22/07/2025
ဆရာတော်ဂျွန်မန်းဆိန်းဟှီ၏ ပျံလွန်တော်မူခြင်း (4) နှစ်ပြည့် အောက်မေ့ဖွယ်မစ္ဆားတရားတော်မြတ်နှင့် AD Gentes Music Studio ဖွင့်လှစ်ခြင်း
++++++++++++++++++++++++++++++++++++++++++++++++ ဒီနှစ်ဇူလိုင် ( 22 ) ရက်နေ့ဟာ ပုသိမ်ကက်သလစ်သာသနာ၌ (18) နှစ်တိုင် သိုးထိန်းဆရာတော်တစ်ပါးအဖြစ်ဦးဆောင်ပေးခဲ့သည့် ဆရာတော် ဂျွန်မန်းဆိန်းဟှီ၏ ပျံလွန်တော်မူခြင်း (4) နှစ်ပြည့်နေ့ဘဲဖြစ်ပါသည်။ ဆရာတော်ဂျွန်မန်းဆိန်းဟှီ အတွက်အောက်မေ့ဖွယ်မစ္ဆားတော်မြတ်ကို ဒီနေ့ မနက် ၆ နာရီအချိန်တွင် ဆရာတော် ဟင်နရီမန်းအိုင်ခလိန်မှဦးဆောင်ကာ ရဟန်းတော်များခြံရံလျက် မစ္ဆားတရားတော်မြတ်ကိုပူဇော်ပေးခဲ့ပါသည်။
မစ္ဆားတရားတော်မြတ်တွင် ဆရာတော်ဟင်နရီမန်းအိုင်ခလိန်မှ ”ဆရာတော် ဂျွန်မန်းဆိန်းဟှီချန်ထားခဲ့တဲ့ အမွေအနှစ်၊ အတွေးအခေါ် နှင့် သူချန်ထားခဲ့တဲ့စိတ်နေစိတ်ထားကိုဖတ်ပြီနောက် AD GENTES ( လူမျိုးတကာတို့ထံသို့) MUSIC STUDIO တစ်ခုကိုဖွင့်လှစ်ခဲ့ပါတယ်။ ဒီ ဇူလိုင် (22) ရက်၂၀၂၅ ခုနှစ်ဂျူဗလီနှစ်ရဲ့အထိမ်းအမှတ်၊ ကျွန်တော်တို့ရဲ့ကျေးဇူးရှင် အဖဆရာတော်ဂျွန်မန်းဆိန်းဟှီပျံလွန်တော်မူခြင်း ၄ နှစ်ပြည့်အထိမ်းအမှတ်မှာကျွန်တော်တို့တွေ လက်ဆောင် တစ်ခုပေးလိုက်ပါတယ်။ ဒါကတော့ AD GENTES ကျွန်တော်တို့ရဲ့ MUSIC STUDIO ဘဲဖြစ်ပါတယ်။ ကိုယ်တော်ရှင်ကောင်းကြီးပေးပါစေ။ အဲ့မှာလုပ်ဆောင်နေကြသော ကျွန်ုပ်တို့ရဲ့ သားသမီးများ၊ လူငယ်များ၊ ပါဝင်ပံ့ပိုးပေးကြသော ကျွန်တော်တိုရဲ့မိတ်ဆွေများအားလုံး ကောင်းကြီးတော်ခံစားရပါစေ။ ဒီလုပ်ငန်းကြီးကိုအဖဆရာတော်ဂျွန်မန်းဆိန်းဟှီကိုရည်စူးပြီးနောက် သူချန်ထားခဲ့တဲ့ အမွေအနှစ်ထဲကထွက်ပေါ်လာသော အသီးအပွင့်အဖြစ် ဆက်လက်ပြီးနှစ်ရှည်လများ အနာဂတ်တစ်ခုမှာ ကျွန်တော်တို့တစ်တွေ အတူတကွဖော်ဆောင်ကြပါစို့ ”ဆိုပြီးသြဝါဒစကားမွက်ကြားခဲ့ပါသည်။
” AD GENTES ” ဆိုတာ လက်တင်ဘာသာစကားဖြစ်ပြီး လူမျိုးတကာတွေဆီကိုသွားပြီး ဧဝံကလိတရားကိုဟောပြောလော့ဟု အဓိပ္ပါယ်ရပါသည်။ 1962-1965 ခုနှစ် ဖာတီကန်နန်းတော်မှာ ဒုတိယဗာတီကန်အစည်းအဝေးကို ပြုလုပ်ကျင်းပခဲ့ကြပြီး ထွက်ရှိလာသော စာချွန်တော် ၁၆ ခုထဲက စာချွန်တော်တစ်ခုဘဲဖြစ်ပါသည်။
#22.7.2025
