20/09/2023
လူငယ်များအတွက်
လမ်းလျှောက်တဲ့အခါ မယိုင်မနဲ့ လိုရာရောက်ဖို့
သန်မာတဲ့ ခြေထောက်တွေလိုတယ်...
လောကလမ်းတွေပေါ် မယိုင်မနဲ့ ဒူပေနာပေခံနိုင်ဖို့
စိတ်ဓါတ်တွေ သူမတူအောင် သန်မာနေဖို့လိုပြန်တယ်...
သူများကို မနင်းမခွဘဲ သန့်စင်တဲ့ခြေလှမ်းတွေနဲ့
Mentally Strong (စိတ်ဓါတ်ကြံ့ကြံ့ခိုင်ခိုင်) ဖြစ်ဖို့
ဒီအချက်တွေနဲ့ စိတ်ကိုနေ့စဉ်ထိန်းကျောင်း မွေးမြူထားဖို့လိုတယ်
No.1 ဉီးနှောက်အာဟာရဖြည့်ပါ ♦
အမြင်ကျယ်ခြင်းနဲ့ ဗဟုသုတကြွယ်ဝခြင်းဟာသင့်အတွေးအခေါ်ကို မှန်ကန်တည့်မတ်စေပါတယ်...
“အမြင်မတူရင် အတွေးအခေါ်မတူဘူး
အတွေးအခေါ်မတူရင်
လုပ်ဆောင်ချက်တွေကွာသွားတယ်
လုပ်ဆောင်ချက်ကွာသွားတော့
ရလဒ်တွေလဲကွဲပြားသွားပါတယ်”
အကြောင်းအရာတစ်ခုကို ရှင်းရှင်းလင်းလင်းအမြင်မှန်ဖို့ သင့်ဉီးနှောက်ကို အစာကောင်းကောင်းကျွေးထားဖို့လိုပါတယ်...
No.2 ဇွဲနပဲ ♦
ပြဿနာတစ်ခုနဲ့ကြုံတဲ့အခါ လွယ်လွယ်မရှုံးမပေးပါနဲ့
ကိုယ်တိုင်အဖြေရှာ ဖြေရှင်းနိုင်ဖို့ကြိုးစားပါ...
No.3 ယုံကြည်မှု♦
သင့်ကိုယ်သင်မယုံကြည်ရင် ဘယ်သူမှသင့်ကိုမယုံကြည်ပါဘူး...
No.3 အကောင်းမြင်ပါ ♦
လက်ရှိရနေတာကို အကောင်းမမြင်နိုင်သရွေ့
နောက်ထပ်ပိုကောင်းတာ ဘာပဲလာလာ
ကောင်းတယ်ထင်မှာမဟုတ်တော့ပါဘူး...
အခုရနေတာကိုတန်ဖိုးထားပါ ပိုကောင်းတာတစ်ခုကိုရဖို့ လက်ထဲကအခွင့်အရေးကို အကောင်းဆုံးအသုံးချပါ...
No.4 ကိုယ့်အခြေအနေကို ကိုယ်အမြဲသုံးသပ်ပါ ♦
ဒီနေ့ “သင်” နဲ့ မနက်ဖြန် “သင်”
ဘာတွေကွာသွားအောင်လုပ်မှာလဲ...
တစ်ရက်စာရော ဘာတွေလုပ်ပြီးပြီလဲ...
နောက်ထပ်အချိန် 24နာရီဖြုန်းလိုက်တာလား
သုံးလိုက်တာလား ညတိုင်းသေသေချာချာသုံးသပ်ပါ
No.5 ချီးမြှောက်တက်ပါစေ ♦
မိတ်ဆွေ သို့မဟုတ် အခြားသူတွေရဲ့ အောင်မြင်မှုကို ပျော်ပျော်ရွှင်ရွှင် လက်ခုတ်တီးပါ...
သူများအောင်မြင်မှုနဲ့ ကိုယ့်စိတ်ကိုမြှင့်တင်နိုင်တဲ့အခါ သင်ကိုယ်တိုင်အောင်မြင်ဖို့ နီးစပ်လာပါလိမ့်မယ်
No.6 အမှားတွေကနေ သင်ယူပါ ♦
There are no mistakes, only lessons.
အမှားမဟုတ် သင်ခန်းစာတွေသာဖြစ်တယ်
သိပ်ကောင်းတဲ့ အတွေ့အကြုံတွေက အရမ်းကြမ်းတဲ့ အမှားတွေကလာတာပါ
No.7 ရင်ဆိုင်ပါ ♦
စိန်ခေါ်မှုတွေနဲ့ ပြိုင်ဆိုင်မှုတွေ
အဆုံးအရှုံးတွေနဲ့ လဲကျမှုတွေရဲ့ အရသာကို
မကြောက်ပါနဲ့...
အရှုံးဆိုတာ သင်လက်ခံမှ
တကယ်အရှုံး သမားဖြစ်တာပါ...
ဘယ်မှာဘယ်လောက်ရှုံးရှုံး
သူ့ထက်ကောင်းတဲ့ အနိုင်တွေ အများကြီး
သင်ယှဉ်ပြိုင်ရယူနိုင်ပါသေးတယ်...
အသေးစိတ်အချက်တွေအများကြီးရှိပေမယ့်
စာရှည်မှာစိုးလို့ အရေးကြီးတဲ့ အဓိကအချက်တွေပဲ Sharing လုပ်ပေးခဲ့ပါတယ်...
ကျတော်ကိုယ်တိုင်လဲ အသုံးချနေတဲ့အချက်တွေမို့ အားလုံးကို Sharing လုပ်ပေးခြင်းပဲဖြစ်ပါတယ်...
လူငယ်တွေအတွက် နှစ်ချက် သုံးချက်လောက်ပဲ
သေသေချာချာအသုံးချရင်တောင်
ရေးရကျိုးနပ်ပါတယ်...
အားလုံးပဲ လောကလမ်းတွေ မှန်မှန်ကန်ကန်
သန်သန်မာမာလျှောက်လှမ်းနိုင်ကြဖို့ ဆန္ဒပြုပါတယ်...
