17/05/2026
ဘူးသီးတောင်မှာ ၁၃ နှစ်အရွယ် မိန်းကလေးငယ် ၁ ဦး မုဒိမ်းပြုကျင့်ခံရ
~~~~~~~
၂၀၂၆ ခုနှစ်၊ မေလ ၁၇ ရက်
Today Arakan News
■ အာရက္ခပြည် ဘူးသီးတောင်မြို့နယ် မြို့မစေတီတောင်ကျေးရွာမှာ အသက် ၁၃ နှစ်အရွယ် မိန်းကလေးငယ် ၁ ဦး မုဒိမ်းပြုကျင့်ခံရပြီး တရားခံကို အာရက္ခပြည်တရားဥပဒေစိုးမိုးရေး ဒီလပ်ဌာနက ဖမ်းဆီးလိုက်ပြီလို့ သိရပါတယ်။
ပြီးခဲ့တဲ့ မတ်လအတွင်းက အသက် ၅၆ နှစ်အရွယ် ဦးရွှေသန်းမောင်ဟာ အမျိုးသမီးငယ်ကို မုဒိမ်းပြုကျင့်ခဲ့တာဖြစ်တာ ဖြစ်ပါတယ်။
မိန်းကလေးငယ်ရဲ့ မိသားစုဝင်တွေက တိုင်တန်းလာလို့ ဒီလပ်တပ်ဖွဲ့ဝင်တွေဟာ ဦးရွှေသန်းမောင်ကို မေလ ၉ ရက်နေ့မှာ ဖမ်းဆီးခဲ့ပါတယ်။
ဦးရွှေသန်းမောင်မှာလည်း မုဒိမ်းပြုကျင့်ခဲ့ကြောင်း ဝန်ခံထွက်ဆိုထားတဲ့အတွက် ဥပဒေအရ အပြစ်ပေးအရေးယူနိုင်ဖို့ ဒီလပ်တပ်ဖွဲ့ဝင်တွေဟာ တရားစွဲဆိုဖို့ လုပ်ဆောင်နေတယ်လို့ သိရပါတယ်။
ပြီးခဲ့တဲ့ ဧပြီလ ဒုတိယအပတ်အတွင်းမှာလည်း ကျောက်တော်မြို့နယ် သရက်တပင်ကျေးရွာမှာ အသက် ၁၅ နှစ်အောက် မိန်းကလေးငယ်နှစ်ဦးကို တစ်ရွာတည်းနေ အမျိုးသားတစ်ဦးက မုဒိမ်းပြုကျင့်မှု ဖြစ်ပွားခဲ့ပါတယ်။
တရားခံမှာ ထွက်ပြေးလွတ်မြောက်နေတဲ့အတွက် ဒီလပ်တပ်ဖွဲ့ဝင်တွေဟာ ဖမ်းဆီးဖို့ လိုက်လံရှာဖွေနေသလို ကျောက်တော်လူငယ်တွေကလည်း တရားခံကို အမြင့်ဆုံးပြစ်ဒဏ်ပေးဖို့ တောင်းဆိုနေပါတယ်။
အာရက္ခပြည်မှာ အရွယ်မရောက်သေးတဲ့ မိန်းကလေးငယ်တွေ မုဒိမ်းပြုကျင့်ခံရမှု ဆက်တိုက်ဖြစ်ပေါ်နေတဲ့အတွက် တရားခံတွေကို ထိထိရောက်ရောက် ပြစ်ဒဏ်ပေးဖို့ ဒေသခံပြည်သူတွေက တောင်းဆိုနေကြပါတယ်။
#ဘူးသီးတောင်
#ကျောက်တော်
#မုဒိမ်းမှုဖြစ်ပွား
#ထိရောက်တဲ့အပြစ်ပေးမှု
