08/08/2025
"ကျွန်တော်တို့ရဲဘော်တွေ အုတ်ဖိုတာဆုံဘက်က ပြန်လာတာကို ဆိုင်ကယ်စီးလာတဲ့ အရာခံဗိုလ် လှကျော်နဲ့ တပ်ကြပ်ကြီး ညီညီမိုးက သာမန်ပြည်သူထင်ပြီး ပေါ်တာဆွဲဖို့လုပ်ပါတယ်။ ရဲဘော်တွေလည်း သူတို့စစ်ဆေးနေတုန်းအလစ်မှာ သေနတ်နဲ့ခေါင်းကို ၁ချက်စီပစ်လိုက်တော့ ပွဲချင်းပြီးသေသွားပါတယ်"ဟု မြေအောက်ပြောက်ကျားတပ်ဖွဲ့-အုတ်ဖို တပ်ခွဲမှူး ရဲဘော်ဒေဝ က Tharyarwaddy 8 City ကို ရှင်းပြပါသည်။
အုတ်ဖိုမှာ PDFရဲဘော်တွေအား သာမန်ပြည်သူထင်ကာ ပေါ်တာဆွဲဖမ်းဆီးတဲ့ ခမရ(၆) တပ်ရင်းက အရာခံဗိုလ်နဲ့ တပ်ကြပ်ကြီး သေနတ်နဲ့ခေါင်းကို ပစ်ခတ်ခံရလို့သေဆုံး
Tharyarwaddy 8 City / သြဂုတ် ၈၊ ၂၀၂၅
ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက အုတ်ဖိုမြို့နယ်၊ တိမ်မြုပ်ရွာ အခြေစိုက် စစ်ကောင်စီလက်အောက်ခံ ခမရ(၆)တပ်ရင်းမှ အုတ်ဖိုတာဆုံဘက်သို့ အရပ်ဝတ်ဖြင့် ဆိုင်ကယ်စီး၍ ထွက်ခွာလာသည့် အရာခံဗိုလ် လှကျော် နှင့် တပ်ကြပ်ကြီး ညီညီမိုး တို့သည် သြဂုတ်လ ၇ရက် ယမန်နေ့ နံနက် ၉နာရီ ၄မိနစ် အချိန်တွင် သဖန်းပင်ဆိပ်ရွာအနီး၌ သာယာဝတီခရိုင် တပ်ရင်း ၃၈၀၂ တပ်ခွဲ ၄ မြေအောက်ပြောက်ကျားတပ်ဖွဲ့-အုတ်ဖို ၏ ရဲဘော်များအား သာမန်ပြည်သူများထင်ကာ ပေါ်တာဆွဲဖမ်းဆီးရန် လုပ်ဆောင်ခဲ့ကြောင်း သတင်းရရှိပါသည်။
ထိုသို့ပေါ်တာဆွဲဖမ်းဆီးရန် လုပ်ဆောင်နေသည့် အရာခံဗိုလ် လှကျော် နှင့် တပ်ကြပ်ကြီး ညီညီမိုး ၏ ဦးခေါင်းတည့်တည့်ကို တော်လှန်ရေးရဲဘော်များက သေနတ်ကျည် ၁ချက်စီ ပစ်ခတ်ခဲ့ရာ နေရာမှာ သေဆုံးသွားပြီး ၄င်းတို့ထံမှ လက်ပစ်ဗုံး ၁လုံး၊ ငွေသားကျပ် ၂သိန်း၊ စစ်မှုထမ်းကတ် ၁ခု၊ စစ်မှုထမ်းစိစစ်ရေးစာအုပ် ၁အုပ်၊ မှတ်ပုံတင်ကတ် ၁ခု၊ လိုင်စင်ဓာတ်ပုံ ၆ပုံ၊ မိုလ်ဘိုင်းဖုန်း ၂လုံးတို့အား သိမ်းဆည်းရရှိခဲ့ကြောင်း သိရသည်။
"ကျွန်တော်တို့ရဲဘော်တွေ အုတ်ဖိုတာဆုံဘက်က ပြန်လာတာကို ဆိုင်ကယ်စီးလာတဲ့ အရာခံဗိုလ် လှကျော်နဲ့ တပ်ကြပ်ကြီး ညီညီမိုးက သာမန်ပြည်သူထင်ပြီး ပေါ်တာဆွဲဖို့လုပ်ပါတယ်။ ရဲဘော်တွေလည်း သူတို့စစ်ဆေးနေတုန်းအလစ်မှာ သေနတ်နဲ့ခေါင်းကို ၁ချက်စီပစ်လိုက်တော့ ပွဲချင်းပြီးသေသွားပါတယ်"ဟု မြေအောက်ပြောက်ကျားတပ်ဖွဲ့-အုတ်ဖို တပ်ခွဲမှူး ရဲဘော်ဒေဝ က Tharyarwaddy 8 City ကို ရှင်းပြပါသည်။
မြေအောက်ပြောက်ကျားတပ်ဖွဲ့-အုတ်ဖို အနေဖြင့် ပြည်သူများနှင့် တော်လှန်ရေးတပ်ဖွဲ့များကို ဒုက္ခပေးနေကြသည့် စစ်ကောင်စီတပ်သားများကိုသာမက စစ်ကောင်စီထောက်တိုင်များကိုပါ အရှိန်မြင့် တိုက်ခိုက်သွားမည်ဖြစ်၍ ပြည်သူများ အနေနဲ့ ၄င်းတို့အနီး သွားလာနေထိုင်ခြင်းများ မပြုလုပ်ကြရန် အသိပေးထားသည်။
ဓာတ်ပုံ - သိမ်းဆည်းရရှိသည့် ပစ္စည်းများနှင့် ပစ်ခတ်ခံရပြီး သေဆုံးနေသော အရာခံဗိုလ် လှကျော် နှင့် တပ်ကြပ်ကြီး ညီညီမိုး
သတင်း - တက်တိုးအောင်
စာတည်း - ရာမန်
#အုတ်ဖိုမြို့နယ်
