https://www.facebook.com/100874785744635/

ရွှေဘိုခရိုင် မြေပြင်သတင်းစုံ, Sagaing (2025)

20/07/2023

ဇူလှိုင်၊၂၀.၇.၂၀၂၃ (၀၇:၅၀)am
စစ်ကိုင်းတိုင်းဒေသကြီး
ရွှေဘိုခရိုင် ရွှေဘိုမြို့နယ်

မိဘပြည်သူများခင်ဗျာ ရွှေဘိုခရိုင် ဝက်လက်မြို့နယ် ရွာသာကြီးကျေးရွာသို့ရောက်ရှိနေသော အကြမ်းဖက်စစ်ခွေးများသည် စိုင်နိုင်ကွေ့ သို့ရောက်ရှိနေပြီး ယမန်နေ့ညနေက ရွှေဘိုမြို့ထဲမှထွက်လာသည့် အကြမ်းဖက်စစ်ခွေးများမှာလဲ ရှားတောရွာနှင့်တဂဏန်းရွာ အနီးတဝိုက် ညအိပ် ကင်းပုန်းဝတ်နေရာယူထားသောကြောင့် အရေးပေါ်မြေပြင်စစ်ရေးအခြေအနေအရ အချိန်မရွေး တိုက်ပွဲဖြစ်ပေါ်လာနိုင်ပါသဖြင့်

ရွှေဘို-မန္တလေးလမ်းပိုင်းအား ယခုအချိန်မှစ၍ လုံးဝသွားလာအသုံးပြုခြင်းမပြုလုပ်ကြပါရန် လေးစားစွာ မေတ္တာရပ်ခံပန်ကြားအပ်ပါသည် အရေးပေါ်မဖြစ်မနေ သွားလာလိုလျှင် ယခု page တွင်ဖြစ်စေ နီးစပ်ရာ တော်လှန်ရေးအဖွဲ့အစည်းများထံတွင်ဖြစ်စေ တိတိကျကျ အသိပေးအကြောင်းကြားပြီးသွားလာနိုင်ပါသည်ခင်ဗျား။
ပြည်သူမှပြည်သူသို့သတင်းများအား ပြန်လည်မျှဝေခြင်းဖြင့် ကူညီပေးကြပါရန် တိုက်တွန်းနှိုးဆော်အပ်ပါသည်ခင်ဗျာ။

https://t.me/SBONew

#ရွှေဘိုမြို့နယ်သတင်းအမှန်ပြန်ကြားရေး

21/01/2023

ဒီပဲယင်း

ဒီပဲယင်းမြို့နယ် ရွာသာလေးရွာမှ တစ်ဆင့် မူးသာကုန်းရွာကို စကစ အင်အား ၄၀ ခန့် (ရေဦးမြို့နယ်မှလာသော စ -စ်ကြောင်း) ဖြင့် ၈ နာရီတွင် ပစ်ခက် ဝင်ရောက်နေ ကြောင်း သိရပါတယ် ။

01/12/2022

#အညာတော်လှန်ရေး

ဘေးနား ငါ့ကောင်ဆီက အသံ
"ကျည်ဆံမရှိတော့ဘူး" ဆိုတဲ့စကား
နားထဲမှာ လက်နက်ကြီးသံ ပေါက်ကွဲသလို
ရင်ခွင် နှစ်ခြမ်း ဗြန်း ကနဲ ကွဲသွားသလို
ငါ ငိုချင်တယ် ...။

အညာသားတွေဟာ
စကားနည်းသလို အသားမည်းတယ်
သွားတွေ ရဲသလို သွေးလည်း ရဲတယ်
ဝါးလက်လက်စ, ကွမ်းယာကို
"ထွီ "ကနဲ ထွေးထုတ်
ခွေးတစ်အုပ်နဲ့ လောကဓံကို
ခပ်ကြမ်းကြမ်း ပုတ်ထုတ်နေသူတွေ...။

ပုဆိုကို တိုတို ဝတ်
ဖြစ်သလို နေတတ်ပေမဲ့
ဖြစ်ချင်သလို ဖြစ်နေတဲ့ ခေတ်ကို
အသစ်ပြန် စ,ဖို့ အားတင်း
မှားယွင်းနေတဲ့ စနစ်ကို ဖြိုချမဲ့ သူတွေ ။

နေစရာ အိမ်တွေ မီးလောင်ပေမဲ့
ပြာပုံထဲက ထ,ပြီး ဖီးနစ်ငှက်လို
ကောင်းကင် အစွန်အထိ ပျံမဲ့ ငှက်တွေ
အနေ မွဲပေမဲ့
သေရဲလို့ တော်လှန်လုပ်ပေမဲ့
နေရာ တစ်ခုအတွက် အဓမ္မလုမဲ့ သူတွေမဟုတ် ။

သူခိုးတစ်သိုက်နဲ့ အရိုးကိုက် ကောင်‌တွေလို
ပြည်သူ့ စည်းစိမ်ဥစ္စာကို မလုယူတော့
ကျည်ဆံရှားတယ်
ရိက္ခာ ရှားတယ်
(ဒါပေမဲ့....)
သိက္ခာ တရားတော့ နည်းနည်းမှ အပဲ့ မခံဘူး ။

ဟေ့ကောင် မအေလိုး မင်းအောင်လှိုင်နဲ့ ခွေးတွေ
သွေးတိုး မစမ်းနဲ့
ခွေးမျိုး ကန်းသွားစေရမယ်
ငါတို့မှာ ပြည်သူရှိတယ်
ငါတို့မှာ ကြည်ဖြူသူတွေ ရှိတယ် ။

ငါတို့ သမိုင်းကို ပြည်သူတွေရေးလိမ့်မယ်
ဘာအကြောင်းနဲ့မှ ဆွေးနွေးစရာ မလို
သွေးကြွေးအတွက် သွေးကြွေးပဲ လိုတယ်
မင်းတို့ မိုးကောင်းတုန်း ရွာထား
ငါတို့ နွေခေါင်ခေါင်မှာ မိုးကြိုးပစ်မှ
လယ်ကန်သင်း ပတ်ကြားအက်ထဲ
ခွေးမျိုးသွေးနဲ့ ခြေဆေးပစ်မယ် ....။

ဘေးနားက ငါ့ကောင်တွေ
ကျည်ကုန်လို့ နောက်ဆုတ်တာ
ကြောက်လို့ မဟုတ်ဘူး
ရှေ့တိုးမဲ့ ဆင်ဟာ နောက်ဆုတ်တာ ဓမ္မတာပဲ
တော်လှန်ရေးဆိုတာ မသေမချင်း လုပ်လို့ရတယ်
အသက်တွေ ဈေးပေါတဲ့ တိုင်းပြည်မှာ
တန်ဖိုးရှိအောင် ကြိုးစား ...ငါ့ကောင် ။

သေနတ်ကိုင်ပြီး ဟန်ရေးပြမှ
အထင်ကြီးတတ်ကြတဲ့ သူတွေကို
သောက်ဖက် လုပ်မနေနဲ့ ငါ့ကောင်
မင်း ဘာလက်နက် ကိုင်တာ ခွေးမသိစေနဲ့
မင်း ဘယ်လို တိုက်ခဲ့တာ ခွေးမသိစေနဲ့
မင်း ကျည်ဆံ ကုန်တာ ခြေသံလုံပါစေ...။

တို့တတွေ အိမ်အတူ ဆောက်ရမယ်
အိမ်ကို အတူပြန်ကြမယ်
ငါတို့ လက်တွေ အတူတူ ဆုပ်
မနက်ဖြန် ရှိနေသရွေ့ တော်လှန်ရေး ဆက်လုပ်မယ် ။

29,11,2022 တိုက်ပွဲ အတွေ့ကြုံ

30/11/2022

10:45
ဂျက်ဖိုက်တာ တစ်စီး ရွေဘိုအရှေ့မှ ဝက်လက်ဘက်သို့ ဦးတည် ပျံသန်းသွား

27/11/2022

ခင်ဥိးမှထွက်လာသော ခွေးကားအကြိးသုံးစီးအား
Northern Tigers group (NTG)၊ နဂါးညိနောင်၊
မော်ကွန်းညီနောင် နှင့် မဟာမိတ်ညီနောင်များ အဖွဲ့မှ
မိုင်းဆွဲ တိုက်ခိုက်ရာ ခွေးကား ၁စီး မီးလောင်၍
ခွေးများ မီးငြိမ်းသတ်နေပါသည်။

မိုင်းကွင်းဘေးရှိ အပြစ်မဲ့ပြည်သူတဲများကို
မိးရှို့နေပြီး ခင်ဥိးလမ်းဆုံမှခွေးများ
ညနေ ၆နာရီခန့်တွင် ခွေးခြံသို့ ပြန်ဝင်သွားပြီး
ခင်ဦးလမ်းဆုံနှင့် ရွေဘို မြစ်ကြီးနားလမ်း
ခွေးများ မရှိတော့ပါ ။
ခင်ဦး - ရေဦးလမ်း ခွေးများ မရှင်းသေးပါ ။

(NTG)

04/11/2022

အညာက ကျေးရွာတွေဆိုတာ ကျွန်တော်တို့ မှီခိုနေရတဲ့
အားထားရတဲ့ ရွာတွေပါ ။ ရောက်တဲ့ရွာ ကိုယ့်ရွာ၊ ရောက်တဲ့အိမ် ကိုယ့်အိမ်ပဲလို့ မှတ်ယူနိုင်တဲ့ထိ အညာသားတွေ ဧည့်ဝတ်ကျေကြပါတယ် ။

အညာတခွင်က အညာလူတွေရဲ့ စရိုက်အမှန်က လူအေး လူမှန်တွေရယ် ။ " မဟုတ်မခံ" ဆိုတဲ့အတိုင်း မဟုတ်တာဆို ငြိမ်ခံမနေတက်ဘူး ။ တချို့ကတော့ အညာသားတွေ သွေးဆိုးတယ် လို့ ပြောချင်ပြောမယ် ။

စ-စ်တ-ပ်ရဲ့ နှစ်ပေါင်းများစွာ ကျင့်သုံးလာတဲ့ အာဏာတည်မြဲရေးအတွက် အဓမ္မ နိုင့်ထက်စီးနင်း လုပ်ရပ်တွေကို သိမြင်လာတဲ့အခါ အညာ လူငယ်များဟာ လ-က်န-က်စွဲကိုင်တေ-ာ်လှ-န်ဖို့ ရွေးခြယ်လာကြတယ် ။

" စ-စ်အသံကြားရင် ရွှေဓားပိုက်ကာ အိုးစားဘက်ကို လိုက်လို့ရှာသည် " ဆိုတဲ့ အတိုင်း အညာလူငယ်တွေက အိုးစားဘက်ကို အရင်ဆုံး ရှာခဲ့တာ ။

စ-စ်ပညာနဲ့ လိုက်နာရမယ့် စ-စ်စည်းကမ်းတွေကို သူတို့ အားတက်သရော သင်ယူကြတယ် ။အညာဒေသမှာ အားမတန်လို့ မာန်လျော့နေရတဲ့ နယ်တွေသာ ရှိမယ် ။ အတန်အသင့်အားရှိတာနဲ့ ပြန် ချ ကြမယ့် နေရာတွေချည်းပဲ ။

ပြဿနာတိုင်းကို ခွန်အားနဲ့သာ ဖြေရှင်းတက်တဲ့ အညာသားတွေ လို့ ဂုဏ်မယူချင်ပေမယ့် ဒီနေရာမှာတော့ သတ္တိရှိတဲ့ ကျွန်စိတ်ကင်းတဲ့ ခြောက်တိုင်းလဲ မကြောက်တဲ့ အညာသားတွေလို့ ဂုဏ်ယူမယ် ။

ကျေးရွာတွေရဲ့ တေ-ာ်လှ-န်ရေးအသိအမြင်ဟာလဲ ထင်မထားလောက်အောင် သိမြင်လာကြတယ် ။ သဒ္ဒါ အရင်းခံ ရှိတဲ့ မြန်မာလူမျိုးတွေရဲ့ ဗီဇအတိုင်း PDF အဖွဲ့တွေအတွက် စားစရာမခက်ခဲဘူး ။ "ခွေးသာ များများသ-က်ပေးပါ တင်ကျွေးထားမယ် ၊ ကယ်တင်ရှင်တွေလို ဂုဏ်ပြုပေးမယ်" ဒီလိုလူတွေဗျ ။

တော်လှန်ရေးကို အားမရဖြစ်နေလား ၊ "စစ်ကိုင်းတိုင်းကို လာပါ ။ အညာကို လာကြည့်ပါ ။" လို့ ပြောချင်တယ် ။ စစ်ကိုင်းမြေမှာ နယ်ကျဥ်းလာတဲ့ ခွေးတွေဟာ ဂျောင်ပိတ်ရိုက်ခံရဖို့ နီးနေပြီ လို့ သတင်းကောင်း ပါးချင်တယ် ။
အညာအဖွဲ့တွေကို တုတ် လူစုံတပ်ဆင်နိုင်တာနဲ့ ကြီးမားတဲ့ အရွေ့တစ်ခုနဲ့ အောင်ပွဲဆင်နိုင်လိမ့်မယ်ဆိုတာ ချွင်းချက်မရှိ ယုံကြည်တယ် ။ သစ္စာခံ နုဂျီအစိုးရရဲ့အမိန်နဲ့ သူတို့ တို-က်ကြလိမ့်မယ် ။ အညာ ထန်းသီးမုတ်တွေ အထိုးခံကြလိမ့်မယ် ။ ကျေကျေနပ်နပ်ပါပဲ ။

ဇေယျာ

အညာသားတွေ ကွမ်းကြိုက်တယ် ရေနွေးကြမ်းကြိုက်တယ် ၊ ဧည်သည်လာရင် ကွမ်း ေရနွေးကြမ်း တည်ကြတယ် ။ ရေနွေးကြမ်းနဲ့ အညာထန်းလျက် အညာမုန့်ဟာ နှစ်ခြိုက်စရာတွေပေါ့ ။

03/11/2022

စစ်ကိုင်းတိုင်း အရာတော်မြို့နယ် ပျူရဲ့နာရေး ပို့ ပြန်လာတဲ့ စကစတပ်ဖွဲ့ဝင်များကို Zeroပြောက်ကြားတပ်ဖွဲ့က ဒရုန်းဖြင့်တိုက်ခိုက် ၁၅ ဦးသေ။ Nov 3.

03/11/2022

3.11.22

တန့်ဆည်စစ်ကြောင်း

တွေးတီရွာအထိုင်ချထားသည့်စခများ မောက်တက်ရွာ သို့ ရောက်ရှိနေပြီး ရွာငယ်ရွာမှ ထွက်ခွာလာသော
စခများလည်း ခင်မင်ရွာသို့ ရောက်ရှိနေကြောင်း သိရသည်။

01/11/2022

မွင်းခါးပွဲ သတင်း! !

အောက်တိုဘာ ၃၁ ရက်နေ့
ယမန်နေ့ ၂ : ၃၀ အချိန်က
မန္တလေးတိုင်း (စစ်ကိုင်းတိုင်းအစပ်)
စဥ့်ကူးမြို့နယ် နွယ်ရုံကျေးရွာရှိ
စကစ လက်အောက်ခံ ရဲစခန်းအား

Northern Tigers Group (NTG)၊
Fire Dragon (Khin U)
D.U.G.F.(Khin U) ၊ Wolf Guerrilla (Ye U)၊
Burmese Revolution Youth(BRU)
ဗိုလ်လင်းယုန် (သပိတ်ကျင်းမြို့နယ် ပ.က.ဖ)
မဟာမိတ်တပ်ဖွဲ့များက Drone ဖြင့်
ဗုံးသီးနှစ်လုံးချ တိုက်ခိုက်ခဲ့ရာ
ရခငါးကောင် အပြင်းထန်ထိခိုက်သေဆုံးခဲ့ပြီး

ရဲစခန်းထဲမှ လက်နက်ငယ်များဖြင့်
ပြန်လည်ပစ်ခတ်ခဲ့သော်လည်း
မဟာမိတ်တပ်ဖွဲ့များ အထိခိုက်မရှိ
အောင်မြင်စွာ ပြန်လည် ဆုတ်ခွာနိုင်ခဲ့ ။

ထိုတိုက်ခိုက်မှုအပြီးတွင် ရန်သူ့ဘက်က
အနီးနားရှိ နယ်မြေများကို ၃:၄၀ အချိန်တွင်
ရွှေဘိုလေ့ကျင့်ရေး ၈ မှ တက်လာသော
MI-35နှစ်စီး ဖြင့် လှည့်လည် ကင်းပတ်ခဲ့ ။

ဒီနေ့ တွင် နွယ်ရုံ ရဲစခန်းမှာ
အဝင်အထွက်များ ပိတ်ထားကာ
စစ်ဆေးမှုများ ပြုလုပ်နေကြောင်း သိရ ။

အထက်ပါ တိုက်ခိုက်ခဲ့သော
ခင်ဦးအခြေစိုက် Drone အဖွဲ့များဟာ
အရင်လက ရံပုံငွေအခက်အခဲကြောင့်
ယာယီရပ်နားခဲ့ရတဲ့ အဖွဲ့များဖြစ်ပါတယ် ။

# #

01/11/2022

ပြင်းထန်တဲ့တိုက်စစ်တွေစဖို့ဆိုလျှင်(ဆောင်းပါး)
======================

ဝေယံမိုး
ကော်သူးလေ(မဇ္ဈိမ)။ ။ပြောက်ကျားဝတ်စုံအပြည့်နှင့် လူငယ်တစ်စုသည် ၆၀ မမ တာဝေးပစ် လက်နက် ကြီးတစ်မျိုးဖြင့် ရန်သူ့အထိုင်စခန်းများအား စိတ်လိုလက်ရ ပစ်ခတ်နေကြသည်။ လက်နက်အစစ်ဖြင့် ပစ် ခတ်ရသည့်အတွက် သူတို့ပုံစံမှာရဲရဲတင်းတင်းရှိလှသည်။ ဒီမတိုင်ခင်အချိန်ကာလများတွင် ၎င်းတို့ကိုယ် တိုင်ဖန်တီးပြုလုပ်ထားသည့် လက်လုပ်လက်နက်ကြီးများဖြင့်သာ ပစ်ခတ်ဖူးသူများဖြစ်သည်။

ထိုသို့လက်လုပ်များဖြင့်ပစ်ခတ်ရသည်မှာ ရန်သူ့စခန်းထိမှန်ရန်မသေချာသလို ပစ်ခတ်သည့်ရဲဘော်၏ အသက်ခန္ဓာကိုယ်ကို စတေးပြီး ပစ်ခတ်ကြရခြင်းဖြစ်သည်။ လက်လုပ်လက်နက်ကြီးပစ်ခတ်စဉ် ပြောင်း ကွဲခြင်း၊ ပြောင်းအတွင်း ကျည်သီးပေါက်ကွဲခြင်း၊ တွန်းကန်အားဖြင့်ထိခိုက်မိခြင်း အစရှိသည့်ဖြစ်ရပ်များ ကြောင့် ပေးဆပ်ဆုံးရှုံးခဲ့ရသူ ရဲဘော်အရေအတွက်မှာ မနည်းတော့ပေ။

“အစစ်(စက်ရုံထုတ်လက်နက်ကြီးများ) ကျတော့ကျွန်တော်တို့ စိတ်ချလက်ချ ပစ်လို့ရတယ်ဗျ၊ လက်လုပ် တွေကျတော့ ကျွန်တော်တို့ပြောင်းကွဲတာလည်းကြုံတယ်ဗျ။ ဟိုတစ်နေ့ကဆိုရင် လက်လုပ်နဲ့ မြို့ထဲက ဒကစ(ဒေသကွပ်ကဲမှုစစ်ဌာနချုပ် (ဒ.က.စ - ကလေး)တပ်တွေကို သွားပစ်တဲ့အခါ ကျွန်တော်တို့ဘက်က ရဲဘော်တစ်ယောက် လက်တစ်ဖက်၊ ခြေထောက်တစ်ဖက် ဆုံးရှုံးသွားတယ်ဗျ။ အခုထိတောင်မှ အသက် အန္တရာယ်စိုးရိမ်နေရသေးတယ်ဗျ” ဟု PDF(Kalay) တပ်ရင်း ၂ မှ ရဲဘော်သူရိန်က ပူပူနွေးနွေးဖြစ်ရပ် တစ်ခုကို ပြန်ပြောပြသည်။

လက်နက်ကြီးအစ်ဖြင့် ပထမဆုံးတိုက်ခိုက်သည်ကို အောက်တိုဘာလ ၂၉ ရက်က ထုတ်ပြန်ထားခြင်း ဖြစ်ပြီး အကြမ်းဖက်စစ်ကောင်စီ၏ ဒေသကွပ်ကဲမှုစစ်ဌာနချုပ် (ဒ.က.စ - ကလေး) ၊ ထောက်/ပို့တပ်နှင့် စစ်ကောင်စီအခြေစိုက်စခန်းများဖြစ်သော ကလေးနည်းပညာတက္ကသိုလ်နှင့် ရန်ကြီးအောင်စခန်းတို့ကို အကြိမ်ကြိမ် ပစ်ခတ်တိုက်ခိုက်ခြင်းဖြစ်သည်။

ထိုလက်နက်ကြီးများသည် "မမများနဲ့ ပွဲကမယ်" (စစ်ကိုင်းပရောဂျက်) ၏ ပံပိုးမှုဖြင့် ဝယ်ယူထားခြင်း ဖြစ်ကြောင်းလည်း ရဲဘော်သူရိန်ကရှင်းပြသည်။ မမများနဲ့ပွဲကမယ်ပရောဂျက်သည် ပြည်နယ်နှင့်တိုင်း အလိုက် ကာကွယ်ရေးတပ်ဖွဲ့များထံသို့ လက်နက်ကြီးများရရှိရန်ရည်ရွယ်ပြီး အလှူငွေကောက်ခံသည့် ကမ်ပိန်းတစ်ခုဖြစ်သည်။

ကရင်နီ၊ စစ်ကိုင်း၊ ချင်းနှင့် မကွေးအတွက် သိန်းထောင်ချီသည့်ကမ်ပိန်းများ အောင်အောင်မြင်မြင် ပြုလုပ်ထားပြီးလည်း ဖြစ်သည်။
တနည်းဆိုသော် ပြည်သူ့ချွေးနည်းစာဖြင့် စစ်ကောင်စီတပ်အား တန်ပြန်တိုက်စစ်ဖွင့်နိုင်ရန် အားကောင်း လာခြင်းဟုဆိုနိုင်သည်။

စစ်ကောင်စီတပ်နှင့် တိုက်ပွဲများတစ်နှစ်ကျော်ကြာ ခုခံတိုက်ခိုက်လာရာ ကာကွယ်ရေးတပ်ဖွဲ့များအနေ ဖြင့် တိုက်စစ်ဆင်ရန်ပြင်ဆင်ရာတွင် ယခုကဲ့သို့ လက်နက်ကြီးများ ပိုမိုလိုအပ်ကြောင်း ရဲဘော်သူရိန်က ရှင်းပြသည်။

“တိုက်စစ်နဲ့ပြန်တိုက်တဲ့အခါမှာ ကျွန်တော်တို့ ထိုးစစ်ဆင်နိုင်ဖို့အတွက် နောက်ကနေပြီး လက်နက်ကြီး ထောက်ပေးမှ ထိုးစစ်ကဆင်လို့ရတယ်။ ၆၀ မမ အစစ်ရောက်တဲ့အတွက် စိတ်ချလက်ချလည်း ပစ်လို့ ရပြီဆိုတော့ ကျွန်တော်တို့စခန်းသိမ်းတိုက်ပွဲကျရင်လည်း သိမ်းရတာမြန်တယ်ဗျ” ဟု ရဲဘော်သူရိန်က ပြောသည်။
ယခင်လအတွင်း စစ်ကောင်စီတပ်အထိုင်ချရာ နတ်ချောင်းစခန်းအား ညတိုက်ပွဲဆင်နွှဲရာ စခန်းသိမ်းနိုင် မည့်အခြေအနေထိအားသာခဲ့သော်လည်း ပစ်ကူပေးမည့်လက်နက်ကြီးမရှိသည့်အတွက် ပြန်လည်ဆုတ် ခွာလာခဲ့ရသည့် ဖြစ်ရပ်ကိုလည်း ၎င်းက သာဓကပြု‌ပြီး ပြောသည်။

စစ်ကိုင်းတိုင်းသည် အကြမ်းဖက်စစ်ကောင်စီတပ်အား အင်နှင့်အားနှင့် ပြင်းပြင်းထန်ထန် ခုခံတိုက်ခိုက် နေသည့်ဒေသတစ်ခုဖြစ်ရာ ကလေးနယ်သည်လည်း အင်အားကောင်းကောင်းဖြင့် တိုက်ပွဲများဖော်ဆောင် နေသည့် ဒေသဖြစ်သည်။

အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာနအောက်တွင် ကလေးပြည်သူ့ကာကွယ်ရေးတပ်ဖွဲ့ အနေဖြင့် တပ်ရင်းကိုးရင်းဖြင့် ရပ်တည်ကာ ခုခံစစ်ဆင်နွှဲနေကြခြင်းဖြစ်သည်။

တစ်နှစ်ကျော်ကြာအချိန်တွင် တိုက်ပွဲပေါင်း ၁၀၀ ကျော်ဖော်ဆောင်ထားပြီး စစ်ကောင်စီတပ်ဖွဲ့ဝင် ၃၀၀ ခန့်အထိ ချေမှုန်းရှင်းလင်းထားနိုင်ပြီဖြစ်ကြောင်း တိုက်ပွဲသတင်းထုတ်ပြန်ချက်နှင့် ကလေးပြည်သူ့ကာ ကွယ်ရေးတပ်မှတာဝန်ရှိသူများ ပြောဆိုချက်အရ သိရသည်။ ကလေးပြည်သူ့ကာကွယ်ရေးတပ်ဘက်မှ လည်း ထိုတိုက်ပွဲများအတွင်း ရဲဘော်ကိုးဦးအထိ ပေးဆပ်ထားရပြီး ထိုအရေအတွက်သည် တပ်ရင်း(၂) တစ်ခုတည်း၏ အရေအတွက်ဖြစ်သည်။

ယမန်နေ့ကပင်လျှင် ကလေးမြို့တောင်ပိုင်း နည်းပညာတက္ကသိုလ်(ကလေး)အနီး၌ မိုင်းရှင်းရန် ရောက်ရှိ လာသော အကြမ်းဖက်စစ်ကောင်စီ တပ်ဖွဲ့ဝင် ခုနစ်ဦးအား PDF(Kalay)မိုင်းတပ်ဖွဲ့မှ အသင့်တပ်ဆင်ထား သောမိုင်းဖြင့် ဖောက်ခွဲတိုက်ခိုက်ရာ စစ်ကောင်စီတပ်ဖွဲ့ဝင်သုံးဦးသေဆုံးပြီး ကျန်တပ်ဖွဲ့ဝင်များ ထိခိုက်မှု ရှိခဲ့သည်။
ကလေးဒေသတွင် စစ်ကောင်စီတပ်သည် မြို့ပေါ်ရှိ ဒေသကွပ်ကဲမှုစစ်ဌာနချုပ်(ဒ.က.စ - ကလေး)၊ ထောက်/ပို့တပ်နှင့် စစ်ကောင်စီအခြေစိုက်စခန်းများဖြစ်သော ကလေးနည်းပညာတက္ကသိုလ်၊ ရန်ကြီး အောင်စခန်းနှင့် ကြံသာကျေးရွာစခန်းတို့တွင်သာ စိုးမိုးအခြေပြုထားနိုင်သည်။ ကလေးနယ်တွင် ကာကွယ်ရေးတပ်ဖွဲ့များက မြေပြင် ၈၀ ရာခိုင်နှုန်းအထိ ထိန်းချုပ်ထားနိုင်ကြောင်းလည်း ရဲဘော်သူရိန်က ရှင်းပြသည်။

သို့သော် ကလေးပြည်သူ့ကာကွယ်ရေးတပ်ဖွဲ့များသို့ အမျိုးသားညီညွတ်ရေးအစိုးရ ကာကွယ်ရေးဝန်ကြီး ဌာနဘက်မှ အထောက်အပံ့သည် အားနည်းနေကြောင်း ရဲဘော်သူရိန်က ဆိုသည်။
“NUG ရဲ့ ကလေး PDF အပေါ်ထောက်ပံ့မှုကလေ့လာကြည့်ရသလောက် အခြားနယ်တွေနဲ့စာရင် အရမ်း အားနည်းတယ်” ဟု ၎င်းကပြောသည်။

တစ်ဘက်တွင်လည်း အမျိုးသားညီညွတ်ရေးအစိုးရ ကာကွယ်ရေးဝန်ကြီး ဦးရည်မွန်က ရှေ့လာမည့် တစ်နှစ်အတွင်း တော်လှန်ရေး၏အဆုံးအဖြတ်ကို ရယူရန် စိတ်ပိုင်းဖြတ်ထားပြီဖြစ်ကြောင်း စက်တင်ဘာ ၇ ရက်တွင် ကျရောက်ခဲ့သည့် ပြည်သူ့ခုခံစစ် (၁)နှစ်ပြည့် မိန့်ခွန်းတွင် အတိအလင်းပြောကြားထားသည်။

လက်ရှိအချိန်တွင်တော့ ကာကွယ်ရေးတပ်ဖွဲ့များ၏ မြေပြင်တပ်ရင်းတပ်ဖွဲ့များတွင် လက်နက်ခဲယမ်း လိုအပ်ချက်များမှာ ကြီးမားနေဆဲဖြစ်ပြီး လက်နက်ခဲယမ်းများ၏ ဈေးနှုန်းများ နှစ်ဆနီးပါး ဖြစ်လာခဲ့သည် မှာလည်း အခက်တွေ့နေကြရသည်။

ထို့ကြောင့်ပြည်သူများသို့ အစချီသည့် ရန်ပုံငွေရှာဖွေရေးကမ်ပိန်းများကို မနားမနေပြုလုပ်ရင်း ပြည်သူ့ အားဖြင့် တိုက်စစ်ဖွင့်နိုင်ဖို့ကြိုးပမ်းနေရကြောင်း ပြည်သူများကို အားကိုးကြောင်း ကိုသူရိန်ကဆိုသည်။
“ပြည်သူတွေ နည်းနည်းထပ်ပြီးအားတင်းထားပေးပါ။ ကျွန်တော်တို့ကိုလည်း ဆက်လက်ထောက်ခံ ပံ့ပိုး ပေးကြပါ။ ကျွန်တော်တို့ ၂၀၂၃ မှာ အောင်ပွဲဆင်နိုင်ဖို့ ကြိုးစားလေ့ကျင့်ပြီး လျှို့ဝှက်သင့်တာလျှို့ဝှက်ပြီး ပြင်ဆင်နေပါတယ်။ မြို့သိမ်းတိုက်ပွဲအောင်မြင်ဖို့ဆိုတာ လက်နက်ခဲယမ်းပြည့်စုံမှ အောင်မြင်နိုင်မှာပါ” ဟု ကိုသူရိန်က သတင်းစကားပါးသည်။

စာတည်း။ စောဖေ
စာမူတည်းဖြတ်။ ။စောဖေ

#၆၀မမတာဝေးပစ်လက်နက်
#ကလေးမြို့နယ်
#မမများနဲ့ပွဲကမယ်

10/09/2022

2022 ခုနှစ်ဟာ စစ်ရေးပြင်းထန်တဲ့ နှစ်ပါ။
EROs တွေအရင်ကထက် ပါဝင်လာတယ် ။
ထိန်းချုပ်နယ်မြေတွေ ရအောင်ဖော်ဆောင်လာတယ် ။
ပြည်သူများ ပြင်ဆင်ပါ၊ ပါဝင်ပါ၊
နိုင်ရာဝန်ထမ်းပါ ။
ကရင်။ကရင်နီ။ရခိုင်။ကချင်။ချင်း။
စစ်ကိုင်း။မကွေး။တနင်္သာရီ ။
နေရာစုံက‌နေ EAOs, တွေနဲ့ NUG PDF LDF တွေနဲ့ လက်တွဲပြီး
ထိန်းချုပ်နယ်မြေတွေ
ဖော်ဆောင်နေတာ ဖြစ်တဲ့အတွက်
ပြည်သူ့အင်အားတွေပါဝင်ဖို့လိုအပ်ပါတယ်။
💪💪စုပေါင်းအားနဲ့စနစ်ပြောင်းရမဲ့ နောက်ဆုံးပွဲပါ။💪💪
တော်လှန်ရေးဟာ အချိန်ဆွဲလို့ မရတော့ပါဘူး။
အချိန်နဲ့အမျှ မြေပြင်မှာ လိုအပ်ချက်တွေများမယ် ။
အနည်းဆုံးကလစ်တာလေးတော့ ပါဝင်ပေးပါ🙏🙏🙏

LL & KZY .
စစ်ဘေးရှောင်နဲ့ နယ်မြေခံ ပကဖတွေအတွက်
ပို့လိုက်တဲ့ အဝတ်စားတွေ ဆေးဝါးရိက္ခာတွေ
လိုအပ်တဲ့နေရာသုံးဖို့ ပို့ဆောင်ပြီးပါပြီ ။
ပုံတွေနဲ့ အလှူမှတ်တမ်းတွေရရင် တင်ပေးမယ်နော် ။

30/04/2022

အထူးသတိပေးကြေညာချက် ။ ။

ရေဦးမြို့နယ်အတွင်း စစ်ခွေးကားများ အခြေပြုရောက်ရှိ‌နေပါတယ်။
မြို့နယ်အတွင်း စစ်ရေးအခြေအနေကိုအပြန်အလှန်တိုးမြှင့်ဆောင်ရွက်ကြမည်ဖြစ်သဖြင့် ပုဂ္ဂလိကပိုင်မော်တော်ကားများအနေဖြင့် အောက်ပါလမ်းညွှန်ချက်အတိုင်း လိုက်နာပေးပါရန် မေတ္တာရပ်ခံ ကြေညာအပ်ပါသည်။

၁ ။ ရေဦး - မုံရွာ လမ်း
၂ ။ ရေဦး - တန့်ဆည်၊ကလေးဝ လမ်း
၃ ။ ရေဦး - တမာတော၊ကံထူးမ လမ်း
၄ ။ ရေဦး - ခင်ဦးလမ်း
၅ ။ ရေဦး - ညောင်လှ လမ်း ပိုင်းများကို ည ၁၀ နာရီမှ မနက် ၅ နာရီ အထိ ယာယီ ပိတ်ထားပါမည်။

၁ ။ နေ့ခင်းဘက်တွင်လည်းစစ်ခွေးကားများနှင့်
ကပ်လျက်မောင်းနှင်ခြင်း လုံးဝမပြုလုပ်ရန်။
၂ ။ မြေပြင်အခြေအနေတွင် ထူးခြားဖြစ်စဉ်ရှိပါက နီးစပ်ရာ တော်လှန်ရေးအဖွဲ့ထံ ချိတ်ဆက်သတင်းပေးပို့ပြီး ပူးပေါင်းဆောင်ရွက်ပေးကြရန်။
၃ ။ မြေပြင်သတင်းရယူပြီးမှ မောင်းနှင်သွားလာကြရန်။
၄ ။ ဤကြေညာချက်ကို ပြင်ဆင်‌ကြောင်း
၊ရုတ်သိမ်းကြောင်း ထပ်မံမကြေညာမချင်းလိုက်နာပေးကြရန်။
ကျနော်တို့ ရေဦးပြည်သူ့ကာကွယ်ရေး တပ်မတော်မှ ကြေညာချက် ထုတ်ပြန်သည်။
ပြည်သူများအနေဖြင့်လည်း စည်းကမ်းချက်များကို တသွေမသိမ်းလိုက်နာပေးကြပါရန် မေတ္တာရပ်ခံအပ်ပါသည်။

ပြည်သူများဘေးကင်းကြပါစေ ။

YEU PDF ၊ ရေဦး ပကဖ ။

30/04/2022

မင်းကင်းတွင် အင်အား ၁၅၀ ကျော်ပါသော ခလရ ၈၇ နှင့် ဒေသကာကွယ်ရေးပူးပေါင်းတပ်ဖွဲ့ကြား ၄ ရက်ဆက်တိုက်ပွဲဖြစ်၊ စစ်သား ၃၀ ကျော်သာကျန်ပြီး ပြန်လည် ဆုတ်ခွာသွား

ရန်ကုန်၊ ဧပြီ ၃၀

စစ်ကိုင်းတိုင်း၊ မင်းကင်းမြို့နယ်တွင် အကြမ်းဖက်စစ်ကောင်စီ၏ အင်အား ၁၅၀ ကျော်ပါသော ခလရ ၈၇ စစ်ကြောင်းနှင့် ဒေသကာကွယ်ရေးပူးပေါင်းတပ်ဖွဲ့များကြား ဧပြီလ ၂၅ ရက်မှ ၂၈ ရက်နေ့အထိ ၄ ရက်တာတိုက်ပွဲများအတွင်း အကြမ်းဖက်စစ်ကောင်စီတပ်နှင့် လာရောက်ပူးပေါင်းသူ ပျူစောထီးများ ထိခိုက်သေဆုံးမှုများပြီး စစ်သား ၃၀ ဝန်းကျင်သာကျန်ရှိ၍ ပြန်လည်ဆုတ်ခွာသွားကြောင်း MDF Special Force ထံမှ သိရှိရသည်။

အဆိုပါ စစ်ကြောင်းသည် ကလေးမြို့အခြေစိုက် တပ်ရင်းဖြစ်ကြောင်း၊ စစ်ကြောင်းထိုးလာစဉ် ပန်ဆက်နှင့် တောင်ဖြူကျေးရွာများမှာ ပျူစောထီးများကိုပါ စစ်ကူခေါ်လာခြင်းကြောင့် စုစုပေါင်း အင်အား ၁၉၀ ခန့်ရှိကြောင်း သိရှိရသည်။

"ဒီဘက်မှာက စစ်ကောင်စီဘက်က ရဟတ်ယာဉ်နဲ့ ချသွားတဲ့ဟာတွေ အကုန်ကုန်တယ်၊ မြို့ကြီးတွေကလည်း လာမထိုးနိုင်တော့ နယ်ခံ ကလေးမြို့က တပ်ကို လွှတ်တာ။ ၂၅ ရက်နေ့ သံပေါက်ရွာမှာ တိုက်ပွဲစဖြစ်တော့ သူတို့က ချင်းတွင်းမြစ် ဟိုဘက်ကမ်းက ပန်ဆက်နဲ့ တောင်ဖြူက ပျူစောထီးတွေကို စစ်ကူခေါ်တယ်၊ တိုက်ပွဲက နာရီဝက်လောက်ပဲ ကြာတယ်။ ပဒေသာတွေ မိုင်းတွေမိပြီး သူတို့ဘက်က ခြေပြတ် လက်ပြတ်တွေ ဖြစ်ကုန်တယ်၊ ကျနော်တို့က နယ်မြေအရ အထက်ဘက်ကနေ ပစ်ခွင့်ရတော့ လက်နက်ကြီးနဲ့ ထုတယ်၊ စနိုက်ပါ တွေပါတယ်။ ပျူတွေဆို ကြောက်လန့် အော်ဟစ်ပြီး ဟိုဘက်ကမ်းကို ပြန်ကူးပြေးကြတယ်၊ အဲဒီမှာ အကျဆုံးများပြီး လောင်းပြည့်ရွာဘက်ကို ပြန်ဆုတ်သွားတယ်၊ သံပေါက်ရွာကို မီးရှို့တယ်" ဟု Myanmar Defense Force ကွန်မန်ဒိုတပ်ရင်းမှ ပြန်ကြားရေးက ရန်ကုန်ခေတ်သစ်သတင်းဌာနသို့ ပြောဆိုသည်။

အကြမ်းဖက်စစ်ကောင်စီတပ်နှင့် ဒေသကာကွယ်ရေးမဟာမိတ်တပ်ဖွဲ့များ တိုက်ပွဲဖြစ်ပွားရာနေရာသည် ချင်းတွင်းမြစ်အရှေ့ဘက်ကမ်းတွင် ဖြစ်ပြီး ပျူစောထီးများအားကောင်းသည့် ပန်ဆက်နှင့် တောင်ဖြူရွာများသည် အနောက်ဘက်ကမ်းတွင် တည်ရှိသည်။

အဆိုပါ စစ်ကောင်စီစစ်ကြောင်းကို MDF-Special Force၊ DRPA၊ စစ်ကိုင်း PDF တပ်ရင်း ၃၊ ရွေဘိုခရိုင် တပ်ရင်း ၉၊ KPDF 1၊ ပ.ကဖများနှင့် မဟာမိတ် ပြည်သူ့ကာကွယ်ရေး တပ်ရင်း တပ်ဖွဲ့များပူးပေါင်းတိုက်ခိုက်ခဲ့ကြောင်းသိရှိရသည်။

ဇင်ကလဲကျေးရွာအနီးတွင် အင်အား ၁၅၀ ခန့်ပါသော အကြမ်းဖက်စစ်ကောင်စီ၏ ခလရ ၈၇ ခြေလျင်စစ်ကြောင်းကို ယမန်နေ့ ဧပြီလ ၂၆ ရက် နံနက်တွင် ဒေသကာကွယ်ရေးမဟာမိတ် ၆ ဖွဲ့ပူးပေါင်းကာ မိုင်းဆွဲပစ်ခတ်တိုက်ခိုက်ခဲ့ပြီး စစ်သား ၂၁ ဦးသေဆုံးကာ အများအပြား ဒဏ်ရာရကြောင်း အဆိုပါ ဒေသရှိ ကာကွယ်ရေးတပ်ဖွဲ့တခုဖြစ်သည့် အာဏာရှင်တော်လှန်ရေးပြည်သူ့တပ်မတော် (DRPA) က သတင်းထုတ်ပြန်သည်။

အကျအဆုံးများသော စစ်ကောင်စီတပ်သည် ဇင်ကလဲရွာကို စစ်ကောင်စီတပ်ဖွဲ့များ ထပ်မံမီးရှို့ဖျက်ဆီးခဲ့ကြောင်း၊ ပျက်စီးဆုံးရှုံးမှုများကြောင်း သိရှိရသည်။

ဧပြီလ ၂၇ နှင့် ၂၈ ရက်နေ့ တိုက်ပွဲများတွင် ဒေသကာကွယ်ရေးမဟာမိတ်တပ်ဖွဲ့များ၏ ထပ်မံတိုက်ခိုက်ခြင်းခံရပြီး အကြမ်းဖက်စစ်ကောင်စီတပ်သည် အင်အား ၃၀ ကျော်သာ ကျန်ရှိတော့ကြောင်း၊ ကနီဒေသ ပကာကျေးရွာဘက်သို့ ဆုတ်ခွာသွားကြောင်း MDF ကွန်မန်ဒိုတပ်ရင်းထံမှ သိရှိရသည်။

30/04/2022

အာဏာသိမ်းပြီးနောက် စစ်တပ်က ကလေးငယ် ၂၄၃ ဦးကို သတ်ဖြတ်

ရန်ကုန်၊ ဧပြီ ၃၀

မင်းအောင်လှိုင် ခေါင်းဆောင်သော အကြမ်းဖက် စစ်တပ် အာဏာ သိမ်းပြီးနောက် မြန်မာနိုင်ငံ အနှံ့တွင် စစ်တပ်က ကလေးငယ် ၂၄၃ ဦးကို သတ်ဖြတ်ခဲ့ကြောင်း Media Monitor Collective က သတင်းထုတ်ပြန်သည်။

အကြမ်းဖက် စစ်တပ်သည် ပဋိပက္ခ တိုက်ပွဲများအတွင်း အရပ်သား ပြည်သူများ နေထိုင်သည် ရပ်၊ ရွာများကိုပါ ပစ်မှတ်ထား တိုက်ခိုက်ခဲ့သောကြောင့် ကလေးငယ် ၁၃၁ ဦး ထိခိုက် ဒဏ်ရာရရှိကာ ၂၅၁ ဦးကို အကြောင်းမဲ့ ရိုက်နှက် ဖမ်းဆီးခဲ့ကြောင်းသိရသည်။

အဆိုပါ အကြမ်းဖက် စစ်တပ် သတ်ဖြတ် ဖမ်းဆီးခဲ့သော ကလေးငယ်များ စာရင်းတွင် အခြေခံပညာ အဆင့် သင်ကြားနေသော ကျောင်း၊ကျောင်းသူများနှင့် တက္ကသိုလ် တက်ရောက်နေသော ကျောင်းသား ကျောင်းသူများလည်း ပါဝင်ကြောင်း သိရသည်။

ကလေးများကို သတ်ဖြတ်သည့်အပြင် ဖမ်းဆီးခံရသော ကလေးငယ်များထဲတွင် လူသားဒိုင်းအဖြစ် ဖမ်းဆီးခံရသူ ၁၀၄ ဦး၊ ဆန္ဒပြမှုနှင့် ဆက်စပ် ဖမ်းဆီးခံရသူ ၆၅ ဦး၊ ကျေးရွာများအတွင်း ဝင်ရောက်စီးနင်းစဉ် ဖမ်းဆီးခံရသူ ၃၈ ဦး၊ EROS နှင့် ချိတ်ဆက်သည်ဟု စွပ်စွဲကာ ဖမ်းဆီးခံရသူ ၃ဦး၊ မိသားစုနှင့် အတူရှောင် တိမ်းနေစဉ် ဖမ်းဆီးခံရသူ ၃ဦးနှင့် ကျေးရွာများကို စစ်တပ်က ဝင်ရောက် စီးနင်းသောကြောင့် ထွက်ပြေးတိမ်းရှောင်စဉ် ရွာပြင်ပ၌ ဖမ်းဆီးခံရသူ ၂ဦးတို့ဖြစ်ကြောင်း သိရသည်။

30/04/2022

အိမ်ခြေ (၈၀၀)ရှိတဲ့ မြင်းမူမြို့နယ် ကန်တော်ရွာကို စစ်အုပ်စုက ရွာလုံးကျွတ် မီးရှို့ဖျက်ဆီး၊

MFP ၊ ဧပြီ - ၃၀

စစ်ကိုင်းတိုင်း၊ မြင်းမူမြို့နယ်က အိမ်ခြေ(၈၀၀)နီးပါး ရှိတဲ့ ကန်တော်ကျေးရွာကို စစ်အုပ်စုက မနေ့က ဧပြီ(၂၉)ရက်မှာ အကြမ်းဖက်စီးနင်း ဝင်မွှေလုယက်ပြီးနောက် နေအိမ်တွေကို မီးရှို့ဖျက်ဆီးလို့ ရွာလုံးကျွတ်နီးပါး မီးလောင်ပြာကျသွားတယ်လို့ ဒေသခံတွေက ပြောပါတယ်။

“နံနက်(၂)နာရီအချိန်မှစတင်ပြီး လက်နက်ကြီးများဖြင့် ပစ်ခတ်ကာ တစ်ရွာလုံးကို မီးတင်ရှို့သွားခဲ့သည်။ လက်ရှိတွင် စစ်တပ်၏ မီးရှို့ဖျက်ဆီးမှုကြောင့် မြင်းမူမြို့နယ် ကန်တော်ကျေးရွာကြီး တစ်ခုလုံး မီးလောင် ပြာကျသွားခဲ့ရပြီ ဖြစ်သည်” လို့ မြင်းမူဒေသ တော်လှန်ရေးအင်အားစု တစ်ခုဖြစ်တဲ့ Myinmu Civil Revolution Force က ဖော်ပြပါတယ်။

စစ်အုပ်စု ရန်ပြုသောင်းကျန်းနေလို့ ဒေသခံတွေ ရွာထဲမနေဝံ့ဘဲ မနေ့က မနက်ပိုင်းကတည်းက ထွက်ပြေး နေရတယ်လို့ ဆိုပါတယ်။

စစ်အုပ်စုဟာ မနေ့က ဧပြီ(၂၉)ရက် မနက်(၂)နာရီကျော်က စတင်ပြီး မြင်မူမြိုနယ် အခြေစိုက် ဒေသခံ ပြည်သူ့ကာကွယ်ရေး တပ်ဖွဲတွေဖြစ်တဲ့ MMDF နှင့် GTR MMU စခန်းနေရာတွေကို လူအင်အား၊ လက်နက်အင်အား အသားစီးနှင့် စီးနင်းကာ မီးရှို့ခဲ့ပါတယ်။ အဲ့ဒီလို စစ်အုပ်စုက စခန်းတွေကို စီးနင်းချိန်မှာ ဒေသခံ ပြည်သူ့ကာကွယ်ရေး တပ်ဖွဲ့တွေက ပြန်လည်ခုခံခဲ့ပြီး မြင်းမူ - ထီးဆောင်း - အရာတော် လမ်းပေါ်က ကန်တော်ရွာနှင့် ငါးကင်းရွာကြား တိုက်ပွဲဖြစ်ပွားကာ စစ်အုပ်စုဘက်က အသေအပျောက် ရှိသလို ဒေသခံ ပြည်သူ့ကာကွယ်ရေး ရဲဘော်တွေဘက်ကလည်း အကျအဆုံး ရှိခဲ့ပါတယ်။

ဒေသခံ ပြည်သူ့ကာကွယ်ရေးတပ်ဖွဲ့ စခန်းတွေကို စီးနင်းမီးရှို့ပြီး ချိန်မှာတော့ စစ်အုပ်စုက ကန်တော်ရွာနှင့် ငါးအင်းရွာတွေထဲ ဝင်မွှေလုယက်ကာ ကန်တော်ရွာကို ရွာလုံးကျွတ် မီးရှို့သွားတာလို့ ဒေသခံတွေက ဆိုပါတယ်။

စစ်အုပ်စုဟာ စစ်ကိုင်းတိုင်းထဲ ရွာစဉ်ပတ်မွှေ သောင်းကျန်းကာ လူသတ်၊ ဓားပြတိုက်လုယက်၊ နေအိမ်မီးရှို့၊ ဖမ်းဆီးငွေညှစ်တာတွေ ထင်တိုင်းကျဲ ကျူးလွန်နေတာ ဖြစ်ပါတယ်။

မြင်းမူနယ်က အိမ်ခြေ(၈၀၀)ရှိတဲ့ ကန်တော်ရွာကို စစ်အုပ်စုက ဝင်မွှေလုပ်ယက်ပြီး ရွာလုံးကျွတ် မီးရျို့ဖျက်ဆီးသွားစဉ်/Photo - Myinmu Civil Revolution Force

( Mandalay Free Press – MFP )

#မန္တလေး #စစ်ကိုင်း #မြင်းမူ #ကန်တော်ရွာ #အိမ်မီးရှို့ #ငါးအင်းရွာ

29/04/2022

ရွှေဘိုမြို့နယ်တွင် ယနေ့ညနေက အကြမ်းဖက်စစ်အုပ်စုအား ဒေသကာကွယ် ရေးတပ်များ စုပေါင်းတိုက်ခိုက်ရာ စစ်ကောင်စီတပ် ၁၅ဦးခန့်သေ

အကြမ်းဖက်စစ်ကောင်စီတပ်သားများက ကျားကျေးရွာအား မီးရှို့ဖျက်ဆီးသွား

စစ်ကိုင်းတိုင်း၊ ရွှေဘိုမြို့နယ်တွင် ယနေ့ညနေပိုင်းက အကြမ်းဖက်စစ်ကောင်စီတပ်နှင့် ပျူစောထီးများအား ခုခံတိုက်ခိုက်ခဲ့ရာ အကြမ်းဖက်စစ်အုပ်စုဘက်မှ ၁၅ဦးခန့်သေဆုံးနိုင်ပြီး ၎င်းတို့က ကျားကျေးရွာအား မီးရှို့ဖျက်ဆီးနေကြောင်း ဒေသတွင်းသတင်းရင်းမြစ်များက ပြောသည်။

ယနေ့ (ဧပြီ ၂၉ ရက်) ညနေ ၅နာရီကျော်က ရွှေဘိုမြို့နယ်၊ မြင်းစီးကျေးရွာရှိ အကြမ်းဖက်စစ်ကောင်စီတပ်ဖွဲ့နှင့် ပျူစောထီးများသည် စုပေါင်းအင်အား ၃၀ကျော်ဖြင့် ကန်သာကုန်းလမ်းအတိုင်းချီတက်လာရာ ShweBo Fighter One အဖွဲ့နှင့်မဟာမိတ်ညီနောင်များဖြစ်ကြသော One Day Revolutiong Force ၊ Fighter Dargon ၊ Hero army Khin U ၊ Brother Of lands Defence Forceအဖွဲ့ နှင့်ကျန်ရှိသောမဟာမိတ်အဖွဲ့အစည်းများစုပေါင်းတိုက်ခိုက်ရာ အကြမ်းဖက်အုပ်စုဘက်မှ ၁၅ခန့်သေဆုံးပြီး ထိခိုက်ဒဏ်ရာရသူလည်းများပြားကြောင်း၊ မဟာမိတ်အဖွဲ့များအထိအခိုက်မရှိပြန်လည်ဆုတ်ခွာနိုင်ခဲ့ကြောင်း ShweBo Fighter One အဖွဲ့က အသိပေးသည်။

ထုတ်ပြန်ချက်နှင့်ပတ်သက်၍ ShweBo Fighter One အဖွဲ့ထံ ဆက်သွယ်မေးမြန်းထားပြီး ပြန်လည်ဖြေကြားခြင်းမရှိသေးပါ။

ရွှေဘိုမြို့နယ်ရှိ ကျားရွာတောင်ပိုင်းကို ယနေ့ ညနေ ၅နာရီခွံခန့်က အကြမ်းဖက်စစ်ကောင်စီတပ်နှင့် ပျူစောထီးများဝင်ရောက်လာကာ မီးရှို့ဖျက်ဆီးမှုများ ပြုလုပ်နေကြောင်း၊ စစ်ကားအကြီးတစ်စီး လူအင်အားလက်နက်အပြည့်အစုံဖြင့် ရွာထဲကားထားပြီး ကျားရွာ၊ပေါင်းလဲကုန်း၊ လက်ယာကုန်းရွာများဘက်သို့ ဝင်ရောက်နေကြောင်း ဒေသခံများက ပြောသည်။

ပြီးခဲ့သည့် ဧပြီ ၁၄ ရက်ကလည်း မြင်းစီးကျေးရွာ ပျူစခန်းဖြစ်သော ရွှေကျောင်းကြီးသို့ ပြည်သူ့ကာကွယ်ရေးအဖွဲ့များက ဝင်ရောက်စီးနင်းတိုက်ခိုက်ရာ ပျူအဖွဲ့ဝင်သုံးဦးအား သုတ်သင် ရှင်းလင်းပြီး ၎င်းတို့ကိုင်ဆောင်သော လက်နတ်များအား သိမ်းဆည်းရမိခဲ့ကြောင်း ShweBo Fighter One အဖွဲ့က သတင်းထုတ်ပြန်ထားသည်။

29/04/2022

တိုက်ပွဲသတင်းထုတ်ပြန်ချက်
====================

၂၀၂၂ခုနှစ်၊ ဧပြီလ (၂၉)ရက် မွန်းလွဲ(၁၂)နာရီခန့်တွင် စစ်ကိုင်းတိုင်းဒေသကြီး ပုလဲမြို့နယ် ဇီးဖြူကုန်းရွာ(ပျူစောထီးစခန်း)အား မုံရွာခရိုင်တပ်ရင်း (၁) သံမဏိတပ်ခွဲ ၊ ပုလဲပြည်သူ့ကာကွယ်ရေးတပ်ဖွဲ့တပ်ရင်း (၁)(RES၊တောင်ပေါ်ပုဏ္ဏက၊ပုံတောင် Tiger PDF) ၊တပ်ရင်း (၂) ၊ Myaing's Hero Generationတပ်ရင်း (M.H.G) ၊God Of Myaing၊ Guerilla Ranger တပ်ဖွဲ့ဝင်ဖြစ်သော P.W ထုတ်လုပ်ရေးရဲဘော်များ၊ 1.0.1၊ Urban Revolution Force၊ Underground Revolution Force၊ Underground Army၊ Aung San Force နှင့်တောင်ပိုင်းမဟာမိတ်အဖွဲ့များမှ လက်နက်ကြီးအလုံးရေ (၅၆)လုံးခန့် ပစ်ခတ်ဝင်ရောက်ကာ စကစ နှင့် ပျူစောထီးများဖက်မှ စက်ကလေးများ၊ လက်နက်ကြီး ၊လက်နက်ငယ်များဖြင့် ပြန်လည်ပစ်ခတ်ခဲ့ပြီး (၁)နာရီခန့် ကြာမြင့်စွာတိုက်ပွဲဖြစ်ပွားခဲ့သည်။
စကစနှင့် ပျူစောထီးများဘက်မှ အထိိအခိုက်အကျအဆုံးများ(အတိအကျမသိရသေး) နိုင်သည်။
ပြည်သူ့ကာကွယ်ရေးရဲဘော်များအထိအခိုက်မရှိအောင်မြင်စွာဆုတ်ခွာနိုင်ခဲ့သည်။

#မုံရွာပြည်သူ့ကာကွယ်ရေးတပ်ဖွဲ့

#မုံရွာခရိုင်တပ်ရင်း (၁)
#သံမဏိတပ်ခွဲ

28/04/2022

ရွှေဘို နဲ့ ခင်ဦး မြို့နယ်ချင်းဆက် မူးဘောင်လမ်းကို
စစ်ကောင်စီကားများ အသုံးများလာနေ ။

ဇေယျာတိုင်း၊ ဧပြီ ၂၈။

ရွှေဘိုမြို့မြောက်ဘက် မဟာနန္ဒာကန်တော်ဘက် ရွှေဘိုမြို့နယ်နဲ့ ခင်ဦးမြို့နယ်ကို ဆက်သွယ်သော မူးဘောင်လမ်းအား ဒီရက်ပိုင်းအတွင်း စကစ တပ်သားများ အသွားအလာများနေကြောင်း သတင်းရရှိပါတယ် ။ စခများက အိမ်စီးကားများ နဲ့ နာရေးကားများကို အသုံးများပြီး မိုင်းအန္တရယ် ဝေးမယ့် လမ်းတွေကို ရွေးခြယ်အသုံးပြုနေကြပါတယ် ။

27/04/2022

ကလေးနယ် တောင်ပိုင်း တိုက်ပွဲမှာ စစ်အုပ်စု (၁၈)ဦးသေ၊ သေနတ်သုံးလက် သိမ်းပိုက်ရရှိ၊

MFP ၊ ဧပြီ - ၂၇

စစ်ကိုင်းတိုင်း ကလေးမြိုကနယ် တောင်ပိုင်း အရှေ့စည်းရွာနှင့် သာယာကုန်းရွာအနီးတွေမှာ ဒီကနေ့ စစ်အုပ်စုနှင့် ဒေသခံ ပြည်သူ့ကာကွယ်ရေး တပ်ဖွဲ့တွေ တိုက်ပွဲ ဖြစ်ပွားခဲ့ပြီး စစ်အုပ်စုဘက်က (၁၈)ဦး သေကာ သေနတ်သုံးလက်နှင့် လက်နက်ခဲယမ်းတချို့ သိမ်းယူရရှိခဲ့တယ်လို့ People's Defence Force (Kalay) – PDF(Kalay)က သတင်းထုတ်ပြန်ပါတယ်။

ကလေးမြိုနယ် တောင်ပိုင်း အရှေ့စည်းရွာဘက် ဝင်မွှေသောင်းကျန်းနေတဲ့ အင်အား(၁၀၀)လောက်ရှိတဲ့ စစ်အုပ်စုနှင့် ဒေသခံ ပြည်သူ့ကာကွယ်ရေး တပ်ဖွဲ့တွေ ဖြစ်တဲ့ PDF (Kalay) ၊ CDF (KKG) ၊ RKDF နှင့် ပ.က.ဖ ပူးပေါင်းတပ်ဖွဲတွေကြား အရှေ့စည်းရွာရဲ့ မြောက်ဘက်မှာ ဒီကနေ့ ဧပြီ(၂၇)ရက် မနက်(၈)နာရီခွဲကနေ ည(၇)နာရီလောက်အထိ တိုက်ပွဲ အပြင်းအထန် ဖြစ်ပွားခဲ့တယ်လို့ ဆိုပါတယ်။

“တိုက်ပွဲအတွင်း အကြမ်းဖက်စစ်ကောင်စီတပ်သား (၁၅)ဦးခန့် သေဆုံးပြီး ၄င်းတိုထံမှ (MA-2) မောင်းပြန်သေနတ် တစ်လက်၊ (၀.၉၅) ကာဘိုင်မောင်းပြန်သေနတ် နှစ်လက်၊ (၅.၅၆)ကျည် (၈၀)တောင့်နှင့် (၀.၉၅) ကာဘိုင်ကျည် (၂၀၀) တောင့်၊ (MA 2) ကျည်အိမ် တစ်ခု၊ (၀.၉၅) ကာဘိုင်ကျည်အိမ် သုံးခုတိုကို သိမ်းဆည်း ရမိခဲ့ပါသည်။ ပူးပေါင်းတပ်ဖွဲများဘက်မှ PDF (Kalay) တပ်ဖွဲဝင် နှစ်ဦး၊ RKDF တပ်ဖွဲဝင် နှစ်ဦး စုစုပေါင်း လေးဦး ထိခိုက်ဒဏ်ရာရရှိခဲ့ပါသည်” လို့ PDF (Kalay) က ဖော်ပြပါတယ်။

အရှေ့စည်းရွာဘက် တိုက်ပွဲဖြစ်နေချိန် အင်အား (၃၀)လောက် ရှိတဲ့ စစ်အုပ်စုဟာ ကလေးနည်းပညာ တက္ကသိုလ်ဘက်ကနေ တောင်ပိုင်းကို စစ်ကြောင်းထိုးလာလို့ သာယာကုန်းရွာနှင့် ထောက်ကြန့်ရွာကြားမှာ နေ့လယ်(၁)နာရီကနေ ညနေ(၃)နာရီလောက်အထိ တိုက်ပွဲဖြစ်ပွားခဲ့တယ်လို့ ဆိုပါတယ်။

“အကြမ်းဖက်စစ်ကောင်စီ တပ်ဖွဲများကို PDF (Kalay) တပ်ဖွဲများက မွန်းလွဲ (၁)နာရီခွဲခန့်၌ သာယာကုန်းရွာနှင့် ထောက်ကြန့်ရွာအကြားတွင် ကြားဖြတ်တိုက်ခိုက်ခဲ့ပြီး မွန်းလွဲ (၄)နာရီခန့်အထိ တိုက်ပွဲပြင်းထန်ခဲ့ပါသည်။ ၄င်းတိုက်ပွဲအတွင်း အကြမ်းဖက်စစ်ကောင်စီ တပ်သား သုံးဦး သေဆုံးပြီး ကလေးနည်းပညာတက္ကသိုလ်ဘက်သို အကြမ်းဖက် စစ်ကောင်စီတပ်ဖွဲများ ပြန်လည်ဆုတ်ခွါသွားခဲ့ပါသည်” လို့ PDF (Kalay) က ထုတ်ပြန်ပါတယ်။

ဒါ့အပြင် စစ်အုပ်စု အင်အား (၁၀၀)လောက်ဟာ ဒီကနေ့ နေ့လည် (၂)ဝန်းကျင်မှာ ကလေးမြိုနယ် တောင်ပိုင်း ရေရှင်ရွာဘက်ကိုလည်း စစ်ကြောင်းထိုး ပတ်မွှေ သောင်းကျန်းနေလို့ PDF (Kalay) တပ်ဖွဲ့ လမ်းတလျှောက် မိုင်းထောင်ဖောက်ခွဲ တိုက်ခိုက်ခဲ့ပြီး စစ်အုပ်စုဘက်က မိုင်းထိသေတာတွေ ရှိတယ်လို့ ဆိုပါတယ်။

စစ်အုပ်စုဟာ ပြီးခဲ့တဲ့ သင်္ကြန်ကာလကတည်းက ကလေးမြိုကနယ် တောင်ပိုင်းက ရွာတွေဘက်ကို စစ်ကြောင်းထိုးကာ ရွာစဉ်ပတ်မွှေ သောင်းကျန်းနေတာ ဖြစ်ပြီး ဒေသခံ ပြည်သူ့ကာကွယ်ရေး တပ်ဖွဲ့တွေနှင့် တိုက်ပွဲ ပြင်းထန်နေတာ ဖြစ်ပါတယ်။

စစ်အုပ်စုနဲ့ နေ့စဉ်တိုက်ခိုက်နေရတာကြောင့် လက်နက်၊ ခဲယမ်းတွေ လိုအပ်နေပြီး အများပြည်သူအနေနဲ့ တတ်နိုင်သလောက် ပါဝင်ကူညီပေးကြဖို့ PDF (Kalay) အပါအဝင် ဒေသခံ ပြည်သူ့ကာကွယ်ရေး တပ်ဖွဲပတွေက မေတ္တာရပ်ခံ အလှူခံလျှက် ရှိပါတယ်။

( Mandalay Free Press – MFP )

#မန္တလေး #စစ်ကိုင်း #ကလေး #တိုက်ပွဲ #လက်နက်

27/04/2022

နေပြည်တော်တွင် ဘီယာဆိုင်ထိုင်နေသော စစ်ကောင်စီဘက်မှ ဒုတိယဗိုလ် မှူးကြီးတစ်ဦးနှင့် အုပ်ချုပ်ရေးမှူး စုစုပေါင်း ၇ ဦးကို နေပြည်တော် PDF က ဝင်ပစ်

ရန်ကုန်၊ ဧပြီ ၂၇

နေပြည်တော်တွင် ရွှေနန်းတော် ဘီယာဆိုင်ထိုင်သော စစ်ကောင်စီဘက်မှ ဒုတိယဗိုလ်မှူးကြီး G 1 တစ်ဦး အပါအဝင် အုပ်ချုပ်ရေးမှူးများ စုစုပေါင်း ၇ ဦးကို နေပြည်တော် PDF က ယခုည ၈ နာရီ ၃၀ မိနစ်တွင် ဝင်ရောက်ပစ်ခတ်ခဲ့ကြောင်း နေပြည်တော် PDF က သတင်းထုတ်ပြန်သည်။

ဧပြီလ ၂၇ ရက်နေ့ ည ၈ နာရီ ၃၀ မိနစ်အချိန် နေပြည်တော်၊ ကြာကန်ဂိတ်အကျော်၊ အောင်ချမ်းသာလမ်းခွဲရှိ ရွှေနန်းတော်ဘီယာဆိုင်တွင် ဘီယာထိုင်သောက်နေသော စစ်ကောင်စီမှ ဒုတိယဗိုလ်မှူးကြီး G1 ၊ အုပ်ချုပ်ရေးမှူးများ အပါအဝင် ၇ ဦးကို နေပြည်တော် PDF တပ်ရင်းက ဝင်ရောက် ပစ်ခတ်ခဲ့ကြောင်း ၊ သေဆုံးသူများကို အတည်မပြုနိုင်သေးကြောင်း နေပြည်တော် PDF က သတင်းထုတ်ပြန်ထားသည်။

27/04/2022

မင်းကင်းနယ်ထဲ အင်အား(၁၅၀)ခန့်ပါ စစ်အုပ်စုနှင့် ကာကွယ်ရေးတပ်တွေ တိုက်ပွဲဖြစ်၊ စကစ (၂၀)ကျော် သေဟုဆို၊

MFP ၊ ဧပြီ - ၂၇

စစ်ကိုင်းတိုင်း အထက်ပိုင်း မင်းကင်းမြို့နယ်အတွင်း ရွာစဉ်ပတ်မွှေ သောင်းကျန်းကာ လူသတ်၊ ဓားပြတိုက်လုယက်၊ နေအိမ်မီးရှို့တာတွေ ကျူးလွန်နေတဲ့ စစ်အုပ်စုကို မနေ့က မနက်ပိုင်းက ဇင်ကလဲရွာအနီးမှာ ဒေသခံ ပြည်သူ့ကာကွယ်ရေး တပ်ဖွဲ့တွေက ပစ်ခတ်တိုက်ခိုက်ခဲ့ပြီး (၁၅)မိနစ်ကြာ တိုက်ပွဲဖြစ်ပွားခဲ့တယ်လို့ အာဏာရှင် တော်လှန်ရေး ပြည်သူ့တပ်မတော် - DRPA က သတင်းထုတ်ပြန်ပါတယ်။

ဧပြီ(၂၆)ရက် မနေ့က မင်းကင်းမြို့နယ်ထဲ ရွာစဉ်ပတ်မွှေ သောင်းကျန်းလုယက်ပြီး အိမ်တွေကို မီးရှို့ဖျက်ဆီးကာ ဒေသခံ ပြည်သူလူထုအပေါ် အနိုင်ကျင့် ဒုက္ခပေးနေတဲ့ စစ်ကောင်စီ တပ်မ(၈၇)က အင်အား (၁၅၀)ပါ ခြေလျင်စစ်ကြောင်းကို မင်းကင်းမြို့နယ် ဇင်ကလဲ ကျေးရွာထိပ်မှာ ဒေသခံ ပြည်သူ့ကာကွယ်ရေး တပ်ဖွဲ့တွေဖြစ်တဲ့ DRPA နှင့် FRF ၊ GALAXY FORCE DEPEYIN -ပကဖ၊ စစ်ကိုင်းခရိုင် တပ်ရင်း (၃)၊ MDF ၊ သံပေါက်ဒေသခံ ကာကွယ်ရေးတပ်တို့ ပူးပေါင်းပြီး တိုက်ခိုက်ခဲ့တာလို့ ဆိုပါတယ်။

“မနက် (၈)နာရီဝန်းကျင်တွင် ထိပ်တိုက်တွေ့ တိုက်ပွဲဖြစ်ပွားခဲ့ပါသည်။ တိုက်ပွဲစစချင်းတွင် ကျွန်ုပ်တို့ဘက်မှ ပစ်လိုက်သော လက်နက်ကြီး သုံးလုံး ထိပြီး ရှေ့ဆုံးမှ တက်လာသော ဖက်ဆစ်စစ်ခွေး ရှစ်ကောင်မှာ နေရာမှ ထမလာတော့ပေ။ (၁၅)မိနစ်ခန့် တိုက်ပွားဖြစ်ပွားခဲ့ပြီး နေရာအသာစီး ရမှုကြောင့် ဖက်ဆစ်စစ်ခွေး (၂၁)ကောင် သေပြီး ထိခိုက်ဒဏ်ရာရသူ များပြားကြောင်း သိရသည်။ ကျွန်ုပ်တို့ ရဲဘော်များ အထိအခိုက်မရှိ ဆုတ်ခွာနိုင်ခဲ့သော်လည်း ဆိုင်ကယ် နှစ်စီးမှာ တိုက်ပွဲနေရာတွင် ဆုံးရှုံးခဲ့ရသည်” လို့ DRPA က ဖော်ပြပါတယ်။

စစ်အုပ်စုဟာ မင်းကင်းနယ်ထဲ ရွာစဉ်ပတ်မွှေ သောင်းကျန်းနေပြီး ရွာတွေကို အကြမ်းဖက် စီးနင်းကာ လူသတ်၊ ဓားကြတိုက်လုယက်၊ နေအိမ်မီးရှို့၊ ဖမ်းဆီးငွေညှစ်၊ အဓမ္မပြုကျင့်တာတွေ ကျူးလွန်နေတာ ဖြစ်ပါတယ်။ စစ်အုပ်စုဟာ မင်းကင်းနယ် အပါအဝင် စစ်ကိုင်းတိုင်း မြို့နယ်အများအပြားကို အင်တာနက် ဖြတ်တောက်ထားပြီး လက်နက်မဲ့ အရပ်သားပြည်သူတွေအပေါ် ထင်တိုင်းကျဲ အကြမ်းဖက် ဖိနှိပ် သောင်းကျန်းနေတာလို့ ဒေသခံတွေက ဆိုပါတယ်။

( Mandalay Free Press – MFP )

#မန္တလေး #စစ်ကိုင်း #မင်းကင်း #ဇင်ကလဲရွာ #တိုက်ပွဲ

26/04/2022

တပ်မ(၃၃)လက်အောက်ခံတပ်မှ အရာခံဗိုလ်တစ်ဦးကို မန္တလေးမြို့ပြပြောက်ကျားမဟာမိတ်တပ်ပေါင်းစု ရှင်းလင်း

ဆဏ်း/People's Spring

မန္တ‌လေးတိုင်း ပုသိမ်ကြီးမြို့နယ်ရှိ တပ်မ(၃၃)လက်အောက်ခံတပ်မှ အရာခံဗိုလ်တစ်ဦးကိုရှင်းလင်းခဲ့ကြောင်း မန္တလေး မြို့ပြပြောက်ကျား မဟာမိတ်တပ်ပေါင်းစုက သတင်းထုတ်ပြန်သည်။

ဧပြီ ၂၆ ရက် နေ့လယ် ၁၂ နာရီခန့်တွင်လုပ်ဆောင်ခဲ့ခြင်းဖြစ်ပြီး နတ်ဆိုးမြေအောက်တော်လှန် ရေးအဖွဲ့နှင့် မန္တလေးမဟာမိတ်များပူးပေါင်းလုပ်ဆောင်ခဲ့ခြင်းဖြစ်သည်ဟု ပြည်သူများကို အသိပေးထားသည်။

"မန်းလေးမှာခွေးတွေ ဖိနေတာ UGတွေလည်း ခွေးခြံထိလာပစ်နိုင်တယ်ဆိုတာ Massageပေးလိုက်တာပါဗျ"ဟု ယင်းစစ်ဆင်ရေးတွင်ပါဝင်သူတစ်ဦးက ပြောသည်။

ထို့အပြင် မန္တလေးမြို့၌ မြို့ပြပြောက်ကျားအဖွဲ့များကို ဖိနှိပ်မှုများပြုလုပ်နေသော်လည်း ၎င်းတို့မဟာမိတ်အဖွဲ့များပူးပေါင်း၍ အာဏာရှင်စနစ်ကို တိုက်ထုတ်မည်ဟု သတင်းထုတ်ပြန်ထားသည်။

26/04/2022

စစ်ကိုင်းတိုင်း ရွှေဘိုမြို့နယ်က ဧပြီ ၂၆ ရက် အကြမ်းဖက် စစ်ကောင်စီ ဖြုတ်ချရေး ဆန္ဒပြပွဲ

25/04/2022

ခင်ဦးနယ်မှာ စစ်အုပ်စု အကြမ်းဖက်သတ်ဖြတ်လို့ အရပ်သားပြည်သူနှင့် ကာကွယ်ရေး ရဲဘော် (၁၅၀)ကျော် သေဆုံး၊
နေအိမ် အလုံး(၈၀၀)နီးပါး မီးလောင်ပြာကျပြီး အိုးမဲ့အိမ်မဲ့ဖြစ်ရသူ (၄၀၀၀)ဝန်းကျင်ရှိ၊

MFP ၊ ဧပြီ ၊ ၂၅

စစ်ကိုင်းတိုင်း ခင်ဦးမြို့နယ်မှာ စစ်အုပ်စုက အကြမ်းဖက် သတ်ဖြတ်လို့ ယခု ဧပြီလကုန်ပိုင်းအထိ ဒေသခံ အရပ်သား ပြည်သူနှင့် ဒေသကာကွယ်ရေး ရဲဘော် စုစုပေါင်း (၁၅၀)ကျော် သေဆုံးခဲ့တယ်လို့ ခင်ဦးမြို့နယ် သတင်းမှန် ပြန်ကြားရေးက ထုတ်ပြန်ပါတယ်။

စစ်အုပ်စုဟာ ခင်ဦးနယ်ထဲက ကျေးရွာတွေကို အကြမ်းဖက်စီးနင်းကာ ဖောက်ထွင်းလုယက် ခိုးယူပြီးနောက် ဒေသခံ အရပ်သား ပြည်သူတွေကို နှုတ်ပိတ်တဲ့အနေနဲ့ ဖမ်းဆီးသတ်ဖြတ်တာ၊ ဓားစာခံ လူသားဒိုင်းအဖြစ် ဖမ်းဆီးပြီး သတ်ဖြတ်တာ၊ PDF အဖြစ် စွပ်စွဲသတ်ဖြတ်တာနှင့် စစ်အုပ်စုကို ခုခံတိုက်ခိုက်ရင်း ကျဆုံးတာ စတဲ့ အကြောင်း အမျိုးမျိုးကြောင့် စစ်အုပ်စုရဲ့ သတ်ဖြတ်ခံရသူ (၁၅၆)ဦး ရှိတယ်လို့ ခင်ဦးမြို့နယ် သတင်းမှန် ပြန်ကြားရေးက စာရင်းပြုစု ဖော်ပြပါတယ်။

ဒါ့အပြင် စစ်အုပ်စု သောင်းကျန်းရမ်းကား နှိပ်စက်လို့ ထိခိုက်ဒဏ်ရာရတဲ့ ဒေသခံ အရပ်သားပြည်သူ အရေအတွက်လည်း စုစုပေါင်း (၁၀၀)လောက် ရှိတယ်လို့ ဆိုပါတယ်။

တချိန်တည်းမှာပဲ ခင်ဦးမြို့နယ်ထဲက ရွာတွေကို စစ်အုပ်စုက အကြမ်းဖက် စီးနင်းဝင်ရောက်ကာ ဖောက်ထွင်းလုယက် ခိုးယူပြီးနောက် အိမ်တွေကို မီးရှို့ဖျက်ဆီးတဲ့အတွက် ကျေးရွာ(၁၂)ရွာက နေအိမ်(၇၇၅)လုံး မီးလောင် ပြာကျခဲ့တယ်လို့ ခင်ဦးမြို့နယ် သတင်းမှန်ပြန်ကြားရေးက ဖော်ပြပါတယ်။

စစ်အုပ်စုက ရန်ပြုသောင်းကျန်း ခိုးယူလုယက်ပြီး နေအိမ်တွေကို မီးရှို့ဖျက်ဆီးလို့ အိုးမဲ့အိမ်မဲ့ ဖြစ်ရတဲ့ စစ်ဘေးဒုက္ခသည် အရေအတွက်ကလည်း လူ(၄၀၀၀)လောက် ရှိတယ်လို့ ခင်ဦး သတင်းမှန်က ဆိုပါတယ်။

ဒါ့အပြင် မီးရှို့မခံရပေမယ့် စစ်အုပ်စုက တန်ဘိုးကြီး ပစ္စည်းတွေ ဖောက်ထွင်းခိုးယူ လုယက်သွားပြီး ဖျက်ဆီးသွားတဲ့ အိမ်ခြေ ထောင်ချီရှိသလို စစ်အုပ်စုရန်ကြောင့် အိမ်မှာ မနေဝံ့ဘဲ ထွက်ပြေးနေရတဲ့ ဒေသခံပြည်သူတွေလည်း ထောင်သောင်းချီရှိတယ်လို့ ဆိုပါတယ်။

အဲ့ဒီ စာရင်းတွေဟာ ခင်ဦးမြို့နယ် သတင်းမှန်ပြန်ကြားရေးအဖွဲ့က ကောက်ယူရရှိထားတဲ့ အချက်အလက်တွေကို စုပေါင်းဖော်ပြတာသာ ဖြစ်ပြီး မြေပြင်အခြေအနေရ စစ်အုပ်စုက သတ်ဖြတ်ခဲ့သူနှင့် မီးရှို့ဖျက်ဆီးခဲ့တဲ့ နေအိမ်အရေအတွက်ဟာ ယခုထက် ပိုများနိုင်တယ်လို့ ခင်ဦးသတင်းမှန်က ဆိုပါတယ်။

လက်ရှိမှာ စစ်အုပ်စု မီးရှို့လို့ အိမ်မီးလောင် ပြာကျပြီး အိုးမဲ့အိမ်မဲ့ ဖြစ်သွားခဲ့ရတဲ့ ပြည်သူတွေဟာ တောထဲမှာ ဖြစ်သလို နေထိုင်၊ စားသောက် နေကြရပြီး သောက်သုံးရေရှားပါးတာ၊ ရာသီဥတုအ‌ခြေအ‌နေ‌ကြောင့် ကျန်းမာရေးထိခိုက်တာနှင့် မြွေအန္တရာယ်ကြာင့် အသက်သေဆုံးတာ စတဲ့ ဘေးဒုက္ခ အခက်အခဲတွေ ကြုံနေရတယ်လို့ စစ်ရှောင်တွေကို ကူညီပေးနေတဲ့ ခင်ဦးနယ် ဒေသခံတွေက ပြောပါတယ်။

"တောထဲမှာပဲ မိုးကာလေးတွေနဲ့ ဖြစ်သလို နေကြရတာပေါ့။ တခ‌ျို့ဆို ရွာထဲကို မပြန်‌တော့ဘဲ တောထဲမှာပဲ နေရာလေးတွေ တောင်ပြီး သစ်ပင်လေးတွေအောက် တဲထိုးပြီး နေကြ‌တော့တာ။ အစားအသောက် အတွက်တော့ မီးဘေး မသင့်တဲ့ ဒေသတွေက ကူကြ၊ လှူကြတာတွေ ရှိတော့ ကြီးကြီးမားမားတော့ အခက်အခဲ မရှိဘူး။ အဓိကတော့ နေထိုင်ရေးပေါ့။ နေကလဲပူ၊ မိုးရွာတော့ လေဒဏ် မိုးဒဏ်နဲ့ဆို‌တော့ နေရတာလည်း ထန်းရွက်တဲလေး‌တွေ ဆို‌တော့ အဲ့ဒါ အခက်အခဲပေါ့။ ပြီးတော့ ခင်ဦးအရှေ့ဘက်က အခု မီးရှို့ခံရတဲ့‌ ဒေသ‌တွေက ရေရှားပါးတဲ့ ဒေသတွေ။ တောထဲက ရေတွင်းလေးတွေမှာ မျှဝေပြီး သုံးစွဲနေရတယ်။ ပြီးတော့ ကျန်းမာရေး အခက်ပေါ့။ အဲ့‌ဒေသ‌တွေက မြွေအန္တရာယ်လည်း ရှိတယ်။ တခုခုဖြစ်ရင် ကုသဖို့က မလွယ်ဘူး" လို့ ခင်ဦးနယ်က စစ်ဘေးရှောင်တွေကို ကူညီပေးနေသူတစ်ဦးက MFP ကို ပြောပါတယ်။

စစ်အုပ်စုဟာ ခင်ဦးနယ်ထဲက ဒေသခံ အရပ်သား ပြည်သူတွေအပေါ် လက်နက်အားကိုးနှင့် အနိုင်ကျင့်နေတာ ဖြစ်ပြီး ဥပဒေမဲ့ ထင်တိုင်းကျဲ သောင်းကျန်းကာ လူသတ်၊ ဓားပြတိုက်လုယက်၊ နေအိမ်မီးရှို့၊ ဖမ်းဆီးငွေညှစ်တာတွေ ဆက်လက် ကျူးလွန်နေတယ်လို့ ဒေသခံတွေက ဆိုပါတယ်။

"စစ်ကောင်စီရဲ့ လုပ်ရပ်ကတော့ ကမ်းကုန်အောင် ယုတ်မာတဲ့ အဆင့်ပဲ။ စစ်ပွဲတွေ ဖြစ်နေတဲ့ အချိန်မှာ စစ်ပွဲကို စစ်ပွဲလို မဆောင်ရွက်ဘဲနဲ့ လက်နက်အားကိုး၊ ဝေဟင်အားကိုးနဲ့ ရွာတွေကို ဖျက်ဆီးဖို့ပဲ ဦးတည်လာနေတာ။ ရွာတွေကို ဖျက်မယ် မီးရှို့မယ်။ မိတဲ့သူ ဖမ်းမယ် ပြီးရင် မဆိုင်လည်း သတ်မယ်။ လူထုကို ကြောက်လန့်စိတ်ဖြစ်အောင် လုပ်နေတာပေါ့" လို့ ဒေသခံတစ်ဦးက ဆိုပါတယ်။

စစ်အုပ်စုဟာ မနေ့က ဧပြီ(၂၄)ရက်ကလည်း ခင်ဦးနယ် ရွာသာရွာ‌ထဲ အကြမ်းဖက် စီးနင်းကာ ဒေသခံနှစ်ဦးကို သတ်ဖြတ်ပြီး နေအိမ်နှင့် စျေးဆိုင်တွေကို ဖောက်ထွင်းလုယက် ခိုးယူကာ မီးရှို့ဖျက်ဆီးပြီးနောက် ရွာက ပြန်အထွက်မှာ ကြက်နဲ့ ဝက် မွေးမြူရေးနှစ်ခြံကို မီးရှိုးခဲ့ပြီးနောက် ဆန်အိတ် ပိုင်း(၂၀)ကို ဓားပြတိုက်လုယက်ကာ ကားနဲ့တင် ယူသွားတယ်လို့ ဒေသခံတွေက ပြောပါတယ်။

စစ်အုပ်စုက အဲ့ဒီ မွေးမြူရေးခြံတွေကို ဓားပြတိုက်လုယက် မီးရှို့နေချိန်မှာ ရောင်နီပျောက်ကြားတပ်ဖွဲ့က စစ်အုပ်စုကို မိုင်းထောင်ဖောက်ခွဲဖို့ ကြိုးစားရင်း မတော်တဆ မိုင်းပေါက်ကွဲတဲ့အတွက် အသက်(၁၈)နှစ်အရွယ် ရဲဘော်တစ်ဦး မိုင်းထိ ကျဆုံးခဲ့ရတယ်လို့လည်း နီးစပ်သူတွေက ဆိုပါတယ်။

စစ်အုပ်စုဟာ ခင်ဦး၊ ရေဦး၊ တန့်ဆည်၊ ဒီပဲယင်း၊ ဝက်လက် စတဲ့ ရွှေဘိုခရိုင်ထဲက မြို့နယ်တွေအပါအဝင် စစ်ကိုင်းတိုင်းထဲက မြို့နယ်အများအပြားကို အင်တာနက်ဖြတ်တောက်ပြီး ကျေးရွာတွေကို အကြမ်းဖက် ဝင်ရောက် လုယက်ကာ နေအိမ်တွေကို မီးရှို့ဖျက်ဆီးတာ၊ ဒေသခံ အရပ်သား ပြည်သူတွေကို ဖမ်းဆီး နှိပ်စက်သတ်ဖြတ်တာ၊ ပြည်သူပိုင် ပစ္စည်းတွေကို ခိုးယူလုယက်တာတွေ ကျူးလွန်နေပါတယ်။

ခင်ဦးမြို့နယ်ထဲက နေအိမ်တွေကို စစ်အုပ်စု ဖောက်ထွင်းခိုးယူလုယက်ကာ မီးရှို့ဖျက်ဆီးသွားစဉ်/Photo – CJ

( Mandalay Free Press – MFP )

#မန္တလေး #စစ်ကိုင်း #ခင်ဦး #စစ်ဘေးရှောင် #ပြည်သူ #အရပ်သား

ရွှေဘိုခရိုင် မြေပြင်သတင်းစုံ

20/07/2023

21/01/2023

01/12/2022

30/11/2022

27/11/2022

04/11/2022

03/11/2022

03/11/2022

01/11/2022

01/11/2022

10/09/2022

30/04/2022

30/04/2022

30/04/2022

30/04/2022

29/04/2022

29/04/2022

28/04/2022

27/04/2022

27/04/2022

27/04/2022

26/04/2022

26/04/2022

25/04/2022

Address

Website

Alerts

Contact The Business

Shortcuts

Share

Category

Nearby media companies

Other Media/News Companies in Sagaing

You may also like