Eleven Media Group, No-65 , Corner of Myamalar Street and Myanma Gon Yi Street, Thaketa Industrial Zone, Thaketa Township, Yangon (2026)

Q: What is the address?

No-65 , Corner Of Myamalar Street And Myanma Gon Yi Street, Thaketa Industrial Zone, Thaketa Township

02/09/2026

■ ရတနာဂူဘုရားပွဲတော် နှင့် ပုပ္ပားမယ်တော်ကြီးပွဲ ကျင်းပမည်

မန္တလေးတိုင်းဒေသကြီ၊ အမရပူရမြို့နယ်၊ ငယ်တိုးကျေးရွာအုပ်စု၊ အင်းဝမင်းကြီးစွာစော်ကဲ တည်ထားကိုးကွယ်တော်မူသည့် သမိုင်းဝင်ရတနာဂူ စေတီတော်မြတ်ကြီး၏ ရတနာဂူဘုရားပွဲတော်နှင့် ပုပ္ပားမယ်တော်ကြီးနတ်ပွဲကို ၁၃၈၈ ခုနှစ်၊ ဝါခေါင်လပြည့်ကျော် ၇ ရက် (၂၀၂၆ ခုနှစ် စက်တင်ဘာ ၄ ရက်) နေ့ မှ စတင်ကာ ကျင်းပသွားမည်ဖြစ်ကြောင်း ရတနာဂူဂေါပကအဖွဲ့ထံမှ သိရသည်။

"ဝါခေါင်လပြည့်ကျော် ၇ ရက်နေ့ညမှာ ညီလာခံပြီးတော့ ပွဲစမှာပါ။ ပုပ္ပါးမယ်တော် ချိုးရေတော်သုံးတာက ဝါခေါင်လပြည့်ကျော် ၁၀ ရက်နေ့ နေ့လယ် ၁၂ နာရီ သတ်မှတ်ထားပါတယ်။ နတ်နန်းရှေ့မှာ ပြုလုပ်သွားမှာပါ" ဟု ဂေါပကအဖွဲ့မှ တာဝန်ရှိသူတစ်ဦးက ပြောကြားသည်။

ရတနာဂူဘုရားပွဲနှင့် ပုပ္ပားမယ်တော်ကြီးနတ်ပွဲသည် နှစ်စဉ် ဝါခေါင်လပြည့်ကျော် ၇ ရက်နေ့မှ စတင်ကာ နတ်ညီလာခံများ၊ ၈ ရက်နှင့် ၉ ရက်များတွင် တက်ပွဲနှင့် ချော့ပွဲများ၊ ၁၀ ရက်နေ့တွင် ချိုးရေတော်သုံးအခမ်းအနား ၊ ၁၁ ရက် ၁၂ ရက် ၁၃ ရက်များတွင် တက်ပွဲများနှင့် ၁၄ ရက် တွင် ထိန်ခုတ်ပွဲ၊ မယ်တော်ကြီးပြန်ပို့ပွဲများ ကျင်းပလေ့ရှိကြောင်းနှင့် သမိုင်းဝင် ရတနာ့ဂူမြတ်စွာဘုရားပွဲတော်ကို ဝါခေါင်လကွယ်နေ့ နံနက်ပိုင်းတွင် သံဃာများအား ဆွမ်းလောင်းလှူခြင်းများ ပြုလုပ်လေ့ရှိကြောင်း သိရှိရပါသည်။

ယခင်က ရတနာဂူပွဲ ကျင်းပချိန်သည် ဧရာဝတီ မြစ်ရေ မြင့်တက်ချိန်ဖြစ်သည့်အတွက် မြစ်ရေ မြင့်တက်မှုအလိုက် ဘုရားရှေ့ရှိ မြစ်နှင့် ဆက်စပ်ရေဝင်သော ရတနာဂူရွှေကြူချောင်းအတွင်း ရေဝင်ရောက်လျက်ရှိရာ ပွဲတော် လာသူများသည် ချောင်းမှတစ်ဆင့် ငှက်လှေများစီးကာ လာရောက်လေ့ရှိခဲ့ပြီး၊ ချိုးရေတော်သုံးအခမ်းအနားကို ဖောင်များဖြင့် ချောင်းအတွင်းကျင်းပလေ့ရှိခဲ့ကြောင်း သိရှိရပါသည်။

■ သတင်းနှင့် ဓာတ်ပုံ- သက်ထွန်းအောင်

► ပုံစာ- ၂၀၂၅ ခုနှစ်က ပြုလုပ်ခဲ့သော ပုပ္ပါးမယ်တော်ကြီး ချိုးရေတော်သုံးသည့်နေ့အား တွေ့ရစဉ်။

#ရတနာဂူဘုရားပွဲ #ပုပ္ပားမယ်တော်ကြီးပွဲ

■ Eleven Website:https://news-eleven.com
■ Eleven Broadcasting YouTube:https://m.youtube.com/c/elevenwebtv11
■ Eleven Sports YouTube:https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

02/09/2026

■ စက်တင်ဘာ ၂ ရက်နေ့နံနက်ခင်းသတင်းအစီအစဉ်

■ လူငယ်များ တိုင်းတစ်ပါးနိုင်ငံများကို သွားရောက်အလုပ်လုပ်ကိုင်နေကြခြင်းသည် နိုင်ငံတော်အတွက် အလွန်နစ်နာပြီး နိုင်ငံ့အရင်းအမြစ်များ များစွာဆုံးရှုံးရကြောင်း နိုင်ငံတော်သမ္မတ ပြောကြား

■ ကျိုက်မရောမြို့နယ် ဦးလေးကျေးရွာနှင့် ချောင်းနှစ်ခွကျေးရွာကြားရှိ ရေကြီးရေလျှံမှုဖြစ်ပေါ်နေသည့် ကျေးရွာများ၌ ရေသန့်နှင့် အစားအစာ လိုအပ်ချက်များရှိနေ

■ Google က ၎င်း၏မြေပုံတွင် အွန်တဲရီယိုကန်၏ အမည်ကို အမေရိကကန်ဟု ပြောင်းလဲ

■ ဟောမုဇ်ရေလက်ကြားတွင် အညစ်အကြေး စွန့်ပစ်သည့် ကုန်တင်သင်္ဘောကို အီရန် ဖမ်းဆီး

■ အယ်လ်ဟီလာအသင်းနဲ့ ဘန်ဇီမာ လမ်းခွဲ

02/09/2026

■ စက်တင်ဘာ ၂ ရက်ထုတ် The Daily Eleven Digital Newspaper မျက်နှာဖုံး

►► စက်တင်ဘာ ၂ ရက်ထုတ် The Daily Eleven Digital Newspaper ကို အောက်ပါ Link တွင် ဝင်ရောက် ဖတ်ရှုနိုင်ပါသည်။

►► https://news-eleven.com/e-paper/314711

■ လူငယ်များ တိုင်းတစ်ပါးနိုင်ငံများကို သွားရောက်အလုပ်လုပ်ကိုင်နေကြခြင်းသည် နိုင်ငံတော်အတွက် အလွန်နစ်နာပြီး နိုင်ငံ့အရင်းအမြစ်များ များစွာဆုံးရှုံးရကြောင်း နိုင်ငံတော်သမ္မတ ပြောကြား

■ ၂၀၂၆ ခုနှစ် တက္ကသိုလ်ဝင်စာမေးပွဲနှင့် စက်မှု၊ စိုက်ပျိုး၊ မွေးမြူရေးတက္ကသိုလ်ဝင်စာမေးပွဲများတွင် တစ်နိုင်ငံလုံး အမှတ်အများဆုံးရရှိခဲ့ကြသည့် ကျောင်းသားကျောင်းသူ ၃၀၇ ဦးကို ရွှေစင်တစ်ကျပ်သား ဒင်္ဂါးပြားများ ချီးမြှင့်

■ တောင်ငူခရိုင် အုတ်တွင်းမြို့နယ်တွင် အိမ်လခပေးငှားနေပြီး အလှူခံလုပ်စားနေသည့်အဖွဲ့အား ဖမ်းဆီးအရေးယူ

■ မိုးသည်းထန်စွာရွာသွန်းမှုကြောင့် ရန်ကုန်-မန္တလေးအမြန်လမ်းမကြီး ၁၂၃ မိုင်အနီးတွင် ကားလမ်းရေကျော်ခဲ့ပြီး ဇေယျဝတီနှင့် ညောင်ခြေထောက်အနီးတွင်လည်း ရထားလမ်းရေကျော်၍ DEMU ရထား ခေတ္တရပ်နားခဲ့ရ

■ မလှိုင်မြို့နယ် ထမ္မကြီးရွာတွင် ကျေးရွာအုပ်ချုပ်ရေးမှူးတစ်ဦးနှင့် ၁၉ နှစ်အရွယ် လူငယ်တစ်ဦး အပါအဝင် စုစုပေါင်း အမျိုးသား၊ အမျိုးသမီး ၁၂ ဦးအား PDF များက သေနတ်ဖြင့်ပစ်သတ်

■ ရန်ကုန်တိုင်းဒေသကြီးအတွင်း ART ဆေးပေးဌာန ၆၂ ခုမှ HIV လူနာခုနစ်သောင်းကျော်ကို ART ဆေးဝါးများ အခမဲ့ဖြန့်ဝေပေး

■ Eleven Website:https://news-eleven.com
■ Eleven Broadcasting YouTube:https://m.youtube.com/c/elevenwebtv11
■ Eleven Sports YouTube:https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

01/09/2026

■ တရုတ်နှင့် နီပေါတွင် ရေဘေးကြောင့် သေဆုံးသူ ၁၀၀၀ ကျော်ထိရှိလာ

တရုတ်နှင့်နီပေါတို့တွင် ဩဂုတ် ၂၆ ရက်နေ့ကတည်းက ရေခဲမြစ်ရေလျှံမှုကြောင့် သေဆုံးသူ ၁၀၀၀ ကျော်လွန်သွားခဲ့ပြီဖြစ်ပြီး ကယ်ဆယ်ရေးအဖွဲ့များသည် ရေအားလျှပ်စစ် ဥမင်လိုဏ်ခေါင်းများအတွင်း ပိတ်မိနေသည်ဟု ယူဆရသော လူပေါင်းများစွာ အပါအဝင် အသက်ရှင်ကျန်ရစ်သူများကို ရှာဖွေလျက်ရှိသည်။

မြင့်မားသော တောင်တန်းပေါ်ရှိ ရေခဲမြစ် ပြိုကျမှုကြောင့် ဖြစ်ပေါ်လာသည့် ရေခဲရေ၊ ကျောက်တုံးများနှင့် အပျက်အစီးများ ပါဝင်သော တစ်ဟုန်ထိုးစီးဆင်းလာသည့် ရေလှိုင်းကြီးသည် နီပေါနိုင်ငံတစ်ဝန်းရှိ အိမ်ခြေများကို သုတ်သင်ရှင်းလင်းခဲ့ပြီး ပျက်စီးဆုံးရှုံးမှုပေါင်းများစွာကို ဖြစ်ပေါ်စေခဲ့ရာ လူပေါင်း ၄၅၀၀ နီးပါး ပျောက်ဆုံးနေဆဲဖြစ်သည်။

နီပေါ ကယ်ဆယ်ရေးအဖွဲ့များသည် ဥမင်လိုဏ်ခေါင်း အသီးသီးတွင် ပိတ်မိနေသည်ဟု ယုံကြည်ရသော ရေအားလျှပ်စစ် အလုပ်သမား ၁၀၀ ခန့်ကို ကယ်ထုတ်နိုင်ရန် အချိန်နှင့်တပြေးညီ အပျက်အစီးများကို တူးဖော်ခြင်း၊ အပေါက်ဖောက်ခြင်းနှင့် မိုင်းခွဲခြင်းများကို ပြုလုပ်လျက်ရှိသည်။

#တရုတ် #နီပေါတွင် #ရေဘေး #သေဆုံးသူ

■ Website Link >>>> https://news-eleven.com/article/314710

■ Eleven Website:https://news-eleven.com
■ Eleven Broadcasting YouTube:https://m.youtube.com/c/elevenwebtv11
■ Eleven Sports YouTube:https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

01/09/2026

■ ပြည်ထောင်စုလွှတ်တော်၊ အမျိုးသားလွှတ်တော်နှင့် ပြည်သူ့လွှတ်တော် တတိယပုံမှန်အစည်းအဝေးများ စက်တင်ဘာလတွင် ပြန်လည်ကျင်းပမည်

ပြည်ထောင်စုလွှတ်တော်၊ အမျိုးသားလွှတ်တော်နှင့် ပြည်သူ့လွှတ်တော် တတိယပုံမှန်အစည်းအဝေးများအား စက်တင်ဘာလအတွင်း ပြန်လည်ကျင်းပမည်ဖြစ်ကြောင်း လွှတ်တော်အသီးသီးက သြဂုတ် ၃၁ ရက် ရက်စွဲဖြင့် ထုတ်ပြန်ကြေညာသည်။

ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေပုဒ်မ ၇၉၊ ပြည်ထောင်စုလွှတ်တော်ဆိုင်ရာဥပဒေ ပုဒ်မ ၁၃ နှင့် ပြည်ထောင်စုလွှတ်တော်ဆိုင်ရာ နည်းဥပဒေ ၈၊ နည်းဥပဒေခွဲ (ခ) တို့အရ တတိယအကြိမ် ပြည်ထောင်စုလွှတ်တော် တတိယပုံမှန်အ စည်းအဝေးကို စက်တင်ဘာ ၂၉ ရက် နံနက် ၁၀ နာရီတွင် နေပြည်တော်၌ စတင်ကျင်းပသွားမည်ဖြစ်ကြောင်း ပြည်ထောင်စုလွှတ်တော်၏ ထုတ်ပြန်ချက်တွင် ဖော်ပြထားသည်။

ထို့ပြင် ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေပုဒ်မ ၁၅၅ နှင့် ၂၀၁၂ ခုနှစ် အမျိုးသားလွှတ်တော်ဆိုင်ရာ ဥပဒေပုဒ်မ ၃၅ နှင့် ၂၀၁၅ ခုနှစ် အမျိုးသားလွှတ်တော်ဆိုင်ရာ နည်းဥပဒေများ၏ နည်းဥပဒေ ၃၊ နည်းဥပဒေခွဲ (ခ) တို့အရ တတိယအကြိမ် အမျိုးသားလွှတ်တော် တတိယပုံမှန် အစည်းအဝေးကို စက်တင်ဘာ ၂၂ ရက် နံနက် ၁၀ နာရီတွင် နေပြည်တော်၌ စတင်ကျင်းပသွားမည်ဖြစ်ကြောင်း အမျိုးသားလွှတ်တော်က ထုတ်ပြန်ကြေညာထားသည်။

ထို့အတူ တတိယအကြိမ် ပြည်သူ့လွှတ်တော် တတိယပုံမှန်အစည်းအဝေးကိုလည်း ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေ ပုဒ်မ ၁၂၆၊ ၂၀၁၂ ခုနှစ် ပြည်သူ့လွှတ်တော်ဆိုင်ရာဥပဒေ ပုဒ်မ ၃၅ နှင့် ၂၀၁၃ ခုနှစ် ပြည်သူ့လွှတ်တော်ဆိုင်ရာ နည်းဥပဒေများ၏ နည်းဥပဒေ ၃၊ နည်းဥပဒေ ခွဲ (ခ) တို့ပါ ပြဋ္ဌာန်းချက်များနှင့်အညီ စက်တင်ဘာ ၂၁ ရက် နံနက် ၁၀ နာရီတွင် နေပြည်တော်၌ စတင်ကျင်းပသွားမည်ဖြစ်ကြောင်း ပြည်သူ့လွှတ်တော်က ထုတ်ပြန်ကြေညာခဲ့သည်။

ထို့ကြောင့် သက်ဆိုင်ရာလွှတ်တော်အသီးသီးကို တက်ရောက်ကြမည့် လွှတ်တော်ကိုယ်စားလှယ်များအနေဖြင့် သတ်မှတ်ရက် များမတိုင်မီ အစည်းအဝေးအတွက် လိုအပ်သည့် ပြင်ဆင်မှုများ လုပ်ဆောင်နိုင်ရန် “ဖိတ်စာလက်ခံရရှိသည်ဖြစ်စေ၊ မရရှိသည်ဖြစ်စေ” ရုံးချိန်များအတွင်း သက်ဆိုင်ရာတာဝန်ရှိသူများထံ သတင်းပေးပို့ကြရန် ထုတ်ပြန်ချက်တွင် ဖော်ပြထားသည်။

#ပြည်ထောင်စုလွှတ်တော်၊ #အမျိုးသားလွှတ်တော် #ပြည်သူ့လွှတ်တော်

■ Website Link >>>> https://news-eleven.com/article/314709

■ Eleven Website:https://news-eleven.com
■ Eleven Broadcasting YouTube:https://m.youtube.com/c/elevenwebtv11
■ Eleven Sports YouTube:https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

01/09/2026

■ Apple ကုမ္ပဏီ၏ စီအီးအိုအသစ်အဖြစ် ဂျွန်တာနပ်စ် စတင်တာဝန်ယူ

Apple ကုမ္ပဏီ၏ စီအီးအိုအသစ်အဖြစ် ဂျွန်တာနပ်စ်က စက်တင်ဘာ ၁ ရက်တွင် စတင်တာဝန်ယူလိုက်ပြီဖြစ်ပြီး Apple ကုမ္ပဏီကို ၁၅ နှစ်နီးပါး ဦးဆောင်ခဲ့သည့် တင်မ်ကွတ်ခ်၏ နေရာကို ဆက်ခံသူဖြစ်လာခဲ့သည်။

ယခင်က Apple ကုမ္ပဏီ၏ hardware အင်ဂျင်နီယာပိုင်းဆိုင်ရာ ဒုတိယဥက္ကဋ္ဌအဖြစ် တာဝန်ထမ်းဆောင်ခဲ့သူ တာနပ်စ်သည် ဧပြီလက Apple ၏ ခေါင်းဆောင်မှု အပြောင်းအလဲ အစီအစဉ် ထုတ်ပြန်ချက်အရ ယခုအခါ Apple ကုမ္ပဏီ၏ ရှစ်ဦးမြောက် စီအီးအို ဖြစ်လာခဲ့သည်။

တင်မ်ကွတ်ခ်သည် Apple ကုမ္ပဏီ၏ ဒါရိုက်တာဘုတ်အဖွဲ့ အမှုဆောင်ဥက္ကဋ္ဌ ရာထူးသို့ ပြောင်းရွှေ့ တာဝန်ယူခဲ့သည်။

၂၀၀၁ ခုနှစ်တွင် Apple ကုမ္ပဏီသို့ စတင်ဝင်ရောက်ခဲ့သည့် တာနပ်စ်သည် iPhone, iPad နှင့် Mac အပါအဝင် ကုမ္ပဏီ၏ အဓိက ထုတ်ကုန်များစွာ တီထွင်ဖန်တီးမှုအပိုင်း၌ အရေးပါသော အခန်းကဏ္ဍမှ ပါဝင်ခဲ့သူဖြစ်သည်။

Apple ကုမ္ပဏီအနေဖြင့် နည်းပညာ ပြိုင်ဘက်များထံမှ ပိုမိုကြီးမားသော ယှဉ်ပြိုင်မှုများနှင့် ရင်ဆိုင်နေရသည့် AI နည်းပညာ ကဏ္ဍတွင် ရပ်တည်ချက် ပိုမိုခိုင်မာလာစေရန် ကြိုးပမ်းနေချိန်၌ ယခုကဲ့သို့ ရာထူးတိုးမြှင့်မှု ထွက်ပေါ်လာခြင်းဖြစ်သည်။

ုမ္ပဏီ #ဂျွန်တာနပ်စ်

■ Website Link >>>> https://news-eleven.com/article/314708

■ Eleven Website:https://news-eleven.com
■ Eleven Broadcasting YouTube:https://m.youtube.com/c/elevenwebtv11
■ Eleven Sports YouTube:https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

01/09/2026

■ လေထုညစ်ညမ်းမှု ပိုမိုဆိုးရွားလာခြင်းကြောင့် မလေးရှားပြည်သူများ အခက်တွေ့နေရ

အင်ဒိုနီးရှားတောမီးမှ ထွက်ပေါ်လာသည့် မီးခိုးများကြောင့် မလေးရှားနိုင်ငံ ဆာရာဝက်ခ်ပြည်နယ်တွင် စက်တင်ဘာ ၁ ရက်က လေထုအရည်အသွေးပိုမိုဆိုးရွားလာခဲ့ပြီး အသက်ရှူလမ်းကြောင်းဆိုင်ရာ ဝေဒနာခံစားရမှုများ မြင့်တက်လာပြီး ဒေသခံများက နှာခေါင်းစည်းများ အလုအယက်ဝယ်ယူနေကြသည်။

ဘော်နီယိုကျွန်းပေါ်ရှိ ဆာရာဝက်ခ်ပြည်နယ် မြို့တော်ကူချင်းတွင် လေထုညစ်ညမ်းမှုအညွှန်းကိန်း (API) ၄၀၇ အထိ ရောက်ရှိခဲ့ခြင်း အပါအဝင် ခရိုင် ၆ ခု၌ အန္တရာယ်ရှိသောအဆင့် API စံချိန်များကို ရောက်ရှိခဲ့သည်။

အမျိုးသားလမ်းညွှန်ချက်များအရ အညွှန်းကိန်း ၃၀၀ ထက်ကျော်လွန်ပါက အန္တရာယ်ရှိသောအဆင့်အဖြစ် သတ်မှတ်ပြီး ၅၀၀ ထက်ကျော်လွန်ပါက ဒေသတွင်း အရေးပေါ်အခြေအနေ ထုတ်ပြန်ရန် စဉ်းစားနိုင်သည်။

ကူချင်းမြို့ရှိ ကျောင်းများကို လွန်ခဲ့သည့် နှစ်ပတ်ကတည်းက ပိတ်ထားခဲ့ပြီး ပြည်နယ်အတွင်း မီးခိုးမြူကာ နှာခေါင်းစည်း ပစ္စည်းပြတ်လပ်မှုများ ကြုံတွေ့နေရသည်။

အသက် ၃၇ နှစ်အရွယ် ဒေသခံ အိုင်ဗားနား မေဆွန် က ၎င်းသွားရောက်ခဲ့သည့် ဆေးဆိုင် ၅ ဆိုင်လုံးတွင် အမှုန်အမွှားများကို စစ်ထုတ်ပေးနိုင်သော နှာခေါင်းစည်းများ ကုန်နေကြောင်း ပြောကြားခဲ့သည်။

"ရနိုင်တာဆိုလို့ ပုံမှန်ဆေးဘက်ဆိုင်ရာ နှာခေါင်းစည်းတွေပဲ ရှိတော့တယ်။ အဲဒါတွေက အနုစိတ်မီးခိုးမြူ အမှုန်အမွှားတွေကို ကာကွယ်ဖို့ မထိရောက်ပါဘူး" ဟု သူက ပြောခဲ့သည်။

#လေထုညစ်ညမ်းမှု #မလေးရှားပြည်သူ

■ Website Link >>>> https://news-eleven.com/article/314705

■ Eleven Website:https://news-eleven.com
■ Eleven Broadcasting YouTube:https://m.youtube.com/c/elevenwebtv11
■ Eleven Sports YouTube:https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

01/09/2026

■ စက်တင်ဘာ ၁ ရက်နေ့ ညပိုင်းသတင်းအစီအစဉ်

■ ၂၀၂၆ ခုနှစ် တက္ကသိုလ်ဝင်စာမေးပွဲနှင့် စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲများတွင် တစ်နိုင်ငံလုံးအမှတ်အများဆုံး ရရှိခဲ့ကြသည့် ကျောင်းသားကျောင်းသူ ၃၀၇ ဦးကို ရွှေစင်တစ်ကျပ်သား ဒင်္ဂါးပြားများ ချီးမြှင့်

■ YCDC က လုံခြုံရေးအခြေအနေအရ ကန့်ကွက်သဖြင့် မဟာဗန္ဓုလပန်းခြံရှေ့ရှိ ကားမှတ်တိုင်တွင် YBS ယာဉ်များ ရပ်နားပြေးဆွဲခွင့်မပြု

■ USS Abraham Lincoln စစ်သင်္ဘောမရောက်မီ ပတ္တယားရှိ ပြည့်တန်ဆာလုပ်ငန်းများကို တင်းကျပ်စွာ စစ်ဆေး

■ အမေရိကန်၊ အင်ဒိုနီးရှားနှင့် မဟာမိတ်နိုင်ငံများက အာရှ-ပစိဖိတ်ဒေသအတွင်း ပူးတွဲစစ်ရေးလေ့ကျင့်မှုများ ပြုလုပ်

■ ကိုမိုအသင်းရဲ့ အိမ်ကွင်းမှာ ချန်ပီယံလိဂ်ပွဲတွေ လက်ခံကစားဖို့ UEFA ခွင့်ပြု

01/09/2026

■ အမေရိကန်က စစ်ပွဲကိုအဆုံးသတ်ရန် ရည်ရွယ်သော သဘောတူညီချက်အတိုင်း ပြန်လုပ်မည်ဆိုပါက မိမိတို့ကလည်း ထိုအတိုင်းချက်ချင်းလုပ်ဆောင်မည်ဟု အီရန်သမ္မတ ပြောကြား

အမေရိကန်ပြည်ထောင်စုက ၎င်းတို့၏ စစ်ပွဲကိုအဆုံးသတ်ရန် ရည်ရွယ်သော ဇွန်သဘောတူညီချက်ထံပြန်သွားမည်ဆိုပါက အီရန်ကလည်း ထိုအတိုင်းချက်ချင်း ပြန်လည်လုပ်ဆောင်သွားမည်ဖြစ်ကြောင်း အီရန်သမ္မတ မာဆွတ်ပီဇက်ခီယန်က စက်တင်ဘာ ၁ ရက်တွင် ပြောကြားခဲ့သည်။

"အမေရိကန်ပြည်ထောင်စုဟာအထက်မှာကျွန်တော်ပြောခဲ့တဲ့ နားလည်မှုစာချွန်လွှာအရသူတို့ပေးထားတဲ့ ကတိအတိုင်း ပြန်လုပ်မယ်ဆိုရင် အီရန်ကလည်းအလားတူချက်ချင်းပြန်လည်လုပ်ဆောင်သွားမှာဖြစ်တယ်လို့ကျွန်တော် ရှင်းရှင်းလင်းလင်းပြောပါတယ်"ဟု ကာဇက်စတန်၌ကျင်းပသည့် ရှန်ဟိုင်းပူးပေါင်းဆောင်ရွက်ရေးအဖွဲ့၏ ထိပ်သီးအစည်းအဝေးတွင် ပီဇက်ခီယန်က ပြောကြား‌ကြောင်း အီရန်သမ္မတရုံးက ထုတ်ပြန်ခဲ့သည်။

ဇွန်လတွင် သဘောတူညီမှုရရှိခဲ့သော နားလည်မှုစာချွန်လွှာသည် အီရန်နှင့်အမေရိကန်တို့ လပေါင်းများစွာတိုက်ခိုက်နေမှုများကို အဆုံးသတ်ရန်ရည်ရွယ်သည်။

ဖေဖော်ဝါရီ ၂၈ ရက်တွင်အမေရိကန်နှင့် အစ္စရေးတို့ ပူးပေါင်း၍ အီရန်ကို တိုက်ခိုက်ခဲ့သောကြောင့် စစ်ပွဲဖြစ်ပွားခဲ့သည်။

နောက်ပိုင်းတွင်ထိုသဘောတူညီချက်ပျက်သွားခဲ့သည်။ နှစ်ဖက်စလုံးက သဘောတူညီချက်ပါအချက်များကို ချိုးဖောက်သည်ဟုအပြန်အလှန်စွပ်စွဲခဲ့ကြသည်။

"အစ္စလာမ်မာဘတ် နားလည်မှုစာချွန်လွှာအရအမေရိကန်ဟာသူပေးထားတဲ့ကတိတွေကိုအကြိမ်ကြိမ်ဖောက်ဖျက်နေဟာ ထိရောက်တဲ့ ကတိတည်မှုအာမခံချက်တွေမရှိတာ၊ ဖိအားပေးခြင်းနဲ့ခြိမ်းခြောက်မှု မူဝါဒထံပြန်သွားတာတို့ဟာသံတမန်ရေးလမ်းကြောင်းကို လမ်းလွဲသွားစေနိုင်တယ်ဆိုတာကိုပြနေပါတယ်"ဟု အဆိုပါထိပ်သီးတွင် ပြောကြားခဲ့သောမိန့်ခွန်း၌ ပီဇက်ခီယန်က ထည့်သွင်းပြောကြားခဲ့သည်။

"အီရန်ဟာ အငြင်းပွားမှုတွေကိုဖြေရှင်းဖို့မူလလမ်းကြောင်းအဖြစ် သံတမန်ရေးနဲ့ဆွေးနွေးတာတွေကိုဆက်လက်အလေး ထားပါတယ်။ ဒါပေမဲ့ ကောင်းမွန်တဲ့ယုံကြည်ချက်တွေမရှိတဲ့ သံတမန်ရေး၊ ကတိတွေကိုမလေးစားတဲ့သံတမန်ရေး၊ အင်အားအသုံးပြုတာကိုရှောင်ကြဉ်တာမျိုးမရှိတဲ့သံတမန်ရေးဟာ ထာဝရငြိမ်းချမ်းရေးကိုဖန်တီးပေးနိုင်ခြင်းမရှိပါဘူး"ဟု သူက ဖြည့်စွက်ပြောကြားခဲ့သည်။

အမေရိကန်သည်၎င်းပေးထားသည့်ကတိများအတိုင်းပြန်လည်လုပ်ဆောင်ရမည်ဖြစ်ပြီး သမ္မတလက်မှတ်ထိုးထားသည့်သဘောတူညီချက်အတိုင်းလုပ်ဆောင်ရမည်ဟု အီရန် နိုင်ငံခြားရေးဝန်အဘက်စ်အာရက်ချီက ဩဂုတ် ၃၁ ရက်တွင် ပြောကြားခဲ့သည်။

ယင်းသို့လုပ်ဆောင်မည်ဆိုပါကအရာရာသည်မှန်ကန်သောလမ်းကြောင်းပေါ်သို့ပြန်လည်ရောက်ရှိသွားနိုင်သည်ဟုအီရန်နိုင်ငံခြားရေးဝန်ကြီးကပြောကြားခဲ့သည်။

Ref:AFP
Photo - AFP

#အမေရိကန် #အီရန် #စစ်ပွဲ

■ Eleven Website:https://news-eleven.com
■ Eleven Broadcasting YouTube:https://m.youtube.com/c/elevenwebtv11
■ Eleven Sports YouTube:https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

01/09/2026

■ ဩဂုတ်လသည် အိန္ဒိယနိုင်ငံတွင် ၁၉၀၁ ခုနှစ်နောက်ပိုင်း အပူဆုံးလဖြစ်

ဩဂုတ်လသည် အိန္ဒိယနိုင်ငံတွင် ၁၉၀၁ ခုနှစ်နောက်ပိုင်း အပူဆုံးလဖြစ်ကြောင်း သိရသည်။

အိန္ဒိယသည် ၁၉၀၁ ခုနှစ်တွင် မှတ်တမ်းများ စတင်ခဲ့ပြီးနောက်ပိုင်း နိုင်ငံ၏အပူဆုံး ဩဂုတ်လကို ကြုံတွေ့ခဲ့ရပြီး ပျမ်းမျှအပူချိန်မှာ 28.01C ကို ရောက်ရှိခဲ့သည်ဟုအိန္ဒိယ မိုးလေ၀သဌာနက ပြောကြားခဲ့သည်။

ထိုပျမ်းမျှအပူချိန်မှာသြဂုတ်လအတွက်ကာလရှည် ပျမ်းမျှအပူချိန်အထက် 0.67C ရှိခဲ့သည်ဟုအိန္ဒိယမိုးလေဝသဌာနကပြောကြားခဲ့သည်။ အဆိုပါရလဒ်များကိုအိန္ဒိယမိုးလေဝသဌာနကသြဂုတ်လကုန်တွင်ထုတ်ပြန်ပေးခဲ့ခြင်းဖြစ်သည်။

ထိုအပူချိန်သည် ပျမ်းမျှအပူချိန် 28.0C ရှိခဲ့သည့် ၂၀၂၃ ခုနှစ်တုန်းက တင်ခဲ့သည့် ဩဂုတ်လအတွက် စံချိန်ဟောင်းကိုချိုးခဲ့သည်။

အိန္ဒိယနိုင်ငံ၏မုတ်သုံမိုးရေချိန်သည်
သြဂုတ်လတွင်သာမန်ထက်၁၆ရာခိုင်နှုန်းလျော့နည်းနေခဲ့သည်ဟု မိုးလေဝသဌာနကပြောကြားခဲ့သည်။ အယ်လ်နီညိုအခြေအ နေများကြောင့်သြဂုတ်လတွင်အပူချိန်မြင့်တက်ခဲ့သည်ဟုဆိုသည်။

အယ်လ်နီညိုသည်သဘာဝအလျောက်ဖြစ်ပေါ်သောရာသီဥတုဖြစ်စဉ်တစ်ခုဖြစ်ပြီး ကမ္ဘာတဝန်းတွင်လေကြောင်းများ၊ လေ ဖိအားများနှင့်မိုးရွာသွန်းမှုပုံစံများကိုအပြောင်းအလဲဖြစ်စေသောမိုးလေဝသဖြစ်စဉ်ဖြစ်သည်။

Ref:AFP
Photo - AFP

#အိန္ဒိယ #အပူဆုံး #ဩဂုတ်လ

■ Eleven Website:https://news-eleven.com
■ Eleven Broadcasting YouTube:https://m.youtube.com/c/elevenwebtv11
■ Eleven Sports YouTube:https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

Eleven Media Group

02/09/2026

02/09/2026

02/09/2026

01/09/2026

01/09/2026

01/09/2026

01/09/2026

01/09/2026

01/09/2026

01/09/2026

Address

Telephone

Website

Alerts

Contact The Business

Shortcuts

Share

Category

Listing takedown request