Eleven Media Group, Yangon (2025)

30/07/2025

■ ရုရှား၏အရှေ့ဖျားဒေသတွင် ရစ်ချ်တာစကေး ၈ ဒသမ ၈ ပြင်းအားရှိ ငလျင်လှုပ်ခတ်မှုဖြစ်ပွားပြီး ဆူနာမီလှိုင်းများဖြစ်ပွား

ရုရှားနိုင်ငံအရှေ့ဖျားရှိ ကမ်ချက်ကာကျွန်းဆွယ်၏ ကမ်းလွန်တွင် ဇူလိုင် ၃၀ ရက်က ရစ်ချ်တာစကေး ၈ ဒသမ ၈ ပြင်းအားရှိငလျင်လှုပ်ခတ်ခဲ့ပြီးနောက် သုံးမီတာနှင့် လေးမီတာရှိ ဆူနာမီလှိုင်းများ ဖြစ်ပွားခဲ့သည်ဟု ဘီဘီစီသတင်းတွင် ဖော်ပြထားသည်။

ပထမဆုံး ဆူနာမီလှိုင်းမှာ တစ်ပေကျော်အထိရှိခဲ့ပြီး ဂျပန်နိုင်ငံမြောက်ပိုင်းဟော့ကိုင်ဒိုးစီရင်စုနယ်၏ မြို့တစ်မြို့ကို ရိုက်ခတ်ခဲ့ကာ နောက်ထပ် ပိုမိုကြီးမားသည့် ဆူနာမီလှိုင်းလုံးများ ရိုက်ခတ်လာနိုင်ကြောင်း အာဏာပိုင်များက သတိပေးခဲ့သည်။

အမေရိကန်၏ ဟာဝိုင်အီပြည်နယ် အုပ်ချုပ်ရေးမှူး ဂျို့ရှ်ဂရင်းကလည်း ဒေသခံများကို ဘေးလွတ်ရာ တိမ်းရှောင်ရန်တိုက်တွန်းထားသည်။

ထို့ပြင် အမေရိကန်၏ ဂူအမ်ကျွန်းအပါအဝင် မြောက်အမေရိက၏ အနောက်ဘက်ကမ်းရိုးတန်းများတွင် ဆူနာမီလှိုင်းများရိုက်ခတ်နိုင်သည့် သတိပေးချက်များကိုလည်း ထုတ်ပြန်ထားသည်။

■ Read More - - - >>>https://news-eleven.com/article/304866

Ref: BBC

■ Eleven Website: https://news-eleven.com
■ Eleven Broadcasting YouTube: https://m.youtube.com/c/elevenwebtv11
■ Eleven Sports YouTube: https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

30/07/2025

The Daily Eleven Newspaper - Cartoon ( 30- Jul - 2025)

30/07/2025

■ အိန္ဒိယနိုင်ငံက မြန်မာနိုင်ငံအတွက် အကူအညီများ ဆက်လက်ပေးအပ်ရန် အကောင်အထည်ဖော်ရေးဆိုင်ရာ သဘောတူစာချုပ် သက်တမ်းတိုးမြှင့်ခြင်းနှင့် မြန်မာ-အိန္ဒိယ နယ်နိမိတ်မြေပုံ (၃၆) ချပ်ကို အတည်ပြု လက်မှတ်ရေးထိုး

ပြည်ထောင်စုသမ္မတမြန်မာနိုင်ငံတော်အစိုးရနှင့် အိန္ဒိယသမ္မတနိုင်ငံအစိုးရတို့အကြား မြန်ဆန်စွာ အကျိုးဖြစ်ထွန်းစေမည့် စီမံချက် (Quick Impact Project)များ အကောင်အထည်ဖော်ရေး သဘောတူစာချုပ် သက်တမ်းတိုးမြှင့်သည့် စာချွန်လွှာလဲလှယ်ခြင်းနှင့် မြန်မာ-အိန္ဒိယ နယ်နိမိတ်မြေပုံ (၃၆) ချပ်အား နှစ်နိုင်ငံက အခွင့်အာဏာလွှဲအပ်ထားသော ကိုယ်စားလှယ်များအဆင့် လက်မှတ်ရေးထိုးခြင်းအခမ်းအနားကို နိုင်ငံခြားရေးဝန်ကြီးဌာန နေပြည်တော်၌ ဇူလိုင် ၂၉ ရက်တွင် ပြုလုပ်ခဲ့သည်။

အဆိုပါ မြန်မာနိုင်ငံနှင့် အိန္ဒိယနိုင်ငံတို့အကြား မြန်ဆန်စွာ အကျိုးဖြစ်ထွန်းစေမည့် စီမံချက်များ အကောင်အထည်ဖော်ရန်အတွက် အကူအညီပေးရေးဆိုင်ရာ သဘောတူစာချုပ်အား သက်တမ်း တိုးမြှင့်သည့် စာချွန်လွှာကို ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန၊ ဒုတိယဝန်ကြီး ဒေါက်တာဝါဝါမောင်နှင့် မြန်မာနိုင်ငံဆိုင်ရာ အိန္ဒိယသံအမတ်ကြီး မစ္စတာ အဘ်ဟေး တာကူးရ်တို့က နိုင်ငံခြားရေးဝန်ကြီးဌာန၊ ဒုတိယဝန်ကြီး ဦးလွင်ဦး၏ ရှေ့မှောက်တွင် လဲလှယ်ခဲ့ကြောင်း သိရသည်။

ယင်းစာချွန်လွှာဖြင့် သက်တမ်းတိုးမြှင့်ခြင်းကြောင့် နှစ်နိုင်ငံအကြား ၂၀၂၀ ပြည့်နှစ်၊ ဖေဖော်ဝါရီလ ၂၇ ရက်တွင် လက်မှတ်ရေးထိုးခဲ့သည့် မဲခေါင်-ဂင်္ဂါ ပူးပေါင်းဆောင်ရွက်မှု အစီအစဉ်အရ အိန္ဒိယနိုင်ငံက မြန်မာနိုင်ငံအတွက် အကူအညီများ ဆက်လက်ပေးအပ်သွားမည် ဖြစ်ကြောင်းသိရသည်။

■Read More - - - >>>https://news-eleven.com/article/304865

■ Eleven Website: https://news-eleven.com
■ Eleven Broadcasting YouTube: https://m.youtube.com/c/elevenwebtv11
■ Eleven Sports YouTube: https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

30/07/2025

အမျိုးသားလွှတ်တော်နှင့် တိုင်းဒေသကြီး/ပြည်နယ် လွှတ်တော် ရွေးကောက်ပွဲများတွင် အချိုးကျကိုယ်ပြု(PR )စနစ်နှင့် နိုင်သူကုန်ယူ( FPTP)စနစ် ပူးတွဲကျင့်သုံးမည့် ရွှေးကောက်ပွဲဥပဒေကို ဆဋ္ဌမအကြိမ် ပြင်ဆင်သည့်ဥပဒေ ပြဋ္ဌာန်း

အမျိုးသားလွှတ်တော်နှင့် တိုင်းဒေသကြီး/ပြည်နယ် လွှတ်တော် ရွေးကောက်ပွဲများတွင် အချိုးကျကိုယ်ပြု(PR )စနစ်နှင့် နိုင်သူကုန်ယူ( FPTP)စနစ် ပူးတွဲကျင့်သုံးမည့် ရွှေးကောက်ပွဲဥပဒေကို ဆဋ္ဌမအကြိမ်ပြင်ဆင်သည့်ဥပဒေကို ပြဋ္ဌာန်းလိုက်ကြောင်း သိရသည်။

နိုင်ငံတော်စီမံအုပ်ချုပ်ရေးကောင်စီသည့် ဖွဲ့စည်းပုံအခြေခံဥပဒေ ပုဒ်မ ၄၁၉ အရ အမျိုးသားလွှတ်တော်နှင့် တိုင်းဒေသကြီး/ပြည်နယ် လွှတ်တော် ရွေးကောက်ပွဲဥပဒေကို ဆဋ္ဌမအကြိမ် ပြင်ဆင်သည့်ဥပဒေကို ဇူလိုင် ၂၉ ရက် ရက်စွဲဖြင့် ပြဋ္ဌာန်းလိုက်ကြောင်း သိရသည်။

အမျိုးသားလွှတ်တော်ရွေးကောက်ပွဲဥပဒေ ပုဒ်မ ၄ အား ကော်မရှင်သည် လွှတ်တော်မဲဆန္ဒနယ်များကို သတ်မှတ်ရာတွင် (က) ကိုယ်ပိုင်အုပ်ချုပ်ခွင့်ရတိုင်း သို့မဟုတ် ကိုယ်ပိုင်အုပ်ချုပ်ခွင့်ရဒေသ မပါရှိသော တိုင်းဒေသကြီး သို့မဟုတ် ပြည်နယ်များအတွက် မဲဆန္ဒနယ်တစ်နယ်လျှင် လွှတ်တော်ကိုယ်စားလှယ်တစ်ဦးကျစီဖြင့် လွှတ်တော်ကိုယ်စားလှယ် ၆ ဦးကို မဲအများဆုံးရသူအနိုင်ယူစနစ်ဖြင့် ရွေးကောက်တင်မြှောက်ရန်အတွက် မြို့နယ်များကိုစုစည်း၍ မဲဆန္ဒနယ် များ သတ်မှတ်ပေးရမည်၊ ( ခ ) ကိုယ်ပိုင်အုပ်ချုပ်ခွင့်ရတိုင်း သို့မဟုတ် ကိုယ်ပိုင်အုပ်ချုပ်ခွင့်ရဒေသ ပါရှိသော တိုင်းဒေသကြီး သို့မဟုတ် ပြည်နယ်များအတွက် မဲဆန္ဒနယ် တစ်နယ်လျှင် လွှတ်တော်ကိုယ်စားလှယ်တစ်ဦးကျစီဖြင့် လွှတ်တော်ကိုယ် စားလှယ် ၆ ဦးကို မဲအများဆုံးရသူအနိုင်ယူစနစ်ဖြင့် ရွေးကောက် တင်မြှောက်ရန်အတွက် မဲဆန္ဒနယ်များသတ်မှတ်ရာတွင် (၁) ကိုယ်ပိုင်အုပ်ချုပ်ခွင့်ရတိုင်း သို့မဟုတ် ကိုယ်ပိုင်အုပ်ချုပ်ခွင့်ရဒေသ တစ်ခုစီအတွက် လွှတ်တော်မဲဆန္ဒနယ် တစ်နယ်စီ သတ်မှတ် ပေးရမည်၊ (၂) ယင်းသို့ သတ်မှတ်ပေးပြီးနောက် ကျန်ရှိသောမဲဆန္ဒနယ်များ အတွက် မြို့နယ်များကိုစုစည်း၍ မဲဆန္ဒနယ်များ သတ်မှတ်ပေး ရမည်၊ (ဂ ) တိုင်းဒေသကြီး သို့မဟုတ် ပြည်နယ်တစ်ခုလျှင် ကျန်လွှတ်တော်ကိုယ်စား လှယ် ၆ ဦးကို အချိုးကျကိုယ်စားပြုစနစ်ဖြင့် ရွေးကောက်တင် မြှောက်နိုင်ရန် မဲဆန္ဒနယ်များကို သတ်မှတ်ပေးရမည်၊ ( ဃ ) လွှတ်တော်သက်တမ်းတစ်ရပ်အတွက် သတ်မှတ်ထားသော လွှတ်တော် မဲဆန္ဒနယ်တစ်နယ်အတွင်း ကျရောက်သည့်နယ်မြေတစ်ခုခုကို ပြည်ထောင်စုနယ်မြေအဖြစ် သတ်မှတ်ပါက ယင်းနယ်မြေသည် မူလ သတ်မှတ်ထားသော လွှတ်တော်မဲဆန္ဒနယ်အတွင်း၌သာ ပါဝင်သည်ဟု မှတ်ယူရမည်ဟု အစားထိုး ပြဋ္ဌာန်းထားသည်။

တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော် ရွေးကောက်ပွဲဥပဒေပုဒ်မ ၄ အား ကော်မရှင်သည် တိုင်းဒေသကြီး သို့မဟုတ် ပြည်နယ် တစ်ခုချင်းစီအလိုက် လွှတ်တော်မဲဆန္ဒနယ်များကို သတ်မှတ်ရာတွင် (က) လွှတ်တော်ကိုယ်စားလှယ် တစ်ဦးကျစီကို မဲအများဆုံးရသူအနိုင်ယူ စနစ်ဖြင့် ရွေးကောက်တင်မြှောက်ရန်အတွက် မြို့နယ်တစ်မြို့နယ်လျှင် မဲဆန္ဒနယ်တစ်နယ် သတ်မှတ်ပေးရမည်၊ ( ခ ) ကျန်လွှတ်တော်ကိုယ်စားလှယ်တစ်ဦးအတွက် မြို့နယ်တစ်မြို့နယ်လျှင် တစ်ဦးကျဖြင့် အချိုးကျကိုယ်စားပြုစနစ်ဖြင့် ရွေးကောက်တင်မြှောက် နိုင်ရန် မြို့နယ်များကို စုစည်း၍ မဲဆန္ဒနယ်များ သတ်မှတ်ပေးရမည်၊ (ဂ ) ဖွဲ့စည်းပုံအခြေခံဥပဒေပုဒ်မ ၁၆၁ ပုဒ်မခွဲ (ခ) နှင့် ပုဒ်မခွဲ (ဂ) တို့အရ တိုင်းရင်းသားလူမျိုးလွှတ်တော်ကိုယ်စားလှယ် ရွေးကောက်တင်မြှောက် ခွင့်ရှိသည့် တိုင်းရင်းသားလူမျိုးတစ်မျိုးစီအတွက် မဲဆန္ဒနယ် သတ်မှတ်ရာတွင် သက်ဆိုင်ရာ တိုင်းဒေသကြီး သို့မဟုတ် ပြည်နယ်တစ်ခုလုံးကို မဲဆန္ဒနယ်တစ်နယ်စီအဖြစ် သတ်မှတ်ရမည်ဟု အစားထိုးရပြဋ္ဌာန်းထားသည်။

အမျိုးသားလွှတ်တော်ရွေးကောက်ပွဲဥပဒေပုဒ်မ ၆၄ တွင် (က) ရွေးကောက်ပွဲဆိုင်ရာ ပြစ်မှုများနှင့်စပ်လျဉ်း၍ လိမ်လည်စွပ်စွဲ တိုင်တန်းကြောင်း ပြစ်မှုထင်ရှားစီရင်ခြင်း ခံရခြင်း၊ ( ခ ) အီလက်ထရောနစ်မဲပေးစက်ဖြင့် ဆန္ဒမဲပေးရာတွင် မဲပေးချက် ဖော်ပြသည့်စက်မှ ပြသသည့်ဆန္ဒမဲဖြတ်ပိုင်းတွင် မိမိမဲပေးထားသည့် လွှတ်တော်ကိုယ်စားလှယ်လောင်းအမည်နှင့် သင်္ကေတအမှတ်အသား မဟုတ်ဘဲ အခြားလွှတ်တော်ကိုယ်စားလှယ်လောင်းအမည်နှင့် သင်္ကေတ အမှတ်အသားကို မှားယွင်းဖော်ပြသည်ဟု မမှန်မကန်တိုင်တန်းကြောင်း ပြစ်မှုထင်ရှားစီရင်ခြင်းခံရခြင်း၊ (ဂ) ရွေးကောက်ပွဲများတွင် ဆန္ဒမဲပေးခြင်းပျက်ပြားစေရန်ဖြစ်စေ၊ ရွေးကောက်ပွဲပျက်ပြားစေရန်ဖြစ်စေ စုဝေးဟောပြောခြင်း၊ လှုံ့ဆော်ခြင်း၊ ရေးသားခြင်း၊ ဖြန့်ချိခြင်း၊ ပိုစတာများအသုံးပြုခြင်း သို့မဟုတ် အခြားနည်း ဖြင့် အားထုတ်ကြိုးပမ်းခြင်းကို ကျူးလွန်ကြောင်း သို့မဟုတ် ကျူးလွန်ရန် အားပေးကူညီကြောင်း၊ အီလက်ထရောနစ်မဲပေးစက်ကို တစ်နည်းနည်းဖြင့် ဖျက်ဆီးခြင်း သို့မဟုတ် ပျက်စီးအောင်ပြုလုပ်ခြင်း သို့မဟုတ် ယူဆောင် သွားခြင်းပြစ်မှုကို ကျူးလွန်ကြောင်း ပြစ်မှုထင်ရှားစီရင်ခြင်း ခံရခြင်းများအား သုံးနှစ်ထက်မပိုသော ထောင်ဒဏ်ဖြစ်စေ၊ ကျပ်သုံးသိန်းထက်မပိုသော ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်ဟု အစားထိုးပြဋ္ဌာန်းထားသည်။

■Read More - - - >>>https://news-eleven.com/article/304864

■ Eleven Website: https://news-eleven.com
■ Eleven Broadcasting YouTube: https://m.youtube.com/c/elevenwebtv11
■ Eleven Sports YouTube: https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

30/07/2025

■ ဇူလိုင်လ ၃၀ ရက်နေ့ နံနက်ပိုင်းသတင်းအစီအစဉ် ( နံနက် ၇ နာရီခွဲတိုက်ရိုက်ထုတ်လွှင့်မှု )

- နောင်ချိုမြိုတွင် တန်းစဉ်အလိုက် ပညာသင်ကြားနိုင်ရေးအတွက် အမှတ် (၂) အခြေခံပညာအထက်တန်းကျောင်း စတင်ဖွင့်လှစ်ခဲ့ပြီး ကျောင်းသားကျောင်းသူ ၂၅၁ ဦး တက်ရောက်
- OWIC ကတ် အတုအပမပြုလုပ်စေရန် နှင့် ပိုမိုလုံခြုံစေရန် သြဂုတ် ၁ ရက်မှစပြီး ကတ်ပေါ်တွင် စတစ်ကာကပ်၍ ထုတ်ပေးမည်
- တောင်ကိုရီးယားနှင့် ပြန်လည်ပေါင်းစည်းရေးကို စိတ်မဝင်စားကြောင်း မြောက်ကိုရီးယားခေါင်းဆောင်၏ညီမဖြစ်သူက ပြောကြား
- အစ္စရေးနှင့်ပတ်သက်သည့် သင်္ဘောမှန်သမျှကို ပစ်မှတ်ထားတိုက်ခိုက်သွားမည်ဟု ဟူသီအဖွဲ ကြုံးဝါး
- မန်စီးတီးနဲ့ လမ်းခွဲပြီးရင် (၁၅)နှစ်လောက်အထိ အနားယူနိုင်ဖွယ်ရှိတယ်လို ဂွါဒီယိုလာ ပြောကြား

■ Eleven Website: https://news-eleven.com
■ Eleven Broadcasting YouTube: https://m.youtube.com/c/elevenwebtv11
■ Eleven Sports YouTube: https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

30/07/2025

■ ဇူလိုင် ၃၀ ရက်ထုတ် The Daily Eleven သတင်းစာ မျက်နှာဖုံး

■ ထရန့်အစိုးရအဖွဲ့က မြန်မာနိုင်ငံမှ မြေရှားသတ္တုများ ရရှိရေးအတွက် အဆိုပြုချက်များကို ကြားနာ

■ ရှမ်းပြည်နယ် ရပ်စောက်၊ အောင်ပန်းနှင့် ကလောမြို့နယ်တို့တွင် ရေကြီးရေလျှံမှုဖြစ်ပွားသဖြင့် ရေဘေးသင့်ပြည်သူ နှစ်ထောင်ကျော်ကို ဘေးလွတ်ရာသို့ ပြောင်းရွှေ့ပေးခဲ့

■ နောင်ချိုမြို့တွင် တန်းစဉ်အလိုက် ပညာသင်ကြားနိုင်ရေးအတွက် အမှတ် (၂) အခြေခံပညာအထက်တန်းကျောင်း စတင်ဖွင့်လှစ်ခဲ့ပြီး ကျောင်းသားကျောင်းသူ ၂၅၁ ဦး တက်ရောက်

■ ပြည်ပအလုပ်အကိုင်အေဂျင်စီများက အလုပ်သမားများထံမှ သွားရောက်လုပ်ကိုင်မည့်နိုင်ငံအလိုက် ကောက်ခံနိုင်သည့် အမြင့်ဆုံးဝန်ဆောင်စရိတ်နှုန်းထားများ အလုပ်သမားဝန်ကြီးဌာန ထုတ်ပြန်

■ အင်အားပြင်းငလျင်ကြီး လှုပ်ခတ်မှုအပြီး မန္တလေးမြို့အနီးတစ်ဝိုက်တွင်နောက်ဆက်တွဲငလျင်များ ထပ်မံလှုပ်ခတ်နေကာ လေးလတာကာလအတွင်းနောက်ဆက်တွဲငလျင် ၂၁၅ ကြိမ်အထိ လှုပ်ခတ်

■ ဘီးလင်းမြို့နယ်တွင် ရန်ကုန်-မော်လမြိုင်ကားလမ်းပိုင်းတချို့ ရေကျော်နေပြီး အိမ်စီးယာဉ်များ သွားလာ၍မရဘဲ ယာဉ်ကြီးများသာ သွားလာနိုင်

■ ဘီးလင်းနှင့် သထုံမြို့နယ်တို့တွင် ရေကြီးရေလျှံမှုများကြောင့် ရေဘေးသင့်ပြည်သူ အများအပြား ရေဘေးရှောင်စခန်းများ၌ ခိုလှုံနေရ

■ E Paper ကို ဝယ်လိုပါက All Access Plan ကို Subscribe လုပ်လိုက်ပါ။
➡️ Subscribe လုပ် ရန် Link: 👉🏻
https://news-eleven.com/subscriptions
Short Term Subscription မှာ Telenor, Ooredoo ဖုန်းဘီလ်နဲ့ ဝယ်ယူနိုင်မယ့်အပြင် Long Term Subscription မှာ Mobile Wallet, Mobile Banking, Visa, MasterCard & MPU များ နှင့် Subscribe လုပ်နိုင်မှာ ဖြစ်ပါတယ်။
ထို့အပြင် ရန်ကုန်၊ နေပြည်တော်နှင့် မန္တလေးမြို့တို့အတွက် တစ်လ၊ သုံးလ၊ ခြောက်လ၊ တစ်နှစ် Plan များကို Online မှ ဝယ်ယူရာတွင် အခက်အခဲ ရှိသူများအား အိမ်တိုင်ရာရောက် ဝန်ဆောင်မှု ပေးသွားမှာ ဖြစ်ပါတယ်။
Subscription Package ဝယ်ရာမှာ အခက်အခဲ တစ်စုံတစ်ရာရှိပါက 09940052800/09752800136 ကို ရုံးချိန်အတွင်း ဆက်သွယ်နိုင်ပြီးတော့ Page Message ကနေလည်း မေးမြန်းနိုင်ပါတယ်။

29/07/2025

■ နယူးယောက်မြို့ရှိ မန်ဟက်တန်ရုံးအဆောက်အအုံ ပစ်ခတ်မှုတွင် သေနတ်သမားအပါအဝင် ငါးဦးသေဆုံး

အမေရိကန်ပြည်ထောင်စု၊ နယူးယောက်မြို့ မန်ဟက်တန်ရပ်ကွက်အတွင်းရှိ ကုမ္ပဏီရုံးများတည်ရှိရာ အထပ်မြင့်အဆောက်အအုံတစ်ခုတွင် ဇူလိုင် ၂၈ ရက်ရုံးဆင်းချိန်ဝန်းကျင်က ပစ်ခတ်မှုဖြစ်ပွားခဲ့ရာ ရဲအရာရှိတစ်ဦးနှင့် သေနတ်သမားအပါအဝင် ငါးဦးသေဆုံးခဲ့သည်။

သေနတ်သမားက လတ်စ်ဗီးဂတ်စ်မှ ရှိန်းဒက်ဗင်တမ်မူရာဆိုသူဖြစ်ပြီး လူငါးဦးကိုပစ်ခတ်ခဲ့ကာ လေးဦးသေဆုံးပြီး တစ်ဦးက ဆေးရုံတင်ထားရသည်။ အခင်းဖြစ်နေရာမှထွက်ပြေးရင်း ဒဏ်ရာရသူ လေးဦးရှိသည်။

နယူးယောက်ရဲတပ်ဖွဲ့ထုတ်ပြန်ချက်အရ ပစ်ခတ်မှုကို သေနတ်သမားက တစ်ကိုယ်တော်လုပ်ဆောင်ခဲ့ခြင်းဖြစ်သည်။ သေနတ်သမားသည် စိတ်ကျန်းမာရေးပြဿနာ ရှိထားသည့် အထောက်အထားများရှိပြီး ပစ်ခတ်သည့်အကြောင်းရင်းကိုမူ မသိရသေးပေ။

■Read More - - - >>>https://news-eleven.com/article/304859

■ Eleven Website: https://news-eleven.com
■ Eleven Broadcasting YouTube: https://m.youtube.com/c/elevenwebtv11
■ Eleven Sports YouTube: https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

29/07/2025

■ ကမ္ဘောဒီးယားဘက်က အပစ်ရပ်စဲရေးသဘောတူညီမှုကို ချိုးဖောက်ကြောင်း မလေးရှား၊ အမေရိကန်နှင့် တရုတ်နိုင်ငံခြားရေးဝန်ကြီးများထံ ထိုင်းက စာပို့အကြောင်းကြား

ဇူလိုင်၂၈ ရက်သန်းခေါင်တွင် စတင်အသက်ဝင်ခဲ့သည့် အပစ်အခတ်ရပ်စဲရေးသဘောတူညီချက်ကို ကမ္ဘောဒီးယားဘက်ကချိုးဖောက်ကြောင်း မလေးရှား ၊ အမေရိကန်နှင့် တရုတ်နိုင်ငံတို့၏ နိုင်ငံခြားရေးဝန်ကြီးများထံ စာပေးပို့အကြောင်းကြားထားသည်ဟု ထိုင်းနိုင်ငံခြားရေးဝန်ကြီး မားရစ် ဆန်ဂီယမ်ပုံဆာက ပြောကြားလိုက်သည်။

ဇူလိုင် ၂၉ ရက်ကပြုလုပ်သည့် ဘန်ကောက်သတင်းစာရှင်းလင်းပွဲတွင် ထိုင်းနိုင်ငံခြားရေးဝန်ကြီးမားရစ်က ပြောကြားခဲ့ခြင်းဖြစ်ပြီး ဒေသတွင်းငြိမ်းချမ်းရေးကို ထိန်းသိမ်းရာတွင် ထိုင်းနိုင်ငံက စိတ်ရှည်သည်းခံသည့်မူကို လက်ကိုင်ထားသော်လည်း အချုပ်အခြာအာဏာကိုထိပါးလာပါက သည်းခံနေမည်မဟုတ်ဟု ပြောကြားခဲ့သည်။

ဇူလိုင် ၂၈ ရက်က အာဆီယံအလှည့်ကျဥက္ကဌအဖြစ် တာဝန်ယူထားသည့် မလေးရှားနိုင်ငံတွင် ထိုင်းနှင့်ကမ္ဘောဒီးယားခေါင်းဆောင်များ ညှိနှိုင်းကြပြီးနောက် နှစ်နိုင်ငံနယ်စပ် အပစ်အခတ်ရပ်စဲရန် သဘောတူညီမှုရခဲ့သည်။

■Read More - - - >>>https://news-eleven.com/article/304858

■ Eleven Website: https://news-eleven.com
■ Eleven Broadcasting YouTube: https://m.youtube.com/c/elevenwebtv11
■ Eleven Sports YouTube: https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

29/07/2025

■ ရွေးကောက်ပွဲမဲဆွယ်စည်းရုံးမှုများ၊ မဲပေးသူများ၊ မဲရုံတာဝန်ကျသူများကို နှောင့်ယှက်ဟန့်တားသူများအား အရေးယူမည့်အချက်အပါအဝင် ပြစ်ဒဏ်များအဖြစ် အနည်းဆုံးထောင်ဒဏ်သုံးနှစ်မှ သေဒဏ်ထိချမှတ်နိုင်သည့် ရွေးကောက်ပွဲများကို နှောင့်ယှက်ဟန့်တားဖျက်ဆီးခြင်းမှ ကာကွယ်ပေးရေးဥပဒေ ပြဋ္ဌာန်း

ရွေးကောက်ပွဲမဲဆွယ်စည်းရုံးမှုများ၊ မဲပေးသူများ၊ မဲရုံတာဝန်ကျသူများကို နှောင့်ယှက်ဟန့်တားပါက အရေးယူမည့်အချက်အပါအဝင် ပြစ်ဒဏ်များအဖြစ် အနည်းဆုံးထောင်ဒဏ်သုံးနှစ်မှ သေဒဏ်ထိချမှတ်နိုင်သည့် ရွေးကောက်ပွဲများကို နှောင့်ယှက်ဟန့်တားဖျက်ဆီးခြင်းမှ ကာကွယ်ပေးရေးဥပဒေကိုနိုင်ငံတော်စီမံအုပ်ချုပ်ရေးကောင်စီက ဇူလိုင် ၂၉ ရက်တွင် ပြဋ္ဌာန်းသည်။

ဥပဒေ ပြဋ္ဌာန်းရခြင်း၏ ရည်ရွယ်ချက်များသည် (က) ပါတီစုံဒီမိုကရေစီ အထွေထွေရွေးကောက်ပွဲဆိုင်ရာ လုပ်ငန်းစဉ်များဆောင်ရွက်ခြင်းကို တားဆီးနှောင့်ယှက်ခြင်းမှ ကာကွယ်ရန်၊ (ခ)ပါတီစုံဒီမိုကရေစီ အထွေထွေရွေးကောက်ပွဲ မကျင်းပမီ စည်းရုံးရေးကာလအတွင်း ဥပဒေနှင့်အညီ မဲဆွယ်စည်းရုံးမှုများကို နှောင့်ယှက်ဟန့်တားခြင်းမှ ကာကွယ်ရန်၊ (ဂ) ဆန္ဒမဲပေးပိုင်ခွင့်ရှိသူတိုင်း လုံခြုံစိတ်ချစွာဖြင့် လွတ်လပ်စွာ ဆန္ဒမဲပေးရေးကို နှောင့်ယှက်ခြင်း၊ တားဆီးခြင်းတို့မှ ကာကွယ်ရန်၊ (ဃ) မဲရုံနှင့် မဲရုံအတွင်း တာဝန်ကျသူများ လုံခြုံမှုအပြည့်အဝဖြင့် တာဝန်ထမ်းဆောင်နိုင်ရန် ဖြစ်ကြောင်း ဖော်ပြထားသည်။

အဆိုပါ ဥပဒေတွင် ပြည်ထောင်စုအစိုးရအဖွဲ့သည် ပါတီစုံဒီမိုကရေစီ အထွေထွေရွေးကောက်ပွဲကာလ လုံခြုံရေးဆိုင်ရာ ကြီးကြပ်မှုဗဟိုကော်မတီကို ဖွဲ့စည်းရမည်ဖြစ်ကြောင်း၊ ဗဟိုကော်မတီ၏ လုပ်ငန်းတာဝန်နှင့် လုပ်ပိုင်ခွင့်များသည် (က) ရွေးကောက်ပွဲကာလအတွက် လုံခြုံရေးဆိုင်ရာ လုပ်ငန်းစဉ်နှင့် မူဝါဒချမှတ်ပေးခြင်း၊ ( ခ ) တိုင်းဒေသကြီး သို့မဟုတ် ပြည်နယ်၊ ပြည်ထောင်စုနယ်မြေ၊ ကိုယ်ပိုင်အုပ်ချုပ်ခွင့်ရတိုင်း သို့မဟုတ် ကိုယ်ပိုင်အုပ်ချုပ်ခွင့်ရဒေသ၊ ခရိုင် သို့မဟုတ် မြို့နယ် ပါတီစုံဒီမိုကရေစီ အထွေထွေ ရွေးကောက်ပွဲကာလ လုံခြုံရေးဆိုင်ရာ ကြီးကြပ်မှုကော်မတီအဆင့်ဆင့် ဖွဲ့စည်းပေးခြင်းနှင့် ယင်းတို့၏ လုပ်ငန်းဆောင်ရွက်မှုများကို ကြီးကြပ်ကွပ်ကဲခြင်း၊ စစ်ဆေးကြပ်မတ်ခြင်းနှင့် လိုအပ်ချက်များ ဖြည့်ဆည်းပေါင်းစပ်ဆောင်ရွက်ပေးခြင်း၊ ( ဂ ) ပြည်ထောင်စုရွေးကောက်ပွဲကော်မရှင် ဥပဒေနှင့်အညီ ရွေးကောက်ပွဲလုံခြုံရေးဆိုင်ရာ စီမံချက်များ ရေးဆွဲဆောင်ရွက်ရန် ဒေသဆိုင်ရာကော်မတီများကို လမ်းညွှန်ခြင်း၊(ဃ) ရွေးကောက်ပွဲကာလအတွင်း လုံခြုံရေးကို ထိပါးစေနိုင်သည့် ပြည်တွင်း၊ ပြည်ပ နိုင်ငံတကာအဖွဲ့အစည်းများ၏ လှုပ်ရှားမှုများအား စောင့်ကြည့်သတင်းရယူခြင်းနှင့် အရေးယူဆောင်ရွက်နိုင်ရန် လမ်းညွှန်ခြင်း၊ ( င) ပြည်ထောင်စုအစိုးရအဖွဲ့က အခါအားလျော်စွာ ပေးအပ်သည့် ရွေးကောက်ပွဲကာလ ဆိုင်ရာ လုပ်ငန်းတာဝန်များကို ဆောင်ရွက်ခြင်းတို့ ဖြစ်သည်။

အလားတူ ဗဟိုကော်မတီသည် တိုင်းဒေသကြီး သို့မဟုတ် ပြည်နယ်၊ ပြည်ထောင်စုနယ်မြေ၊ ကိုယ်ပိုင်အုပ်ချုပ်ခွင့်ရတိုင်း သို့မဟုတ် ကိုယ်ပိုင်အုပ်ချုပ်ခွင့်ရဒေသ၊ ခရိုင်၊ မြို့နယ် စသည်တို့၌ ပါတီစုံဒီမိုကရေစီ အထွေထွေရွေးကောက်ပွဲကာလ လုံခြုံရေးဆိုင်ရာ ကြီးကြပ်မှုကော်မတီများကို ဖွဲ့စည်းပေးရမည်ဖြစ်ကြောင်း ပြဋ္ဌာန်းထားသည်။

ရွေးကောက်ပွဲများကို နှောင့်ယှက်ဟန့်တားဖျက်ဆီးခြင်းမှ ကာကွယ်ပေးရေးဥပဒေတွင် ရွေးကောက်ပွဲကော်မရှင်အဖွဲ့ခွဲအဆင့်ဆင့်သည် (က) မဲစာရင်းပြုစုခြင်း၊ ( ခ ) ရပ်ကွက်နှင့် ကျေးရွာအုပ်စုအလိုက် မဲရုံနှင့် မဲရုံတည်နေရာသတ်မှတ်ခြင်း၊ ( ဂ ) မဲရုံနှင့် မဲရုံပရိဝုဏ် အတည်ပြုခြင်း၊ စစ်ဆေးခြင်း၊ မဲရုံနေရာပြောင်းရွှေ့ခြင်း၊ (ဃ) ဆန္ဒမဲလက်မှတ်၊ မဲပုံးနှင့် မဲပေးသည့်စက်၊ စက်ပစ္စည်းကိရိယာနှင့် အသုံးအဆောင် ပစ္စည်းများ သယ်ယူရွှေ့ပြောင်းခြင်း၊ ထိန်းသိမ်းခြင်း စသည့် ရွေးကောက်ပွဲဆိုင်ရာ ကိစ္စရပ်များအတွက် လိုအပ်သောလုံခြုံရေးဆောင်ရွက်ပေးရန် မြို့နယ် ပါတီစုံဒီမိုကရေစီ အထွေထွေရွေးကောက်ပွဲကာလ လုံခြုံရေးဆိုင်ရာ ကြီးကြပ်မှုကော်မတီသို့ တောင်းခံနိုင်ကြောင်း ပြဋ္ဌာန်းထားသည်။

ထို့အပြင် လွှတ်တော်ကိုယ်စားလှယ်လောင်းသည် ဥပဒေနှင့်အညီ ရွေးကောက်ပွဲအတွက် မဲဆွယ်စည်းရုံးမှု ပြုလုပ်စဉ် လုံခြုံရေးဆောင်ရွက်ပေးနိုင်ရန် သက်ဆိုင်ရာ မြို့နယ် ပါတီစုံဒီမိုကရေစီ အထွေထွေရွေးကောက်ပွဲ ကာလ လုံခြုံရေးဆိုင်ရာကြီးကြပ်မှုကော်မတီသို့ တောင်းခံနိုင်ကြောင်း၊ မြို့နယ် ပါတီစုံဒီမိုကရေစီ အထွေထွေရွေးကောက်ပွဲကာလ လုံခြုံရေးဆိုင်ရာကြီးကြပ်မှု ကော်မတီသည် ပုဒ်မ ၁၂ နှင့် ၁၃ အရ အကြောင်းကြားလာပါက သက်ဆိုင်ရာနယ်မြေခံရဲတပ်ဖွဲ့သို့ အကြောင်းကြားရမည်ဖြစ်ပြီး သက်ဆိုင်ရာ နယ်မြေခံရဲတပ်ဖွဲ့က သင့်လျော်သည့်လုံခြုံရေး ဆောင်ရွက်ပေးရမည် ဖြစ်ကြောင်း၊ မြို့နယ် ပါတီစုံဒီမိုကရေစီ အထွေထွေရွေးကောက်ပွဲကာလ လုံခြုံရေးဆိုင်ရာကြီးကြပ်မှု ကော်မတီသည် ရွေးကောက်ပွဲကျင်းပသည့်နေ့တွင် လိုအပ်သည့်လုံခြုံရေးကို မြန်မာနိုင်ငံရဲတပ်ဖွဲ့နှင့် ကြိုတင်ညှိနှိုင်း ဆောင်ရွက်ရမည်ဖြစ်ကြောင်းလည်း ပြဋ္ဌာန်းထားသည်။

■Read More - - - >>>https://news-eleven.com/article/304857

■ Eleven Website: https://news-eleven.com
■ Eleven Broadcasting YouTube: https://m.youtube.com/c/elevenwebtv11
■ Eleven Sports YouTube: https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

29/07/2025

■ ညောင်ဦးမြို့နယ်၌ DENKO စက်သုံးဆီဆိုင်မှ ဆီဖိုးငွေများ၊ ဆိုင်ကယ်နှစ်စီး၊ ဆီလာဖြည့်သည့် မော်တော်ယာဉ်တစ်စီးကို PDF အဖွဲ့က ယူဆောင်ပြီးဆိုင်ဝန်ထမ်းနှစ်ဦးအား ဖမ်းဆီးခေါ်ဆောင်သွား

■ နယ်မြေရှင်းလင်းရေးလုပ်ငန်းများ ဆောင်ရွက်စဉ် ထိတွေ့တိုက်ပွဲဖြစ်ပွားခဲ့ပြီး PDF အဖွဲ့ဝင် နှစ်ဦးကို လက်နက်၊ ဆက်စပ်ပစ္စည်းများနှင့်အတူ အသေဖမ်းဆီးရမိဟုဆို

မန္တလေးတိုင်းဒေသကြီး၊ ညောင်ဦးမြို့နယ်၌ PDF အဖွဲ့က DENKO စက်သုံးဆီဆိုင်အား ဝင်ရောက်ဓားပြတိုက်လုယက်ကာ ဆီဆိုင်ဝန်ထမ်းနှစ်ဦးအား ဖမ်းဆီးခေါ်ဆောင်သွားကြောင်း သိရသည်။

ဇူလိုင် ၂၈ ရက် ညနေ ၅ နာရီတွင် မန္တလေး တိုင်းဒေသကြီး၊ ညောင်ဦးမြို့နယ်၊ တောင်ဘကျေးရွာအနီး ညောင်ဦး-ကျောက်ပန်းတောင်း ကားလမ်းဘေးရှိ “DENKO” စက်သုံးဆီဆိုင်သို့ PDF အဖွဲ့ အင်အားခြောက်ဦး(စိစစ်ဆဲ)က ဆိုင်ကယ်သုံးစီးဖြင့် ရောက်ရှိလာပြီး ဆီဆိုင်ဝန်ထမ်းများထံမှ လက်ကိုင်ဖုန်း လေးလုံး၊ ရွှေနားကပ် နှစ်ရံ၊ ဆိုင်ကယ် နှစ်စီး၊ ဆီရောင်းချရငွေ ငါးသိန်းကျပ်နှင့် ဆီဖြည့်ရန် ရောက်ရှိနေသည့် ညောင်ဦးမြို့နယ်၊ ဘုန်းတော်ကျေးရွာနေ ဦးစန်းယု(၃၈)နှစ်၏ HONDA Fit အမျိုးအစား အဖြူရောင် မော်တော်ယာဉ်တစ်စီးတို့အား လုယက်ယူဆောင်ပြီး ဆီဆိုင်ဝန်ထမ်းများအနက် ဆီဆိုင်မန်နေဂျာ ဖြစ်သူ ညောင်ဦးမြို့၊ အမှတ်(၅)ရပ်ကွက်နေ ဦးဝင်းမြင့်ထွန်း(ခ)ဦးညီညီထွန်း(၄၀)နှစ်နှင့် ဒုမန်နေဂျာ ဖြစ်သူ ညောင်ဦးမြို့နယ်၊ တောင်ဘကျေးရွာနေ ဦးဆန်းလွင်ဦး(၄၂)နှစ်တို့နှစ်ဦးအား ဖမ်းဆီး ခေါ်ဆောင်၍ ညောင်တိုကျေးရွာဘက်သို့ ပြန်လည်ထွက်ခွာသွားကြောင်း သတင်းအရ လုံခြုံရေး တပ်ဖွဲ့ဝင်များ ပါဝင်သော ပူးပေါင်းအဖွဲ့က နယ်မြေရှင်းရေးလုပ်ငန်းများအား လိုက်လံဆောင်ရွက်ခဲ့ကြောင်း သိရသည်။

■ Read More - - - >>> https://news-eleven.com/article/304856

■ Eleven Website: https://news-eleven.com
■ Eleven Broadcasting YouTube: https://m.youtube.com/c/elevenwebtv11
■ Eleven Sports YouTube: https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

29/07/2025

ယူကရိန်းနှင့် အပစ်အခတ်ရပ်စဲရေးကို ၁၀ ရက်မှ ၁၂ ရက်အတွင်း ပူတင်သဘောတူရမည်ဟု ထရန့် ဖိအားတိုးပေး

29/07/2025

နည်းပြ အာမိုရင်မ်ကို ကစားသမားတွေ ယုံကြည်နေဆဲလို့ အူဂါတေ ဖွင့်ဟ

Eleven Media Group

30/07/2025

30/07/2025

30/07/2025

30/07/2025

30/07/2025

30/07/2025

29/07/2025

29/07/2025

29/07/2025

29/07/2025

29/07/2025

29/07/2025

Address

Telephone

Website

Alerts

Contact The Business

Shortcuts

Share

Category