Eleven Media Group, No-65 , Corner of Myamalar Street and Myanma Gon Yi Street, Thaketa Industrial Zone, Thaketa Township, Yangon (2025)

Q: What is the address?

No-65 , Corner Of Myamalar Street And Myanma Gon Yi Street, Thaketa Industrial Zone, Thaketa Township

26/08/2025

■ နိုင်ငံသားဖြစ်မှုကို ရုပ်သိမ်းခွင့်ရှိသည့် ဥပဒေကြမ်းကို ကမ္ဘောဒီးယားလွှတ်တော်အမတ်များ ထောက်ခံ

ပြည်ပအင်အားစုများနှင့် ပူးပေါင်းပြီး နိုင်ငံအကျိုးစီးပွားကို ဖျက်ဆီးသူ မည်သူ့မဆို နိုင်ငံသားဖြစ်မှုကို အစိုးရက ရုပ်သိမ်းခွင့်ရှိသည့် ဥပဒေမူကြမ်းတစ်ရပ်ကို ကမ္ဘောဒီးယားလွှတ်တော်အမတ်များက ဩဂုတ် ၂၅ ရက်တွင် မဲခွဲထောက်ခံလိုက်ကြသည်။

နိုင်ငံသားဥပဒေဆိုင်ရာ ယခုပြင်ဆင်ချက်ကို အမျိုးသားလွှတ်တော်ရှိ လွှတ်တော်အမတ် ၁၂၀ က ထောက်ခံလိုက်ခြင်းဖြစ်ပြီး ဝေဖန်ရေးသမားများကမူ အစိုးရနှင့် အမြင်ကွဲသူများကို ဖိနှိပ်မည့်၊ ဝန်ကြီးချုပ် ဟွန်မာနတ်နှင့် လက်ရှိအာဏာရ ကမ္ဘောဒီးယားပြည်သူ့ပါတီတို့ကို အတိုက်အခံလုပ်သူများအား ထိန်းကွပ်မည့် နည်းလမ်းတစ်ရပ်ဟု ရှုမြင်နေကြသည်။

လွှတ်တော်တွင်းမဲခွဲမှုမပြုလုပ်မီ တစ်ရက်အလိုတွင်လည်း ကမ္ဘောဒီးယား NGO အဖွဲ့အစည်း ၅၀ က ယင်းဥပဒေနှင့်ပတ်သက်ပြီး အတော်စိုးရိမ်မိသည်၊ ကမ္ဘောဒီးယားပြည်သူများ၏ လွတ်လပ်စွာဖော်ထုတ်ပြောခွင့်ကို အန္တရာယ်ဖြစ်စေလိမ့်မည်ဟု ဝေဖန်ထုတ်ပြန်ခဲ့သည်။

ဥပဒေဖြစ်မလာမီ ပုံမှန်လုပ်ရိုးလုပ်စဉ်က ဥပဒေကြမ်းကို ကမ္ဘောဒီးယားဆိနိတ်အထက်လွှတ်တော်နှင့် နိုင်ငံအကြီးအကဲဖြစ်သည့် ဘုရင်နိုရိုဒမ် ဆီဟာမိုနီတို့က ထောက်ခံအတည်ပြုရန်လိုသည်။

ကမ္ဘောဒီးယားသည် ဒီမိုကရေစီနိုင်ငံဖြစ်သော်လည်း အမျိုးသားလွှတ်တော်ရှိ အမတ်နေရာ ၁၂၅ နေရာအနက် ၁၂၀ ကို ဝန်ကြီးချုပ်ဟွန်မာနတ်၏ ကမ္ဘောဒီးယားပြည်သူ့ပါတီက ရယူထားကာ အစိုးရဩဇာအရှိန်အဝါ အားလုံးကိုလည်း ထိန်းချုပ်ထားသည်။

ဇူလိုင်နှောင်းပိုင်းက အိမ်နီးချင်းထိုင်းနိုင်ငံနှင့် ငါးရက်ကြာနယ်စပ်တိုက်ခိုက်မှုများ ဖြစ်ပွားပြီးနောက် ကမ္ဘောဒီးယားပြည်သူများအကြား အမျိုးသားရေးစိတ်ဓာတ်ပြင်းထန်နေချိန် နိုင်ငံသားဥပဒေပြင်ဆင်သည့်ကိစ္စ ထွက်လာခြင်းဖြစ်သည်။

ယင်းဥပဒေအောက်တွင် ကမ္ဘောဒီးယားနိုင်ငံသားများအပြင် ကမ္ဘောဒီးယားနှင့် အခြားနိုင်ငံတစ်ခုခုမှ နိုင်ငံသားနှစ်ခု ခံယူထားသူများ၊ ကမ္ဘောဒီးယားနိုင်ငံသားဖြစ်ခွင့်ရထားသည့် ပြည်ပနိုင်ငံသားများပါ အကျုံးဝင်မည်ဖြစ်သည်။

ကမ္ဘောဒီးယားတွင် အထင်ကရအစိုးရဝေဖန်ရေးသမားအချို့နှင့် အတိုက်အခံနိုင်ငံရေးသမားအချို့က နိုင်ငံသားနှစ်ခု ခံယူထားကြသည်။ နိုင်ငံအများစုတွင်လည်း နိုင်ငံသားဖြစ်မှုရုပ်သိမ်းခွင့်ရှိသည့် ဥပဒေများ ချမှတ်ထားသည်။

ဇူလိုင်လက မြောက်ပိုင်းကမ်ပွန်ထုံပြည်နယ်ရှိ ကျေးလက်နေပြည်သူများနှင့် အစိုးရအရာရှိများကို ဝန်ကြီးချုပ်ဟွန်မာနတ်က သွားရောက်တွေ့ဆုံစဉ် ကုလသမဂ္ဂအဖွဲ့ဝင်နိုင်ငံပေါင်း ၂၀၀ နီးပါးအနက် အမေရိကန်အပါအဝင် နိုင်ငံ ၁၅၀ က နိုင်ငံသားဖြစ်မှုရုပ်သိမ်းသည့် ဥပဒေရှိသည်ဟု ပြောကြားခဲ့သည်။

ယင်းတွေ့ဆုံမှုတွင် ဝန်ကြီးချုပ်က “ကိုယ်က မျိုးချစ်လည်းဖြစ်တယ်၊ နိုင်ငံအကျိုးစီးပွားကိုလည်း မဖျက်ဆီးဘူးဆိုရင် စိတ်ပူစရာမရှိပါဘူး။ အဲဒီလိုမဟုတ်ဘဲ ပြည်ပအင်အားစုတွေနဲ့ပေါင်းပြီး နိုင်ငံကိုဖျက်ဆီးမဲ့သူဆိုရင်တော့ စိတ်ပူဖို့လိုပါတယ်။ ဘယ်မျိုးချစ်ကမှ တိုင်းပြည်ကိုဖျက်ဖို့ ပြည်ပအုပ်စုတွေနဲ့ပေါင်းမကြံဘူး” ဟု ဥပဒေနှင့်ပတ်သက်၍ ပြောခဲ့သည်။

Ref & photos■ AP

■ Read More - - - >>>https://news-eleven.com/article/305582
■ Eleven Website: https://news-eleven.com
■ Eleven Broadcasting YouTube: https://m.youtube.com/c/elevenwebtv11
■ Eleven Sports YouTube: https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

26/08/2025

■ ကမ္ဘာ့အမြင့်ဆုံးတံတားဖြစ်လာမည့် တရုတ်ဟွားကျန်းကြိုးတံတား ဝန်တင်စမ်းသပ်မှုအောင်မြင်

တရုတ်နိုင်ငံ အနောက်တောင်ပိုင်း ကွေ့ကျိုးပြည်နယ်ရှိ ဟွားကျန်းချောက်နက်ကို ဖြတ်၍ ဆောက်လုပ်ထားသည့် ဟွားကျန်းကြိုးတံတားသည် ကမ္ဘာပေါ်တွင် အမြင့်ဆုံးတံတားဖြစ်ပြီး အဓိကနောက်ဆုံးစမ်းသပ်မှုဖြစ်သည့် ဝန်တင်စမ်းသပ်မှုကလည်း ဩဂုတ် ၂၅ ရက်တွင် အပြီးသတ်အောင်မြင်သွားပြီဖြစ်သည်။

ဩဂုတ် ၂၁ ရက်မှစတင်ကာ ဝန်တင်စမ်းသပ်မှုကို ငါးရက်ကြာပြုလုပ်ခဲ့ပြီး စုပေါင်းအလေးချိန် တန်ချိန် ၃၃၀၀ ရှိ ကုန်တင်ယာဉ် ၉၆ စီးကို တံတားပေါ် တင်ကာ တံတား၏ တည်ဆောက်မှုဆိုင်ရာကြံ့ခိုင်မှု ၊ မာကျောမှု၊ ဘေးကင်းရေးစံနှုန်းတို့ကို စစ်ဆေးခဲ့ခြင်းဖြစ်သည်။

တံတားဆောက်လုပ်မှုကို ၂၀၂၂ ခုနှစ် ဇန်နဝါရီတွင် စတင်ခဲ့ပြီး ပင်မအပိုင်းကို ယခုနှစ်အစောပိုင်းကမှ ပေါင်းဆက်လိုက်ခြင်းဖြစ်သည်။ လာမည့်စက်တင်ဘာနှောင်းပိုင်းတွင် တံတားဖွင့်မည်ဟု ယူဆရသည်။

တံတားအရှည် ၂၈၉၀ မီတာရှိပြီး တောင်တန်းဒေသတွင် ဆောက်ခဲ့သမျှတံတားများထဲတွင် ကမ္ဘာ့အရှည်ဆုံးတံတား၊ မြစ်ရေပြင်အထက် ၆၂၅ မီတာတွင်ရှိသဖြင့် ကမ္ဘာ့အမြင့်ဆုံးတံတားဖြစ်သည်။

ယခင်က ဟွေ့ကျန်းချောက်ကို ဖြတ်သန်းမည်ဆိုပါက နှစ်နာရီခန့်ကြာပြီး တံတားဖွင့်လှစ်ပြီးပါက အချိန်နှစ်မိနစ်သာ ပေးရတော့မည်။

တရုတ်နိုင်ငံတွင် မြေပြန့်မရှိသည့် တစ်ခုတည်းသော ပြည်နယ်မှာ ကွေ့ကျိုးဖြစ်ပြီး လိုဏ်ခေါင်းများ၊ တံတားများကိုသာ အားကိုးသွားလာကြရသည်။ လက်ရှိကွေ့ကျိုးတွင် တံတားအစင်းရေ ၃၀,၀၀၀ ကျော်ရှိပြီး ကမ္ဘာ့အမြင့်ဆုံးတံတားသုံးခု ပါဝင်သည်။ ကွေ့ကျိုးကို ကမ္ဘာ့တံတားပြတိုက်ဟုလည်း တင်စားခေါ်ကြသည်။

Ref & Photos■ Xinhua

■ Read More - - - >>>https://news-eleven.com/article/305575
■ Eleven Website: https://news-eleven.com
■ Eleven Broadcasting YouTube: https://m.youtube.com/c/elevenwebtv11
■ Eleven Sports YouTube: https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

26/08/2025

■ အစ္စရေးက ဂါဇာဆေးရုံတစ်ရုံကို တိုက်ခိုက်မှု ဂျာနယ်လစ်ငါးဦး အပါအဝင် လူ ၂၀ သေဆုံး

■ အစ္စရေးလုပ်ရပ်က မီဒီယာလွတ်လပ်ခွင့်ကိုပါ တိုက်ခိုက်ခြင်းဟု တူရကီရှုတ်ချ

ဂါဇာတောင်ပိုင်းရှိ နက်ဆာဆေးရုံကို ဩဂုတ် ၂၅ ရက်တွင် အစ္စရေးက တိုက်ခိုက်ခဲ့ရာ လူ ၂၀ သေဆုံးသွားပြီး ၎င်းတို့ထဲ ရိုက်တာ၊ အေပီ၊ အယ်လ်ဂျာဇီးရားနှင့် သတင်းမီဒီယာအချို့မှ ဂျာနယ်လစ်ငါးဦးလည်း ပါဝင်ခဲ့သည်။

ယင်းဖြစ်စဉ်နှင့်ပတ်သက်ပြီး တူရကီနိုင်ငံက အစ္စရေး၏ လုပ်ရပ်သည် မီဒီယာလွတ်လပ်ခွင့်ကိုပါ တိုက်ခိုက်ခြင်း၊ နောက်ထပ်စစ်ရာဇဝတ်မှုတစ်ခုကို ကျူးလွန်လိုက်ခြင်းဟု ရှုတ်ချဝေဖန်ခဲ့သည်။

ခန်းယူးနစ်ရှိ နက်ဆာဆေးရုံကို အစ္စရေးက ပထမအကြိမ် တိုက်ခိုက်စဉ် အပေါ်ထပ်တစ်ထပ်ရှိ တိုက်ရိုက်ထုတ်လွှင့်မှုပြုလုပ်ရာ နေရာအနီး၌ ရိုက်တာသတင်းဌာနမှ ကင်မရာသမားတစ်ဦး သေဆုံးခဲ့သည်ဟု ပါလက်စတိုင်းကျန်းမာရေးအာဏာပိုင်များက ပြောသည်။

ဆေးရုံတာဝန်ရှိသူများနှင့် မျက်မြင်တွေ့သူများ၏ ပြောဆိုချက်အရ ဆေးရုံကို အစ္စရေးက ဒုတိယအကြိမ် တိုက်ခိုက်မှုတွင် နောက်ထပ်ဂျာနယ်လစ်အချို့ သေဆုံးခဲ့ပြီး အကူအညီပေးရန် အပြေးအလွှားရောက်လာသည့် ကယ်ဆယ်ရေးဝန်ထမ်းများပါ သေဆုံးခဲ့သည်။ ရိုက်တာဓာတ်ပုံဆရာတစ်ဦးလည်း ဒဏ်ရာရခဲ့သည်။

အစ္စရေးစစ်တပ်က ဆေးရုံရှိရာအရပ်ကို ၎င်းတို့ တိုက်ခိုက်ခဲ့ကြောင်း ဝန်ခံခဲ့သော်လည်း မသက်ဆိုင်သူများပါ ထိခိုက်လျှင် အစ္စရေးစစ်တပ်က စိတ်မကောင်းဖြစ်ရကြောင်း၊ ဂျာနယ်လစ်များကို ပစ်မှတ်ထားခဲ့ခြင်းမဟုတ်ကြောင်း တုံ့ပြန်ခဲ့သည်။ ဖြစ်စဉ်ကို စစ်ဆေးခိုင်းထားသည်ဟုလည်း စစ်တပ်က ပြောသည်။

ရိုက်တာနှင့် အေပီသတင်းဌာနတို့က ၎င်းတို့ သတင်းသမားများ သေဆုံးသွားသည့်အတွက် စိတ်ထိခိုက်ရကြောင်း အတည်ပြုထုတ်ပြန်ထားပြီး ဒဏ်ရာရနေသည့် ရိုက်တာဓာတ်ပုံဆရာ အရေးပေါ်ဆေးကုသခွင့်အတွက် ကူညီပေးရန် ဂါဇာနှင့် အစ္စရေးအာဏာပိုင်များအား ရိုက်တာသတင်းဌာနက မေတ္တာရပ်ခံထားသည်။

အမေရိကန်သမ္မတဒေါ်နယ်ထရန့်ကမူ ဆေးရုံကိစ္စကို ၎င်းမသိခဲ့ဟုပြောသည်။ အိမ်ဖြူတော်တွင် သတင်းထောက်များနှင့် တွေ့စဉ် ထရန့်က “ဘယ်တုန်းကဖြစ်သွားတာလဲ။ကျွန်တော် မသိလိုက်ဘူး။ ဒါမျိုးလည်း ကျွန်တော် မမြင်ချင်ပါဘူး။ ဒီလိုအိပ်မက်ဆိုးတွေကို အဆုံးသတ်မှဖြစ်မယ်”ဟု ပြောခဲ့သည်။

အနောက်ဘက်ကမ်းရှိ ပါလက်စတိုင်းအာဏာပိုင်အဖွဲ့က မီဒီယာသမားများအား အကာအကွယ်ပေးရန်နှင့် အစ္စရေးကို ၎င်းတို့လုပ်ရပ်အတွက် တာဝန်ယူခိုင်းရန် ကုလသမဂ္ဂလုံခြုံရေးကောင်စီအပါအဝင် နိုင်ငံတကာအသိုင်းအဝိုင်းထံ တောင်းဆိုနေပြီဖြစ်သည်။

ပါလက်စတိုင်းသတင်းသမားများအသင်း၏ အဆိုအရ ဂါဇာစစ်စဖြစ်ခဲ့သည့် ၂၀၂၃ ခုနှစ် အောက်တိုဘာ ၇ ရက်နောက်ပိုင်း ဂါဇာတွင် ပါလက်စတိုင်းသတင်းသမား ၂၄၀ ကျော် အသက်ဆုံးရှုံးခဲ့သည်။

အစ္စရေးစစ်တပ်ပြောရေးဆိုခွင့်ရှိသူ၏ ထုတ်ပြန်ချက်တွင် နိုင်ငံတကာဥပဒေနှင့်အညီ စစ်တပ်တွင် စစ်ဆေးရမည့်တာဝန်ရှိကြောင်း၊ စစ်ဆေးသိရှိချက်များကို အပွင့်လင်းဆုံး ချပြသွားမည်ဖြစ်ကြောင်း၊ စစ်ပွဲဇုန်တစ်ခုတွင် အထူးသဖြင့် အရပ်သားလူထုဖြင့် အကာအကွယ်ယူနေသည့် ဟားမာ့စ်ကဲ့သို့အဖွဲ့နှင့် တိုက်နေသည့်စစ်ပွဲတွင် သတင်းတင်ဆက်နေခြင်းက အလွန်အန္တရာယ်များကြောင်း ဆိုထားသည်။

လွန်ခဲ့သည့် သီတင်းနှစ်ပတ်ကလည်း အစ္စရေးတိုက်ခိုက်မှုကြောင့် အယ်လ်ဂျာဇီးရားသတင်းထောက် အယ်လ်ရှာရစ်နှင့် အခြားသတင်းသမားလေးဦး သေဆုံးခဲ့သည်။ အယ်လ်ရှာရစ်ကို ပစ်မှတ်ထားခဲ့သည်ဟု အစ္စရေးဘက်က ဝန်ခံခဲ့ပြီး ၎င်းက ဟားမာ့စ်အတွက် အလုပ်လုပ်ပေးသူဟုပြောသည်။ သို့သော် အယ်လ်ဂျာဇီးရားဘက်က ငြင်းခဲ့သည်။

စစ်ပွဲစဖြစ်ကတည်းက ဂါဇာကမ်းမြောင်ဒေသသို့ နိုင်ငံခြားသားသတင်းသမားများ ဝင်ရောက်ခွင့်ကို အစ္စရေးကပိတ်ပင်ခဲ့ပြီး စစ်ပွဲတစ်လျှောက်လုံး သတင်းလိုက်ယူမှုများကို ပါလက်စတိုင်းသတင်းသမားများကသာ တာဝန်ယူခဲ့သည်။ ၎င်းတို့အနက် အများစုက ရိုက်တာနှင့် အေပီကဲ့သို့ နိုင်ငံတကာမီဒီယာများတွင် နှစ်ချီ အတွေ့အကြုံရှိထားသူများဖြစ်သည်။

Ref & Photos■ Reuters

■ Read More - - - >>>https://news-eleven.com/article/305574
■ Eleven Website: https://news-eleven.com
■ Eleven Broadcasting YouTube: https://m.youtube.com/c/elevenwebtv11
■ Eleven Sports YouTube: https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

26/08/2025

The Daily Eleven Newspaper - Cartoon ( 26 - Aug - 2025)

26/08/2025

■ သြဂုတ်လ ၂၆ ရက်နေ့ နံနက်ပိုင်းသတင်းအစီအစဉ် ( နံနက် ၇ နာရီခွဲတိုက်ရိုက်ထုတ်လွှင့်မှု )

■ ထိုင်းနိုင်ငံ မဲဆောက်ဈေးတွင် ငရုပ်သီးမှုန့် ဈေးလျော့ရောင်းသည့်ကိစ္စဖြင့် မြန်မာဈေးသည်အချင်းချင်းရန်ဖြစ်မှုကြောင့် မြန်မာ ခြောက်ဦး ဖမ်းဆီးခံရ
■ မိုင်းရယ်မြို့နယ်မှ ကလေးမြို့နယ်သို့ သယ်ဆောင်သည့် ကျပ် တစ်ဘီလျံကျော် တန်ဖိုးရှိ ဘိန်းဖြူ ၅၆ ဒသမ ၃၆ ကီလို ဖမ်းဆီးရမိ
■ မော်လမြိုင်မြို့ သာယာအေးရပ်ကွက်တွင် အသက် (၇) နှစ် အရွယ်ကလေးတစ်ဦး ရေနစ်သေဆုံးမှုဖြစ်ပွားခဲ့
■ အာဆီယံ အစည်းအဝေးကို တရုတ်သမ္မတရှီကျင်းပင် တက်ရောက်ဖွယ်မရှိ
■ ရိုဒရီဂိုရဲ့အေးဂျင့်နဲ့ ဆွေးနွေးဖို့ အာဆင်နယ်အသင်း စီစဉ်နေ

■ Eleven Website: https://news-eleven.com
■ Eleven Broadcasting YouTube: https://m.youtube.com/c/elevenwebtv11
■ Eleven Sports YouTube: https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

26/08/2025

■ သြဂုတ် ၂၆ ရက်ထုတ် The Daily Eleven သတင်းစာ မျက်နှာဖုံး

■ တောင်တရုတ်ပင်လယ်ပြင်၌ ဖြစ်ပေါ်နေသော တိုင်ဖွန်းမုန်တိုင်း ‘ကဂျိကိ’(Kajika)၏ အကြွင်းအကျန်တိမ်တိုက်များ မြန်မာနိုင်ငံသို့ရောက်ရှိလာနိုင်ခြင်းကြောင့် တိုင်းနှင့်ပြည်နယ်တို့ရှိ အချို့ဒေသများတွင် နေရာကွက်၍မိုးကြီးနိုင်
■ ထိုင်းနိုင်ငံ မဲဆောက်ဈေးတွင် မြန်မာဈေးသည်အချင်းချင်း ရန်ဖြစ်မှုကြောင့် မြန်မာခြောက်ဦး ဖမ်းဆီးခံရပြီးနောက် မဲဆောက်ဈေး၌ ထိုင်းတာဝန်ရှိသူများပါဝင်သည့် အဖွဲ့စုံက စစ်ဆေးမှုများလုပ်ဆောင်
■ ထိုင်း-မြန်မာနယ်စပ်ရှိ ကျားဖျန့်လုပ်ငန်းထံ ချစ်သူမိန်းကလေး၏ ရောင်းစားခြင်းကို ခံခဲ့ရသည့် တရုတ်လူငယ်တစ်ဦးအား မိသားစုက ဒေါ်လာ ၄၈၀၀၀ ဖြင့် ရွေးယူခဲ့ရ
■ အုတ်တွင်းမြို့နယ်တွင် PDF ပူးပေါင်းအဖွဲ့က မီးရထားလမ်းပေါ်၌ ဆီဘောက်ဆာယာဉ်ကို မီးရှို့ဖျက်ဆီးပြီး ဂုံမင်းတာကျေးရွာနေ ရာအိမ်မှူးတစ်ဦးအား သေနတ်ဖြင့်ပစ်ခတ်သတ်ဖြတ်ခဲ့
■ ထိုင်းနိုင်ငံ ကန်ချနဘူရီပြည်နယ်တွင် တစ်ပတ်အတွင်း အထောက်အထားမဲ့ မြန်မာနိုင်ငံသား ၄၃ ဦးထက်မနည်း ဖမ်းဆီးခံရ
■ ရနောင်း-ကော့သောင်း-ရန်ကုန် ရေလမ်းကြောင်းကုန်သွယ်မှုတွင် ကော့သောင်း Check Point ၌ အစစ်ဆေးခံပြီး သွင်းကုန်လိုင်စင်ခွင့်ပြုထား

■ E Paper ကို ဝယ်လိုပါက All Access Plan ကို Subscribe လုပ်လိုက်ပါ။

➡️ Subscribe လုပ် ရန် Link: 👉🏻 https://news-eleven.com/subscriptions

Short Term Subscription မှာ Telenor, Ooredoo ဖုန်းဘီလ်နဲ့ ဝယ်ယူနိုင်မယ့်အပြင် Long Term Subscription မှာ Mobile Wallet, Mobile Banking, Visa, MasterCard & MPU များ နှင့် Subscribe လုပ်နိုင်မှာ ဖြစ်ပါတယ်။

ထို့အပြင် ရန်ကုန်၊ နေပြည်တော်နှင့် မန္တလေးမြို့တို့အတွက် တစ်လ၊ သုံးလ၊ ခြောက်လ၊ တစ်နှစ် Plan များကို Online မှ ဝယ်ယူရာတွင် အခက်အခဲ ရှိသူများအား အိမ်တိုင်ရာရောက် ဝန်ဆောင်မှု ပေးသွားမှာ ဖြစ်ပါတယ်။

Subscription Package ဝယ်ရာမှာ အခက်အခဲ တစ်စုံတစ်ရာရှိပါက 09940052800/09752800136 ကို ရုံးချိန်အတွင်း ဆက်သွယ်နိုင်ပြီးတော့ Page Message ကနေလည်း မေးမြန်းနိုင်ပါတယ်။

25/08/2025

■ ဂုတ်ထိပ်တံတားအား ပလောင်အကြမ်းဖက်လက်နက်ကိုင်အဖွဲ့ TNLA က ဖောက်ခွဲဖျက်ဆီးခဲ့မှုအပေါ် ကန့်ကွက်ရှုတ်ချကြောင်း YMBA(ဗဟို) အပါအ၀င် အသင်းအဖွဲ့များနှင့် ဘာသာရေးဆိုင်ရာအဖွဲ့အစည်းများက သဘောထားများ ထုတ်ပြန်

ဂုတ်ထိပ်တံတားအား ပလောင်အကြမ်းဖက်လက်နက်ကိုင်အဖွဲ့ TNLA က ဖောက်ခွဲဖျက်ဆီးခဲ့မှုအပေါ် ကန့်ကွက်ရှုတ်ချကြောင်း YMBA(ဗဟို) အပါအ၀င် အသင်းအဖွဲ့များနှင့် ဘာသာရေးဆိုင်ရာအဖွဲ့အစည်းများကသြဂုတ် ၂၅ ရက်တွင် သဘောထားများ ထုတ်ပြန်သည်။

ထိုသို့ ကန့်ကွက်ကြောင်း သဘောထားထုတ်ပြန်ခဲ့သည့် အဖွဲ့များမှာဗုဒ္ဓဘာသာကလျာဏယုဝအသင်း YMBA(ဗဟို)၊ ဘာသာပေါင်းစုံ ချစ်ကြည်ညီညွတ်ရေးအဖွဲ့(ဗဟို)၊ မြန်မာနိုင်ငံဧဝံဂေလိခရစ်ယာန်မဟာမိတ်အဖွဲ့ချုပ်၊ ပြည်ထောင်စု မြန်မာနိုင်ငံမက်သဒစ်အသင်းတော်(အောက်မြန်မာပြည်)၊ ယုံကြည်ခြင်း ဧဝံဂေလိအသင်းတော်(ပဲခူး)၊ လွတ်မြောက်ခြင်းအသင်းတော်(ရန်ကုန်)၊ မြန်မာနိုင်ငံလုံး ဆိုင်ရာဟိန္ဒူဘာသာရေးဗဟိုအဖွဲ့ချုပ်၊ မြန်မာနိုင်ငံလုံးဆိုင်ရာ တမီလ်ဟိန္ဒူဖောင်ဒေးရှင်း (ဗဟို)၊ သနန္တဓမ္မပါလက(ဟိန္ဒူ)အဖွဲ့ချုပ်၊ မြန်မာနိုင်ငံလုံးဆိုင်ရာအစ္စလာမ်ဘာသာရေး အဖွဲ့ကြီး၊ ပိန္နဲကုန်း ရခိုင်ဂျာမေဗလီ၊ ဘူးသီးတောင်မောင်တောဒေသဖွံ့ဖြိုးရေးအသင်း၊ မြန်မာနိုင်ငံပန်းချီပန်းပု အစည်းအရုံး(ဗဟို)၊ မြန်မာနိုင်ငံသဘင်အစည်းအရုံး(ဗဟို)၊ မြန်မာနိုင်ငံဟာသပညာရှင်များ အစည်းအရုံး၊ မြန်မာ-ရှိအာဟ် မွတ်စ်လင်စ်ဘာသာရေး အဖွဲ့(ဗဟို)၊ မြန်မာနိုင်ငံသတင်းမီဒီယာကောင်စီ၊ မြန်မာနိုင်ငံအားကစားမီဒီယာများ အဖွဲ့ချုပ်၊ မြန်မာနိုင်ငံရုပ်ရှင်အစည်းအရုံး၊ မြန်မာနိုင်ငံစာရေးဆရာအသင်းနှင့် မြန်မာ နိုင်ငံဂီတအစည်းအရုံး(ဗဟို)တို့ဖြစ်ကြောင်းသိရသည်။

အဆိုပါ ဂုတ်ထိပ်တံတားအား ပလောင်အကြမ်းဖက်လက်နက်ကိုင်အဖွဲ့ TNLA က ဩဂုတ် ၂၄ ရက် နံနက်ပိုင်းတွင် မိုင်းထောင်ဖောက်ခွဲဖျက်ဆီးခဲ့သဖြင့် ကျောက်မဲမြို့ဘက်ခြမ်း၊ တံတားတိုင်အမှတ်(P-16)နှင့် ကမ်းကပ်ခုံ(AB-2)နေရာတို့အကြား ပေ ၆၀ အရှည်ရှိတံတားသံဘောင်နေရာနှင့် တံတား၏ကမ်းကပ်ခုံ(AB-2)တို့ ပျက်စီးခဲ့ခြင်းဖြစ်သည်။

နှစ်ပေါင်း ၁၂၅ နှစ်သက်တမ်းရှိ ကမ္ဘာကျော်ဂုတ်ထိပ်မီးရထားလမ်း တံတားသည် မြန်မာနိုင်ငံ၏ အမြင့်ဆုံးနှင့် ကမ္ဘာပေါ်တွင် ဒုတိယအမြင့်ဆုံးတံတား၊ ကမ္ဘာ့အကြီးဆုံး မီးရထားသံလမ်းတံတားဖြစ်ပြီး ရှမ်းပြည်နယ်(မြောက်ပိုင်း)၊ နောင်ချိုမြို့နှင့် ကျောက်မဲ မြို့ကို ဆက်သွယ်ထားသည့် မန္တလေး-လားရှိုး ရထားလမ်းပေါ်တွင် တည်ရှိပြီးမြန်မာနိုင်ငံ၏ အထင်ကရအမှတ်အသားတစ်ခုဖြစ်ကာ ကမ္ဘာ့အံ့ဖွယ်စာရင်းတွင်လည်း ပါဝင်သည်။

■ Read More - - - >>>https://news-eleven.com/article/305572

■ Eleven Website: https://news-eleven.com
■ Eleven Broadcasting YouTube: https://m.youtube.com/c/elevenwebtv11
■ Eleven Sports YouTube: https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

25/08/2025

ထိုင်းနိုင်ငံ မဲဆောက်ဈေးတွင် ငရုပ်သီးမှုန့် ဈေးလျော့ရောင်းသည့်ကိစ္စဖြင့် မြန်မာဈေးသည်အချင်းချင်းရန်ဖြစ်မှုကြောင့် မြန်မာ ခြောက်ဦး ဖမ်းဆီးခံရ

25/08/2025

အသင်းအနေနဲ့ တိုးတက်မှုရှိဖို့ လိုအပ်နေတယ်လို့ အာမိုရင်မ် ပြောကြား

25/08/2025

မြောက်ကိုရီးယားခေါင်းဆောင် ကင်ဂျုံအွန်က လေယာဉ်ပစ်ဒုံးကျည်များ စမ်းသပ်ပစ်လွှတ်မှုကို ကြီးကြပ်ကွပ်ကဲ

25/08/2025

ဂါဇာတွင် အငတ်ဘေးကြုံနေရပြီဖြစ်ကြောင်း ကုလသမဂ္ဂက တရားဝင်ကြေညာ

25/08/2025

ရန်ကုန် - မန္တလေးအမြန်လမ်းမကြီးတွင် ယာဉ်တစ်စီး ဘီးပေါက်ကာအရှိန်မထိန်းနိုင်ဘဲ လမ်းလယ်ကျွန်းရှိ ထန်းပင်ကို ဝင်တိုက်မိပြီး တစ်ဦးသေဆုံး

Eleven Media Group

26/08/2025

26/08/2025

26/08/2025

26/08/2025

26/08/2025

26/08/2025

25/08/2025

25/08/2025

25/08/2025

25/08/2025

25/08/2025

25/08/2025

Address

Telephone

Website

Alerts

Contact The Business

Shortcuts

Share

Category