Silver Gong

18/01/2024

မြတ်စွာဘုရားရှင် တဒေသမှတဒေသခရီးသွား
ရာ၌ ကြုံရာလမ်းအနီးအနားအိမ်တအိမ်အိမ်
တွင်ညအိပ်တဲခိုသည့်အခါ၌လည်း အိမ်ရှင်က
လိုက်လျောပေးကမ်းသည့် အကောင်းဆုံးနေ
ရာ အိမ်ဦးခန်းတို့ကိုငြင်းဆန်ကာ အိမ်နောက်ဖက် အရေးမပါလှသော ရုံလွတ်တခုခုကိုသာ
ရွေးချယ်တဲခိုလေ့ရှိကြောင်းလေ့လာဖတ်ရှုဖူး
သည်။ ဆန့်စဥ်းစားကြည့်လျှင် ပေးတိုင်းမယူ
ကျွေးတိုင်းမစား လိုအပ်ရုံ မျှတရုံလောက်
နှင့်နှိမ့်ချခြိုးခြွံ ပြုမူနေထိုင်သွားခြင်းဟုနား
လည်ရပါသည်။ သို့နှင့်ကြည်ညိုလေးစား၍
မကုန်ဖြစ်ရပါသည်။ ဤစံဤပေတံနှင့်ယခု
ခေတ် ဘုန်းကြီး၊သံဃာတို့ကို ယှဥ်ကြည့်သော
အခါ မှီသောပုဂ္ဂိုလ်များရှားပါးနေသည်။
ပေါများစေလိုပါသည်။

ဆရာတော် သက်တော် ၇၄နှစ် ရှိပြီ။ ပြောရရင် တနိုင်ငံလုံးကလေးစားကြည်ညိုနေတဲ့အချိန်
wwwwwwwwwwwwwwwwwwwwwwwwwww

ဆရာတော်က ကိစ္စတခုနဲ့ ရန်ကုန်ကို ရောက်လာတယ်။ အလာတုန်းကတော့ လေယာဥ်နဲ့ လာခဲ့တယ်။ ကိစ္စပြီးတော့ အပြန်မှာ ပြွန်တန်ဆာနဲ့ တောင်ငူကို ဝင်စရာ ရှိတာနဲ့ ရထားနဲ့ သွားဖို့ စီစဥ်ခိုင်းတယ်။

သူ့ ဒကာတွေက “ရထားနဲ့ မသွားပါနဲ့ ဘုရား၊ ပင်ပန်းပါတယ်၊ ကားစီစဥ်ပေးပါ့မယ်” လို့ လျှောက်ကြတယ်။

သူက သူချမ်းသာဖို့ အတွက် အကုန်အကျ မခံနဲ့လို့ တားတယ်။ ဒကာတွေကလည်း မလျှော့ဘူး။ အကုန်အကျနည်းအောင် အစိုးရဆီကနေ ကားကြီးငှားမယ်၊ သူတို့လည်း လိုက်မယ်၊ ဒါဆိုရင် ကုန်ကျစရိတ်လည်း သက်သာမယ်၊ ဆရာတော်လည်း မပင်ပန်းဘူး ဆိုပြီး လျှောက်ပြန်တယ်။

အဲဒီအခါမှာ သူက အကုန်အကျ ထက် အရေးကြီးတဲ့ အကြောင်းတခု ရှိတယ် ဆိုပြီး ဒီလိုပြောတယ်။

“ယခုခေတ်မှာ ဒကာ - ဒကာမ အသိုင်းအဝိုင်းပြပြီး လူပြိန်းတွေ အထင်ကြီးအောင် ဟန်ဆောင်နေတဲ့ ပုဂ္ဂိုလ်တွေ အတော်များနေတယ်။ သူတို့ ရောက်တဲ့ နေရာမှာ အကြိုအဆို မများ-များအောင် ကိုယ်တိုင်ရော၊ အတွင်း ဒကာ - ဒကာမ များရော အလွန် ကြိုးစားကြတယ်။ ထို အသိုင်းအဝိုင်း ကြီးကျယ်မှုကြောင့် ပညာနည်းတဲ့ လူတစုကလဲ ရောယောင်လိုက်လာကြတယ်။

တပည့်တော် ကိုယ်တိုင် အဲဒီပုဂ္ဂိုလ်မျိုး ဖြစ်သွားရင်၊ နောင်လာ နောက်သားတို့ တချို့က တပည့်တော် အလုပ်ကို အတုလိုက်ပြီး အဲဒီလို အသိုင်းအဝိုင်း များအောင် လုပ်ရစ်ကြလိမ့်မယ်။ အဲဒီ နောင်လာ နောက်သားတို့ အတုလိုက် မှားမှာ စိုးတာကြောင့် အခုလို ခမ်းခမ်းနားနား စီစဥ်မှုကို မလိုက်လျောနိုင်ကြောင်း ပြောရပါတယ်။” တဲ့။

အဲလို ငြင်းပြီး ဆရာတော်နဲ့ သူ့ကပ္ပိယ ရထားနဲ့ လိုက်သွားတယ်။ ရထားကလည်း နေရာ မရတော့ စာတိုက်တွဲမှာ စာတိုက်ဗိုလ်ကို အကူအညီတောင်းပြီး လိုက်ရတယ်။ စာတိုက်တွဲကလည်း ရေနံဆီဗုံးတွေ မှောင်ခိုသယ်လာတော့ ဆရာတော်မှာ ရေနံဆီဗုံးတွေ အလယ်မှာ ပါလာတဲ့ နှစ်ထပ်သင်္ကန်းကြီး ကို ခုံလေးပေါ် ခင်းပြီး ထိုင်ရတယ်။ အဲဒီမြင်ကွင်းကို စိတ်ကူးနဲ့ တွေးကြည့်ပါ။

မြန်မာပြည်မှာ အကျော်ကြားဆုံး ဆရာတော်ကြီးတပါးက နောင်လာနောက်သားတွေ အတုခိုးမှားမှာ စိုးလို့ ခမ်းခမ်းနားနား လိုက်ပို့တာကို ငြင်းပြီး ရေနံဆီဗုံးတွေကြားမှာ ထိုင်လိုက်သွားတာ။

အခုနေများ ဆရာတော်ကြီး သက်ရှိထင်ရှားရှိခဲ့ရင် ဘာလိုများ မိန့်တော်မူမလဲလို့ တွေးမိတယ်။

နောက်ဆုံးတော့ ဝယဓမ္မ သင်္ခါရာ လို့ပဲ ဆိုရတော့မှာပဲ။

အဲ့တာကတော့ မဟာဂန္ဓာရုံဆရာတော်ကြီးပါပဲ ၊

crd

22/12/2023

ယနေ့ ၁၆ပဲရည်အရောင်းအဝယ်
ပေါက်ဈေး သိပါရစေ။ကျေးဇူး။

25/10/2023

My beloved wife, Miss Thein Nu,
has healthily hit her 64th birthday in October this year. But I've no idea how long we'll be going together, loving each other, until the very
last minute of ours. I think I've had much satisfaction as I've got such a lovely and workoholic wife unlike others.

14/07/2023

ဓညဝတီနှင့်ချက်နို့ဆီ
၁၉၈၀စု နှစ်များတလျှောက်ဖွဲ့နုဆီနှင့်ကျော်သောပလာတာနှင့်ချက်နို့ဆီဖြင့်ဖျော်သောလဖက်ရည်
ကို အမျိုးသမီးစားပွဲထိုးဝန်ထမ်းများနှင့်တခေတ်
ဆန်းရောင်းချခဲ့သော စစ်တွေမြို့မှ ဓညဝတီ
စားသောက်ဆိုင်သည် မနက်တိုင်းလူပြည့်ကျပ်လျက်ရှိပါသည်။ လဖက်ရည်တခွက် တစ်ကျပ်
ပလာတာတချပ် တစ်ကျပ်။ အစိုးရဌာနတခုက
လဖက်ရည်ဆိုင်ဖွင့်ရောင်းချသည်ကို ယခုခေတ်
အမြင်နှင့်ကြည့်လျှင် လွန်စွာသေးနုပ်သကဲ့သို့
ဖြစ်နေလိမ့်မည်။ ညနေဖက်တွင်အရက် ဘီယာနှင့်
အမြည်းရောင်းသည်။ ဈေးကွက်တွင်ရွေးချယ်
စရာ မှတပါးအခြားမရှိသောပြည်တွင်းဖြစ်ကြီး
မန္တလေးဘီယာ မန္တလေးရမ် အိုးဘရမ်ဒီ စသည်
တို့ကိုအပြင်ဈေးထက်အများကြီးသက်သာသော
အစိုးရဈေးနှင့်ရောင်းပေး၍ စားသုံးသူများပြား
သည်။ တနေ့တာအရောင်းကိုအတိုင်းတာတခုထိ
ဟန်ပြရောင်းပြီး အပြင်သို့မှောင်ခိုထုတ်ရောင်း
ခြင်းဖြင့်တိုက်ရိုက်သက်ဆိုင်သူနှင့်အထက်လူကြီး
တို့လက်ဖျားငွေသီးနေကြသည်။
ပလာတာအကြောင်းပြန်ပြောရလျှင် ဂျုံကောင်းကို
ဖွဲ့နုဆီသန့်ကောင်းနှင့်ကျော်ထားသော်လည်း အထပ်
လိုက်အချပ်လိုက်ဖြစ်မနေဘဲ ဂျုံပြားတုံးကျော်
ဖြစ်နေခြင်းက ဂျုံပြားရိုက်ပြီးလိုအပ်သလောက်
ဆီကိုမထည့်ဘဲ ခိုခဲ့၍ဖြစ်နိုင်ဖွယ်ရှိသည်။ချက်နို့ဆီ
ဖြင့်ဖျော်သောလဖက်ရည်ကို ထိုခေတ်ထိုခါက
အထင်သေးတတ်ကြသော်လည်း ယခုခေတ်ဈေး
ကွက်ထဲမှနို့ဆီ နို့စိမ်းတို့နှင့်ယှဥ်ကြည့်ပါက အဟာရ
တန်ဖိုးအမှန်မြင့်မားကြောင်းအသိဖြင့် ပြန်လွမ်းမိ
သည်။ နို့တပေါက်မှမပါသော နို့ဆီ နို့စိမ်းများကို
မစူးစမ်း မဆင်ခြင် သောက်သုံးနေကြသောယခု
ခေတ်ပုဂ္ဂိုလ်များကို သနားမိသည်။
မနက် ၆နာရီ ၇နာရီမှစ၍ စားသုံးသူများတဖြေးဖြေး
ရောက်ရှိလာကာ ၈နာရီမှစ၍ကြိတ်ကြိတ်တိုးစည်
ကားလာသဖြင့် မိမိမှာလိုက်သောမုန့်နှင့်လဖက်
ရည်ကိုနာရီဝက်ခန့်အချိန်မပေးဘဲရဖို့မဖြစ်နိုင်။
ခင်ရာမင်ရာပေါင်းသင်းထားသော စပွဲထိုးများရှိ
ပေလို့သာ ကျော်တို့က၁ဝမိနစ်အကြာလောက်နှင့်
ရတတ်သည်။
စစ်တွေဒီကရီကောလိပ်မှ ဆရာများအုပ်စု၊ ရွှေညောင်ပင်လူကြီးမင်းများအုပ်စု နှင့်ကျော်တို့
အင်းဂလိပ်စကားပြောအုပ်စု နှင့်အခြားအခြား
သောနှစ်ယောက်စ သုံးယောက်စအုပ်စုများက
မနက်တိုင်း ဆူညံသံစဥ်တို့ကိုအစွမ်းကုန်ဖန်တီး
နေတတ်ကြသည်။ ဆိုင်ရှေ့လမ်းတဖက်ကညောင်
ပင်ကိုအခြေပြုလျက် နိုင်ငံရေး စီးပွားရေး
အရေးပေါင်းများစွာကို လာရောက်စုဝေးပြောဆို
ငြင်းခုံကြသူတို့ကိုချစ်စနိုးဖြင့် ရွှေညောင်ပင်ဘော်
ဒါအုပ်စုဟုသမုတ်လေ့ရှိခဲ့သည်။
ဓညဝတီသည် လဖက်သောက်ရင်းအထွေထွေခံ
စားချက်များဖွင့်ဟရာနေရာ။အင်းဂလိပ်စကား
ပြောအဝန်းအဝိုင်းလေး ရှင်သန်ရာနေရာ။
BBC, VOA, RFAနေ့စဥ်သတင်းများသုံးသပ်ငြင်းခုံ
ဆွေးနွေးရာနေရာ။ ဖွဲ့နုဆီနှင့်ကျော်သောဂျုံပြား
တုံးကြီးကို တနုံ့နုံ့ဝါးလျက် ချက်နို့ဆီနှင့်ဖျော်သော
လဖက်ရည်ကိုတရှိုက်မက်မက်သောက်သုံးရာ
နေရာ။
လွန်သွားခဲ့ပြီဖြစ်သောအချိန်တခုထဲက ဓညဝတီ။

13/07/2023

12/07/2023

09/07/2023

09/07/2023

07/07/2023

ဆရာဦးညိုလှမောင် ( World Standard English School)
ဝါသနာပါလွန်း၍စာပြခြင်းဖြစ်ပါသည်။ငွေရေးကြေးရေးအဓိကမဟုတ်။ခန့်မှန်းခြေ ၁၉၇၀
မ.ဆ.လ. ပါတီခေတ်မှ ၂၀၀၀ခု နှစ် န.ဝ.တ. ခေတ်
တလျှောက်ထိ spoken English ကိုဇောင်းပေးပြသ
ခဲ့သည်။ ကုန်သွယ်ရေး ၁ တွင်တာဝန်ထမ်းဆောင်
ခဲ့သေးသည်။ ၂၄ နာရီပတ်လုံး English speaking mood ဝင်နေပုံရသည်။ပြုံးပြုံးရွှင်ရွှင် ပျော်ပျော်
ပါးပါးနေတတ်သည်။ ကြီးသူငယ်သူ မည်သူနှင့်မ
ဆို E လိုပြောရန်အလိုက်သင့်ရှိနေတတ်သူ။
Shadubasha နှင့် Hindi ဘာသာစကားများတတ်
ကျွမ်းသည်။ Chittagong Saint Placid's High School တွင်ငယ်စဥ်ကပညာသင်ကြားခဲ့သည်။
လူရွယ်အချိန်က အင်းဂလိပ်လူမျိုးများနှင့်မကြာ
ခဏ going hunting ထွက်ခဲ့သူဖြစ်၍သူ၏ဘဝ
အဆင့်တခုကိုခန့်မှန်းကြည့်နိုင်သည်။
E စကားကောင်းကောင်းပြောတတ်သည်။စစ်တွေ
သားကြီးများ ( Akyabites) များကသူ့ကိုအထင်
မကြီးကြ။ ကုလားသံ ပါ၍အထင်သေးတော်မူကြ
သည်။ ( ကမ္ဘာမှာရခိုင်အတော်ဆုံး။ ရခိုင်မှာစစ်
တွေသားသူများအတော်ဆုံး။အဲ့အထဲမှာငါအတော်
ဆုံးဟုယူဆထားသူများရိုက်သတ်လို့မကုန်)
အမှန်မှာက နိုင်ငံခြားဘာသာတခုကိုပြောဆိုရာတွင်
အသံထက်ဝါကျမှန်ဖို့ကအရေးကြီးပါသည်။
အင်းဂလိပ်အသံပီသလွန်းနေပီး ဝါကျကကိုးယိုး
ကားယားဆိုလျှင် နားလည်နိုင်ပါ့မလား။
နိုင်ငံခြားသားတယောက်ကမြန်မာသံပီသစွာဖြင့်
" ဒီအပင်မှာအသီးတွေအများကြီးထိုင်နေလိုက်တာ
နော် " လို့ပြောရင်အဆင်ပြေမလား။ ယင်းအစား
" အဆီးတွေအများကြီးဆီးနေလိုက်တာနော် "
အသံမပီပေမဲ့ဝါကျအမှန်က ပိုမကောင်းပေဘူး
လား။ဒေသခြားကလူတယောက်ကိုတော်နေကောင်း
နေသော်လည်းအများနှင့်ဝိုင်း၍ bully လုပ်ကြခြင်း
ပါ။ Akyabites များဟာဟိုအရင်က အတော်ကို
proud ဖြစ်ကြပါသည်။ ကိုယ်ကိုအထင်ကြီးသူ
တပါးကိုအထင်သေးစိတ်များရှိတတ်သည်။
ဆရာညိုက သူတို့ကို S.I.P ( self important person) ဟုခေါ်ခဲ့သည်။
ကမ္ဘာနှင့်အဆက်အသွယ်ပြတ်တောက်နေခဲ့သော
မ.ဆ.လ.ခေတ် ဂျပန်အရိုးကောက်အဖွဲ့တခုစစ်တွေ
ရောက်ခိုက် မြို့လည်ခေါင်ရဲစခန်းရှေ့ လေယဥ်ပျံ
ကဖီးဆိုင်တွင် ဆရာညိုနှင့်ဂျပန်အဖွဲ့တို့ကြုံတွေ့
ကြရာဆရာညိုက ဂျပန်ဝိုင်းသို့သွားကာမိတ်ဖွဲ့
စကားပြောလေသည်။ဂျပန်များလည်းဒေသခံ
တယောက်နှင့်ပြောရ၍အလွန်ပျော်ကြသည်။
အတန်ကြာသော်ဆရာညိုက အမှတ်တရအဖြစ်
dance ကဖို့ဂျပန်အမျိုးသမီးတယောက်ကို
ဖိတ်ကြားကာနှစ်ယောက်သားပျော်ရွှင်စွာကကြ
ပါသည်။သူက ရခိုင်ဆိုတာခပ်ညံညံမဟုတ်
ကြောင်းသိစေချင်၍ဟုပြန်ပြောပြသည်။
သူ၏ဆောင်ပုဒ်တခုကိုပြောရပါသော်..
" World should be known by Rakhine. And
Rakhine should be known by the world. "
ကမ္ဘာကိုရခိုင်ကသိရမည်။ ရခိုင်ကိုလည်းကမ္ဘာ
ကမ္ဘာကသိရမည်။
တချို့ကရခိုင်ပြည်ကိုချစ်ရာမှာတဦးတည်းမောင်
ပိုင်စီးထားလိုကြသည်။ ငါသာချစ်တာ။ငါသာချစ်
တတ်တာ။ရခိုင်သမိုင်းကိုငါ့လောက်သိသူမရှိ။
သမိုင်းလိုက်စားသူ၊ သမိုင်းအကြောင်းရေးနိုင်သူ
ငါသာအမှန်ချစ်တာ။ မင်းတို့မချစ် နင်တို့မချစ်။
မင်းနင်တို့ချစ်တာငါ့ခြေဖျားကိုတောင်မမှီ။
ဆရာညိုယခုထိအသက်ရှင်နေလျှင် ၁၀၅ နှစ်
လောက်ရှိနိုင်မည်။ ထိုအချိန်က ၂၀ ကျော်အရွယ်
ကျော်တို့နှင့်တဝိုင်းထဲ အင်းဂိတ်စကားဝင်ပြောပေး
သောကျေးဇူးတရားကိုမမေ့ရက်နိုင်။တန်ဖိုးထား
ဆဲပါ။သူမကူရင်သူမကယ်ရင် ဆိုသလိုမျိုး။
စစ်တွေမြို့မှာ E speaker များတိမ်ကောပျောက်
ကွယ်လာသောအချိန်ကာလတွင် revival ဖြစ်လာ
သော new generation တစုအတွက်အားပေးကူညီ
ပေးခဲ့သူတဦးပါ။ လက်ဆယ်ဖြာထိပ်မှာထားလျက်
ရှိခိုးဦး ချကန်တော့လိုက်ပါသည် ဆရာ။
ကုသိုလ်အစုစုတို့အား အမျှ အမျှ အမျှ ပေးဝေ
ပါသည်။ ကံတပါးပါးဖြင့်ပျက်မှားမိခဲ့လျှင်လည်း
ခွက့်လွှတ်ပေးပါ။