https://www.facebook.com/109751558759260/

Hsu Myanmar, Taungoo (2025)

31/01/2024

ကျောက်စိမ်းလုပ်ရင် အရေးအကြီးဆုံးအချက်က
အသားတန်းပိုင်ဖို့လိုပါတယ်။
အသားတန်းအဆင့်တွေ မသိသေးတဲ့သူတွေအတွက် ရေးသားပေးလိုက်ရပါတယ်။
Royal AK================Jade========

၁။ ခါးအောက်သား
ပိန်းသား
မောက်သား
ပဲသား

၂။ ခါးသား
ညက်ချောသား
ခါးသန်
ခါးသန်သန်

၃။ ခါးအထက်သား
အသားဆန်း
တိမ်ခိုးသား
ရေခဲသား
ပေါလိသား ခေါ် ဘော်ဒီသား

အသားတန်းအဆင့် ၇ မျိုးအကြမ်းဖျင်းသပ်မှတ်ချက်
၁။ ကျောက်သားရ
၂။ ခါးသား
၃။ ကျောက်သားအမြင့်
၄။ ကျောက်သားအမြင့်အထက်
၅။ ကျောက်သားအမြင့်အထက်အမြင့်
၆။ အသားဆန်း
၇။ဘော်ဒီသား

ကျောက်တစ်လုံးက မီးထိုးပေါက်ဖြစ်ရတဲ့
အကြောင်းအရင်း ၃ ချက်ရှိပါတယ်။
၁။ ကျောက်သားနုလို့ မျိုးတန်းနုလိုမီးထိုးပေါက်
ဖြစ်သွားတဲ့အတွက် နုလင်းလို့ခေါ်ပါတယ်။

၂။ ကျောက်သားကျဲလို့ မီးထိုးပေါက်သွားတဲ့အခါ
ကျဲလင်းလို့ခေါ်ပါတယ်။

၃။ ကျောက်အသားက အိစက်ပြီးကြည့်လင်နေလို့
မီးထိုပေါက်သွားတဲ့အခါ ကျောက်သားဆန်းတဲ့အတွက် ဆန်းလင်း လိုခေါ်ပါတယ်။

နုလင်းနှင့် ကျဲလင်း မကောင်းပါ
ဆန်းလင်းကောင်းပါတယ်။

"အသားလိုက ယမ်းကိုကြည့် "ဆိုတဲ့အတိုင်း
ကျောက်တစ်လုံးဝယ်ရင် အဓိကကြည့်ရမှာက
အခွံပေါ်က လက်ထ နေတဲ့ယမ်းကို အရင်ကြည့်ရမှာပါ။

ယမ်းကြမ်းရင် အသားကြမ်းပါမည်။
ယမ်းကျဲရင် အသားကျဲပါမည်။
ယမ်းဒါရိုက်ရှင် အသွားအလာမညီရင်
ကျောက်သားပျက်ပါမည်။

ယမ်းကြမ်း ယမ်းပြား ယမ်းချောင်း မဝယ်နှင့်
ယမ်းညီ ယမ်းညက် ယမ်းမူန် ယမ်းခေါင်းမဲညို့
နေတာဝယ်ပါ။

အခွံပေါ်က ယမ်းအတိုင်း
အတွင်းကျောက်သား ကောင်းမကောင်း
အဖြေထွက်ပါမည်။

ကျောက်၏ အထိုင်
===============
ကျောက်တစ်လုံးမှာ အထိုင်ကောင်းဖို့လည်းလိုအပ်ပါတယ်။
ကျောက်လုံး ကျောက်ပြား ရှောင်ပါ။
ထောင်အနား၃ခု နှင့်အထက်ပါသောကျောက်ကိုဝယ်ပါ။
အနားလုံးဝန်းသောကျောက်များသည်
၉၀%မကောင်းပါ။

ကျောက်၏ဝိတ်
============

ကျောက်တစ်လုံးမှာ ဝိတ်ကောင်းလေ
ကျောက်သားကောင်းလေလေပါ။

ဝိတ်ပေါ့လေ
မျိုးနုလေလေပါ။
ဝိတ်ကောင်းတာရွှေးဝယ်ပါ။

ချော်
====
ကျောက်ပေါ်မှာ ကပ်နေသော ချော်တွေက
ချော်စီး ချော်ကပ် အခွံတင်းကြပ်ပြီး
ဆေးရခက်လွန်းနေလျင် မကောင်းပါ။

ချော်ကြွေ ချော်ပွ လျင်ကောင်းပါသည်။

ခွံရောင် ညီညာမူ့မရှိသောကျောက်တို့သည်
အပျက်ဘက်ကို ဆောင်တတ်သည်။

ခွံရောင်ညီညာသော ကျောက်ကိုသာဝယ်ပါ။

ကျောက်မှာ အရေးကြီးတဲ့တချက်ရှိပါသေးသည်။
ကျောက်ဆီပါ။

ကျောက်ဆီပါသောကျောက်တို့သည်
အပွင့် ပုတီး အချပ် လက်ရာ စသည်အချောထည်
လုပ်သည့်အခါ မှတ်အရောင် တက်မ မတက်
ဆုံးဖြတ်ပေးပါသည်။
ကျောက်သားကောင်းပြီး မှတ်ရောင်မတက်ရင်
ကျောက်ဆီခမ်းနေ၍ ဖြစ်သည်။

ကျောက်ဆီပါသောကျောက်သည် အခွံ စိုနေသည်။
ကျောက်ဆီမပါသောကျောက်သည် ခွံရောင်မွဲ
ခြောက်ခြောက် ဖြစ်နေတတ်သည်။

အခွံရောင်ခြောက်သောကျောက်များအဝယ်မမှားဖို့ရန်ဖြစ်သည်။

မဂ်လာအောင်ကျောက်တွေပိုင်ဆိုင်နိုင်ကြပါစေ
# # # AK Jade
Credit

30/01/2024

ကျောက်စိမ်း အခွံ အကြောင်း သိကောင်းစရာ

ကျောက်စိမ်း အခွံ ဟာ အဓိက အားဖြင့် ရေခွံ နဲ့ကုန်းခွံ ဆိုပြီး (၂)မျိုး ရှိပါတယ် ။ အခွံ ရဲ ့အရောင်တွေ ပေါ်မှာ မူတည် ပြီး အသေးစိတ်ကို လည်း ရေးပါမယ် ။

ရေခွံ = ကျောက်စိမ်းထွက်ရှိရာ ဒေသရှိ ၊ မြစ်ချောင်း အင်းအိုင် များ မှ ထွက်ရှိတဲ့ ကျောက်ရဲ ့အခွံ ပါ ၊ များသောအားဖြင့် ရေခွံ ပါတဲ့ ကျောက်ဟာ အသားကောင်းပါတယ် ။ အရွယ်အစား အမျိုးမျိုး ရှိပါတယ် ။ ပြောင်ချော နေပါတယ် ။

ကုန်းခွံ = သူ ကတော့ တောင်တွေ ၊ မြေကြီးတွေ အောက် က တူးလို့ရတဲ့ ကျောက်ရဲ ့အခွံ ပေါ့ ၊

(၁) မြေမှန် နဲ့

(၂)ကုဋေကျောက် ဆိုပြီး ကွဲပါတယ် ။

(၁) မြေမှန် = ကျောက်စိမ်း ထွက်ရာ ဒေသရှိ ကုန်းမြေ များမှ တူးဖော် ရရှိပါတယ် ။ အခွံ အမျိုးမျိုး ရှိပါတယ် ။

(၂) ကုဋေကျောက် = ကျောက်ရဲ ့အခွံ က အခွံ မဲ ဖြစ်ပါတယ် ။ ချောကပ်နေတတ်ပါတယ် ။ ချောကပ်တယ် ဆိုတာ ၊ ကပ်တရာစေး ကပ်နေသလို ၊ အခွံပေါ်မှာ မဲမဲပြောင်ပြောင်လေး တွေ ပါတာ ကို ချောကပ် တယ် လို့ခေါ်တာပါ ။ မော်၀မ်းလေး ၊ မော်၀မ်းကြီး ၊ မော်မောင်းကုန်း တို့မှ အဓိက ထွက်ပါတယ် ။

အခွံ များ မှာ

သံချေးခွံ = သံထည် ပစ္စည်း များ သံချေး တက်နေတဲ့ ပုံသဏ္ဌာန် မျိုး ဖြစ်နေတာပါ ။ ဒီလို အခွံ ရှိရင် ကျောက် က မျိုးရင့်တတ်ပါတယ် ။ အခွံ ကို ဖြတ်ကြည့်ရင် အခွံ ၂ ထပ် ဖြစ်တတ် ပါတယ် ။

၀ါးဖတ်ခွံ = ဝါးဖတ် အရောင် အဆင်းနဲ့ တူပါတယ် ။ ကျောက်မျိုး ကောင်းတတ်ပါတယ် ။

သစ်တော်ခွံ သို့မဟုတ် အာလူးခွံ = သစ်တော်သီး ခွံ အရောင် (သို့) အာလူးသီး အခွံ အရောင်ပါ ၊ သူလည်း မျိုးကောင်းတတ်ပါတယ် ။

အင်္ဂတေခွံ = နာမည် အတိုင်း အင်္ဂတေ အရောင် ရှိပါတယ် ။ ကျောက်သား ပျက်တတ်ပါတယ် ။ မျိုးမကောင်းတတ်ပါ ။

ဖွဲနုခွံ = စပါးခွံ ဖွဲ အရောင်မျိုး ဖြစ်ပါတယ် ၊ အခွံက နုပါတယ် ။ အခွံ ကို လက်ချောင်းထိပ်လေး တွေ နဲ့ပွတ်ကြည့် ရင် နုပါတယ် ။

( ဒီနေ ရာ မှာ ဝါးဖတ်ခွံ ၊ ဖွဲနုခွံ နဲ့ဆက် လာမယ့် ဖွဲလတ်ခွံ ၊ ဖွဲကြမ်းခွံ ၊ မုံထုခွံ တို့ရဲ့အရောင်တွေ ဟာ ၊ စာထဲ မှာ အရ တူညီ နိုင်တာ ကို ဖတ်ရနိုင်ပါတယ် ။ ဒါပေမယ့် အပြင် မှာ တစ်ကယ်လက်တွေ့ ကျောက်ကို မျက်မြင် ကြည့်ရင် အခွံအရောင် မတူညီကြပါဘူး ၊ အခွံ ရဲ့ မျက်နှာပြင် ကို လက်ချောင်းလေး တွေ နဲ့ ပွတ်သပ် စမ်းကြည့်မှ ကွဲပြား သိနိုင်ပါတယ် )

ဖွဲလတ်ခွံ = စပါးခွံ ဖွဲ အရောင် ပါပဲ ။ အခွံ ကို စမ်းကြည့်ရင် အခွံ က ကြမ်းပါတယ် ။

ဖွဲကြမ်းခွံ = အခွံ အကြမ်းဆုံးပါ ။

ဒီ ဖွဲနု ၊ ဖွဲလတ် ၊ ဖွဲကြမ်း သုံးမျိုး လို့ပြောပေမယ့် ၊ အရောင် က အတူတူပါပဲ ၊ အခွံကို လက်ချောင်းလေးတွေ နဲ့ ပွတ်သပ် စမ်းမှ ကွဲသွားတာပါ ။ ဒီ ၃ မျိုး လုံး ဟာ မျိုးရင့်ရင် ကျောက် အရည်ကောင်း အသားကောင်း ဖြစ်တတ်ပါတယ် ။ မျိုးနု လျှင်တော့ အသားမရ တတ်ပါ ။

ဖယောင်းခွံ = ဖယောင်းရည် သုတ်ထားသလို ပြောင်ချောချော ဖြစ်ပါတယ် ။

မုံထုခွံ = သနပ်ခါး အရောင် ရှိပါတယ် ။ မျိုးကောင်းတတ်ပါတယ် ။

မုံထု ခွံကြွေ = လက်နဲ့ကိုင်ကြည့် လိုက် ရင် အခွံ အစအန လေး တွေ ပါလာမယ် ။ မျိုးကောင်းတတ်ပါတယ် ။

ခွံကြမ်း = ကိုင်ကြည့်ရင် အလွန်ကြမ်းတမ်းပါတယ် ။

ခွံထူ = အခွံ မှာ သိသိသာသာ ထူနေတတ်ပါတယ် ။ အရည်အသား ကောင်းမကောင်း နဲ့တော့ မသက်ဆိုင်ပါ ။

ခွံကျစ် = အခွံ မှာ ကျစ်လစ် သိပ်သည်းလွန်းတတ်ပါတယ် ။ အသား ပျက်တတ်ပါတယ် ။

ခွံပျက် = ကျောက် တစ်တုံးထဲ ရဲ့ တစ်နေရာ မှာ အခွံ တစ်မျိုး ၊ အခြား နေရာ မှာ အခွံ တစ်မျိုး ဖြစ်တာကို ခွံပျက် လို့ခေါ်ပါတယ် ။ အသားပျက်တတ်ပါတယ် ။

ဒါကတော့ အခွံ များရဲ ့သဘော သဘာ၀ အကြောင်းပါ ။

ရေမဆေး ကျောက် ဆိုတာ မျိုးကို၀ယ်တော့မယ် ဆိုရင် ၊ သူ့ရဲ့ အခွံလေး ကို နဲနဲပွတ်တိုက်ကြည့် ၊ ပွတ်သပ်ကြည့်ပြီး မှ သေချာ လေ့လာ ၀ယ်ယူရပါတယ် ။

ဒီလောက် ဆိုရင် မိတ်ဆွေများ အခွံ အကြောင်း ကို အနည်းငယ် သိနားလည် ကြပါပြီ ။

ကျောက်စိမ်း"အသား"အကြောင်းလေ့လာရအောင်ဗျာ

"ကျောက်စိမ်း"အသား"အကြောင်းလေ့လာရအောင် ~အပေါ်ယံ(၁) "အခွံ" ၊၎င်းအောက်ရှိ(၂) "ခုန့်" ခေါ် အမြှေးပါး ပြီးလျှင် (၃)"အသား"ရှိသည်။ ~ကျောက်စိမ်းအသားကိုအမည်အမျိုးမျိုးသတ် မှတ်ထားသော်လည်း"အသားကောင်း"နှင့် "အသားညံ့"ဟူ၍သာရှိသည်။ ~အကောင်းဆုံးအသားမျိုး နှင့်အခြားအသား အမျိုးမျိုးကိုဖော်ပြပေးထားပါသည်။ အကောင်းဆုံးအသား ~~~~~~~~~~~~ ~"ဖလ်သား မှန်သား"ကဲ့သို့ ထိုးဖောက်ကြည်လင် နေသောအသားကိုခေါ်သည်။ ~ယင်း"ဖလ်သားမှန်သား"တွင်မည်သည့်"အရည်" ဝင်သည်ဖြစ်စေကောင်း၏။ ~"ဖလ်သားမှန်သား"ဟူသည်မှာ ကြည်လင်နေသော "ရေ"နှင့်တူလေသည်။ ~"စိမ်း နီ ဝါ ပြာ" မည်သည့်အရောင်ဆိုးသည်ဖြစ် စေကြည်လင်နေမည်သာ။ ~မသန့်ရှင်းသော"ရေနောက် ၊ရေစေး"တွင်ကား မည်သည့်အရောင်ဆိုးသည်ဖြစ်စေ"ညစ်ထပ်" နေမည်သာဖြစ်သည်။ ~ကျောက်စိမ်း၏"အသား"မှာဤသဘောပင်ဖြစ်၏ ~ကြည်လင်နေသော"ဖလ်သား မှန်သား"တွင် "ပဲရည် ၊ လန့်ရည် ၊ ချွမ်ရည်" မည်သည့် "အရည် ၊ အရောင်"ပွင့်သည်ဖြစ်စေကြည်လင်ထင်ရှားနေ၏ ~တရုတ်စကားဖြင့်

ကျောက်စိမ်း နှင့် မှားယွင်းနိုင်သော ပလွန်/ပထော့

ပလွန်ပထော့လို့ ခေါ်ကြတဲ့ albite ဒါမှမဟုတ် serpentine တွေက ကျောက်စိမ်းနဲ့အတူ တွဲထွက်သလို ကျောက်စိမ်းနဲ့အထင်အမြင် မှားတတ်လေ့ရှိပါတယ် - albite တွေကတော့ အရောင်မဲ့ အဖြူရောင်အဖြစ် ပိုမိုတွေ့မြင်ရပြီး ကျောက်စိမ်းပေါလိ/ဘော်လီသားနဲ့ မှားလေ့ရှိပါတယ် - ဂုဏ်သတ္တိအရ သိပ်သည်းဆရော အလင်းယိုင်ညွှန်းကိန်းကပါ ကွာခြားနေတော့ ခွဲခြားရ လွယ်ကူနေပါတယ် - ကျောက်စိမ်းဖြစ်တည်မှုကလည်း သီးခြားမဟုတ်ဘဲ တခြားတွင်းထွက်တွေနဲ့ ရောနေလေ့ရှိတော့ ကျောက်စိမ်းတုံးထဲမှာဘဲ အရောအနေနဲ့ albite တွေ ပါဝင်နေတတ်ပါတယ် - serpentine တွေကလည်း ကျောက်စိမ်းနဲ့အတူ တွဲထွက်လေ့ရှိပါတယ် အသားကောင်းပြီးအရောင်လှတဲ့ bowenite serpentine တွေက ကျောက်စိမ်းနဲ့ အတော်လေးဆင်တူပါတယ် အစိမ်းရောင် အမဲရောင်(မီးထိုးရင်စိမ်း) တွေက ကျောက်စိမ်းနဲ့မကြာခဏဆိုသလို မှားယွင်းလေ့ရှိပါတယ် - ပျော့တဲ့တွင်းထွက်ဖြစ်လို့ သံချောင်းဒါမမဟုတ် ခဲတံချွန်တဲ့ ဓားလေးနဲ့ ခြစ်ကြည့်ရုံနဲ့ ကျောက်စိမ်းမဟုတ်ဘူးဆိုတာကို သိနိုင်ပါတယ် - ပြီးတော့ ပေါ့လည်းပေါ့တဲ့အတွက် ခွဲခြားရတာ လွယ်ကူပါတယ် လက်ကောက်ကွင်းတွေ ပန်းပုတွေလုပ်ကြပေမဲ့လည်း ရောင်လက်အားနဲ့ ကြံ့ခိုင်မှုက ကျောက်စိမ်းကို မမှီပါဘူး ပလွန်/ပထော့လိ

ကျောက်စိမ်း နဲ့ အသက်မွေးဝမ်းကြောင်းစမယ်ဆို သိထားသင့်တဲ့အခေါ်အဝေါများ

ကျောက်စိမ်း အခေါ်အဝေါများ ကျောက်စိမ်းအား လေ့လာဆဲ သင်ယူဆဲသူတို့နှင့် ဇဝေဇဝါ ဖြစ်နေသော ကျောက်စိမ်း အခေါ်ဝေါ်များအား တတ်နိူင်သမျှ ဆွဲထုတ် နားလည်အောင် ရှင်းလင်းရေးပြလိုက်ပါတယ်...... တရုတ်ခေါ်ဝေါ် အား တိုက်ရိုက် ခေါ်ဆို သုံးနူံးမူ့ကြုံတဲ့ခါမှာ..ပေါ့ ........................... ဘော်ဒီ/ဘော်လီ ဟုခေါ်ဆိုမူ့များပြားပြီး အမှန်စစ်က တရုတ်လို အသံထွက် ပေါလိ...ပါ ပေါလိ=ဖန်/မှန်.......ဖန်သားမှန်သားအလားတူ .......................... လန့် = အပြာ လု = အစိမ်း ဆွေး = အရည်(ရေ) သို = ပဲ ............................ ပဲရည် = ပဲသီးစိမ်းအရာင်i .............. မန်း..ဆိုသည်လည်း...တရုတ်ခေါ်ဝေါ်မူ့ မန် = ပြည့်ဝခြင်း ................ ကွမ်ချက်.....ကွမ်ခြင်း တရုတ်လို .... ကွမ် = တောက်ပြောင်လင်းလက်ခြင်း အရောင် ................. ကောက်ယော့ (ကပ်ရည် အပြားလိုက် အကွက်လိုက်).... ပါးလွာစွာတည်ရှိခြင်း သဘောဆောင်သော တရုတ်လို.... ကောက်ယော့ =ဖယောင်းချက်...ပလာစတာ ကဲ့သို့ အပေါ်ယံသာ ကပ်သုံးရသောဆေး .. .................... ဆာဘိ........သဲပွင့်များအလား ပုံဆောင်ယမ်းအား ပီပြင်စွာ မြင်ရသော အခွံ တရုတ်ခေါ်ဝေါ်..... ဆာ ... သဲ

မြန်မာ့ ကျောက်စိမ်း

မူရင်းရေးသားသူနှင့် ဓာတ်ပုံ များအား crdပေးပါသည်
ပညာရှင်များအားလေးစားလျက်
HtetHtet

29/01/2024

#မှော်

ကျောက်တစ်လုံးဝယ်တော့မယ်ဆို ဘာမှော်လဲ? ဘာမှော်လဲ? မေးကြတာတွေ့ဖူးမှာပါ...

မှော်ကို ဘာကြောင့်မေးတာလဲ?
ကျောက်စိမ်းက ကျောက်စိမ်းပဲ မှော်ကွာသွားရင် ကျောက်က မတူတော့ဘူးလား?

ဟုတ်ပါတယ်... ကျောက်စိမ်းလုံးစွပ်တစ်လုံးက်ိုဝယ်မယ်ဆို မှော်ကွာသွားရင်ကျောက်ရဲ့အရည်အချင်းကွာသွားပါတယ်...

ကျောက်တစ်လုံးရဲ့အဓိကအချက်က -
ကျောက်သား
ကျောက်ဆီ
အရည်ကာလာ
ကျောက်သက်
အဖျက်
အနာ ဒါတွေကိုကြည့်ပြီးဝယ်ရတာပါ...

မှော်ပေါ်မှာလိုက်ပြီးတော့ ကျောက်ရဲ့ အားသာချက်အားနည်းချက်တွေကွာသွားပါတယ်...
ဒါလေးသိသလောက်ပြောပြပါမယ်...

၁။ မှော်စီစာ

မှော်စီစာကျောက်တွေက ကျောက်သက်ရင့်တာများပါတယ် ကျောက်သားကောင်းတွေ အထွက်များလို့ အသားမှာမှော်စီစာ ဆိုပြီးနာမည်ကြီးပါတယ်...
ကျောက်သားကောင်းတဲ့မှော်စီစာမှာ အရည်ကျောက်တော့ရှားပါတယ်...ပန်း အသားဆန်း လောက်ပဲများပါတယ်...အနာလိမ္မာတယ်...
အရွယ်ကြီးအသားကောင်းရင် လက်ကောက်မိတတ်တယ်...
အဲ့လိုအသားကောင်းတဲ့မှော်စီစာ အကျွတ်တွေထွက်တဲ့မှော်စီစာ အရည်သာဝင်လို့ကတော့ ထောပီလေ... ဒါကြောင့်မှော်စီစာနာမည်ကြီးတာပါ...ကျောက်ဆီလဲရှိတယ်လေ

၂။ မှော်ဝမ်း

အရည်မှာမှော်ဝမ်းဆိုနာမည်ကြီးတာ... မှော်ဝမ်းက အရည်ကျောက်ထွက်ပါတယ်...အသားအားနည်းတယ်...အဆီအားနည်းတယ်...ဒီတော့ မှော်ဝမ်းကျောက်ဝယ်မယ်ဆိုအသားနဲ့အဆီကိုအဓိကကြည့်ရတာပေါ့...

၃။ မန

မနကျောက်တွေက အခွံဖြူလေးတွေနဲ့လှပြီးနာမည်ကြီးတာ မနအကြောင်းရေးတင်ဖူးပါတယ်... ကြိုက်တယ် အပြောင်းအလဲကြီးနဲ့အောင်တတ်တယ်...ကျောက်သက်နုလို့ နုကြည် ကျဲလင်းများတယ်... အခွံပေါ်ကနေမီးထိုးလို့ ချွမ်ရောင်ထွက်နေရင်သတိထားပေတော့... စျေးကျွံရင်သွားပီပဲ...

၄။ ခန်တီး

ကျောက်ဘုရင်ပဲ....ကျောက်ဆီနဲ့ အရည်ကောင်းလွန်းလို့ ပဲလှော်ဆိုဒ်လေးတွေတောင်စျေးကောင်းနေတာ... အားနည်းချက်က အနာများတယ် လက်ကောက်ကတော့ မြင်ဖို့ကိုမလွယ်တာ... ခန္တီးလဲရေးတင်ဖူးပါတယ်... ကျောက်သားလျော့တာများတယ်...ေကျာက်ဆီကောင်းတော့မီးထိုးပေါက်တာများတယ်...

၆။ ဝေ ခါ

ဝေခါနဲ့ခန္တီး တူတူပါပဲ... ဝေခါက ဖယောင်းချော်နဲ့လာတယ်... အနာများမယ် အဆီကောင်းမယ်... အားသာချက် အားနည်းချက်က ခန္တီးနဲ့တူတူပဲ...

၇။ တာမခံ

ကျောက်ဆီမှာ ဘုရင်ပဲ... ကျောက်အဆီကောင်းခြင်းက ဘယ်မှော်မှကိုမမှီတာ... ခုန့်ဆိုတာ ကျောက်ဆီကောင်းတဲ့ကျောက်မှာပဲပါတာ...
အားနည်းချက်က ကာလာတိမ်းတယ်... ကောက်လျော့များတယ်...အသားကျဲတယ်...
အားသာချက်က ကာလာညီတယ်... တိမ်းတဲ့ကာလာဆို တစ်တုံးလုံးတိမ်းတာ... ကာလာဖြောင့်ပြီဆိုရင်တော့ ပွဲသိမ်းဗျာ...
ခုန့်ဆိုတာ တာမခံရဲ့ အနိမ့်ဆုံးကိုယူတာပါ...ခုန့်အောက်ကအသားလန်လို့ကတော့ 😎...

တခြားမှော်တွေလဲကျောက်သက်ရင့်ပြီးကျောက်ဆီကောင်းရင် ခုန့်ရစ်ပါတတ်တယ်... ကွမ်တဲ့လူတွေသတိထားရမှာခုန့်ပါကွမ်ပစ်တတ်ကြတယ် တခြားမှော်တွေဆို...

တကယ်တမ်းကျတော့ ဘာမှော်နေနေ ကျောက်ဆီကျောက်သားကျောက်မျိုးကောင်းရင် တန်ဖိုးရှိတာပါပဲ...

Credit

28/01/2024

#ကျောက်ပွဲစား၏ လိုအပ်သောအချက်များ #

1။ ကျောက်စိမ်းအတု အစစ်ခွဲတတ်ရပါမည်(အရည်တု ခွံတု အတုပြုထားသောကျောက်များ ကျောင်မျိုးမမှန်သော ပလွမ် တောင်ဆန် မှော်တိမ်း ကော်ကပ် ဖြတ်ကပ် ဖြတ်စက် ရွှံပိတ်ရွှံ့သုပ်) ကျောက်စိမ်းအစစ်အတု မခွဲတတ်ပါက ကျောက်ပွဲစားက တဆင့်
ကြားထဲမှရောင်းပေးလျှင် ပြဿာနာကြီးထွားနိုင်ပါသည်

2။ ကျောက်စိမ်းအကြောင်းအတော်အသင့်သိထားရပါမည်။( ကျောက်၏လှပမူ မလှပမူ )

3။ကျောက်စျေးနိုင်ရပါမည်။( ကျောက်၏စျေးကွက်အတော်အသင့် လက်လှမ်းမှီရပါမည်)

4။ ကျောက်တစ်လုံး၏ ရောင်းတန်းဝင်ခြင်း ရှိ /မရှိ
သိရပါမည်။

5။ ကျောက်ပေးသူများ၏ ယုံကြည်မူကို ကြီးမားအောင်လုပ်ရပါမည်။( ပွဲညွန့်ခုပ်ခြင်း ပွဲကျော်ခုပ်ခြင်း မရှိရပါ)

6။ ကျောက်ရှိနိုင်သောအိမ်များ (OR) ကျောက်ရောင်းချင်သူ ကျောက်ပေါများသူအိမ်နဲ့ ရင်းနှီးမူတိုးအောင် လုပ်ရပါမည်။

7။ကျောက်တစ်လုံး၏ ထွက်စျေးအမှန်ပြောရပါမည်(ဝယ်လက်မှ ပေးသောစျေး အမှန်တိပ်စီးခြင်း စျေးချန်မစီးခြင်းရှိရပါမည်)

8။စကားချိ ုသာစွာဖြစ် လိမ်ညာမူနည်းသောစကားများစွာကို ကောင်းမွန်စွာ ပြောတတ်ရပါမည်။

9။ ကျောက်ဝယ်သူ ဝက်လက်၏ အခြေနေ ပြောပုံ ဆိုပုံမှ တစ်ဆင့် ကျောက်စျေးဆွဲသင့် /မဆွဲသင့် အကဲခပ်နိုင်ရပါမည်။

10။ရောင်းလိုသူမှ သိန်းတစ်ရာဖြစ်ရောင်းမည်ဟု ပြောသောကျောက်ကိုလဲ ကျောက်ပြတဲ့အခါ ၁သိန်းသာထွက်လျှင် ၁သိန်းနဲ့သာ တိပ်စီးသွားရပါမည်။
( ကျောက်၏ထွက်စျေးနဲ့ ရောင်းလိုစျေးမည်မျှကွာပါစေ ထွက်စျေးတိပ်စီးခြင်းက မမှားပါ)

11။ နောက်တစ်ဆင့်ခံ၍ အခြားသူအားယုံကာ နောက်တစ်ဆင့် ကျောက်ပွဲပေးမတိုက်သင့်ပါ။( ဖြစ်လာနိုင်စရာ အရှုပ်တွေများတတ်သည်။ တစ်ဆင့်ခံ ပွဲပေးကိုင်မည်ဆိုလျှင် ယုံကြည်မူအထပ်ထပ်စဉ်းစား၍ ပေးရပါမည်။

12။ ကျောက်၏ပုံစံအားကြည့်၍ ထွက်ရှိသောမှော်အမျိုးအစားသိရပါမည်။

13။ မိမိပွဲကိုင်သောကျောက်၏ အမျိုးအစားကို သိရပါမည်။ အရည်လား? အသားလား? အဆန်းလား? ဘလက် လန့် စသည်အားဖြစ်။

14။ မိမိပွဲကိုင်သောကျောက်အမျိုးအစားကို ကြိုက်နှစ်သက်ဝယ်လိုသော လောပန်းများကိုလဲ သိထားရပါမည်။( မိမိကဥပမာ အသစ်ဆန်း ဘလက် အရည် လန့်ဂျတ် စသည် ကျောက်ထဲမှာ တစ်စုံတစ်ခု ကိုင်လျှင် ထိုကျောက်ပုံများကို ဝယ်သည် ဝက်လက်အား သိထားလျှင် ရောင်းရပိုလွယ်သည်။)

15။ ကွဲအက်လွယ်သောကျောက်များကို ပွဲမကိုင်ရပါ( အခန့်မသင့်လို့ မိမိလက်ထဲ ကွဲအက်ခဲ့လျှင်မကောင်းပါ)

16။ ကျောက်၏ အမျိ ုးအစားကိုကြည့်၍ ဂွင်လိုင်းများကို သိထားရပါမည်။(အပွင့် အချပ် အထည် ပန်းပု လက်ကောက် ပုတီး စသည့်အားဖြစ် ပြုလုပ်နိုင်သောအခြေနေကို အကြမ်းဗျင်းသိရမည်။)

17။ ထွက်စျေးရှိနိုင်သောကျောက်အဆင့်သိထားရပါမည်။

18။ ကျောက်၏ပုံစံကိုကြည့်၍ ပိုင်ရှင်ရောင်းလိုသောစျေး ဝက်လက်မှ ထွက်နိုင်သောစျေး ဥပမာအားဖြစ် အနီးစပ်ဆုံး ပိုသိသင့်သည်။

19။ မိမိကျောက်ယူသောအိမ်များနဲ့ မိမိရောင်းပေးသော ဝယ်လက်များကို ခင်မင်အောင် ပြောဆိုခြင်း မှတ်သားခြင်း ပြုထားရပါမည်။

20။ မှော်ပတ်မပြင်းရပါ။

21။ မိတ်ဆွေပေါများရပါမည်။

21။ ကော်ဖီဖိုး မုန့်ဖိုး တပါးသူအတွက် အကုန်ကြခံ သုံးသင့်လျှင် သုံးရပါမည်။( တစ်ချို့ရေမဆေးများအတွက် ကော်ဖီတိုက်ခြင်း တစ်စုံ တစ်ခုပြုပေးခြင်းကြောင့် သူတို့ကျောက်ရတဲ့အခါ ကျောက်အားပွဲကိုင်ရလွယ်သည်။)

22။ မိမိအမည်ဆိုးမထွက်အောင်နေထိုင်ရပါမည်။

23။ မူးယစ်းဆေးဝါးကင်းစင်ရပါမည်။(ကျောက်ပေးသူများ ကျောက်ဝယ်လက်များ ယုံကြည်ဖို့အတွက် အထူးလိုအပ်သည်။)

24။ စကားပြောတဲ့နေရာမှာ ရောင်းလိုသူဖြစ်စေ
ဝယ်လက်ဖြစ်စေ သူတို့ပြောသော စကားအဓိပ္ပါယ်ကို ကောင်းစွာခွဲခြားတတ်ရမည် သူတို့ကို ဦးစားပေးပြောသင့်သည်။( မိမိမှ နားထောင်သူအဖြစ်နေပါ နားမရှင်းတာပါမှ မှတ်သားပြီးပြန်မေးပါ။)

25။အပေါင်းအသင်းမမှားရပါ။

26။ ကျောက်ပွဲတိုက်ခြင်းမှ ကျောက်စျေးကွက် ကျောက်မျိုးတန်းများ အနိမ့်အမြင့် အထူးမှတ်သားရပါမည်။

27။ ကျောက်၏အခြေနေပေါ်မူတည်၍(ဝိုင်းဂွင်လား? အိမ်လက်ဂွင်လား? မန္တလေးလိုင်းလား? ရွှေလီလား? ရန်ကုန်လား? တရုတ်ပြည်လား? .အဆင့်ဆင့် သိထားဖို့ အထူးလေ့လာရပါမည်။

ကျောက်စိမ်း၏ အရည်အချင်း တန်ဖိုးရုပ်အား ခွဲနိုင်ရမည်။(ဥပမာ သောင်းကျောက်လား?သိန်းကျောက်လား?ဆယ်ကျောက်လား?ရာကျောက်လား?ထောင်ကျောက်လား? ကိုယ်တိုင်သိထားလျှင် ကျောက်ပွဲတိုက်ရတာ ပိုအဆင်ပြေနိုင်ပါသည်။

မိမိ၌ ရောင်းလက် ရောင်းလိုသူနဲ့ ၀ယ်လက် ၀ယ်လိုသူ အသိ၊ အချိတ်အဆက် ပေါများနေရမည်။

#ကျောက်စ်ိမ်းမြင့်မိုရ် #(လုံးခင်း)
Credit

27/01/2024

ကျောက်စိမ်းအရောင်များ၏အကျိုးတရားများ.....
အစိမ်းရောင်ကျောက်စိမ်းသည် ရဲရင့်ခြင်းကိုကိုယ်စားပြုသည်။ သန့်စင်ခြင်း၊ စွဲမက်ဖွယ်ကောင်းခြင်း၊ စည်းစိမ်ဥစ္စာကြွယ်ဝခြင်း၊ နုပျိုလန်းဆန်းခြင်း စသောကောင်းကျိုးများကိုဖြစ်စေကာ စီးပွားရေးနှင့် မိသားစုဆက်ဆံရေးတွင် ပျော်ရွှင်မှု့ကိုဆောင်ကြဉ်းပေးပါသည်။
အဝါရောင်ကျောက်စိမ်းသည် ကမ္ဘာမြေကိုကိုယ်စားပြုသည်။ ရွှင်လန်းမှုနှင့်ပျော်ရွှင်မှုကိုလဲ ကိုယ်စားပြုသည်။ စုစည်းမှုနှင့် နားလည်နိုင်စွမ်းကိုမြင့်မားစေသည်။ တရုတ်နိုင်ငံတွင် အဝါရောင်ကျောက်စိမ်းသည် ကြွယ်ဝမှု၊ ကံကောင်းမှု၊ ခင်မင်မှုနှင့် သစ္စာစောင့်သိမှုတို့ကိုကိုယ်စားပြုသည်။ စိတ်ပိုင်းဆိုင်ရာတည်ငြိမ်မှု၊ ဟန်ချက်ညီမှု၊ လူမှု့ဆက်ဆံရေး၊ ကံကောင်းမှု၊ ဉာဏ်ပညာ၊ အကာအကွယ်၊ အသက်ရှည်မှု့ စသည်တို့ကိုကောင်းကျိုးဖြစ်စေသည်ဟုအယူရှိကြပါသည်။
အနက်ရောင်ကျောက်စိမ်းသည် မြောက်ဘက်ကိုကိုယ်စားပြုသည်။ အကာအကွယ်နှင့်ပံ့ပိုးမှု၊ အနုတ်လက္ခဏာစွမ်းအင်များကိုကာကွယ်ပေးသည်။ BJ သည် အောင်မြင်မှုနှင့်ကျော်ကြားမှု၊ သာယာဝပြောမှုကိုလည်းကိုယ်စားပြုပြီး ထိုကျောက်တုံးသည် ရှေးခေတ်ကတည်းက အာဏာရှိသူများအကြားတွင် မြတ်နိုးတန်ဖိုးထားခဲ့ကြသည်။
ကျောက်စိမ်းအနီရောင်သည် တောင်ပိုင်းကို ကိုယ်စားပြုသည်။ ၎င်းသည် ဝိညာဉ်ရေးစွမ်းအားကို အားကောင်းစေပြီး ကြောက်ရွံ့မှုကိုလျှော့ချပေးသည်။ ကျောက်စိမ်းနီသည် စစ်သူရဲတဦး၏ စွမ်းအင်မျိုးကိုလည်း သယ်ဆောင်ပေးသည်။ ၎င်းသည် စိတ်စွမ်းအား၊ စိတ်ဆန္ဒ၏ သင်္ကေတတစ်ခုဖြစ်ပြီး ကြောက်ရွံ့မှု၊ စိုးရိမ်မှုနှင့် သံသယများကို တွန်းလှန်တိုက်ထုတ်နိုင်သည်။ ၎င်းသည် ရုပ်ပိုင်းဆိုင်ရာတက်ကြွမှု၊ ခွန်အားနှင့် စိတ်အားထက်သန်မှုတို့ကိုဖြစ်ပေါ်စေသည်။ ၎င်းသည် ရဲစွမ်းသတ္တိနှင့် စွမ်းအင်ကို ထိရောက်စွာလှုံ့ဆော်ပေးနိုင်သည်။ ၎င်းသည် ဘဝအတွက် အကာအကွယ်တစ်ခုလည်းဖြစ်ပါသည်။
ပန်းရောင်ကျောက်စိမ်းသည် ခန္ဓာကိုယ်တွင်းရှိ အဆိပ်အတောက်များကိုဖယ်ရှားပေးနိုင်သည့် ကုသရေးဆိုင်ရာကိုသဘောတရားကိုကိုယ်စားပြုပြီး ဤကျောက်ကိုကိုင်ထားရုံဖြင့် အာရုံကြောစနစ်အပေါ် အံ့သြဖွယ်ရာ ငြိမ်သက်ခြင်းအကျိုးသက်ရောက်မှုရှိသည်ဟုဆိုကြသည်။ ပန်းရောင်ကျောက်စိမ်းသည် နှလုံးသားအပေါ် အစွမ်းထက်သော သက်ရောက်မှုရှိသည်ဟုလည်းဆိုကြသည်။ ၎င်းသည် အိမ်ထောင်ရေးနှင့် အချစ်ရေးတို့ကိုခိုင်မာစေသည်။ ဤကျောက်ကို ခန္ဓာကိုယ်အား သန့်စင်ရန်အတွက်လည်းအသုံးပြုသည်။ ခန္ဓာကိုယ်ကြွက်သားများကိုပြေလျော့စေပြီး ဒဏ်ရာများကိုလည်း အမြန်ပျောက်ကင်းစေရန်ကူညီပေးသည်။
လိမ္မော်ရောင်ကျောက်စိမ်းသည် အာဟာရပြည့်ဝပျော်ရွှင်မှုကိုကိုယ်စားပြုသည်။ ၎င်းသည် စိတ်ကို တည်ငြိမ်အောင်လှုံ့ဆော်ပေးသည်။ Orange Jade သည် ပျော်ရွှင်မှုကိုယူဆောင်လာပြီး လူသားများ အပြန်အလှန်ဆက်သွယ်မှုကိုထိရောက်စေသည်။
ခရမ်းရောင်ကျောက်စိမ်းသည် ဝိညာဉ်ရေးရာ အထောက်အပံ့ကို ကိုယ်စားပြုသည်။ စိတ်ပိုင်းဆိုင်ရာနှင့် ခန္ဓာကိုယ်ကို အားကောင်းစေသည်။ နူးညံ့ပြီး မိန်းမဆန်သောခရမ်းရောင်ကျောက်စိမ်းသည် ရွှင်မြူးမှုနှင့် ပျော်ရွှင်မှုကိုအားပေးကာ အသွင်အပြင်ကိုသန့်စင်စေသည်။ အဆိုးတွေကိုဖယ်ရှားပြီး ပိုင်းခြားသိမြင်မှုအဆင့်ကိုတိုးစေပါတယ်။ ၎င်းသည် သူ့အလိုလို ရွှင်လန်းမှုကိုဖြည့်စည်းပေးပြီး အခြားသူများထံသို့လည်း ကူးဆက်စေသည်။ အပျက်သဘောထားများနှင့် ခံစားချက်များကို ပြေပျောက်စေပြီး စိတ်ဝိညာဉ်ကိုပျော်ရွှင်မှုဖြည့်စွမ်းပေးပါသည်။
အပြာရောင်ကျောက်စိမ်းသည် စိတ်၏အေးချမ်းမှုကိုကိုယ်စားပြုပြီး အတွင်းစိတ်ငြိမ်းချမ်းမှုအား မိမိကိုယ်ကိုရောင်ပြန်ဟပ်စေရန်ဖန်တီးပေးသည်။ အပြာရောင်ကျောက်စိမ်းသည် ငြိမ်းချမ်းရေးနှင့် ငြိမ်သက်ခြင်း၏သင်္ကေတဖြစ်သည်။ ၎င်းသည် အရောင်ရင့်ရင့်မှ အပြာနုရောင်အထိ၊ တစ်ခါတစ်ရံ စိမ်းပြာဖျော့ဖျော့ရောင်ရှိပြီး စိတ်ပိုင်းဆိုင်ရာ ကသောင်းကနင်းဖြစ်မှုကို ပြန်လည်တည်ငြိမ်စေရန်အတွက် အသုံးပြုနိုင်သည်။
အညိုရောင်ကျောက်စိမ်းသည် စိတ်ဓာတ်ကိုခိုင်ခံ့စေရန်ကူညီပေးသည်။ နှစ်သိမ့်မှုနှင့် ယုံကြည်စိတ်ချရမှုကိုဖန်တီးပေးသည်။ ၎င်းသည် ကြောက်ရွံ့မှုကို တွန်းလှန်နိုင်သောစွမ်းအင်ကိုဖြစ်စေသည်။
အဖြူရောင်ကျောက်စိမ်းသည် အေးဆေးတည်ငြိမ်မှုကိုကိုယ်စားပြုသည်။ ဝတ်ဆင်သူကို အပျက်သဘောဆောင်သော စွမ်းအင်များမှလည်းကာကွယ်ပေးသည်။ ငြိမ်းချမ်းမှု၊ စည်းလုံးညီညွတ်မှုနှင့် ကံတရားတို့ကိုဆောင်ကြဉ်းပေးသည်။ ၎င်းသည် သင့်အတွေးများ၊ စိတ်ခံစားမှုကို ပျော့ပျောင်းစေတတ်သောစွမ်းရည်ရှိပေမဲ့ အပျက်သဘောဆောင်တဲ့စွမ်းအင်တွေနဲ့ အဆိုးမြင်အတွေးတွေကိုဖယ်ရှားဖို့လည်း ကူညီပေးပါလိမ့်မည်။ တည်ငြိမ်အေးချမ်းမှုကိုယူဆောင်လာပေးမည့် အရာတစ်ခုဖြစ်ပြီး ၎င်းသည် သင်၏ဆုံးဖြတ်ချက်ချသည့် လုပ်ငန်းစဉ်တွင် အထောက်အကူဖြစ်စေမည်ဖြစ်သည်။
(D.J) 🙏🙏🙏.....

26/01/2024

***ကျောက်စိမ်း ပန်းကြား***

ကျောက်စိမ်းအသားထဲမှာစွဲဝင်နေတဲ့ အဓိကပန်းလေးမျိုးရှိတယ် (အရည်ပန်း)-(ပဲပန်း)-(လန့်ပန်း(ခေါ်)ကန်ဇွန်းပန်း)-(ရှင်းပန်း)တို့ဖြစ်ပါတယ်။ထိုပန်းလေးမျိုးဟာကျောက်စိမ်းအသားတွေထဲမှာ မြင်တွေ့ရများတဲ့ ပန်းစက်လေးများဖြစ်ပါတယ်။
(ပန်းဆိုတာဘယ်လိုပုံစံမျိုးလည်း)
ပန်းဆိုတာဟာ ကျောက်စိမ်းအသားထဲမှာစိမ့်ဝင်နေတဲ့ အစက်အပြောက်ကလေးများကိုခေါ်ဆိုတာဖြစ်ပါတယ်။ကျောက်စိမ်းအတွင်းသားတွေထဲမှာဖြစ်တည်နေတဲ့အရောင်အဆင်းများဟာပုံပန်းသဏ္ဍန်အမျိုးမျိုးရှိပါတယ် ထိုအထဲမှာမှ ပန်းကနုတ်ဆန်ဆန်ပြန့်ကျဲနေပြီးထူခြားလှပတဲ့အစက်အပြောက်များကြောင့်စျေးကွက်ထဲမှာ(ပန်းစွဲ)ကျောက်စိမ်းသားများကိုလူကြိုက်များကြပါတယ်။ပန်းစွဲနေတဲ့ကျောက်စိမ်းဖြတ်သားတိုင်းကတစ်ခုနဲ့တစ်ခုမတူကြပါဘူး တစ်ချို့ကျောက်စိမ်းအသားတွေထဲမှာပန်းတွေကနေရာအနှံမှာရှိသလို တစ်ချို့ကျောက်တွေမှာအနည်းငယ်တစ်နေရာထဲမှာပဲရှိတတ်ကြပါတeယ်။ပန်းအစက်အပြောက်များဟာလည်းတစ်ခုနဲ့တစ်ခုမတူညီကြပါဘူး တစ်ချို့ပန်းတွေကစုပြုံနေတော့ထူပြစ်နေပြီးမလှပတော့ပါဘူး ပုံမှန်အနေအထားရှိတဲ့ပန်းစွဲကျောက်စိမ်းသားများကို စျေးကွက်ထဲမှာတင်စားကြတာကတော့(ပန်းပေါက်လှတယ်)(ပန်းစက်လေးတွေကနှမ်းဖြူးထားသလိုပဲ)စသဖြင့် ခေါ်ဆိုသုံးနှုန်းကြသလို(ပန်းကြား)ဖြတ်သား ပန်းကြားလက်ကောက် ပန်းကြားဆွဲသီး ပုတီးပန်းကြား စသဖြင့်လည်းခေါ်ဆိုကြပါတယ်။ပြီးမှ(ခင်ဗျားကျောက်စိမ်းဖြတ်သားက ဘာပန်းကြားတာလဲ)မေးလာရင်ကိုယ့်ကျောက်မှာစွဲနေတဲ့ပန်းက( အရည်ပန်း-ရှင်းပန်း-ပဲပန်း-ကန်ဇွန်းပန်း)စသဖြင့်ပြောရမှာဖြစ်တယ်။

(ပန်းအမည်များ၏ယေဘူယျအရောင်များမှာ)

၁(အရည်ပန်း)များသောအားဖြင့်အစိမ်းရောင်ပန်းစက်များ။

၂(ရှင်းပန်း)အမဲရောင်ပန်းစက်များ။

၃(ပဲပန်း)ပဲသီးစိမ်းရောင်ပန်းစက်များ။

၄(ကန်ဇွန်းပန်း)အပြာဖက်သန်းသောစိမ်းပုတ်ရောင်ပန်းစက်များ။
(ထူးခြားချက်)
(ပန်းစွဲနေတဲ့အနီးအနားတစ်ဝိုက်ကကျောက်သားများပို၍ရင့်သည်)။
ပြချက်ဖော်(ကွဲမ်)မယ့်သူတွေအကြိုက်ပေါ့။

//(ရှောင်ရန်)//ပန်းအစက်အပြောက်များဖြစ်တဲ့အတွက် ပန်းပုထုရင်မျက်နှာမှာအစက်အပြောက်တွေနဲ့မသင့်တော်သလိုလှပခြင်းလည်းရှိမှာမဟုတ်ပါဘူး။

ကျောက်စိမ်းနဲ့ပတ်သတ်တဲ့ဗဟုသုတရစရာတွေကိုဆက်လက်တင်ဆင်ပေးသွားမှာဖြစ်သဖြင့် page လေးကို like & follow လုပ်ထားဖို့မမေ့နဲ့နော်😁

25/01/2024

၁။ ကျောက်စီးခြင်း (စည်း)

စည်းတယ်ဆိုတာ ရောင်းတဲ့သူက စဉ်းစားအုံးမယ်။
ရောင့်သင့်မရောင်းသင့် ချင့်ချိန်အုံးမယ်၊ တိုင်ပင်
အုံးမယ်ဆိုတဲ့ သဘောပါ။ တစ်ဖက်ဝယ်သူ
စျေးပေးနေတုန်းမှာ ပေးစျေးကိုလည်း လက်မလွတ်တဲ့ သဘောပါ။

စည်းထားတဲ့အချိန်မှာ ကိုယ့်ဘာသာဖြည်ခွင့်မရှိပါဘူး။ ၁သိန်းခွဲနဲ့ စည်းထားတာကို စျေးနညိးလို့
မကိုက်သေးရင်၊ အာရုံလာနေသေးတယ်ဆိုရင်
၂သိန်းမှ ပြတ်မယ်၊ ၃သိန်းမှ ပြတ်မယ် စသဖြင့်
စျေးပြန်ညှိလို့ရသလို၊ မရောင်းချင်တော့တဲ့အခါ
စျေးမကိုက်လို့ ဖြည်မယ်ဆိုလည်း စျေးပေးထားတဲ့
ဝယ်လက်ရှေ့မှာ ဖြည်ကြရပါတယ်။

ဝယ်နေကျလူတွေ၊ လူရင်းတွေဆိုရင်တော့ ဖုန်းနဲ့ပဲ ဖြည်လိုက်တော့မယ် လောပန်းရေဆိုပြီး ဖြည်လို့ရပါတယ်။

ဝယ်ယူသူကလည်း သူကလွဲပြီး တခြားသူကို
မပြစေချင်တဲ့သဘောလညိး သက်ရောက်ပါတယ်။
အရောင်းအဝယ်ဖြစ်တဲ့အခါ ဝယ်ယူသူက ပွဲခ(၅%)
ထည့်ပေးရပါတယ်။ တခါခါ ၁၀%ပေးပြီး
ကျောက်ပိုင်ရှင်ကို ရအောင် ပြောပေးဆိုပြီး
စသဖြင့် ပိုပိုသာသာ ပေးလေ့ရှိပါတယိ။

၂။ စျေးပေးခြင်း၊ စျေးဖွင့်ခြင်း။

ကျောက်လောကမှာ စျေးပေးရင် သတိထားရပါတယ်။ အထူးသဖြင့် စျေးမကျွံစေဖို့ပါ။ စျေးကျွံရင် တော့ ကိုယ်ပဲ ခံရပါလိမ့်မယ်။ ပုံမှန်အားဖြင့် အော်စျေးရဲ့ ၁၀% ၂၀% လောက်ကနေ စျေး စပေးလေ့ရှိပါတယ်။

ကျောက်ပိုင်ရှင်(ပွဲစား) က ပြတ်စျေး
တခါထဲ ပြောပြီး ကျောက်ပြတာမျိုးလည်း
ရှိကြလို့ ပြတ်စျေးပြောပြီဆိုရင် ကိုဝယ်နိုင်တဲ့
စျေးကို တန်းဖွင့်ရုံပါပဲ။

အထူးသတိထားရမှာက စလား နောက်လားနဲ့
စျေးပေးလို့မရသလို၊ စျေးဖွင့်ပြီးမှ မှားသွားလို့
ဘာညာဆိုပြီး တောင်းပန်လို့မရပါဘူး။
ဒါက တခြား ဘယ်စီးပွါးရေးနဲ့မှ မတူတဲ့ အချက်ပါ။
၁၀သိန်းနဲ့ အော်ရောင်းနေတာကို ၃သိန်းပေးလိုက်မိတယ် ဆိုပါစို့၊ ဟိုက ရောင်းပါမယ်။ ရပါတယ်ဆိုရင် ယူကို ယူရပါတယ်။ ပြန်စဉ်းစားလိုက်အုံးမယ်၊
စျေးပေးတာများသွားလို့ ဆောရီးဘာညာဆိုပြီး
လုပ်လို့မရပါဘူး။ ယူကို ယူရပါတယ်။
ကိုယ့်စကားကို ကိုယ့်ကတိကို ကိုယ်တာဝန်ယူရပါတယ်။

၃။ စျေးကွက်ကျော်ခြင်း

ဒါက သူများကြည့်နေတဲ့ ကျောက်ကို
ဘေးကနေ ဘယ်လောက်ကြိုက်တယ်၊ ဘာညာဆိုပြီး စျေးသွားပေးလို့မရပါဘူး။ သူများကြည့်ပြီးလို့
ပွဲမတည့်မှ ကိုယ်ကြည့်ချင်ကြည့်ပါ။ ကိုယ်စျေးဖွင့်ရင် ဖွင့်ပါ။ သွားပြီး လုပြီး စျေးဝင်ပေးလို့ မရပါဘူး။

လေလံလိုမျိုး စျေးလုပေးတာမျိုး မလုပ်ရပါဘူး။
အခန့်မသင့်ရင် ပြဿနာတက်နိုင်ပါတယ်။

၄။ ကျောက်ထိန်းသိမ်းခြင်း။

ပွဲတိုက်ဖို့ပေးထားတဲ့ကျောက်ဖြစ်ဖြစ်၊
အထည်ထုတ်ဖို့ လက်ကောက်၊ ပုတီး သဖြင့်
ထုတ်ဖို့ လာအပ်ထားတဲ့ ကျောက်ဖြစ်ဖြစ်၊
ကျမကွဲအောင်၊ မပျောက် မရှအောင် သေချာ
ထိန်းသိမ်းရပါတယိ။

တခုခုဖြစ်ခဲ့ရင် သူပြောတဲ့စျေးအတိုင်း (သို့)
ထွက်စျေးအတိုင်း (သို့) အော်စျေးအတိုင်း
လျော်ရပါတယ်။

ဝ လု ပါတဲ့ ကျောက်တွေ၊ အနာပါတဲ့ကျောက်တဲ့၊
ပါးချပ်ပြီး (သို့) ချွန်ထက်တဲ့ ထောင့်ချွန်း (ဇောင်း)ပါတဲ့
ကျောက်တွေဆို သတိထားကိုင်တွယ်ရပါတယ်။

လက်ကောက်တွေဆို တံမံတလင်းပေါ်ကျတာနဲ့
ဖတ်ကနဲ့ ကျိုးပါတယ်။

အပွင့်သေးတွေဆို ကျပျောက်တတ်ပါတယ်။
ခါးပိုက်နိုက်ခံရတတ်ပါတယ်။
ဆင်တူယိုးမှားတွေနဲ့ အလဲ ခံရတတ်ပါတယ်။

ဒါတွေကတော့ အရေးကြီးတဲ့ အဓိကအချက်တွေပါ။ ကျောက်လောကရဲ့ အဆက်ဆက် ဘိုးဘွားတွေ
ထိန်းသိမ်းလာခဲ့တဲ့ မှော် စည်းကမ်းတွေ၊
ကျောက်စည်းကမ်းတွေပါ။

တချို့စည်းမျဉ်းလေးတွေလည်းရှိပါသေးတယ်။
အဓိက သိကိုသိရမဲ့၊ အရေးကြီးတဲ့အချက်တွေကိုပဲ
ဗဟုသုတဖြစ် ဖော်ပြပေးလိုက်ပါတယိ။

# # Original Crd
Crd Photo

24/01/2024

ပညာမျှဝေပေးပါသော Lamp of Jade( ဆရာလန့်)အားကျေးဇူးအထူးတင်ရှိပါတယ်။
ရိုသေစွာ Credit ပေးပါတယ်။
Photo Credit to Lamp of Jade

23/10/2023

ကိုယ့်အမကို ခင်လို့ဆိုပြီး ပေါလိ သေးသေးလေးတွေ အားပေးသွားတဲ့မောင်လေး
သိန်းထောင်သောင်းတန်ကျောက်တွေအောင်ပြီး
ကောင်းကျိုးလိုရာဆန္ဒတွေပြည့်ဝပါစေ။
🙏🙏🙏

21/10/2023

ကျောက်လေးတွေဝယ်သွားတဲ့ မမ ကျေးဇူးအများကြီးတင်ပါတယ်။
🥰🥰🥰🥰
ကျောက်လေးတွေရောက်တော့လဲ လှလို့ အရမ်းကြိုက်နေတာလို့ ပြန်ကြားရတော့ စိတ်ချမ်းသာရပါတယ်။
ကိုယ်တိုင်က အထည်‌ဆန်းဆန်းလေးတွေခတ်ရောင်းမယ်ဆိုတဲ့စိတ်ကူးနဲ့ စုထားတဲ့ကျောက်လေးတွေကို ကိုယ့်လိုပဲ ချစ်တဲ့စိတ်နဲ့ဝယ်ယူတဲ့အတွက် ရောင်းပေးရတာစိတ်ချမ်းသာတယ်။
အထည်လေးတွေခတ်ပြီးအမြတ်အများးကြီးရပါစေ။
ဒီထက်လည်း စီးပွားလာဘ်လာဘတွေတိုးပြီး စိတ်ချမ်းသာ ကိုယ်ကျန်းမာပါစေ။
😍😍😍
ကျမဆီကနေ ဝယ်ယူပေးတဲ့ မိတ်ဆွေတွေအားလုံးကိုလည်း ကျေးဇူးအများကြီးတင်ပါတယ်။
အားလုံး စိတ်ချမ်းသာ ကိုယ်ကျန်းမာ ကောင်းကျိုးလိုရာဆန္ဒပြည့်ဝကြပါစေ။
🙏🙏🙏

09/10/2023

🍀ကျောက်စိမ်းက လက်၀တ်ရတနာ သပ်သပ်လား ??
လူတွေကို ဘယ်လို ကောင်းကျိုးပြုလဲ ??

Luck (ကံကောင်းခြင်း)

ကျောက်စိမ်းတုံးတွေကို ကံကောင်းစေတဲ့ ကျောက်တုံးလေးတွေ သို့ ပျော်ရွှင်မှုကျောက်တုံးလေးတွေလို့ ညွှန်းဆိုလေ့ရှိပါတယ်

တချို့ အရောင်းအ၀ယ် လုပ်တဲ့သူတွေဆို ကျောက်စိမ်းငါးရုပ်လေးရဲ့ပါးဟပ်ထဲမှာ ငွေဒဂါးပြားလေး ထည့်ပီး လာဘ်ခေါ်လေ့ ရှိတယ်

Healing (အနာရောဂါ ငြိမ်းခြင်း)

ကျောက်စိမ်းက အနာရောဂါတွေကို သက်သာစေတဲ့ ဂုဏ်သတ္တိရှိတယ်လို့လည်း တချို့ ယုံကြည်ကြပါတယ်
ဘယ်လိုရောဂါတွေကို သက်သာစေလဲဆိုတာ Jade Colors တွေပေါ် မူတည်ပါတယ်

ကျောက်စိမ်း အစိမ်းရောင်က ခက်ခဲသောအခြေအနေတွေ တွေ့ကြုံတဲ့အခါ တည်ငြိမ်အေးချမ်းမှုကို ယူဆောင်လာပေးတယ်လို့ အဆိုရှိကြတယ်။

လူ့ခန္ဓာကိုယ်ရဲ့ အောက်ပါ အင်္ဂါအစိတ်အပိုင်းများကိုလည်း ကောင်းကျိုးပြုစေနိုင်ပါတယ်
ဥပမာ-
သရက်ရွက်
ကျောက်ကပ်
ဆီးအိမ်
မျိုးအောင်မှုကို ထိခိုက်စေသော ဟော်မုန်းမညီမျှခြင်း
အရိုးများကြံခိုင် သန်စွမ်းစေခြင်း

Relationships (ဖိုမ/ လူမှု ဆက်ဆံရေးများ)

သမီးရည်းစား ဆက်ဆံရေးပဲ ဖြစ်ဖြစ်၊ အလုပ်ကိစ္စ လူမှု ဆက်ဆံရေးတွေမှာ ဖြစ်ဖြစ် ဆက်ဆံရေး ကောင်းမွန်စေတဲ့ အောက်ပါ အဓိက အချက်တွေကို ကျောက်စိမ်းတွေက ဖြစ်ထွန်းစေတယ်လို့ ယုံကြည်ကြပါတယ်

honesty (ရိုးသားမှု)

maturity (ရင့်ကျက်မှု)

life force energy (ဘ၀အတွက် ခွန်အား)

self-love (မိမိကိုယ်ကို ချစ်ခင်မှု)

self-acceptance (မိမိကိုယ်ကို နားလည်လက်ခံမှု)

အချင်းချင်း ရိုးသားမှုနဲ့ နားလည်မှုကို ဖြစ်ထွန်းစေပြီး အောင်မြင်ပျော်ရွှင်ရတဲ့ ဆက်ဆံရေးတွေကိုကျောက်စိမ်းကို အဆောင်သဘောအနေနဲ့ ထားရှိခြင်းဖြင့် ရရှိနိုင်ပါတယ် 🙏

ဒီလို ကောင်းမွန်တဲ့ အကျိုးကျေးဇူးတွေရနိုင်အောင် ကျောက်စိမ်းတွေကို ဘယ်လိုဆောင်ကြမလဲ ???

တချို့က ကျောက်စိမ်းပုတီး, လက်ကောက်, လက်စွပ် စသဖြင့် ဆောင်ကြတယ်

အလုပ်စားပွဲ မှန်တင်ခုံ ကိုယ်နဲ့ လက်လှမ်းမှီ နီးစပ်ရာနေရာတွေမှာ ကျောက်စိမ်းနဲ့ထုလုပ်ထားတဲ့ အရုပ်လေးတွေကို စားပွဲတင်အလှဆင်ကြတယ်

ကျောက်စိမ်းအရိုင်းတုံးခပ်သေးသေးကို အနားမှာထားပီး တရားထိုင်တာမျိုးတွေလည်း လုပ်လေ့ရှိကြတယ်

ကိုယ့်အနားမှာ ဒီလိုကျောက်စိမ်းအဆောင်လေးတွေ ထားမယ်ဆိုရင် ..

ပိုက်ဆံနဲ့ ပတ်သတ်လို့ လာဘ်ကောင်းတာ

အလုပ်အကိုင် အခွင့်အလမ်းတွေ ပွင့်လန်းလာတာ

ပိုက်ဆံကို အကျိုးရှိရှိ စီမံတတ်လာတာမျိုး

အကျိုးတူစီးပွားမိတ်ဖက် ပေါ်ပေါက်လာတဲ့

အကျိုးကျေးဇူးတွေကို လက်တွေ့ခံစားရနိုင်တယ် ဆိုတာလေးကို လိုအပ်သူများ အသုံးချနိုင်အောင် ကိုးကားဖော်ပြပေးလိုက်ပါတယ်

ကျောက်စိမ်းချစ်သူ ညီအစ်ကို မောင်နှမများ စီးပွားလုပ်တိုင်းဖြစ် ကြံတိုင်းအောင်ပြီး အစစအရာရာ အဆင်ပြေချောမွေ့ကြပါစေ 🙏

#မူရင်းစာရေးသူ

Hsu Myanmar

31/01/2024

30/01/2024

29/01/2024

28/01/2024

27/01/2024

26/01/2024

25/01/2024

24/01/2024

23/10/2023

21/10/2023

09/10/2023

Address

Website

Alerts

Shortcuts

Share

Category