21/11/2025
ကိုရင် ရှိရင် ရွှေကျောင်း
ကိုရင် မရှိရင် သစ်ခေါင်း
▀▀▀▀▀▀▀▀▀▀▀▀
❝ရှင်မနေ ရွှေကျောင်း
သစ်ခေါင်းခေါ်ရာ❞
❝ရှင်သာနေကျောင်းပင်ဟောင်း ရွှေကျောင်းခေါ်ရာ❞
❝ရှင်မနေ ရွှေကျောင်း သစ်ခေါင်းခေါ်ရာ❞ တဲ့။
ကိုယ့်ရပ် ကိုယ့်ရွာ ကိုယ့်ဋ္ဌာနေမှာ
ကိုယ်နေထိုင်သီတင်းသုံးနေတဲ့ကျောင်းကတော့
ခန့်ညားထည်ဝါပါပေရဲ့သို့သော်လည်း
ကိုယ့်နေရာ နဲ့ ကိုယ့်သာသနာအတွက်။လက်ဆင့်ကမ်းပြီးထမ်းရွက်စေသွားနိုင်ဖို့ မျိုးစေ့ဆိုတဲ့ သာမဏေ/ရဟန်း တစ်ပါးတလေ
မွေးထုတ်ပေးနိုင်စွမ်းရှိမနေလျှင်၊
ကြိုးပန်းမှုရှိမနေလျင်၊အဲဒီကျောင်းထိုင်ဘုန်းကြီးသီတင်းသုံးနေတဲ့ကျောင်းတိုက်ကြီးက ရွှေကျောင်းကြီးပင်ဖြစ်လင့်ကစား အမှောင်အတိဖုံးလွှမ်းနေတဲ့သစ်ခေါင်းကြီးထဲမှာ နေထိုင် ဘုဉ်းပေးကျိန်းစက်နေရပြီးတော့ သေရမည့်နေ့ရက်တွေကိုစောင့်နေရတာနဲ့
အတူတူပါပဲတဲ့လေ။
❝ရှင်သာနေ ကျောင်းပင်ဟောင်း ရွှေကျောင်းခေါ်ရာ❞ တဲ့။
ဘုဉ်းပေးရတာက "ဆွမ်းကြမ်း"
ကျိန်းစက်ရတာ "ဝါးကြမ်း"
သီတင်းသုံးရတာက "ဝါးတန်း" ဖြစ်ပါစေဦး လသာတဲ့အခါ "သွပ်ပေါက်"ကမြင်ရလို့ဖြစ်ဖြစ်
မိုးရွာတဲ့အခါ "ပြောင်းအိပ်ရ"လို့ပဲဖြစ်ဖြစ်လမ်းလျှောက်တဲ့အခါ "ကြမ်းပေါက်ပဲကျွန်ကျွန်"။သာသနာတစ်ခေတ်ဆန်းဖို့ ရှင်သာမဏေ မွေးထုတ်တန်း စာရင်းကောက်တဲ့အခါ
လက်ဆင့်ထမ်းမယ့် သာမဏေ/ရဟန်းများ ရှိနေခဲ့ပါလျင် ထိုကျောင်းတော်လေးဟာ ရွှေကျောင်းကြီးပါပဲတဲ့။
မျက်မှောက်ယနေ့သာသနာမှာစစ်တမ်းအနေနဲ့ကောက်ကြစမ်းဆိုရင် သာသနာတော်ကနေရဟန်း/သာမဏေတွေ ထွက်ထွက်နေကြတာက "ဆင်"လောက်။
သာသနာ့ဘောင်အတွင်းကို ရောက်ရောက်လာတဲ့ ရဟန်း/သာမဏေစာရင်းက "ခြင်"လောက်ပဲရှိပါတယ်။
ဒါ့ကြောင့် တောနေကျောင်းထိုင်ဘုန်းကြီးတွေ
မြို့နေကျောင်းထိုင်ဘုန်းကြီးတွေ
နောင်လာသာသနာအတွက် ❝ဆင်"ခြင်❞ပြီး
လုံ့လအားတွေထုတ်ဖို့လိုအပ်လာပါပြီ။
တစ်ခါက ဆရာတော်ကြီးတစ်ပါး ကျောင်းထိုင်ရဟန်းတွေစုံညီတဲ့ပွဲတစ်ခုမှာ။
အရှင်ဘုရားတို့၊အရှင်ဘုရားတို့သေရင် အရင်ဘုရားတို့ရဲ့အလောင်းကိုထမ်းကြမည့်
တပည့်ရဟန်း/သာမဏေတွေရှိနေကြပီလားတဲ့။
စကားချက်= [ ကျောင်းထိုင်ဘုန်းကြီးတစ်ပါး
ပျံလွန်တော်မူရင် သူ၏တပည့် ရဟန်း သာမဏေ/များကထမ်းပင့်ကြ၍
သင်္ဂြိုဟ်သောနေရာ "သို့" အခေါင်းထဲသို့
နောက်ဆုံးပူဇော်ခြင်းဖြင့် ပင့်ဆောင်ပြီး ပူဇော်ကန်တော့ကြရပါသည် ]
အေး …အေး … မရှိသေးဘူးဆိုရင်
ကြိုးစားပြီးမွေးထုတ်ကြဦး
တော်ကြာကိုယ်သေမှဖြင့် ကိုယ့်အလောင်းကို
ထမ်းမည့် တပည့်တစ်ပါးတောင် ရှိမနေရင် သာသနာမှာလည်း ရှက်စရာကြီး ကိုယ်သေသွားခဲ့ရင်လည်း ရှက်စရာကြီးကွတဲ့။
ဒါ့ကြောင့် …
ရှင်"မရှိတဲ့ ❝သစ်ခေါင်း❞ကျောင်းကို ပြုပြင်ကြ၍
ရှင်"ရှိတဲ့ ❝ရွှေကျောင်း❞တော်ကို ဖန်ဆင်းကာ
သစ်ခေါင်းဆရာတော် မဖြစ်ကြစေပဲ ရွှေကျောင်းဆရာတော်များ ဖြစ်နိုင်ကြပါစေ ဆန္ဒရှေ့ထားဆုတောင်းမွန်ဖြင့် ……
ရှင် မရှိရင် သစ်ခေါင်း
ရှင် ရှိရင် ရွှေကျောင်း
Credit -ဓမ္မ ဖေါက်သည်။
