Webula Page

Webula Page Contact information, map and directions, contact form, opening hours, services, ratings, photos, videos and announcements from Webula Page, Social Media Agency, Webula, Falam, Chin State, Webula.

Hemi Page heh, Zanniat Miphun te Fimthiamhnak Thu (Education), Ukhnak Thu (Politics), Nunkhuasadaan Thu (Social) lam ah Thuling kau tuh ca-ah, Mai ruathnak (personal opinion), Ponlet (translation) le Copy lang in i tu seh hlat/taar tuh in tumtahhnak i.

ဒီဓာတ်ပုံရိုက်တဲ့သူဟု ယူဆရသူ လူ ၃ ဦးကိုဖမ်းထားတယ်လို့သိရပါတယ်။ဒီပုံဟာ အကြမ်းဖက်စကစတပ်တွေ အောက်တိုဘာလဆန်းပိုင်းတွင် ကလေး...
17/10/2021

ဒီဓာတ်ပုံရိုက်တဲ့သူဟု ယူဆရသူ လူ ၃ ဦးကိုဖမ်းထားတယ်လို့သိရပါတယ်။
ဒီပုံဟာ အကြမ်းဖက်စကစတပ်တွေ အောက်တိုဘာလဆန်းပိုင်းတွင် ကလေးမြို့ထဲ ကို ဝင်လာစဥ် ရိုက်ထားတဲ့ ဓာတ်ပုံဖြစ်ပါတယ်။
ဖမ်းဆီးထားတဲ့ လူ ၃ ဦးကို အမြန်ဆုံး ပြန်လွှတ်ဖို့ တောင်းဆိုပါတယ်

17/10/2021

ပြည်သူ့ရင်ခွင်ခိုလှုံရန်ဆက်သွယ်လာသော တပ်သားနှင့်ရဲများစာရင်း
*************
အမျိုးသားညီညွတ်ရေးအစိုးရမှ ခုခံတွန်းလှန်စစ်စတင်ပြီ ဖြစ်ကြောင်း ကြေညာသည့် စက်တင်ဘာ(၇)ရက်နေ့မှ စတင်ပြီး ပြည်သူ့ရင်ခွင် ခိုလှုံလိုကြောင်း ဆက်သွယ်လာသည့် တပ်သားနှင့်ရဲ များနေ့စဉ် တိုးပွားလာနေပါသည်။ (၇.၉.၂၀၂၁)ရက်နေ့မှ (၇.၁၀.၂၀၂၁)အထိ ပြည်သူ့ရင်ခွင်ခိုလှုံလိုကြောင်းဆက်သွယ်လာသူ တပ်သား(၄၂၉) ဦး၊ ရဲ(၃၃၄) ဦး နှင့်စုစုပေါင်း (၇၆၃)ဦး အထိ ရှိပါသည်။ အဆိုပါ ကိန်းဂဏန်းသည် ပြည်သူ့ရင်ခွင် - People's Embraceအဖွဲ့တစ်ခုထဲကို ဆက်သွယ်လာသော ကိန်းဂဏန်းများဖြစ်သည်။ လွတ်မြောက်နယ်မြေများနှင့်ပြည်သူ့ကာကွယ်ရေးတပ်များထံရောက်ရှိနေသော ပြည်သူ့ရင်ခွင်ခိုလှုံနေသည့် တပ်သားနှင့်ရဲများ၏ စာရင်းအချက်အလက်များ မပါရှိသေးကြောင်းသိရသည်။
စကစ၏တပ်နှင့်ရဲဌာနများအတွင်းမှ နေ့စဉ် အရေးကြီးသတင်းပေးပို့နေသော ပြည်သူ့ဘက်တော်သားများကိုလည်း ကာကွယ်ရေးဝန်ကြီးဌာနမှ အထူးကျေးဇူးတင်ရှိကြောင်း ပြောကြားလိုပါသည်။

17/10/2021

သတိ‼
မကွေးတိုင်းအတွင်း
PDF တံဆိတ်ပါ အင်္ကျီများ စခ များ ထံမှာ ရှိနေတယ် တွေ့လည်းတွေ့ထားတယ်
PDF အတုအယောင်တွေ လုပ်ဖို့လား
ဒါမှမဟုတ် PDF အသွင်ယူပြီး စုံစမ်းစစ်ဆေးဖို့ထောက်လှမ်းဖို့လုပ်မလို့လား
ထပ်ပြီးeditလုပ်ပေးမယ်
သတိထားရမှာက PDFဝတ်စုံတွေသူတို့ရှိမှာ ရှိနေတာက
လုံးဝမကောင်းသော လက္ခဏာဘဲ
သတိရှိပါ အချင်းချင်း လက်တို့ပြီးသတိပေးပါ
လူစိမ်းသူစိမ်းတွေဆို သေချာစစ်ဆေးးပါ
မကြာခင် PDFတွေ မိထားပါပြီဆို့ပီး လုပ်ကြံဇာတ်သွင်းအုံးမှာပါ။
၇နှစ်အရွယ်မှ ၁၂အရွယ်ဝတ်အင်္ကျီ အထည်များပါဝင်တွေ့ရှိ။

17/10/2021

CNA နှင့် ချင်းဒေသတပ်ဖွဲ့များ ပူးပေါင်းတိုက်ခိုက်မှှုကြောင့် စကစ စစ်ကား(၇) စီးပျက်စီး
ချင်းအမျိုးသားတပ်မတော် (CNA) နှင့် ချင်းဒေသကာကွယ်ရေးတပ်ဖွဲ့များဖြစ်သည့် (CNDF and CDF) ပူးပေါင်းတိုက်ခိုက်မှှုကြောင့် ဖလမ်းနှင့် ဟားခါးလမ်းမကြီးကြား ပိတ်မိနေသည့် ကစက စစ်ကား (၇) ပျက်စီးကာ အများအပြားသေဆုံးပြီး စကစစစ်သား (၁၅) ကျော် ဒဏ်ရာရရှိကြောင်း သတင်းရရှိသည်။
အောက်တိုဘာလ (၁၄) ရက်နေ့တွင် ဖလမ်းမှ ဟားခါးသို့ မောင်းနှင်လာသည့် ကစကစစ်ကား (၆၀) ကျော်သည် ဖလမ်းမြို့မှ (၁၀)မိုင်ကျော်သာသွားနိုင်ပြီး CNA နှင့် ပူးပေါင်းချင်းဒေသကာကွယ်ရေးတပ်များမှ ကြားဖြတ်ပိတ်စို့ကာ ယနေ့ချိန်ထိ ခရီးမဆက်နိုင်ကြသေးကြောင်း သိရသည်။
“ကျနော်တို့ သူတို့ (ကစကစစ်သားတွေ) တက်မလာနိုင်အောင် ခုခံပိတ်စို့တာပေါ့။ ပြီးတော့ အချိန်ခါသင့်သလို သွားတိုက်တယ်။ ပစ်တယ်ပေါ့။ သူတို့ကတော့ လက်နက်ကြီး၊ လက်နက်ငယ်နဲ့ ရမ်းသန်းပစ်တယ်။ ကျနော်တို့ဖက်က အထိခိုက် မရှိဘူး” ဟု အမည်မဖော်လိုသည့် ဒေသကာကွယ်ရေးတပ်ဖွဲ့ဝင်မှ ပြောသည်။
ဒီမနက် ၁၀း ၀၀ နာရီကျော်ခန့်တွင် ခြေလျှင်ဖြင့် ဖလမ်းသို့ပြန်လှည့်သွားသည့် ကစကစစ်သား (၄၀)နှင့် လူနာ (၁၅) တင်ဆောင်သည့် ကစကစစ်ကားလည်း လုံပီးကျေးရွာအနည်းတဝက်တွင် ပူးပေါင်းတိုက်ဖွဲ့များမှ ကြားဖြတ်ဝင်တိုက်ကာ ဖလမ်းမြို့သို့ ခရီးမဆက်နိုင်ဘဲ ပိတ်ဆို့နေကြကြောင်း သိရသည်။
ယမန်နေ့ညနေက ဟားခါးမြို့မှ စစ်ကူဖြင့် သွားသည့် ကစကစစ်သားများလည်း မြို့အထွက်တွင် ချင်းပူးပေါင်းတပ်ဖွဲ့များ တိုက်ခိုက်ခံရတာကြောင့် ခရီးမဆက်နိုင်ဘဲ ဟားခါးမြို့သို့ ပြန်လှည့်ကြောင်း သိရသည်။
အလားတူ ချင်းပြည်နယ်တောင်ပိုင်း မင်းတပ်မှ မတူပီသို့ သွားရောက်သည့် ကစကစစ်သားများလည်း (၁၀) မိုင်တွင် ချင်းဒေသကာကွယ်ရေးတပ်ဖွဲ့များနှင့် တိုက်ပွဲဖြစ်ပွားကာ ခရီးနားနေကြကြောင်းသိရသည်။ မတူပီမှ တက်လာသည့် ကစကစစ်သားများလည်း မတူပီအဆင်း လေမြိုချောင်းအနားတွင် ယမန်နေ့က CDF မတူပီအဖွဲ့နှင့် တိုက်ပွဲဖြစ်ပွားကာ ယင်းနေရာတွင် စကစစစ်သည်များ ယာယီစခန်းချ နေထိုင်ကြကြောင်း သိရသည်။ဟားခါးနှင့် ဖလမ်းကြားတွင် ပိတ်မိနေသော စကစစစ်သားများမှ Rialti ကျေးရွားအိမ်း (၁၃) အိမ်နှင့် ဘုရားကျောင်းမီးရှှို့ဖျက်စီးကာ Thlanrawn ရွာရှိ အိမ် (၁၀) ကျော်လည်း မီးရှို့ဖျက်စီးကြကြောင်းသိရသည်။

CDF-Matupi ရဲ့ သတိပေးချက်
17/10/2021

CDF-Matupi ရဲ့ သတိပေးချက်

အထွေထွေအုပ်ချုပ်ရေးဦးစီးဌာန CDM ဝန်ထမ်းများ အုပ်ချုပ်မှုကော်မတီ ဖွဲ့စည်းကြောင်း ကြေညာခြင်း ၂၀၂၁ခုနှစ်၊ ဖေဖော်ဝါရီလ(၁)ရက်...
17/10/2021

အထွေထွေအုပ်ချုပ်ရေးဦးစီးဌာန CDM ဝန်ထမ်းများ အုပ်ချုပ်မှုကော်မတီ
ဖွဲ့စည်းကြောင်း ကြေညာခြင်း
၂၀၂၁ခုနှစ်၊ ဖေဖော်ဝါရီလ(၁)ရက်နေ့မှစ၍ အကြမ်းဖက်စစ်တပ်မှ နိုင်ငံတော်အာဏာအား အဓမ္မနည်းဖြင့် ရယူသိမ်းပိုက်ခဲ့ပြီးနောက် ပြည်သူ့တော်လှန်ရေး၏ မောင်းနှင်အားတစ်ခုဖြစ်သော အကြမ်းမဖက် အာဏာဖီဆန်ရေးလှုပ်ရှားမှု ( CIVIL DISOBEDIENCE MOVEMENT ) ဆောင်ရွက် နေကြသည့် အထွေထွေအုပ်ချုပ်ရေးဦးစီးဌာန ဝန်ထမ်းများနှင့် အမျိုးသားညီညွတ်ရေးအစိုးရ၊ ပြည်ထဲ ရေးနှင့်လူဝင်မှုကြီးကြပ်ရေး ဝန်ကြီးဌာနတို့မှ အောက်ပါလုပ်ငန်းတာဝန်များကို ဆက်လက်အကောင် အထည်ဖော်ဆောင်ရွက်နိုင်ရန်အတွက် ညှိနှိုင်းအစည်းအဝေးကျင်းပပြီး “အထွေထွေအုပ်ချုပ်ရေး ဦးစီးဌာန CDM ဝန်ထမ်းများ အုပ်ချုပ်မှုကော်မတီ” အား ဖွဲ့စည်းလိုက်သည်။
(က) CDMဝန်ထမ်းများနှင့် ယင်းတို့၏ မိသားစုဝင်များအား ပြန်လည်စုစည်း၍ ဘေးကင်း လုံခြုံမှု ရှိစေရေး စီမံဆောင်ရွက်ရန်။
(ခ) CDMဝန်ထမ်းများနှင့် မိသားစုများအကြား ဖြစ်ပေါ်လာမည့် အခက်အခဲများကို ကူညီ ဖြေရှင်း ဆောင်ရွက်ပေးနိုင်ရန်။
(ဂ) CDM မပြုလုပ်ရသေးသောဝန်ထမ်းများအား CDM နှင့် Pre CDMများ ပြုလုပ်လာ စေပြီး မကြာမီ ကာလများတွင် အကောင်အထည်ဖော်မည့် ဖက်ဒရယ်ဒီမိုကရေစီ နိုင်ငံတော်အတွက် ပြည်သူဗဟိုပြု အုပ်ချုပ်ရေးစနစ်သစ်တစ်ရပ် ပေါ်ပေါက်လာစေ ရေး အထောက်အပံ့ကောင်းဖြစ်စေရန်။

17/10/2021

ကလေးမြိုတွင် အောက်တိုဘာ ၁၆ ည ၇း၀၀ နာရီဝန်းကျင်မှစ၍ MPT & Telenor ဖုန်းလိုင်းများ မရတော့ပါ။

MPT & Telenor phone lines had been cut off since Oct 16 at 7:00 PM.

14/10/2021

စစ်မြေပြင်အတွင်းမှဒေသခံများအားတိုက်တွန်းခြင်း
*********************************
လက်ရှိ ဒေသအတွင်း စစ်ရေးလှုပ်ရှားမှုအခြေနေတွေဟာ ဒေသခံ မြို့ပေါ်နေ၊ ကျေးလက်နေ အားလုံးအတွက် စိုးရိမ်ပူပန်စိတ်၊ ဒုက္ခဆင်းရဲခံ၊ သတ်ဖြတ်ခံ၊ အိမ်မီးရှုခံ စတဲ့ဒုက္ခဆင်းရဲမှုအမျိုးမျိုးခံကြရာတာ အလွန်ပင်ခက်ခဲလှပါတယ်။ ဒီ့အတွက်ကြောင့် တစ်ချို့ဒေသခံပြည်သူများမှလည်း ပြည်သူ့ကာကွယ်ရေးတပ်ဖွဲ့ PDF/CNF/CDF တွေကို အပြစ်ပုံချတာတွေ၊ သူတို့ကြောင့် ဒေသခံတွေဒုက္ခရောက်ရတယ်ဆိုတဲ့ပြောဆိုချက်တွေ၊ PDF/CNF/CDF တွေရှိရင် အကြမ်းဖက်စစ်တပ်တွေလာမယ်၊ တိုက်ပွဲတွေဖြစ်မယ် စတဲ့စတဲ့ ပြောဆိုချက်တွေ တွေ့မြင်ကြားသိနေရပါတယ်။ ဒေသခံပြည်သူလူထုကို အနူးအညွတ်တောင် ဆိုချင်ပါတယ်။ ဒီအာဏာရှင်အမြစ်ပြတ်ချေမှုန်းရေးတိုက်ပွဲဟာ နောက်ဆုံးအပြီးသတ်တိုက်ပွဲ (မို့) လိုသဘောထားပြီး ပြည်သူ့ကာကွယ်ရေးတပ်ဖွဲ့ PDF/CNF/CDF နှင့်အတူ လက်နက်ကိုင်မတော်လှန်နိုင်သည့်တိုင် ဖြစ်လာတဲ့ ဒုက္ခအခက်ခဲ ဆင်းရဲမှုတွေအားလုံးကို မညည်မညူ ကြံ့ကြံ့ခံ သည်းငီးခံကြရအောင်လို့ အထူးမေတ္တာရပ်ခံ အားပေးတိုက်တွန်းလိုပါတယ်ခင်ဗျာ။

၁၄၊ ၁၀၊ ၂၀၂၁

12/10/2021

အကြမ်းဖက်စစ်ကောင်စီတပ် စစ်ယာဥ်တန်း တသီတတန်းကြီးဟာ တော်လှန်ရေးကာလအတွင်း အန္တရာယ်များတဲ့လမ်းပိုင်း စာရင်းထဲပါလာတဲ့ ကလေးမြို့သို့သွယ်တန်းထားတဲ့ လမ်းမကြီးအတိုင်းဆန်တက်လာကာ အတားအဆီးမရှိ ကလေးမြို့ထဲသို့ လုံခြုံချောမွေ့စွာရောက်ရှိလာနိုင်ပါတယ်။ ထိုမှတစ်ဆင့် အချို့စစ်ယာဥ်တန်း (အစီး ၃၀ ဝန်းကျင်)ဟာ တီးတိန်မြို့သို့ အလည်အပတ်လည်း ရောက်ရှိသွားပြီး၊ ဖလမ်းမြို့ဖက်ကိုလည်း ဆက်လက်ခရီးနှင်လာရာ အောက်တိုဘာ (၁၀) ရက်ညမှာတော့ မဏိပူရ်မြစ် ဗားတံတားမရောက်မှီ လုမ်ဘမ်းရွာနားမှာ တစ်တောင့်တစ်ည အိပ်စက်အနာယူခဲ့ပါတယ်။ ပါးစပ်သတင်းအရ ၎င်းစစ်ယာဥ်တန်းဟာ ဟားခါး နဲ့ ထန်တလန်ဘက်သို့ ဦးတည်နေတယ်လို့ ကြားရပါတယ်။ ၎င်းစစ်ယာဥ်တန်းတွင် တင့်ကားများလည်းပါဝင်ကြောင်း ဒေသခံများမှဆိုပါတယ်။
တစ်ဆက်တည်းမှာဘဲ ကလေးမြို့တပ်မိသားစုများကို လေယာဥ်ဖြင့် အစုလိုက်ခေါ်ဆောင်နေတာတွေကို ဒေသခံများမှ တွေ့ရတဲ့အတွက် အကြမ်းဖက်စစ်တပ်ဟာ ကလေးမြို့ကို လုပ်ချင်ရာလုပ်တော့မလားဆိုပြီး တွေးပူနေကြပါတယ်။
၁၂၊ ၁၀၊ ၂၀၂၁

12/10/2021

အကြမ်းဖက်စစ်ကောင်စီဟာ ပြည်သူတွေမှ PDF တွေအပေါ်အမြင်စောင်းအောင်အကြမ်းဖက်လုပ်ရပ်တွေ လုပ်ဆောင်နေ
*******************************
ဥပဒေအနှောင်အဖွဲ့မရှိတဲ့ အကြွင်းမဲ့အာဏာကို အကြမ်းဖက်စစ်ကောင်စီမှ လုပ်ချင်ရာလုပ်ခွင့်ပေးထားတဲ့ တပ်သားတွေဟာ လူစိတ်ပျောက်နေတဲ့လူတစ်စုသာဖြစ်တဲ့အတွက် သူတို့မှာ စည်းမရှိသလို ခံစားချက်လည်းမရှိပါဘူး။ PDF အနေနဲ့ သူတို့နဲ့
ရင်ဆိုင်ရတာ မလွယ်လှပါဘူး။ PDF တွေအနေနဲ့က ပြည်သူလူထုရဲ့ အသက်၊ အိုးအိမ် တွေကို ကာကွယ်ဖို့တာဝန်ရှိတယ်။ ပြည်သူလူထု ထိခိုက်မှုအနည်းဆုံးဖြစ်အောင် စစ်ပွဲကို စင်နွဲရမယ်။ တချို့နေရာမှာ ပြည်သူလူထုရဲ့ အသက်၊ အိုးအိမ် တွေကို စဥ်းစားပေးရတဲ့အတွက် သက်သက်ညှာညှာ လုပ်ရတဲ့အပိုင်းတွေရှိတယ်။ တပ်ဆုတ်ပေးရတဲ့ အပိုင်းတွေရှိတယ်။ အဲဒါတွေကို အခွင့်ကောင်းယူပြီး လူစိတ်ပျောက်စစ်တပ်က ပြည်သူတွေရဲ့ အသက်၊ အိုးအိမ် တွေကို လုပ်ချင်ရာလုပ်ပါတော့တယ်။ ပျောက်ကျားစနစ်နဲ့ တိုက်ယူရတဲ့ စစ်ပွဲမှာ ပြည်သူတွေရဲ့ အသက်၊ အိုးအိမ် တွေကို အကာအကွယ်ပေးဖို့ဆိုတာ အင်မတန်ခက်ခဲ့တဲ့အရာပါ။ ကနီ၊ မြင်သား၊ ထန်တလန် နဲ့အခြား‌ဒေသတွေမှာ စသည်တို့မှာလုပ်သွားခဲ့တဲ့ လုပ်ရပ်တွေဟာ လူစိတ်ပျောက်တဲ့ စစ်အုပ်စုမှ လုပ်ချင်သလိုလုပ်သွားပြီး တစ်ဖက်လှည့်နဲ့ ပြည်သူတွေက PDF အပေါ် သူတို့ကြောင့်ဖြစ်သွားရတဲ့အခြေနေမျိုးဖြစ်အောင်လုပ်ဆောင်နေပါတယ်။

အောက်တိုဘာလ ၁၂၊ ၂၀၂၁

12/09/2021

အကြမ်းဖက်စကစရဲ့မြေအောက်ဆက်သွယ်ရေးကွန်ယက်
**********************************
ပြည်သူ့ကာကွယ်ရေးတပ်များအနေနှင့် မိုင်တဲလ် တာဝါတိုင်များအပြင် အကြမ်းဖက်စစ်တပ်ရဲ့ မြေအောက်ဆက်သွယ်ရေး ကွန်ယက်ကိုပါ တိုက်ခိုက်သင့်ပါတယ်။ တာဝါတိုင်များဖျက်စီးတာဟာ အကြမ်းဖက်စစ်တပ်ရဲ့ စီးပွားရေးကိုထိခိုက်စေနိုင်သလို၊ မအလရဲ့ စီးပွားကိုလည်း ထိခိုက်စေနိုင်ပါတယ်။ ဒါပေမယ် အကြမ်းဖက်စကစရဲ့ ဆက်သွယ်ရေးကို မထိခိုက်စေပါ။ တော်လှန်ရေး အရှိန်တွေပိုမြစ်လာတဲ့အချိန်ကျရင် အကြမ်းဖက်စစ်တပ်က ဆက်သွယ်ရေးအားလုံးကို ဖျက်တောက်လာနိုင်ပါတယ်။ ဒါပေမယ့် အကြမ်းဖက်စစ်ကောင်စီက သူ့တို့ရဲ့မြေအောက်ဆက်သွယ်ရေးကွန်ယက်ကိုအသုံးပြုပြီး ပုံမှန်ဆက်သွယ်ရေး ရှိနေပါလိမ့်မယ်။ အကြမ်းဖက်စစ်တပ်ရဲ့ မြေအောက်ဆက်သွယ်ရေးကွန်ယက်ကို သေချာလေ့လာပြီး တိုက်ခိုက်သင့်ပါတယ်။

စက်တင်ဘာ ၁၂၊ ၂၀၂၁

12/09/2021

D-Day ခေါ်ခြင်းကို လုံးဝ ‌ထောက်ခံ ကြိုဆိုပါသည်
*****************************
NUG အစိုးရမှ မှ D-Day ခေါ်လာတာနှင့်မရှေးမနှောင်းမှာတင် အနောက်အုပ်စုအဖွဲ့တွေက အကြမ်းဖက်နည်းနဲ့ဖြေရှင်းတာကို မထောက်ခံကြောင်း ဖွင့်ဟလာတာဟာ လုံးဝ အံ့သြဖွယ်မရှိပါ။ လူ့အခွင့်ရေး၊ ငြိမ်းချမ်းရေး နှင့် ဖွဲ့ဖြိုးရေးကို နှစ်ပေါင်းများစွာ ပိုင်ဆိုင်ထားတဲ့ နိုင်ငံအားလုံးက အကြမ်းဖက်နည်းနဲ့တုံ့ပြန်တာကို ကန့်ကွက်မှာဘဲ။ ဘာကန့်ကွက်မှုမှ မလုပ်ဘဲ ငြိမ်နေမှသာ အံ့သြစရာ၊ မေးခွန်းထုတ်စရာဖြစ်လာမှာပါ။ အဲဒါကြောင့် ပြည်သူလူထုအနေနဲ့ အနောက်အုပ်စုရဲ့ ကန့်ကွက်မှုတွေအပေါ် “တို့ကို မထောက်ခံတော့ဘူးလား” ဆိုပြီး စိုးရိမ်စရာလုံးဝမရှိပါ။ သူတို့အလုပ် သူတို့လုပ်သွားတာပါ။ တရုတ်ကြီးကသာ သာကူးလုပ်ဖို့ပြင်ဆင်နေပါပြီ။

စက်တင်ဘာ ၁၂၊ ၂၀၂၁

Address

Webula, Falam, Chin State
Webula
02091

Website

Alerts

Be the first to know and let us send you an email when Webula Page posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Webula Page:

Shortcuts

Share

Category