What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00

Devoship Journal

Home
Myanmar
Yagon
Devoship Journal

Myanmar Christian Journal Devoship Journal is one of the Myanmar Christian Journal started in COVID-19 period.

13/04/2025

ချစ်ခြင်းရဲ့ ပြယုဂ် (စုပေါင်းကဗျာ)
တန်ဖိုး - ၁သောင်းကျပ်
မိမိ အဆင်ပြေသည့်နေရာတွင် ပေးလှူနိုင်ပါသည်
ပေးလှူနိုင်သည့် နေရာ (link) - https://shorturl.at/EkfTt
Note နေရာတွင် "ချစ်ခြင်းရဲ့ ပြယုဂ် (စုပေါင်းကဗျာ) - ငလျင်ဘေးကူညီရေး" ဆိုပြီးတော့ ရေးသားပေးပါရန်
ရေးသားပြီးပါက Receipt (or) အထောက်အထားကို မိမိဝယ်ယူထားသည့်နေရာတွင် ပြန်လည်ပြသကြပါရန်

ကလောင်ရှင်စာရင်း
- B2L
- ကျဲရ်
- သခင့်ကြယ် (TMJZ)
- စောကိုကို
- J.D Paw
- ကီးကီး
- သရေး
- Stallone (PYAPON)
- ကိုနိုင် (ဖန်ခါးမြေ)
- လိုင်ဂျီယာ
- စောယုမိုး
- ဆလိုင်းနံရံ
- သော်ဖိလု
- Lian Sian Thang
- ဗေ (လားရှိုး)
- စရဲ

“ချစ်ခြင်းရဲ့ ပြယုဂ်” (စုပေါင်းကဗျာ) စာအုပ်သည် eBook (PDF ပုံစံ) ဖြင့် ထုတ်ဝေထားသော ခရစ်ယာန်-ကဗျာစာအုပ်တအုပ်ဖြစ်သည်။ ၂၀၂၅ ခုနှစ်၊ မတ်လ ၂၈ ရက်နေ့က စစ်ကိုင်းတိုင်းဒေသကြီးအနီးတွင် ဗဟိုပြုခဲ့သော အင်အား ၇.၇ MMရှိ မြေငလျင်ကြောင့် ယိုယွင်းခဲ့ရသည့် နေရာများကို ပြန်လည်ထူထောင်ရန် ရည်ရွယ်၍ ဤကဗျာစာအုပ်ကို ထုတ်ဝေရောင်းချပြီး ရရှိလာသော အဖိုးအခဖြင့် ထောက်မကူညီနိုင်ရန် စီစဉ်ထားခြင်းဖြစ်သည်။
၂၀၂၁ ခုနှစ်၊ ဩဂုတ်လ ကိုဗစ်ကပ်ဘေးတွင်လည်း “အသက်မြစ် ဒုရာ” (စုပေါင်းကဗျာ) စာအုပ်ကို eBook (PDF ပုံစံ)ဖြင့် ထုတ်ဝေခဲ့ဖူးပြီး မြန်မာနိုင်ငံရှိ
ကိုဗစ်၊ ကပ်ဘေးဒုက္ခသည်များကို ကဗျာစာအုပ်က ရရှိသော အကျိုးအမြတ်ဖြင့် အားပေးထောက်မ ကူညီမှု ပေးနိုင်ခဲ့သည့် မြန်မာ-ခရစ်ယာန်-စာပေလှုပ်ရှားမှုတရပ်ဖြစ်ခဲ့သည်။

Devoship Journal Message Box တွင် ချစ်ခြင်းရဲ့ ပြယုဂ် (စုပေါင်းကဗျာ)ကို ဝယ်ယူနိုင်ပါသည်
ကလောင်ရှင်များထံတွင်လည်း ဝယ်ယူရရှိနိုင်ပါသည်

#ချစ်ခြင်းရဲ့ပြယုဂ်
#စုပေါင်းကဗျာ #ခရစ်ယာန်ကဗျာ #မြန်မာနိုင်ငံ_ငလျင်ကူညီရေး
#မြန်မာ_ခရစ်ယာန်_စာပေ_လှုပ်ရှားမှု

02/04/2025

မြန်မာပြည် ငလျင်ဒဏ်သင့် Christian Institution များအတွက် အကြံပြုလွှာ

ငလျင်ကြောင့် ပျက်စီးဆုံးရှုံးသွားသော အဆောက်အအုံ၊ ပစ္စည်း၊ အဖိတ်အစင်၊ ဆုံးရှုံးမှု၊ ဒဏ်ရာရမှုများကို မှတ်တမ်းဓာတ်ပုံနှင့်တကွ စာရင်းဇယားများကို ခိုင်မာတိကျစွာ ပြုစုရန်လိုအပ်သည်။ အဆိုပါမှတ်တမ်းသည် Institution နှင့်သက်ဆိုင်သော တိကျသေချာသည့် သမိုင်းကြောင်းအဖြစ် မှတ်တမ်းဝင်နေမည်ဖြစ်ပြီး လူမှုစီးပွား အထောက်အပံ့ ရယူရာတွင်လည်း ကုံလုံသော အထောက်အထားပြသနိုင်မည်ဖြစ်သည်။ လျော်ကန်သင့်မြတ်သော ထောက်ပံ့မှုမျိုးကိုသာ ရယူခြင်းသည် Christian Institution တိုင်း (မဖြစ်မနေ) ကျင့်ဆောင်သင့်ပေသည်။
သင်းဝင်များ၏ ကျန်းမာရေး၊ လူမှုစီးပွားနှင့် ပညာရေးအခြေအနေများကိုလည်း မှတ်တမ်းပြုစုထားသင့်ပေသည်။ ဝိညာဉ်ရေးရာ အားနည်းနေသည်လော၊ ခန္ဓာရေးရာ အားနည်းနေသည်လော၊ စိတ်ကျန်းမာရေး ပြဿနာဖြစ်နေသည်လော။ အနာနှင့်ဆေး တွဲစပ်ရန် လိုအပ်သည် မဟုတ်တုံလော။

DVS

01/04/2025

မြန်မာပြည် ငလျင် ဘေးသင့်ဒေသများအတွက် အကူအညီပေးနေသော Christian Institution များ

(ဧပြီ၇)
Volunteer (English-Myanmar)
Social Support - https://www.facebook.com/share/p/191WpEPcaM/

Maranatha Fellowship
Financial Support - https://www.facebook.com/share/p/12GpY9Mttxk/

Myanmar Fellowship of Evangelical Students (MFES)
Social Support - https://www.facebook.com/share/p/1Yu7Gq6usL/

(ဧပြီ၅)
Bethany IPC
Financial Support - https://www.facebook.com/share/p/12HkLVktjpc/

Paradise Church Mandalay
Social Support - https://www.facebook.com/share/p/1YQ357ScPJ/

(ဧပြီ၄)
Zomi Baptist Convention of Myanmar-ZBCM Kalaymyo
Financial and Social Support - https://www.facebook.com/share/p/1BTFtRPnzX/

Myanmar Baptist Churches Union (MBCU)
Financial and Social Support - https://www.facebook.com/share/p/15b5sS2Ao9/

Pathein-Myaungmya Pwo Kayin Baptist Association
Financial Support - https://www.facebook.com/share/p/1BaX9wimQh/

K Brothers Company Limited
Building Check - https://www.facebook.com/share/p/1Fd6NU2C5e/

(ဧပြီ၃)
Jonathan
Financial Support (Artwork Selling) - https://www.facebook.com/share/p/1AMtDWBDVM/

Waves of Grace
Financial Support - https://www.facebook.com/share/p/18rSSXofFs/

L4V
Financial Support - https://www.facebook.com/share/p/19BegkCWER/

(ဧပြီ ၂)
Earth Mission
Medical and Social Support - https://www.facebook.com/share/p/166pp2q33E/

Divine Ministry
Social Support - https://www.facebook.com/share/p/1C28b3enUE/

Myanmar Worship Ministries International Ltd
Prayer and Social Support - https://www.facebook.com/share/v/1AdP27xnkW/

Catholic Bishops' Conference of Myanmar (CBCM)
Social Support - https://www.facebook.com/share/p/16Bp11499P/

The Bible Society of Myanmar
Social Support - https://www.facebook.com/share/p/1FJ5sRTyiJ/

FGA - Kachin၊Myanmar
Social Support - https://www.facebook.com/share/p/1AB6RTc36T/

Artist Ram ZetArt
Social Support (Artwork Selling) - https://www.facebook.com/share/p/19HfjepvhF/

Lisu Theological Seminary of Myanmar
Financial Support - https://www.facebook.com/share/p/18r7JkiEeU/

Myanmar Prayer Committee
Prayer and Financial Support - https://www.facebook.com/share/p/19WCL2NrAh/

Artist Pau Za Langh
Social Support (Artwork Selling) - https://www.facebook.com/share/p/1BnCasLbbv/

MT25 Caring Team & KTCS Alumni Association (Myitkyina, Kachin State)
Financial Support - https://www.facebook.com/share/p/1GuvszMGnt/

Baptist World Alliance
Prayer, Financial and Social Support - https://www.facebook.com/share/p/1Hs3KD6Lqe/

Artist Maria Ei Zar
Social Support (Artwork Selling) - https://www.facebook.com/share/p/1Dn6GB3KM7/

Arterest MC Lian
Social Support (Artwork Selling) - https://www.facebook.com/share/p/15wYFGqhqH/

မြန်မာနိုင်ငံ ပိုးကရင် နှစ်ခြင်းခရစ်ယာန် အဖွဲ့ချုပ်
Financial Support - https://www.facebook.com/share/p/1A9MiDDGr4/

ကေဘီစီ လူမှုကူညီရေးအသင်း (ရန်ကုန်ကရင်နှစ်ခြင်းသာသနာ)
Financial and Social Support - https://www.facebook.com/share/p/12FMP2NhMuT/

ကယ်ခိုဂယ်ဘားသာသနာနယ် ဂရုဏာမေတ္တာလူမှုကူညီရေးအဖွဲ့
Social Support - https://www.facebook.com/share/p/1BnNQAiAGp/

Pwo Karen M'sia
Financial Support - https://www.facebook.com/share/p/17bvbNhcQz/

(ဧပြီ ၁)
Mu-Se Disciple Church
Financial Support - https://www.facebook.com/share/p/16EakbS6mc/

Believers Church Myanmar (Gospel for Myanmar)
Social Support - https://www.facebook.com/share/p/1X122sKWrp/

KBC (Kachin Baptist Convention)
Financial Support - https://www.facebook.com/share/v/1AUh5nadbA/

မြန်မာနိုင်ငံ ခရစ်ယာန် အသင်းတော် (အင်္ဂလီကန်)
Financial Support - https://www.facebook.com/share/p/12Gpt8udVzw/

Bless Myanmar
Financial & Social Support - https://www.facebook.com/share/p/18YixFH5yw/

Franklin Graham
Prayer & Social Support - https://www.facebook.com/share/p/16GKmB7DBY/

YCF NCM
Social Support - https://www.facebook.com/share/p/1BokDeTRH4/

Artissmile Art Gallery
Social Support - https://www.facebook.com/share/1EK9d182pp/

သုခုမပန်းချီ
Financial Support - https://www.facebook.com/share/15Q8zgqqYz/

မေတ္တာရဲ့အစေခံ အခမဲ့ နာရေးကူညီမှုနှင့် လူမှုကူညီရေးအသင်း
Social Support - https://www.facebook.com/share/p/1Buv799Xzy/

Singapore ရောက် မြန်မာယုံကြည်သူများ
Financial Support - https://www.facebook.com/share/p/1JAvwS2Vre/

Yang Nai,-2 COC
Financial Support - https://www.facebook.com/share/p/1MBXfu98J7/

UMungTawng Foundation-FGA
Financial Support - https://www.facebook.com/share/p/15F26A7Vjs/

Zomi Refugee Committee
Financial Support - https://www.facebook.com/share/1LUUkUng5j/

NSC Group (USA)
Financial Support - https://www.facebook.com/share/p/1D3GvvLVYE/

Naga Baptist Convention
Financial Support - https://www.facebook.com/share/p/18osRHJW6S/

Love Christian Church
Financial and Social Support - https://www.facebook.com/share/p/18fc86hrLA/

Pwo Kayin Theological Seminary
Prayer and Social Support - https://www.facebook.com/share/p/1BwzjYBxzv/

Narma Daw Art Gallery (Khual Pi Art - Artwork)
Financial Support - https://www.facebook.com/share/1Mxf4JGvWC/

Zomi Baptist Churches Of America-ZBCA
Prayer and Financial Support - https://www.facebook.com/share/p/162Thi8SeA/

Chin Christian Alliance (CCA)
Financial Support - https://www.facebook.com/share/p/1AKfi91yia/

The Foursquare Gospel Church of Myanmar
Social Support - https://www.facebook.com/share/p/1Dz7Gx2rh7/

Mandalay Diocese (Anglican)
Financial Support - https://www.facebook.com/share/p/1BhtXBGwPg/?mibextid=wwXIfr

CLS Ministries
Social Support - https://www.facebook.com/share/p/1AShMCTLaN/

Care and Counseling project, MIT
Financial and Psysocial Support - https://www.facebook.com/share/p/1DaLk7AAic/

MZCYF
Volunteer - https://www.facebook.com/share/p/1ABjPNP87R/

(မတ် ၃၁)
မလေးရှားရောက် ဇိုမီးများ
Financial Support - https://www.facebook.com/share/p/1BP53NP6Mm/

မက်သဒစ် - အထက်
Social Support - https://www.facebook.com/share/p/163PNftNGz/

Grace Worship Center - Myanmar
Financial Support - https://www.facebook.com/share/p/16Fra77iin/

Myanmar Institute Of Theology
Financial Support - https://www.facebook.com/share/p/1Ksw2orS2f/

Chin Baptist Church - Yangon
Prayer and Financial Support - https://www.facebook.com/share/p/1E1dCAwFiz/

Jesus Glory Revival Ministry
Social Support - https://www.facebook.com/share/p/1Adm9anVkV/

Mercy Hand
Social Support - https://www.facebook.com/share/p/1MvQdogVap/

The Wise Believers
Financial Support - https://www.facebook.com/share/p/1CEa9NWTPt/

ရှမာရိ ခရစ်ယာန်လူမှုကူညီရေးအဖွဲ့
Financial Support - https://www.facebook.com/share/p/1NQYRe1Ew1/

Corner Stone Community Church Yangon
Financial Support - https://www.facebook.com/share/p/16NmHB1RQL/

Myanmar Baptist Convention
Social Support - https://www.facebook.com/share/1EeSR6rVL3/

5k4SCM Club
Financial Support - https://www.facebook.com/share/p/1Ahjt9C8QB/

(မတ် ၃၀)
Myaw Lint Yar - Hope
Social Support - https://www.facebook.com/share/p/1RHtkt4Y5k/

မြန်မာနိုင်ငံ AG
Social Support - https://www.facebook.com/share/p/18vmyEUTmT/

Fundraising for the victims of the earthquake in Burma (Myanmar) - Malaysia
Financial Support - https://www.facebook.com/share/p/15zqX6Ze5w/

Myanmar YMCA
Social Support - https://www.facebook.com/share/p/1BSykhbJJh/

Toungoo Miracle Makers Church
Social Support - https://www.facebook.com/share/p/1AQzmsVt9u/

CBN Myanmar
Social Support - https://www.facebook.com/share/p/18QmvML8Wp/

စာရေးဆရာမ မုတ်သုန် (စစ်ကိုင်း)
Social Support - https://www.facebook.com/share/p/15amMszXSv/

Lisu Refugee Committee
Financial Support - https://www.facebook.com/share/1ERifZHbAA/

HCC-Myanmar (Tachileik)
Financial Support - https://www.facebook.com/share/p/1BLjBXyQ68/

L.A.P Students Council , MIT
Financial Support - https://www.facebook.com/share/p/19NKPE1b6P/

CMC ရှမ်းချောင်း အသင်းတော် (မြိတ်)
Social Support - https://www.facebook.com/share/16HRDZE4LW/

(မတ် ၂၉)
Methodist Church (Lower)
Social Support - https://www.facebook.com/share/p/18brz9DVdM/

Shekinah Prayer Mountain (Maymyo)
နေရာထိုင်ခင်း - https://www.facebook.com/share/p/1E3pbQzRMP/

Doctor & Nurse (Volunteer)
Medical Support - https://www.facebook.com/share/p/1D7SsFGgEV/

Artist Khual Pi
Social Support (Artwork Selling) - https://www.facebook.com/share/p/1C6UdNSzTq/

ကဗျာစာအုပ်
Social Support - https://www.facebook.com/share/v/1LDrAuswgn/

Shamayim Ministries
Social Support - https://www.facebook.com/share/p/155SLP1Soq/

မှတ်ချက်
၁။ မည်သူမဆို လွတ်လပ်စွာ ကူးယူနိုင်ပါသည်။
(မှတ်တမ်းပြုစုခြင်းနဲ့ အားပေးထောက်မလိုသူအတွက်)
၂။ မူရင်းပို့(စ)တွင် အချိန်နဲ့အမျှ Update ပြုလုပ်နေမည်ဖြစ်သည်။
၃။ Copy - Paste ပြုလုပ်ပါက Data Lost နိုင်သည်။ မူရင်းပို့(စ)ကိုသာ Share ပြုလုပ်ပေးကြပါရန်။

မှတ်တမ်းပြုစုသူ - Selah O (DVS)
Google Sheet - https://shorturl.at/Ab8YQ

မူရင်းပို့(စ) - https://shorturl.at/6uT5l

#အားပေးထောက်မခြင်း #ခရစ်ယာန်များ၏_ငလျင်ဘေးဒဏ်အကူအညီ

27/03/2025

အသက်ထက် ဘာမြတ်သလဲ?

ခေတ်ပျက်လို့ရွှေဝယ်စုမယ်၊
တော်ကြာနေ ဒေါ်လာငွေတက်မယ်နဲ့
အမြတ်ကျန် တွက်‌ချေကိုက်လေမလား
ထောက်ချင့်ကာကြံ

နောက်မျိုးဆက် ရည်ရွယ်ချက်တသီတန်းနဲ့
မြေစုမယ် လုလို့ရယ်ဝယ်ကြလည်း
နှုတ်တဆိတ်
မျက်တမှိတ်မှာ အိုလိပ်ပြာစင်ကာလွင့်ခဲ့ရင်
ထိုစည်းစိမ် ပုံကာပေးပါလည်း
ကူးတို့ရယ် တက်စီးကားနှယ် အငှားသယ်လို့
လူ့ပြည်သို့ သင် ပြန်မရောက်လာနိုင်ဘု သတိချပ်စေချင်။

ရုပ်နဲ့နာမ် ဒီခန္ဓာဝယ် အတူယှဉ် မရှိကြတော့ရင်
နာမ်ဖြစ်တဲ့သင့်ဝိညာဉ် ဘယ်ရောက်မည် သင်ထင်ပါလိမ့်။

သေခြင်းရဲ့အလွန် နောင်တမလွန်က
နိစ္စထာဝရ မဆုံးသောထိုကာလမှာ
အပ္ပါယ်သို့လား ကောင်းကင်လား။

ယေရှုကိုယုံ၊ ဘဝကို ပုံက
ငရဲသို့မလား၊ အထက်သို့သွား၏။

လောကီစည်းစိမ် မမြဲဂုဏ်သိမ်အတွက်
အပြေးအလွှားရုန်းကန်ငြားလည်း
ထာဝရအရေး မျှော်ကာတွေးရင်
သင့်ရဲ့အသက်ထက် ဘာပိုမြတ်သလဲ။

Acacia

Youtube Link - https://www.youtube.com/watch?v=45Zkbo0Lg5M
(Burmese Subtitle နှိပ်ရန်)

#ခရစ်ယာန်အက်ဆေး

04/02/2025

အမှောင်ထဲက အလင်းစ

ကျနော်ထင်ပါတယ်။ ကားလို့(စ)က ယောက်ျားလေးတိုင်း ရှိသင့်တဲ့ အစ်ကိုမျိုး။ သူ့ထက် အသက်ပိုကြီးတဲ့ ကျောင်းသားတွေကြားမှာ ထင်ပေါ်တယ်။ ကျောင်းစင်္ကြံလမ်းတွေမှာ ကျနော့်ကို တွေ့ရင် လက်ဝှေ့ယမ်းပြလေ့ရှိပါတယ်။ ခင်မင်ဖော်ရွေတဲ့သဘော။ ကျနော့်ကို ရန်စတဲ့သတင်းများ ကြားလိုက်ရင် 'ငါ့ညီကို မထိနဲ့'ဆိုတဲ့ အကြည့်နဲ့ အနိုင်ကျင့်တဲ့သူကို မင်သေသေနဲ့ စိုက်ကြည့်လေ့ရှိတယ်။ ကျောင်းဘောလုံးအသင်းအပြင် နပန်းအသင်းမှာလည်း အသင်းဝင်ထားတာ သူ့ကို ဘယ်သူမှ ရန်မစရဲကြပါဘူး။

ကျနော့်မကောင်းကြောင်း ဂျော်ဂျီစကင်လန် သွားပုပ်လေလွင့်ပြောလိုက်တာကို ပြန်ကြားရဖို့ ရက်သတ္တပတ် ကြာပါတယ်။ အတန်းဖော်တွေရဲ့ အကြည့်ကို သတိထားမိတာ ကြာပါပြီ။ ပေမယ့်လည်း အကြောင်းရင်းကို အတပ်မသိခဲ့ပါဘူး။ အကြောင်းရင်းကို သေချာသိလိုက်ချိန်မှာတော့ 'ဘာလို့ ဒီလိုလုပ်တာလဲ'ဆိုရုံမျှနဲ့ လျှော်သွားပါတယ်။ ဂျော်ဂျီကတော့ စပ်ဖြဲဖြဲနဲ့ ပုခုံးတွန့်ပြပါတယ်။

ဘယ်က ဘယ်လို ကားလို့(စ) ကြားသိသွားတယ်မသိ။ တမနက် မနက်စာစားဖို့ ပြင်နေတုန်း ကားလို့(စ) ကျနော့်ဆီပေါက်ချလာပါတယ်။ စားပွဲမှာ မထိုင်ခင်လေး ကားလို့(စ) ကျနော့်ကို သိုင်းဖက်ပါတယ်။ 'ဂျူလီယို' သူ စကားစတယ်။ 'ဂျော်ဂျီ စကင်လန်ဖွတဲ့ကိစ္စကို ဘာလို့ ငါ့မပြောတာလဲ။ ဒါတွေက မင်းအကြောင်းမှာမဟုတ်တာ။ အဲဒီ သွားပုပ်လေလွင့်စကားတွေကနေ မင်းကို ငါ ကာကွယ်ပေးနိုင်တယ်လေကွာ။''ကိစ္စကြီးလည်း မဟုတ်ပါဘူး။ စကားလုံးသက်သက်ပါပဲ အစ်ကိုရာ။' ကျနော် ဖြေလိုက်တယ်။ တကယ်တော့ ကားလို့(စ)ကို ဖြီးလို့ မရပါဘူး။ မျက်ဝန်းအိမ်က မျက်ရည်တွေ ခပ်မြန်မြန် ညှစ်ထုတ်လိုက်တာ သူ မြင်တယ်လေ။

မျက်ဝန်းအိမ်က မျက်ရည်တွေ ခမ်းခြောက်စပြုချိန် ရက်အနည်းငယ်အကြာမှာ ဂျော်ဂျီ ကျနော့်ဆီလာပြီး လုပ်ကြံလီဆယ်ပြောဆိုမိတာတွေအတွက် ခွင့်လွှတ်ဖို့ရန် တောင်းပန်စကားဆိုပါတယ်။ လူတိုင်းကို အမှန်ပြန်ပြင်ပြောဖို့လည်း ကတိခံသွားပါတယ်။ ဒီလိုနဲ့ ကျနော့်အတန်းဖော်တွေရဲ့ ခင်မင်ရင်း ဆက်ဆံရေးကို ပြန်လည်ရရှိလာပါတော့တယ်။ တကယ်တော့ ကားလို့(စ)က ဂျော်ဂျီ့ကို ဘာလုပ်ခဲ့တယ်ဆိုတာ ကျနော် အတပ်သိတာမှ မဟုတ်တာ။

အိမ်ပြန်ရောက်တော့ ကားလို့(စ)ကို ကျေးဇူးစကား ဆိုလိုက်ပါတယ်။ သူကတော့ ပခုံးတွန့်ပြပြီး "ဒါ ငါ့တာဝန်လေ ဂျူလီယို။ အစ်ကိုတွေ လုပ်ရမယ့်တာဝန်။ မင်း မပြည့်စုံတာ ငါသိပါတယ်ကွာ။ ဒါပေမယ့် မင်းမကောင်းကြောင်းကို ငါရှိနေသ၍ ဘယ်သူမှ ပြောလို့မရဘူးကွ။" တည်တည်ငြိမ်ငြိမ်နဲ့ ကားလို့(စ)။ သူ စကားဆက်ပြောတယ်။ "နားထောင် ဂျူလီယို။ နောက်နှစ်ဆို ငါ ကောလိပ်မှာ ရှိနေမှာ။ ဂျော်ဂျီလိုကောင်တွေကို ကိုင်တွယ်ဖို့ ငါ ဒီမှာရှိနေနိုင်မှာ မဟုတ်တော့ဘူးကွ။ အဲဒီကောင်ကို ဘူလီလုပ်ချင်တဲ့ကောင်တွေက အမြဲတမ်း ရှိနေမှာပဲ။ ဒါကြောင့် နားထောင်။ မင်းကို ကာကွယ်ပေးမယ့် အစ်ကိုတယောက်ရှိတာ လုံခြုံမှုရှိတယ်လို့ မင်း ထင်နိုင်တယ်။ ဂျူလီယို... မင်းကို လုံခြုံအောင် ထားပေးနိုင်တဲ့အတွက်လည်း ငါ ဝမ်းသာပါတယ်။ ဒါပေမယ့် မင်း ဒုက္ခရောက်တဲ့အချိန်မှာ ငါ့ထက် ပိုပြီးကာကွယ်ပေးနိုင်တဲ့သူကို သိဖို့ ပိုအရေးကြီးတယ်ကွ။"

"ယေရှုမလား။"
"အေးကွ... ဂျူလီယို။ ယေရှုက မင်းကို အမြဲတမ်း ကာကွယ်ပေးနေမှာကွ။ ငါ ကောလိပ်တက်နေတုန်း မင်းကို သူအချိန်ပြည့် စောင့်ရှောက်ပေးနေမှာ။"

"ကားလို့(စ)။ ယေရှု ငါ့ကို ချစ်တာ သိပါတယ်။ ဒါပေမယ့် ဘူလီလုပ်တဲ့သူတွေကို ဘယ်လိုကိုင်တွယ်ရမယ်ဆိုတာ ငါ့ကို မင်းမသင်ပေးနိုင်ဘူးလား။ ယေရှုရဲ့ ချစ်ခြင်းမေတ္တာက ဘယ်သူ့ကိုမှ ရိုက်နှက်နေမှာတော့ မဟုတ်ဘူးလေ။"
"ငါလည်း ဘယ်သူ့ကိုမှ ရိုက်နှပ်မနေပါဘူး ဂျူလီယို။"

"လျှောက်ပြောနေတယ်။ ငါ့ကို အနိုင်ကျင့်တဲ့ကောင်ကို မရိုက်ဘူး ဟုတ်စ ကားလို့(စ)။"
"မရိုက်ပါဘူးဟ ဂျူလီယိုရ။ ငါ အဲဒီကောင်လေးဆီသွားပြီး လီဆယ်လုပ်ကြံတဲ့စကားက ဘယ်လောက်ညစ်ပတ်တယ်ဆိုတာ သွားရှင်းပြတာပါကွာ။ အကျင့်ယုတ်တဲ့သူကိုတောင် ယေရှုက ချစ်တယ်ဆိုတာလည်း ပြောပြလိုက်သေးတယ်။ ဆုတောင်းလည်း အတူတောင်းကြသေးတာပေါ့ကွာ။"

"ဂျော်ဂျီစကင်လန်နဲ့။ အဲဒီ တခြားကောင်နဲ့ ဆုတောင်း...။ တကယ်... ကားလို့(စ)။"
"တကယ်။"

"နေဦး နေဦး။ ဒီအကြောင်း ငါ ခဏစဉ်းစားကြည့်လိုက်ဦးမယ်။"
"ဂျူလီယို... ငါ့ကို လူကြမ်းကြီးတယောက်လို့ ထင်နေတာပေါ့။ အေးပေါ့... ငါကလည်း နပန်းသတ်တာကိုး။ နပန်းသတ်တယ်ဆိုတာ လူတွေကို ရိုက်နှက်တာမျိုးတော့ မဟုတ်ဘူး။ ကြိုးဝိုင်းအပြင်မှာ ကြပ်တယ်ဆိုတာလည်း စကားလုံးသက်သက်နဲ့ကွာ။ ငါ့အတွက် တကယ့်အကာအကွယ်ဆိုတာ ဘုရားသခင်ဆီက လာတာ။ မင်းကိုလည်း အဲဒီလိုပဲ ဖြစ်စေချင်တယ်။ ငါကောလိပ်တက်နေတုန်း မင်းကို ဘုရားသခင်ဆီမှာ အကွယ်အကာယူစေချင်တယ်... ငါ့ညီ။'

ကားလို့(စ)ရဲ့ သဘောထားအမြင်၊ ဘဝထွေထွေ မေးခွန်းတပွေနဲ့အတူ အမှောင်ထဲ တိုးဝင်လိုက်ပါတယ်။ ယေရှုကို ယုံပါတယ်။ ယေရှုပါဝင်တဲ့ ကျနော့်ဇာတ်ထုပ်ကိုတော့ ဓမ္မဓိဌာန်ကျကျ ပြန်သုံးသပ်ရမယ်။ ယေရှုက လူတွေကို ရိုက်နှက်မှာတော့ မဟုတ်ဘူး။ ငါထင်တယ်... ဘဝတွေကို လှုပ်နှိုးလိုက်တာပဲ ဖြစ်မှာပါ။

စဲလာအို

#ဘာသာပြန်ဆောင်းပါး #သုတစာစု #စဲလာအို
#ခရစ်ယာန်စာပေ #ခရစ်ယာန်ဆောင်းပါး

စာပေမျိုးစေ့အတွက် ချီးမြှင့်ခြင်း - https://www.devoshipjournal.com/p/writers-contact-list.html
Website - https://www.devoshipjournal.com

29/01/2025

ယုံကြည်ခြင်းခရာ

ဘယ်သူ့အတွက် ဆုတောင်းနေလဲ မမေးချင်နဲ့
နေ့စဉ်နေစဉ် ပြောင်းလဲခြင်းရွေ့
ဆွေခင်ပွန်း ဝိသေကြန်အင်
ဘယ်သူ့အတွက် အစာရှောင်မလဲ
မမေးနဲ့... မမေးချင်စမ်းနဲ့။

ဖြည့်စွက်ချက်
စာလုံးကြီးကြီး သပ်သပ်ရပ်ရပ်
လည်တိုင်မှာ ချိတ်ဆွဲလို့
ဝိညာဉ်စစ်သားလို
ယုံကြည်ခြင်း ဖော်ပြချက်တွေ။

ဘာသာမဲ့၊ ဘုရားမဲ့၊ ဘာသာစုံ၊ သာသနာမဲ့၊ လစ်ဘရယ်
ပျော်ပါးတတ်သူ၊ ကြယ်ကြည့်သူ
နေကိုးကွယ်သူ
အားလုံးထက်
စိတ်တံခါးဖွင့်သူ။

စစ်မှန်သော ဘာသာသရုပ် စကားလုံးကို ကျွန်ုပ်ဖွေရှာဆဲ
အခါလည် တွေးထင်ထင်
မမြဲခြင်းတရား
စိတ်ကြိုက် ဖိတ်နိုင်။

လေနဲ့အတူ လွင့်ပါးတဲ့ မြူခိုးလို
မြေကြီးအနီး ရောက်နှင့်တုန်း
အင်း... အစွဲ
မြေမှာ ရှိနှင့်တုန်း
မြစ်တွယ်တုန်း။

အသက်ရှူခြင်းဟာ ယုံကြည်မှု
ပြေးခြင်း... လွှားခြင်း
တိုင်မင်ကိုက် ရှူရှိုက်ခြင်း... ရွေးချယ်ခြင်း
နေ့သစ်တိုင်းဟာ မြတ်တရား။

ရက်သီတင်း အသက်ရှင်ခြင်းဟာ
ယုံကြည်ခြင်းခရာ။

ကဗျာ - ကာဗီတာ အေ ဂျင်ဒယ်
ဘာသာပြန် - DVS

ကဗျာသံ (မူရင်း) နားထောင်ရန် - https://www.lyrikline.org/en/poems/act-faith-15320

23/01/2025

ကျေးဇူးပြု၍ နောက်ဆုံးတခေါက် လျှောက်တင်ပါရစေ သမ္မတကြီးရှင်။ သန်းပေါင်းများစွာသော ပြည်သူတွေဟာ သမ္မတကြီးကို ယုံကြည်စိတ်ချကြပါတယ်။ 'သမ္မတကြီးဟာ ချစ်ခြင်းမေတ္တာရှင် ဘုရားသခင်ရဲ့ လမ်းညွှန်မှုကို ခံစားခဲ့ရဖူးပါတယ်'ဆိုတဲ့ အရှင့်ရဲ့ မနေ့က စကားလို ကျမတို့ရဲ့ မြတ်စွာသော အဖဘုရားသခင်ရဲ့ နာမတော်အားဖြင့် အခုအချိန်မှာ ကြောက်ရွံ့နေကြရတဲ့ ကျမတို့ရဲ့ နိုင်ငံသားတွေအပေါ်မှာ ကျေးဇူးပြု၍ ကရုဏာသက်ငဲ့ညှာပေးဖို့ တောင်းဆိုချင်ပါတယ်။

ဒီမိုကရက်တစ်၊ ရီပါပလီကန်နဲ့ အမှီအခိုကင်း လွတ်လပ်သော မိသားစုဝင်တွေထဲက လိင်တူ၊ လိင်ပြောင်း ကလေးသူငယ်တွေ အများကြီး ရှိပါတယ်။ သူတို့တွေထဲက တချို့က သူတို့အသက်အန္တရာယ်အတွက် စိုးရိမ်နေကြရပါတယ်။

ကျမတို့ရဲ့ ပျိုးခြံတွေမှာ အလုပ်လုပ်နေရတဲ့ ဥယျာဥ်မှူးတွေ၊ အဆောက်အဦး သန့်ရှင်းရေးတွေ၊ ကြက်ဘဲ မွေးမြူရေးခြံလုပ်သားတွေ၊ အသားထုတ်ယူခြင်းတွေမှာ ပင်ပန်းဆင်းရဲစွာ အလုပ်,လုပ်နေကြရတဲ့ သားသတ်သမားတွေ၊ စားသောက်ဆိုင်တွေမှာ ကျမတို့ရဲ့ စားကြွင်းစားကျန်တွေကို ဆေးကြောရှင်းလင်းရသူတွေ၊ ညတိုင် ဆေးပေးခန်းတွေမှာ အလုပ်နေရသူတွေဟာ နိုင်ငံသားဖြစ်ချင်မှဖြစ်မယ်။ အထောက်အထား ရှိချင်မှရှိမယ်။ ဒါပေမယ့် သူတို့ဟာ လဝကနဲ့ပတ်သက်ပြီးတော့ ပြစ်မှုကျူးလွန်သူတွေ မဟုတ်ပါဘူး။ သူတို့ဟာ အခွန်ဆောင်ကြတဲ့ အိမ်နီးချင်းကောင်းတွေပါ။

ကျမတို့ရဲ့ လူ့အဖွဲ့အစည်းမှာ မိဘတွေကို ဖမ်းဆီးခေါ်ဆောင်သွားခြင်းခံရမှာကို စိုးရွံ့နေကြတဲ့ ကလေးသူငယ်တွေအပေါ်မှာလည်း ကျေးဇူးပြုပြီးတော့ ကရုဏာသက်ပေးပါ သမ္မတကြီးရှင်။ စစ်ပွဲဒဏ်နဲ့ ညှဉ်းပန်းနှိပ်စက်မှုဒဏ်ကနေ ထွက်ပြေးလာကြသူတွေအပေါ်မှာလည်း ကရုဏာထားပေးပါ။ နွေးထွေးစွာနဲ့ ကြိုဆိုလက်ခံပေးပါ။ ထာဝရဘုရားက ကျမတို့ကို သူစိမ်းတွေအပေါ်မှာ ကရုဏာထားဖို့ သွန်သင်ထားပါတယ်။ ကျမတို့အားလုံးလည်း တချိန်က သည်မြေပေါ်မှာ သူစိမ်းတွေပဲ မဟုတ်လား။

မာရင်း(န)ဘတ်(ထ)ထိ
အမေရိကန် အဲပစ်စကေပဲ(လ) ဘစ်ရှော့ ဂိုဏ်းချုပ်ကြီး (၁၉၅၉ ခုနှစ်ဖွား)

ဘာသာပြန် - DVS
စာတည်း - စဲလာအို

ပုံ - wikipedia

23/01/2025

လော့(စ)အိန်ဂျလိ(စ)က ယုံကြည်သူတွေရဲ့ ဘုရားကျောင်း၊ အိမ်တွေဟာ တောမီးကြောင့် တစပြင်လို

လေပြင်းတခု။ မီးတောက်အလား ကျမဆီ ဦးဆိုက်လို့။ တတ်နိုင်တာဆိုလို့ နောက်ခြေကြွလိုက်ရုံသာ။ ကျမ အဲဒီကနေ ပြေးထွက်မိတယ်။

အီယွန်ဝေါ့ဟာ ကီနိုလိုအာ အသင်းတော်လို့ လူသိများတဲ့ ပါဆာဒီးနား ခရစ်တော်ရဲ့ အသင်းတော်မှာ ဘဏ္ဍာရေးအရာရှိချုပ်။ ကယ်လီဖိုးနီးယား တောင်ပိုင်း အီတွန်မီးလောင်မှုမှာ ဘုရားကျောင်းဝင်းထဲ ဝင်နိုင်ဖို့ ကြိုးစားတဲ့ သူ့အတွေ့အကြုံကို အခုလို ပြောပြပါတယ်။

"ပါဆာဒီးနား ဘုရားကျောင်းဝင်းကို လှိုက်စားနေပြီဖြစ်တဲ့ တောမီးကို ငြိမ်းသတ်ဖို့ မီးသတ်ပစ္စည်းတွေ ရတန်သလောက် ရအောင် ကြိုးစားကြည့်ပေမယ့်လည်း အိတ်ပေါက်နဲ့ ဖားကောက်လိုက်ရတာပဲ အဖတ်တင်တယ်။"

ဒီလိုနဲ့ တအောင့်အကြာမှာတော့ သမီးဖြစ်သူ ထမာရာဆင်ဆမ်က မီးခိုးအူနေတဲ့ ပါဆာဒီးနား ဘုရားကျောင်းရုပ်သံကို KABC-TV က ထုတ်လွှင့်ပြသနေတာကို ကျမကြည့်ဖို့ ပို့ပေးပါတယ်။ မီးငြှိမ်းဖို့ ကြိုးစားနေတဲ့ မီးသတ်သမားတွေရဲ့ မီးသတ်ရေကို လေပြင်းက လောင်ပြင်ဆီ မရောက်နိုင်အောင် တိုက်ထုတ်တဲ့ ရုပ်သံတခုပါ။

အီတွန်တောမီးဟာ ဇန်နဝါရီလအစောပိုင်း လော့(စ)အိန်ဂျလိ(စ)မြို့အနီးတဝိုက်မှာ လောင်ကျွမ်းတဲ့ တောမီးလေးခုအနက် တစ်ခုဖြစ်ပါတယ်။ တခြားတောမီးတွေကတော့ မာလီဘူနဲ့ စန်တာမော်နီကာအကြား၊ ပစိဖိတ်ကမ်းရိုးတန်း အဝေးပြေးလမ်းမတလျှောက် လောင်ကျွမ်းတဲ့ ပါလီဆိတ်တောမီး၊ လောင်ကျွမ်းမှုနည်းပါးတဲ့ ကဲနက်တောမီးနဲ့ ဟာ့(စ)တောမီးတွေပဲ ဖြစ်ပါတယ်။

ဇန်နဝါရီ လလယ်ပိုင်းလောက်က လောင်ကျွမ်းတဲ့ တောမီးဟာ ဧရိယာစတုရန်းမိုင် ၆၂ (၃၉၆၈၀ ဧက)ကျော်ကျယ်ပြီး အသေအပျောက် အနည်းဆုံး ၂၄ဦး ရှိပါတယ်။ လူနေအိမ်၊ အဆောက်အအုံ ထောင်ပေါင်းများစွာ မီးဘေးသင့်ကုန်ပါတယ်။

အဖွဲ့ဝင်သက် (၃၉)နှစ် ရှိပြီဖြစ်တဲ့ ဝေါ့က အသင်းဝင်(၉)ဦးပါသော ပါဆာဒီးနားအသင်းတော်ကို ဆုတောင်းချက်တွေ တင်ပြပါတယ်။ ဆုတောင်းချက်မှာ အသင်းတော်ရဲ့ ရှေ့ခရီးလုပ်ငန်း၊ အသင်းတော် ပြန်လည်တည်ဆောက်ရေး လုပ်ငန်းစဉ် စတာတွေကို မျှော်လင့်ချက်အပြည့်နဲ့ မှန်ကန်တဲ့ ဆုံးဖြတ်ချက် ချမှတ်နိုင်ဖို့ ဖြစ်ပါတယ်။

"မလွယ်လှပါဘူး" သူ(မ) ညည်းညူလိုက်ပါတယ်။ "ကျမသမီးလည်း ပူလို့ ဆွေးလို့။ ဒါ သူသိတဲ့ တခုတည်းသော ဘုရားကျောင်းလေ။ သူ့အသက် (၁)နှစ်သားတည်းက တက်လာတဲ့ ဘုရားကျောင်း။ ဒီနှစ်ဆို (၄၀)ပြည့်။ သူက ဘုရားကျောင်းနဲ့အတူတူ ကြီးပြင်းလာတာ။ ဒါသူတို့ အတိတ်၊ သူတို့ အနာဂတ်၊ သူတို့ ပစ္စုပ္ပန်"

ဒုတိယဘုရားကျောင်း လောင်ကျွမ်း
အီတွန်တောမီးဟာ အယ်တဒဲနား ခရစ်တော်ရဲ့အသင်းတော် ဓမ္မညီလာခံ ကျင်းပရာနေရာကိုလည်း ကူးစက်သွားပါတယ်။ အသင်းသားတဦးရဲ့ ခိုလှုံရာလည်း ပြာပုံအတိ။

တနင်္ဂနွေနေ့မှာတော့ အယ်တဒဲနား အသင်းဝင် (၂၀)ထဲက တချို့ဟာ လင်ကွန်းရိပ်သာ၊ ခရစ်တော်ရဲ့ အသင်းတော်မှာ ဘုရားရှိခိုးကြပါတယ်။ လင်ကွန်းရိပ်သာမှာ အဖွဲ့ဝင်ပေါင်း (၇၅)ဦးရှိပြီး တောမီးလောင်ကျွမ်းရာ အယ်တဒဲနားလမ်းမကြီးရဲ့ တဖက်အလွန်မှာ တည်ရှိပါတယ်။

ဒီလိုနဲ့ သန့်ရှင်းရာ ဥပုသ်နေ့ရောက်တော့ လင်ကွန်းရိပ်သာ ဓမ္မဆရာ ရော့ဒနေဒေးဗစ်က တမန်တော်ကြီး ရှင်ပေါလုရေးသားစီရင်တဲ့ ကောရိန္သု ဩဝါဒစာ ဒုတိယစောင် အခန်းကြီး(၁)မှာပါတဲ့ "သက်သာခြင်း အမျိုးမျိုးတို့၏ အရှင်"အကြောင်းကို ဝေငှပါတယ်။

"ဘုရားသခင်ဟာ ပြန်လည်ထူထောင်ခြင်းအရှင်ဖြစ်တယ်။ သေးနုတ်နိမ့်ကျသွားပြီဆိုတဲ့ အချိန်တိုင်းမှာ ငါတို့ရဲ့ မုန့်ညင်းစေ့ယုံကြည်ခြင်းမှာတောင် ဘုရားသခင် အတူပါရှိနေတာကြောင့် တန်ခိုးကြီးတယ်ဆိုတာကို သတိကပ်ဖို့ လိုပါတယ်။ ယုံကြည်ခြင်း ခိုင်မြဲနေသရွေ့ အရာရာဆုံးရှုံးပြီးသူကို ဘုရားသခင်ဟာ ပြန်လည်တည့်မတ်စေလိမ့်မယ်။" နှုတ်ကပတ်တော် ဟောကြားနေတဲ့ ဒေးဗစ်ရဲ့ သတင်းစကားဖြစ်ပါတယ်။

တောမီးငြိမ်းသွားတဲ့နောက် ဒေးဗစ်နဲ့ သူ့နံရိုး လီဂျူယန်ဟာ ပျက်စီးမှုတွေကို ကြည့်ရှုကြပါတယ်။ လူနေအိမ်တွေကတော့ လောင်နေဆဲ။ ကျွမ်းနေဆဲ။

"အယ်တဒဲနားရဲ့ (၉၀)ရာခိုင်နှုန်း ပျက်စီးကုန်ပြီဆိုတဲ့အချက်က စိတ်ပျက်ဖွယ်အတိ။ ဒီဒေသမှာ လူမှုရပ်ဝန်း ဖြစ်ထွန်းခဲ့တာ နှစ်ပရိစ္ဆေဒ ကြာမြင့်ခဲ့ပြီမဟုတ်လား။ သူတို့က တတိယမျိုးဆက်။ စတုတ္ထမျိုးဆက်တွေ။ စုထားဆောင်းထားတာတွေလည်း ကုန်ပြီ။ အာမခံကုမ္ပဏီတွေကလည်း လှည့်မကြည့်ကြတော့ဘူး။ အခုတော့ ဘာဆက်လုပ်ရမလဲ။ မွေးညင်းလည်း ဖြူကုန်ပြီ။" ဓမ္မဆရာ ညည်းညူလိုက်ပါတယ်။

လင်ကွန်းရိပ်သာအဖွဲ့ဝင် အိမ်ထောင်စု (၁၀)စုလည်း တောမီးဒဏ် ခံလိုက်ရပါတယ်။
အခုတော့ အများစုဟာ အနီးအပါးက ဆွေမျိုးတွေဆီမှာ မီးဘေးရှောင်နေကြပါတယ်။ အသင်းတော်ဘက်ကနေလည်း မီးဘေးဒုက္ခသည်တွေကို အကူအညီပေးနိုင်ဖို့ ရန်ပုံငွေကို Zelle ကနေ ကောက်ခံနေပါတယ်။
(Zelle သည် အမေရိကန်နိုင်ငံ၏ ငွေပေးချေမှု ကွန်ယက်တခုဖြစ်သည်)

မီးဘေးသင့်ရာအရပ်မှာ အသင်းသားတွေရဲ့ နေအိမ်ကို ပြန်လည်တည်ဆောက်ခြင်း၊ ပြုပြင်မွမ်းမံခြင်းတွေ ပြုလုပ်နေစဥ်မှာ လှူဒါန်းငွေတွေဟာ သူတို့အတွက်(မီးဘေးသင့်သူများ) ယာယီခိုနားရာနဲ့ နေ့စဥ် တကိုယ်ရည်သုံးပစ္စည်းတွေကို ထောက်မနိုင်မှာဖြစ်ပါတယ်။

မီးဘေးကနေ လွတ်မြောက်တဲ့ ဒေးဗစ်လို မီးဘေးဒုက္ခသည်တွေဟာ ဒုက္ခတပွေ့ကြီး ခံစားနကြရရှာပါတယ်။ မိမိတို့ရဲ့ သုခရိပ်မြုံမှာတောင် ခေါင်းချအနားယူခွင့် မရရှိကြ။

အီတွန်တောမီး နီးကပ်လာတာနဲ့အမျှ ဘေးလွတ်ရာကို ရွှေ့ပြောင်းကြရပါတယ်။
"ကျနော်တို့အိမ်ကနေ သုံးအိမ်အကွာမှာရှိတဲ့ အိမ်နီးချင်းရဲ့ အိမ်နောက်ဖေးမှာ မီးစွဲနေပြီ။" ရော့နေဒေးဗစ် ပြောပြနေခြင်းဖြစ်ပါတယ်။ မီးတောက်ကို မြင်ရပြီးနောက်မှာတော့ ဒေသဆိုင်ရာ အာဏာပိုင်တွေရောက်လာပါတယ်။ ဆက်သွယ်ရေးစက်တွေနဲ့ လမ်းတလျှောက်လည်း ပျားပန်းခပ်လို့။

"ဘေးလွတ်ရာကို ပြေးကြ။ ပြေးကြ"
အာဏာပိုင်တွေရဲ့ အော်ဟစ်ပြောဆိုသံကို သူမှတ်မိပုံ။ "ဒါဟာ မီးဘေးလွတ်မယ့်နေရာ သွားခိုင်းတဲ့ အမိန့်။ လေကလည်း မီးကူးနိုင်လောက်အောင် အားကောင်းနေလို့ အိမ်ရာကနေ အခုချက်ချင်း ထွက်ခွာကြပါ။ ဒါကြောင့် ကျနော်တို့လည်း နိုင်သမျှ အထုတ်အထည်တွေကို ထမ်းပြီး ထွက်ပြေးကြတယ်"။ အမှုတော်ဆောင်ကြီးက သည်လိုဆိုတယ်။

မီးဘေးခိုက်သော ဓမ္မဆရာနေအိမ်
မီးလောင်ပြီး ရက်အနည်းငယ်ကြာ။ ဒေးဗစ်ဟာ သူ့ရိပ်မြုံအခြေအနေမှန်ကို သိရှိဖို့ အကြည့်ရှုကြွပါတယ်။ သူ့အိမ်ဟာ ခြေရာလက်ရာမပျက်။ လျှပ်စစ်နဲ့ ဂတ်(စ)တော့ ပျက်နေပြီ။ စည်ပင်ရေကို မသောက်ဖို့နဲ့ မသုံးဖို့ အာဏာပိုင်တွေကလည်း ဆော်ဩနေကြပါတယ်။

"အိမ်ထဲဝင်ရင် မီးခိုးနံ့ ဆိုးဆိုးဝါးဝါးကြီး။ အနံ့ဆိုးပါတယ်။ တကယ့်ကိုမှ စူးစူးနစ်နစ်ကြီး။ ပရိဘောဂထဲမှာ။ အဝတ်တွေထဲမှာ။ ဒါကြောင့်လည်း ကျနော်တို့ရဲ့ အာမခံနဲ့ပတ်သက်ပြီး တောင်းဆိုတင်ပြမှုတခု ပြုလုပ်ဖို့ စီစဉ်ထားပါတယ်။"ရော့နေဒေးဗစ်က ဆိုတယ်။

အမှုတော်ဆောင်ကြီးနဲ့ သူ့ထိပ်ထားဟာ လင်ကွန်းရိပ်သာ တိုက်ခန်းမှာ နေထိုင်ခွင့်ရတာဟာ စိတ်ချမ်းမြေ့ဖွယ် ကောင်းချီးမင်္ဂလာ ခံစားရတာလို့ ဆိုပါတယ်။ ရေချိုးခန်းနဲ့ လေအိတ်မွေ့ယာ ရှိတာကြောင့်ပါ။

"အီတွန်တောမီးနဲ့ လင်ကွန်းရိပ်သာဟာ မလှမ်းမကမ်းမှာ ရှိနေတာကြောင့် ရေနဲ့ တကိုယ်ရည်သုံးပစ္စည်းတွေ အသုံးပြုဖို့ လူစုံတက်စုံ ရိပ်သာကို ချီတက်ကြပါတယ်။"လို့ ဒေးဗစ်က ဆိုပါတယ်။ ရိပ်သာကြီးရဲ့ ရက်ရောမှုကလည်း လူတွေကို အထောက်အမကောင်း ဖြစ်စေတယ် မဟုတ်လား။

ခရစ်တော်၏ အသင်းတော်၊ သဘာဝဘေးအန္တရာယ် ကယ်ဆယ်ရေးလုပ်ငန်းကနေလည်း အသင်းတော်အတွက် လိုအပ်တာတွေကို ထရပ်ကားတစီးနဲ့ ပံ့ပိုးပေးပါတယ်။ နတ်(ရှ)ဗီး(လ)မြို့နဲ့ တန်နက်(စ)စီမြို့မှာ အခြေစိုက်တဲ့ သာသနာပြုလုပ်ငန်းတွေကလည်း အီတွန်တောမီးရဲ့ အရှေ့တောင်ဘက် ၂၅ မိုင်အကွာက ဘတ်ဝင်ပန်းခြံအပြင်၊ လာပွန်တေး ခရစ်တော်ရဲ့ အသင်းတော် ဘုရားကျောင်းဆီကို ထရပ်ကားနဲ့ ထောက်ပံ့ရေးပစ္စည်းတွေ ပေးပို့ကြပါတယ်။

အွန်လိုင်းသင်ကြားရေးစနစ်သို့ ကူးပြောင်းသော ပဲပါဒိုင်း
ပါလီစိတ်တောမီးရဲ့ အနောက်ယွန်းယွန်း (၂)မိုင်ခွဲခန့်မှာရှိတဲ့ ပဲပါဒိုင်းတက္ကသိုလ်ဟာ မီးဒဏ် မခံစားလိုက်ရပါဘူး။ ပြီးခဲ့တဲ့ ဒီဇင်ဘာလက ဖရန်ကလင်တောမီးဟာ မလီဘူ ကျောင်းဝင်းထဲကို လောင်ကျွမ်းချိန်မှာတော့ ကျောင်းသားတွေဟာ ကယ်ဆယ်ရေးစခန်းဆီကို ရွှေ့ပြောင်းသွားကြပြီးဖြစ်ပါတယ်။ အဲသည်အခိုက် လောကဓာတ်တခွင်လည်း သွေးရောင်လွှမ်းလို့။

မီးလောင်ပြီး တလအကြာမှာတော့ ဒီကပ်ဘေးဟာ ကျောင်းသားနဲ့ ဝန်ထမ်းတွေကို ခိုနားရာမဲ့စေပါတယ်။ မီးသင့်မြေကနေ ရွှေ့ပြောင်းစေပါတယ်။ ကျောင်းဝင်းဆီ လာတဲ့လမ်းတိုင်းကိုလည်း အာဏာပိုင်တွေက မျဥ်းဝါတားလိုက်ပါတယ်။ ခရစ်တော်ရဲ့ အသင်းတော် သာသာနာပြုလုပ်ငန်းနဲ့ ချိတ်ဆက်ထားတဲ့ တက္ကသိုလ်ရဲ့ နွေရာသီ တန်းခွဲသစ် အများစုကိုတော့ အွန်လိုင်းကနေ သင်ကြားပို့ချကြပါတယ်။

ပဲပါဒိုင်းတက္ကသိုလ် ဥပဒေကျောင်းသူ အဲမာပါကင်(န)(စ)ဟာ ခရစ္စမတ် ကျောင်းပိတ်ရက်၊ အိုလာဟိုးမားမြို့ကနေ ပြန်ရောက်လာချိန်မှာတော့ ပါလီစိတ်တောမီးဟာ လောင်ကျွမ်းလျက်သား။ သူ(မ)ဟာ ဒီဇင်ဘာလမှာ မီးဘေးကြောင့် ရက်ရွှေ့ထားလိုက်ရတဲ့ အတန်းတင်စာမေးပွဲကို မလီဘူနဲ့ ပစိဖိတ် ပါလီစိတ်ရပ်ဝန်းအကြားက ပစိဖိတ် ကမ်းရိုးတန်းလမ်းမကြီးအနီးက အဆောင်ကနေ ဖြေဆိုဖို့ စောင့်မျှော်နေသူတယောက်ပါ။ အခုတော့ အဲဒီနေရာဟာ မီးဘေးသင့်တဲ့ နောက်ဆုံးနေရာပေါ့။

"တခန်းလုံး လိမ္မော်ရောင်တွေချည်းပဲ။ အပြင်ဘက်မှာလည်း မီးခိုး အလုံးလိုက်၊ အထည်လိုက်။ ဘုရားစူး ... ရေပြင်လည်း လိမ္မော်ရောင်ချည်းပဲ။ ပြီးခဲ့တဲ့လက လောင်တဲ့ မီးတွေနဲ့ တစက်မှလည်းမတူဘူး။ ဒါမျိုးမီးလောင်တာကိုလည်း တခါမှ မမြင်ဖူးသေးဘူး။" ပါကင်(န)(စ)က ဆိုတယ်။

သူ(မ)နဲ့ အခန်းဖော် သုံးယောက်ထဲက တယောက်ဖြစ်တဲ့ ဂျနီဖာဂတ်(ရှ)ဟာ အာဏာပိုင်တွေရဲ့ ပြောင်းရွှေ့မိန့်မထုတ်ပြန်ခင်မှာပဲ နေရာပြောင်းဖို့ ဆုံးဖြတ်လိုက်ပါတယ်။ (ကျန်တဲ့ အခန်းဖော်နှစ်ယောက်ဟာ ကယ်လီဖိုးနီးယားမြို့ကို မပြန်ဖြစ်ကြသေးပါဘူး) တခြားကျောင်းသားတွေလည်း သူတို့နဲ့အတူ ဂတ်(ရှ)မိသားစုဆီမှာ မီးဘေးရှောင်ကြပါတယ်။ ဂတ်(ရှ)ရဲ့ဖခင်ဟာ ပဲပါဒိုင်းတက္ကသိုလ်ရဲ့ ဦးသျှောင်ဖြစ်ပါတယ်။

နောက်နေ့မနက်မှာ အနီးနားက ပေးပို့လာတဲ့ ရုပ်သံတခုကြောင့် သူတို့အဆောင် မီးတောတိုးသွားပြီဆိုတာကို ပါကင်(န)(စ)သိလိုက်ရပါတယ်။ "လုံးဝအရှင်း။ အဖတ်ဆယ်လို့ ဘာမှမရ။" ပါကင်(န)(စ) စုတ်သတ်လိုက်ပါတယ်။

သို့သလို သူ(မ)ပါဝင်အစေခံတဲ့ ပဲပါဒိုင်းတက္ကသိုလ်ဝင်းထဲမှာရှိတဲ့ ဝေ့(ဗ)အသင်းတော်နဲ့ အိုလာဟားမားမြို့မှာရှိတဲ့ အောက်မေ့ဖွယ်လမ်း ခရစ်တော်ရဲ့ အသင်းတော်ကနေ မီးဘေးအတွက် ထောက်ပံ့မှုရရှိကြောင်း ဆိုပါတယ်။

မီးဘေးသင့်သူတွေဖြစ်တဲ့ ကျောင်းသား၊ ပါမောက္ခ၊ တက္ကသိုလ်ဝန်ထမ်းတွေအတွက် ယာယီခိုနားရာ၊ သယ်ယူပို့ဆောင်ရေးနဲ့ အခြေခံ လူသုံးကုန်ပစ္စည်း ပံ့ပိုးရေးအတွက် ယုံကြည်စိတ်ချရတဲ့ ပဲပါဒိုင်း ရံပုံငွေအဖွဲ့ကို ဖွဲ့စည်းလိုက်ကြပါတယ်။

ပါကင်(န)(စ)ဟာ သူ့(မ)ပိုင်ဆိုင်မှု အများသား ဆုံးရှုံးလိုက်ရပေမယ့်လည်း တောမီးဂယက် နောက်ဆက်တွဲကို အစိုးရိမ်ပိုနေပါတယ်။

"ဖွတ်ဖွတ်ညက်ညက် ကြေသွားတာ။ အယ်(လ)အေ အရှေ့ပိုင်းကို ရောက်တိုင်း ဟိုအရင်လိုမဖြစ်နိုင်တော့ဘူးဆိုတဲ့ အကြောင်းကို သိသွားတာပေါ့။" ဝမ်းနည်းသံစွတ်နေတဲ့ ပါကင်(န)(စ)အသံ။ "နှစ်ပရိစ္ဆေဒကြာသွားလည်း အရင်လိုပြန်ဖြစ်လာမှာ မဟုတ်တော့ဘူး။"

စိတ်မကောင်းပါဘူး... အိမ်တော့ ပြာကျသွားပြီ
ပဲပါဒိုင်းတက္ကသီလာရဲ့ ဥပဒေကျောင်းသား ကို(လ)တန်ပိုဝဲ(လ)ကလည်း သူ့မိသားစုနဲ့အတူ တဲ(န)နက်(စ)စီမြို့ကနေ တောမီးကို တိတ်ဆိတ်ခြောက်ခြားစွာ စောင့်ကြည့်နေကြပါတယ်။

သူငှားရမ်းနေထိုင်တဲ့ ပဲပါဒိုင်းအရှေ့ဘက်၊ ပစိဖိတ် ကမ်းရိုးတန်းလမ်းမတဝိုက်ကို ရိုက်ပြတဲ့ ရုပ်သံတခုကို တအောင့်အကြာမှာ တွေ့လိုက်ပါတယ်။ "အနီးကပ် သွားကြည့်ပေးလို့ ရမလား"ဆိုပြီး ရုပ်သံ သတင်းထောက်ကို စာတိုပို့လိုက်တဲ့အခါမှာတော့ "စိတ်မကောင်းပါဘူး... အိမ်တော့ ပြာကျသွားပြီ။" ပျက်စီးနေတဲ့ အနိဠာရုံမှတ်တမ်းကို သတင်းသမားက ပြန်ပို့ပေးပါတယ်။

"အဲဒီမှာ ရှိမနေခဲ့တာ ကောင်းသွားတာ။ ကျနော့်ပစ္စည်းတွေ တခုမှ မထုတ်နိုင်ခဲ့တာတော့ မကောင်းဘူး။ အိမ်နဲ့ တဖြည်းဖြည်း ကပ်ကပ်လာနေတဲ့ တောမီးကိုကြည့်ရတာ ခပ်ကြောင်ကြောင်ခံစားချက်ပဲ။ မိုင် (၁၀၀၀) အကွာမှာ ရှိနေပြန်တော့လည်း ဘာမှမတတ်နိုင်ပြန်ဘူး။ ဘယ်တော့မှ အစားထိုးမရနိုင်တော့တဲ့ စာအုပ်တွေ၊ ဂျာနယ်တွေ၊ ခရီးသွားမှတ်တမ်းတွေကို ဆုံးရှုံးရတာတော့ နာတယ်ကွာ"လို့ သက်မကြီးချလျက် ပိုဝဲ(လ) ညည်းညူရှာတယ်။။

နို့ပေတဲ့ ပိုဝဲ(လ)ဟာ အင်္ဂါချင်းတွေဆီကနေ ချစ်ခြင်းမေတ္တာပြသခြင်းကို လက်ခံရရှိပါတယ်။ ပဲပါဒိုင်းက တက္ကသိုလ် ခရစ်တော်၏ အသင်းတော်၊ တန်နက်စီပြည်နယ် ဘရန့်ဝု(ဒ)မှာရှိတဲ့ ဟာပက်(ဒ)ဟေး(လ) ခရစ်တော်၏ အသင်းတော်တွေမှာ ပါဝင်နေတဲ့ ပိုဝဲ(လ)က "ကျနော် ကောင်းချီးခံစားရတယ်။"လို့ ဝမ်းမြောက်သံစဉ်ဖွဲ့ပါတယ်။

“ကျနော့်ကို လူတွေ ကူညီထောက်ပံ့ကြတာ အများကြီး။ ကျနော့်ကို သူတို့ရဲ့ ကုလားထိုင်ပေါ်မှာ ထိုင်ခွင့်ပေးတယ်။ အိပ်ရာလည်း ပြင်ပေးတယ်။ ကူညီပေးတာတွေ အများကြီးမှ အများကြီး။”

"ဒါဟာ ကမ္ဘာပျက်ကိန်းဆိုက်တာပဲ"လို့ တရားဟောဆရာက ပြောတယ်။
ပဲပါဒိုင်းမြို့က ဆက်သွယ်ရေးပါမောက္ခ၊ ဝု(ဒ)လန်းဟေး(လ)က ခရစ်တော်ရဲ့ အသင်းတော် တရားဟောဆရာ ဂရက်ဒမ်ဟာ ပါလီစိတ်တောမီးရဲ့ မြောက်ဘက်မှာရှိတဲ့ ကလာဘာ့(စ)မြို့က သူ့အိမ်ကို ရွှေ့လိုက်ရတယ်။

"ဒါဟာ ကမ္ဘာပျက်ကိန်းဆိုက်တာပဲ"ဆိုပြီး ညည်းတွားလိုက်တယ်။ "အိမ်နီးနားချင်းတွေလည်း ပြာပုံဘဝရောက်သွားပြီ။"

ဒမ်ရဲ့အိမ်တော့ မီးလွတ်သွားပေမယ့်လည်း သူ့မိတ်ဆွေတွေ၊ တပည့်ဟောင်းတွေ၊ အမေရိကမှာရှိတဲ့ အင်္ဂါချင်းတွေဆီကနေတော့ အထူးမေတ္တာပြသခြင်းကို ခံရပါတယ်။

"မီးဘေးသင့်တဲ့သူတွေအပြင် ကျနော်ကိုယ်တိုင် ရင်ဆိုင်လိုက်ရတဲ့ အခက်အခဲ၊ စိန်ခေါ်မှုတွေကို ကောင်းကောင်းကြီး ပြောပြနိုင်ပါတယ်။ ယုတ္တိတန်တဲ့ အစစ်အမှန်တွေ။ဒါပေမယ့် ကျနော့် နှလုံးအိမ်မှာ အလေးထားရမယ့်အချက်ကတော့ ဒီဖြစ်ရပ်အပေါ် လူတွေ ဘယ်လို မေတ္တာပြ တုံ့ပြန်ခဲ့ကြတယ်ဆိုတာပဲ။ ပြာပုံထဲက အလှအပပေါ့။" အနိဋ္ဌာရုံကို ကြည့်ပြီး ဝမ်းသာ မျက်ရည်ရွှန်းလဲ့နေတဲ့ ဒမ်။

အီတွန်တောမီး ရုပ်သံကြည့်ရှုရန်
https://www.youtube.com/live/BVGpBWtLfFU?si=KnFzDkoQ9oJ5ir0q

ဘာသာပြန် - DVS
စာတည်း - စဲလာအို
ကိုးကား - Christian Chronicle
မူရင်းလင့် - https://christianchronicle.org/beauty-in-the-ashes/

#ဘာသာပြန်ဆောင်းပါး #သုတစာစု
#ခရစ်ယာန်စာပေ #ခရစ်ယာန်ဆောင်းပါး

စာပေမျိုးစေ့အတွက် ချီးမြှင့်ခြင်း - https://www.devoshipjournal.com/p/writers-contact-list.html
Website - https://www.devoshipjournal.com

Address

Yagon

Opening Hours

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00

Telephone

+959956248876

Website

https://www.devoshipjournal.com/

Alerts

Be the first to know and let us send you an email when Devoship Journal posts news and promotions. Your email address will not be used for any other purpose, and you can unsubscribe at any time.