https://www.facebook.com/107405744974328/

Thanbyuzayat News - သံဖြူဇရပ်သတင်းစုံ, Thanbyuzayat (2025)

12/09/2025

မနေ့ညနေ 5 နာရီခွဲခန့် သံဖြူဇရပ်မြို့ ကြာကန်ရပ်ကွက် ကြာညိုလမ်း၌ ဓါးပြတိုက်မှုဖြစ်ပွား။
သေနတ် ၂ချက်ပစ်ဖေါက်သွားဟုသိရ။

09/09/2025

ကျွန်တော့ KPay ထဲကငွေများ အလိမ်ခံလိုက်ရပါတယ်
လိမ်ရိုးလိမ်ဆင်အတိုင်း ဖုန်းဆက် OTP တောင်းလိမ်ခြင်းမျိုးမဟုတ်ပါ
အဆင့်မြင့်နည်းပညာများအသုံးပြုအလိမ်ခံရခြင်းပါ

မိတ်ဆွေများ အလိမ်မခံရစေရန် ဖြစ်စဥ်ကို ပြန်လည်တင်ပြလိုက်ပါတယ်

ဖြစ်ပုံက ဒီလိုပါ

ဖေ့ဘွတ် မှာ Yadanarpon B2B ဆိုတဲ့ Page ကနေ အင်တာနက်ဒေတာ များ ရောင်း‌နေတာတွေ့မိပါတယ် Yadanarpon ဆိုတာက အများသိပြီးသားဆိုတော့ ယုံယုံကြည်ကြည်နဲ့ အင်တာနက်လျှောက်လိုက်ပါတယ် ဦးစွာ ဖုန်းနံပါတ်၊ မှတ်ပုံတင်၊ မြို့အမည် တွေတောင်းပါတယ်

နောက်တော့ ငွေလွှဲခိုင်းပါတယ် (Kpay-0998434408 Daw Thu Zar Phyo) တဲ့

ငွေလွှဲဝင်တာနဲ့ block ပြေးသွားတာလားဆို မဟုတ်ပါဘူး

Register တင်ပြီး ၂၄ နာရီအတွင်း sms ရောက်ပါမယ် SMS ရောက်ရင် plan သုံးလို့ ရပါပြီဆိုပြီး reply ပြန်လာပါတယ်

နောက်နေ့‌ရောက်တော့ ဖုန်းနံပါတ် အစိမ်း နဲ့ ဖုန်းဝင်လာတော့ အကို ကျွန်တော် Yadanarpon ကပါ messenger မှာ app လေးချပေးထားပါတယ် ဝင်ပြီး download ဆွဲပေးပါဦးဆိုတော့ ကိုယ်လည်း download ဆွဲလိုက်ပါတယ်

App အမည်က AirDroid Remote Support ပါ
(အဲ့တာ ဘာ app လည်းဆိုတာ ကိုယ်မသိပါ)

Download ပြီးရင် ပြောပေးပါဦးဆိုတာနဲ့ ပြီးပြီးကြောင်းပြောပြတော့ သူချပေးတဲ့ app ထဲက ပေါ်လာတဲ့ code No. ကို SS ပြပေးပါဆို‌တော့ ကိုယ်လည်း ပြပေးလိုက်ပါတယ်

အဲ့မှာ ကိုယ့်ဖုန်းကို ဝင်ခွင့်ပြုပြီးသားဖြစ်သွားပါပြီ

နောက် KPay ကနေ ၁၀၀၀ ကျပ်ပေးချေပါ Viber ကနေလည်း link ပို့ပေးထားပါတယ် App လေးဖြင့်လုပ်ဆောင်ပြီးရင် Plan စသုံးလို့ရပါပြီနော် အကိုဆိုပြီး B2B Plan ဝယ်ယူရန် form နဲ့ လွှဲပေးရမယ့် Kpay No. နဲ့ Link ချပေးပါတယ်

သူပေးတဲ့ Link ကနေဝင် ဖောင်ဖြည့်ပြီး ငွေတစ်ထောင် လွဲပေးလိုက်ပါတယ်

(နောက်မှ သိရတာ အဲ့တာ Kpay Link အတုပါ)

ကိုယ်က အစစ်ထင်ပြီး ငွေချေလိုက်တဲ့အချိန်မှာ ကျွန်တာ့ pass code သူတို့ ရသွားပါပြီ ပြီးတော့ လွှဲပေးထားတဲ့ ဖုန်းနံပါတ်ပြောပါ ပြန်စစ်ပေးပါမယ်တဲ့ ဒါက Pass codeကို ယူသွားတဲ့နည်းပါ

ဖုန်းနံပါတ်ရယ် Kpay Pass code ရယ် သူတို့ရသွားပါပြီ

နောက် OTP ယူသွားပုံလေးဆက်ပြောပြမယ်နော်

အဲနောက်မှာ သူ့ဆီက က screen share လုပ်ဖို့ request တောင်းတာကို accept လုပ်ပေးဖို့ပြောလာပါတယ် accept ကိုနှိပ် ပြီးတော့ start screen share ကိုနှိပ်ခိုင်းပါတယ် ပြီးရင် start broadcast ကိုနှိပ်ပါ stop broadcast ကိုမနှိပ်ဘဲ home key နဲ့ပြန်ထွက်ပေးပါ တဲ့

(ကိုယ်လည်း သေချာမဖတ်မိပါဘူး သူပြောတဲ့အတိုင်းလိုက်ဝင်ပြီးလုပ်မိလိုက်ပါတယ်)

ပြီးတာနဲ့ ဖုန်း Message ထဲဝင်စစ်ပေးပါ ဆိုတော့ ဖုန်း message ကိုဖွင့်ပြီး စောင့်နေလိုက်ပါတယ်

အဲ့အချိန်မှာ သူက Kpay ထဲဝင်နေပြပြီ ကိုယ်က ဖုန်း message ကိုဖွင့်စောင့်နေတော့ ဖုန်းမှာ OTP ပေါ်တဲ့ Noti တက်မလာတော့ပါဘူး

ကိုယ်လည်း ဝင်လာနိုးစောင့်နေတဲ့အချိန် သူက OTP ရသွားပါပြီ

ကိုယ်လည်း မသင်ကာလို့ Kpay message ကို ဝင်ကြည့်လိုက်တော့ ငွေလွှဲဖို့ OTP ချပေးထားတာမြင်တာနဲ့ လိမ်ပြီဆိုတာသိလိုက်တာနဲ့ ချက်ချင်း stop share နှိပ်ပြီး ထွက်လိုက်ချိန်မှာ နောက်ကျသွားပါပြီ

Kpay အကောင့်ထဲဝင်စစ်လိုက်တော့ ရှိသမျှပါသွားပါပြီ

KPay ထဲရှိရှိသမျှ အကုန်လွှဲယူသွားပါတယ် ကြောက်စရာကြီးပါ

ဒီအကြောင်း အသိမိတ်ဆွေတွေကိုပြောပြတော့ အသိထဲ အဲနည်းနဲ့ ပါသွားသူတွေ အများကြီးဖြစ်နေပါပြီ

နောက် အသိတစ်ယောက်လည်း Kpay Level 2 ကနေ 3 မဖြစ်မနေ ပြောင်းရမယ် ဆက်သွယ်လာလို့ လုပ်လိုက်တာ အကုန်ပါသွားပါတယ် တဲ့

ကျွန်တော်ဆီဆက်သွယ်လာတဲ့ ဖုန်းနံပါတ်က 09963724735 ပါ
သူတို့ လွှဲခိုင်းတဲ့ Kpay link အတုနံပါတ်က 09664820726 Htoo darling win
ကျွန်တော့ အကောင့်ကနေ လွှဲယူသွားတဲ့ နံပါတ်ကKpay accက (******7336)Daw Yu Yu Htwe

ကျွန်တော်တော့ Kpay ဆက်မသုံးတော့ပါ
Yadanarpon B2B အပြင် အခြားနည်းတွေ page တွေ ရှိနေနိုင်ပါတယ် သတိပြုနိုင်ကြပါစေ

လူလိမ်ဘေးမှ ဝေးကြပါစေ...။

မူရင်းရေးသားသူအား Credit...ပေပါသည် ။

06/09/2025

သံဖြူဇရပ်မြို့ ကြာကန်လူငယ်များရဲ့မီးပုံးပျံ
(တော်သလင်းလပြည့်)

31/08/2025

အထက -၂ သံဖြူဇရပ်လို့ထင်ပါတယ်
ကတဲ့ကလေးတွေရော သင်တဲ့ဆရာ‌တွေပါတော်ကြပါတယ်

16/08/2025

သံဖြူဇရပ်မြို့တွင်း (မျက်စိစွေနဲ့ မိန်းမကြီး)တယောက် နဲ့ အကောင်တကောင်ဆိုင်ကယ်ဖြင့်လာပြီးအိမ်ဆိုင်များတွင် တို့ဆေးနှင့် လုပ်စားနေတာသတိထားကြပါ။ပတ်ပြီး လိမ်စားနေတာ အရေးယူမဲ့သူလဲမရှိလို့ ကိုယ့်ဘာသာ သတိလေးထားဖို့ပါ။

15/08/2025

မြတ်မေတ္တာမွန်အထူးကုဆေးရုံ(သံဖြူဇရပ်မြို့)၏ နှစ်စဉ်လှူဒါန်းခြင်း။

နေရာ 👉 မြတ်မေတ္တာမွန်အထူးကုဆေးရုံရှေ့၊သံဖြူဇရပ်မြို့၊မွန်ပြည်နယ်။

အချိန် 👉 ၂၀၂၅ ခုနှစ် ဩဂုတ်လ ၁၇ ရက်နေ့ (တနင်္ဂနွေနေ့) ညနေ ၂ နာရီ

အလှူ 👉 လူကြီးတစ်‌ဦးလျှင် ဆန်(၁)ပြည်နှုန်း၊ ကလေးတစ်ဦးလျှင် ငွေကျပ် ၂၀၀၀ နှုန်း
အလှူဒါန ပြုလုပ်သွားမည်ဖြစ်ပါသည်။

14/08/2025

ကျိုက်မရောတွင် တစ်ရွာကို နှစ်ဦးနှုန်းဖြင့် စစ်မှုထမ်း စတင်ခေါ်ယူ။

မွန်ပြည်နယ်၊ ကျိုက်မရောမြို့နယ်တွင် တစ်ရွာလျှင် နှစ်ဦးနှုန်းဖြင့် စစ်မှုထမ်းသင်တန်းတက်ရောက်ရန် အကျုံးဝင်သူလူငယ်အမျိုးသားများကို စတင်ခေါ်ယူနေသည်ဟု ဒေသခံသတင်းအရင်းအမြစ်တို့ထံမှ သိရသည်။

ပြီးခဲ့သည့် သြဂုတ်လဆန်းပိုင်းကစပြီး ကျိုက်မရောမြို့နယ် ပြည်သူ့စစ်မှုထမ်းဆင့်ခေါ်အဖွဲ့ လက်အောက်ခံရှိ ရဲ၊ စစ်တပ်၊ ကြံ့ခိုင်ရေးပါတီဝင်အပါအဝင် အုပ်ချုပ်ရေးမှူးတို့က ကျေးရွာအလိုက် စစ်မှုထမ်းရန် အသက်အရွယ်အကျုံးဝင်သူ စာရင်းများကို ကောက်ခံခဲ့ပြီဖြစ်သည်။

“မနေ့ (သြဂုတ် ၁၂) ညနေက မွန်တစ်ဝက် ဗမာတစ်ဝက်ရှိတဲ့ ရွာတစ်ရွာမှာ ဗမာဘက်ခြမ်းက လူတွေကိုတော့ မဲမနှိုက်ရဘူး၊ မွန်ဘက်ခြမ်းက လူတွေက စစ်မှုးထမ်းဖို့ မဲနှိုက်ရတယ်။ ၂ ယောက်ပေါက်သွားတယ်ပေါ့၊ ကိုယ်သားက ပြည်ပမှာရှိနေရင်လည်း သူ့အစား သူရဲ့ မိဘမောင်နှမတွေက မဲနှိုက်ပေးရတယ်။ မဲပေါက်သွားရင်တော့ စစ်မှုထမ်းဖို့ ပြန်လာရမယ်။ မဝင်ချင်ရင်တော့ ကိုယ်အစား လူငှားပေးဖို့ ပိုက်ဆံပေးရပြန်ပေါ့။ တစ်ရွာကို နှစ်ယောက်နှုန်းကတော့ ရွာတိုင်းတော့ ထိမှာပါ” ဟု ကျိုက်မရောဒေသခံ သတင်းအရင်းအမြစ်တစ်ဦးက ပြောသည်။

စစ်ကော်မရှင်၏ ပြည်သူ့စစ်မှုထမ်း ဥပဒေအရ အသက် ၁၈ နှစ်မှ ၃၅ နှစ် အမျိုးသားများနှင့် အသက် ၁၈ နှစ်မှ ၂၇ နှစ်အမျိုးသမီးများက စစ်မှုထမ်းရမည်ဖြစ်ကြောင်း ဖော်ပြထားသည်။

နောက်ဆက်တွဲအနေဖြင့် အာဏာသိမ်း မြန်မာစစ်တပ်၌ စစ်မှုထမ်းဆောင်လိုခြင်းမရှိသည့် ဒေသခံလူငယ်အများအပြား နေရပ်စွန့်ခွာကာ ပြည်ပနိုင်ငံများသို့ ထွက်ပြေးတိမ်းရှောင်ခဲ့ကြသည်။

“ကျနော်တို့ရွာမှာက သူတို့လိမ်ခေါ်နေတဲ့ အဲဒီမဲနှိုက်ဆွေးနွေးပွဲက လူငယ်တွေ မသွားရဲဘူး။ သွားဖို့ကလည်း လူငယ်တွေ မရှိတော့ပါဘူး။ အကုန်လုံးက လူကြီးပိုင်းတွေပဲ တက်ကြတယ်။ ဒါပေမဲ့ ကျနော်တို့ရွာမှာတော့ စစ်မှုထမ်းပါသွားတဲ့လူက အခုထိတော့ မရှိသေးဘူး။ ဘာလို့လဲဆိုတော့ လူအစားထိုးဖို့ တစ်အိမ်ကို တစ်လတစ်သောင်းခွဲ ပေးထားကြတာ။ နှစ်နဲ့ရှိပြီ အဲလိုပေးထားကြတာ” ဟု အခြားကျိုက်မရောဒေသခံတစ်ဦးက ပြောသည်။

စစ်ကော်မရှင်၏ ပြည်သူ့စစ်မှုထမ်း အပတ်စဉ် (၁) ကို ၂၀၂၅ ခုနှစ်၊ ဧပြီလအတွင်းက စတင်ဖွင့်လှစ်ခဲ့ပြီး လက်ရှိတွင် အပတ်စဉ် (၁၆) ကို ဖွင့်လှစ်တော့မည် ဖြစ်သည်။

09/08/2025

မွန်ပြည်နယ်မှာ စစ်မှုထမ်းဆင့်ခေါ်မှုစတင်

မော်လမြိုင်၊ ဩဂုတ် ၈

မွန်ပြည်နယ်ရဲ့ မြို့နယ်တချို့မှာ အာဏာသိမ်း စစ်ကော်မရှင် ရပ်ကွက်ကျေးရွာအုပ်ချုပ်ရေးအဖွဲ့တွေက စစ်မှုထမ်း အကြုံးဝင်တဲ့ လူငယ်တွေကို ဆင့်ခေါ်စာတွေ စတင်ပေးပို့နေတယ်လို့ ဒေသခံတွေက သံလွင်တိုင်းမ်ကို ပြောပါတယ်။

အာဏာသိမ်း စစ်ကော်မရှင်ရဲ့ ရပ်ကွက်ကျေးရွာအုပ်ချုပ်ရေးအဖွဲ့တွေဟာ စစ်မှုထမ်းအကြုံးဝင်တဲ့ လူငယ်တွေကို သြဂုတ် ၁ ရက်နေ့ကစပြီး ဆင့်ခေါ်စာတွေ စတင်ပေးပို့လာတာ ဖြစ်ပါတယ်။

ဆင့်ခေါ်စာရရှိတဲ့ လူငယ်တွေအနေနဲ့ သက်ဆိုင်ရာ မြို့နယ်အထွေထွေအုပ်ချုပ်ရေးဦးစီးဌာနရုံးတွေထံ မပျက်မကွက် သတင်းပို့ရမှာ ဖြစ်ပြီး ပျက်ကွက်ရင် စစ်မှုထမ်းဥပဒေနဲ့ အရေးယူခံရမယ်လို့ ဖော်ပြထားပါတယ်။

ကျိုက်မရော ဒေသခံတစ်ဦးကတော့ စစ်ကော်မရှင်ဘက်က စစ်မှုထမ်းဆင့်ခေါ်စာတွေ ပေးပို့လာတာကြောင့် လူငယ်တချို့ ထိုင်းနိုင်ငံကို ထွက်ခွာမှုတွေ ရှိလာတယ်လို့ ပြောပါတယ်။

“ဆင့်ခေါ်စာကတော့ လက်ပံတို့ ဘာတို့ဘက်မှာတော့ တွေ့တာပေါ့။ သူတို့ မဲနှိုက်မှာလား ဘယ်လိုလည်းတော့ မသိဘူး။ ဆင့်ခေါ်စာတော့ ပို့တယ်။ တချို့ လူငယ်တွေက ထိုင်းတွေဘာတွေ တက်ကုန်ပြီပေါ့”လို့ ဆိုပါတယ်။

ဒါ့အပြင် စစ်ကော်မရှင်က စစ်မှုထမ်း ဆင့်ခေါ်စာတွေ လိုက်လံပေးပို့နေတာကြောင့် ကျေးရွာတွေမှာ လူငယ်အများစု မနေရဲကြတော့သလို ဒေသတွင်းမှာ ကလေးသူငယ်နဲ့ သက်ကြီးပိုင်းတွေသာ ရှိတော့တယ်လို့ သူက ဆက်ပြောပါတယ်။

စစ်မှုထမ်း ဆင့်ခေါ်စာတွေ လိုက်လံပေးပို့မှုဟာ အာဏာသိမ်း စစ်ကော်မရှင်ရဲ့ ညွှန်ကြားချက် ဖြစ်ပြီး စစ်မှုထမ်း အကြုံးဝင်တဲ့ လူငယ်တိုင်း စစ်မှုထမ်းဖို့ သက်ဆိုင်ရာ မြို့နယ်စစ်မှုထမ်းဆင့်ခေါ်ရေးအဖွဲ့တွေမှာ မဖြစ်မနေ အမည်စာရင်းသွင်းရမှာ ဖြစ်ပါတယ်။

ဘီးလင်း ဒေသခံတစ်ဦးကလည်း စစ်မှုထမ်းအတွက် တစ်ရွာလျှင် နှစ်ဦးနှုန်းဆင့်ခေါ်ဖို့ ရှိနေကြောင်း ကြားသိနေရပြီး လူငယ်အများစုကတော့ စစ်မှုထမ်းဆင့်ခေါ်မှုအပေါ် လက်မခံကြဘူးလို့ ပြောပါတယ်။

“တစ်ရွာကို နှစ်ယောက်လောက် အသံတော့ ထွက်နေတယ်။ တစ်ရွာကို နှစ်ယောက်ပေးရမယ်ဆိုတဲ့ ပုံစံမျိုးပေါ့။ နယ်တွေထဲမှာ လိုက်ကောက် ထားတာတွေ ရှိတာပေါ့။ နင်လား ငါလား တင်းတင်းရင်းရင်း လုပ်မယ်ဆိုရင်လည်း တခြားလို ဒီကလေးတွေက ဘယ်လိုပြောမလဲ ကြည်ကြည်သာသာနဲ့ သွားမယ့် ပုံစံမျိုးတွေက သိပ်မမြင်ဘူး”လို့ ဆိုပါတယ်။

ဒေသတွင်းမှာ စစ်မှုထမ်းအတွက် လူငယ်တွေကို ညအချိန် ဖမ်းဆီးပြီး စစ်သားစု‌ဆောင်းတာ၊ အမျိုးသား နှစ်ယောက် ဆိုင်ကယ် မစီးရ သတ်မှတ်ထားတဲ့ နေရာတွေမှာ နှစ်ယောက် စီးပါက ဖမ်းဆီးပြီး စုဆောင်းတာအပြင် လိုင်စင်မဲ့ယာဉ် စီးနင်းသူတွေကို ဖမ်းဆီးပြီး စစ်သားစုဆောင်းတာတွေ လုပ်ဆောင်ခဲ့တာပါ။

အခုနောက်ပိုင်းမှာတော့ စစ်မှုထမ်း ရရှိမှု နည်းပါးလာတဲ့အတွက် စစ်ကော်မရှင်ရဲ့ ညွှန်ကြားချက်ကြောင့် ဆင့်ခေါ်စာ ပေးပို့တာအပြင် မဲနှိုက်ဖို့အတွက် ပြင်ဆင်တာတွေကအစ ပြုလုပ်လာတာ ဖြစ်ပါတယ်။

သံလွင်တိုင်းမ်က ပြုစုထားတဲ့ အချက်အလက်တွေအရ မွန်ပြည်နယ်မှာ ပြည်သူ့စစ်မှုထမ်း အပတ် စဉ် ၁ ကနေ အပတ်စဉ် ၁၅ အထိ ဒေသတွင်းက လူငယ် ၂၅၀၀ ထက်မနည်း စစ်သားစုဆောင်းခံထားရပါတယ်။

သတင်း - သံလွင်တိုင်းမ်
ဓာတ်ပုံ-MOI

07/08/2025

မွန်ပြည်နယ်မှာ လဝကရုံး ဝန်ထမ်းတွေ ဆက်ဆံရေးမောက်မာပြီး ငွေတောင်းကြမ်းနေ။

မွန်ပြည်နယ်ရှိ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန လဝက ရုံးက ဝန်ထမ်းတွေဟာ ပြည်သူတွေအပေါ် မောက်မာစွာ ဆက်ဆံပြောဆိုနေကြပြီး ငွေတောင်းကြမ်းနေတယ်လို့ ပြည်သူတွေအကြား ဝေဖန်မှု မြင့်တက်နေပါတယ်။

လဝကရုံးတွေမှာ မှတ်ပုံတင်၊ အိမ်ထောင်စုစာရင်း၊ မွေးစရင်း၊ စမတ်ကဒ် စတာတွေ သွားရောက်လုပ်ဆောင်တဲ့အခါ ဝန်ထမ်းတွေဘက်က အချိန်ကြာမြင့်စွာ စောင့်ဆိုင်းခိုင်းတာ၊ မသိနားမလည်လို့ မေးမြန်းတဲ့အခါမှာလည်း မောက်မာရိုင်းစိုင်းစွာ ပြန်လည်ပြောဆိုတာတွေကို ပြည်သူတွေ ကြုံတွေ့နေရတာပါ။

ဒါ့အပြင် မှတ်ပုံတင်အသစ်လုပ်ရင် အနည်းဆုံး ကျပ် ၂၀၀,၀၀၀၊ ပျောက်ဆုံး/ပျက်စီး ပြန်လုပ်ရင် ကျပ် ၁၀၀,၀၀၀ ၊ အိမ်ထောင်စုစာရင်းလုပ်ရင် ကျပ် ၁၀၀,၀၀၀ ၊ မွေးစာရင်းလုပ်ရင် ကျပ် ၅၀,၀၀၀ အထိ တောင်းယူလေ့ရှိပြီး တဦးနဲ့ တဦး တောင်းယူတဲ့ ပမာဏတော့ မတူဘူးလို့ ပေါင်မြို့နယ်နေ ပြည်သူတဦးက လဂွန်းအိမ် စာစဥ်ကို ပြောပါတယ်။

"ကျွန်မ သမီးမှတ်ပုံတင်အသစ်သွားလုပ်တာ တစ်သိန်း တောင်းတယ်၊ ပိုက်ဆံပေးမှ မြန်မြန်ရတယ်၊ ပိုက်ဆံမပေးခင်တုန်းက ရစ်ထားတာ လချီကြာတယ်၊ ဦးစီးမှူး မရှိလို့၊ အချက်လက်က မှားနေလို့ ဆိုပြီးတော့၊ ငွေပေးလိုက်ရော ရက်ပိုင်းအတွင်း အကုန်မှန်ပြီး မှတ်ပုံတင်ရလာတာ၊ ဒါတောင်အပြောဆိုခံရသေးတယ်၊ ကျွန်မတို့က မွန်တိုင်းရင်းသားဖြစ်နေလို့” ဆိုပြီး အဆိုပါ ပေါင်မြို့နယ်နေ အမျိုးသမီးက ပြောပါတယ်။

လဝကရုံးတွေက တောင်းခံတဲ့ ကျပ်တစ်သိန်း နှစ်သိန်းဆိုတာ သာမာန် စာရွက်စာတမ်း လုပ်ဆောင်တာတွေအတွက် ဖြစ်ပြီး ပြည်ပထွက်ခွာတဲ့ ကိစ္စလိုမျိုး အရေးတကြီး လိုအပ်ချက် ရှိသူတွေကတော့ ငွေကျပ် ၅၀၀,၀၀၀ နဲ့အထက် ပေးနေရပါတယ်။

တရုတ်လူမျိုး၊ ဟိန္နူဘာသာဝင်၊ အစ္စလာမ်ဘာသာဝင် စတဲ့ လူမျိုးခြား ဘာသာခြား နိုင်ငံသားတွေဆီမှာဆိုရင် ကျပ် ၁၀ သိန်းကနေ သိန်း ၅၀ ထိ တောင်းခံတာမျိုးတွေ ရှိတယ်လို့ ဆိုပါတယ်။

စမတ်ကဒ်လုပ်ဖို့အတွက် စစ်ကောင်စီဘက်က အခမဲ့လုပ်ဆောင်ပေးဖို့ သတ်မှတ်ထားပေမယ့် လဝက ဝန်ထမ်းတွေဘက်က မီးမလာလို့ ၊ မီးစက်နှိုးပြီး စာရွက်တွေမိတ္တူဆွဲရတယ်ဆိုတဲ့ အကြောင်းပြချက်နဲ့ စမတ်ကဒ်အတွက် လျှောက်လွှာတစောင်ကို ၂,၀၀၀ ကျပ်နဲ့ ရောင်းစားနေတယ်လို့ သထုံမြို့နေ ပြည်သူတဦးက ပြောပြပါတယ်။

"သထုံလဝက ရုံးမှာ ပင်စင်စားတွေလည်း စမတ်ကဒ်လုပ်ရမယ် ဆိုပြီး အိမ်က အဖွားအတွက် သွားလုပ်တာ၊ လျှောက်လွှာအတွက်ဆိုပြီး ၂,၀၀၀ ပေးခဲ့တယ်၊ တူမလေး မှတ်ပုံတင်လုပ်တာလည်း နှစ်သိန်းခွဲ ပေးခဲ့ရတယ်၊ ပေါ်တင်တောင်းတာနော်” လို့ အဆိုပါ သထုံမြို့ ဒေသခံက ပြောပါတယ်။

နိုင်ငံတော်အနေနဲ့ မှတ်ပုံတင်၊ အိမ်ထောင်စုဇယား၊ မွေးစာရင်းလုပ်ဖို့ ကုန်ကျစရိတ်တွေကို ငွေကျပ် ၁၀၀ အောက်သာ သတ်မှတ်ထားပါတယ်။

ဒါပေမယ့် လဝကဝန်ထမ်းတွေကတော့ ကျပ်သိန်းချီ တောင်းခံနေကြပြီး ဒီကိစ္စအပေါ် အခုချိန်အထိ အရေးယူခံရတဲ့ လဝကဝန်ထမ်း တစ်ဦးတစ်ယောက်မှ မရှိသေးပါဘူး။

လဝကရုံးဝန်ထမ်းတွေဟာ သူတို့လုပ်ဆောင်ရမယ့် အလုပ်ကိုလည်း ပြောစလွယ် လုပ်ဆောင်လာတာတွေကြောင့် ပြည်သူတဦးနဲ့တဦး မှတ်ပုံတင် နံပတ်တွေ တူနေတာ၊ မိခင်၊ ဖခင်၊ ကာယကံရှင် နာမည်စာလုံးပေါင်းတွေ မှားနေတာ၊ မွေးသက္ကဇ်တွေမှားနေတာ စတဲ့ ပြဿနာတွေလည်းရှိနေပါတယ်။

"အချက်အလက်မှားတာတွေက ကျွန်တော်တို့လုပ်လို့ရတဲ့အရာ မဟုတ်ဘူး၊ အရင်အချက်အလက် ဖြည့်သွင်းခဲ့တဲ့ ဝန်ထမ်းတွေ အသုံးမကျတာ၊ အခု စမတ်ကဒ်တွေလုပ်မှာ ကွန်ပျူတာနဲ့တိုက်စစ်တော့ မွေးနေ့မှားတာ၊ နာမည်စာလုံးပေါင်းမှားတာဆိုပြီး ချက်ချင်းမလုပ်ပေးဘူး၊ နိုင်နှစ်ကို သွားပြန်တောင်းခိုင်းတယ်၊ အဲဒါလည်း အလကားသွားကြည့်ရတာ မဟုတ်ဘူး၊ ၃၀၀၀ ပေးရတယ်၊ ပိုက်ဆံကို နည်းလမ်းပေါင်းစုံနဲ့ မရရအောင် လုပ်နေကြတာ” လို့ မော်လမြိုင်မြို့နေ ပြည်သူတဦးက ပြောပါတယ်။

လဝကဝန်ထမ်းတွေရဲ့ ပြည်သူတွေအပေါ် ငွေတောင်းကြမ်းတာ၊ ရိုင်းစိုင်းမောက်မာစွာ ဆက်ဆံတာတွေအပေါ် ဝန်ထမ်းတွေကို ထိရောက်စွာ အရေးယူပေးဖို့ ပြည်သူတွေဘက်က လိုလားနေကြတာကြောင့် အခုလို ဝေဖန်သံတွေ ထွက်ပေါ်လာခဲ့တာ ဖြစ်ပါတယ်။

05/08/2025

11.8.2025 (တနင်္လာနေ့) နံနက် (၈)နာရီအချိန်ခန့်တွင် သံဖြူဇရပ်မြို့ အောင်သာယာရပ်ကွက်၊ အနော်ရထာလမ်းသွယ်(၁) နေ ဦးရဲဝင်း+ဒေါ်ချိုမာ မိသားစု(ကုလားပဲဆိုင်) မှ လာရောက်သူအားလုံးကိုဆန်လှူပေးပါမည်ဖြစ်၍ ကြွရောက်အလှူခံယူပေးနိုင်ရန်အသိပေးနိုးဆော်တင်ပြအပ်ပါသည်။

02/08/2025

သံဖြူဇရပ်မြို့နယ် အနင်းကျေးရွာအုပ်စု ပလိုင်တင်းကျေးရွာမှာနေထိုင်တဲ့ အဖွားနဲ့မြေးနှစ်ယောက် စားဝတ်နေရေး ဒုက္ခရောက်နေပါတယ်

သားသမီးရှိနေလဲ သားသမီးများက အဆက်အသွယ်မလုပ်။

အဖွားဖြစ်သူကအသက်(82)နှစ်။
အိုနေပါပြီ

မြေးဖြစ်သူကလည်း ခွဲစိတ်ထားတဲ့အနာနဲ့

ဒုက္ခအင်မတန်ရောက်နေပါတယ်

လှူဒါန်းချင်သူများ

အဖွားဆီ အရောက်ပို့ပေးပါ့မယ်ရှင့်

https://www.facebook.com/share/v/1Fjop8ASny/

27/07/2025

မိုးသည်းထန်စွာ ရွာသွန်းမှုကြောင့် သထုံမြို့နယ်၊ ကျိုက္ကော်စျေးရှေ့ရေကျော်၊ မော်လမြိုင်-ရန်ကုန် ယာဉ်အသွားအလာ ယာယီပိတ်ထား

သထုံ၊ ဇူလိုင် ၂၇

မိုးသည်းထန်စွာရွာသွန်းမှုကြောင့် မွန်ပြည်နယ်၊ သထုံမြို့နယ်၊ သုဝဏ္ဏဝတီမြို့၊ ကျိုက်ကော်ဈေးရှေ့ မော်လမြိုင်-ရန်ကုန်ကားလမ်းပေါ်တွင် ‌ရေကြီးရေလျှံမှု ဖြစ်ပွားခဲ့ကြောင်း သိရသည်။

ဇူလိုင်လ ၂၇ ရက် နံနက်ပိုင်းတွင် ကျိုက်ကော်ရပ်ကွက်ဘုရားကြီးလမ်းနှင့် မြို့မဈေးရှေ့ မော်လမြိုင်-ရန်ကုန်ကားလမ်းတွင် ရေကျော်လာခဲ့ကြောင်း ဒေသခံတစ်ဦးက ပြောသည်။

လက်ရှိတွင် အဆိုပါနေရာမှ သွားလာမည့် ‌ မော်တော်ယာဉ်များကို ဖြတ်သန်းသွားလာခွင့် ယာယီပိတ်ထားသည်အတွက် ခရီးသွားမည်သူများ စုံစမ်းပြီးမှ သွားကြရန် သတိပေးထားသည်။

ထို့ပြင် ကျိုက္ကော် ဟင်းသီး၊ ဟင်းရွက်၊ အသားငါးဈေးကိုလည်း ဆက်သွယ်ရေးလမ်းဆုံသို့ ရွှေ့ပြောင်းကာ ရောင်းချပေးနေကြောင်း သိရသည်။

Photo-U Soe Win

Thanbyuzayat News - သံဖြူဇရပ်သတင်းစုံ

12/09/2025

09/09/2025

06/09/2025

31/08/2025

16/08/2025

15/08/2025

14/08/2025

09/08/2025

07/08/2025

05/08/2025

02/08/2025

27/07/2025

Address

Website

Alerts

Contact The Business

Shortcuts

Share

Category