21/08/2025
"ခလရ၁ကို PDFတွေဝင်တိုက်မယ့်သတင်းကြားပြီး လွန်ခဲ့တဲ့၂လလောက်က ဗျူဟာမှူးရောက်လာတယ်။ PDFတွေဝင်တိုက်လို့မရအောင် တပ်ရင်းပတ်လည်ကို ကျင်းတွေတူးခိုင်းပြီး ခြံစည်းရိုးပတ်လည်မှာ မိုင်းတွေထောင်ခိုင်းတယ်။ အဲ့လိုညွှန်ကြားပြီးတဲ့နောက် ရွှေကြီးမြင့်ရပ်ကွက်က ပြည်သူတွေရဲ့ ဘူဒိုဇာတွေကိုချောဆွဲပြီး ကျင်းတွေတူးတာပါ"ဟု ဒေသခံတစ်ဦးမှ Tharyarwaddy 8 City ကို ရှင်းပြသည်။
မင်းလှမှာ တော်လှန်ရေးတပ်ဖွဲ့တွေ ဝင်ရောက်တိုက်ခိုက်မှာကြောက်ပြီး စစ်ကောင်စီတပ်ဖွဲ့မှ ခလရ(၁)တပ်ရင်းဘေး၌ ကျင်းတွေတူးထား
Tharyarwaddy 8 City / သြဂုတ် ၂၁၊ ၂၀၂၅
ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက မင်းလှမြို့နယ်၊ စိန်ကန့်လန့်ရွာ အခြေစိုက် စစ်ကောင်စီ၏ ခလရ(၁)တပ်ရင်းကို တော်လှန်ရေးတပ်ဖွဲ့တွေ ဝင်ရောက် တိုက်ခိုက်မှာကြောက်ပြီး တပ်ရင်းဘေး၌ ကျင်းတွေတူးထားကြောင်း သတင်းရရှိပါသည်။
"ခလရ(၁)ကို PDFတွေဝင်တိုက်မယ့်သတင်းကြားပြီး လွန်ခဲ့တဲ့၂လလောက်က ဗျူဟာမှူးရောက်လာတယ်။ PDFတွေဝင်တိုက်လို့မရအောင် တပ်ရင်းပတ်လည်ကို ကျင်းတွေတူးခိုင်းပြီး ခြံစည်းရိုးပတ်လည်မှာ မိုင်းတွေထောင်ခိုင်းတယ်။ အဲ့လိုညွှန်ကြားပြီးတဲ့နောက် ရွှေကြီးမြင့်ရပ်ကွက်က ပြည်သူတွေရဲ့ ဘူဒိုဇာတွေကိုချောဆွဲပြီး ကျင်းတွေတူးတာပါ"ဟု ဒေသခံတစ်ဦးမှ Tharyarwaddy 8 City ကို ရှင်းပြသည်။
အလားတူ တော်လှန်ရေးတပ်ဖွဲ့များရှိသည့် ရိုးမပေါ်မှ ခလရ(၁)သို့ လာရောက်နိုင်သော ကားလမ်းများကိုလည်း ဘူဒိုဇာဖြင့် မြေကျင်းတူးကာ ဖျက်ဆီးမှုများ လုပ်ဆောင်နေသလို ခလရ(၁)တပ်တွင်း၌ သဲအိတ်များကို အခိုင်အမာကာ၍ ခံစစ်ပြင်ထားကြောင်း သိရပါသည်။
"ခလရ(၁)ကို PDFတွေဝင်တိုက်ရင် ပြေးပေါက်ပိတ်မှာကြောက်လို့ စစ်သားမိသားစုတွေ အပြင်မှာအိမ်ငှားနေနေကြပါတယ်။ တပ်ထဲမှာလည်း သဲအိတ်တွေအခိုင်အမာကာထားတဲ့အပြင် တပ်ဘေးက အုပ်ချုပ်ရေးမှူးရုံးကိုပါ သဲအိတ်တွေကာထားပါတယ်။ စစ်သားတွေ ခံစစ်သေချာပြင်ထားပေမယ့် PDFတွေလာတိုက်မှာကိုတော့ ကြောက်နေကြတယ်"ဟု ဒေသခံတစ်ဦးမှ Tharyarwaddy 8 City ကို ပြောပြသည်။
ဓာတ်ပုံ - ခလရ(၁)တပ်ရင်း အဝင်ဆိုင်းဘုတ်နှင့် ခြံစည်းရိုးပတ်လည်၌ တူးထားသည့် မြေကျင်းများ
သတင်း - လော်ရှိန်းအောင်
စာတည်း - ရာမန်
#မင်းလှမြို့နယ်
