09/08/2026
ZBC World News
Pianna Pa Jorge si k*m 68
Inter Miami leh Argentina(ZBC) Aug 8, Tukpeng mailam kimawlpa tukpeng siam Pa Lionel Messi’ pa Jorge Messi in Sani ni-in Argentina gam Rosario khuapi panin hospital khatah hong nusia ci-in gen a, ama k*m 68 ahi hi.
Rosario-a om Club Atlético Newell’s Old Boys in ama sihna thu social media tungah pulak a, nung kha lam pawlkhat sung natna nam khat tawh ki-etna a damna ding kithuah cih gen uhhi. Natna bang ahi hiam cih bel genlo uh hi. Tua laisuahna sungah amah pen “a zi Celia Cuccittini tawh a, hehpih huaih, thukhun leh itna tawh hun khempeuhah leitungah tukpeng siampen football player hoihpenpa’ nasepna a panpih, a thupi pen thukip leh a kipsakpa” ci-in pahtawi uh hi.
A zi tawh ahi Jorge in ta pali nusia hi: Lionel, a sanggampa uk zaw Rodrigo leh Matías, leh Lionel’ sanggamnu neu zaw María Sol. Lionel Messi in k*m hih World Cup-ah Argentina pen second place ngahsak hi. Team masa pen Algeria tawh kimawlna ah amah in goal thum pia a, goal masa pen a khup khit ciangin lungsim hong sukha mahmah khup dan in ki mu hi. Nunglamah amah in a kapna pen “kimawlna tawh kisai lo thu khat hang” ahi hi ci-in gen hi.
Tua hun lai takin media report pawlkhat in Messi innkuan te lungdam sak lo lua mahmah a, hun sawt lua b loin innkuan in statement khat khah a, “Jorge in cidamna tawh kisai buaina khat a thuak hi,” ci-in thukip sak uh hi. Ahih hangin bang natna ahi hiam cih genlo uh hi.
Tua a statement(thusuahna) in, “Mi khat’ cidamna leh ama itte lungsim deihhna pen ngaihsut luatna, thumaanlo media ngaihsutna dingin ahi kei hi,” ci a, innkuan sung thuneu khat leh a thulian khat tungah mi pawlkhat in zahtakna hehna cih te a kipan lungsim siangtho leh ngaihsutna nei loin a bawlna uh tungah lungkim lohna a gen hi.
Jorge Messi in North America-a kibawl Tukpeng tournament ah va pangin kihel theilo hi. Ahih hangin Tukpeng tournament man khit ciangin Lionel Messi in Rosario khuapi ah a pa tawh hun nei thei a, tua khit ciangin Inter Miami adingin Messi kimawlna lam zuan in ah kilehkik hi.
Pa Jorge Messi pen chemical technician khat ahih manin steel nasepna zong sem hi. Amah zong football midfielder in kimawl a, Newell’s Old Boys youth team d**gah ka in tung hi. Ahih hangin Argentina gamah galkap nasep military service a sep kul ahih manin football panin a tawpsan kulna tawh ahi hi.
Pa Jorge in a tapa thumna Lionel’ football nasepna ah thupi mahmah mun a nei hi. Ama agent in sem a, business lam thu khempeuh a enkai hi. 2000 k*m masa lamah Lionel naupang lai Barcelona ah trial dingin a pa Jorge mah in tonpih hi. Tua trial in La Masia, Barcelona youth academy, sungah kihelin lutna kong a hon sak hi. Lionel Messi in 2005 k*min professional football a kipan a, Ballon d’Or sagih leh khat, a vekin 8 vei ngah hi. Messi-in 2022 World Cup ah Argentina champion ngahsak hi.
Lionel Messi in 2007 k*m Radio del Plata tawh interview khatah, “Ka pa pen ka gei ah om tawntung hi. Barcelona hong tung cil lai-in pawlkhat ka room sungah ka ki khum a ka kap hi. Ka pa zong ke’n ka muhlohna dingin a kap hi, tua ahih kei leh ke’n ka muhlo dingin a ngaihsun hi. Nihnihin ka hoih mahmah bangin ka kibawl uh hi, ahih hangin hoih taktak kei ung. Ka lungsim kia ciangin ka pa in ka deihna bang hiam, hih munah om nuam hiam ahih kei leh inn ah paikik nuam hiam ci-in hong d**g hi. Ken bel om nuam ing ka ci a, amah zong ka tawh hong om hi,” ci-in gen hi.
Jorge in Barça tawh Lionel’ contract te a ki negotiate pih a, nunglamah Paris Saint-Germain leh Inter Miami ah a paikhiatna contract te zong amah in a enkai hi. Tua banah Lionel’ minthangna tawh kisai image rights, inn-leh-lei investment, hotel leh restaurant investment tampi zong a enkai hi.
Barcelona in thusuahna statement khat khah a, “Barça innkuan khempeuh aiawhin Messi innkuan tungah dahna i hawmsawn hi,” ci hi. Statement in, “FC Barcelona in Jorge Messi’ eite club tungah a kipkhona leh ama tapa Leo’ football nuntakna kipatna leh a minthang hun sung eite khutah a koihna hangin lungdam thu i gen hi. Amah lungdam takin tawlnga hen,” ci hi.
Inter Miami, Sani Saturday zan Monterrey tawh Leagues Cup kimawl dingin zong, “Ka captain Leo leh Messi innkuan khempeuh tawh ka lungsim uh omkhawm hi,” ci-in statement khah hi. PSG in zong a player lui tungah “dahna thukpi” a hawmsawn hi. South American Football Confederation, CONMEBOL, in zong statement khat sungah Lionel tungah “zahna leh itna tawh” dahna a hawmsawn hi.
Argentina football federation president Claudio Tapia in Saturday ni statement saupi khat khah a, Jorge Messi pen “mi lungsim hoih, siamna nei, mite’ zahtak leh mi dangte tungah kipiakzo mahmah khat hong khangkhia sakpa” ci-in pahtawina pia uh hi.
Organization in Argentina football category khempeuhah kimawl ma-in daihna zahtakna tawh minute khat sung daih ding thu pia hi. Tukpeng player, referee leh coach te in mial khutnuai khukna black armband a silh ding uh ci-in thu pia hi. Khuapi Rosario ah Messi innkuan’ restaurant nasepna khat ahi VIP Rosario in sihni ansai kihonglo ding cih a inn mai ah sign tungah ki koih hi. ZBC News correspondent report sungah The Associated Press pan thuthak kila sawnin ki zang hi.
read more
www.zbc.news
#
