10/06/2025
Skin care Tips!
ကျွန်ေတာ်က skin care step တွေနားလည်အောင်သာ အဆင့်တွေ (၇)ဆင့် (၈)ဆင့် လိမ်းရမယ်ပြောတာ။ ကိုယ့်ဘာသာဆို လိမ်းတောင် မလိမ်းမိဘူး။ နောက်ပြီး ကိုရီးယားက အဆင့်တွေအတိုင်း moisturizer ၄-၅ မျိုးသုံးဖို့ မလိုပါဘူး။ ရာသီဥတုမတူလို့ပါ။ မြန်မာနိုင်ငံက အပူပိုင်းဖြစ်ပါတယ်။
(၁) အဆီပြန်တဲ့အသားအရေဆို serum, essence type ပဲ သုံးပါ။ day cream, night cream တွေ သိပ်မသုံးပါနဲ့။ sun block မရွေးတတ်ရင် မသုံးတာပိုကောင်းတယ်။ အဆီပိုပြန်လာလိမ့်မယ်။ အထူးသဖြင့် နှာခေါင်းတစ်ဝိုက်နေရာ။
(၂) အသားခြောက်တယ်၊ တင်းတိပ်ထွက်တဲ့သူတွေ ဆိုရင် day cream, night cream ထည့်သုံးနိုင်ပါတယ်။ အသားအရမ်းခြောက်တယ်ထင်မှ night mask တွေ သုံးဖို့ စဥ်းစားပါ။ မျက်လုံးတဝိုက်ကို မလိုပဲ eye cream မသုံးပါနဲ့။ syringoma လို အဖုတွေ ထွက်လာတတ်တယ်။
(၃) sensitive skin မှာ alcohol base နဲ့ oily skin တွက် ထုတ်တာတွေ မသုံးစေချင်ဘူး။ ပိုဆိုးလိမ့်မယ်။ moisturizer သုံးနိုင်တယ်။ မလိုအပ်ဘဲ အဆီတွေ လျှောက်မသုံးနဲ့။
(၄) mask တွေက မရွေးတတ်ရင် ဆားဝက်ခြံထွက် တတ်တယ်။ မသိရင် မသုံးပါနဲ့။
(၅) oily and acne product လို့ရေးထားတိုင်း ဝက်ခြံပျောက်မယ်လို့ ဆိုလိုတာ မဟုတ်ဘူး။ တချို့ဝက်ခြံပိုဆိုးလာနိုင်သေးတယ်။ သုံးဖူးသူတွေ ပိုသိပါလိမ့်မယ်။ လောလောဆယ် အကြံပေးချင်တာက ဝက်ခြံထွက်နေရင် မျက်နှာသစ်ဆေးက လွဲလို့ အားလုံးဖြတ်လိုက်ပါ။ ဖြစ်တာမကြာသေးရင် သူ့ဘာသာပြန်ကောင်းလာလိမ့်မယ်။
ဒေါက်တာအေးမင်းထူး
အရေပြား အထူးကုဆရာဝန်
