04/07/2024
စွန့်လွှတ်ရခြင်းတွေနဲ့ ဘယ်အချိန်တည်းက
နေသားကျနေမိလဲ သေချာ မသိတော့ဘူး ။
တစ်ခုခုဆို ပိုင်ဆိုင်ဖို့ထက်
စွန့်လွှတ်လိုက်ဖို့ကို ကြိုတွေးဖြစ်နေမိတယ် ။
တစ်ယောက်ယောက်ကို ဆွဲထားဖို့ထက်
လက်လွှတ်လိုက်ဖို့ကို ပြင်ဆင်နေတတ်တယ်။
ရင်ထဲက မပါတဲ့ ခပ်စိမ်းစိမ်း စကားတွေကို
မျက်တောင် တစ်ချက်မခတ်ဘဲ ပြောနေမိတတ်တယ် ။
“ ဒါ ကိုယ် မဟုတ်ဘူး ။ ဒါ ကိုယ် မဟုတ်ဘူး ။ ” လို့
နှလုံးသားထဲက ပြောနေပေမယ့်
တကယ်တမ်း လက်တွေ့မှာတော့
ချုပ်ထိန်းမထားနိုင်ခဲ့ဘူး ။
တစ်ကြိမ် တစ်ခါ မကတဲ့ နာကျင်မှုတွေနဲ့
အေးစက်စက် တုန့်ပြန်တတ်ဖို့
သူတို့ ကိုယ့်ကို သင်ပေးခဲ့ကြတယ်…
#ယူနိုရာ #ကဗျာ_poem
