27/03/2026
" မထင်ပါနဲ့ ( mashup ) " ထွက်ရှိခြင်း
တစ်နှစ်ပြည့် အမှတ်တရ ...
ဒီသီချင်းမှ တစ်ဆင့် ရလဒ်ကောင်းများစွာ ရရှိခဲ့ရပြီး
သီချင်းရဲ့ အဓိကပိုင်ရှင် ကိုအစ္စဏီကလဲ
အရေးတယူ ဖုန်းဆက်ပြီး ချီးကျူးပေးတယ် ။
ကိုရဲလေး နဲ့ အပြင်မှာဆုံတွေ့တော့လဲ
သေချာလေး အသိအမှတ်ပြုပေးတယ် ။
Doublej နဲ့ နောင်နောင်တို့နဲ့လည်း
နာမည်ရသီချင်းတစ်ပုဒ်ဖြစ်ပေးနိုင်ခဲ့လို့
ပျော်စရာအမှတ်တရပါဘဲ ။
တေးရေးဆရာ ကိုAlan နဲ့လည်း
ခင်မင်ခွင့်ရခဲ့ပြီး သီချင်းဖန်တီးပုံတွေကအစ
ပညာယူခွင့်ရခဲ့တယ် ။
feedbackကောင်းများစွာနဲ့
နားဆင်သူများရဲ့ ငယ်ချစ်ဦးအကြောင်းတွေအပြင်
အသဲကွဲသူများရဲ့ ရင်ဖွင့်သံတွေအကုန်
ဒီသီချင်းအောက်မှာ ဖတ်ခွင့်ရခဲ့တယ် ။
သီချင်းတင်ပြီး နောက်မနက်မှာ ငလျင်ဒုက္ခကို
ကိုယ်တိုင်အပါအဝင် တစ်နိုင်ငံလုံးခံစားခဲ့ကြရတယ် ။
အားလုံးစိတ် သောကရောက်နေကြတဲ့အချိန်
အပန်းဖြေနားဆင်စရာလေး ဖြစ်ခဲ့ရလို့လည်း
ကျေနပ်ရပါတယ် ။
အဲ့ဒီနေ့က အစောကြီးနိုးနေတာနဲ့
မနက်ခင်း ( 5:00 ) ကနေ ညနေ ( 5:00 ) အထိ
ကွန်ပျူတာရှေ့ထိုင်ပြီး
ဒီသီချင်းကိုဖန်တီးဖြစ်ခဲ့လိုက်တာ ။
" ရင်မှာအရင်တိုင်း chorus နဲ့ အပေါ်ယံများ verse " ကို
စဉ်းစားထားတာတော့ ကြာပြီပေါ့ ။
ရှေ့၃ယောက်နေရာကိုတော့ စဉ်းစားလို့ရပြီး
နောက်ဆုံး rapမှာ ဘယ်သူ့ကိုထည့်ရမလဲလို့
ဆိုင်ကယ်ပတ်စီးရင်း စဉ်းစားတော့
နောင်နောင်ရဲ့ " ဝမ်းနည်းပေမယ့် ဝမ်းသာတယ် " သီချင်းထဲက rapကို သွားပြီး သတိရတာဘဲ ။
ချက်ချင်း နောင်နောင့်ဆီကို ဖုန်းဆက်ပြီး
သီချင်းယူသုံးမယ့်အကြောင်းပြောရင်း
ဒီ rapကို ထည့်လိုက်မိတာ
သီချင်းတစ်ပူဒ်လုံး အရမ်းပြည့်စုံသွားတာ ။
ပါဝင်သူ ၊ နားဆင်သူ အားလုံးကို
အမြဲကျေးဇူးတင်နေပါတယ် ။ 💜🙏
