Opinions and Thoughts

23/09/2025

Speakingလေ့ကျင့်ရင်း အထွေထွေဗဟုသုတလဲရ

Intermediate နဲ့ Upper Intermediate Level ကျောင်းသားများအတွက် နိုင်ငံခြားသွားရောက်ရာတွင်အထောက်အကူပြုစေဖို့ Talking Social Studies ဆိုတဲ့အတန်းလေးကို မိတ်ဆက်ပေးလိုက်ပါတယ်။

Social Studies ဆိုတာက ဘာလဲ?
Social Studies ဆိုတာ လူ့အဖွဲ့အစည်း၊ သဘာဝပတ်ဝန်းကျင်၊ စီးပွားရေး၊ ပထဝီဝင်၊ သမိုင်း၊ နီတိ (Civics) နဲ့ ကျင့်ဝတ်(Ethics) အကြောင်းကို လေ့လာတဲ့ ဘာသာရပ်တစ်ခု ဖြစ်ပါတယ်။

သင်ကြားရခြင်းရဲ့ အဓိက ရည်ရွယ်ချက်က လူမှုအဖွဲ့အစည်းနဲ့ လူ့အသိုင်းအဝိုင်းကို နားလည်စေပြီး မိမိ လူမှုပတ်ဝန်းကျင်အတွက် ပိုမိုကောင်းမွန်တဲ့ အကျိုးပြုမှုများ ရရှိစေဖို့ဖြစ်ပါတယ်။

ဘယ်လိုကျောင်းသားတွေ တက်ရောက်သင့်လဲ...
English Language နဲ့အတူ ပိုမိုကျယ်ပြန့်တဲ့ Social Skills အပြင် ဗဟုသုတ အသစ်သစ်များ လေ့လာသင်ယူလိုသူတွေ၊ နိုင်ငံရပ်ခြားမှာ ကျောင်းတက်ရောက်လိုသူတွေ၊ အထက်တန်း သို့မဟုတ် အထက်တန်းအောင်မြင်ပြီးသူတွေ၊ GED Exam အတွက် ပြင်ဆင်နေသူတွေ အတွက်သင့်တော်ပါတယ်။

Social Studies အတန်းသစ်လေးကတော့ October လ ၄ ရက်နေ့မှာ စတင်ပါမယ်။
Speaking လဲတိုးတက်မယ်၊ စီးပွါးရေး၊လူမှု့ရေးနဲ့ အထွေထွေဗဟုသုတတွေလဲရမှာမို့အခုပဲစာရင်းပေးသွင်းလိုက်ပါ။

16/09/2025

New Episode!
YouTube မှာကြည့်လို့ရပါပြီ!

In this episode we talk about super foods, our favorite foods, fasting and the danger of sugar and processed foods.Follow us on TikTok : https://www.tiktok.c...

28/08/2025

26/08/2025

WWE ကြိုက်ကြလား
ကျနော်တော့ တော်တော်ကြိုက်တယ်
တကယ့် pure entertainment, pure escapismပဲ

26/08/2025

Super Food!! ကျနော်တို့ episode အသစ်က short clip ၁ခုပါ။

25/08/2025

🔎 လိုချင်တာရပေမဲ့ ဘာကြောင့် စိတ်ကျေနပ်မှုမရသလဲ?

ဘဝဖြစ်တည်မှုရဲ့ အဓိပ္ပာယ်ကို ရှာဖွေတဲ့ ဒဿနိကဗေဒ(existentialism)ရဲ့ ဖခင်ကြီးလို့ တင်စားခေါ်ဝေါ်ကြတဲ့ ဆိုရန် ကိုင်ရ်ကီဂတ် (Søren Kierkegaard) ဆိုတာ စာအုပ်ထဲမှာပဲ နေတဲ့ ပညာရှင်ကြီးတစ်ယောက် မဟုတ်ပါဘူး။ သူဟာ ဒီနေ့ ကျနော်တို့ တွေ့ကြုံခံစားနေရတဲ့ စိတ်ရဲ့ မတည်ငြိမ်မှု၊ ဂနာမငြိမ်ဖြစ်မှုတွေနဲ့ ကိုယ်တိုင် နပန်းလုံးခဲ့တဲ့သူတစ်ယောက်ပါ။

လူသားတွေဟာ အရှိတရားနှစ်ခုကြားမှာ အမြဲညပ်နေတယ်ဆိုတာကို သူကောင်းကောင်းနားလည်ခဲ့တယ်။ တစ်ဖက်မှာ ကျနော်တို့ရဲ့ ခန္ဓာကိုယ်ဟာ နုနယ်ပျက်စီးလွယ်တယ်၊ နေထိုင်ရမယ့် ရက်တွေကအကန့်အသတ်နဲ့၊ ရှိတဲ့စွမ်းအင်ကလည်း ကုန်ဆုံးသွားမှာ။ ဒါပေမဲ့ ကျနော်တို့ အတွင်းစိတ်ထဲမှာတော့ ဘယ်တော့မှ မကုန်ဆုံးနိုင်တဲ့ ဆာလောင်မှုတစ်ခု ရှိနေတယ် - အကန့်အသတ်မရှိတဲ့ အချစ်၊ ဘယ်တော့မှ မမှေးမှိန်သွားမယ့် အသိအမှတ်ပြုမှု၊ ဘယ်တော့မှ မကုန်ခမ်းနိုင်တဲ့ အမှန်တရားတွေကို တောင့်တနေကြတယ်။

ကျနော်တို့ရဲ့ အကန့်အသတ်တွေနဲ့ ကျနော်တို့ရဲ့ အိပ်မက်တွေကြားက ဒီတိုက်ပွဲဟာ မတော်တဆဖြစ်လာတာ မဟုတ်ပါဘူး။ ဒါဟာ လူသားတစ်ယောက်ဖြစ်ရခြင်းရဲ့ အခြေခံအကျဆုံး ဖွဲ့စည်းပုံပဲ။ ဒါကြောင့်လည်း "လိုချင်တပ်မက်စိတ်" ဆိုတာ နောက်ဆုံးမှာ "ခံစားမှုဝေဒနာ" အဖြစ် ပြောင်းလဲသွားရတာပါ။

📌 လိုချင်စိတ်နဲ့ စိတ်မတည်ငြိမ်မှုရဲ့ သဘာဝ

လိုချင်စိတ်ဆိုတာ ရိုးရှင်းတယ်လို့ ထင်ရတယ်။ တစ်ခုခုကို လိုချင်တယ်၊ အဲဒါကို လိုက်တယ်။ ဒါပေမဲ့ ကိုင်ရ်ကီဂတ်က ဒီလိုမမြင်ခဲ့ဘူး။ လိုချင်စိတ်ဆိုတာက လိုချင်ရုံသက်သက်မဟုတ်ဘူး။ ဘယ်တော့မှ မကျက်နိုင်တဲ့ အနာတစ်ခု လိုပဲတဲ့။

ကျနော်တို့က ထာဝရတည်မြဲမှုကို တောင့်တပေမယ့် ဘဝက ကျနော်တို့ကို ခဏတာ အခိုက်အတန့်လေးတွေပဲ ပေးတယ်။ ကျနော်တို့က ပြည့်စုံမှုကို တောင့်တပေမယ့် ဘဝက ကျနော်တို့ကို အစအန အပိုင်းအစလေးတွေပဲ ပေးတယ်။ ဒီလိုတင်းအားတွေကနေ Anguish (စိုးရိမ်ပူပန်မှု ဒါမှမဟုတ် စိတ်မတည်ငြိမ်မှု) လို့ခေါ်တဲ့ စိတ်အခြေအနေတစ်မျိုးကို မွေးဖွားပေးတယ်။ ကြောက်ရွံ့ခြင်း (fear) က တိကျတဲ့အရာတစ်ခုကို ညွှန်ပြပေမယ့်၊ ဒီစိတ်မတည်ငြိမ်မှုက ဘာမှန်းအတိအကျ ပြောလို့မရဘူး။ ဥပမာ၊ မနက်သုံးနာရီလောက်မှာ ဘာအကြောင်းပြချက်မှ မရှိဘဲ နိုးလာပြီး ခံစားရတဲ့ အဲဒီမွန်းကျပ်မှုမျိုးပေါ့။

ကိုယ်ဟာ ဘဝပေါင်းများစွာ နေထိုင်နိုင်တဲ့ ဖြစ်နိုင်ခြေတွေရှိပေမယ့် ဘဝတစ်ခုတည်းကိုပဲ ရွေးချယ်ရမယ်ဆိုတာ သိလိုက်ရတဲ့အခါ ခံစားရတဲ့ မူးဝေမှုမျိုးလည်း ဟုတ်တယ်။ ကိုင်ရ်ကီဂတ်က ဒါကို "လွတ်လပ်မှုကြောင့် မူးဝေခြင်း (the dizziness of freedom)" လို့ခေါ်တယ်။ ကိုယ်ရွေးချယ်လိုက်တဲ့ လမ်းတစ်ခုက တခြားဖြစ်နိုင်ခြေပေါင်းများစွာကို အလိုလို ပိတ်ပစ်လိုက်တာပဲ။ လိုချင်စိတ်က ဒီဟာနေတဲ့ကွက်လပ်ကို ဖြည့်ပေးမယ်လို့ ကတိပေးပုံရပေမယ့် ဘယ်တော့မှ မဖြည့်ပေးနိုင်ဘူး။ ဘာလို့လဲဆိုတော့ အကန့်အသတ်ရှိတဲ့ အရာတစ်ခုက အဆုံးမရှိတဲ့ တောင့်တမှုကို ဘယ်တော့မှ မထိန်းသိမ်းထားနိုင်လို့ပဲ။

📌 မျှော်လင့်ချက်မဲ့ခြင်းရဲ့ မျက်နှာစာများ

ဒီပဋိပက္ခကနေ Despair (မျှော်လင့်ချက်မဲ့ခြင်း) ဆိုတာ ဖြစ်လာတယ်။ ကိုင်ရ်ကီဂတ်ရဲ့အမြင်မှာ ဒါဟာ တွေ့ရခဲတဲ့အရာမဟုတ်ဘဲ လူတိုင်းနီးပါးရဲ့ သာမန်ဘဝတွေအောက်မှာ ပုန်းကွယ်နေတဲ့ အရာတစ်ခုပဲ။ သူက ဒီ despairရဲ့ ပုံစံသုံးမျိုးကို ဖော်ပြခဲ့တယ် -
၁။ မသိစိတ်ထဲက မျှော်လင့်ချက်မဲ့ခြင်း - ကိုယ့်အတွင်းက ဟာနေတဲ့ခံစားချက်ကို ဘယ်တော့မှ ရင်မဆိုင်ဘဲ အပျော်အပါးတွေ၊ အလုပ်တွေနဲ့ပဲ အချိန်ကုန်နေတဲ့သူတွေ။

၂။ သိပေမယ့် မတတ်နိုင်တဲ့ မျှော်လင့်ချက်မဲ့ခြင်း - တစ်ခုခုမှားနေမှန်း သိပေမယ့် ကိုယ်မလွန်ဆန်နိုင်တဲ့ ပုံစံခွက်ထဲမှာ ပိတ်မိနေတယ်လို့ ခံစားရတဲ့သူတွေ။

၃။ စိန်ခေါ်တွန်းလှန်တဲ့ မျှော်လင့်ချက်မဲ့ခြင်း - ကိုယ့်ရဲ့ ပင်ကိုယ်စရိုက်အမှန်ကို ငြင်းပယ်ပြီး လုံးဝမတူတဲ့ တခြားတစ်ယောက် ဖြစ်ချင်နေတဲ့သူတွေ။

ဒီပုံစံအားလုံးဟာ လိုချင်စိတ်ကိုပဲ အစာအာဟာရအဖြစ် မှီခိုနေကြတယ်။ ပထမအမျိုးအစားမှာ လိုချင်စိတ်က လူတွေကို အာရုံလွှဲထားပေးတယ်။ ဒုတိယအမျိုးအစားမှာ လိုချင်စိတ်က သူတို့ရဲ့ ကျရှုံးမှုကို အမြဲတမ်း ပြန်သတိပေးနေတယ်။ တတိယအမျိုးအစားမှာတော့ လိုချင်စိတ်က သူတို့ကို ကိုယ့်ကိုယ်ကိုယ်နဲ့ ပိုပြီးဝေးရာကို တွန်းပို့နေတယ်။

📌 ဘာကြောင့် ပြည့်စုံကျေနပ်မှုဆိုတာ လက်တစ်လုံးခြားမှာ ပျောက်ကွယ်သွားရသလဲ

ဒီခံစားချက်ကို ကျနော်တို့အားလုံး သိပါတယ်။ လိုချင်တဲ့အရာတစ်ခုကို မပိုင်ဆိုင်ခင်မှာ အဲဒီအရာက အရမ်းကို တောက်ပပြီး မျှော်လင့်ချက်တွေ ပေးထားတယ်။ ဒါကိုရလိုက်ရင် အရာအားလုံး ပြောင်းလဲသွားမှာပဲလို့ စိတ်ကူးယဉ်ကြတယ်။ အလုပ်သစ်၊ အိမ်သစ်၊ ချစ်သူအသစ်က ကိုယ့်ဘဝရဲ့ ပျောက်ဆုံးနေတဲ့ အပိုင်းအစတစ်ခုလိုပဲ။

ဒါပေမဲ့ တကယ်တမ်း အဲဒါကို ပိုင်ဆိုင်လိုက်တဲ့အခါမှာတော့ အဲဒီတောက်ပမှုတွေ မှေးမှိန်သွားရော။ မကြာခင်မှာပဲ ကိုယ့်စိတ်က နောက်ထပ်ပစ်မှတ်တစ်ခုဆီကို ရောက်သွားပြန်တယ်။ လိုချင်စိတ်ဆိုတာ "မရှိခြင်း" အပေါ်မှာ ရှင်သန်တာ၊ "ရှိခြင်း" အပေါ်မှာ မဟုတ်ဘူး။ သူဟာ "မျှော်လင့်စောင့်စားခြင်း" ကို အစာစားတာ၊ "ပြည့်စုံခြင်း" ကို မဟုတ်ဘူး။

ခေတ်သစ်လူနေမှုဘဝက ဒီပြဿနာကို ပိုလို့တောင် ဆိုးစေတယ်။ ကြော်ငြာတွေ၊ သုံးစွဲသူယဉ်ကျေးမှု (consumer culture) နဲ့ ဆိုရှယ်မီဒီယာတွေအားလုံးဟာ ကျေနပ်မှုမရှိခြင်းကို ဖန်တီးထုတ်လုပ်ပြီး ရှင်သန်ကြီးထွားနေကြတာ။ ကြော်ငြာတိုင်း၊ ဖန်သားပြင်ပေါ်က သေချာတည်းဖြတ်ထားတဲ့ ပုံရိပ်တိုင်းက "မင်းဘဝက မလုံလောက်သေးဘူး" ဆိုတဲ့ သတင်းစကားကို တိုးတိုးလေး ပြောနေကြတယ်။ တခြားသူတွေရဲ့ သေချာပြင်ဆင်တည်းဖြတ်ထားတဲ့ ဘဝတွေနဲ့ ကိုယ့်ကိုယ်ကိုယ် နှိုင်းယှဉ်လိုက်တဲ့အခါ ဒီကွာဟချက်က ပိုပြီးကြီးမားလာတယ်။ အရင်းရှင်စနစ် (Capitalism) ကိုယ်တိုင်က ဒီသံသရာပေါ်မှာ မူတည်နေတာ။ တကယ်လို့သာ လူတွေအားလုံးက အမှန်တကယ် ကျေနပ်ရောင့်ရဲသွားကြရင် ဒီစနစ်ကြီးတစ်ခုလုံး ပြိုလဲသွားမှာပဲ။ ကျနော်တို့ကို အမြဲတမ်း ဆာလောင်နေအောင် လုပ်ထားခြင်းအားဖြင့်ပဲ သူရှင်သန်နေတာ။

📌 ခဏတာ ပျော်ရွှင်မှုလား၊ အဓိပ္ပာယ်ရှိခြင်းလား

ကိုင်ရ်ကီဂတ်က ခဏတာပျော်ရွှင်မှု (Pleasure) နဲ့ အဓိပ္ပာယ် (Meaning) ကို မရောထွေးဖို့ သတိပေးခဲ့တယ်။ "ပျော်ရွှင်မှု"က ချက်ချင်းရတယ်။သူက အာရုံခံစားမှုသက်သက်ဖြစ်ပြီး ခဏလေးနဲ့ ပျောက်ကွယ်သွားတယ်။ ထပ်ခါထပ်ခါ အသစ်ဖြစ်နေအောင် လုပ်ပေးရပြီး နောက်ဆုံးမှာ ဟာတာတာခံစားချက်ကိုပဲ ချန်ထားခဲ့တတ်တယ်။

“အဓိပ္ပာယ်” ကတော့ ဘဝကို အလုံးစုံ ညီညွတ်မျှတစေတယ်။ အတွေ့အကြုံတွေကို တစ်ခုနဲ့တစ်ခု ဆက်စပ်ပေးပြီး ပြီးပြည့်စုံတယ်လို့ ခံစားရတဲ့ ဇာတ်လမ်းတစ်ပုဒ်ဖြစ်အောင် ချည်နှောင်ပေးတဲ့ ကြိုးတစ်ချောင်းလိုပဲ။ ခဏတာပျော်ရွှင်မှုက အဲဒီအခိုက်အတန့်ကို ချိုမြိန်စေနိုင်ပေမယ့် စိတ်ဝိညာဉ်ကို အာဟာရမပေးနိုင်ဘူး။ "လူအများစုဟာ ပျော်ရွှင်မှုကို အသက်ရှူရပ်လောက်အောင် အသည်းအသန်လိုက်ကြရင်းနဲ့ အဲဒီပျော်ရွှင်မှုကို ကျော်သွားကြတယ်" လို့ ကိုင်ရ်ကီဂတ်က ရေးခဲ့တယ်။ တကယ့်ပျော်ရွှင်မှုဆိုတာ သာယာမှုတွေကို ခံစားနေရုံနဲ့မရဘူး၊ တည်မြဲတဲ့အရာတစ်ခုနဲ့ ကိုယ့်ကိုယ်ကိုယ် ချိန်ညှိကိုက်ညီအောင် နေထိုင်ခြင်းကနေ ရလာတာလို့ သူကဆိုပါတယ်။

📌 တခြားတစ်ယောက် ဖြစ်ချင်တဲ့ လိုအင်ဆန္ဒ

အနာကျင်ရဆုံး လိုချင်စိတ်တွေထဲကတစ်ခုကတော့ လုံးဝမတူတဲ့ တခြားတစ်ယောက် ဖြစ်ချင်တဲ့ ဆန္ဒပဲ။ လူတော်တော်များများက ပျော်ရွှင်မှုဆိုတာ တခြားခန္ဓာကိုယ်တစ်ခု၊ တခြားမိသားစုတစ်ခု၊ တခြားနေရာတစ်ခုမှာပဲ ရှိတယ်လို့ ထင်မြင်နေကြတယ်။ ကိုင်ရ်ကီဂတ်က ဒါကို "ကိုယ့်ကိုယ်ကိုယ် သစ္စာဖောက်ခြင်း" လို့ခေါ်တယ်။ ဒါဟာ ပင်လယ်ရဲ့ နက်ရှိုင်းမှုကို ရှာဖွေမယ့်အစား ပျံသန်းဖို့ ကြိုးစားနေတဲ့ ငါးတစ်ကောင်နဲ့တူတယ်။ ဝမ်းနည်းစရာကောင်းတာက စိတ်ကူးယဉ်အိပ်မက်တွေကို လိုက်ဖမ်းနေရင်းနဲ့ သူတို့မှာ တကယ်ရှိတဲ့ တစ်ခုတည်းသော ဖြစ်နိုင်ခြေဖြစ်တဲ့ "စစ်မှန်တဲ့ကိုယ့်ကိုယ်ကိုယ် ဖြစ်လာဖို့"(becoming who you are )ဆိုတဲ့ အခွင့်အရေးကို လွဲချော်သွားကြတာပဲ။

📌 လိုချင်စိတ်ကို လမ်းကြောင်းပြောင်းခြင်း

ကိုင်ရ်ကီဂတ်က လိုချင်စိတ်ကို လုံးဝဖယ်ရှားပစ်ဖို့ မပြောခဲ့ဘူး။ လိုချင်စိတ်ဆိုတာ သဘာဝကျပြီး လိုအပ်တဲ့အရာတစ်ခုပါ။ လုပ်ရမှာက အဲဒါကို လမ်းကြောင်းမှန်ပေါ် ပြောင်းပေးဖို့ပဲ။

လိုချင်စိတ်ကို မြစ်တစ်စင်းလို့ မြင်ကြည့်ပါ။ ပိတ်ဆို့ထားရင် ဖိအားတွေများလာပြီး နောက်ဆုံးမှာ ပျက်စီးခြင်းကိုပဲ ကြုံရလိမ့်မယ်။ လမ်းကြောင်းမှန်ပေါ်ကို လွှဲပေးလိုက်ရင်တော့ သူက သက်ရှိတွေကို အသက်ဆက်စေတယ်။
✅ သူတစ်ပါးရဲ့ အသိအမှတ်ပြုမှုကို လိုက်ရှာမယ့်အစား ကိုယ့်ရဲ့ ကိုယ်ကျင့်တရားခိုင်မာမှု (Integrity) ကို ရှာဖွေနိုင်တယ်။
✅ ပစ္စည်းဥစ္စာတွေကို တပ်မက်မယ့်အစား အများအကျိုးအတွက် ပေးဆပ်ကူညီမှု (Contribution) ကို လိုလားတောင့်တနိုင်တယ်။
✅ အဆုံးမရှိတဲ့ သာယာမှုတွေနောက်ကို လိုက်မယ့်အစား အဓိပ္ပာယ် (Meaning) ကို လိုက်ရှာနိုင်တယ်။

တကယ်တမ်း အတွင်းအကျဆုံးအဆင့်မှာတော့ လိုချင်စိတ်ဆိုတာ အရာဝတ္ထုတွေအတွက် မဟုတ်ဘဲ အဆုံးမရှိတဲ့အရာတစ်ခု (the infinite) အတွက်ဖြစ်တယ်။

ကျနော်တို့ဟာ အချိန်နဲ့ သေခြင်းတရားရဲ့ တစ်ဖက်မှာရှိတဲ့ အရာတွေကို တောင့်တနေကြတာ။ ဘုရားသခင်၊ အမှန်တရား၊ ဒါမှမဟုတ် သာမန်ထက် သာလွန်တဲ့အရာတစ်ခုခုကို ရှာဖွေနေကြတာပဲ၊ အဲဒါကို အမည်တပ်ပြီး မခေါ်ရင်တောင်မှပေါ့။ အမှားကတော့ ဒီဆာလောင်မှုကို ခဏတာ အစားထိုးပစ္စည်းတွေနဲ့ ဖြည့်ဖို့ကြိုးစားနေတာပဲ။ အကန့်အသတ်ရှိတဲ့ ဘယ်အရာကမှ အဆုံးမရှိတဲ့ တောင့်တမှုကို မကျေနပ်စေနိုင်ဘူး။ ဒီအမှန်တရားကို လက်ခံလိုက်နိုင်ပြီဆိုရင် လိုချင်စိတ်ကို အနုပညာ၊ အချစ်၊ အများအကျိုးဆောင်ခြင်း၊ အသိပညာ၊ ဒါမှမဟုတ် ယုံကြည်မှုဆီကို လမ်းကြောင်းလွှဲပေးလို့ရပြီ။ ဆိုလိုတာက ကျနော်တို့ကို ဟာတာတာဖြစ်စေမယ့်အရာတွေဆီကနေ ကျနော်တို့ကို အာဟာရဖြစ်စေမယ့်အရာတွေဆီကိုပေါ့။

📌 ဒီဝိရောဓိနဲ့အတူ ရှင်သန်နေထိုင်ခြင်း

ကိုင်ရ်ကီဂတ် ပေးခဲ့တဲ့ အခက်ခဲဆုံး အမှန်တရားကတော့ ဒီကွဲလွဲမှု့ကြီးက ဘယ်တော့မှ ပျောက်ကွယ်သွားမှာ မဟုတ်ဘူးဆိုတာပါပဲ။ ကျနော်တို့ဟာ အဆုံးမရှိတဲ့ လိုအင်ဆန္ဒတွေနဲ့ ပြည့်နေတဲ့ အကန့်အသတ်ရှိတဲ့ သတ္တဝါတွေအဖြစ် အမြဲတမ်း ရှင်သန်နေရမှာပဲ။ ဒါဟာ ပြင်ဆင်ရမယ့် ချို့ယွင်းချက်တစ်ခုမဟုတ်ဘဲ အတူတကွ ရှင်သန်နေထိုင်ရမယ့် အခြေအနေတစ်ခုသာ ဖြစ်တယ်။ အဓိကမေးခွန်းက ဘယ်လိုရှင်သန်မလဲ ဆိုတာပဲ။

ဂီတသမားတစ်ယောက်က ကြိုးရဲ့တင်းအားကိုသုံးပြီး သာယာတဲ့တေးဂီတကို ဖန်တီးသလို၊ ကျနော်တို့လည်း လိုချင်စိတ်ရဲ့တင်းအားကိုသုံးပြီး စစ်မှန်တဲ့ဘဝ (Authenticity) ကို ဖန်တီးနိုင်တယ်။ ဝေဒနာခံစားရခြင်းကိုယ်တိုင်က ဆရာတစ်ယောက် ဖြစ်လာနိုင်တယ်။ သူက ကျနော်တို့ကို အပေါ်ယံ အာရုံလွှဲစရာတွေနဲ့ ပိုနက်ရှိုင်းတဲ့ ရည်ရွယ်ချက်တွေကို ခွဲခြားမြင်တတ်အောင် တွန်းအားပေးနိုင်တယ်။

ကျနော်တို့ပတ်ဝန်းကျင်က ကမ္ဘာကြီးဟာ ပုံရိပ်တိုင်း၊ ကြော်ငြာတိုင်းကနေ ကျေနပ်မှု(Pleasure)ကို ရောင်းချနေကြတယ်။ ဒါပေမဲ့ ကိုက်ရ်ကီဂတ်က ကျနော်တို့ကို သတိပေးနေတာကတော့ ကျေနပ်မှု(Pleasure)မရှိခြင်းဟာ ကျရှုံးခြင်းမဟုတ်ဘူး ဆိုတာပါပဲ။ ဒါဟာ ကျနော်တို့ဟာ ပစ္စည်းတွေသုံးစွဲဖို့၊ ယှဉ်ပြိုင်ဖို့ထက် ပိုပြီး မြင့်မြတ်တဲ့အရာတွေအတွက် ရည်ရွယ်ဖန်တီးခံထားရတယ်ဆိုတဲ့ လက္ခဏာတစ်ခုပဲ။
"မျှော်လင့်ချက်မဲ့ခြင်းရဲ့ အဖြစ်အများဆုံးပုံစံကတော့ ကိုယ်ဟာကိုယ် မဟုတ်ဘဲနေခြင်းပဲ" လို့ သူရေးခဲ့တယ်။

ဒီအမှန်တရားကို လက်ခံလိုက်ခြင်းဟာ လွတ်မြောက်မှုရဲ့အစပဲ။ လိုချင်စိတ်နဲ့အတူ ရှင်သန်နေထိုင်တတ်သွားခြင်းဟာ ဝေဒနာကနေ ထွက်ပြေးတာမဟုတ်ဘဲ အဲဒီဝေဒနာကိုပဲ ကြီးထွားဖွံ့ဖြိုးမှုအတွက် မြေခံအဖြစ် ပြောင်းလဲလိုက်တာပါပဲ။

31/03/2025

An armed resistance movement against Myanmar's military-run government criticised the junta on Sunday for conducting airstrikes on villages even as the country reels from an earthquake that has killed around 1,700 people.
The Karen National Union, one of Myanmar's oldest ethnic armies, said in a statement the junta "continues to carry out airstrikes targeting civilian areas, even as the population suffers tremendously from the earthquake".

The group said that under normal circumstances, the military would be prioritising relief efforts, but instead is focused on "deploying forces to attack its people".

A spokesman for the junta did not reply to queries from Reuters about the criticism.

Myanmar has been locked in civil war with multiple armed opposition groups since a 2021 coup when the military seized power from the elected government of Nobel Peace Prize laureate Aung San Suu Kyi.

Shortly after Friday's devastating earthquake, military jets launched airstrikes and drone attacks in Karen state, near the KNU headquarters, according to the Free Burma Rangers, a relief organisation. Singapore's Foreign Minister Vivian Balakrishnan called for an immediate ceasefire to help aid distribution, following a virtual meeting with his ASEAN counterparts on the disaster.



Full story link is in the first comment