27/11/2025
SNN | KNU ထိန်းချုပ်ထားသော မင်းလက်ပံ ကျားဖြန့်ရုံထဲက ငွေအတုများ အသုံးပြုနေမှု စစ်ဆေးတွေ့ရှိ
မြ၀တီ၊နိုဝင်ဘာ ၂၇၊ ၂၀၂၅။
ကရင်အမျိုးသားအစည်းအရုံး (KNU) ထိန်းချုပ်ထားသည့် မင်းလက်ပံ ဒေသရှိ ကျားဖြန့်ရုံတစ်ခုတွင် ငွေစက္ကူ အတုများ ပလဲနေသည့် ရုပ်သံဖိုင်များ ထွက်ပေါ်လာခဲ့တာကြောင့် ဒေသခံများအကြား စိုးရိမ် မူဖြစ်ပေါ်စေခဲ့ပါတယ်။
အဆိုပါ ငွေစက္ကူများသည် ပြင်ပဈေးကွက်တွင် အသုံးမပြုနိုင်သည့် “ငွေအတု” လို့ သိရပြီး၊ ကျားဖြန့်ဒေသ ငွေလိမ်ဂိုဏ်း အလုပ်ရုံမှ လိမ်လည်သူများ အချင်းချင်း အသုံးပြုတာဖြစ်တယ်လို့ နီးစပ်သူတွေ ပြောဆိုချက် အရ သိရပါတယ်။
ဒေသတွင်း ကျားဖြန့် လုပ်ရပ်များကို အနီးကပ်သိကြသူထဲမှ တစ်ဦးက “ငွေတွေအတု ပလဲနေတာ မြင်လို့ မကောင်းဘူး။ သူတို့အချင်းချင်း အလုပ်ရုံအတွင်း သုံးကြတာလို့ ဆိုပေမယ့် ဒီငွေတွေကို အပြင်လောက ရောက် လာမှာစိုးရိမ် မိတယ်။ သူတို့ထဲက လိမ်ပြီး သုံးတတ်ကြတာ” ဟု ပြောပါတယ်။
အဆိုပါ ကျားဖြန့်ကမ္ဘာမှာတော့ သူတို့ အတွက် ဒီငွေတွေက စိန်၊ရွှေ၊ငွေ၊ကား မိန်းမ အကုန်ဝယ်လို့ ရတယ် လူတွေဆီက လိမ်ပြီး ရလာတဲ့ အကျိုးအမြတ်တွေပဲ ဖြစ်တယ် ဆိုပြီး AAC ကိုရဲမင်းက ၎င်းရဲ့ လူမူကွန်ရက်စာမျက်နှာက တဆင့် ထုတ်ဖော် ပြောဆိုထားပါတယ်။
ဤအမှုနှင့် ပတ်သက်ပြီး နောက်ထပ် ထူးခြားသတင်း အချက်အလက်များ ထုတ်ဖော်မည့် အကြောင်းအရာ များကိုလည်း ၎င်းက “နောက်ဆက်တွဲတွေ ထွက်မယ်” ဟု ရေးသားထားပါတယ်။
ကရင်ပြည်နယ် မြဝတီမြို့နယ် မင်းလက်ပံကျေးရွာအနီးရှိ DKBA ၏ ဗိုလ်သခွားသီးပိုင် ကျားဖြန့်ငွေလိမ်ဂိုဏ်း အလုပ်ရုံကို KNLA မဟာမိတ်တပ်ဖွဲ့က နိုဝင်ဘာ ၂၁ ရက်နေ့ ညနေပိုင်းတွင် ဝင်ရောက်စီးနင်းခဲ့ပြီးအလုပ်ရုံကို လုံခြုံရေးပေးထားသည့် DKBA အဖွဲ့ဝင် တပ်သား ၂၀ ဦးကို ထိန်းသိမ်းခဲ့သလို လက်နက် စုစု ပေါင်း ၁၇၆ လက်ကိုလည်း KNLA ဖက်က သိမ်းဆည်းယူနိုင်ခဲ့တယ်လို့ သိရပါတယ်။
ရုပ်သံ-ရဲမင်း(A A C)
# KNU #ထိန်းချုပ် #မင်းလက်ပံ # ကျားဖြန့်ရုံ #ငွေအတုများ # အသုံးပြုနေမှု #စစ်ဆေး #တွေ့ရှိ # ゚viralシalシ
