့
မကျေနပ်သူတစ်ဦးဦးက ထပ်မံတက်လျှင်
စီရင်ချက်တွင် ထည့်သွင်းသုံးသပ်ထားသည့်
ရဲထံထွက်ချက်များ အမှုတွဲ၌
မပါ မဖြစ်၊ ပါရှိနေရတော့မည် ဖြစ်ပါသည်။
( ဒါက ဖြစ်နိုင်ခြေ ကို ယေဘုယျ တင်ပြခြင်း
ဖြစ်ပါသည်)

သို့ဖြစ်၍
ကျင့် ၂၀၂ အစီရင်ခံစာနှင့် ပူးတွဲတင်သွင်းသော
ရဲထံ ထွက်ဆိုချက် (ရဲစက္ကူများ)ကို
တရားရုံး အမှုတွဲ၌ ထားသင့်၊ မထားသင့်၊
အမှုတွဲ၌ ထားရှိလျှင်လည်း
မိတ္တူကူးခွင့် ရထိုက်၊ မရထိုက်၊
ဥပဒေရပ်ဝန်းမှ
ဆရာ၊ ဆရာမ၏ ရှုမြင်သုံးသပ်မှုများကို
လေ့လာ မှတ်သားလိုပါသဖြင့်
ယခု ပို့စ် အား တင်ပြရပါကြောင်း။

20/05/2024

အမွေဆက်ခံပိုင်ဆိုင်မှု

ကွယ်လွန်သွားသည့်ပိုင်ရှင်၏ အိမ် နှင့် မြေ သို့မဟုတ် မြေကွက်ကို အမွေဆိုင်များက ရောင်းချခြင်း၊ငှားရမ်းခြင်း ပြုလုပ်လိုပါက လိုက်နာဆောင်ရွက်ရန် နည်းလမ်းများ.......

အမွေဆိုင် သားသမီးများ သို့မဟုတ် အမွေဆိုင် ညီအစ်ကိုမောင်နှမများက စာချုပ်စာတမ်း မှတ်ပုံတင်ရုံးတွင် ပိုင်ဆိုင်ကြောင်းမြွက်ဟကြေညာစာတမ်း လျှောက်ထားရရှိပြီး ဖြစ်လျှင်ဖြစ်စေ၊ စီရင်ပိုင်ခွင့်ရှိသော တရားရုံး တော်သို့ အမွေထိန်းလက်မှတ် လျှောက်ထားရပြီးလျှင် ဖြစ်စေ၊ ကွယ်လွန်သူပိုင် အိမ်၊ မြေ သို့မဟုတ် မြေကွက် ကို လွှဲပြောင်းရောင်းချခြင်း သို့မဟုတ် ငှားရမ်းခြင်းတို့ကို ဥပဒေနှင့်အညီပြုလုပ်နိုင်ခွင့်ရှိပါသည်။

စာချုပ်စာတမ်းမှတ်ပုံတင်ရုံးတွင် အမွေဆိုင်အားလုံးပါဝင်၍ ပိုင်ဆိုင်ကြောင်း မြွက်ဟကြေညာ စာတမ်း ပြုလုပ်ပါက ကနေဦးမြေပုံ မြေရာဇဝင်ကူးယူရပါမည်။ အမည်ပေါက်ပိုင်ဆိုင်သူ အမှန်တကယ်သေဆုံးကြောင်း သက်ဆိုင်ရာက တရားဝင်ထုတ်ပေးသော သေစာရင်း တင်ပြနိုင်ရပါမည်။

မြေပုံမြေရာဇဝင်ကူးယူရာတွင် အမွေဆိုင်အားလုံးက တရားရုံးတော်၌ အမွေဆိုင်များ ဖြစ်ကြောင်း၊ အခြား အမွေဆိုင်များ မကျန်ရှိတော့ကြောင်း၊ ကွယ်လွန်သူ၏ အမွေဆိုင်များ မှန်ကန်ကြောင်း ဖော်ပြ၍ ကျမ်းကျိန် လွှာပြုလုပ်၍ ရန်ကုန်မြို့တော်စည်ပင်သာယာရေး ကော်မတီ၊ မြေပုံမြေရာဇဝင်ဌာနသို့ အမည်ပြောင်းရန် အတွက်နှင့် ရောင်းချရန်အတွက် မြေပုံမြေရာဇဝင် ( ၂ )စုံ ကူးယူခွင့် လျှောက်ထားရပါမည်။ မြေပုံကူးရာတွင် မြေပုံမြေရာဇဝင်ဌာန၏ သတ်မှတ်ချက်များနှင့်အညီ လျှောက်ထားခြင်းနှင့် ကျသင့်သော ကူးခများ ပေးသွင်း ရခြင်း ပြုလုပ်ရပါမည်။

ရန်ကုန်မြို့တော်စည်ပင်သာယာရေးကော်မတီ၊ မြေပုံမြေရာဇဝင်ဌာနက သတင်းစာတွင် ကြော်ငြာ ထည့်သွင်းပြီး ကန့်ကွက်သူ မရှိသည့်အခါကျမှ အမည်ပြောင်းနှင့် ရောင်းချရန်အတွက် မြေပုံမြေရာဇဝင် ထုတ် ပေးမည်ဖြစ်ပါသည်။ ကန့်ကွက် မှုတစ်စုံတစ်ရာ ပေါ်ပေါက်လာပါက ကန့်ကွက်သူဘက်မှ အထောက်အထား ခိုင်ခိုင်လုံလုံ မတင်ပြနိုင်ပါက ကန့်ကွက်ချက်ကို မြေပုံမြေရာဇဝင်ဌာနက စဉ်းစားပေးမည် မဟုတ်ပါ။
( မှတ်ချက် ၊ အမည်ပေါက်ကိုယ်ပိုင် မြေပုံကူးယူပါက သတင်းစာတွင် ကြော်ငြာရန် မလိုအပ်ဟု သိရှိရပါသည်။ )

ပိုင်ဆိုင်ကြောင်း မြွက်ဟကြေညာစာတမ်းနှင့် အရောင်းစာချုပ်ကို တစ်ကြိမ်တည်း မှတ်ပုံတင်ရန် ဆောင် ရွက်နိုင်ခွင့်ရှိပါသည်။
အဓိကလိုအပ်ချက်မှာ စာချုပ်စာတမ်း မှတ်ပုံတင်ရုံး၏ လိုအပ်ချက်များကို ပြည့်ပြည့်စုံစုံ တင်ပြနိုင်ရပါမည်။

အကယ်၍ အမွေဆိုင်တစ်ဦးတစ်ယောက်မှာ ခရီးလွန်နေပါက အထူးကိုယ်စားလှယ်ပေးအပ်၍ ခရီးလွန် နေသော အမွေဆိုင်အတွက် ဆောင်ရွက်နိုင်ခွင့်ရှိပါသည်။
( မှတ်ချက်။ ။ အမွေဆိုင်တစ်ဦးတစ်ယောက်ကို ထိန်ချန်ပါက မှတ်ပုံတင်စာချုပ်မှာ တရားဝင်မည် မဟုတ်ပါ။ )

သေဆုံးသွားသော အမွေဆိုင်၏ဇနီး သို့မဟုတ် သားသမီးများကိုပါ ထည့်သွင်းဆောင်ရွက်ပါမှ စာချုပ်မှာ တရားဝင်မည်ဖြစ်ပါသည်။

အထူးသတိထားသင့်သောအချက်မှာ
အမွေဆိုင်များကို ချန်လှန်၍ မှတ်ပုံတင်အရောင်းအဝယ် စာချုပ်စာ တမ်းပြုလုပ်ပါက ဥပဒေနှင့်ဆန့်ကျင်သဖြင့် ယင်းစာချုပ်မှာ ကနေဦးကပင် ပျက်ပြယ်နေပါသည်။

အမွေထိန်းစာဖြင့် ရောင်းချခြင်းဖြစ်ပါက ရောင်းချခွင့်ပြုရန် တရားရုံး၏ခွင့်ပြုမိန့် ပါရှိရပါမည်။

Ref :
[ဦးဗကြိုင်(ဘီအေ၊ အီအယ်လ်)၊ မရွှေ့မပြာင်းနိုင်သည့် အိမ် ခြံ မြေ တိုက်ခန်း စသည်များရောင်းချခြင်း၊ ဝယ်ယူခြင်း ငှားရမ်းခြင်းဆိုင်ရာ ဥပဒေသိမှတ်ဖွယ်ရာ၊ စာ ၈ ) ] ။
Credit to owner with respect
ကမ္ဘာ့မင်းရာဇာ

20/08/2023

ရာဇဝတ်မှုများ၌ခံဝန်ဖြင့်အစမ်းလွှတ်ပေးနိင်ခြင်း။

ရာဇဝတ်မှုများဖြစ်ပွါး၍အမှုများရင်ဆိုင်ဖြေရှင်းမှုများပြုရာတွင်ရာဇဝတ်တရားသူကြီး

များကအောက်ဖေါ်ပြပါအကြောင်းအချက်များနှင့်ညီညွတ်နေပါကရာဇဝတ်ကျင့်ထုံးဥ

ပဒေပုဒ်မ-၅၆၂အပိုဒ်ခွဲ(၁)အရတရားခံ/များကိုခံဝန်ဖြင့်အစမ်းလွှတ်နိင်ခွင့်ရှိကြောင်းပြ

ဌာန်းထားပါသည်။

(၁)တရားခံအဖြစ်စွပ်စွဲခံရသူသည်အသက်(၂၁)နှစ်အောက်ယောက်ကျား(သို့မဟုတ်)မိန်း

မသားတစ်ဦးဖြစ်ရပါမည်။

(၂)ထိုယောက်ကျား(သို့မဟုတ်)မိန်းမသားသည်ယခင်ကပြစ်ချက်ဟောင်းမရှိခဲ့ဘူးသူဖြစ်

ရပါမည်။

(၃)စွပ်စွဲဖြေရှင်းရသည့်ပြစ်မှုသည်သေဒဏ်(သို့မဟုတ်)တစ်သက်တစ်ကျွန်းဒဏ်အပြစ်

ပေးခံရနိင်သည့်ပြစ်မှုအမျိုးအစားမျိုးမဟုတ်ကြောင်းဖြစ်ရပါမည်။

အထက်ပါအချက်များနှင့်ညီညွတ်ပါကရာဇဝတ်ကျင့်ထုံဥပဒေပုဒ်မ-၅၆၂အပုဒ်ခွဲ(၁)အရ

တရားခံအားခံဝန်ဖြင့်အမှုမှအစမ်းလွှတ်နိင်ပါသည်။

**ဥပဒေဗဟုသုတများတိုးပွါးနိင်ကြပါစေ**

05/06/2023

မြန်မာ့ဓလေ့ထုံးတမ်းဥပဒေအရ သက်ဆိုင်သူများအတွက်သာဆောင်ရွက်ရခြင်းဖြစ်ပါတယ်။

နှစ်ဦးသဘောတူလင်မယားကွာရှင်းခြင်းကို မျက်နှာစုံညီကွာရှင်းစာချုပ်ပြုလုပ်ပေးသကဲ့သို့ နှစ်ဦးသဘောတူအဝေးရောက်ကွာရှင်းခြင်းကို နှစ်ဘက်မိဘအသိုင်းအဝိုင်းနှင့်မိမိမှလည်းအသိသက်သေအဖြစ်ဆောင်ရွက်ပေးခဲ့ပါတယ်။

မြန်မာဗုဒ္ဓဘာသာဝင်လင်နဲ့မယားဖြစ်ရန်ပေါင်းသင်းနေထိုင်ခြင်းသည်တစ်ဦးနဲ့တစ်ဦးပဋိညာဥ်ပြုကြခြင်းဖြစ်ပါတယ်။

ထိုနည်းတူစွာလင်မယားကွာရှင်းခြင်းသည်လည်း ပဋိညာဥ်ပြုခြင်းဖြစ်ပါတယ်။

ပဋိညာဥ်တစ်ခုအားနှုတ်ဖြင့်ဖြစ်စေ၊စာဖြင့်ဖြစ်စေပြုလုပ်နိုင်ပါတယ်။

စာသက်သေကတော့ တချိန်မှာအထောက်အထားအဖြစ်အသုံးပြုရန်တော့လွယ်ကူစေပါတယ်။

မြန်မာဗုဒ္ဓဘာသာဝင်လင်မယားများအနေနဲ့အချိန်မရွေးနှစ်ဦးသဘောတူကွာရှင်းနိုင်ကြပါတယ်။

မြန်မာ့ဓလေ့ထုံးတမ်းဥပဒေအရတော့လင်မယားကွာရှင်းခြင်းကိုနှုတ်နဲ့ပင်ကွာရှင်းနိုင်ကြောင်းပြဆိုထားပါတယ်။

သို့သော်လည်း တစ်လင်တစ်မယားကျင့်သုံးခြင်းဆိုင်ရာဥပဒေ ပြဌာန်းပြီးနောက်ပိုင်းလိုအပ်လျှင်ခုခံဖြေရှင်းနိုင်ရန်အထောက်အထားတစ်ရပ်အဖြစ်အသုံးပြုနိုင်ရန် နှစ်ဦးသဘောတူကွာရှင်းစာချုပ်များပြုလုပ်လာကြပါတယ်။

ဒါကြောင့်တရားရုံးများတွင်လည်းကောင်း၊ပြင်ပတွင်လည်ကောင်းနှစ်ဦးသဘောတူကွာရှင်းစာချုပ်များပြုလုပ်ကြပါတယ်။

ရဲတပ်ဖွဲ့ဝင်များနဲ့တပ်မတော်သားများကတော့တရားရုံးတွင်သာ သက်ဆိုင်ရာညွှန်ကြားချက်နဲ့အညီဆောင်ရွက်ရပါမယ်။

တရားရုံးတွင်ပြုလုပ်လျှင်တော့အခိုင်အမာဆုံးမို့အကောင်းဆုံးဖြစ်ပါတယ်။

ဒါပေမဲ့
အဝေးသို့ရောက်နေခြင်း၊
တနယ်စီဖြစ်နေလို့ဆုံရန်ခက်ခဲခြင်း၊
မျက်နှာချင်းမဆိုင်နိုင်တော့လောက်အောင်အခြေအနေဖြစ်နေခြင်း၊
တို့တွင်နှစ်ဦးသဘောတူကွာရှင်းလိုပါကဆောင်ရွက်နိုင်ကြရန်ဖြစ်ပါတယ်။

အဝေးရောက်နှစ်ဦးသဘောတူကွာရှင်းလိုကြလျှင်-
1)လင်မယားကွာရှင်းပြတ်စဲခြင်းစာချုပ် နှစ်စောင်တွင် တစ်ဦးကမိမိသက်သေရှေ့တွင်လက်မှတ်ရေးထိုး၍ကျန်တစ်ဦးထံသို့ပို့ပေးရပါတယ်။

2)ကျန်တစ်ဦးကမိမိထံသို့ရောက်လာသောကွာရှင်းစာချုပ်ကိုနှစ်စောင်အားလက်မှတ်ရေးထိုး၍ တစ်စောင်အားပြန်ပို့ပါ။

3)လက်မှတ်ထိုးသူမှန်ကန်ကြောင်းမှတ်တမ်းဓာတ်ပုံ/အသံဖိုင်များလည်းအပြန်အလှန်အထောက်အထားအဖြစ်ရယူနိုင်ပါတယ်။

4)ထိုသို့ကွာရှင်းပြီးစီးကြောင်းနေ့စဥ်ထုတ်သတင်းစာတစ်ခုခုတွင်အများသိအောင်ထည့်သွင်းကြေညာပါ။
သတင်းစာကြေညာချက်ကတော့ခိုင်မာတဲ့သက်သေအထောက်အထားတစ်ခုလည်းဖြစ်ပါတယ်။ကွာရှင်းပြတ်စဲသူနှစ်ဦးလုံးဖြစ်စေ၊တစ်ဦးချင်းဖြစ်စေကြေညာဖို့လိုပါတယ်။

5)လင်မယားကွာရှင်း မည်ဖြစ်ကြောင်း
နှစ်ဖက်မိဘဆွေမျိုးအသိုင်းအဝိုင်းတို့လည်းအကြောင်းကြားအသိပေးသင့်ပါတယ်။

အချို့ပဋိညာဥ်.. ဥပဒေဆိုင်ရာကိုးကားချက်။LL.B Group Myanmar & Online sharings.

Address

Myitkyina

Telephone

+95662219191

Website

facebook.com

Alerts

Be the first to know and let us send you an email when Police Officer Hein Win Kyaw posts news and promotions. Your email address will not be used for any other purpose, and you can unsubscribe at any time.

Police Officer Hein Win Kyaw