မောင်းမွူးခံꩻ - MMK News TV Channel

12/05/2025

PNO အွဥ်အကိုရေꩻချွုတ် ဖြားခွန်သိန်းဖေ လင်ꩻဖေႏအာႏ သွဥ်တန်သားမူႏ/ခို နောင်တောင်ꩻကျောင်ꩻကို
==============================
မေလာ ၁၂ နီꩻ၊ ၂၀၂၅ ၊ အထူꩻဒေႏသ ၆

ပအိုဝ်ႏစွိုးခွိုꩻအစွိုꩻ(PNO)အွဥ်အကိုရေꩻချွုတ် ဖြားခွန်သိန်းဖေတွမ်ႏ ပအိုဝ်ႏလိုꩻယွဲးအာႏရဲင်ꩻစွိုꩻ(PYN) ဥက္ကဌ ဆရာႏခွန်ကြည် နဝ်ꩻ မဟာနီꩻ မေလာ (၁၂)နီꩻ၊ မွူးနီꩻ တနင်္လာႏကိုယို လင်ꩻမော့ꩻခွဲး ဖေႏအာႏ ဗွေႏဆရာႏတောႏ နောင်တောင်ꩻ ကအဝ်ႏဗွောင်ꩻလွေꩻဒါႏ ဗုဒ္ဓဘာႏသာႏလိုꩻယွဲးစွန်ꩻထီ‌ဗွေ သွဥ်တန်ꩻ
သားတွမ်ႏ ယေဉ်ႏကေႏလိမ္မာႏ သွဉ်တန်ꩻသားဖုံႏ ကျောင်ꩻနောင်တောင်ꩻကိုအကျောင်ꩻ သေထွꩻဗာႏနဝ်ꩻသွူ။

ကလင်ꩻမော့ꩻခွဲးဒါႏ သွဥ်တန်ꩻသားအကို အွဥ်အကိုရေꩻချွုတ် ဖြားခွန်သိန်းဖေနဝ်ꩻ ဒေါ့ꩻခြုဲင်းနယ်ꩻလွေꩻဖေႏပါ လိုꩻယွဲးအတာႏ "ပအိုဝ်ႏလိုꩻမျိုꩻနဲင်ႏငံႏရေꩻအကျောင်ꩻခရာႏ၊ ပအိုဝ်ႏလိုꩻမျိုꩻလွောင်ႏဗူႏရေꩻအခရာႏ ၊ လိုꩻယွဲးတွမ်ႏ နဲင်ႏငံႏရေꩻအကျောင်ꩻခရာႏပါတွမ်ႏ ပအိုဝ်ႏစွိုးခွိုꩻအစွိုꩻ ကအဝ်ႏရုဲင်ꩻတသွိုး
လွေꩻဒါႏ ထာꩻမာꩻရဲဥ်ႏအကျောင်ꩻခရာႏ"ဖုံႏ နဝ်ꩻသွူ။

PYN ဥက္ကဌ ဆရာႏခွန်ကြည်နဝ်ꩻလဲ့ ဒေါ့ꩻခြုဲင်းနယ်ꩻလွေꩻဖေႏပါ "လိုꩻယွဲးတွမ်ႏ ဆိုရှယ်မီဒီယာ အကျောင်ꩻခရာႏ၊ လိုꩻယွဲးတွမ်ႏ သွဥ်ထူႏမုꩻအကျောင်ꩻခရာႏ၊ လိုꩻယွဲးတွမ်ႏ အခိန်ႏတန်ႏဖိုꩻ အကျောင်ꩻခရာႏ"ဖုံႏ နဝ်ꩻသွူ။

ကလင်ꩻမော့ခွဲးဒါႏအကို သွဥ်တန်သား လိုꩻယွဲးဖုံႏ ကမိဥ်ꩻသေဒါႏ နဲင်ႏငံႏရေꩻ၊ လိုꩻမုꩻရေꩻ အစွိုးစွိုးအဒေါဝ်ႏဒေါဝ်ႏ ငဝ်းရီဖုံႏယို ပအိုဝ်ႏစွိုးခွိုꩻအစွိုꩻ(PNO)အွဥ်အကိုရေꩻချွုတ် ဖြားခွန်သိန်းဖေယို အအဲဥ်ႏတဗာႏ ခြုဲင်းနယ်ꩻစေꩻချာꩻလွေꩻဖေႏ နဝ်ꩻသွူ။

ဝေင်ꩻနယ်ႏဟိုပုံꩻ၊ ကျောင်ꩻနောင်တောင်ꩻပရဟိတကိုကအဝ်ႏဗွောင်လွေꩻဖေႏဒါႏ ဗုဒ္ဓဘာႏသာႏလိုꩻယွဲးစွန်ꩻထီ‌ဗွေ သွဥ်တန်ꩻယို သွဥ်တန်ꩻထင်ႏသား အဝ်ႏအဖြာꩻပေါင်ꩻ (၇၁၀)တဲင်ꩻ ယေဉ်ႏကေႏလိမ္မာႏ သွဉ်တန်ꩻကို သွဥ်တန်ꩻထင်ႏသား အဝ်ႏအဖြာꩻပေါင်ꩻ (၆၅၀) ဖြာꩻအကျောင်ꩻ သေထွꩻဗာႏနဝ်ꩻသွူ။

#မောင်းမွူးခံꩻ #ပအိုဝ်ႏဒေႏသသတင်ꩻ #ခမ်းကိုသတင်ꩻ #နောင်တောင်း #ဖြားခွန်သိန်းဖေ #ဆရာႏခွန်ကြည်

28/04/2025

ရှမ်းတိုင်းရင်းသား ရှင်လောင်းလှည့်
#တောင်ကြီး

23/03/2025

ပအိုဝ်ႏဒေႏသ ပွယ်ꩻသျင်ႏလောင်ꩻ
#ပွယ်ꩻပင်ꩻကေဖြေင်ꩻ​ #ညောင်ႏရွီႏနယ်ႏ​

#ရှင်ပြုပွဲ​ ​ #ကျားတွန်ရွာ​ #ညောင်ရွှေမြို့နယ်​ ​ #ပအိုဝ်းတိုင်းရင်းသားများ​ #မောင်းမွူးခံꩻ card. Video

23/02/2025

PNO အွဥ်အကိုရေꩻချွုတ် ဖြားခွန်သိန်းဖေလင်ꩻဖေႏအာႏ ထွာနွောင်ꩻလိတ်ပအိုဝ်ႏဆရာႏတွမ်ႏ လိုꩻယွဲးစွန်ꩻထီထင်သွဥ်တန်ꩻသားစွိုꩻ ကလောဝေင်ꩻနယ်ႏ၊ ပဲယဥ်းတောင်ႏကို
======================
ဖေဖော်ဝါရီလာ ၂၃ နီꩻ၊ ၂၀၂၅ ၊အထူꩻဒေႏသ(၆)
ပအိုဝ်းစွိုးခွိုꩻအစွိုꩻ(PNO)၊ အွဥ်အကိုရေꩻချွုတ် ဖြားခွန်သိန်းဖေနဝ်ꩻ ဟန်ႏသနီꩻ ဖေဖော်ဝါရီလာ ၂၃ နီꩻကိုယို လင်ꩻဖေႏအာႏ ကလောဝေင်ꩻနယ်ႏ ပအိုဝ်ႏလိုꩻယွဲးစွိုꩻ(KPYO)အွဥ်ငါꩻ ကမာꩻလွေꩻဒါႏ ထွာနွောင်ꩻလိတ်ပအိုဝ်ႏဆရာႏတွမ်ႏ လိုꩻယွဲးစွန်ꩻထီထင်သွဥ်တန်ꩻသားစွိုꩻ ကလောဝေင်ꩻနယ်ႏ၊ ဒုံပဲယဥ်ႏတောင်ႏကိုအကျောင်ꩻ သေထွꩻဗာႏနဝ်ꩻသွူ။

ကလောဝေင်ꩻနယ်ႏ ပအိုဝ်ႏလိုꩻယွဲးစွိုꩻ(KPYO)အွဥ်ငါꩻ ကမာꩻလွေꩻဒါႏ ခမ်းသဲင်လာ ထွာနွောင်ꩻလိတ်ပအိုဝ်ႏဆရာႏသွဥ်တန်ꩻနဝ်ꩻ ပါတွမ်ႏယို ထွာလဲဥ်ႏ (၄)လဲင်ႏအကျောင်ꩻ သေထွꩻဗာႏနဝ်ꩻသွူ။

ကလောဝေင်ꩻနယ်ႏ၊ ပဲယဥ်ႏတောင်ႏကို ကမာꩻလွေꩻဒါႏ ထွာနွောင်ꩻလိတ်ပအိုဝ်ႏဆရာႏတွမ်ႏ လိုꩻယွဲးစွန်ꩻထီထင်သွဥ်တန်ꩻအမုဲင်ꩻ(၄)ကိုနဝ်ꩻ သွဥ်တန်သား မူးခိုꩻ အဝ်ႏ ၁၂၀ လွိုꩻ အကျောင်ꩻ သေထွꩻဗာႏနဝ်ꩻသွူ။

#မောင်းမွူးခံꩻ
#ပဲရင်းတောင် #လိတ်ပအိုဝ်ႏသွဥ်တန်ꩻ #ဖြားခွန်သိန်းဖေ #လူငယ်ရေးရာ #ပြည်တွင်းသတင်း #ပအိုဝ်းဒေသသတင်း

11/02/2025

တောင်ႏနီႏဒုံထျꩻ ကအဝ်ႏဒါႏ ဗိုလ်အောင်ဒင် ဓာတ်ဆီဆဲင်ႏ မေႏခိုႏထိုꩻ
======================
ဖေဖော်ဝါရီလာ ၁၁ နီꩻ၊ ၂၀၂၅ ၊အထူးဒေသ၆

ဖြောဝ်ꩻခမ်းအခဝ်ꩻနဝ်ꩻ၊ တောင်ႏကီꩻဝေင်ꩻနယ်ႏ၊ တောင်ႏနီႏဒုံထျကို ကအဝ်ႏဒါႏ ဗိုလ်အောင်ဒင် ဓာတ်ဆီဆဲင်ႏယို ဟန်ႏသနီꩻ ဖေဖော်ဝါရီလာ ၁၁ နီꩻ မွူးရဝ်စဖဲ့ꩻ ၁၀ နာႏရီႏခွဲရပ် အခိန်ႏကိုနဝ်ꩻ မေႏခိုႏထိုꩻအကျောင်ꩻ သေထွꩻဗာႏနဝ်ꩻသွူ။

မေႏကခိုးဗာႏနဲင်းယိုနဝ်ꩻဗိုလ်အောင်ဒင် ဓာတ်ဆီဆဲင်ႏဆငါꩻ ကအဝ်ႏဒါႏ ကာꩻကဒင်ႏဓာတ်ဆီကာꩻယို မေႏထွိုင်ႏခိုးစွော့ꩻတဲင် ခိုးလွေꩻပါတောႏ ဓာတ်ဆီဆဲင်ႏ အကျောင်ꩻ ယဟန်သား အဝ်ႏဒေါ့ꩻလွေꩻနဲင်ꩻနဝ်ꩻသွူ။

ကွဥ်စွဥ်ႏမေးခိုးတဲင်ꩻ တောင်ႏကီꩻဝေင်ꩻနယ်ႏ မီးသတ်စွိုꩻဖုံႏ လင်ꩻဆူꩻဖေ့ꩻလ့ꩻထိုꩻတဲင် လိုꩻဖုံႏထိခိုက်မုꩻ အဝ်ႏ တအဝ်ႏတဝ်းကရိုꩻနဝ်ꩻ တသေစဲင်းတဝ်းဒွိုန်းနဝ်ꩻသွူ။

#မောင်းမွူးခံꩻ
#တောင်နီ #မီးလောင်မှု

03/02/2025

ပအိုဝ်ႏစွိုးခွိုꩻအစွိုꩻ(PNO)၊ အွဥ်အကိုရေꩻချွုတ်
ဖြားခွန်သိန်းဖေ ကဒေါ့ꩻခြုဲင်းနယ်ꩻလွေꩻဒါႏ
PNO ထာꩻမာꩻရဲဥ်ႏဆငါꩻ (၇)ဗာႏ အကွို့ꩻ(၃)
===============
ဖေဖော်ဝါရီလာꩻ ၃ နီꩻ၊ ၂၀၂၅၊ အထူꩻဒေႏသ၆

#မောင်းမွူးခံꩻ
#ဖြားခွန်သိန်းဖေ
#နိုင်ငံရေး #ပအိုဝ်ႏဒေႏသသတင်ꩻ

31/01/2025

ကအီႏဒင်ႏသွင်လွေꩻဒါႏ ပြောင်ႏ ထုဲင်ႏခမ်း အခွဥ်ႏလွစ့်စနစ်နဝ်ꩻ လꩻလွေꩻအခွင်ꩻ ၇ လာꩻ
=========================
ဇန်နဝါရီလာ ၃၁ နီꩻ၊ ၂၀၂၅

တွမ်ႏအခွဥ်ႏလွစ့်စနစ်တဲင်ꩻ ကအီႏဒင်ႏသွင်လွေꩻဒါႏ ထုဲင်ႏခမ်းနဝ်ꩻ လꩻလွေꩻအခွင်ꩻ ၇ လာꩻတဲင်ꩻ တယ်ႏစ ဖေဖော်ဝါရီ ၁ နီꩻ ဗꩻလွေꩻစွဥ်ႏ ဩဂုတ်လာꩻ ကိုအကျောင်ꩻ မန်းခမ်း ပြောင်ႏဖြေꩻစာꩻကူꩻကာႏစွိုꩻနဝ်ꩻ အဝ်ႏဒေါ့ꩻလွေꩻ နဲင်းနဝ်ꩻသွူ။

ယိုခါနဝ်ꩻ ကွဥ်စွဥ်ႏ အီႏဒင်ႏသွင်ꩻလွေꩻ ထုဲင်ႏခမ်း အခွဥ်လွစ့်စနစ်နဝ်ꩻမꩻ မန်းခမ်းကို ပြောင်ႏခန် အဝ်ႏထင်ႏ လွေꩻနဝ်ꩻသွူ။

ယိုခါ ရန်ႏကွုန်ႏကိုနဝ်ꩻ ပြောင်ႏ တစွဲးယို အငိုꩻပေါက်အဝ်ႏ ၁၆၈၀ ၊ မန္တလေꩻကိုနဝ်ꩻ အဝ်ႏ ၁၆၃၀ ၊ တောင်ႏကီꩻကိုနဝ်ꩻ အဝ်ႏ ၁၄၉၀ အကျောင်ꩻ သေထွꩻဗာႏနဝ်ꩻသွူ။

ဟန်ႏနေင်ႏယို ပြောင်ႏထန်ႏဆေ့ꩻငါႏနဝ်ꩻမꩻ ပြောင်ႏခန်ꩻယို အခန်အီႏလင်ꩻထိုꩻ တအဝ်ႏတဝ်းအကျောင်ꩻ ပြောင်ꩻပွဲစာꩻ ယဟန်ႏဖုံႏနဝ်ꩻ အဝ်ႏသွုံꩻသပ်လွေꩻ နဲင်းနဝ်ꩻသွူ။

မန်းခမ်းကို ကထန်ႏဒါႏ ပြောင်ႏဖုံႏယို အဝ်ႏသွင်ꩻလွေꩻ ခမ်းထန်ႏ ကထွာဒါႏ ခယ်ႏ၊ ထုဲင်ႏ၊ အိန္ဒိယ၊ ဗီယနမ်တွမ်ႏ ဖိလစ်ပိုင်ခမ်းဖုံႏတဲင်ꩻ ယိုခါ ရန်ႏကွုန်ႏသီလဝါဆိပ်ကမ်းကို အီႏဒင်ႏအီꩻ ပြောင်ႏအတာႏ သင်ꩻဖော် အဝ်ႏဖော်လွဥ် ၄ ဆွိုင်ꩻအကျောင်ꩻ သေထွꩻဗာႏနဝ်ꩻသွူ။

#မောင်းမွူးခံꩻ
#ခမ်းကိုသတင်ꩻ #ပြောင်း
#ပြည်တွင်းသတင်း #စီးပွားရေး
#ထိုင်း

23/01/2025

အမေရိးကန်ႏ၊ လော့အိန်ဂျယ်လစ်ကို မေႏတခြာ ခိုးချာꩻယင်းတလဲင်ႏ
=======================
ဇန်နဝါရီလာ ၂၃၊ ၂၀၂၅ ၊ လော့အိန်ဂျယ်လစ်

အမေရိကန်ႏနဲင်ႏငံႏ၊ ကယ်လီဖိုးရီးယားခမ်းနယ်၊ လော့အိန်ဂျယ်လစ်ဝေင်ꩻနယ်ႏ အခဝ်ꩻထင်ꩻဖဲ့ကိုနဝ်ꩻ မဟာꩻနီ မွူးဟာလင်ꩻ ၅ နာႏရီခိန်ႏကို မေႏတခြာꩻ ခိုးလွဥ်တဲင် ယိုခါလိုꩻအသောင်ႏတန် အဝ်ႏခြုဲင်းတေားထိုꩻဗာႏ ခင်ႏလမ်းဖုံႏနဝ်ꩻသွူ။

ကွပ်မေႏတခြာꩻခိုးတဲင် သေင်ႏတခြာꩻကုဲင်ꩻထိုꩻစွဥ်ႏ ဧက(၉၀၀၀)လွိုꩻတဲင်ꩻ တွိုႏယိုခါ မေႏတဖေ့ꩻတဝ်းဒွိုန်းအကျောင်ꩻ တာႏဝွန်ႏအဝ်ႏပုဂ္ဂိုလ်ႏဖုံႏ အဝ်ႏဒေါ့ꩻလွေꩻ နဲင်းနဝ်ꩻသွူ။

မေႏယိုဖေႏနေး ကနွို့တွိုႏလꩻဗာႏမွိုန်း ရပ်ကွက်ကိုဖုံႏတဲင်ꩻ ယိုခါ အဝ်ႏအွဥ်စွꩻလွေꩻ မေႏမာꩻဖေ့ꩻသာႏ အဖြာꩻပေါင်ꩻ(၄၀၀၀)အကျောင်ꩻ တာႏဝွန်ႏအဝ်ႏပုဂ္ဂိုလ်ႏဖုံႏ အဝ်ႏဒေါ့ꩻလွေꩻ နဲင်းနဝ်ꩻသွူ။

ကထွူထိုꩻလဲဥ်းဒါႏ အပတ်ကရီးကိုနဝ်ꩻလဲ့ꩻ လော့အိန်ဂျလစ်နယ်ႏ ၊ ပယ်လီဆေ့တွမ်ႏ အီတန်ဒေသကို ကအဝ်ႏခိုးဒါႏမေႏတခြာꩻနဝ်ꩻ တလꩻငိမ်ꩻငါႏတဝ်းဒွိုန်းခိန်ႏ ယိုခါ မေႏတခြာꩻ သမ်းခိုးချာꩻယင်း တတွောင်ႏတဲင်ꩻ ဒေႏသခံႏဖုံႏ အသောင်ႏပေါင်ꩻ အဝ်ႏခြုဲင်းတောႏထိုꩻဗာႏ ခင်ႏလမ်းဖုံႏ နဝ်ꩻသွူ။

ကရီးအပတ်ကို ကခိုးဒါႏ မေႏတခြာနဝ်ꩻ လိုသီထိုꩻစွဥ်ႏ ၂၀ လွိုꩻနဝ်ꩻသွူ။

Ref: Reuter
#မောင်းမွူးခံꩻ
#မီးလောင်မှု #လော့အိန်ဂျယ်လစ်
#နိုင်ငံတကာသတင်း

08/01/2025

ပွိုးတမုဲင်ꩻ အွဥ်မာꩻလွေꩻဗာႏ "ပအိုဝ်ႏယိုယာႏထုံမောင်းတွမ်ႏ ခယာ သွဉ်တန်" ကရိုꩻနဝ်ꩻ
မော့ꩻခွဲးဒေါ့ꩻရီ လွေꩻတွမ်ႏ
အနုပညာႏကောႏမတီႏ တာႏဝွန်ႏခံႏ ခွန်သိန်းဟန် (ရုပ်သံ)
=====================
ဇန်နဝါရီလာ ၇ နီꩻ၊ ၂၀၂၅ ၊ အထူꩻဒေႏသ(၆)

#မောင်းမွူးခံꩻ
#ယိုယာႏ #ထုံမောင်း #ခယာ
#ဖြားခွန်ဝင်းကို #လိတ်ယေန်ႏ

08/01/2025