https://www.facebook.com/101381188247261/

Dot Press, Myitnge (2026)

17/05/2026

ဒီနှစ်ထဲမှာပဲ Australian အနုပညာရှင်တစ်ဦး ဖြစ်တဲ့ Shaun Tan ရဲ့ HOMETOWN လို့ အမည်ပေးထားတဲ့ Graphic Novel စာအုပ်တစ်အုပ် ထွက်ရှိလာဖို့ရာ သိထားရပါတယ်။ အခုတစ်ပတ် သောကြာနေ့ကမှ သူ့ IG မှာ ကြေညာထားတော့ လတ်လတ်ဆတ်ဆတ် သ တင်းကောင်းပေါ့။ Press မှာလည်း သူ့ရဲ့ CICADA စာအုပ်ကို "ပုစဉ်းရင်ကွဲ" ဆိုတဲ့ အမည်နဲ့ ဘာသာပြန် ထွက်ထားတာလည်း ရှိပါတယ်။

သူ့ရဲ့ စတိုင်အတိုင်း ဒီတစ်အုပ်ကလည်း sci-fi ဆန် ဆန် magical dream world ထဲ ရောက်သွားစေမယ့် စာအုပ်မျိုးပါပဲ။ အဓိကဇာတ်ကောင် မိန်းကလေးနဲ့ Astronaut boy တစ်ယောက်ကိုတော့ အမြည်းအနေနဲ့ ချပြထားတဲ့ pic တွေမှာ မြင်မိထားပါတယ်။ ပြီးတော့ မပါမဖြစ် သူ့ရဲ့ creature တွေကိုပါ ထပ်ပြီး တွေ့ရှိရသေးရဲ့။ (Pic တချို့ကို comment box မှာ ဖော်ပြထားပါတယ်)

အပြည့်အစုံ ဖတ်ရှုနိုင်ဖို့ကတော့ လာမယ့် စက်တင် ဘာ (သို့) အောက်တိုဘာလ အထိအောင် စောင့်ရဦး မှာပါ။ ဒီစာအုပ် မထွက်ရှိခင် သူ့ရဲ့ အရင်က စာအုပ် တွေကိုလည်း digital books site တချို့မှာ ရှာပြီး မြည်းစမ်း ဖတ်ရှုကြည့်လို့ ရပါတယ်။ စိတ်လှုပ်ရှား စရာ ကောင်းပြီး သူ ဖန်တီးထားတဲ့ ကမ္ဘာထဲကို ခြေချမိလိုက်တဲ့အခါ ပြန်ထွက်လာနိုင်ဖို့ရာ အတွက်က တော့ နည်းနည်းအခက် ဖြစ်ကြပါလိမ့်မယ် ။

y²ks
Do not repost without permission.

16/05/2026

▫️𝗨𝗖𝗣 - 32 (Physical & Ebook) available now!
If you're interested, you can buy and read.

-
ထပ်ပြီး ကဗျာနဲ့ အက်ဆေး အရော စုစည်းမှု စာအုပ် လေး တစ်အုပ် ထွက်ရှိလာပါပြီ။ "နုံနုံချာချာကဗျာများနှင့် ရယ်ရယ်မောမောအက်‌ဆေးများ"။ ရေးသူ က nRkm တဲ့။ Pen name အသစ်၊ သူ့အရေးအသားတွေ ဘယ်လိုဖြစ်မယ် တပ်အပ်ခန့်မှန်းကြည့်လို့ မရပေဘူး။ ဒါပေမဲ့ ပေ့ခ်ျမှာတော့ စာမြည်းအဖြစ် တင်ထားတာလေးတွေ ရှိပါတယ်။ ဟောဒီ့ လင့်တွေမှ တဆင့် ဖတ်ရှုကြည့်လို့ ရပါတယ်။

https://www.facebook.com/share/p/1EPonsM2Wn/

https://www.facebook.com/share/p/1acr4m5xqc/

အရေးအသားက ကျနော်တို့ ရင်းနှီးပြီးသား ပတ်ဝန်း ကျင် အခြေအနေကနေပဲ ရောက်ချလာပြီး။ ကျနော်တို့ကို စကားစမြည်း လာပြောတာ။ ဟိုအကြောင်း ဒီ အကြောင်း။ ဟိုဒီအကြောင်း နည်းနည်းပါးပါး ဆိုသ လိုမျိုးလေ။ ပြီးတော့ အခြားလူမှု ကိစ္စလေး ရှိသေး လို့ ခွင့်ပြုဦးနော့် ဆိုပြီး ထထွက်သွားတဲ့ ပုံစံ။ တစ်ခါ တလေ ဒီလို ပွင့်လင်းရိုးရှင်းတာ ကောင်းသလား လို့ မေးခဲ့ရင် ဘာပဲဖြစ်ဖြစ်တော့ ကောင်းပါတယ်ပဲ ဖြေမိမှာပါ။ အမြဲတမ်း ဒီလိုချည်း မဟုတ်ရင်ကော ဘာဖြစ်သလဲ၊ ဘာမှတော့ မဖြစ်ဘူးပဲ ဆက်ပြီး ဖြေရပါလိမ့်မယ် ။

▫️𝗨𝗖𝗣 - 32
▫️𝗣𝗿𝗶𝗰𝗲 - 5500 Mmk
▫️𝗣𝗮𝗴𝗲𝘀 - 34
▫️𝗥𝗲𝗹𝗲𝗮𝘀𝗲 𝗱𝗮𝘁𝗲 - May 16/ 2026

-
အဖုံးဒီဇိုင်းကတော့ ယုယကျော့စိုး ဖြစ်ပြီး အုပ်ရေ အကန့်အသတ်ဖြင့်သာ ထုတ်ဝေပါတယ်။ စာအုပ်ပို့ဆောင်ပေးမည့် ရက်ကတော့ အမှာ (၂) ပတ်ပြီးတဲ့ နောက်တစ်ရက် (30) ရက်နေ့မှသာ လိပ်စာများထံသို့ စတင်ပြီး ပို့ဆောင်ပေးသွားမှာ ဖြစ်ပါတယ်။

☎️ Viber & Telephone - 09 982 455 114
✉️ Telegram Channel - https://t.me/dotpress

15/05/2026

▫️𝗨𝗖𝗣 - 31 (Physical & Ebook) available now!
If you're interested, you can buy and read.

-
Dot Press ထုတ် စာအုပ်အသစ်တွေကို စောင့်မျှော်နေကြတဲ့ မိတ်ဆွေများအတွက် ယခုလမှာပဲ စာအုပ် လေး တစ်အုပ် ထွက်ရှိလာပါပြီ။ ကဗျာဘာသာပြန် စာအုပ်တစ်အုပ်ပါ။ "အန်းကာဆန်ရဲ့ စကားအနည်း ငယ်" လို့ အမည်ရပါတယ်။ မူရင်းကတော့ 𝗦𝗛𝗢𝗥𝗧 𝗧𝗔𝗟𝗞𝗦 ဆိုတဲ့ စာအုပ်ပါ။ ဘာသာပြန်သူကလည်း ဒီ မှာ အားလုံးနဲ့ အကျွမ်းတဝင် ရှိပြီးသူ၊ ကဗျာဆရာ ဏေသစ် ဖြစ်ပါတယ်။ စာအုပ်ထဲမှာက ကဗျာအပုဒ်ရေ အနေနဲ့ (၄၆) ပုဒ် ပါဝင်ထားပြီး စိတ်ဝင်စားစရာ ကောင်းတဲ့ အကြောင်းအရာ အစုံအလင်ကို *စကားနည်းနည်း ဆိုတဲ့ အသုံးနဲ့ ရေးသားထားတာပဲ ဖြစ်ပါတယ်။ ဦးဆုံး မှာယူသူ အယောက် (၃၀) ကိုလည်း စာအုပ်အဖုံးမှာ ဆွဲသားထားတဲ့ artwork postcard လေး လက်ဆောင်ပေးသွားဖို့ရာလည်း စီစဉ်ထားပါသေးတယ်။

▫️𝗨𝗖𝗣 - 31
▫️𝗣𝗿𝗶𝗰𝗲 - 10000 Mmk
▫️𝗣𝗮𝗴𝗲𝘀 - 64
▫️𝗥𝗲𝗹𝗲𝗮𝘀𝗲 𝗱𝗮𝘁𝗲 - May 15/ 2026

-
အဖုံးဒီဇိုင်းကတော့ ယုယကျော့စိုး ဖြစ်ပြီး အုပ်ရေ အကန့်အသတ်ဖြင့်သာ ထုတ်ဝေပါတယ်။ စာအုပ်ပို့ဆောင်ပေးမည့် ရက်ကတော့ အမှာ (၂) ပတ်ပြီးတဲ့ နောက်တစ်ရက် (29) ရက်နေ့မှသာ လိပ်စာများထံသို့ စတင်ပြီး ပို့ဆောင်ပေးသွားမှာ ဖြစ်ပါတယ်။

☎️ Viber & Telephone - 09 982 455 114
✉️ Telegram channel - https://t.me/dotpress

13/05/2026

အတင်း

ပဲအခွံ နွှာလို့သာ ပြီးမယ်။ စကားက မပြတ်။ မနက်ကနေ စလိုက်ကြတာ နေ့ခင်းဘက်အထိ။ နည်းနည်းပျင်းဖို့ ကောင်းတဲ့ လူတွေအကြောင်း။ စကားအဖြစ် ပြောနေရတာကိုက စဉ်ဆက်မပြတ်မို့။ အခါးအိုး ဆူခါနီးတိုင်း ဘုရားဆွမ်းတော် စွန့်ဖို့ အထပ်ထပ် သတိ တွေ ကပ်ရတာလည်း များပါ့။

တောင်လေ တိုက်တယ်။ ရာသီက ဂဏာမငြိမ်တော့ဘူး။ သရက်ဖူးတွေ မြင်တယ်။ ဒီထဲမှာ ရှိတာက (၉) အိမ်။ (၁) အိမ်ထောင်ကို မိသားစု (၃) ယောက်ဆိုပြီး ပဲ ပျမ်းမျှတွက်ကြည့်ဦး။ အဲ့မှာတင် (၂) နာရီခြားစီ။ ဘယ်လိုလုပ် အုတ်ကန်တစ်ခုတည်းနဲ့ ဖြစ်မှာလည်း။ ငှားနေရလို့သာ တော်တော့တယ်၊ မဟုတ်ရင် မလွယ်ဘူး။ တစ်ဖက်မှာ လူကြီးသူမတွေ ရှိတယ်။ တစ်ခွန်း ပြောဖို့ မရှိဘူး နေနိုင်တယ်။ သောက်ကလေးတွေကလည်း ဟဲ့ မရ၊ ဟင့် မရနဲ့။

နေရ ထိုင်ရတာက ကျဉ်းကျဉ်းကျပ်ကျပ်မို့၊ အားနာတယ်ရယ်။ ဧည့်မသာသလို လာမယ့် လူလည်း မရှိ။ တော်ရုံဆိုလည်း တကူးတက အိမ်အလည် ခေါ်မနေတတ်တော့။ စိတ်ကူးပေါက်မှ ပြောကြရတာ။ ညနေကတော့ ဖြစ်သလိုပါပဲ။ မပြန်သေးဘူး ဆိုရင်၊ ခဏ ထိုင်နှင့်ဦး။ စောင်တွေ ရုတ်လိုက်ချင်သေးလို့ ။

ယုယကျော့စိုး

12/05/2026

မင်း မရှိတော့

ခလုတ်အဖွင့်ခံဖို့ စောင့်နေတဲ့ ပန်ကာများ
မင့်တို့ ဘဝဖြစ်တည်မှုဟာ ခလုတ်မဖွင့်ဘဲ
အဓိပ္ပါယ်ရှိနိုင်ပါ့မလားကွယ်။

ငါ့မှာလည်း တစ်စုံတစ်ခု ပျောက်ဆုံးနေတော့
ဘဝတန်ဖိုးဟာ
ကန္တာရထဲ ရတနာတစ်ခု ပြုတ်ကျသလို
ဘယ်မှာမှ ရှာမတွေ့။

မင့်မရှိတော့
ပိတ်ထားတဲ့ ကောင်တာမှ
ခေတ္တပိတ်ထားသည် ဆိုတဲ့ ဆိုင်းပုဒ်ကို
မမြင်ချင်ယောင်ဆောင်ပြီး
တစ်ယောက်တည်း တန်းစီမိတယ်။
ဓာတ်လှေကားကိုလည်း
ပြောင်းပြန်တက်မိပြန်တယ်။
ပစ္စုပ္ပန်ထောင်ထဲက
ထွက်ပြေးဖို့ ကြိုးစားနေတဲ့
အကျဉ်းသားလိုပဲ။

ငါ မပိုင်တဲ့ တိုက်ခန်းမှာ
တစ်ယောက်တည်း ရှိမိတဲ့အခါ
မင့်ကြိုက်တတ်တဲ့ သီချင်းတွေကို
ခွေးတွေ အူသလိုလည်း အူမိရဲ့။

မင့်မရှိတော့
တစ်ငုံစာပဲ ကျန်တော့တဲ့
ရေကလေးကို
တစ်နေကုန်
တစိမ့်စိမ့် တအိအိသောက်နေခဲ့တာ
အခုထိလေ ။

nRkm

11/05/2026

Press အတွက် မဟုတ်ဘဲ အခြားသော job တစ်ခုအတွက် 𝗝𝘂𝗻𝗶𝗼𝗿 𝗴𝗿𝗮𝗽𝗵𝗶𝗰 𝗱𝗲𝘀𝗶𝗴𝗻𝗲𝗿 တစ်ယောက် လောက် လိုပါတယ်။ (Full time/ Male)

𝗥𝗲𝗾𝘂𝗶𝗿𝗲𝗺𝗲𝗻𝘁 ကတော့ အောက်ပါအတိုင်းပါဗျာ။

- Adobe Photoshop ကောင်းကောင်း သုံးတတ်ရ
မည်။

- GD ဆိုသော်ငြား အခြားသော Video editing app/
software တွေကိုလည်း basic လောက် သိထားရင်
ပိုအဆင်ပြေပါမည်။

- Sticker pack, media post တွေအတွက် ဒီဇိုင်းနဲ့
vinyl တွေ အဓိကထား ပြုလုပ်ရမှာပါ။ လုပ်ငန်း
ပိုင်းနဲ့ ပတ်သက်လို့ လိုအပ်တာတွေ ရှိရင်လည်း က
သောင်းကနင်း မဖြစ်အောင် ဝိုင်းဝန်းသင်ပြုပေးပါ
တယ်။

- လုပ်ငန်းက မန္တလေး၊ မြစ်ငယ်မှာမို့ အဲဒီဘက်နေသူ
တွေ ရှိရင်လည်း လျှောက်လို့ ရပါတယ်။ မြို့ထဲက
ဆိုလည်း ရပါရဲ့ဗျာ။

- Salary ကတော့ 4 lakhs & plus . . . . . . ပါ။ ဒါက
တော့ Interview တဲ့ အခါမှာလည်း ညှိနှိုင်းနိုင်သ
လို။ Experience နဲ့ Performance ပေါ် ကြည့်ပြီး
တော့လည်း permanent ဖြစ်တဲ့အခါ တခြား ခံစား
ခွင့်တွေပါ ရှိပါသေးရဲ့။ Long term ဖြစ်ရင်တော့
ပိုပြီး ကောင်းမွန်တာပေါ့ ခင်ဗျာ။

CV နဲ့ အခြား အသေးစိတ် သိလိုသည်များ ရှိခဲ့ရင်လည်း Page Messenger နဲ့ ဖုန်းနံပါတ် ဖြစ်တဲ့ ☎️
09 982 455 114 ကို ဖုန်းဆက်တာဖြစ်ဖြစ် Viber မှာ မေးမြန်းတာပဲဖြစ်ဖြစ် ပေးပို့မေးမြန်းလို့ ရပါတယ်ဗျ ။

07/05/2026

ဒီနေ့ဟာ Dot Press ရဲ့ (၄) နှစ်ပြည့် အထိမ်းအမှတ်နေ့လေး ဖြစ်ပါတယ်။ ထပ်တူထပ်မျှ အားလုံးပျော်ရွှင်ကြပါစေ 🤍

03/05/2026

ကလေးစာပေကုထုံး

-

“ဝိညာဉ်ဝေဒနာ ကုစားရာ ဂေဟာ”တဲ့။ စိတ်ဒဏ်ရာတွေ ရနေခဲ့ရင် ဒီနေရာမှာ ကုစားနိုင်တယ်လို့ ဆိုချင်တဲ့ စာတန်းလေးတစ်ခု။ ဒါပေမယ့် စာတန်းရှိတဲ့ အဆောက်အအုံက ဆေးရုံမဟုတ်။ မနေ့တစ်နေ့က မဟုတ်။ စာကြည့်တိုက် တစ်ခုရဲ့အဝင် တံခါးထက် နံရံမှာ ဟိုးလွန်ခဲ့တဲ့ နှစ်ပေါင်းသုံးထောင်ကျော်က ရေးထားတာ။ ရေးတဲ့ပုဂ္ဂိုလ်က အီဂျစ်ဘုရင် ဒုတိယ ရင်မ်ဆစ်ဇ်။ ဘီစီ ၁၂၇၉-၁၂၃၁ ကာလက ဘုရင်။ ဒီစာတန်းကို စာကြည့်တိုက်နဲ့ ပတ်သက်လို့ အဟောင်းဆုံး ဆောင်ပုဒ်လို့ ဆိုကြလေရဲ့။ စာကြည့်တိုက်ဆိုတာ လောဘ ဒေါသ မောဟ အမောတွေနဲ့ နွမ်းနေပန်းနေတဲ့ စိတ်ကို ဖြေပြေရာလို့ နားလည်လက်ခံခဲ့တာ အဲဒီကာလကတည်းကပေါ့။ စာအုပ်စာပေဆိုတာ ဆေးတစ်ပါးလို့ သဘောထားခဲ့တာ ရှေးအတီတေကတည်းကပေါ့။

စာအုပ်စာပေဟာ စိတ်ဝေဒနာကို ကုပေးနိုင်တယ်ဆိုတဲ့ အဲဒီအတွေးအခေါ်ဟာ အခုထိ ဆက်ရှင်သန်နေတုန်း။ ၁၉၂၀ မတိုင်ခင်ကတည်းက ဆေးပညာမှာ စာအုပ်စာပေကို ကုထုံးတစ်ရပ်အဖြစ် သုံးခဲ့ကြတာကိုး။ အင်္ဂလိပ်လို bibliotherapy လို့ ခေါ်ကြသတဲ့။ (မြန်မာလိုစာပေကုထုံးလို့ ဆိုလိုက်ကြရအောင်။) ၁၉၂၀ လောက်ကစပြီး ဖွံ့ဖြိုးပြီးနိုင်ငံ ခေတ်မီဆေးရုံတွေမှာ စာပေကုထုံးက တစ်ခန်းတစ်ကဏ္ဍ ဖြစ်လာသတဲ့။ စာပေကုထုံးရဲ့ အခြေခံသဘောက ရှင်းရှင်းလေးပါ။ လူတွေတစ်ချိန်ချိန် တစ်ခါခါမှာ ကြုံတွေ့နေရတဲ့ ပြဿနာတွေကို စာအုပ်စာပေ အသုံးချပြီး ကုသပေးတဲ့စနစ်ပါပဲ။ လောကနိယာမအတိုင်း မလွှဲမရှောင်သာ ကြုံရဆုံရမြဲ ပြဿနာတွေနဲ့ ရင်ဆိုင်ရတဲ့အခါ စာအုပ်စာပေဟာ အသုံးကျတယ်ဆိုတာ စာပေကုထုံးက သက်သေခံနေသလို ပါပဲ။

အသုံးကျတာမှ ဝေဒနာကြုံမှ ပြဿနာကြုံမှရယ် မဟုတ်။ ဝေဒနာမကြုံခင်၊ ပြဿနာမကြုံခင်မှာလည်း အသုံးကျပါတယ်။ ဖြစ်မှ ကုသမှုထက် မဖြစ်ခင် ကြိုတင်ကာကွယ်ကုသမှုကို ဆေးပညာမှာ အလေးထားကြသလိုပေါ့။ ဒီလောက်တောင် အသုံးတည့်တဲ့ စာပေကုထုံးကို ကလေးတွေအတွက် သုံးရရင် မကောင်းပေဘူးလား။ ပညာရှင်တွေ စဉ်းစားကြတာပေါ့။ စဉ်းစားရာက ဖွံ့ဖြိုးပြီးနိုင်ငံ ပညာရေးပြဋ္ဌာန်းချက်စာအုပ်တွေ အပါအဝင် ကလေးစာပေလောကမှာ သုံးလာခဲ့ကြသတဲ့။

အမေရိကမှာဆို ကလေးတွေအတွက် စာပေကုထုံးသုံးခဲ့တာ နှစ်ငါးဆယ် ကျော်ခဲ့ပြီပဲ။ ၁၉၆၀ ကျော်ကစလို့ ဆိုပါတော့။ နှစ်ဆယ်ရာစုရှေ့ပိုင်း နှစ်ငါးဆယ်လောက်ကတော့ ကျောင်းစာမှာဖြစ်ဖြစ်၊ ကျောင်းပြင်ပ ဖတ်စရာတွေမှာဖြစ်ဖြစ် ကလေးတွေ ပျော်ဖို့ရွှင်ဖို့လောက်ပဲ အရေးထားခဲ့တာပါ။ ၁၉၆၀ ကျော် ၁၉၇၀ ကျော်ကာလ ကလေးအတွက် စာတွေကျမှ ပျော်ဖို့ရွှင်ဖို့သက်သက် မဟုတ်တော့တာ။ ကလေးတွေ ပျော်ပျော်ရွှင်ရွှင် ကြီးပြင်းဖို့ဆိုတာ မူလရည်ရွယ်ချက်ဖြစ်ပေမယ့် နောက်ထပ် ရည်ရွယ်ချက်တစ်ရပ် ဖြည့်လိုက်ကြသတဲ့။ အဲဒါက “ကလေးတွေ ကိုယ့်ကိုယ်ကိုယ် နားလည်လာပြီး ဉာဏ်အလင်း ပွင့်ရေးပါပဲ။ ကလေးတွေဆီကို စာပေကုထုံး ဦးလှည့်လိုက်တယ်ဆိုပါတော့။

လှည့်ရပေမှာပေါ့။ ကလေးတွေအတွက်လည်း ကြိုတင်ကုစားမှုတွေက လိုတယ် မဟုတ်လား။ ပန်းခင်းလမ်းချည်း လျှောက်နေရတဲ့ကလေးရယ်လို့ တစ်ယောက်တလေမှ မရှိနိုင်ဘဲကိုး။ ဘဝခရီးမှာက လောကဓံအချိုးအကွေ့ အတက်အကျ အမြင့်အနိမ့်တွေ များပါဘိသနဲ့။ ပန်းခင်းလမ်းမှာ လျှောက်နေရတယ်လို့ထင်ရတဲ့ ကလေးတွေမှာလည်း အထစ်အငေါ့က မကင်းပါဘူး။ လူ့သဘာဝအတိုင်း လောဘ ဒေါသ မောဟ ဆိုတာတွေက ကင်းမှမကင်းနိုင်ပဲ။ လိုချင်တာမရ၊ ဖြစ်ချင်တာမဖြစ်ရတာတွေ။ အကြောင်းတစ်ခုခုကြောင့် စိတ်ဆိုးမာန်ဆိုးဖြစ်ရတာတွေ၊ ကြောင်းကျိုးဆက်စပ် မတွေးခေါ်နိုင်တာတွေ။ အဲဒီလို အဖြစ်တွေ မကြုံရတဲ့ကလေးရယ်လို့ ဘယ်ရှိနိုင်ပါ့မလဲ။

ဒါဖြင့် ဘယ်လိုကုစားကြမလဲ။ ကလေးတွေဖတ်ဖို့စာမှာ ကလေးတွေ လောက ဓမ္မတာအတိုင်း ကြုံရတတ်တဲ့ အရေးအရာတွေကို ထည့်ပေးတာပေါ့။ အဲဒီအရေးအရာတွေကို ဘယ်လိုရင်ဆိုင်ရသလဲ။ ဘယ်လိုဖြေရှင်းရသလဲ။ ဘယ်လိုခံယူရသလဲ။ လူ့အဖွဲ့အစည်းမှာ ရှေ့ဆက်ခရီးသွားတဲ့အခါ ကလေးတွေ အလဲအပြို မရှိအောင် စာပေကုထုံးနဲ့ ဝိုင်းဖေးမကြတာပေါ့။ အဲဒါ လောလောဆယ်ကျင့်သုံးနေတဲ့ ကလေးတွေအတွက် စာပေကုထုံးပါပဲ။

ကလေးတွေအတွက် စာပေကုထုံးမှာ အပိုင်းနှစ်ပိုင်းပါတယ်လို့ ဆိုကြပါတယ်။ တစ်ပိုင်းက အကျပ်အတည်းကြုံနေရတဲ့ ကလေးတစ်ယောက်ကို ဒီလိုအကျပ်အတည်းမျိုးဟာ သူမှကြုံရတာ မဟုတ်ဘူး၊ တခြားကလေးတွေလည်း ကြုံရတာပဲလို့ မြင်လာအောင် မျက်စိဖွင့်ပေးတာ။ “ငါ့မှ ဖြစ်ရလေခြင်း” ဆိုတဲ့ အတွေးအခေါ် အလွဲအမှားတွေ ပျောက်အောင် ကုစားဖို့ပေါ့။ နောက်တစ်ပိုင်းကတော့ ပြဿနာရယ်လို့ ကြုံကိုမကြုံဘူးသေးတဲ့ ကလေးတစ်ယောက်ကို “ဒီလိုပြဿနာမျိုးတော့ ကြုံတတ်တယ်ဟေ့”လို့ အသိဉာဏ်နယ် ချဲ့ပေးတာပါ။ ပြောပြမယ့်စာထဲက ဇာတ်ကောင်ကတော့ လူသားဇာတ်ကောင်တွေ ဖြစ်ချင်ဖြစ်၊ ဒါမှမဟုတ် ကလေးတွေ စိတ်ဝင်တစားရှိတတ်ကြတဲ့ တိရစ္ဆာန် ဇာတ်ကောင်ဖြစ်ချင်ဖြစ်ပေါ့။ အရေးကြီးတာက ဘယ်ဇာတ်ကောင်ပဲဖြစ်ဖြစ် လူ့သဘာဝနဲ့ မကင်းမလွတ်စေဖို့။ သရုပ်မှန်စာပေ ဖြစ်ရမယ်ဆိုပါတော့။

စာပေကုထုံးဇာတ်လမ်းတွေမှာ ပြဿနာကိုင်တွယ်တဲ့အခါ သတိထားဖို့ လိုပါတယ်။ ပြဿနာအကျပ်အတည်းကို ဖြေရှင်းပြတယ်ဆိုရင် ဖြေရှင်းပုံက ကြောင်းကျိုးခိုင်မာဖို့ လိုပါတယ်။ ဖတ်တဲ့သူက ဟုတ်ပေသားပဲလို့ အလွယ်တကူ ခေါင်းညိတ်နိုင်တဲ့ ဖြေရှင်းပုံ မျိုး ဖြစ်ရပါမယ်။ ဖြေရှင်းမရနိုင်ရင် မရတဲ့အတိုင်း ဖော်ပြဖို့ လိုပါတယ်။ သိကြတဲ့အတိုင်း ပြဿနာတချို့က ပြေလည်သွားတာမှ မဟုတ်တာ။ လမ်းစပျောက်ပြီး ရုန်းထွက်မရတဲ့ အကျပ်အတည်းတွေ ရှိချင် ရှိနေတတ်တာ။ ဆိုကြပါစို့။ ကင်ဆာရောဂါလို ပြဿနာမျိုး။ ဒါမျိုးကျ ထွက်ပေါက်က ကြုံချင်မှကြုံမှာပေါ့။ ထွက်ပေါက်ရှာမတွေ့နိုင်တဲ့အခါ ဘာလုပ်မလဲ။ အသင့်အတင့်နှလုံးသွင်းပြီး လက်ခံထားလိုက်ရတော့တာပေါ့။ ကိုယ်မလိုလားပေမယ့် ကိုယ့်ဘဝပေးအခြေအနေကို ကြည်ကြည်သာသာ လက်ခံနိုင်စွမ်း ရှိတာလည်း အောင်ပွဲခံနိုင်တာ တစ်မျိုးပါပဲ။ ဒီနေရာမှာ သိကြားမင်းကြီး နားကင်းကြီးနဲ့ဆင်းကယ်လို့ ဒုက္ခအပေါင်းက လွတ်သွားတဲ့ ဇာတ်လမ်းမျိုးဟာ စာပေကုထုံးအတွက် အသုံးမတည့်တာကို သတိထားရပါမယ်။ ကလေးတွေဟာ တကယ့်ဘဝခရီးကို ဆက်လျှောက်ရမှာပါ။ လွတ်ရာလွတ်ကြောင်း စိတ်ကူးယဉ်ကမ္ဘာထဲ ရှောင်တာပုန်းတာဟာ တကယ့်ဘဝအတွက် အဖြေ မဟုတ်ပါဘူး။ နောက်ပြီး ရေရှည်ထွက်ရပ်လမ်း မဟုတ်ပါဘူး။

သူတို့ဆီမှာ သုံးနေတဲ့ ဇာတ်လမ်းကလေးတစ်ပုဒ်အကြောင်း ဒီမှာ ပြောလိုက်ပါရ စေ။ အဖေ အမေ အိမ်ထောင်ရေး ပြိုကွဲသွားတဲ့အတွက် ကလေးမလေးတစ်ယောက်က သောကရောက်နေတယ်။ မိဘတွေ တစ်ယောက်တခြား ဖြစ်သွားတာ ကြုံမှ မကြုံဖူးရှာပဲကိုး။ ဒီအခါမှာ အဖွားနဲ့ အမေလုပ်သူက ကလေးမလေး နားလည်လက်ခံနိုင်လာအောင် ဝိုင်းဖေးမပေးတယ်။ နောက်ဆုံးတော့ မိဘနှစ်ပါး တကွဲတပြားဖြစ်တာဟာ ကြုံရတတ်တဲ့ အရေးအခင်းပါလား ဆိုတာ ကလေးမလေးက နားလည် လက်ခံလာတယ်။ သောက ပြေသွားတယ်။ ဒီဇာတ်လမ်းမှာ အရေးကြီးတဲ့အချက်က မိဘနှစ်ပါး ပြန်ပေါင်းကြလေသတည်းလို့ အဆုံးသတ်မထားတဲ့ အချက်ပါ။ အဲဒီလိုသာ အဆုံးသတ်ရင် ဖတ်လို့ပျော်စရာ ကောင်းသလိုရှိမှာ ဟုတ်ပါရဲ့။ ဒါပေမယ့် ကလေးတွေအတွက် မကောင်းနိုင်ပါဘူး။ ဖြစ်ချင်မှ ဖြစ်လာနိုင်တာကို တလွဲမျှော်ကိုးနေတတ်အောင် ကလေးတွေကို လမ်းမှားပို့ပေးသလို ဖြစ်သွားမှာပေါ့။

သူတို့ကုထုံးစာပေမှာ မတူကွဲပြားတာကို လက်ခံနိုင်တဲ့စိတ်ဓာတ်လည်း မွေးပေးပါတယ်။ မတူကွဲပြားဆိုတာမှာ အမျိုးမျိုးပေါ့။ လူမျိုးမတူတာ၊ ဘာသာမတူတာ၊ အကြိုက် ကွဲတာ၊ အမြင်ကွဲတာ။ ဆင်းရဲချမ်းသာကွာတာ၊ အားမဲ့ အားရှိကွာတာ စသည် စသည်ဖြင့်ပေါ့။ အဲဒီ မတူကွဲပြားတာကို အကြောင်းပြုပြီး အထင်ကြီးတာ သေးတာ၊ ချစ်တာ မုန်းတာ ဆိုတာတွေက မဆီမဆိုင် ဖြစ်တတ်တာကိုး။ တကယ်လို့သာ မသန်စွမ်းတစ်ယောက်ရဲ့ အကြောင်းသာ စာထဲမှာပါရင် မသန်စွမ်းကလေး တစ်ယောက်ကိုယ်တိုင်ကလည်း လောကမှာ ငါတစ်ယောက်တည်း မဟုတ်ပါလားဆိုတာ နားလည် အားတက်သွားမယ်။ တခြား ကလေးတွေကလည်း မသန်စွမ်းတစ်ယောက်ရဲ့ အကျပ်အတည်းကို သိပြီး စာနာတတ်သွားမယ်ပေါ့။ မတူတဲ့ အဖွဲ့အစည်းနှစ်ခုကြား ကြုံတတ်တဲ့ ပဋိပက္ခတွေကို ရှောင်ရှားသွားနိုင်မယ်ပေါ့။

ကလေးစာပေကုထုံးမှာ အသုံးတည့်မယ့်စာအုပ်တွေက ဝတ္ထုကောင်းအင်္ဂါနဲ့ညီတဲ့ စာအုပ်တွေပဲလို့ သဘောရကြပါတယ်။ ဝတ္ထုကောင်းအင်္ဂါ ဆိုတာတွေက ဇာတ်လမ်း ဇာတ်ကွက် ခိုင်မာဖို့၊ ဆရာလုပ်နေသံ၊ သင်ခန်းစာပေးနေသံတွေ ကင်းပြီး ရည်ရွယ်ချက် ကောင်းဖို့၊ ဇာတ်ကောင်တွေက တကယ်ရှိနိုင်တဲ့ ဇာတ်ကောင်တွေလို့ ယုံစရာ ကောင်းဖို့၊ ကာလဒေသနဲ့ လျော်ညီတဲ့ နောက်ခံဖြစ်ဖို့၊ အချိန်ကာလတို့ ဇာတ်ကောင်တို့နဲ့ လိုက်လျော ညီထွေဖြစ်တဲ့ ဘာသာစကားသုံးဖို့ ဆိုတဲ့ အချက်တွေပါပဲ။

ကောင်းပြီ။ သူတို့ဆီက ကျောင်းပြဋ္ဌာန်းစာအပါအဝင် ကလေးစာပေလောကမှာ စာပေကုထုံး အသုံးချနေပုံကို သိကြပြီ။ ကိုယ့်ဆီမှာရော။ စာပေကုထုံးဆိုတဲ့ အသုံးကို မသိတာ သိတာ အပထား။ ကလေးတွေ ဘဝခရီးကို ဖြောင့်ဖြောင့်မတ်မတ် လျှောက်တတ်အောင် ဝိုင်းကူပေးမယ့် ကုထုံးစာတွေ ထွန်းကားနေပြီလား။ မထွန်းကားသေးရင် ထွန်းကားအောင် ဘယ်လိုလုပ်ကြမလဲ။

စောလူ

ပညာရေးရာ၊ မြန်မာစာရေးရာ
မုံရွေးစာပေ၊ ၂၀၁၈ စာအုပ်မှ

01/05/2026

ကိုယ့်လူတို့ လက်ဝယ် ရှေ့က UCP - 30 အုပ်လည်း ရောက်သင့်သလောက် ရောက်နှင့်ပြီးနေပြီလို့ ထင်ပါတယ်။ မရောက်သေးတဲ့သူတွေလည်း ရုံးဖွင့်ရက် အမီ ရကြလိမ့်မယ်လို့ မျှော်လင့်ရဲ့။ နောက် Press ကနေလည်း ဒီလထဲ စာအုပ်အသစ် တစ်အုပ် ထုတ်ဖို့ရာအတွက် ကျွန်တော်တို့ ပြင်ဆင်နေကြပါတယ်။

ကဗျာစာအုပ်လေးပါ။ ဏေသစ် ဘာသာပြန်ထားတဲ့ SHORT TALKS by Anne Carson အမည်ရ စာအုပ်ပေါ့။ မကြာမီ ရက်သတ္တပတ်အတွင်းမှာပဲ အမှာတင် ဝယ်ယူလို့ ရနိုင်ပါလိမ့်မယ် ။

Telegram channel - https://t.me/dotpress

23/04/2026

နောက် (၁၀) ရက်နေရင် မြေအောက်စာ‌ပေလောကမှာ Press တစ်ခုအ‌နေနဲ့ ကျနော်တို့ ကျင်လည်ခဲ့တာ (၄) နှစ်ပြည့် အခါသမယကို ရောက်ပါပြီ။ ကိုယ့်လူ ‌တို့ကို တောင်းဆိုချင်တာလေးလည်း ရှိပါတယ်။ အဲဒါကတော့ ကိုယ့်လူတို့ဆီမှာ ကျနော်တို့ Press ထုတ် စာအုပ်လေးတွေများ ဝယ်ယူသိမ်းဆည်းထားတာ ရှိလို့ မှတ်တမ်းပုံလေးများ ရိုက်ထားတာ ရှိရင်။ ဒါမှမ ဟုတ်လည်း မရိုက်ဖူးရင် ဓာတ်ပုံလေးတွေ ရိုက်ပြီး အခု ပိုစ့်အောက်မှာ ဖြစ်ဖြစ် Page Messenger မှာ ဖြစ်ဖြစ် ပေးပို့ပေးလို့ ရနိုင်မလားလို့ တောင်းဆိုချင်တာရယ်ပါ။ ကျနော်တို့လည်း အမှတ်ရဖွယ် တစ်ခုခု ပြုလုပ်ပြီး သိမ်းဆည်းထားချင်လို့ 🫶

23/04/2026

ကြာသပတေး၊ နေ့လယ်စာ
ကာတွန်းဖတ်စရာပါဗျာ . . ။

"လူကြီးရှိတယ်"
ကာတွန်း - ပိုးဇာ

Dot Press

17/05/2026

16/05/2026

15/05/2026

13/05/2026

12/05/2026

11/05/2026

07/05/2026

03/05/2026

01/05/2026

23/04/2026

23/04/2026

Address

Telephone

Website

Alerts

Contact The Business

Shortcuts

Share

Category