Eleven Media Group

01/06/2026

■ဇွန်လ ၁ ရက်နေ့ ညပိုင်းသတင်းအစီအစဉ် ( ည ၈ နာရီတိုက်ရိုက်ထုတ်လွှင့်မှု )

- အိန္ဒိယနိုင်ငံသို့ တရားဝင်ခရီးစဉ် ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင်နှင့် အိန္ဒိယနိုင်ငံ ဝန်ကြီးချုပ် တို့ တွေ့ဆုံဆွေးနွေး
- ၂၀၂၆ - ၂၀၂၇ ပညာသင်နှစ် အထက်တန်းအဆင့်၊ အလယ်တန်းအဆင့်နှင့် မူလတန်းအဆင့်ကျောင်းများ စတင် ဖွင့်လှစ်
- ၂၀၂၆ နှစ်ကုန်ပိုင်းတွင် အားကောင်းသော အယ်နီညို အခြေအနေသို့ ရောက်ရှိနိုင်ပြီး အစွန်းရောက် မိုးလေဝသ ဖြစ်စဉ်များ ဖြစ်ပေါ်နိုင်
- အမေရိကန်နှင့် တရုတ်ကြား သတင်းထောက်များကို အပြန်အလှန်နှင်ထုတ်
- ၂၀၂၅ - ၂၆ ရာသီ ချန်ပီယံလိဂ်ပြိုင်ပွဲရဲ့ အကောင်းဆုံးကစားသမားအဖြစ် ခါဗာစကယ်လီယာ ရွေးချယ်ခံရပြီး အကောင်းဆုံးအသင်းမှာ PSG ကစားသမားငါးဦး ပါဝင်

■ Eleven Website:https://news-eleven.com
■ Eleven Broadcasting YouTube:https://m.youtube.com/c/elevenwebtv11
■ Eleven Sports YouTube:https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagrou

01/06/2026

■ အိန္ဒိယနိုင်ငံသို့ တရားဝင်ခရီးစဉ် ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင်နှင့် အိန္ဒိယနိုင်ငံ သမ္မတတို့ တွေ့ဆုံဆွေးနွေး

အိန္ဒိယနိုင်ငံသို့ တရားဝင်ခရီးစဉ် ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင်နှင့် အိန္ဒိယနိုင်ငံ သမ္မတ H.E. Smt. Droupadi Murmu တို့ ယနေ့(ဇွန် ၁ ရက်) ညနပိုင်းတွင် အိန္ဒိယနိုင်ငံ သမ္မတအိမ်တော်တွင် တွေ့ဆုံဆွေးနွေးခဲ့သည်။

အိန္ဒိယနိုင်ငံ ဝန်ကြီးချုပ် H.E. Shri Narendra Modi ၏ ဖိတ်ကြားချက်အရ အိန္ဒိယနိုင်ငံသို့ တရားဝင်ခရီးစဉ်ရောက်ရှိနေသော နိုင်ငံတော်သမ္မတ ဦးမင်းအောင်လှိင်နှင့် အိန္ဒိယနိုင်ငံ သမ္မတ H.E. Smt. Droupadi Murmu တို့သည် သမ္မတအိမ်တော်(Rashtrapati Bhavan) ၌ တွေ့ဆုံဆွေးနွေးခဲ့ခြင်း ဖြစ်သည်။

အိန္ဒိယနိုင်ငံ သမ္မတအိမ်တော်(Rashtrapati Bhavan)တွင် ကျင်းပသည့် တွေ့ဆုံဆွေးနွေးပွဲသို့ နိုင်ငံတော်သမ္မတ ဦးမင်းအောင်လှိုင်နှင့်အတူ ပြည်ထောင်စုဝန်ကြီးများ ဖြစ်ကြသည့် ဦးခင်မောင်ရီ၊ ဦးတင်မောင်ဆွေ၊ ဒေါက်တာကံဇော်၊ ဦးမင်းနောင်၊ ဒေါက်တာချာလီသန်းနှင့် တာဝန်ရှိသူများ တက်ရောက်ကြပြီး အိန္ဒိယနိုင်ငံ သမ္မတ H.E. Smt. Droupadi Murmu နှင့်အတူ တာဝန်ရှိများ တက်ရောက်ခဲ့ကြသည်။

news #နိုင်ငံတော်သမ္မတ ဦးမင်းအောင်လှိုင် #အိန္ဒိယနိုင်ငံ သမ္မတ

■ Read more >>>>> https://news-eleven.com/article/312333
■ Eleven Website:https://news-eleven.com
■ Eleven Broadcasting YouTube:https://m.youtube.com/c/elevenwebtv11
■ Eleven Sports YouTube:https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

01/06/2026

■ အိန္ဒိယနိုင်ငံဝန်ကြီးချုပ်က တည်ခင်းဧည့်ခံသော ဂုဏ်ပြုနေ့လယ်စာ စားပွဲအခမ်းအနားသို့ နိုင်ငံတော်သမ္မတ ဦးမင်းအောင်လှိုင် တက်ရောက်

အိန္ဒိယနိုင်ငံ ဝန်ကြီးချုပ် H.E. Shri arendra Modi က တည်ခင်းဧည့်ခံသော ဂုဏ်ပြုနေ့လယ်စာ စားပွဲအခမ်းအနားသို့ နိုင်ငံတော်သမ္မတ ဦးမင်းအောင်လှိုင် တက်ရောက်ခဲ့သည်။

အိန္ဒိယနိုင်ငံသို့ တရားဝင်ခရီးစဉ် ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင်အား အိန္ဒိယနိုင်ငံ ဝန်ကြီးချုပ် H.E. Shri arendra Modi က ယနေ့(ဇွန် ၁ ရက်)တွင် အိန္ဒိယနိုင်ငံ ဝန်ကြီးချုပ်ရုံး (Hyderabad House)တွင် နေ့လယ်စာဖြင့် တည်ခင်းဧည့်ခံခဲ့ခြင်းဖြစ်သည်။

01/06/2026

အိန္ဒိယနိုင်ငံသို့ တရားဝင်ခရီးစဉ် ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင်နှင့် အိန္ဒိယနိုင်ငံ ဝန်ကြီးချုပ်တို့ တွေ့ဆုံ ဆွေးနွေး

01/06/2026

■အင်ဒိုနီးရှားတွင် ဒုတိယကမ္ဘာစစ်လက်ကျန်ဟု သံသယရှိသော ဗုံးပေါက်ကွဲမှု ဖြစ်ပွားပြီး လူ ငါးဦး သေဆုံး

အင်ဒိုနီးရှားတံငါရွာတစ်ခုတွင် ဒုတိယကမ္ဘာစစ်လက်ကျန်ဟု သံသယရှိသော ဗုံးသီးတစ်လုံး ပေါက်ကွဲမှုကြောင့် လူ ငါးဦး သေဆုံးပြီး ၂၀ နီးပါး ဒဏ်ရာရရှိခဲ့ကြောင်း ရဲတပ်ဖွဲ့က ဇွန် ၁ ရက်တွင် ပြောကြားခဲ့သည်။

အင်ဒိုနီးရှားနိုင်ငံ၏ မငြိမ်မသက်ဖြစ်နေသော အရှေ့ပိုင်းပါပူအာဒေသတွင် မေ ၃၁ ရက်မွန်းလွဲပိုင်းက မိုးခြိမ်းသံကဲ့သို့ ကျယ်လောင်သော ပေါက်ကွဲသံကြီးကြောင့် ဒေသခံများ ထိတ်လန့်တုန်လှုပ်သွားခဲ့ပြီး

ပေါက်ကွဲမှုနှင့်အတူ မီးလုံးကြီးတစ်လုံး ထွက်ပေါ်လာကာ နောက်ဆက်တွဲအဖြစ် မီးခိုးလုံးကြီးများ တက်လာခဲ့ကြောင်း Kompas TV က ထုတ်လွှင့်ပြသခဲ့သည့် ရုပ်သံမှတ်တမ်းအရ သိရသည်။

ယင်းပေါက်ကွဲမှုကြောင့် နေအိမ်ကိုးလုံး ပျက်စီးခဲ့သည်။

"ပေါက်ကွဲမှုရဲ့ အရင်းအမြစ်ဟာ ဒုတိယကမ္ဘာစစ်လက်ကျန် ဗုံး ဒါမှမဟုတ် မော်တာကျည်ဆန်တစ်ခု ဖြစ်မယ်လို့ သံသယရှိပါတယ်"ဟု ပါပူအာရဲတပ်ဖွဲ့ ပြောရေးဆိုခွင့်ရှိသူ ကာရိုဆူကာနီတိုက အေအက်ဖ်ပီ သတင်းကို ပြောပြခဲ့သည်။

လက်ရှိတွင် လူသုံးဦး ပျောက်ဆုံးနေဆဲဖြစ်သော်လည်း ခန္ဓာကိုယ်အစိတ်အပိုင်း အချို့ကိုမူ မည်သူမည်ဝါဖြစ်ကြောင်း ခွဲခြားအတည်ပြုနိုင်ခြင်း မရှိသေးဟု ကာရိုကဆိုသည်။

ထို့ပြင် အနည်းဆုံး လူ ၁၉ ဦးခန့်မှာ ဒဏ်ရာရရှိခဲ့သဖြင့် ကုသမှုခံယူခဲ့ရကြောင်း ၎င်းက ဖြည့်စွက်ပြောကြားသည်။

"သေဆုံးသူတွေကို ရှာဖွေတာနဲ့ စုံစမ်းစစ်ဆေးမှုတွေ ပြီးစီးသွားရင် နောက်ထပ် အခြေအနေတွေကို ထပ်မံထုတ်ပြန်ပေးသွားမှာပါ" ဟု ကာရိုက ပြောသည်။

ပြီးခဲ့သည့်နှစ်က ဂျာဗားအနောက်ပိုင်းပြည်နယ်တွင် အင်ဒိုနီးရှားစစ်တပ်က သုံးမရတော့သော ခဲယမ်းမီးကျောက်များကို ကျင်းတစ်ခုအတွင်း ဖောက်ခွဲဖျက်ဆီးရန် ကြိုးပမ်းစဉ် ပေါက်ကွဲမှုဖြစ်ပွားခဲ့သဖြင့် အရပ်သားကိုး ဦးအပါအဝင် စုစုပေါင်း လူ ၁၃ ဦး သေဆုံးခဲ့ဖူးသည်။

ဒုတိယကမ္ဘာစစ်အတွင်းက ဂျပန်တပ်ဖွဲ့များသည် ထိုစဉ်က ဒတ်ခ်ျအရှေ့အိန္ဒိယကျွန်းစုဟု ခေါ်တွင်သော အင်ဒိုနီးရှားနိုင်ငံကို သိမ်းပိုက်ခဲ့ပြီး မဟာမိတ်တပ်များက ပြန်လည်ထိန်းချုပ်နိုင်ရန် တိုက်ခိုက်ခဲ့ကြသဖြင့် အင်ဒိုနီးရှားသည် စစ်ပွဲအတွင်း အဓိကတိုက်ပွဲဇုန်တစ်ခု ဖြစ်ခဲ့သည်။

Ref:AFP

■Website Link - - - >>>https://news-eleven.com/article/312330

■ Eleven Website:https://news-eleven.com
■ Eleven Broadcasting YouTube:https://m.youtube.com/c/elevenwebtv11
■ Eleven Sports YouTube:https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

01/06/2026

ဇွန် ၁ ရက် ညနေခင်း သတင်း အစီအစဉ်

■ TNLA ထိန်းချုပ်ထားသည့် နမ့်ခမ်းမြို့နယ် ကောင်းတပ်ကျေးရွာပေါက်ကွဲမှုတွင် ကလေးခြောက်ဦးအပါအဝင် သေဆုံးသူ ၃၈ ဦးရှိပြီး ဒဏ်ရာရရှိသူ ၇၀ ရှိ

■ အိန္ဒိယနိုင်ငံသို့ တရားဝင်ခရီးစဉ် ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင်နှင့် အိန္ဒိယနိုင်ငံ အမျိုးသားလုံခြုံရေး ဆိုင်ရာအကြံပေးပုဂ္ဂိုလ်တို့ တွေ့ဆုံဆွေးနွေး

■ ဟင်္သာတ - ရန်ကုန်လမ်းမကြီး ဇလွန်နှင့်ဓနုဖြူကြား လမ်းပိုင်းပျက်စီးမှုအား တာဝန်ရှိသူများ ကွင်းဆင်းစစ်ဆေးခဲ့ပြီး ပြင်ဆင်မှုစတင်

■ တံကောက်ကြောဒဏ်ရာကြောင့် ကမ္ဘာ့ဖလားပြိုင်ပွဲနဲ့ လွဲချော်ရမှာကို စိုးရိမ်ခဲ့မိကြာင်း ယမားလ် ဝန်ခံပြောကြား

■ Eleven Website:https://news-eleven.com
■ Eleven Broadcasting YouTube:https://m.youtube.com/c/elevenwebtv11
■ Eleven Sports YouTube:https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagrou

01/06/2026

■ မြောက်ဥက္ကလာပမြို့နယ် အထက (၇) ကျောင်းရှိ ကုက္ကိုလ်ပင်ကို မိုးကြိုးပစ်ရာ အနီးတွင် ရပ်နေသူ KG ကျောင်းသားနှစ်ဦးနှင့် ဆရာမတစ်ဦး ထိခိုက်ဒဏ်ရာရ

မြောက်ဥက္ကလာပမြို့နယ် အထက (၇) ကျောင်းရှိ ကုက္ကိုလ်ပင်ကို မိုးကြိုးပစ်ရာ အနီးတွင် ရပ်နေသူ KG ကျောင်းသားနှစ်ဦးနှင့် ဆရာမတစ်ဦး ထိခိုက်ဒဏ်ရာရကြောင်း သိရသည်။

ဇွန် ၁ ရက် မွန်းလွဲ ၂ နာရီခွဲခန့်တွင် အဆိုပါကျောင်းရှိ ကုက္ကိုလ်ပင်တစ်ပင်အနီးတွင် ဆရာမနှင့် ကလေးနှစ်ဦးမှာ မတ်တပ်ရပ်နေစဉ် မိုးကြိုးပစ်ခံရခြင်းဖြစ်သည်။

“မိုးကြိုးက ကျောင်းထဲက ကုက္ကိုလ်ပင်ကိုပစ်တာ။ အဲ့ဒီကုက္ကိုလ်ပင်အောက်မှာ ဆရာမနဲ့ကျောင်းသားနှစ်ယောက်က မတ်တပ်ရပ်နေတာ။ ကျောင်းသားတစ်ယောက်က ကျောကုန်းကို ရှပ်ထိတယ်။ နောက်တယောက်က မျက်နှာနည်းနည်းထိတယ်။ ဆရာမက ကလေးနှစ်ယောက်ထက် ထိတာပိုများတယ်။ သုံးယောက်လုံးက အရမ်းစိုးရိမ်စရာ မရှိပါဘူး” ဟု အနှိုင်းမဲ့တိမ်ပန်းချီ ပရဟိတအသင်းမှ တာဝန်ရှိသူတစ်ဦးက ပြောကြားသည်။

မိုးကြိုးဒဏ်ခံခဲ့ရသည့် ကလေးငယ်နှစ်ဦးမှာ KG တန်းတွင် တက်ရောက်ပညာသင်ကြားနေသူများဖြစ်ပြီး လက်ရှိတွင် ဒဏ်ရာရရှိသည့် ကျောင်းဆရာမနှင့် ကလေးနှစ်ဦးကို မြောက်ဥက္ကလာဆေးရုံသို့ ပို့ဆောင်ထားကြောင်း သိရသည်။

■ Read more >>>>> https://news-eleven.com/article/312329

■ Eleven Website:https://news-eleven.com
■ Eleven Broadcasting YouTube:https://m.youtube.com/c/elevenwebtv11
■ Eleven Sports YouTube:https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

မြောက်ဥက္ကလာပမြို့နယ် အထက (၇) ကျောင်းရှိ ကုက္ကိုလ်ပင်ကို မိုးကြိုးပစ်ရာ အနီးတွင် ရပ်နေသူ KG ကျောင်းသားနှစ်ဦး.....

01/06/2026

■ ဧရာဝတီတိုင်းဒေသကြီးလွှတ်တော်အစည်းအဝေး ပြန်လည်ကျင်းပမည့် ဇွန်လအတွင်း မေးခွန်းပေါင်း ၁၅၀၊ အဆို ၁၀ ခုနှင့် ဥပဒေနှစ်ရပ် ဆွေးနွေးဆောင်ရွက်မည်

ဧရာဝတီတိုင်းဒေသကြီးလွှတ်တော်အစည်းအဝေး ပြန်လည်ကျင်းပမည့် ဇွန်အတွင်း မေးခွန်းပေါင်း ၁၅၀၊ အဆို ၁၀ ခုနှင့် ဥပဒေနှစ်ရပ် ဆွေးနွေးဆောင်ရွက်မည်ဖြစ်ကြောင်း သိရသည်။

ဧရာဝတီတိုင်းလွှတ်တော်အစည်းအဝေးကို ဇွန် ၂ ရက်တွင်ပြန်လည်စတင်မည်ဖြစ်ပြီး တစ်လနီးပါးကြာမြင့်မည်ဖြစ်ကြောင်း သိရသည်။

“ဧရာဝတီတိုင်းဒေသကြီး တတိယအကြိမ်လွှတ်တော်၊ ဒုတိယပုံမှန်အစည်းအဝေးက ဇွန် ၂ ရက်နေ့မှာစမှာဖြစ်ပါတယ်။ ဇွန်လထဲမှာ ပိတ်ရက်တွေ နုတ်ရင် လွှတ်တော်ကျင်းပမယ့်ရက်က ၁၇ ရက်လောက်ရှိပါတယ်။ ပထမဆုံးစပြီးတော့ မေးခွန်းတွေစုဆောင်းစိစစ်ပြီး အစိုးရအဖွဲ့ကိုတင်ထားပြီးသားမေးခွန်းပေါင်း ၁၅၀ လောက်ရှိပါတယ်။ တစ်နေ့ကို မေးခွန်း ၁၀ ခုနဲ့ နေ့တိုင်းမေးသွားဖို့ရှိပါတယ်။ အဆိုကတော့ ၁၀ ခုလောက်ရွေးချယ်ထားပါတယ်” ဟု ဧရာဝတီတိုင်းဒေသကြီးလွှတ်တော်ဥက္ကဌ ဦးသိန်းထွန်းကဖြေကြားသည်။

“ဥပဒေပိုင်းနဲ့ပတ်သက်လို့ကတော့ အဓိကအားဖြင့် ဧရာဝတီတိုင်းရေချိုငါးဥပဒေကို ပြင်ဆင်ဖို့အပိုင်းလေးတွေရှိလာမယ်။ စည်ပင်ဥပဒေကိုလည်း နည်းနည်းပြင်ဆင်ရမယ့် အပိုင်းလေးတွေရှိတဲ့အတွက်ကြောင့် တည်ဆဲဥပဒေများကိုလေ့လာထားပြီးတော့မှ သူတို့ကို ပြင်ဆင်တာတွေ၊ ဖြည့်စွက်တာတွေ၊ ရုတ်သိမ်းတာတွေ၊ အစားထိုးတာတွေ၊ ဒါနဲ့ပတ်သက်ပြီး ကြိုတင်ပြီးတော့ ကိုယ်စားလှယ်တွေ ပေးပို့ပြီးဖြစ်တဲ့အတွက်ကြောင့် အဲဒီဥပဒေတွေကိုတော့ အပြီးမလုပ်နိုင်ပါဘူး။ ကြိုတင်လေ့လာဆွေးနွေးပြီး ဥပဒေပညာရှင်တွေ ဖိတ်ခေါ်ပြီး သီးခြားလုပ်ရမယ့်အနေအထားဖြစ်ပါတယ်” ဟု ဧရာဝတီတိုင်းဒေသကြီးလွှတ်တော်ဥက္ကဌ ဦးသိန်းထွန်းက ဆက်လက်ဖြေကြားသည်။

ပြီးခဲ့သည့် ဧရာဝတီတိုင်းဒေသကြီးလွှတ်တော်၊ ပထမပုံမှန်အစည်းအဝေး၌ တိုင်းလွှတ်တော်ဥက္ကဌ၊ ဒုတိယဥက္ကဌ၊ တိုင်းအစိုးရအဖွဲ့ဝန်ကြီးချုပ်နှင့် ဝန်ကြီးများ ရွေးချယ်အတည်ပြုခြင်း၊ လွှတ်တော်ရေးရာကော်မတီများဖွဲ့စည်းခြင်းတို့ကိုဆောင်ရွက်ခဲ့ကာ လွှတ်တော်ခေတ္တရပ်နားခဲ့ပြီးနောက် ယခုအခါ ဒုတိယပုံမှန်အစည်းအဝေးပြန်လည်စတင်ရန်ရှိနေခြင်းဖြစ်သည်။

■ Read more >>>>> https://news-eleven.com/article/312328

■ Eleven Website:https://news-eleven.com
■ Eleven Broadcasting YouTube:https://m.youtube.com/c/elevenwebtv11
■ Eleven Sports YouTube:https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

01/06/2026

■MGI All Stars 2026 ပြိုင်ပွဲတွင် ကိုလံဘီယာအလှမယ် ဗန်နက်ဆာ ပူဂါရင်က သရဖူဆွတ်ခူး

ထိုင်းနိုင်ငံ၊ ဘန်ကောက်မြို့ရှိ MGI Hall တွင် မေ ၃၀ ရက်က ကျင်းပခဲ့သည့် MGI All Stars 2026 အလှမယ်ပြိုင်ပွဲကြီး၏ Final ယှဉ်ပြိုင်မှုတွင် Winner ဆုကို ကိုလံဘီယာကိုယ်စားပြုအလှမယ် ဗန်နက်ဆာ ပူဂါရင်က ဆွတ်ခူးသွားသည်။

အသက် ၃၄ နှစ်အရွယ် မော်ဒယ်တစ်ဦးဖြစ်သူ ဗန်နက်ဆာသည် ပထမဆုံးအကြိမ် ကျင်းပသည့် အဆိုပါပွဲတွင် ပြိုင်ပွဲဝင် ၅၀ ကျော်ကို ကျော်ဖြတ်ကာ သရဖူကို ဆွတ်ခူးယူသွားခြင်းဖြစ်သည်။

ဂါနာအလှမယ် ဖိတ်မရီယာ ပေါ်တာက first runners-up ဆု ၊ ဗီယက်နမ်အလှမယ် ဟွန်ဂီယန်ငုယင်က second runners-up ဆုတို့ ရရှိခဲ့ပြီး ချက်အလှမယ် မာရီယာနာ ဘက်ကိုဗာနှင့် ဖိလစ်ပိုင်အလှမယ် ဂါဇီနီ ဂါနာဒိုစ့်တို့က Top 5 အထိ ပါလာခဲ့သည်။ Top 18 အလှမယ်များထဲတွင် မြန်မာနိုင်ငံကိုယ်စားပြု သွား​ရောက်ယှဉ်ပြိုင်သည့် သက်စံအန်ဒါဆင်လည်း ပါဝင်ခဲ့သည်။

ဒိုင်အဖွဲ့တွင် Miss Venezuela အဖွဲ့အစည်း၏ ဥက္ကဋ္ဌဟောင်း အော့စ်မယ်လ်ဆူဆာ ၊ Miss Universe Winner ဆုရှင်ဟောင်းများနှင့် Miss Grand International Winner ဆုရှင်ဟောင်းများ ပါဝင်ကာ အကဲဖြတ်​ရွေးချယ်ပေးခဲ့ကြသည်။ယခုပြိုင်ပွဲအသစ်သည် Miss Grand International ပြိုင်ပွဲ၏ ခွဲထွက်ပွဲစဉ် တစ်ခုဖြစ်သည်။

MGI All Stars 2026 သရဖူကို Miss Grand International Winner ဆုရှင်ဟောင်း ဖိလစ်ပိုင်အလှမယ် ခရစ္စတင်း ဂျူလီယန် အိုပီယာဇာ က MGI ဥက္ကဋ္ဌ နာဝပ်၏ရှေ့တွင် လက်ရှိ Winner ဆုရှင်ကို လွှဲ​ပြောင်းပေးခဲ့သည်။

ဗန်နက်ဆာသည် ယခင်က Miss Universe Colombia ရရှိထားသူဖြစ်ပြီး ပြီးခဲ့သည့်နှစ်၊ နိုဝင်ဘာက ထိုင်းနိုင်ငံတွင်ကျင်းပသည့် Miss Universe 2025 ပြိုင်ပွဲတွင် Top 12 စာရင်းထဲ ပါလာခဲ့သည်။

■Ref: PAGEANT Circle ,Photos: Miss Grand International

■Website Link - - - >>>https://news-eleven.com/article/312327

■ Eleven Website:https://news-eleven.com
■ Eleven Broadcasting YouTube:https://m.youtube.com/c/elevenwebtv11
■ Eleven Sports YouTube:https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

01/06/2026

■လှိုင်သာယာ (အရှေ့)မြို့နယ်တွင် ပြည်သူ့လွှတ်​တော်ကိုယ်စားလှယ်ရုံးက ဦး​ဆောင်၍ ရပ်ကွက်အုပ်ချုပ်ရေးကဏ္ဍ စစ်တမ်းကောက်ယူ

လှိုင်သာယာ (အရှေ့)မြို့နယ်တွင် ရပ်ကွက်အုပ်ချုပ်ရေးကဏ္ဍ စစ်တမ်းကောက်ယူခဲ့​ကြောင်း သိရသည်။

အထက်ပါစစ်တမ်းကို လှိုင်သာယာ (အရှေ့) ပြည်သူ့လွှတ်တော် ကိုယ်စားလှယ်ဦးအေးချမ်းကဦးစီးပြီး ​မေ ၂၁ ရက်မှ ​မေ ၂၄ ရက် အထိ ကွင်းဆင်းစစ်တမ်း ကောက်ယူခဲ့​ပြီး ရပ်ကွက်တစ်ရပ်ကွက်လျှင် လူအယောက် (၁၀၀) အား စစ်တမ်းကောက်ယူခဲ့ကြောင်း သိရသည်။

ယင်းစစ်တမ်းတွင် မေးခွန်း (၁၀) ခုပါဝင်ပြီး လှိုင်သာယာ(အ​ရှေ့ပိုင်း)မြို့နယ် သန်းခေါင်စာရင်းရှိအလွှာအသီးသီးကို ကိုယ်စားပြုသော ပြည်သူများထံမှ ပရော်ဖက်ရှင်နယ်လူငယ်များက တစ်အိမ်တက်တစ်အိမ်ဆင်း ကောက်ယူခဲ့ပြီး နေရာအနှံ့ဖြစ်အောင်လည်း ကြိုးစားခဲ့​ကြောင်း၊ စစ်တမ်းကောက်ယူမှု ကုန်ကျစရိတ်သိန်း (၂၀) ကျော်ကိုလည်း ပြည်သူ့လွှတ်တော် ကိုယ်စားလှယ်ရုံးတစ်ခုတည်းမှ ကျခံခဲ့​ကြောင်း သိရသည်။

ပြည်သူများထံမှ ​စစ်တမ်း​ကောက်ခံခဲ့သည့် ​မေးခွန်း ၁၀ ခုမှာ ရပ်ကွက်အုပ်ချုပ်ရေးမှူး၏ လုပ်ဆောင်မှုများ အပေါ် ခြုံငုံသုံးသပ်ချက်၊ ရပ်ကွက် အုပ်ချုပ်ရေးမှူး၏ ရပ်ကွက်နေပြည်သူများအတွက် အများကောင်းကျိုး ဆောင်ရွက်မှုများအပေါ် အဆင့်သတ်မှတ်ချက်၊ အုပ်ချုပ်ရေးမှူး၏ ဖြောင့်မတ်ရိုးသားမှုနှင့် အဂတိကင်းစင်မှု အပေါ် အဆင့်သတ်မှတ်ချက်၊ အုပ်ချုပ်ရေးမှူးသည် လက်ရှိတွင် မှန်ကန်သော လမ်းကြောင်းပေါ်ဦးတည်နေခြင်း ရှိ မရှိ၊ အုပ်ချုပ်ရေးမှူးသည် ရပ်ကွက်အတွင်း စိန်ခေါ်မှုများကို ထိရောက်စွာဖြေရှင်းနိုင်ခြင်းရှိ မရှိ၊ အုပ်

ချူပ်ရေးမှူးသည် သင်၏ စိုးရိမ်ပူပန်မှုများကို ဂရုတစိုက် နားထောင်ပြီး ကြိုးစားဖြေရှင်းပေးခြင်းရှိ မရှိ၊အုပ်ချုပ်ရေးမှူး၏ ပွင်းလင်းမြင်သာခြင်းရှိ မရှိ၊ အုပ်ချုပ်ရေးမှူး၏ ပြည်သူများ အပေါ်အနိုင်ကျင့်မှုရှိ မရှိ၊ အုပ်ချုပ်ရေးမှူး၏ ဆောင်ရွက်ချက်များကို လွန်ခဲ့သည် (၆)လနှင့် နှိုင်းယှဉ်ပါက ပိုကောင်းလာခြင်းရှိ မရှိ၊ အုပ်ချုပ်ရေးမှူး နေရာတွင် အခြားသူတစ်ဦးအား ပြောင်းလဲတာဝန်ပေးရန် ဆန္ဒရှိ မရှိတို့ကို ​မေးမြန်း​ကောက်ခံခဲ့သည်။

စစ်တမ်း၏ ရည်ရွယ်ချက်များမှာ ပြည်သူများက ထင်မြင်ချက် အသံအမှန်ကိုသိလိုခြင်း၊ အုပ်ချုပ်ရေးမှူး အချင်းချင်းနှိုင်းယှဉ်နိုင်ခြင်း၊ အုပ်ချုပ်ရေးကဏ္ဍမှ လူကြီးများအား မိမိ၏စွမ်းဆောင်ရည်ကို သိရှိစေလိုခြင်း စသည်တို့ဖြစ်​ကြောင်း သိရသည်။

ထို့ပြင် စစ်တမ်းကောက်ယူရာတွင် အတက်နိုင်ဆုံး အဖြေမှန်များရရှိရန် ကြိုးစားသော်ငြား၊ ပြည်သူများအပေါ် ကြိုတင်သတိပေးထားမှု၊ ခြိမ်းခြောက်မှု၊ လက်ရှိအုပ်ချုပ်ရေးအပေါ် ဘက်လိုက်မှု၊ ပြောင်းလဲရန်ကြောက်ရွံမှုများကြောင့် ၁၀၀% မှန်ကန်မှုအဆင့်အောက် လျှော့ချနိုင်သည်ကို အသိအမှတ်ပြု​ကြောင်း၊ ဤစစ်တမ်းသည် လှိုင်သာယာ (အရှေ့) မြို့နယ်တွင်သာမက တစ်နိုင်ငံလုံးတွင် ပထမဆုံး ရပ်ကွက်အုပ်ချုပ်ရေးကဏ္ဍနှင့်ပတ်သက်၍ သီးသန့်ကောက်ယူ သော စစ်တမ်းဖြစ်ပြီး သုံးလတစ်ကြိမ် ဆက်လက်ကောက်ယူပါက အုပ်ချုပ်ရေး ဝန်ဆောင်မှု နှင့် စွမ်းဆောင်ရည် တိုင်းတာရာတွင် အထူးအထောက်အကူပြုမည်ဟု ပြည်သူ့လွှတ်တော်ရုံးက အပြည့်အဝယုံကြည်ထား​သည်ဟု ဆိုသည်။

■Website Link - - - >>>https://news-eleven.com/article/312324

■ Eleven Website:https://news-eleven.com
■ Eleven Broadcasting YouTube:https://m.youtube.com/c/elevenwebtv11
■ Eleven Sports YouTube:https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup