Chin Net

27/09/2025

Chin Net thuthang Zing/Zan in page ah thlah a si thlang ding.

1. Bhamaw Khawpi lak doawknak ah Mingin PDF le Kalaywah PDF ihsin mipum 30 thi.
2. KIA in Waingmaw pengah Ralhrang Battalion hotu ralbawi picang an kap that.
3. Myanmar ihsin Mizoram ah Drugs lut tam sinsin

26/09/2025

CNA Le Curfew Thupek

Hriamkai bu in anmai control nak hmunram ah boruak um dan ih zirin order an suah hi a dingfel mi thil a si. Thil tha khal a si, cuti ih an tuah lo a si le anmai nunnak tiang an hloh thei mi a si. Zozo hriamkai bu khal ih tuah thiang mi a si.

CNA khal in gate tam zet an nei. Thlanglam Laitlang ah gate hi a zat theih a si lo, an nei tam zet. Saklam Laitlang khal ah gate an nei tam zet. A hleice in CNDF le CDF Hualngo karlak ih kahawk hnu ah CNA hin Falam ramri ah gate tam ngaingai an hung bet ti cu zapi theih a si.

CNA gate hrekkhat ih cangvaih dan - An hrohrang zet. Zuri khal an bo lo. Tu khal ah Chin ram hi an pai ro ah an neih maw si tipangnak, cuti khawp ih hngal in an cangvai. Țiau zin kan theih larbik a si vekin zuri sabah check gate tamnak khal a si. An gate on caan hi zinglam caan her 6:00 a.m ihsin zanlam caan her 6:00 p.m hi a si. Cumi an khelh lo cun feh an siang lo. Ziangtluk ih emergency um khal le feh an siang lo. (Vei hnih khat le cu paisa pek le an feh siang)

Hitin an hrosuang - "Kan daan le dun nan thei lo maw si, zoha nan si nan va hngal ve. Kan kutzung ah nan nunnak a um ti nan thei lo maw" an tong mi tampi a um lai. Nasa taktak in an hro theu. Zu kam nam deuh ralkap tla cu an țih thlohthloh ti a si. Mi velh lawk mai tla a tum, driver thenkhat tla cu an thong mi tla an um. Poi ngaingai.

Kahawknak umlonak ah hiti ih Kawl Ralkap curfew bangih order dikdawh lo thawi um cu a har fualfo tuk aw tiah Chin mi thenkhat auaw khal theih ding a tam nasa. Kawl ralkap um lo lellelnak ah order khoh tuk an suah cu suahsual thu a si tiah mipi thenkhat hnen in kan thei.

Pu Tuan Ling Thang ih hla bang in "Ti rori cun a rei kan daih pei maw, thawng tla kan bang..." ti zaihla thawi nun hman a țul awk hek.

25/09/2025

LUNGTO THEORY

San thuanthu ihsin tuihni tiang lungto hi minung pawl in kan hmang tangkai tuk. A man khung zet mi lungtopawl tla cu milianpawl lawng ih hmuh le tham ban mi ah an cang. Pigeon Blood Ruby tla cu lungsen lakah a man khung bik mi a si, Myanmar suak a si hngehnge. Zinkap ih lungto tiangin man an nei. Lamzin tuahnak ah siseh, tidai dawlnak ah siseh, inn foundation thlaknak ah siseh... a tangkai nak a tam tuk.

Raldonak ih lungto thawi nehnak cotu cu Tlangval note David a si kha, Goliath ih cal ah ngah in hmaihawih in a tlu tualti thu kha Sunday school nauhak khal ih theih thluh mi a si. Rom ralkap le Greek ralkap khal in 500-400 BCE ah lungto ralkap an rak nei ve dah. Slingshot soldiers an rak nei veve dah. Lungto hi țangkai tak a si.

Lungto țangkainak sungmuril tiangih theifiangtu CNA cun Camp Rihli an lak țum ah lungto in si kha an va lak (An hruaitu pakhat tong dan ah). Greek le Rom ralkap pawl bangin CNA hin lungto ralkap an din lo ding rel a theih lo. Lungto ih tangkainak an theifiangtuk zo.

Hitin khal in suangtuahnak a um thei mi cu Dothlengnak a cem cun Chinlung City ah Cement Cetzung tum tak an tuah lo ding ti zoha rel thei. Tum maktara in an sak ding ih Eight Wonder of the World an hluan lo ding ti zoha rel thei?

Chinland Council hnuaiih um Education Department khal in an tlawngtapawl hrangah lungto subject hi an zir ter lo ding ti zoha rel thei?

khi mallai rem mi a si.

24/09/2025

CDF KANPELET IN CNA TAW SIT

CNF/CNA ih hmunram a bi deuhdeuh. Cumi tican cu Chin ram ah lungrualnak, daihnak a nai deuhdeuh tithawn formula a bangaw mi a si.

Saklam Laitlang ah kan unau Tedim pawl hi lungfim hmaisabik an si. Falam tefa thenkhat an fim thei hrih lo. 2021 hnu ih CDF Zanniat a din dan, CDF Hualngo a din dan, CDF Ngawn a din dan hi a cipciar deuh in kan ngan leh ding. Cupawl cu a tawizawng in CNA ih zer hrokhrolnak ih an game play mi a si. Unau Kanpelet pawl cun mi zer CNA camp an vuakthlak sak a si. CNA ih cangvaihdan hi Chin mipi siatsuah tu an si zia unau Tedim pawl in an fiang bik.

CNA hi Chin mipi ralkap an si lo. An si lo hrimhrim.

1992 buainak hnu, kekkuai hnu, ih CNA cangvaihdan hi fihnungza an si. Tuihni tiang an sunzawm hrih. CNA ih mi an suam mipawl hi data lak fel mi a um lo tikah sim le rel ding a harsa. Amah lawng te a hawl dan lamzin cu a um ko. Data collection nasa tak ih tuah a tul. Caan pek a tul, bang a tul. Ziangahtile le thuanthu thudik kan phuang duh a si. Thuanthu thei lo kan tam tuk hrih. Kan phorh in kan pholang a tul.

Hivek thuanthu phorhsuah hi hmasawn nak a si lo tin fimaw ter zetin rel ding a si lo. Thuanthu kan thei lo tuk ruangah kan aa sawn mi a si. Hma cu coih hnu sii hnih lawngah a dam ding.

Thlanglam Laitlang pawl an mit a vang kerhko rero thlang. A lungawi um rualrual in mitvang hrih lo kan tamtuk lai. CDF Kanpelet pawl le unau Mara thenkhat pawl, unau Paletwa mallai le Mindat hrekkhat hi an fimharh vivo thlang.

- Thuhla kan ngan tikah a tlangpi thu ih ngan caan a um dingih cipciar tak ih ngan caan a um ding. Bulpak ih phuan mi ngan caan a um ding ih a huho ih ngan caan a um ding. Thudik lawng kan ngan ding a si.

Next - "Lungto Theory" timi cuan.

24/09/2025

https://youtu.be/iU43DzzDjtU?si=rvuK3UlN1t9JnRFM

Enjoy the videos and music you love, upload original content, and share it all with friends, family, and the world on YouTube.

23/09/2025

https://youtu.be/rps_xQ9-Fxw

Thanks for watching------------------------Follow Us On;Facebook: https://bit.ly/3eNl5YOTwitter: /thechintimesYouTube: https://bit.ly/3jjXvGxWebsite: https:/...

23/09/2025

Nauhak Ralkap Part - 3

Burma Socialist Program Party (BSPP) hruaitu Ne Win in Burma rampi cu a lungthlitum ti famkim ding in a uk. Mipi cu a pumhlum in a thlauthla ih amah cu a vawrtawp in nuam a cen, rampi cu a hrangah paradise tluk ah a tuah. Amah le a thu thluntu a rualpi za in rampi ih a tit le thau an dawk kuarko men. Nuam an ti lawlaw. Disco Dancer tin an cen rero men.
(Mirang cun - Friendship matters an ti hrawnghrang si pei cu)

CNA ralkap ah thlanglam Laitlang mi an tambik. Thlanglam Laitlang mi an tam hi a sual lo. A sual mi cu nauhak ralkap an neih mi hi a si. Raldonak ah ralkap tam, hriamhrei țha le stratedy, tactic tha a tul timi hi thudik a si. A dik lo mi cu nauhak ralkap ih lakluh hi a si. A sang tuk mi dantatnak pek thei mi thil a si. ILO dan buar an si.

Nauhak ralkap ih lakluh hi mai milaipi ziang siar lo a si ih hleiah minung hi thilri fang tluk ih ruat tinak a si. Interview nak ah kan cuvek nauhak ralkap um lo an ti nan a tak ah a um thu hmuh a si. CNA ih lu le ban thutluknak thupi (Crucial Descision) tuah tu hi Zing Cung le a sungkhak unau naivai hlir an si. Chin ram ah fund raising ih an ngah mi sumpai thahnem tak le ralkap an nei si, nauhak ralkap thawn tla cu siar c**k lo an nei pei cu. Cutin Chin ram ah ti iar-iar in an lal lenlen ih nuam an ti nawn ke. Despacito laam in an laam rero men. (Mirang cun - Family matters an ti hrawnghrang si pei cu)

- 1989 in General Saw Maung ih ho in Burma ihsin Myanmar ah an thleng.

23/09/2025

https://youtu.be/rGovSv7Uqtw

Thanks for watching------------------------Follow Us On;Facebook: https://bit.ly/3eNl5YOTwitter: /thechintimesYouTube: https://bit.ly/3jjXvGxWebsite: https:/...

22/09/2025

Donald Trump ih Cabinet pawl In Bible an sal mi hmuh tikah thinlung sung mi a fan nasa. President Donald Trump, VP JD Vance, Secretary of State Marco Rubio, Secretary of War (Defense) Pete Hegseth, D.N.I Tulsi Gabbard, A.G Pam Bondi, ... tvk pawl hi mi cungcuang hleice an si. (Tampi an um lai)

An senator pawl le Congress palai pawl khal mifim le mithiam hlir an si. Republican party member tha hlir an si.

Democratic party member pawl hi mifim an si ve nan fim dan dik lo an si. Pathian thusimtu pakhat tla cun "Tawka hur party" tiah a ti hngehnge. LGBTQ le gender siarc**k lo a um ti pawl an si. Mi ngai sa ngai khal an um lo. An common sense khal a siatbal thluh zo. Hivek pawl in ram an siatsuah mi hi a turu tuk. Țih an nung.

America ramah (tuihsun) ih Charlie Kirk hngilh lo nak an tuah mi ah Pathian nung hmin sal a tam. Hibang pawl ih hruai mi ram cu ram nuam an si.

(A Pathian ih Jehovah a neitu miphun cu mithlawsuak an si,
A ro dingih a hril mi minungpawl khal. )
-- Sam 33:12

21/09/2025

Ngaidamnak Maksak: Erika Kirk cun a pasal Charlie Kirk kap thattu a ngaidam.

Erika Kirk cun “Ka ngaidam, hihi Jesu Khrih ih rak tuahdan vek cu a si. Charlie khalin hiti vekin a tuah ve thotho ding” a ti. Ngaidamnak ropi maksak.

19/09/2025

CNA ihsin Khumi pawl an suak thluh

Caan ziangmawzat CNA ralkap rak țuan dah mi Khumi ralkap pawl cu CNA ihsin an suak fel thu theih a si. Khumi lakih an hruaitu Paul khal tuhi Paletwa ah a um. Ziangah an suak ti a si le CNA in Kawl ralkap do lo in Chin mi le Chin mi karlak ah lungrual lonak tuah in Chin ram țhențhektu a si tin an hmuh ruangah a si.

Kawl ralkap do ruangah nunnak thap si lo in CNA tlun lam ihsin mai unau do dingah thupek fihnungza a rat theu ruangah a si tin an sim. Annih Khumi pawl hi dictatorship do duh ruangah CNA hnenah hriamkai an si. A hleice in unau Maraland doawknak ah Khumi ziangmawzat an thi ih hleiah hliam tuar an um thawn tuar aw nawn lo in an suahsan thluhnak a si.

CNA ih um Falam mi pawl teh ziangtin ha kan cangvai ve ding?

18/09/2025

https://youtu.be/BZ5HlvUFKQc

Thanks for watching------------------------Follow Us On;Facebook: https://bit.ly/3eNl5YOTwitter: /thechintimesYouTube: https://bit.ly/3jjXvGxWebsite: https:/...