04/07/2025
တရုတ်ကွန်မြူနစ်ပါတီ ဖိတ်ကြားမှုကြောင့် တရုတ်နိုင်ငံသို့ လေ့လာရေးခရီးထွက်သည့် ( PNO)ပါတီ
မြန်မာနိုင်ငံသို့ ပြန်လည် ရောက်ရှိ
=========================
ဇူလိုင်လ (၄) ရက်၊ ၂၀၂၅ ၊ မြန်မာ
တရုတ်ကွန်မြူနစ်ပါတီ ဖိတ်ကြားမှုကြောင့် တရုတ်နိုင်ငံသို့ လေ့လာရေးခရီးထွက်ခဲ့သည့် ပအိုဝ်းအမျိုးသားအဖွဲ့ချုပ်( PNO) ပါတီမှ အတွင်းရေးမှူး(၁)ဖြားခွန်သန်းထူးနှင့် ဗဟိုကော်မတီဝင်များဖြစ်သော ခွန်ဆန်းဦး၊ ခွန်အောင်နိုင်နှင့် စင်ꩻမွိုးနန်းလှသန်းတို့သည် ဒီကနေ့တွင် မြန်မာနိုင်ငံ၊ ရန်ကုန်အပြည်ပြည်ဆိုင်ရာလေဆိပ်သို့ ပြန်လည်ရောက်ရှိခဲ့ကြောင်း သိရသည်။
အဆိုပါ ဖြားခွန်သန်းထူးဦးဆောင်သော တရုတ်နိုင်ငံလေ့လာရေးခရီးစဥ်တွင် ပအိုဝ်းအမျိုးသားအဖွဲ့ချုပ်( PNO)ပါတီမှ(၄)ဦး၊ ရခိုင်ရှေ့ဆောင်ပါတီ(AFP)မှ(၃)ဦး၊ ကရင်ပြည်သူ့ပါတီ(KPP)မှ၄)ဦး၊ ပြည်ထောင်စုရွေးကောက်ပွဲကော်မရှင်ရုံးမှ အရာရှိ(၂)ဦးနှင့် မြန်မာနိုင်ငံဆိုင်ရာ တရုတ်သံရုံးမှအရာရှိ(၁)ဦး ပါဝင်ကြောင်း သိရသည်။
အဆိုပါခရီးစဥ်တွင် တရုတ်နိုင်ငံ၏ စိုက်ပျိုးရေးကဏ္ဍများ၊ အထင်ကရနေရာများ၊ ပြတိုက်များအား လေ့လာခြင်း၊ တရုတ်ကွန်မြူနစ်ပါတီ တာဝန်ရှိပုဂ္ဂိုလ်များအား တွေ့ဆုံခြင်း၊ ညစာစားခြင်းများ ပါဝင်ကြောင်းသိရသည်။
#မောင်းမွူးခံꩻ #ပအိုဝ်းဒေသသတင်း #နိုင်ငံရေး
