https://www.facebook.com/460303184166270/

ဘဝအတြက္ခြန္အား, Naypyidaw (2025)

01/04/2025

#အချစ်ရဲ့_ဒုက္ခ

ထိုင်၀မ်မှာ အမျိုးသမီးကြီး တစ်ဦးရှိပါတယ်။
သူဟာ ကျောင်းဆရာမတစ်ဦး ဖြစ်ပါတယ်။
အရွယ်ကောင်းတုန်းမှာပဲ
ယောက်ျားဆုံးပါးသွားပါတယ်။
ငယ်ရွယ်တဲ့ သားလေးတစ်ယောက် ကျန်ရစ်ခဲ့ပါတယ်။
သားလေးကို ဘထွေးနဲ့ မကြုံစေချင်လို့
နောင်အိမ်ထောင်ထပ်မပြုပဲ အေမတစ္ခု
သားတစ်ခုနဲ့ ပဲ သားလေးကို ပျိုးထောင်လာခဲ့ပါတယ်။
သားလေးလည်း အလွန်လိမ္မာပါတယ်။
အမေ့ကိုလည်း အလွန်သိတတ်ပါတယ်။

ဒီလိုနဲ့ ဆရာမ၀င်ငွေငွေလေးနဲ့ သားလေးကို
ရှိစုမဲ့စု ပျိုးထောင်လာခဲ့ပါတယ်။
သားကလည်း ထူးချွန်တာမို့ အမေရိကန်နိုင်ငံကို
ပညာတော်သင် စေလွတ်နိုင်ခဲ့ပါတယ်။
အေမရိကမွာ သားကလည်း ထူးချွန်ပါတယ်။
ကျောင်းပြီးလို့ အလုပ်ကောင်းပြီး အေမရိကမွာပဲ
အိမ်ထောင်ပြုပြီး ကိုယ်ပိုင်အိမ်တစ်လုံး
၀ယ်နိုင်ခဲ့ပါတယ်။
မြေးကလေးတစ်ယောက် ထွန်းကားခဲ့ပါတယ်။

မိခင်ဖြစ်သူ ဆရာမကေတာ့ တာ၀န်နဲ့မို့
ဆရာမအဖြစ်ပဲ ထိုင်၀မ်မှာ
ဆက်လက်နေထိုင်ခဲ့ပါတယ်။
ဒီလိုနဲ့ ဆရာမကြီးဟာ
ပင်စင်ယူချိန်နီးလာပါတော့တယ်။

ပင်စင်ယူချိန်နီးလာလေလေ သားနဲ့ မြေးလေးကို
သတိရလေလေဖြစ်ပြီး သားလေးမိသားစုနဲ့
သွားရောက်နေထိုင်ဖို့ ဆန္ဒပြင်းပြလာပါတယ်။

အမေဖြစ်သူရဲ့ စိတ်ထဲမှာ သားလိမ္မာကြီးကို
သတိရပြီး ပီတိဖြစ်နေတတ်ပါတယ်။
သြော် လုပ်ဖေါ်ကိုင်ဘက်တွေ
ဒီသတင်းသိလိုက်ရင်တော့ဖြင့်
ဘယ်လောက်အားကျလိုက်မလဲဆိုတာ
တွေးတောပြီး ပြုံးနေတတ်ပါတယ်။

ဆရာမရဲ့ စာရေးချင်တဲ့ အမူအကျင့်အတိုင်း
ဖုန်းခကို ချွေတာတတ်သူမို့ သားဆီကို
ပင်စင်ယူပြီးရင် အတူလာနေချင်ကြောင်း
ရေးသားပေးပို့ လိုက်ပါတယ်။

သားဆီက ပြန်စာကို တော်တော်နဲ့ ပြန်မရဘူး။
အမေကလည်း ပင်စင်ယူဖို့ ပြင်ဆင်နေပြီး
သားဆီက ပြန်စာကို မျော်နေတာပေါ့။
ပင်စင်ယူဖို့ တစ်ပတ်လောက်အလိုမှာ
သားဆီက စာတစ်စောင်ရောက်ရှိလာပါတယ်။

ဖောက်ဖတ်ကြည့်လိုက်တော့ ဒေါ်လာ
သုံးသောင်းတန် ချက်လက်မှတ်တစ်စောင်နဲ့
စာတစ်စောင်တွေ့လိုက်ပါတယ်။
စာက အဲလိုရေးထားပါတယ်။

"ချစ်လှစွာသော မေမေ
သားနဲ့ သားဇနီး သေသေချာချာ ညှိနိူင်းကြည့်ပြီးပါပြီ။
မေမေကို မလာစေချင်ပါဘူး။
မေမေသားကို ကျွေးမွေးခဲ့တာ မှန်ပါတယ်။
အဲဒီကုန္က်စားရိတ္ကို သားတို့ သေသေချာချာ
တွက်ချက်ကြည့်ပြီးပါပြီ၊ ဒေါ်လာ ( ၂ ) သောင်းလောက်ကျပါတယ်။
အပို ( ၁ )သောင်းပါ ထပ်ပေါင်းလိုက်တော့ စုစုပေါင်း ( ၃ )
သောင်းမေမေ့ကို ပို့ပေးလိုက်ပါတယ်။
မေမေ နောက်ဆို သားဆီကို စာမရေးပါနဲ့တော့၊
သားမိန်းမက မကြိုက်လို့ပါ။...."

မိခင်ဖြစ်သူမှာ စာဆုံးအောင်ပင်
ကောင်းကောင်း မဖတ်နိုင်ခဲ့ပါ။
မျက်ရည်နဲ့ မျက်ခွက်ဖြစ်နေပါပြီ။
အံ့သြခြင်း၊ ရင်နာခြင်း၊ယူကျုံးမရဖြစ်ခြင်း၊
မျော်လင့်ချက်တစ်ခုလုံး ပျောက်ဆုံးသွားခြင်း၊
စတဲ့ခံစားချက်တွေနဲ့ ချုံးပွဲချ ငိုချလိုက်ပါတော့တယ်။

မိခင်ဆရာမဖြစ်သူကို တရားက
ကယ်တင်သွားပါတယ်။
တရားစခန်း၀င်တယ်။
တရားနာတယ်။
တရားထိုင်တယ်။
တော်တော်လေး စိတ်သက်သာရာ ရသွားပါတယ်။

ဒါနဲ့ သူမဟာ အဲဒီဒေါ်လာ ၃ သောင်းကို
အသုံးပြုပြီး ကမ်ဘာပတ်ပါတော့တယ်။
ခရီးတစ်လျှောက်လုံးမှာ ရွိတဲ့ သဘာ၀တရားရဲ့
လှပဆန်းကျယ်မူကို သူမကောင်းစွာ ခံစားမိပြီး
တစ္ခုခု အသိ၀င်လိုက်သလို ခံစားလိုက်ရတယ် ။
အဲဒါနဲ့ သူ့မသားကို စာတစ်စောင်
ထပ်မံရေးသားလိုက်ပါတယ်။

"ချစ်ရတဲ့ သား....
မေမေ့ကို စာထပ်မရေးပါနဲ့တော့လို့
သားကပြောထားပေမဲ့ မေမေပြောချင်တဲ့စကား
မပြည့်စုံသေးလို့ သားဆီကို
စာထပ်ရေးလိုက်ရပါတယ်။

သားချက်လက်မှတ်နဲ့ ပိုက်ဆံကိုထုတ်ပြီး
မေမေကမ်ဘာပတ်ခရီးသွားခဲ့ပါတယ်။
လည်ရင်းပတ်ရင်း စဉ်းစားရင်းဆိုပါစို့၊
အဲလိုနဲ့ အသိတစ်ခု၀င်လာသလိုပဲ၊ ဟုတ်ပါတယ်။
သားကို ကျေးဇူးတင်ရမယ်။

တကယ်လို့ သားက မေမေကို ပြတ်ပြတ်သားသား
စိမ်းကားတဲ့ စကားမဆိုခဲ့ဘူးဆိုရင် မေမေအဲလောက်
သံဝေဂ တရား မြန်မြန်ရခဲ့မှာ မဟုတ်ပါဘူး။
အခုတော့ မေမေနားလည်အသိနဲ့ သိသွားပါပြီ။

လောကကြီးမှာ အေသခ်ာဆုံး၊
အေရရာဆုံး အရာဟာ
မသေချာမရေရာခြင်းဖြစ်တယ်ဆိုတာ
ကောင်းကောင်းကြီးသိသွားပါပြီ။
မေတ္တာလည်း အနိစ္စတရားကို ရှောင်ကွင်းလို့
မရဘူးဆိုတာ သိသွားပါပြီ။

တကယ်လို့ သားက မေမေကို
မလိုချင်ပဲ လာခဲ့ပါလို့
အားနာနာနဲ့ ခေါ်ခဲ့မယ်ဆိုရင် အခုလောက်ဆို
အားလုံးစိတ်ဒုက္ခ ရောက်နေလောက်ပါပြီ။
မေမေလည်း စိတ်ဆင်းရဲရပါမယ်။ အသက်တိုမယ်။

အခုတော့ မေမေ့စိတ်ထဲမှာလည်း
သားဆိုတဲ့ အစြဲ မရှိတော့ပါဘူး။
သားရော မြေးပါ မေမေစိတ်ထဲမှာ လွတ်ချနိုင်ခဲ့ပါပြီ။
ကိုယ့်မှာ အချစ်မရှိတော့ အချစ်ပြန်မလိုတော့ဘူးပေါ့၊
အလိုမရှိတော့ ဒုက္ခကင်းတာပေါ့၊
ဖြစ်ပေါ်ခဲ့တဲ့ အပြောင်းအလဲ အားလုံးကို
မေမေကျေကျေနပ်နပ်ကြီးနဲ့ လက်ခံလိုက်ပါပြီ။
ကျေးဇူးတင်ပါတယ် သား...."

ဇာတ်လမ်းလေးကတော့ ဒီလောက်ပါပဲ။
ပညာရှင်တစ်ဦးရဲ့ စကားကို သတိရစေပါတယ်။

မိဘများရဲ့ အိမ်ဟာ သားသမီးမ်ား
အချိန်မရွေး ပြန်နိုင်တဲ့ အိမ်ဖြစ်ပါတယ်။
သားသမီးများရဲ့ အိမ်ဟာ မိဘမ်ား
အချိန်မရွေး သွားရောက်နေထိုင်နိုင်တဲ့ အိမ်မဟုတ်ပါ။

ကေလးကို မွေးဖွားခြင်းဟာ တာ၀န်၊
ပျိုးထောင်ခြင်းဟာ ၀တ္တရား ဖြစ်ခဲ့မယ်ဆိုရင်
အားကိုးလိုစိတ်မွေးမြူ ခဲ့ရင်
မဟာအမှားဖြစ်သွားပါလိမ့်မယ်။

အိုလာရင် ကိုယ့်ကျန်းမာရေးကို
အတတ်နိုင်ဆုံး ဂရုစိုက်ပါ။
အိုစာနာစာအမြဲချန်ထားပါ။
အိုဖို့ အတွက် မအိုခင်မှာကတည်းက
ကြိုတင်ပြင်ဆင်ထားပါ။

အားလုံးကျန်းမာချမ်းသာကြပါစေ....🙏

photo
မူရင်းရေးသူ ဆရာသမားအား
လေးစားစွာ ပေးပါတယ်....

20/03/2025

ဘဝမှာ -
[ No.1 ] ပိုက်ဆံစုပါ ။
[ No.2 ] တတ်နိုင်သမျှ ပေးကမ်းပါ ။
[ No.3 ] စိတ်ဓာတ်ကို အဆင့်အတန်းမြင့်မြင့်ထားပါ ။

[ No.4 ] အပေါင်းအသင်းကောင်း များများပေါင်းပါ ။

[ No.5 ] အကောင်းမြင်စိတ် မွေးနိုင်အောင်လုပ်ပါ ။

[ No.6 ] လူတွေရဲ့ ကဲ့ရဲ့မှုကို သိပ်အလေးမထားပါနဲ့ ။

[ No.7 ] အရာအားလုံးဟာ ကိုယ်နဲ့ဆိုင်နေတာ မဟုတ်ပါဘူး
မဖြစ်သေးတာကိုတွေးပြီး မစိုးရိမ်ပါနဲ့ ။
လက်ရှိကာလကို အကောင်းဆုံးနေပါ ။

[ No.8 ] စည်းကမ်းရှိပါ ၊ သပ်သပ်ရပ်ရပ် ဝတ်ဆင်ပါ ။

[ No.9 ] စာများများဖတ်ပါ ။
{ ပိုက်ဆံမရပေမယ့် နှိုင်းလို့မရတဲ့ပညာတွေရပါတယ် }

[ No.10 ] ကိုယ်ထူးချွန်တဲ့အလုပ်ကနေ အောင်မြင်အောင်လုပ်ပါ ။

[ No.11 ] အလုပ်တစ်ခုကို တစိုက်မတ်မတ်လုပ်ပါ ။
အောင်မြင်မှုက အနှေးနဲ့အမြန် ရောက်ပါလိမ့်မယ် ။

[No.12 ] ကျေးဇူးရှိဖူးရင် ကျေးဇူးတရားမမေ့ပါနဲ့ ။

[ No.13 ] ကိုယ်ယုံကြည်ရာ ကိုးကွယ်ပါ ။
ယုံယုံကြည်ကြည် ကိုးကွယ်ပါ ။
{ အကျိုးကျေးဇူးကို တစ်နေ့ခံစားရပါလိမ့်မယ် }

[ No.14 ] ကံကိုမယုံပါနဲ့ ။
{ ကံဆိုတာအလုပ်ပါ ။ အလုပ်ကောင်းရင်ကံကောင်းမယ် }

[ No.15 ] ကိုယ့်ကိုယ်ကို ယုံကြည်မှုအပြည့်ရှိပါ ။
ကိုယ့်ကိုယ်ကိုသာ အားကိုးပါ ။ ။

{ အကောင်းကိုလက်ခံနိုင်သလို
အဆိုးကိုလည်းခံနိုင်အောင် ကြိုးစားပါ } 🚩

#ခွန်အားရှိသောစာတ်ိုများ
#ဘဝအတွတ်စာဖတ်ပါ
#ဆရာအောင်သင်းစာပေ
#လေးစားစွာဖြင့်_ပြန်လည်မျှဝေပါသည်

20/03/2025

Celebrating my 9th year on Facebook. Thank you for your continuing support. I could never have made it without you. 🙏🤗🎉

04/02/2025

# #ဂေါက်ရောဂါကိုအစားအစာနဲ့ကုသမယ်
===================

ယူရစ်အက်ဆစ် (Uric Acid) နဲ့ ဂေါက်ရောဂါ ( စားသင့် / မစားသင့်သောအစားအစာများ
‌
‌ယူရစ်အက်ဆစ်ဆိုတာ အစားအစာအတော်များများတွေရတဲ့ purine ဓါတ်ပြိုကွဲမှုကနေ ထွက်လာတဲ့ product တစ်ခုဖြစ်ပါတယ်။ ခန္ဓာကိုယ်က Purine ပရိုတင်းတမျိုးကို ခြေဖျက်ရာကနေ ယူရစ်အက်ဆစ်ဆိုတဲ့ ဓာတ်တစ်မျိုး ထွက်ပေါ်လာပါတယ်။
‌
‌ ယူရစ်အက်ဆစ်က များသောအားဖြင့် ဆီးထဲမှာ ပါသွားပေမယ့် သင့်ကျောက်ကပ်က ကောင်းစွာ အလုပ်မလုပ်ဘူးဆိုရင်၊ သင့်ခန္ဓာကိုယ်က ယူရစ်အက်ဆစ် အများကြီး ထုတ်လုပ်မယ်ဆိုရင် ၎င်းက ပြဿနာတွေကို ဖြစ်ပေါ်စေနိုင်ပါတယ်။
‌
‌ယူရစ်အက်ဆစ်ပိုလျှံမှုက သင့်အဆစ်များမှာ အနည်ထိုင်လာပြီး (အဆစ်အမြစ် ဂေါက်ရောဂါလို့ သိကြတဲ့) ရောင်ရမ်းခြင်းတွေ၊ နာကျင်ကိုက်ခဲခြင်းတွေ ဖြစ်ပေါ်စေနိုင်ပါတယ်။
‌
‌သင့်ကျောက်ကပ်ထဲမှာ substanceတွေ စုပုံနိုင်ပြီး ကျောက်ကပ် ကျောက်တည်ခြင်း ဖြစ်လာနိုင်ပါတယ်။
‌
‌အရွယ်ရောက်ပြီး အမျိုးသားများနှင့် သွေးဆုံးပြီး အမျိုးသမီးများတွင် အဖြစ်များပါသည်။
‌
‌ယူရစ် အက်ဆစ်လွန်ကဲလာတာကို လေ့လာတဲ့အခါ ၃ ပုံ ၁ ပုံကစားသုံးတဲ့ အစားအစာ
‌တွေကြောင့်လို့သိရပါတယ်။
‌

ဂေါက်ရောဂါ ကို အစားအစာနဲ့ ကုမယ်

၁ – ရေသောက်ခြင်း
••••••••••••••••••••
ရေသောက်ခြင်းက သွေးထဲမှာရှိတဲ့ ယူရစ်အက်ဆစ်ပမာဏကို ဆီးကနေစွန့်ထုတ်ပေးသောကြောင့် တနေ့လျှင်ရေ ၈ ခွက်မှ ၁၀ ခွက်အထိ သောက်ပေးပါ။

၂ – တရုတ်နံနံ
•••••••••••••••
တရုတ်နံနံအစေ့(သို့)အရွက်ဟာ uric acidကိုကျစေတဲ့ အာနိသင်ရှိတာကြောင့် ထမင်းစားရင်ဘဲဖြစ်ဖြစ် ဟင်းချက်တဲ့နေရာမှာဘဲဖြစ်ဖြစ် တရုတ်နံနံရွက်ကို ထည့်ချက်ပါ။အစေ့ကို သုံးခွက်တစ်ခွက်ကျိုပြီး သောက်လို့လည်းရပါတယ်။

၃ – ဗိုစားပဲ
••••••••••••
ဗိုစားပဲသီးကို အစိမ်းလိုက် ဝါးစားခြင်း ( သို့ ) ဗိုစားပဲသီး ဖျော်ရည် တနေ့ ၁၅၀ မီလီလီတာ သောက်ပေးခြင်းဖြင့် အကျိုးထူး ခံစားရပါလိမ့်မည်။

၄ – ပန်းသီး
••••••••••••
ပန်းသီးထဲရှိ မဲလစ်အက်ဆစ်ဓာတ်က ယူရစ်အက်ဆစ်ပမာဏကို မျှတစေလို့ နံနက်နေ့လည်. ည ထမင်းစားပြီးတိုင်း ပန်းသီး ၁ လုံးစီစားပါ ။(သို့မဟုတ်) ပန်းသီးဖျော်ရည်ကို သဘာဝပျားရည်နဲ့ ရောဖျော်သောက်ပါ။

၅ – ငှက်ပျောသီး
•••••••••••••••••
ဂေါက်ရောဂါ ပြင်းပြင်းထန်ထန် ခံစားနေရချိန်မှာ တနေ့လျှင် ငှက်ပျောသီး ၁လုံးကျစီဖြင့် ၄ရက် ဆက်တိုက်လောက် စားပေးပါ။

၆ – ရှောက်သီးနဲ့ သံပရိုသီး
••••••••••••••••••••••••••
ရှောက်သီးနဲ့ သံပရိုသီးထဲရှိ ဗီတာမင်စီ ဓာတ်များက အရိုးအဆစ်များကို သန်မာစေရုံသာမက ယူရစ်အက်ဆစ်ပမာဏကိုလည်း မျှတစေလို့ ရှောက်ရည် (သို့)သံပရိုသီးဖျော်ရည်ကို သကြားနဲ့ဆား လုံးဝမထည့်ပဲနဲ့ သောက်ပါ။

၇ – နာနတ်သီး
•••••••••••••••
ယူရစ်အက်ဆစ်ကိုမျှတစေသည့် ရှားပါးသော bromelain ပါရှိသော နာ နတ်သီး ဟာ အဆစ်အမြစ်ရောင်ရမ်းခြင်းကို သက်သာစေတဲ့အတွက် ဂေါက်ရောဂါဖြစ်နေချိန် နာနတ်သီးစားခြင်းဟာ အဆစ်အမြစ်ရောင်ရမ်းခြင်းကို သက်သာစေပါတယ်။

၈ – သင်္ဘောသီး အစိမ်း
••••••••••••••••••••••••
သဘောသီး အစိမ်းကို အတုံးလေးတွေတုံးကာပြုတ်ပြီး လက်ဖက်ခြောက်ခပ်၍ ရောသောက်ပါ။

Uric Acid ယူရစ်အက်ဆစ်ကို လျော့ချပေးမည့် အစားအစာများ၊ စားပေးသင့်သော အစားအစာများ
‌
‌ ၁ - ပန်းဂေါ်ဖီစိမ်း - သခွားသီး
‌- ပန်းဂေါ်ဖီစိမ်းနဲ့ သခွားသီးတွေက သွေးထဲမှာ ယူရစ်အက်ဆစ် ပိုလျှံမူနဲ့ အဆစ်များ
‌ပတ်လည်ရှိ ယူရစ်အက်ဆစ်ပုံဆောင်ခဲတွေ ထုတ်လုပ်မူကို လျော့နည်းစေပါတယ်။
‌
‌ ၂ - ငှက်ပျောသီး
‌- ငှက်ပျောသီးက ယူရစ်အက်ဆစ် ပမာဏကို လျော့ချရန်အကောင်းဆုံး အသီးပါ။
‌
‌ ၃ - မုန်လာဥနီ
‌ - မုန်လာဥနီကို ပုံမှန်စားပါက ဂေါက်ရောဂါကို ကာကွယ်ပေးသလို ကျန်းမာရေးကို
‌လည်း ပိုမို ကောင်းမွန်စေနိုင်ပါတယ်။
‌
‌ ၄ - ချယ်ရီသီး
‌- anthocyanin လို့ ခေါ်တဲ့ ဓာတ်တိုးဆန့်ကျင့်ပစ္စည်း ပါဝင်လို့ ချယ်ရီသီးက ယူရစ်
‌အက်ဆစ်ပမာဏကိုလျော့ချပေးနိုင်တယ် - အဆစ်ပတ်ပတ်လည်မှာရှိတဲ့ crystals မဖြစ်ပေါ်အောင် တားဆီးပေးနိုင်ပါတယ်။
‌
‌ ၅ - ရေ
‌ - ရေ မကြာခဏ သောက်ခြင်းက ယူရစ်အက်ဆစ်ပမာဏကို လျောနည်းစေရုံသာမ
‌က ခန္ဓာကိုယ်ကနေ စွန့်ပစ်ပစ္စည်းနဲ့ အဆိပ်တွေကိုလည်း ဖယ်ရှားပေးနိုင်ပါတယ်။
‌
‌ ၆ - ပန်းသီး
‌- ပန်းသီးကို ပုံမှန်စားသုံးတဲ့အခါ ခန္ဓာကိုယ်ကို detox ဖြစ်စေတဲ့အပြင် ပိုလျှံနေတဲ့
‌ယူရစ်အက်ဆစ်တွေကို ဖယ်ရှားပေးနိုင်ပါတယ်။
‌
‌ ၇ - တရုတ်နံနံကြီး
‌ - ယူရစ်အက်ဆစ် များလို့ဖြစ်ပေါ်လာနိုင်တဲ့ နောက်ဆက်တွဲဆိုးကျိုးတွေကနေ ကာ
‌ကွယ်ပေးနိုင်တယ် - ယူရစ်အက်ဆစ်ပမာဏကိုလည်း လျော့ချပေးနိုင်ပါတယ်။
‌
‌ ၈ - ကြက်သွန်နီ
‌ - ခန္ဓာကိုယ်ကနေ ယူရစ်အက်ဆစ်တွေကို ဖယ်ထုတ်ပြီး ယူရစ်အက်ဆစ်ပိုလျှံလို့ ဖြစ်
‌လာနိုင်တဲ့ နောက်ဆက်တွဲ ပြဿနာတွေကို ကြက်သွန်နီကကူညီပေးနိုင်ပါတယ်။
‌
‌ ၉ - ရေနွေးကြမ်း
‌- ရေနွေးကြမ်းပုံမှန်သောက်ရင် ဂေါက်ရောဂါကိုတားဆီးသလို သွေးထဲယူရစ်အက်ဆစ်
‌ပမာဏမြင့်တက်တာကိုလည်း ထိန်းပေးပါတယ်။
‌
‌ ၁၀ - ရှောက်သီး သံပုရာသီး. သံပုရိုသီး
‌ - ဒီအသီး မျိုးနွယ်ဝင် Citric acid ပါဝင်သည့်အသီးတွေကို စားခြင်းဖြင့် ခန္ဓာကိုယ်
‌အတွင်းရှိ ယူရစ်အက်ဆစ်လွန်ကဲခြင်းကို တားဆီးနိုင်ပါတယ်။
‌
‌ ၁၁ - ဘယ်ရီသီးများ
‌ - ဘယ်ရီသီးတွေ ပုံမှန်စားလျှင် ခန္ဓာကိုယ်မှာ ယူရစ်အက်ဆစ် လွန်ကဲစွာ စုပုံခြင်းကို
‌တားဆီးပေးနိုင်ပါတယ်။
‌

‌မစားသင့်သည့်အစားအစာများ
‌
‌1. ဝမ်းတွင်းကလီစာ - ဥပမာ - အသည်းအမြစ်၊ နှလုံး၊ ဦးနှောက်။
‌
‌2. အနီရောင်ရှိသော အသားများ - ဥပမာ - အမဲသား၊ ဆိတ်သား။
‌
‌3. ပင်လယ်စာ များ၊ ငါးသေတ္တာငါးအစရှိတဲ့ အစားအစာ တွေ ပာ Purine လို့ခေါ်တဲ့ ဓါတ်တစ်မျိုးပါတဲ့ အတွက် Uric Acid ကို ပိုများစေပါတယ်။
‌
‌4. တစ်နေ့ကို အသင့်သောက် အချိုရည် ၆ဘူး အထက်သောက်တဲ့ သူတွေ မှာ လည်း Uric Acid တွေများနေပါတယ်။ အကြောင်းအရင်း ကတော့ အချိုရည် တွေ မှာပါတဲ့ သကြားတစ်မျိုးဖြစ်တဲ့ Fructose (ဖရက်တို့စ်) ကြောင့်ပါ။
‌
‌5. အရက် အလွန်အကျွံသောက်တာ ကိုလည်းရှောင်ကြဉ်ရပါမယ်။
‌
‌6. ကော်ဖီ ကိုလည်း တစ်နေ့ ၂-၃ ခွက်ထက်မပို သင့်ပါဘူး။
‌
‌7. ပဲပုပ်စေ့၊ ကုလားပဲ စတဲ့ ပဲတွေမှာတော့ purine ပါဝင်မှု့ များတဲ့ အတွက် အလွန်အကျွံ မစားမိဖို့လိုအပ်ပါတယ်။
‌
‌8. ဗီတာမင် စီ နှင့် ဒီ ပါဝင်သော အားဆေးများကို တတ်နိုင်သမျှရှောင်ကြဉ်ရပါမယ်။ ဆီးကျောက်တည်တာ ကို ပိုဆိုးစေလို့ပါ။
‌
‌9. အသီးအရွက်ထဲ မှာဆိုရင် ပာင်းနုနွယ်၊ ကညွတ်၊ ပန်းဂေါ်ဖီ၊ မှို တွေကို အများကြီးမစားသင့်ပါဘူး။

... Original writer

26/01/2025

Mytelအသုံးပြု့သူများအတွက်
သိသလောက်လေး မျှဝေခြင်းဖြစ်ပါသည်

*966*211 #=1G 300ကျပ်
တစ်လတစ်ကြိမ်ရပါတယ်

*966*201 #=96Mb600points200ကျပ်
၇နှစ့်ရက်တစ်ပတ်

*966*306 # =1200points200ကျပ်
၃လတစ်ကြိမ်

*578 # = 1G 799ကျပ်
၇ရက်တစ်ပတ်

*966*882 # =10G 5000ကျပ်
မတ်ဆေ့ဝင်တဲ့သူများသာ

*966*884 # =20G 10000ကျပ်
မတ်ဆေ့ဝင်တဲ့သူများသာ

*966*677 # =7G 7ရက်သုံး700ကျပ်
၃လပြည့်ပြီးသားကဒ်များသာ

*966*966 # =6G ၁၀ရက်သုံး600ကျပ်
၁နှစ်ပြည့်ပြီးသားကဒ်များသာ

*966*966 # =3G 300ကျပ်
ရိုးရိုးကဒ္မ်ားသာ

Mytel pay အကောက်ဖွင့် points 400
အနိမ့္ဆုံးရ

Aungbarla အကောက်ဖွင့် points 500
အနိမ့္ဆုံးရ

Mytel Mb လြဲ(*9669*ph*Mb #)

mytelမိနစ် လြဲ(*9668*ph*မိနစ် #)

Mytel ဖုန်းနံပက်စစ်( *88 # )

ပတ်ကေ့စစ်(*966*3 #)

အပြင်ပတ်ကေ့ဝယ်ဝယ် (*966 #)

ဖုန်းဘေလ်ချေး(*966*94 # or *588 #)

ဖုန်းဘေလ်လွဲ (*966*93 #)

ဖုန်းပြန်ခေါ်ခိုင်း (*512*ph #)

မှတ်ပုံတင်စစ် (*966 #)6 ရွေး 2 ရွေးပြီးရင်
မတ်ဆေ့ကျလာပါလိမ့်မယ်

Code တွေမမှတ်ချင်ရင် ဆော့ဝဲနှင့်လွယ်ကူစွာပြုလုပ်နိင်ပါတယ်။

ဆော့ဝဲဒေါင်းရန် - https://bit.ly/4diSiek

04/07/2024

#အားနာတယ် အဖေ
ခလုပ်တိုက်ရင်တောင်"အမေ"လိုပဲ
အော်မိလို့
________________________
#အားနာတယ်"အဖေ
ကျောင်းလိုက်ပို့ပေးတဲ့ အမေ့ကိုသာ ချစ်နေပြီး
ပညာသင်နိုင်အောင် ပိုက်ဆံရှာနေတဲ့"အဖေ့ကို မေ့နေလို့
____________________________________

#အားနာတယ်"အဖေ
အမေ့မေတ္တာဖွဲ့သီချင်းတွေ ဆိုကြပြီး
အဖေ့အတွက် သီချင်းရှားလွန်းလို့
_______________________

အားနာတယ်"အဖေ
နို့စက်တွေကို တန်ဖို့ထားပြီး
ချွေးစက်တွေကို"သတိမထားမိခဲ့လို့
_______________________

#အားနာတယ်"အဖေ
အမေ့ပါးကို ခုထိနမ်းပြီး
အဖေ့ပါးကို ၆ နစ်ကျော်ကတည်းက မနမ်းရဲတော့လို့
_______________________________________

#အားနာတယ်"အဖေ
ကျရူံးတဲ့အခါ အမေ့ရင်ခွင်ကိုပဲ တမ်းတနေပြီး
တံတိုင်းလို ကာကွယ်ပေးတဲ့ အဖေ့ကျောပြင်ကို သတိမရမိလို့
________________________________________

အသက်နဲ့ရင်းပြီး မွေးတဲ့အမေရော
ဘဝနဲ့ရင်းပြီးကျွေးတဲ့ အဖေရောဟာ
သားသမီးတို့အတွက် မေတ္တာရှင်တွေပါ
ကျွတ်တော်ပိုစ့်လေးကို ဖတ်ပြီး အိမ်ကမိဘကို သတိရသွားရင်
ကျွန်တော် တင်ရကျိုးနပ်ပါပြီ"

04/07/2024

အသက်တွေ စျေးပေါပြီး
စားစရာတွေ စျေးကြီးနေသော
MM 🥹🥹

22/06/2024

ငယ်ငယ်ကဆင်းရဲခဲ့ပြီး ကြီးမှပြည့်စုံလာတဲ့
လူတချို့ဟာ သူတို့သားသမီးတွေကို
အရမ်းဖြည့်ဆည်းပေးကြတယ်။
သူတို့တုန်းက မရခဲ့တာတွေကို
သားသမီးတွေအလှည့်မှာ
တောင်းဆိုစရာမလိုအောင်
ဖြည့်ဆည်းပေးတတ်ကြတယ်။
"လူ့လောဘဟာ ဘယ်တော့မှ
အတောမသတ်တာကို မေ့ထားရင်းနဲ့”

ကျနော်ကလေး ဘဝမှာ
လိုချင်တာတွေသိပ်များခဲ့တယ်။
ကလေးကလည်း ကလေးအလျောက်
လောဘရှိခဲ့တာပဲ။ လောဘနဲ့အစွမ်းအစမှာ
လောဘက အသာရသွားရင် အဲ့ဒီလူဟာ
မသမာသူဖြစ်သွားတတ်တယ်။

လောဘဟာ အစွမ်းအစကိုမကျော်သ၍
ခင်ဗျားဘယ်လောက်ဆင်းရဲဆင်းရဲ ၊
အေးချမ်းပါသေးတယ်။
ထမင်းငတ်လောက်အောင်တော့
အစွမ်းအစမနည်းနဲ့ပေါ့လေ။

ကလေးဘဝဆိုတာ လောဘသာရှိပြီး
အစွမ်းအစမရှိသေးတဲ့ဘဝပါ။
အစွမ်းအစကမမြင့်ဘဲ လောဘတွေမြင့်လာရင်
အဲ့ဒီကလေးဟာ ဆိုးသွမ်းလာပါလေရော။

ကျနော်တစ်တန်းနှစ်မှာ အပူချိန် ၁၀၄ရှိတဲ့
အဖျားကြီးတစ်ခု ခံစားခဲ့ဖူးတယ်။
အဲ့တုန်းက မေမေက ကျနော့်အတွက်
၆၀တန် ဒိုင်နိုဆောရုပ်လေးနဲ့ ၈၅ကျပ်တန်
လေယာဉ်လေးတစ်စီး ဝယ်ပေးဖူးတယ်။
အဖျားကို မေ့သွားသည်အထိ
ကျနော်ပျော်ခဲ့ပါတယ်။
လေယာဉ်လေးကတော့ အချိန်တစ်ခုမှာ
ပျက်စီးခဲ့ပြီး ရာဘာဒိုင်နိုဆောရုပ်လေးက
ပျောက်ခြင်းမလှပျောက်သွားတယ်။

ကျနော် လောဘကြီးခွင့်မရခဲ့ပါဘူး။
အရုပ်ဆိုင်လေးတွေမြင်ရင် ငေးမောမိပေမယ့်
ပူဆာခွင့်ရှိတယ်မထင်လို့ နှုတ်ဆိတ်နေခဲ့တယ်။
မိဘရဲ့မပြေလည်မှုကို
ကျနော် နားလည်နေခဲ့တယ်လေ။

ကျနော် မိဘဖြစ်လာရင် ကျနော့်သားကို
နင်းကန်ဝယ်ပေးပစ်ရမလား။
ဟင့်အင်း အဲ့လိုမလုပ်ဘူး။
ရံဖန်ရံခါမှာ ဆုလာဘ်အဖြစ်နဲ့တော့
သား/သမီးကိုဝယ်ပေးမယ်။
ဒါကို ရပိုင်ခွင့်တစ်ခုလို ရင်သွေးက
မြင်သွားမှာ ကျနော်မလိုလားဘူး။
ဘာအစွမ်းအစမှ မရှိခင်မှာ သူလိုချင်တိုင်း
ရနေရင် ဒီကလေးဟာ မာန်တက်နေလိမ့်မယ်။

အကယ်၍ ကျနော်ချမ်းသာလာသည်ဆိုဦးတော့။
သူ့ရဲ့တစ်နေ့တာ ကိုယ်ပိုင်သုံးစွဲမယ့်ငွေဟာ
အခြေခံ နေ့စားအလုပ်သမားရဲ့ တစ်ရက်စာ
ဝင်ငွေထက်မကျော်ရဘူး။ ရံဖန်ရံခါတော့
ဆုလာဘ်အဖြစ်နဲ့ တနင့်တပိုးပေးမယ်။

မိဘပိုက်ဆံကို ရပိုင်ခွင့်လို မြင်လာခြင်းဟာ
သားသမီးအတွက် ပျင်းရိပျက်စီးမယ့် လမ်းစပဲ။
သူဌေးသားသမီးတွေဟာ အုပ်ထိန်းမှုမတတ်ရင်
လူပေါ့လူသွမ်းဖြစ်နိုင်ခြေပိုများတယ်။
ငွေအပေါ်တန်ဖိုးထားမှု၊အချိန်ပေါ်တန်ဖိုးထားမှု
မတတ်တဲ့ သူဌေးသားတွေ
များစွာ မြင်ဖူးခဲ့တယ်။

သိန်းကို သိန်းနဲ့ချီပြီး ချမ်းသာတဲ့
အန်တီတစ်ယောက်က
ကျနော့်ကို ရင်ဖွင့်ဖူးတယ်။
သူ့သားဟာ မိဘပိုက်ဆံကို ရပိုင်ခွင့်လို့
ထင်နေပြီး ၂၀ကျော်အရွယ်ကတည်းက
ဓားကြိမ်းကြိမ်းပြီး အမွေတောင်းပါသတဲ့။
သူ့ရဲ့ ငယ်ဘဝကို မေးမြန်းကြည့်တော့
ငယ်စဉ်ကတည်းက လိုချင်တာရခဲ့တဲ့
ကလေးငယ်ဖြစ်ခဲ့တယ်။
သိန်းနဲ့ချီတန်တဲ့ အရုပ်တွေကို ဖျက်ဆီးတယ်။
အသုံးအဖြုန်းကြီးတယ်။
ပညာရေးကို ငွေလမ်းနဲ့လျှောက်ခဲ့တယ်။

Rich kidsတွေရဲ့ ဘဝဟာ အားကျစရာ
အားသာချက်တွေရှိသလို ထောက်ချင့်စရာ
အားနည်းချက်တွေလည်းရှိတယ်။
လက်ဖြန့်ရုံနဲ့ ငွေငါးသိန်းရတဲ့
သူဌေးသားလေးဟာ တစ်လ ၂သိန်းရမယ့်
အလုပ်ကို ဘယ်လုပ်ချင်ပါ့မလဲ။

အဲ့ဒိလူငယ် GTC second year
ရောက်တဲ့အချိန်မှာ ပညာရေးကို
စိတ်မဝင်စားတော့ဘဲ မိန်းမခိုးပြေးတယ်။
ဘာအလုပ်မှ မလုပ်ဘူး။ဒီတိုင်းထိုင်စားတယ်။
ကလေးနှစ်ယောက်ရတော့ မိန်းမကို
မပေါင်းတော့လို့ သူ့ရဲ့မိဘက
ချွေးမနဲ့မြေးတွေကို အိမ်ခေါ်ထားရတယ်။

မွေးလာတဲ့သားသမီးအပေါ်
ဘာတာဝန်ယူချင်စိတ်မှ မရှိတဲ့
ဖခင်ဖြစ်လာပေမယ့် သူကိုယ်တိုင်ကျတော့
သူ့မိဘဆီက ရပိုင်ခွင့်တွေ
ရှိတယ်ထင်နေတုန်းပဲ။
နောက်ပြီး သူကတစ်ဦးတည်းသောသားလေ။

သူ့မိဘတွေဟာ ငွေကြေးချမ်းသာတဲ့
သူဌေးကြီးတွေဖြစ်ပေမယ့် ဒီသားအပေါ်
အလိုလိုက်မှားခဲ့တာကြောင့် စိတ်ဆင်းရဲရှာတယ်။
သူ့ကို ဘယ်လိုတရားနဲ့ ဆုံးမလို့ရနိုင်ဦးမှာလဲ။

ကလေးတွေဟာ မိဘမွေးတဲ့အတိုင်း
ကြီးပြင်းလာကြတာပဲ။
အတ္တကြီးအောင်မွေးရင် အတ္တကြီးတယ်။
ဒေါသကြီးအောင်မွေးရင် ဒေါသကြီးတယ်။
လောဘကြီးအောင်မွေးရင် လောဘကြီးတယ်။
ကလေးတွေရဲ့ လောဘကို
စျေးမကြီးစေချင်ဘူးလေ။

#ရွှေမိတ်သစ်

03/05/2024

#ရေတိမ်အကြောင်းသိကောင်းစရာ🔴

ရေတိမ် ဆိုတာ မျက်လုံးထဲမှာရှိတဲ့ အာရုံကြောကို ထိခိုက်စေတဲ့ ရောဂါအခြေအနေတစ်မျိုးပါ။ မျက်လုံးထဲမှာ အကြောင်းတစ်စုံတစ်ရာကြောင့် ဖိအားများလာတဲ့အခါ အာရုံကြောကို ဖိမိပြီး ပျက်စီးတတ်ပါတယ်။ သိပ်ပြင်းထန်လွန်းရင် အမြင်အာရုံလုံးဝဆုံးရှုံးတာမျိုးလည်းဖြစ်နိုင်ပါတယ်။ ရေတိမ်ရှိတဲ့သူတော်တော်များများဟာ နာတာ၊ တခြားလက္ခဏာခံစားရတာမျိုးမရှိပါဘူး။ တဖြည်းဖြည်းချင်း ပိုဆိုးလာပြီး နောက်ဆုံးအမြင်အာရုံလုံးဝကွယ်သွားတာပါ။ ဒီလိုကွယ်သွားပြီးရင် ပြန်မကောင်းလာနိုင်တဲ့အတွက် စောစောသိ စောစောကုနိုင်ဖို့လိုပါတယ်။

ဘာလို့ ရေတိမ် ဖြစ်တာလဲ။

ရေတိမ်ဆိုတာ မျက်လုံးအာရုံကြောပျက်စီးရာကနေဖြစ်လာတာပါ။ အာရုံကြောက တဖြည်းဖြည်းပျက်စီးလာတဲ့အတွက် အမြင်အာရုံထိခိုက်လာပါတယ်။ ဘာကြောင့်လဲဆိုတာ အတိအကျမပြောနိုင်ပေမယ့် ဒီလိုအာရုံကြောပျက်စီးတာက မျက်လုံးထဲမှာ ဖိအားများလာတာနဲ့ ဆက်စပ်နေပါတယ်။

ဒီလိုဖိအားများလာရတာကတော့ မျက်လုံးထဲမှာရှိတဲ့ အရည်ကြည်တွေ များလာလို့ပါပဲ။ ပုံမှန်ဆိုရင် ဒီအရည်တွေက မျက်ကြည်လွှာနဲ့ မျက်ဆံကြားမှာရှိတဲ့ တောင့်ကနေ ထွက်သွားတာပါ။ အရည်ထုတ်တာများရင်ပဲဖြစ်ဖြစ်၊ အရည်ထွက်သွားတဲ့နေရာက ကောင်းကောင်းအလုပ်မလုပ်ရင်ပဲဖြစ်ဖြစ် အရည်တွေစုလာပြီး မျက်လုံးထဲက ဖိအားတွေများလာပါတယ်။

ရေတိမ်က မျိုးရိုးလိုက်တတ်ပါတယ်တဲ့။ တချို့မျိုးဗီဇတွေက မျက်လုံးတွင်းဖိအားများတာ၊ မျက်လုံးအာရုံကြောပျက်စီးတာနဲ့ ဆက်စပ်နေပါတယ်။

ရေတိမ် ဘယ်နှစ်မျိုးရှိလဲ။

အဓိကအားဖြင့်တော့ နှစ်မျိုးရှိပါတယ်။

ထောင့်ပွင့်ရေတိမ် (Open-angle glaucoma)
အဖြစ်အများဆုံးရေတိမ်အမျိုးအစားပါ။ ထောင့်ကျယ်ရေတိမ်လို့လဲ ခေါ်ကြပါတယ်။ မျက်လုံးထဲမှာရှိတဲ့ ပြွန်ကကောင်းနေပေမယ့် အရည်ကတော့ ကောင်းကောင်းမစီးပါဘူး။

ထောင့်ပိတ်ရေတိမ် (Angle-closure glaucoma)
အာရှသားတွေ အဖြစ်များတဲ့ အမျိုးအစားပါ။ ထောင့်ကျဥ်းရေတိမ်လို့လဲခေါ်ပါတယ်။ မျက်ကြည်လွှာနဲ့ မျက်ဆံကြားက အရည်စွန့်တဲ့နေရာက ကျဥ်းလွန်းတဲ့အတွက် မျက်လုံးထဲက အရည်တွေက ကောင်းကောင်းမထွက်နိုင်ပါဘူး။ ဒါကြောင့် မျက်လုံးထဲမှာ ဖိအားတွေများလာတာပါ။ ဒါပြင် အဝေးမှုန်တာ၊ အတွင်းတိမ်တွေနဲ့လည်း ဆက်စပ်နေပါတယ်။

တခြားအဖြစ်နည်းတဲ့ ရေတိမ်တွေကတော့

ဖိအားမများဘဲဖြစ်တဲ့ရေတိမ်
ကလေးတွေမှာဖြစ်တဲ့ရေတိမ်
ရောင်ခြယ်ရေတိမ် (Pigmentary glacuoma) တွေပဲဖြစ်ပါတယ်။

ဘာလက္ခဏာတွေခံစားရတာလဲ။

ရေတိမ်ရဲ့ လက္ခဏာတွေကတော့ ဘယ်အဆင့်ရောက်နေပြီလဲ။ ဘယ်အမျိုးအစားလဲပေါ်မူတည်ပြီး ခံစားရတဲ့ လက္ခဏာတွေ ကွာသွားပါတယ်။

ထောင့်ပွင့်ရေတိမ် (Open-angle glaucoma)

မျက်လုံးအလယ် ဒါမှမဟုတ် ဘေးမှာ အစက်အပြောက်တွေ မြင်ရတာ (နှစ်ဖက်လုံးဖြစ်နိုင်ပါတယ်။)
ရောဂါရင့်လာရင် လှိုဏ်ခေါင်းကို ကြည့်ရသလိုမျိုး ဘေးတွေမမြင်ရဘဲ အလယ်ပဲမြင်ရတာ

ထောင့်ပိတ်ရေတိမ် (Angle-closure glaucoma)

ပြင်းပြင်းထန်ထန်ခေါင်းကိုက်တာ
မျက်လုံးအောင့်တာ
ပျို့အန်တာ
အမြင်ဝါးတာ
မီးရောင်ကြည့်ရင်ဝါးနေတာ
မျက်လုံးနီတာ
မကုဘဲထားမယ်ဆိုရင် ရေတိမ်ကြောင့် မျက်စိလုံးလုံးကွယ်သွားနိုင်ပါတယ်။

ရေတိမ်ရှိတဲ့သူတွေက ကုသပြီးရင်တောင်မှ ၁၅ရာခိုင်နှုန်းက နှစ်၂၀အတွင်းမှာ မျက်လုံးတစ်ဖက်ကွယ်နိုင်ပါတယ်။

ဘယ်သူတွေပိုဖြစ်နိုင်လဲ။
နာတာရှည် ရေတိမ်က ဘာလက္ခဏာမှမပြခင် အမြင်အာရုံဆုံးရှုံးနိုင်လောက်တဲ့အထိ ပြင်းထန်တဲ့အတွက် အောက်က အချက်ရှိတဲ့သူတွေက သတိထားပြီး ပုံမှန်စစ်ဆေးပါ။

မျက်လုံးတွင်းဖိအားများတဲ့သူတွေ
အသက်၆၀ကျော်တွေ
မိသားစုမျိုးရိုးရှိတဲ့သူတွေ
နဂိုရောဂါအခံရှိတဲ့သူတွေ (ဆီးချို၊ သွေးတိုး၊ နှလုံးရောဂါ၊ sickle cell anaemia)
မျက်ကြည်လွှာအလယ်မှာ ပိုပါးတဲ့သူတွေ
အနီးမှုန်၊ အဝေးမှုန်ဆိုးတဲ့သူတွေ
မျက်လုံးတစ်ခုခုထိခိုက်မိတဲ့သူတွေ၊ မျက်စိခွဲစိတ်နေတုန်း ထိခိုက်မိတဲ့သူတွေ
စတီးရွိုက်ပါတဲ့ မျက်စဥ်းဆေးတွေကို အချိန်အကြာကြီးသုံးတဲ့သူတွေ

ဘယ်လိုကာကွယ်ကြမလဲ။

ရေတိမ်မဖြစ်အောင်ကာကွယ်လို့မရပါဘူး၊ ဒါပေမယ့် စောစောသိအောင်တော့ လုပ်လို့ရပါတယ်။

မျက်လုံးကို ပုံမှန်စစ်ဆေးပါ။
ရေတိမ်ကစောစောသိလို့ စောစောကုနိုင်ရင် ပိုကောင်းပါတယ်။ ဒါကြောင့် အသက်၄၀ကျော်၊ ရေတိမ်မျိုးရိုးလည်းရှိတယ်ဆိုရင် မျက်စိက်ု တစ်နှစ်တစ်ခါ စစ်ဆေးပါ။ ဆီးချို ဒါမှမဟုတ် တခြားမျက်စိရောဂါတစ်မျိုးမျိုးရှိတယ်ဆိုရင် ဒီထက်ပိုပြီ ခပ်စိပ်စိပ်စစ်ဆေးရပါမယ်။

မိသားစုထဲမှရေတိမ်ဖြစ်ဖူးတဲ့သူရှိမရှိ သိအောင်လုပ်ထားပါ။
ပေါ့ပေါ့ပါးပါး လေ့ကျင့်ခန်းကို တစ်ပတ်၃ခါလောက်လုပ်တာကလည်း မျက်လုံးထဲက ဖိအားကို လျှော့စေပါတယ်။
အားကစားလုပ်ရင်ပဲဖြစ်ဖြစ်၊ အိမ်ထဲမှာ တစ်ခုခုပြုပြင်မှုလုပ်ရင်ပဲဖြစ်ဖြစ် မျက်စိမထိခိုက်အောင် ကာကွယ်ပါ။
မျက်လုံးမှာ ဖိအားများနေတာကို တွေ့ရင် ဆရာဝန်နဲ့ ညွှန်ကြားချက်ကို သေချာလိုက်နာပါ။

ရေတိမ် အကြောင်း သိကောင်းစရာ
ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win | ရေးသားသူ Dr. Htet Htet Zaw Win
Update Date မေ 11, 2020 .
Helloဆရာ၀န် websiteမှကူးယူဖော်ပြသည်
မူးရင်းရေးသားသူအား credit ပေးပါသည်

#မျက်လုံး #မျက်စိ

08/04/2024

ဆန် ၁ တင်း မှာ ၁၆ ပြည် ရှိသလို
ရွှေ ၁ ကျပ်သားမှာ ၁၆ ပဲ ရှိတယ် ၊

ဆန် ၈ ပြည် ကို တခွဲ လို့ ခေါ်သလို
ရွှေ ၈ ပဲ ကို ငါးမူး လို့ ခေါ်တယ် ၊

ဆန် ၄ ပြည် ကို တစိပ် လို့ ခေါ်ကြသလို
ရွှေ ၄ ပဲ ကို တမတ်သား လို့ ခေါ်ကြတယ် ၊

ဆန် ၁ ပြည်မှာနို့ဆီဗူး ရှစ်လုံး ရှိသလို
ရွှေ ၁ ပဲ မှာလည်း ရွေးလေး ရှစ်ရွေး ရှိတယ် ၊

ဆန် ၁ တင်းမှာ နို့ဆီဗူး ၁၂၈ လုံး ရှိသလို
ရွှေ ၁ ကျပ် သား မှာလည်း ၁၂၈ ရွေး ရှိတယ် ။

ဒီဆက်နွယ်မှုဟာ နိုင်ငံအတွင်း‌နေထိုင်ကြသူတွေအဖို့
ဆန် နဲ့ ရွှေ နှစ်မျိုးလုံး အရေးကြီးတာချည်းပဲဆိုတာသိထားဖို့ပါ ။

20/03/2024

"ဘဝပျက်ရင်ပြုရမယ့် အစီအရင်ငါးခု"

လူ့ဘဝမှာတစ်ကြိမ်တစ်ခါတော့ ဒုက္ခရောက်တတ်ကြတယ်။
အလွန်ကိုဆင်းရဲနေပြီ၊ စားစရာပင်မရှိတော့ဘူး၊
ကာမဂုဏ်စိတ်များပင်ကုန်ခမ်းနေပြီ၊
ညဘက်တွေအိပ်မပျော်တော့ဘူး၊
အရိပ်မဲမဲတွေဖျက်ခနဲတွေ့ရတာတွေ၊
ကြွေးရှင်တွေကလည်း ပူနေပြီ၊
အိမ်မှာပင်နေလို့မရတော့ဘူး၊
လမ်းဘေးမှာ မကြာခင်ဆင်းနေရတော့မယ်၊
ညအိပ်ခါနီး မကြာခဏငိုနေရမယ်၊
မနက်နိုးလာရင်လည်း ခေါင်းခဲစရာနဲ့ နိုးလာရမယ်၊
ငွေကလည်းရှာလို့မရ၊
အမှုအခင်းနဲ့လည်း ကြုံနေရတယ် စတဲ့ စတဲ့ ကိစ္စတွေအပါအဝင် အမျိုးမျိုးသော ကိစ္စတွေ နဲ့ ကြုံလာပြီဆို အခုဖော်ပြမယ့် ယတြာ ငါးမျိုးကို ပြုရမယ်။

(က) မန္တန်၊ ဂါထာ တစ်ခုခုကို ရွတ်ရမည်။
ဘာဂါထာ၊ မန္တန်ဖြစ်ဖြစ် တစ်ခုခုကို စွဲမြဲရွတ်နေရမယ်။ ရွတ်လိုက်တိုင်းမှာ ပြသနာတွေ မကောင်းတဲ့အရာတွေ တဖြည်းဖြည်းပါးသွားပြီ၊ ဆုတ်ခွာသွားပြီ လို့ အာရုံပြုရမယ်။

(ခ) ဂြိုဟ်တွေကို မျက်စိလှည့်ပါ။
ဆိုလိုတာက ခရီးတွေသွားပါ။ အလုပ်မရှိရင် လမ်းလျှောက်ထွက်နေပါ။ ဘုရား စေတီ တန်ဆောင်းတစ်ခုခုမှာ ထိုင်နေပါ။ အိမ်မှာ မနေပါနဲ့။

(ဂ) အအေးစာကို စားပါ။
စတုဒိသာ ထမင်း၊ အလှူထမင်းစားပါ။

လောဘ၊ ဒေါသ၊ မောဟနဲ့ ချက်တဲ့ ထမင်းဟင်းကို မစားနဲ့။ ပိုပူလောင်ရမယ်။
လှူတဲ့ ထမင်းကိုစား။ အေးချမ်းတယ်။ ဒီထမင်းကို စားတိုင်းမှာ ဒီ ပြသနာဆိုးတွေ ငြိမ်းချမ်းသွားပြီလို့မှတ်ယူရမယ်။

(ဃ) လက်နက်တစ်ခုခုကို ကိုင်ထားပါ။

တကယ့်ဓားအစစ် ကိုင်မရ ရင်တောင်
သစ်သားဓားပဲဖြစ်ဖြစ်၊ တုတ်ပဲ ဖြစ်ဖြစ် ကြိုက်တဲ့လက်နက်ကို ဆောင်ထားပါ။
မကောင်းဆိုးဝါးတွေ မကပ်နိုင်ဘူး။
လာမယ့်ဘေးပြေးတွေ့ဆိုတဲ့သဘောအားဖြင့် အမြဲကိုင်ထားပါ။ ဒီအကြောင်းကို လယ်တီဆရာတော်ဘုရားကြီးရဲ့ ရောဂန္တဒီပနီမှာ ဖော်ပြထားပါတယ်။

(င) အိပ်ယာနေရာပြောင်းအိပ်ပါ။

အိပ်ယာနေရာရွှေ့လိုက်ရုံနဲ့ ကြုံတွေ့နေတဲ့ ပြသနာတွေ လွတ်မြောက်နိုင်ပါတယ်။ ဂြိုဟ်စီး ဂြိုဟ်နင်းတွေဟာ မကောင်းကျိုးပေးမယ်ဆို အားအင်ဆုတ်ယုတ်တဲ့ အချိန်ကိုပေးပါမယိ။ အိပ်နေတဲ့အချိန်ဟာ အင်အားကင်းမဲ့နေပါတယ်။ မူလရှိရာအရပ်မှ ဖယ်ရှောင်ပြီးနေလိုက်ရင်လည်း ပြောင်းလဲသွားနိုင်ပါတယ်။ အိပ်ယာပြောင်းမယ်ဆို ရတနာသုံးပါး အရိပ်နဲ့ နီးတဲ့ နေရာအရပ်ကိုပြောင်းနေပါ။

ဒီအစီအရင် ငါးခု ကျိန်းသေပြုရင် အခက်အခဲက ကျိန်းသေလွတ်မယ်ဆိုတာ အာမခံတယ်။
crd... Ei Theingi win Loa

ပြန်လည်မျှဝေသည်။

03/03/2024

#အရိမေတ္တေယျမြတ်စွာဘုရား_ဗုဒ္ဓဝင်အကြောင်း
**************************

ဂေါတမ မြတ်စွာဘုရားရှင်က ကပိလဝတ်ပြည်
နိဂြောဓာရုံကျောင်းမှာ သီတင်းသုံးနေတဲ့အချိန်
အရှင်သာရိပုတ္တရာ၏ လျှောက်ထားချက် အရ
အရဟတ္တဖိုလ်စျာန်သမာပတ် ဝင်စားပြီး အဇိတ
ရဟန်း နောင်အနာဂတ်ကာလမှာ
အရိမေတ္တေယျ ဘုရား ဖြစ်တော်မူမည့်အကြောင်းကို
ဟောကြားတော်မူပါတယ်။

အရိမေတ္တေယျဘုရားလောင်းက တစ်ဆယ့််ခြောက်သင်္ချေနှင့်
ကမ္ဘာတစ်သိန်း ပါရမီတွေဖြည့်ကျင့်ပြီး
တုသိတာနတ်ပြည်မှာ ရှိနေမယ်။
အလောင်းတော်နတ်သားက လူ့ပြည်ကိုဆင်းပြီး
ပဋိသန္ဓေနေဖို့ရာအတွက်
ဘုရားလောင်းတို့ရဲ့ထုံးတမ်း အစဉ်အလာ ဓမ္မတာအရ
ပဋိသန္ဓေယူတော့မယ်ဆိုရင် ကြည့်ခြင်းကြီးငါးပါးနဲ့
အရင်ကြည့်ပြီးမှ ပဋိသန္ဓေယူလေ့ ရှိကြပါတယ်။

ကြည့်ခြင်းကြီးငါးပါးဖြင့် ကြည့်တော်မူခြင်းက
**********************************
၁။ဘုရားဖြစ်မည့်ခေတ်အခါကာလကား
အနှစ်တစ်သိန်းမှစပြီး အောက်ဖြစ်သောကာလ
အနှစ်တစ်ရာတန်းမှစပြီး အထက်ဖြစ်သောကာလ
(တစ်သိန်းနှင့် တစ်သိန်းအောက်- ၁ဝဝအထက်)

၂။ဘုရားဖြစ်ရာကျွန်းကားဇမ္ဗူဒိပ်ကျွန်း။

၃။ဘုရားပွင့်ရာဒေသကားမဇ္စျိမဒေသ။

၄။ဘုရားလောင်းဖြစ်ရာ အမျိုးကားမင်းမျိုး ပုဏ္ဏားမျိုး။

၅။မယ်တော်၏ အသက်အပိုင်းအခြားကား
ဘုရားလောင်းမွေးပြီး ခုနစ်ရက်သာ နေရခြင်း။

ပဋိသန္ဓေယူခြင်း
*****************
ကေတုမတီပြည် သင်္ခစင်္ကြဝတေးမင်းနှင့်
တိုင်ပင်ကြံစည်ဘက်
ကိုးကွယ်ရာဖြစ်သော အတိတ် အနာဂတ်ကို သိမြင်
နိုင်ပြီး ပစ္စုပ္ပန်သံသရာအစီးအပွားကို ဆုံးမတတ်သော
သုဗြဟ္မပုဏ္ဏားကြီး၏
ဗြဟ္မဏဝတီပုဏ္ဏေးမဝမ်းမှာ ပဋိသန္ဓေနေလိမ့်မည်။

ဗြဟ္မဏဝတီပုဏ္ဏေးမဝမ်းမှာ ဆယ်လပြည့်တဲ့အခါ
မှာ ဣသိပတနမိဂဒါဝုန်တောမှာ
မယ်တော် ဗြဟ္မဏဝတီသည် ထိုင်လျက်လည်းမဟုတ်။
အိပ်လျက်လည်း မဟုတ်ပဲ ရပ်လျက်သာလျှင်
သစ်ပင်၏ အကိုင်းအခက်ကို ကိုင်လျက် မေတ္တေယျကို
ဖွားတော်မူလိမ့်မည်။
ဘုရားလောင်းနဲ့အတူ တစ်ချိန်တည်းဖွားတော်မူတဲ့
ဖွားဘက်တော်( ၁၈ )ကုဋေအားလုံး အမတ်တွေချည်း ဖြစ်မယ်။
အဇိတဟူသော အမည်ကိုသာ ပေးလိမ့်မယ်။

ဘုရားလောင်းအဇိတမင်းသားဟာ ဖွားလျှင်ဖွားချင်း
ခုနစ်ဖဝါးလှမ်းပြီး
ခြေတော် ချတိုင်း ချတိုင်း ကြာပွင့်တွေ ပေါ်ပေါက်လိမ့်မယ်။

ဖွားလျှင်ဖွားချင်း ခုနစ်လှမ်းလှမ်းပြီး
ယခုဘဝကားငါ့အဖို့ နောက်ဆုံးဘဝတည်း။
နောက်ထပ်ဘဝ မရှိတော့ပြီ။
အာသဝေါကင်းသည် ဖြစ်သောကြောင့် ငြိမ်းအေး
လတံ္တ့ ဟူသော စကားကို
အရပ်လေးမျက်နှာကို ကြည့်ပြီး ပြောဆိုလိမ့်မယ်။

ပြာသာဒ်လေးဆောင် ပေါ်လာခြင်း
*************************
အဇိတမင်းသား လောကစည်းစိမ်ခံစားဖို့ရာ နေမင်း၏
ရောင်ခြည်ကဲ့သို့
လူသားတွေမျက်စိဖြင့် စိန်းစိန်းမကြည့်ဝံ့တဲ့
အရောင်တလက်လက်ဖြင့် ရတနာအရောင်
ထွန်းလင်းပြောင်တဲ့
တင့်တယ်ခံ့ညားသော ပြာသာဒ်လေးဆောင် ပေါ်ပေါက်
လာလျိမျ့မညျ။

ပြာသာဒ်လေးဆောင်ကို တစ်ဆောင်မှာ ပရိဘောဂ
အသုံးအဆောင် အပြည့်အစုံပါတဲ့ တိုက်ခန်းက
ခုနစ်ထောင်စီ။
တစ်ဖက် တစ်ဖက်မှာ ပတ္တမြားကျောက်မျက်ရွဲစီသော
နဝရတ်ကိုးပါးနဲ့ ပြည့်စုံသော ပလ္လင်ခုနစ်ထောင်စီ။
ရတနာ ခုနစ်ပါးနှင့် ပြည့်စုံသော ထီးဖြူ ခုနစ်ထောင်စီ။
ခုတင်ညောင်စောင်း ခုနစ်ထောင်စီ။

ပြာသာဒ်တစ်ဆောင်ကို တိုက်ခန်းက ခုနစ်ထောင်စီဆိုတော့
ပြာသာဒ်လေးဆောင်ဆိုရင် တိုက်ခန်းပေါင်း(၂၈ဝဝဝ )ရှိမယ်။

ပြာသာဒ်တစ်ဆောင်တစ်ဆောင်ကို ရွှေအိုးကြီးက
တစ်လုံးစီ။
ရွှေအိုးတစ်လုံးစီရဲ့အဝကား တစ်ယူဇနာ ကျယ်မယ်။
ရွှေအိုး၏အမောက်ကားမြေကြီးနဲ့အမျှ အောက်မြေကြီး
အဆုံးထိ သုံးလို့မကုန်ဘူး။

ဒါတင်မကသေးဘူး။

ရွှေအိုးတစ်လုံးစီမှာ ပဒေသာပင်ကြီးခြောက်ပင်စီ
ပေါက်လိမ့်မယ်။
ပြာသာဒ်တစ်ဆောင် တစ်ဆောင်မှာ ဆဒ္ဒန်ဆင်မင်း
ခုနစ်ထောင်။
လောဟကသိန္ဓောမြင်း တစ်ထောင်ဖြင့် မောင်းနှင်ရ
သော ရထားခုနစ်ရာ။
မောင်းမပေါင်းတစ်သောင်းခြောက်ထောင်က
ဆိုတီးမှုတ်ဖြေဖျော်ဖို့ရာ
ကချေသည် အမျိုးသမီးခုနစ်ထောင်တို့ဖြင့် ဖျော်ဖြေ
ကြလိမ့်မည်။

အဇိတမင်းသား အိမ်ထောင်ပြုခြင်း
**************************
အချိန်တန်လို့အရွယ်ရောက်တဲ့အခါ စန္ဒမုခီအမျိုးသမီးနဲ့
အိမ်ထောင်ပြုလိမ့်မည်။
စန္ဒမုခီအမျိုးသမီးကလည်း သူမတူ နတ်သမီးတမျှ
အလွန်လှပပြီး
သူ့ရဲ့ ခန္ဓာကိုယ် အနံ့ကားစန္ဒကူးသရက္ခန်အနံ့လို
မွှေးကြိုင်နေမယ်။
ခန္ဓာကိုယ်အသားကလည်း ဝါဂွမ်းကဲ့သို့ နူးညံ့မယ်။
ခန္ဓာကိုယ်အရောင်ကဆယ့်နှစ်တောင်အတွင်း
မီးမထွန်းပဲ အရောင်တဝင်းဝင်း ထိန်နေမယ်။

အရိမေတ္တေယျဘုရားရှင်ဟာ ဘယ်လောက်ဘုန်းကြီး
လိုက်သလဲဆိုရင်
ရှင်ဘုရင်မဟုတ်ပဲနဲ့ အဇိတမင်းသားဘဝလောက်
ရှိတာတောင်မှ သင်္ခစင်္ကြဝတေးမင်းနှင့်တကွ မြို့ပေါင်း
ရှစ်သောင်းလေးထောင်က
ရှင်ဘုရင်တွေ နတ်သားတွေက ဝေယျာဝစ္စလုပ်ပေးချင်လို့
ပြုလုပ်ခွင့်ပေးဖို့ လာပြီး တောင်းပန်ကြတယ်တဲ့။

အဇိတမင်းသားက အကြှနျုပျမှာ ဖွားဘက်တော်( ၁၈ )
ကုဋေ အမတ်ကြီးနှင့်တကွ ဆင်မြင်းရဲမက်ဗိုလ်ပါတွေရှိပါတယ်။
အလိုမရှိတော့ပါဟု ပြောလွှတ်လိမ့်မယ်။

သားတော် ဖွားမြင်ခြင်း
*****************
အဇိတမင်းသားဟာ ပြာသာဒ်လေးဆောင်မှာ
လောကီစည်းစိမ်ခံစားနေစဉ်မှာ
အနှစ်တစ်သောင်းပြည့်တဲ့အခါကျရင် ဗြဟ္မာဝံသ
ဆိုတဲ့ သားယောကျာ်းလေး မွေးဖွားလိမ့်မယ်။

နိမိတ်လေးပါး မြင်ခြင်း
*****************
ဗြဟ္မာဝံသ သားယောကျာ်းလေးမွေးဖွားပြီးတဲ့ အခါ
ဘုရားရှင်တို့ရဲ့ ထုံးတမ်းစဉ်လာ ဓမ္မတာအရ
ဥယျာဉ်ကထွက်စဉ်မှာ သူအို သူနာ သူသေ ရဟန်း
နိမိတ်ကြီးလေးပါး တွေ့မြင်ရရင်
သံဝေဂတရားတွေ ရလာပြီးတော့ တောထွက်မည့်
အကြံဖြစ်ပေါ်လာလိမ့်မည်။

အဇိတမင်းသား တောထွက်မယ့် စိတ်အကြံကို
သင်္ခစင်္ကြဝတေးမင်းက သိတဲ့အခါ
အဇိတမင်းသားပျော်အောင်ဆိုပြီးတော့ ရှစ်သောင်း
လေးထောင်သော ကချေသည်တွေ
မြို့သူ မြို့သား နိဂုံးဇနပုဒ်သူ မင်းသား မင်းမြေး သူဌေး
သူကြွယ်စသော လူအပေါင်းတို့က
ပန်းနံ့သာစွဲလျက် အဇိတမင်းသားကို ခြံရံပြီး နေကြလိမ့်မယ်။
နတ်ဗြဟ္မာတွေကလည်း နတ်တို့ရဲ့ ထီး တံခွန်
ပန်းနံ့သာ ရွှေပေါက်ပေါက် ငွေပေါက်ပေါက် စသည်တို့ဖြင့်
ဘုရားလောင်းကို ပြာသာဒ် မိုးကြီးရွာသကဲ့သို့ အပြည့်
အလျှံ ခြံရံခစားနေကြလိမ့်မယ်။

လူ့ဘဝ ကာမဂုဏ်ထဲမှာ ပျော်အောင် ဖြေဖျော်နေကြတာ။

အဇိတမင်းသား တောထွက်တော်မူခြင်း
*****************************
အဇိတမင်းသား တောထွက်မယ်ဆိုတဲ့ စိတ်အကြံ
ကို သင်္ခစင်္ကြဝတေးမင်းနှင့်တကွ
တိုင်းသူပြည်သား လူတွေအားလုံး သိသွားကြတဲ့အခါမှာ
ဘယ်နေ့ ဘယ်ရက် ဘယ်အချိန်မှာ အဇိတမင်း
တောထွက်မယ်ဆိုတဲ့ သတင်းအသံကို အားလုံး
သိသွားကြတော့
နန်းတွင်းသူ နန်းတွင်းသား မြို့သူမြို့သားတွေ
တောရွာဇနပုဒ်က လူတွေ
မင်းသား မင်းမြေး သူဌေး သူကြွယ်အစရှိတဲ့ လူပေါင်း
များစွာနှင့်တကွ
စန္ဒမုခီ သားတော် ဗြဟ္မာဝံသ အလုပ်အကျွေး
ကချေသည်တွေရော
အဇိတမင်းရဲ့ ပြာသာဒ်ထဲမှာ တောထွက်ရင် လိုက်ဖို့ရာ
အတွက် ပြည့်လျှံပြီးတော့ နေမယ်။

တောထွက်မည့်အချိန်လည်း ရောက်ရော လူပေါင်း
များစွာပြည့်နေတဲ့ ပြာသာဒ်ကြီးဟာ
ဘုရားလောင်း တန်ခိုးတော်ကြောင့်လည်းကောင်း
စင်္ကြဝတေးမင်း အာဏာကြောင့်လည်းကောင်း
နတ်ဗြဟ္မာတို့ တန်ခိုးတော်ကြောင့်လည်းကောင်း
ဟင်္သာမင်းပျံသကဲ့သို့
ကောင်းကင်ယံသို့ ပျံတက်ပြီး ကံ့ကော်ပင် ရှိရာအရပ်သို့
ကောင်းကင်ယံခရီးဖြင့် တောထွက်သွားကြလိမ့်မယ်။

နတ်ဗြဟ္မာများ ပို့ဆောင်ခြင်း
*********************
ကောင်းကင်ယံ ဟင်္သာပျံ ပြာသာဒ်ကြီးကို ဗြဟ္မာမင်း
က သုံးယူဇနာရှိသော ထီးကို ကိုင်ပြီး လိုက်မယ်။
သိကြားမင်းက အတောင်ခြောက်ဆယ်ရှိသော
လက်ယာရစ် ခရုသင်းကို ကိုင်လျက် သာဓု သုံးကြိမ်
ခေါ်ပြီး လိုက်မယ်။
သုတဝံနတ်သားက သားမြီးယပ်ကို ကိုင်ပြီး လိုက်မယ်။
တုသိတာနတ်သားက ပတ္တမြားယပ်ကို ကိုင်ပြီးလိုက်မယ်။
ပဉ္စသိင်္ခနတ်သားက စောင်းကို ကိုင်မယ်။
လောကပါလနတ်သားလေးယောက်က သန်လျက်ကိုကိုင်မယ်။
နှစ်သိန်းရှစ်သောင်းရှိတဲ့ ဘီလူး စစ်သည်တွေက
လက်နက်ကိုယ်စီ ကိုင်မယ်။
နတ်သမီးတွေက ရတနာပုဋောင်းကို ကိုင်မယ်။
အသူရာနတ်တို့က သီချင်းဆိုပြီးတော့ နတ်တို့၏
တံခွန်ကို ကိုင်မယ်။
နတ်မင်းတို့က ပတ္တမြားရှိသော ဆီမီးကို ကိုင်မယ်။
ဂဠုန်တို့က စောင်းတီး လိုက်မယ်။
ဂန္ဓဗ္ဗနတ်တို့က စောင်းတီးပြီး လိုက်မယ်။

ဟင်္သာပျံကောင်းကင်ပြာသာဒ်ထဲမှာ တောထွက်လို့
လိုက်ကြမည့် ပရိသတ်တွေက ရှစ်သောင်းလေးထောင်တဲ့။

ကောင်းကင်ယံပြာသာဒ်ပျံနဲ့ ဆွေစုံမျိုးစုံ သားနဲ့ မယားနဲ့
ရှစ်သောင်းလေးထောင်ပရိသတ်နဲ့ အခြံအရံနဲ့
ကောင်းကင်ခရီးဖြင့် ကံ့ကော်ပင်ရှိရာသို့ တောထွက်မှာ။

အရိမေတ္တေယျဘုရားရှင်ဟာကံ့ကော်ပင်အောက်မှာ
ပွင့်မှာပါ။
ကံ့ကော်ပင်ဆီရောက်တဲ့အခါမှာ အဇိတမင်းသားက
ကံ့ကော်ပင်အောက်မှာ ဒုက္ကရစရိယာကို ကျင့်တော်မူ
ပါမယ်။
အဇိတမင်းသားဟာ ဒုက္ကရစရိယာကို ခြောက်ရက်
ကျင့်တော်မူရုံမျှနဲ့ ဘုရားစင်စစ်ဖြစ်လိမ့်မည်။

စန္ဒမုခီမိဖုရားက အဲဒီနေရာမှာပဲ နတ်သြဇာနဲ့
ပြည့်စုံတဲ့ နွားနို့ဆွမ်း လှူလိမ့်မယ်။

သဗ္ဗညုတဉာဏ်ရသည့် အချိန်
************************
ညနေချမ်းအချိန်ရောက်သည့်အခါ ကံ့ကော်ပင်နဲ့
မနီးမဝေး ရတနာခုနစ်ပါးနဲ့ ပြည့်စုံတဲ့ အမြင့်( ၆၄ )
တောင်ရှိတဲ့ ရွှေပလ္လင် ပေါ်ပေါက်လာလိမ့်မယ်။
ထိုရွှေပလ္လင်အထက်ဝယ် ထက်ဝက်ဖွဲ့ခွေထိုင်နေ
တော်မူလျက်
အရှေ့လောကဓာတ်ကို ကြည့်ပြီး နတ်ပရိသတ်နဲ့
လူပရိသတ်တွေ ခြံရံလျက်
မာရ်နတ်ရဲ့ရန်ကို အောင်မြင်လိမ့်မယ်။
ညဉ့်ဦးယာမ်မှာ ပုဗ္ဗေနိဝါသာနုဿတိဉာဏ်ကို ရမယ်။
သန်းခေါင်ယာမ်အချိန်မှာ ဒိဗ္ဗစက္ခုဉာဏ်ကို ရမယ်။
မိုးသောက်ယာမ်အချိန် အာသဝက္ခယဉာဏ်တွေ
ရပြီးတော့
နေဝန်းကြီးပေါ်ပေါက်လာတဲ့အချိန်ကျရင် သစ္စာလေးပါး
ကို သိပြီး သဗ္ဗညုတဉာဏ်ကို ရမယ်။

ဘုရားပွင့်တဲ့ကံ့ကော်ပင်ရဲ့လုံးပတ်က အဲဒီခေတ်အခါမှာ
လူတွေရဲ့အတောင်နဲ့ အတောင်ခုနစ်ဆယ် ရှိမယ်။
အကိုင်းအခက် ကိုးကိုင်း ခက်မကိုးဖြာလို့ ခေါ်တယ်။
ကံ့ကော်ပင်ရဲ့အနံ့တွေက လေအောက်ကို
ဆယ်ယူဇနာ
လေအထက်ကို ဆယ်ယူဇနာ မွှေးမယ်။
ကံ့ကော်ပွင့်တွေက နွားလှည်းဘီးလောက် ကြီးမယ်။
ဘုရားဖြစ်တဲ့နေ့ကစပြီး ပွင့်ကြတဲ့ ကံ့ကော်ပွင့်တွေ
ဟာ ဘုရားပရိနိဗ္ဗာန်စံတဲ့နေ့ကျမှ ကြွေကြတော့မှာ။
အဲဒီကံ့ကော်ပင်ကို ဘယ်ငှက်မှ မနားဝံ့ကြဘူး။
ဖြတ်ကျော် မပျံဝံ့ကြဘူး။
ကံ့ကော်ပင်နားရောက်တဲ့ ငှက်တိုင်း သတ္တဝါတိုင်း
ကံ့ကော်ပင်ကို လက်ယာရစ် သုံးပတ်ပတ်ပြီးမှ
သွားကြလိမ့်မယ်။

ဗြဟ္မာမင်းက တရားဟောရန် တောင်းပန်ခြင်း
*********************************
အဲဒီကံ့ကော်ပင်ရဲ့အနီးအနားမှာပဲ သီတင်းသုံးနေတဲ့အချိန်
လေးဆယ့်ကိုးရက် ကျော်လွန်တဲ့အခါ
ပွင့်တော်မူသွားကြတဲ့ ဘုရားရှင်တိုင်းရဲ့ ထုံးတမ်း
အစဉ်အလာအရ
ဗြဟ္မာမင်းကြီးရဲ့ လောကဂရုကို ခံယူမယ်။

ဗြဟ္မာမင်းကတောင်းပန်မှ တရားဟောရတာက
ပွင့်တော်မူသွားကြတဲ့ ဘုရားရှင်တိုင်းရဲ့ဓမ္မတာဖြစ်လို့
ဟောရတာ။

ဘုရားမပွင့်မီ ဗာဟိရကာလမှာ လူဝတ်ကြောင်များ
ရသေ့ ပရိဗိုဇ် ရဟန်း ပုဏ္ဏားတို့တွေဟာ ဗြဟ္မာတွေ
ကိုသာ အလေးဂရုပြု ကိုးကွယ်နေကြတာ။

တစ်လောကလုံးက အလေးအမြတ်ပြုသော
ဗြဟ္မာကြီးက
မြတ်စွာဘုရားအား အလေးပြု ညွှတ်တွားကိုင်းရှိုင်း
လာလျှင်
တစ်လောကလုံးပင် မြတ်စွာဘုရားကို အလေးပြု
ညွှတ်တွား ကိုင်းရှိုင်းလာလိမ့်မယ်။

အဲဒါကို လောကဂရု ယူလိုက်တာလို့ ခေါ်ပါတယ်။

ဓမ္မစင်္ကြာတရားဟော ကြွခြင်း
**********************
ဗြဟ္မာမင်းထံမှ တရားဟောရန် ဝန်ခံပြီးပြီဆိုလျှင်ပဲ
ဣသိပတနဥယျာဉ်တောသို့ ဓမ္မစင်္ကြာတရားဟောဖို့
ရန် ကြွလိမ့်မယ်။
ဘုရားရှင်ခြေတော်အစုံကို ခံအံ့သောငှာ မြေကြီးကို
ခွင်းပြီး အတောင်( ၃ဝ )ရှိတဲ့ ကြာပွင့်ကြီး။
(၂၄ )တောင်ရှိတဲ့ ကြာပွင့်ငယ်တွေက ဘုရားရှင်
ခြေချတိုင်း ခြေချတိုင်း ပွင့်ပေးလိမ့်မယ်။

လူပရိသတ် ရှစ်ယူဇနာ။
နတ်ပရိသတ် စင်္ကြာဝဠာတိုက်အပြည့် ဗြဟ္မာပြည်
အထက်ဆုံး အကနိဋ္ဌဘုံတိုင်အောင် ပရိသတ်တွေကို
ထန်းသီးလုံးလောက်ကြီးသော ရောင်ခြည်တော်
ခြောက်ပါးလွှတ်ပြီး ဓမ္မစင်္ကြာတရားဟောတဲ့အခါမှာ
လူပုဂ္ဂိုလ် ကုဋေတစ်သိန်း
နတ်ဗြဟ္မာတွေက ကုဋေတစ်သိန်း ကျွတ်တမ်းဝင်ကြ
လိမ့်မယ်။

ဘုရားရှင်၏ တန်ခိုးတော်
********************
ဘုရားရှင်၏တန်ခိုးတော်ကြောင့် ရွှေပန်းဆိုင်း ငွေပန်း
ဆိုင်း ပုလဲပန်းဆိုင်း သန္တာပန်းဆိုင်းတို့ဖြင့် တန်ဆာဆင်လျက်
ရတနာခုနစ်ပါးနှင့် ပြည့်စုံပြီး ဆယ့်နှစ်ယူဇနာကျယ်ဝန်း
တဲ့ ဗိတာန်မျက်နှာကျက်သည်
ဓမ္မစင်္ကြာတရားဦးဟောသည့်နေ့မှစပြီး ပရိနိဗ္ဗာန်ဝင်စံ
သည့်တိုင်အောင်
နေ့ညအမြဲပင် လိုက်ပါပြီး မျက်နှာကျက်အဖြစ်
မိုးကာပြီး နေမယ်။
အရိမေတ္တေယျဘုရား နေသန့်စင်သော အခါ နေဖို့ရာအတွက်
မြေကြီးတို့ကိုခွဲပြီး ရတနာသုံးပါးနှင့် ပြည့်စုံသော
( ၁၂ )ယူဇနာကျယ်ဝန်းတဲ့ ရွှေမဏ္ဍပ်ကြီး ပေါ်ပေါက်လိမ့်မယ်။
ဘုရားရှင်တန်ခိုးတော်ကြောင့် ဗိတာန် ပန်းဆိုင်း
တုရင်တိုင် ထီး တံခွန် ဆီမီး တန်ဆောင်း
ရတနာမဏ္ဍပ်ကြီးဟာ
ဘုရားရှင်တရားဟောရာ ဌာနတိုင်းမှာ
အိမ်မှာ ဟောမယ်ဆိုရင် အိမ်ပေါက်ဝ။
ကျောင်းမှာဟောမယ်ဆိုရင် ကျောင်းပေါက်ဝ။
မြို့မှာဟောမယ်ဆိုရင် မြို့မှာ။
တောမှာဟောမယ် ဆိုရင် တောမှာ စတဲ့ ဟောတဲ့
နေရာတိုင်းမှာ
ကောင်းကင်ယံကနေပြီး အမြဲတမ်း ပရိနိဗ္ဗာန်စံအထိ
လိုက်ပါနေမှာ။

ရုပ်မြင်သံကြား မေတ္တေယျဘုရား
*************************
အရိမေတ္တေယျဘုရား တရားဟောတဲ့အခါ ဘယ်မြို့
ဘယ်ဒေသ ဘယ်အရပ် ဘယ်ရွာဒေသ ဇနပုဒ်
အိမ်ကပဲ ဟောဟော
စင်္ကြဝဠာတိုက်တစ်သောင်းလုံး ဘုရားရှင်ရဲ့တရားဟော
အသံကို ကြားနေရမယ်။
ဘုရားရှင်ရဲ့ ပုံသဏ္ဌာန်ကိုလည်း မြင်နေရမယ်။
ရုပ်လည်းမြင်ရမယ်။
အသံလည်း ကြားရမယ်။
မမြင်ချင်လို့ မျက်စိမှိတ်ထားလည်း မရဘူး။

မကြားချင်လို့ နားပိတ်ထားလည်း မရဘူး။
ဘုရားရှင်ရဲ့ တန်ခိုးတော်ကြောင့်( ၃၁ )ဘုံ အကာအရံ
မရှိ ဖီလာ ထုတ်ချင်းပေါက် မြင်ကြရမှာ။
အပေါ်ကြည့်ရင်နတ်သား နတ်သမီး ဗြဟ္မာတွေ
မြင်ရမယ်။
အောက်ငုံ့ကြည့်ရင်ငရဲပြည်မှာ ခံစားနေရတဲ့ ငရဲဒုက္ခ
မျိုးစုံကို မြင်ရတော့ငရဲရောက်အောင် အကုသိုလ်တွေ
ပြုရဲဖို့ မရှိတော့ဘူး။
အရိမေတ္တေယျဘုရားရှင်ရဲ့တန်ခိုးတော်ကြောင့်
ယောကျာ်းဆိုရင်နတ်သားလို။
မိန်းမဆိုရင်နတ်သမီးလို ချောမောလှပတွေချည်းဖြစ်ရာ
ရုပ်မချော အင်္ဂါမစုံတစ်ယောက်မှ မရှိ။
အကုန်းအကွ အကန်း အနူအဝဲရောဂါသည်တွေ
လုံးဝမရှိ။

အသက်ငါးရာပြည့်တဲ့အရွယ်ရောက်ရင် အမျိုးသား
အမျိုးသမီးတွေ အိမ်ထောင်ပြုကြလိမ့်မယ်။
ဇနီးမောင်နှံနှစ်ဦး ခိုက်ရန်ဒေါသမရှိ။
ပြဿနာမရှိ။ကွဲကွာသွားခြင်းလည်း မရှိ။
အမြဲ အဆင်ပြေမယ်။
ရာသက်ပန် ပေါင်းသင်းရမယ်။
အမျိုးသမီးတိုင်းမှာ ပတ္တမြားနားဋောင်း လက်စွပ်
လက်ကောက် ခြေကျင်း စသည်တို့ဟာ
ရွှေအိုးကြီးတွေထဲက ကြိုက်နှစ်သက်ရာ ယူဝတ်
ကြမှာ။
ရွှေမဝတ်နိုင်တဲ့သူ မရှိဘူးတဲ့။
စားစရာပဒေသာပင်တွေမှာ ယူစားချင်တဲ့အချိန်
ယူစားလို့ ရတယ်။
ကျန်းမာရေးအနေနဲ့ ကြည့်မယ်ဆိုရင်လည်း
ဘာရောဂါမှကို မရှိဘူး။

နေ့ ည ခွဲမရ
***************
အရိမေတ္တေယျဘုရားရှင်ရဲ့ တန်ခိုးတော်ကြောင့်
ကမ္ဘာလောကကြီးဟာ
နေ့အခါ ညအခါရယ်လို့ မရှိ။
နေ့ရော ညပါ အမြဲတမ်း လင်းထိန်ပြီးတော့
မနက်ပွင့်တဲ့ပန်း ညပွင့်တဲ့ပန်း မနက်ပန်း ညပန်း
ကြက်တွန်သံတွေကို ကြည့်ရှုနားထောင်ပြီး နေ့ ည
ခွဲယူရလိမ့်မယ်။

ပရိနိဗ္ဗာန်စံမည့် အရွယ်
******************
မြတ်စွာဘုရားရှင်ဟာ ဘုရားဖြစ်တော်မူပြီးတဲ့အချိန်ကစပြီး
ကုဋေခုနစ်ရာသော ပရိသတ်တို့ကို ချေချွတ်တော်မူပြီးလျှင်
အနှစ်ရှစ်သောင်းပြည့်တဲ့အချိန်မှာ ပရိနိဗ္ဗာန် စံဝင်လိမ့်မယ်။
ဒါပေမဲ့ သာသနာတော်က
အနှစ်နှစ်သိန်း ခြောက်သောင်း ပြည့်တဲ့အခါ
ဘဒ္ဒကမ္ဘာကြီးသည် အချိန်တန်လျှင် ပျက်ပြီး
ကမ္ဘာတစ်သိန်းကာလပတ်လုံး ဘုရားမပွင့်တော့ဘူးတဲ့။

ဘုရားမပွင့်တဲ့ ကမ္ဘာတစ်သိန်းကျော်လွန်သောအခါ
မဏ္ဍကမ္ဘာဖြစ်ပြီးတော့
ဥတ္တရာမမင်းသည် ရာမသမ္ဗုဒ္ဓဘုရား ဖြစ်လိမ့်မယ်။
ပေဿနဒီကောသလမင်းက ဓမ္မရာဇာဘုရား ဖြစ်လိမ့်မယ်။

အဲဒီ မဏ္ဍကမ္ဘာမှာ ဘုရားနှစ်ဆူပွင့်ပြီး ပျက်စီးသွား
တဲ့အခါ သာရကမ္ဘာဖြစ်ပေါ်ပြီး
အဘိဘူဘုရားတစ်ဆူသာ ပွင့်လိမ့်မယ်။

သာရကမ္ဘာပျက်ပြီး ကမ္ဘာတစ်သိန်း ဘုရားမပွင့်ပဲ
နေပြီးတော့ ကမ္ဘာတစ်သိန်းကျော်လွန်သောအခါ
ဖြစ်ပေါ်လာမယ့် ကမ္ဘာများမှာ
ဒီဃသောနိအသူရိန်နတ်သား
စန္ဒနီပုဏ္ဏား၊
သုဘလုလင်
တောဒေယျပုဏ္ဏား။
နာဠာဂီရိဆင်မင်း။
ပလလေယျဆင်မင်းတို့ အစဉ်အတိုင်း ဘုရားဖြစ်လိမ့်မယ်။

အရိမေတ္တေယျဘုရား ဖူးမြော်ရန် ပြုလုပ်ရမည့် ကုသိုလ်
****************************************
ယခုကြုံတွေ့နေရတဲ့ ဂေါတမမြတ်စွာဘုရား
သာသနာကာလအတွင်းမှာ
ကိုယ်တိုင် ရဟန်းသာမဏေ သီလရှင်ဝတ်ပြီး ပရိယတ်
ပဋိပတ် သာသနာပြုနေတဲ့ပုဂ္ဂိုလ်။

မိမိရင်မှဖြစ်တဲ့သား သူတစ်ပါးရင်မှဖြစ်တဲ့သားတွေကို
ရဟန်းခံပေးခြင်း ရှင်ပြုပေးခြင်းပြုတဲ့ပုဂ္ဂိုလ်။

မိခင်ဖခင်ကျေးဇူးရှင်တွေကို ဝတ်ကျေတမ်းကျေ
မဟုတ်ပဲ စိတ်ပါလက်ပါပြုစုလုပ်ကျွေးသောပုဂ္ဂိုလ်။

သရဏဂုံသီလ မပြတ် ဆောက်တည်သောပုဂ္ဂိုလ်။

ဘုရားသာသနာတည်စိမ့်သောငှာ စေတီပုထိုး စည်းခုံ
ဥမင်လိုဏ်ခေါင်း ဇရပ်စသည်တို့ကို ပြုပြင်တဲ့ပုဂ္ဂိုလ်။

အသစ်ဆောက်လုပ်လှူဒါန်းတဲ့ပုဂ္ဂိုလ်။

ဗောဓိညောင်ပင် စိုက်ပျိုးသောပုဂ္ဂိုလ်။

ညောင်ရေ သွန်းလောင်းသောပုဂ္ဂိုလ်။

ရေတွင်း ရေအိုင် ရေကန် စတုဒိသာကျောင်းဇရပ်
တံတားပြုပြင်သောပုဂ္ဂိုလ်။

အာရုဏ်ဆွမ်း နေ့ဆွမ်း မပြတ် လောင်းလှူသောပုဂ္ဂိုလ်။

ရဟန်းတို့အား ပစ္စည်းလေးပါးတို့ဖြင့် ထောက်ပံ့
လှူဒါန်းသောပုဂ္ဂိုလ်။

ကမ္မဋ္ဌာန်းဘာဝနာ ပွားများ အားထုတ်သောပုဂ္ဂိုလ်။

အဲဒီ ပုဂ္ဂိုလ်တွေအားလုံး ဧကန်မုချ မလွဲမသွေ မြေကြီး
လက်ခတ်မလွဲ
အရိမေတ္တေယျမြတ်စွာဘုရားကို ဖူးမြော်ရပြီး
နိဗ္ဗာန်ကို ရမယ်။

အဲဒါက ဂေါတမမြတ်စွာဘုရားကိုယ်တိုင် ပြောပြခဲ့တဲ့
ကုသိုလ်တွေ ဖြစ်ပါတယ်။

အရိမေတ္တေယျမြတ်စွာဘုရားလောင်း ပြောပြခဲ့တဲ့
ကုသိုလ်တွေကတော့
မဟာဝေဿန္တရာဇာတ်တော်ကို နေ့ချင်းကုန်အောင်
နာကြားကြသောသူတို့သည်
ကြှနျုပျဘုရားမဖွဈမီအကွား သံသရာ၌ ကျင်လည်
လေသမျှမှာလည်း
စိတ်နှင့်ကိုယ်ကို အစိုးရ၍ လူကောင်း နတ်ကောင်း
စည်းစိမ်ကောင်းကို ခံစားရပြီး
ကြှနျုပျ ဘုရားဖြစ်သောအခါ ရှေးဦးစွာ ဖူးတွေ့ရ၍
ပဋိသမ္ဘိဒါပညာလေးပါးနှင့်တကွ ရဟန္တာအဖြစ်ကို
မချွတ်မလွဲ ရနိုင်ပါလိမ့်မယ်လို့
ရှင်မာလဲမထေရ်မြတ်အား အရိမေတ္တေယျ
မြတ်စွာဘုရားအလောင်းက ပြောပြတော် မူခဲ့ပါတယ်။

***************************************
အရိမေတ္တေယျမြတ်စွာဘုရားကိုဖူးမြော်ပြီး နိဗ္ဗာန်ကို
ရချင်တဲ့သူများဟာ

၁။ယခုကြုံတွေ့နေတဲ့ ဂေါတမ သာသနာတွင်းမှာ
ကိုယ်တိုင် ရဟန်းသာမဏေ သီလရှင်၀တ်ပြီး
သာသနာပြုတဲ့ပုဂ္ဂိုလ်။

၂။မိမိရင်မှဖြစ်တဲ့သား၊သူတစ်ပါးရင်မှ ဖြစ်တဲ့သားတွေ
ကို ရဟန်းခံပေးခြင်း၊ရှင်ပြုပေးခြင်းပြုတဲပုဂ္ဂိုလ်။

၃။မိခင်ဖခင်တို့ကို ၀တကြွတနြေးကွမဟေုတပြဲ
စိတ်ပါလက်ပါ ရိုသေစွာပြုစုလုပ်ကျွေးတဲ့ ပုဂ္ဂိုလ်။

၄။သရဏဂုံသီလ မပြတ် ဆောက်တည်သော ပုဂ္ဂိုလ်။

၅။ဘုရားသာသနာ တည်စိမ့်သောဌာ စေတီ၊ပုထိုး၊
စည်းခုံ ဥမင်လိုဏ်ခေါင်း ဇရပ် စသည်တို့ကို ပြုပြင်တဲ့ပုဂ္ဂိုလ်၊
အသစ်ဆောက်လုပ်လှူးဒါန်းတဲ့ ပုဂ္ဂိုလ်။

၆။ဗောဓိညောင်ပင် စိုက်ပျိုးသော ပုဂ္ဂိုလ်
ညောင်ရေသွန်းလောင်းသော ပုဂ္ဂိုလ်။

၇။ရတှငြေး ရေကန် ရေအိမ် စတုဒီသာ ကျောင်းဇရပ်
တံတား ပြုပြင်သောပုဂ္ဂိုလ်။
အာရုဏ်ဆွမ်း နေ့ဆွမ်း လောင်းလှူသော ပုဂ္ဂိုလ်။

၈။ရဟန်းတို့အား ပစ္စည်းလေးပါး လှူဒါန်းထောက်ပံံ့သော ပုဂ္ဂိုလ်။

၉။ကမ္မဋ္ဌာန်းဘာ၀နာ ပွားများအားထုတ်သော ပုဂ္ဂိုလ်။

အားလုံး ဧကန်မုချ မြေကြီး လက်ခတ်မလွဲ၊
အရိမေတ္တေယျဘုရားရှင်ကို ဖူးမြော်ရပြီး နိဗ္ဗာန်ကို
ရမယ်ဟု ဆိုပါသည်။

မူရင်း-Credit
သူတော်ကောင်းဓာတ် တရားမြတ် လွှမ်းပက် ကမ္ဘာတည်ပါစေ
အမုန်းမထား အပြုံးပွား နှလုံးသားဖြင့် ချစ်ခင်နိူင်ကြပါစေ
မေတ္တာဖြင့် သစ်ဆန်းဆရာတော်
....✍

ဘဝအတြက္ခြန္အား

01/04/2025

20/03/2025

20/03/2025

04/02/2025

26/01/2025

04/07/2024

04/07/2024

22/06/2024

03/05/2024

08/04/2024

20/03/2024

03/03/2024

Address

Telephone

Website

Alerts

Shortcuts

Share

Category