https://www.facebook.com/422537675171141/

Kaung Htet Pyae Sone, Taunggyi (2025)

21/10/2025

ချစ်သောရေ • • •
မင်းလေးကို လေးစားတယ်
မြတ်နိူးတန်ဖိုးထားတယ်ဆိုတာ
ချစ်တယ်ဆိုတဲ့ စကားလုံးတွေထက်ပိုသော
ထာဝရ သံယောစဥ်တွေဖြစ်တယ်။

ချစ်သောရေ • • •
မင်းရှိနေတယ်ဆိုတဲ့စိတ်လေးနဲ့
တစ်နေ့တာ ဘဝခရီးစဖို့အတွက်
နိူးထရတဲ့မနက်ခင်းတိုင်းဟာ
အဓိပ္ပါယ်ရှိလှပါတယ်။

ချစ်သောရေ • • •
ကို့နုလုံးသားထဲက လေးနက်စွာ
ထွက်ကျလာတဲ့ စကားလုံးတိုင်းဟာ
ကိုနှင့်မင်းလေးရဲ့အနာဂါတ်အတွက်
အဓိပ္ပါယ်ရှိစွာ ဖြစ်တည်လာတာပါ။

ချစ်သောရေ . . .
ဒီကမ္ဘာကြီးမှာ ရှင်သန်နေထိုင်ဖို့
ခက်ခဲလာတာနဲ့အမျှ အချစ်စစ်တွေရှားပါးလာတယ်။
ဒီလိုရှားရှားပါးပါးထဲမှ အရမ်းချစ်ရတဲ့
မင်းလက်ကလေးကို ထာဝရတွဲထားသ၍
ဘာမဆိုကျော်ဖြတ်နိူင်တယ်။

#ကောင်းထက်ပြည့်စုံ

20/10/2025

ကလေးရေ • • •
ငါတို့က ခဏဝေးနေကြတာလေ
တစ်သက်လုံးမတွေ့ရတော့မဲ့ လူတွေမှမဟုတ်တာ
လွမ်းရက်တွေ တိုးလာတဲ့အမျှ
နီးချင်တဲ့စိတ်လေးကို ခဏသည်းခံပေးပါ။

ကလေးရေ • • •
ငါတို့တွေ ဘယ်လောက်ထိဝေးနိူင်ဦးမှာလဲ
ဒို့နှစ်ယောက်လုံး အချစ်အိမ်မက်တွေကို
တည်ဆောက်လို့ပြီးတဲ့ တစ်နေ့တော့
အချစ်တွေ ထာဝရအတူရှိနေမှာပါ။

ကလေးရေ • • •
ငါတို့ရဲ့ဝေးကွာခြင်းတွေ ဘယ်လောက်ကြာကြာ
ကို့နုလုံးသားထဲမှာ ထာဝရချစ်ခြင်း
မေတ္တာတွေထက်ပိုတဲ့ သံယောစဥ်တွေဟာ
ဘယ်လိုမှ ဖြတ်တောက်လို့မရပါဘူး။

ကလေးရေ • • •
ကို့ကို မမြင်နိူင်တဲ့အဝေးမှာဆိုပေမဲ့
သံသယတွေ ၊ မယုံကြည်ခြင်းတွေမဖြစ်ပါနဲ့
ကို့အနာဂါတ်နုလုံးသားလေးဟာ
မင်းလေးဖြစ်တဲ့အတွက် အခြားသူတွေ
အစားထိုးဖို့ဆိုတာ မဖြစ်နိူင်ပါဘူး။
ဒါကြောင့် ကို့ရဲ့အချစ်တွေကို
ယုံကြည်စွာ စောင့်နေပေးပါကွာ ။

#ကောင်းထက်ပြည့်စုံ

19/10/2025

"သားက ပြည်သူ့အပိုင်"

ဒီတစ်ခေါက်မှာတော့ Jungle Rebel's Culture(JRC)ပွဲတုန်းက ကျွန်တော့ရဲ့ ရင်တွင်းဖြစ်အား ရွတ်ဖတ်ထားတာလေးကို တင်ပေးလိုက်ပါတယ်ခင်ဗျာ။
(၈ရက် ၊ ဒီဇင်ဘာလ ၊ ၂၀၂၄ ခုနှစ်)

#ကောင်းထက်ပြည့်စုံ

18/10/2025

ကလေးရေ • • •
မင်းလေးကို အရာရာ
စိတ်ပူတယ် စိုးရိမ်တယ်ဆိုတာ
အမြဲတမ်း ကို့နုလုံးသားထဲမှာ
မင်းလေးရှိနေလို့ပါကွာ • • •

ကလေးရေ • • •
ကို့ရဲ့အတွေးအခေါ်တွေက
ခေတ်နောက်ကျတယ်ပဲပြောပြော
မင်းလေးကို လေးစားတယ်
မြတ်နိူးတန်ဖိုးထားပြီးတော့လည်း ချစ်တယ်။

ကလေးရေ • • •
ဖြစ်နိူင်ရင် ရိုးမြေကျတဲ့အထိ
မင်းအနားမှာရှိနေပြီး
အချိန်တိုင်း အရိပ်တကြည့်ကြည့်နဲ့
ဂရုစိုက်ပေးချင်နေတာမျိုးပါ။

ကလေးရေ • • •
မင်းလေးဘယ်သွားသွား
ဘာလုပ်လုပ် ဘာတွေစားစား
အဆင်ပြေပါ့မလားဆိုတဲ့ အတွေးနဲ့
နောက်ကနေစိတ်ပူနေမိတာမျိုး။

ထာဝရ အရမ်းချစ်ရသောသူဖြစ်တာမို့
ဘာတစ်ခုမှအထိခိုက် မခံနိူင်တာအမှန်ပါ
တစ်နည်းပြောရရင် ကိုချစ်ရသောသူ
နာကျင်မှု့တွေမပေးချင်တာပါ။
အဲဒီနာကျင်မှု့တွေ ရှိခဲ့ရင်လည်း
ကိုကပဲ နာကျင်ခံလိုက်မယ်။
ဒါကြောင့် မင်းလေးကိုစိတ်ပူမှာပေါ့
ကိုက အရမ်းချစ်တာကိုးကွ • • •

#ကောင်းထက်ပြည့်စုံ

17/10/2025

ရာသီအလိုက် အမြဲလိုလို
အသီးအရွက်ဝေဝေဆာဆာလာပို့သွားတာ 😍
ဒီတစ်ခေါက်တော့ Video တင်ပေးလိုက်ပါတယ်။
ပြည်သူ့ မေတ္တာလက်ဆောင်တွေအတွက်
တကယ်ကျေးဇူးတင်မိပါတယ်ခင်ဗျာ။

#ကောင်းထက်ပြည့်စုံ

16/10/2025

ချစ်သောရေ • • •
ကို့ရဲ့ချစ်ခြင်းမေတ္တာတွေဟာ
မင်းလေးတစ်ယောက်ထဲအတွက်သာ ဖြစ်တယ်။

ချစ်သောရေ • • •
ရေမတွက်နိုင်တဲ့
မိန်းကလေးတွေများတဲ့ ကမ္ဘာမှာ
မင်းလေးဟာ ကျွန်တော့ ဘဝကို
ထာဝရပြောင်းလဲစေခဲ့သူပါ။

ချစ်သောရေ • • •
မင်းလေးရဲ့အပြုံးတစ်ချက်ဟာ
ကို့ရဲ့သွေးကျောတွေမှတစ်ဆင့်
နုလုံးသားစိတ်ဝိဥာဏ်ထဲအထိ ဝင်သွားသလိုမျိုး
တစ်ိမ့်စိမ့်နဲ့ အေးချမ်းလှတယ်ကွာ။

ချစ်သောရေ • • •
မင်းလေးဟာ ငါ့ရဲ့နေ့ရက်တွေကို
မျော်လင့်ခြင်း အလင်းရောင်တွေပေးပြီး
ချစ်ခြင်းမေတ္တာဆိုတဲ့ အဓိပ္ပါယ်တွေကို
ယူဆောင်လာပေးတယ်ကွာ။

ချစ်သောရေ • • •
ကမ္ဘာပေါ်က မိန်းကလေးတွေဘယ်လောက်များများ
ကို့အသွေးထဲအသားထဲမှတစ်ဆင့် နုလုံးသာထဲထိ
တောင်းဆိုလာသော ကို့ရဲ့ချစ်ခြင်းမေတ္တာတွေဟာ
မင်းလေးတစ်ယောက်ထဲအတွက်သာဖြစ်ပါတယ်။

ချစ်သောရေ • • •
မျှော်လင့်ချက်တွေ ၊ အိမ်မက်တွေနဲ့
မင်းလေးကို ထာဝရ ချစ်ခွင့်ရတဲ့နေကစပြီး
မနက်ဖန်ဆိုတဲ့ နေရက်တွေတိုင်းအတွက်
ထာဝရဖြစ်တည်မှုတွေကို ကျေးဇူးတင်ပါတယ်ကွာ။

#ကောင်းထက်ပြည့်စုံ

15/10/2025

ရူပဒါန🖤

မှတ်ချက် ။ စော်နဲ့မမှားရ။

14/10/2025

လူငယ်တစ်ယောက်၏ဆုတောင်း

အနာဂတ်ကြယ်ပွင့်တွေဟာ
ပျက်စီးနေတဲ့ ကျုပ်တို့တိုင်းပြည်အတွက်
တစ်ချိန်မှာ ထွန်းလင်းတောက်ပပါစေ။

ခါးသီး နာကျင် ရက်စက်လွန်းတဲ့စနစ်
ငါတို့ခေတ် ငါတို့သမိုင်းမှာ
ဘဝတွေပေးဆပ်ရတာ
နောက်ဆုံးဖြစ်ပါစေ။

ငါတို့ခေတ် လူငယ်တွေရဲ့
အနာဂတ် ဘဝတွေ သွေးချွေးတွေနဲ့
ရင်းပြီး ရလာမဲ့ ဒီသမိုင်းကပေးတဲ့
အသီးအပွင့်တိုင်း အနာဂါတ်မှာ ချိုမြိန်ပါစေ။

အဓမ္မဝါဒီ စစ်မိစ္ဆာများကို ခုခံတွန်းလှန်ရင်း
ကျဆုံးသွားတဲ့ရဲဘော်တွေဟာ
နောင်ဘဝ လူဖြစ်ခွင့်ရခဲ့ရင်
ဒီနိူင်ငံ ဒီစနစ်ဆိုးမျိုးနဲ့ မကြုံပါရစေနဲ့။

အသက်အိုးအိမ်စည်းစိမ်တွေနဲ့
ပြည်သူလူထုရဲ့ဘဝတွေအတွက်
ပျက်စီးဆုံးရှုံးရမဲ့ ဒီစစ်ပွဲတွေအစား
အနာဂါတ်မှာ ပန်းပွဲတော်များဖြစ်ပါစေ။

(20/8/2024)

#ကောင်းထက်ပြည့်စုံ

13/10/2025

ချစ်သော • • • "နောင့်"

အချိန်တွေရာသီတွေပြောင်းပေမဲ့
ကို့ရဲ့ချစ်ခြင်းမေတ္တာတရားတွေက
မင်းလေးအပေါ် ဘယ်သောအခါမှ
ပြောင်းလဲမှာမဟုတ်ဘူးဆိုတာ
မနေ့က ကို့အပေါ်ရွာချဖူးတဲ့
မိုးစက်များကသိတယ်။

ရေမြေခြားဝေးကွာနေပေမဲ့
အေးချမ်းတဲ့ ဒီဆောင်းဦးလေးမှာတောင်
ကို့နုလုံးသားထဲမှာ မင်းလေးရှိနေတယ်ဆိုတဲ့
ချစ်တဲ့ အသိစိတ်လေးက
အဆိပ်တက်လာပြီး ကို့ရင်ကိုနွေးစေတယ်ကွာ။

ဆောင်းကုန်နွေးဦးရာသီတွေမှာ
ရွက်ခြောက်ကြွေကျတဲ့အထိ
ပူလောင်ခဲ့ရင်တောင်
ကို့ရဲ့ချစ်ခြင်းမေတ္တာတွေနဲ့
မင်းလေးရှိတဲ့ ရပ်ဝန်းတစ်ခုလုံး
အေးမြစေချင်တာပါ။

အချစ်ကို မျှော်လင့်ရတာ
ပူလောင်တယ်ဆိုရင်တောင်
ချစ်သောကို ပိုင်ဆိုင်ခွင့်ရမဲ့နေ့ကို
ကျွန်တော်အပူလောင်ခံပြီး မျှော်လင့်နေမယ်
ဘာလို့ဆိုရင် အချစ်အိမ်မက်လေးကို
အကောင်ထည်ဖော်ဖို့ မျှော်လင့်ချက်လေးနဲ့
ဘဝကို အဓိပ္ပါရှိစွာ ရှင်သန်ချင်လို့ပါကွာ။

#ကောင်းထက်ပြည့်စုံ

13/10/2025

ဒီနေ့ကတော့ အချစ်Feeling တွေ ၊ ကဗျာတွေကို ချစ်သူမရှိပဲနဲ့ ဘယ်လိုခံစားပြီးရေးလဲဆိုတဲ့ မေးခွန်းကို ပြန်ဖြေပေးတဲ့ Vlog လေးပေါ့နော်😁 စကားပြောထားတာလေး အမှားပါရင်ခွင့်လွတ်ပေးပါရင် ကြိုတောင်းပန်ထားပါရစေခင်ဗျာ။

ဒါနဲ့ အောက်က Link လေးမှာ ကြည့်ပြီး စစ်ရှောင်ပြည်သူတွေအတွက် ကူညီပေးပါဦးနော်။
https://www.facebook.com/share/p/1ABwb96ozo/

#ကောင်းထက်ပြည့်စုံ

12/10/2025

သို့ • • •
သဲငယ်လေးရေ • • •

ကျွန်တော်က မင်းလေးထက်
အသက်ကြီးလို့ပဲဖြစ်ဖြစ်
မင်းလေးကို အရမ်းချစ်လို့ပဲဖြစ်ဖြစ်
ကို့အပေါ် နွဲ့ဆိုးဆိုးသမျှ
စိတ်ရှည်သီးခံ ခြင်းတွေဟာ
သဲငယ်လေးတစ်ယောက်ထဲ အတွက်သာဖြစ်တယ်။

သဲငယ်လေးရေ • • •
ဒီလူက ငါဆိုးသမျှရပါတယ်ကွာ
သူ့အချစ်က ငါ့လက်ခုတ်ထဲကရေပဲ
ငါလုပ်ခြင်သလိုလုပ်မယ်ဆိုတဲ့ အတွေးနဲ့
ကို့ရဲ့ ချစ်ခြင်းမေတ္တာတရားတွေကို
လွဲမှားစွာ အသုံးမပြုစေချင်ဘူး။
ဘာဖြစ်လို့လဲဆိုတော့ ချစ်ခြင်းမေတ္တာတရားတွေဟာ
လွဲမှားစွာအသုံးချမိခဲ့ရင် တစ်သက်လုံးလည်း
လွဲသွားနိူင်သလို ၊ တစ်သက်လုံး
မုန်းသွားနိူင်တာမို့ပါကွာ။

သဲငယ်လေးရေ • • •
မင်းလေးဆိုးချင်သလို ဆိုးလို့ရတယ်
မင်းလေးကောက်ခြင်သလို ကောက်လို့ရတယ်
ကိုနှင့်မင်းလေးရဲ့ ချစ်ခရီးလမ်းလေးဆိုးလို့မရဘူး။
ကိုနှင့်မင်းလေးရဲ့ အချစ်အိမ်မက်တွေ
ကွေ့ကောက်လို့မရပါဘူး။
ဒါကြောင့် ကို့ရဲ့စိတ်ရှည်သီးခြင်းတွေအပေါ်
သစ္စာရှိပေးပါကွာ • • •

#ကောင်းထက်ပြည့်စုံ

11/10/2025

နှစ်ယောက်ပေါင်း တစ်ဘဝဆိုရင်
နှစ်လွှာပေါင်းမှတစ်ရွက်ဆိုတဲ့
အချစ်ကိုယ်စားပြု သစ်ရွက်အဖြစ်
စွယ်တော်ရွက်လေးကို တင်စားကြတယ်။

အချစ်တွေကို ကိုယ်စားပြုထားသလို
ဘဝတွေကိုလည်း ကိုယ်စားပြုထားတယ်။
တကယ်လို့ စွယ်တော်ရွက်လေးက
တစ်ခြမ်းပဲ့ထွက်သွားခဲ့မယ်ဆိုရင်
ကျန်ခဲ့တဲ့တစ်ခြမ်းကို အထီးကျန်ဆန်ဆန်
အဓိပ္ပါယ်မဲ့စွာ ရွက်ပဲ့လေးအဖြစ် မြင်ရမှာပါ။

အချစ်တစ်ခုမှာ
နှစ်ယောက်ပေါင်းမှ တစ်ဘဝဆိုရင်
တစ်ယောက်က ပဲ့ထွက်သွားခဲ့တာနဲ့
ကျန်ခဲ့သူမှာတော့ ဘယ်လောက်ခံစားရမလဲ
ဘယ်လောက်နာကျင်ခဲ့ရမလဲဆိုတာ • • •
ပဲ့ကြွေသွားဖူးတဲ့ နုလုံးသားတိုင်း သိကြပါတယ်။

တကယ်တော့ စွယ်တော်ရွက်ဆိုတာ
အချစ်တွေကို ကိုယ်စားပြုပြီး
ဘဝနှစ်ခုကို ပေါင်းစည်းစေတာပါ • • •
ဝေးကွာခြင်းတွေ ရှိနေပေမဲ့လည်း
အချစ်စစ်စစ်နှင့် စွယ်တော်ရွက်လို
နုလုံးသား ပိုင်ဆိုင်ထားကြမယ်ဆိုရင်
ဘယ်သူခွဲခွဲ မကွဲပါဘူး ။

စွယ်တော်ရွက်လေးကို
ရွက်ပဲ့လေးအဖြစ် မမြင်ချင်သလို
အချစ်ကြောင့် နုလုံးသားလေး
ကွဲကြွေသွားတာကိုလည်း မလိုချင်ပါဘူး ။
အချစ်စစ်စစ်နဲ့သာ နှစ်ယောက်လုံးရဲ့
ဘဝကို အဓိပ္ပါယ်ရှိစွာ ရိုးမြေကြ
ပေါင်းဖက်သွားချင်တာပါ။

အချစ်က ဘဝမဟုတ်ဘူးဆိုပေမဲ့
အချစ်ကြောင့် ဘဝပျက်ဖူးသူတွေလည်း
ရှိကြပါတယ်။

#ကောင်းထက်ပြည့်စုံ

Kaung Htet Pyae Sone

21/10/2025

20/10/2025

19/10/2025

18/10/2025

17/10/2025

16/10/2025

15/10/2025

14/10/2025

13/10/2025

13/10/2025

12/10/2025

11/10/2025

Address

Website

Alerts

Contact The Business

Shortcuts

Share

Category