https://www.facebook.com/100461991838367/

The Ethics News Agency, Yagon (2025)

05/07/2025

UFC ရဲ့ မြန်မာနွယ်ဖွား ချင်းဖိုက်တာ ဂျိုရှာဝါ ဗန်နဲ့ မြန်မာသရုပ်ဆောင် မင်းသမီး မိုးဟေကိုတို့ရဲ့ အွန်လိုင်းကတွေ့ဆုံမှုကို UFC ရဲ့ တရားဝင်ပေ့ချ်ကပါ ရုပ်သံဖိုင်တင်ပြီး မြန်မာနဲ့ ကမ္ဘာကပရိသတ်တွေကို အသိပေးလာပါတယ်။

ပြီးခဲ့တဲ့နှစ်တွေတုန်းက ဗန်ရဲ့ UFC ကစားသမားဘဝ အစပိုင်းအချိန်မှာ အမေရိကန်က မြန်မာမီဒီယာတစ်ခုနဲ့ အမေးအဖြေပြုလုပ်ချိန် ဗန် က သူ မြန်မာရုပ်ရှင်မင်းသမီးတွေထဲမှာ မိုးဟေကို ကို Crush တယ်၊ ကြိုက်နှစ်သက်တယ်လို့ ဖြေခဲ့ဖူးပါတယ်။

ဒါတင်မက မိုးဟေကို ဟာ သူကြိုက်နှစ်သက်တဲ့ ရုပ်ရှင်သရုပ်ဆောင်အဖြစ် ဗန်ကိုယ်တိုင် မကြာခဏ ထုတ်ဖော်ပြောခဲ့မှုတွေလည်းရှိပါတယ်။

ဒီကနေ့ ဇူလိုင် ၄ ရက်မနက်ပိုင်းက UFC နဲ့ CANAL+ တို့ပူးပေါင်းပြီး ဗန်နဲ့ သူနှစ်သက်တဲ့ မြန်မာသရုပ်ဆောင်မိုးဟေကိုတို့ကို အွန်လိုင်းကနေ Suprise တွေ့ဆုံပေးမှုလုပ်ခဲ့ပါတယ်။

အဲဒီတွေ့ဆုံမှုမှာ ဗန်က မိုးဟေကို ကို အွန်လိုင်းမှာတွေ့လိုက်ရချိန် အံ့အားသင့် ဝမ်းသာနေခဲ့သလို မိုးဟေကို ကလည်း နောက်ပွဲတွေအတွက်အမြဲအားပေးနေမယ်လို့ အားပေးစကားပြောကြားခဲ့တာတွေ့ရပါတယ်။

အဲဒီတွေ့ဆုံတဲ့ ရုပ်သံဖိုင်ကို မြန်မာနိုင်ငံသာမက နိုင်ငံတကာက ဗန်ရဲ့ ပရိတ်သတ်တွေက အားပေးမှုအများအပြားရှိတာတွေ့ရပါတယ်။

ဂျိုရှုဝါ ဗန် ဟာ MMA ပြိုင်ပွဲတွေထဲ သက်တမ်းအရင့်ဆုံး အအောင်မြင်ဆုံးနဲ့ ကမ္ဘာ့အကောင်းဆုံး ဖိုက်တာတွေစုဝေးနေတဲ့ UFC ရဲ့ ပထမဆုံးမြန်မာဖိုက်တာလည်းဖြစ်ပါတယ်။

ပြီးခဲ့တဲ့အပတ်က အမေရိကန်ပြည်ထောင်စု၊ နီဗားဒါးပြည်နယ်၊ လာ့စ်ဗေးဂတ်စ်မြို့မှာကျင်းပသွားတဲ့ UFC ဖိုင်းဝိတ်တန်း ထိုးသတ်ပွဲမှာ ဂျိုရှုဝါ ဗန်က ချန်ပီယံခါးပတ်အတွက် စိန်ခေါ်သူ နံပတ်တစ်နေရာမှာရှိနေတဲ့ ဘရန်ဒန် ရိုင်ဗယ်ကို သုံးချီအပြည့် ယှဉ်ပြိုင်ပြီး ဒိုင်အဆုံးအဖြတ်နဲ့ အနိုင်ရခဲ့ပါတယ်။

ဒါကြောင့် ဂျိုရှုဝါဗန်ဟာ လက်ရှိချန်ပီယံ Alexandre Pantoja - အလန်ဇန်းဒရား ပန်တိုဂျာနဲ့ ဒီနှစ်ကုန်ပိုင်းမှာ ချန်ပီယံလုပွဲထိုးရနိုင်ခြေရှိနေပါတယ်။

ဓာတ်ပုံ - Reuters ၊ UFC

05/07/2025

❝ ဘိုကလေးမြို့နယ်ထဲမှာ နှစ်ရက်ဆက်တိုက် မိချောင်းဆွဲလို့ နှစ်ဦးသေဆုံး ❞

ဧရာဝတီတိုင်း ဘိုကလေးမြို့နယ်၊ချောင်းဗြဲကြီးကျေးရွာအုပ်စု၊လှေလုံးကွဲကျေးရွာမှာ ဇူလိုင်လ ၂ရက်နဲ့ ၃ ရက်နေ့တွေက မိချောင်းဆွဲလို့ လူငယ်နှစ်ဦးသေဆုံးခဲ့တယ်လို့ ရွာခံတွေက ပြောပါတယ်။

ဇူလိုင်လ ၃ ရက်နေ့ ညနေ့ ၃ နာရီလောက်မှာ မောင်သန့်ဇော် ၃၂ နှစ်နဲ့ ၂ ရက်နေ့ကလည်း မောင်ဇော်ဇော်အောင် ၁၆ နှစ်ဟာလည်း ချောင်းထဲမှာ ရေချိုးစဥ် မိချောင်းဆွဲခံရလို့ အသီးသီး သေဆုံးခဲ့ပြီး မောင်သန့်ဇော် အလောင်းကိုသာ ပြန်လည်ရှာဖွေတွေ့ရှိပါသေးတယ်။

"အဆွဲခံရတာက ၂ ရက်ဆက်တိုက် ၂ ယောက်ပေါ့၊တယောက်အလောင်းကိုဘဲ ပြန်ရတယ်၊ တယောက်ကတော့ မရသေးဘူး" လို့ ရွာသားတဦးက ပြောပါတယ်။

သေဆုံးသူတွေဟာ သစ်တောဌာနမှာ နေ့စားအလုပ်ဆင်းနေကြသူတွေဖြစ်ပြီး မော်တော်နဲ့ အလုပ်ပြန်လာကာ လှေဆိပ်မှာ ရေချိုးစဥ် မိကျောင်းဆွဲခံရတာဖြစ်ပါတယ်။

မိန်းမလှကျွန်း ဧရိယာနဲ့ဘဆက်စပ်နေတဲ့ ဒီချောင်းဗြဲကြီးကျေးရွာအုပ်စုထဲက ကျေးရွာတွေမှာ မိချောင်းမြူးချိန် အခုလိုရာသီမျိုးမှာ မိချောင်းဆွဲခံရလေ့ရှိပါတယ်။

"ဒီရာသီက မိချောင်းမြူးတဲ့ရာသီလည်းဖြစ်တယ်။ နောက်ပြီးတော့ ကျွန်တော်တို့ရွာတွေက မိချောင်းပေါးတဲ့ မိန်းမလှကျွန်းနဲ့ ဆက်စပ်ေနပြီး ရေချိုရေငံစပ်ဖြစ်နေတာကြောင့် ဒီရာသီဆို သတိထားရတယ်။ ဒီနှစ်မှာ ဒီလိုဖြစ်တာ ပထမဆုံးပေါ့။ သတိရှိဖို့တော့ လိုတယ်"လို့ ချောင်းဗြဲကြီးရွာသားတဦးက ရှင်းပြပါတယ်။

အခုလို မိုးဦးကာလမှာ ရေထဲမဆင်းကြဖို့၊ ရေဆင်းမချိုးကြဖို့ သတိပေးကြေညာတာတွေကို အုပ်ချုပ်ရေးအဖွဲ့က အသံချဲ့စက်နဲ့ ချောင်းဗြဲကြီးကျေးရွာအုပ်စုထဲက ကျေးရွာတွေမှာ လိုက်လံ ကြေညာ‌ နေတယ်လို့ ဒေသခံတွေက ပြောပါတယ်။

04/07/2025

လက်နက်ကိုင်အဖွဲ့များအနေဖြင့် နိုင်ငံတော်အကျိုး ၊ ဒေသအကျိုးကိုဖော်ဆောင်မည်ဆိုပါက နိုင်ငံတော်အစိုးရနှင့် တပ်မတော်ကကြိုဆိုလက်ခံ

လက်နက်ကိုင်အဖွဲ့များအား နစက၏ သတင်းထုတ်ပြန်ရေးအဖွဲ့မှ ယနေ့ ဇူလိုင် ၄ ရက်က ပြည်ထောင်စုအကျိုးအတွက်ဖိတ်ခေါ်ချက်အဖြစ် ထုတ်ပြန်အသိပေးခဲ့သည်။

PDF အဖွဲ့များအပါအဝင် လက်နက်ကိုင်အဖွဲ့များအနေဖြင့် ဒီမိုကရေစီနှင့်ဖက်ဒရယ်စနစ်ကိုအခြေခံသည့် ပြည်ထောင်စုကြီးပေါ်ထွန်းလာရေးကိုမျှော် မှန်းကာ ဥပဒေဘောင်အတွင်းတရားဝင်ရပ်တည်ပြီး နိုင်ငံတော်အစိုးရ၊ တပ်မတော်တို့နှင့်လက်တွဲ၍ နိုင်ငံတော်အကျိုး၊ ဒေသအကျိုးကိုဖော်ဆောင်မည်ဆိုပါက နိုင်ငံတော်အစိုးရနှင့် တပ်မတော်ကကြိုဆို လက်ခံမည်ဖြစ်ရာ ဆန္ဒရှိပါကနီးစပ်ရာတပ်စခန်းများ၊ ဒေသအာဏာပိုင်များထံဆက်သွယ်ညှိနှိုင်းဆောင်ရွက်နိုင်သည်ဟု ဖိတ်ခေါ်ခဲ့သည်။

လက်ရှိတွင်ရွေးကောက်ပွဲလမ်းကြောင်းသို့ဝင်ရောက်မည့် နိုင်ငံရေးပါတီများမှာလည်း(၅၄)ပါတီရှိနေပြီဖြစ်ရာ ဒီမိုကရေစီနှင့် ဖက်ဒရယ်စနစ်ကိုအခြေခံသည့် ပြည်ထောင်စုကြီးဆီလျှောက်လှမ်းရန်တံခါးဝကြီးမှာ လွတ်လပ်ပြီးတရားမျှတသော ပါတီစုံဒီမိုကရေစီအထွေထွေရွေး ကောက်ပွဲကြီးပင်ဖြစ်သည်ဟု ဖိတ်ခေါ်ချက်၌ရေး သားထားသည်။

ယင်း အခြေအနေမျိုးတွင် လက်နက်ကိုင်လမ်းစဉ်ကို ဆက်လက်လျှောက်လှမ်းနေမည်ဆိုပါက နိုင်ငံ တော်အတွက်အကျိုးရှိမည်မဟုတ်ဘဲ ဒီမိုကရေစီနောက်ပြန်သွားနေသကဲ့သို့သာဖြစ်နေမည်ဖြစ်ကြောင်း ရေးသားထားသည်။

လက်နက်ကိုင်လမ်းစဉ်ဖြင့် ဖြေရှင်းရန်ကြိုးပမ်းမှုသည် နှစ်ပေါင်း(၇၀)ကျော်ကြာသော် လည်း မည်သည့်ရလဒ်မျှမထွက်သည့်အပြင် နိုင်ငံ တော်ဖွံ့ဖြိုးတိုးတက်မှုနောက်ကျခဲ့သည်ကို သင်ခန်း စာယူကာ PDF အဖွဲ့များအပါအဝင် လက်နက်ကိုင်အဖွဲ့များအနေဖြင့် မိမိတို့ဒေသ တည်ငြိမ်အေးချမ်းမှုမရှိသည့်အတွက်ကြောင့်၊ မိမိတို့၏ လက်နက်ကိုင်လမ်းစဉ်တွင် ပါဝင်နေမှုကြောင့်၊ မိမိတို့၏ မိဘညီ အစ်ကိုမောင်နှမများနှင့် ဆွေမျိုးသားချင်းတို့သည် လူမှုစီးပွားဘဝများထိခိုက်ပျက်စီးကြရပြီး အတိဒု က္ခရောက်ကြရသည်ကို ထောက်ထား၍ဖြစ်စေ၊ မိမိတို့ဒေသတည်ငြိမ်အေးချမ်းပြီး ပညာရေး၊ ကျန်းမာ ရေးအပါအဝင် ဘက်စုံဖွံ့ဖြိုးတိုးတက်စေရေးကို ထောက်ထား၍ဖြစ်စေ ရွေးကောက်ပွဲလမ်းကြောင်းကို အပြည့်အဝပူးပေါင်းပါဝင်ခြင်းဖြင့် မျှော်မှန်းသည့်ပန်းတိုင်ကို အရောက်လှမ်းနိုင်မည်ဟု ဖိတ်ခေါ်ချက်၌ရေးသားထားသည်။

ထို့အတူ ဒီမိုကရေစီနှင့်ဖက်ဒရယ်စနစ်ကိုအခြေခံသည့် ပြည်ထောင်စုကြီးပေါ်ထွန်းလာရေး၊ ဒီမိုကရေစီနှင့် ဖက်ဒရယ်စနစ်ကိုအခြေခံသည့် ပြည်ထောင်စုကြီးနှင့်ကိုက်ညီသည့် ဖွဲ့စည်းပုံအခြေခံဥပဒေပြင် ဆင်ရေးတို့သည် ကျင်းပရန်ရှိသည့် ပါတီစုံဒီမိုကရေစီအထွေထွေရွေးကောက်ပွဲကြီးမှထွက်ပေါ်လာမည့် လွှတ်တော်၊ အစိုးရတို့နှင့် ဆက်လက်ညှိနှိုင်းဆွေနွေးဆောင်ရွက်သွားကြရမည်ဟုလည်း ရေးသားထားသည်။

22/06/2025

အီရန်ကို အမေရိကန် ဝင်တိုက်ပြီ

အီရန်ရှိ နျူကလီးယားစခန်းသုံးခုကို အမေရိကန်လေတပ်က ဗုံးကြဲတိုက်ခိုက်ခဲ့ကြောင့် သမ္မတထရမ့်က သူ၏ Truth Social တွင် ကြေညာထားသည်။

'ကျွန်ုပ်တို့သည် အီရန်ရှိ နျူကလီးယားစခန်းသုံးခုဖြစ်သော Fordow၊ Natanz နှင့် Esfahan တို့ကို အလွန်အောင်မြင်စွာ တိုက်ခိုက်ပြီးစီးပါပြီ။ တိုက်ပွဲဝင်ခဲ့သည့် လေယာဉ်အားလုံးသည်လည်း အီရန်လေပိုင်နက်ပြင်ပသို့ ပြန်လည်ရောက်ရှိနေပါပြီ။ ပင်မနေရာဖြစ်သည့် Fordow တွင် ဗုံးအပြည့်အစုံကို ကြဲချခဲ့ပါသည်။ လေယာဉ်အားလုံး အန္တရာယ်ကင်းစွာ အိမ်ပြန်လမ်းတွင် ရှိနေပါပြီ။ ကျွန်ုပ်တို့၏ ကြီးကျယ်ခမ်းနားသော အမေရိကန်စစ်သည်များကို ဂုဏ်ပြုပါသည်။ ဤကဲ့သို့ လုပ်ဆောင်နိုင်သည့် အခြားစစ်တပ် ကမ္ဘာပေါ်တွင်မရှိပါ။

ယခု ငြိမ်းချမ်းရေးအတွက် အချိန်ကျရောက်ပြီ!

ဤကိစ္စကို အာရုံစိုက်ပေးမှုအတွက် ကျေးဇူးတင်ပါသည်" ဟု ရေးသားထားခြင်းဖြစ်သည်။

21/06/2025

ရွေးကောက်ပွဲအတွက် လိုအပ်သည့်မဲပေးစက်များ ထုတ်လုပ်နေ

ရွေးကောက်ပွဲအတွက် လိုအပ်သည့်မဲပေးစက်များ ထုတ်လုပ်လျက်ရှိပြီး ရရှိလာသည့် မဲပေးစက်များကို သက်ဆိုင်ရာတိုင်းဒေသကြီးနှင့် ပြည်နယ်များသို့ သယ်ယူပို့ဆောင်ခြင်း၊ သိုလှောင်ထိန်းသိမ်းခြင်းနှင့် ပျက်စီးမှုမရှိစေရေး စနစ်တကျ သိမ်းဆည်း စီမံဆောင်ရွက်လျက်ရှိကြောင်းပြည်ထောင်စုရွေးကောက်ပွဲကော်မရှင် ဥက္ကဋ္ဌ ဦးကိုကိုက ပြောသည်။

ရွေးကောက်ပွဲ အောင်မြင်စွာကျင်းပနိုင်ရေးအတွက် ရွေးကောက်ပွဲဆိုင်ရာလုပ်ငန်းစဉ်များ ညှိနှိုင်းအစည်းအဝေးတွင် ထည့်သွင်းပြောကြားခဲ့ခြင်းဖြစ်သည်။

ပြည်ထောင်စု ရွေးကောက်ပွဲကော်မရှင်သည် မဲဆန္ဒရှင်ပြည်သူများ မဲပေးရာတွင် မှန်ကန်လွယ်ကူစေရန်နှင့် မဲမသမာမှုများမဖြစ်ပွားစေရန် လာမည့်ရွေးကောက်ပွဲတွင် တစ်နိုင်ငံလုံးအတိုင်းအတာဖြင့် မဲပေးစက်များအသုံးပြုမဲပေးနိုင်ရေး ဆောင်ရွက်နေခြင်းဖြစ်သည်။

၂၀၂၅ ခုနှစ် နှစ်ကုန်ပိုင်း၌ ကျင်းပရန်ရှိနေသည့် ရွေးကောက်ပွဲကို အပိုင်းလိုက်ကျင်းပသွားမည်ဖြစ်ရာ တိုင်းဒေသကြီးနှင့် ပြည်နယ်အလိုက် မြို့နယ်တစ်ခုနှင့်တစ်ခုအကြား သတ်မှတ်ကာလအတွင်း မဲပေးစက်များ လုံခြုံစွာစနစ်တကျရွှေ့ ပြောင်းပေးနိုင်ရေး တိုင်းဒေသကြီးနှင့် ပြည်နယ်အစိုးရအဖွဲ့များအနေဖြင့် နည်းလမ်းများ ဝိုင်းဝန်းဆွေးနွေးပေးကြရန်နှင့် လုပ်ငန်းများ အကောင်အထည်ဖော်ရာတွင် ပံ့ပိုးကူညီဆောင်ရွက်ပေးကြရန် ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးကိုကိုက ပြောသည်။

ထို့နောက် ရွေးကောက်ပွဲတွင် မဲပေးစက်များ ကိုင်တွယ်အသုံးပြုမည့် မဲရုံဝန်ထမ်းများ ဆင့်ပွားသင်တန်းပေးမည့် အစီအစဉ်များနှင့် MEVM စက်များ မြို့နယ်များသို့ ရွှေ့ပြောင်းရာတွင် ကြိုတင်စီမံထားရန် လိုအပ်သည့်လုပ်ငန်းများကို ရှင်းလင်းဆွေးနွေးခဲ့ကြောင်း သိရသည်။

အစည်းအဝေးသို့ တတ်ရောက်လာသူများက မဲပေးစက်ကိုင်တွယ် အသုံးပြုနည်း သင်တန်းများပို့ချရေး၊ မဲပေးစက်များကို ရွေးကောက်ပွဲအပိုင်းအလိုက် ရွှေ့ပြောင်းရေးဆိုင်ရာများကို ရှင်းလင်းတင်ပြခဲ့ကြကြောင်း သိရသည်။

19/06/2025

ရွေးကောက်ပွဲကော်မရှင်အဖွဲ့ခွဲ အဆင့်ဆင့် ဖွဲ့စည်းရာတွင် နိုင်ငံ့ဝန်ထမ်းအား ဥက္ကဋ္ဌ အဖြစ် ခန့်အပ်နိုင်သည့် အချက်ပါဝင်လာသော ရွေးကောက်ပွဲကော်မရှင်ဥပဒေကို ပြင်ဆင်ပြဋ္ဌာန်း

ရွေးကောက်ပွဲကော်မရှင်အဖွဲ့ခွဲ အဆင့်ဆင့် ဖွဲ့စည်းရာတွင် နိုင်ငံ့ဝန်ထမ်းအား ဥက္ကဋ္ဌ အဖြစ် ခန့်အပ်နိုင်သည့် အချက်ပါဝင်လာသော ရွေးကောက်ပွဲကော်မရှင်ဥပဒေကို တတိယအကြိမ် ပြင်ဆင်သည့်ဥပဒေ အား ပြဋ္ဌာန်းလိုက်ကြောင်း သိရသည်။

ဇွန် ၁၉ ရက် ရက်စွဲဖြင့် ပြဋ္ဌာန်းလိုက်သည့် ပြည်ထောင်စုရွေးကောက်ပွဲကော်မရှင်ဥပဒေကို တတိယအကြိမ် ပြင်ဆင်သည့်ဥပဒေ၏ ပုဒ်မ ၁၄ တွင် " ကော်မရှင်သည် ပုဒ်မ ၁၀ ပုဒ်မခွဲ(ဂ)အရ ကော်မရှင်အဖွဲ့ခွဲအဆင့်ဆင့်ကို ဖွဲ့စည်း ရာတွင် အများယုံကြည်လေးစားခြင်းခံရသူပုဂ္ဂိုလ်များဖြင့်ဖြစ်စေ၊ နိုင်ငံ့ဝန်ထမ်းများဖြင့် ဖြစ်စေ အနည်းဆုံး ၃ ဦးဖြင့် ဖွဲ့စည်းရမည်။ ယင်းပုဂ္ဂိုလ်များအနက် သင့်လျော်သူတစ်ဦးကို ဥက္ကဋ္ဌအဖြစ် တာဝန်ပေးအပ်ရမည်။ သက်ဆိုင်ရာ ရွေးကောက်ပွဲအရာရှိကို အတွင်းရေးမှူး အဖြစ် တာဝန်ပေးအပ်ရမည်။"ဟု အစားထိုးပြဋ္ဌာန်းထားသည်။

ပြင်ဆင်ဖွဲ့စည်းလိုက်သည့် ပြည်ထောင်စုရွေးကောက်ပွဲကော်မရှင်ဥပဒေကို တတိယအကြိမ် ပြင်ဆင်သည့်ဥပဒေအရ ကော်မရှင်အဖွဲ့ခွဲအဆင့်ဆင့်ကို ဖွဲ့စည်းရာတွင် နိုင်ငံဝန်ထမ်းများအား ကော်မရှင်အဖွဲ့ခွဲများ၌ ဥက္ကဋ္ဌ အဖြစ် ခန့်အပ်နိုင်မည် ဖြစ်သည်။

ယခင်က ပြဋ္ဌာန်းထားသည် ပြည်ထောင်စုရွေးကောက်ပွဲကော်မရှင် ဥပဒေ၏ ပုဒ်မ ၁၄ တွင် " ကော်မရှင်သည် ပုဒ်မ ၁၀၊ ပုဒ်မခွဲ (ဂ) အရ ကော်မရှင်အဖွဲ့ခွဲ အဆင့်ဆင့်ကို ဖွဲ့စည်းရာတွင် အများယုံကြည်လေးစားခြင်းခံရသူ ပုဂ္ဂိုလ်အနည်းဆုံး ၃ ဦးဖြင့် ဖွဲ့စည်းရမည်။ ယင်းအဖွဲ့ဝင်များထဲမှ တစ်ဦးကို ဥက္ကဋ္ဌအဖြစ် တာဝန်ပေးအပ်ရမည်။ သက်ဆိုင်ရာ ရွေးကောက်ပွဲအရာရှိကို အတွင်းရေးမှူးအဖြစ် တာဝန်ပေးအပ်ရ မည်။ လိုအပ်လျှင် နိုင်ငံ့ဝန်ထမ်းများကို အဖွဲ့ဝင်များအဖြစ် ထည့်သွင်းဖွဲ့စည်းနိုင်သည်" ဟု ပြဋ္ဌာန်းလိုက်သည်။

ပြည်ထောင်စုရွေးကောက်ပွဲကော်မရှင် ဥပဒေ၏ အခန်း( ၄) ပုဒ်မ ၁၀၊ တာဝန်နှင့် လုပ်ပိုင်ခွင့်များတွင် ပုဒ်မခွဲ(ဂ)၌ " ကော်မရှင်အဖွဲ့ခွဲအဆင့်ဆင့်ကို ဖွဲ့စည်းခြင်း၊ ဖွဲ့စည်းစေခြင်း၊ ကြီးကြပ်ခြင်းနှင့် ကြီးကြပ်စေခြင်း၊"ဟု ပြဋ္ဌာန်းထားသည်။

17/06/2025

အရှေ့အလယ်ပိုင်း၌ ကန်စစ်အင်အား အရှိန်မြှင့်
------------------------
အီရန်နဲ့အစ္စရေး နှစ်နိုင်ငံပဋိပက္ခ ပြင်းထန်လာချိန်မှာ အမေရိကန် လေယာဉ်တင်သင်္ဘော USS Nimitz ကို အရှေ့အလယ်ပိုင်းဆီ အင်အားဖြည့်ဖို့ စေလွှတ်တယ်လို့ ပင်တဂွန်က ထုတ်ပြန်ခဲ့ပါတယ်။ အရေးပေါ် စစ်ဆင်ရေးလိုအပ်ချက်ကြောင့် သင်္ဘောရဲ့ ဗီယက်နမ်ခရီးစဉ်ကို ပယ်ဖျက်ခဲ့ပြီး အရှေ့တောင်အာရှကနေ ထွက်ခွာခဲ့တယ်လို့လည်း AFP သတင်းမှာ ဖော်ပြထားပါတယ်။

ဒီအပြောင်းအလဲကို အစ္စရေးနဲ့အီရန်ကြား က အဆုံးသတ်ဖို့ လမ်းမမြင်တဲ့ လေကြောင်းတိုက်ပွဲတွေဖြစ်ပြီး လေးရက်မြောက်နေ့မှာ ပြုလုပ်ခဲ့တာပါ။ အခုလို တပ်ဖြန့်ချမှုတွေက ဒေသမှာရှိတဲ့ အမေရိကန်တပ်ဖွဲ့တွေအတွက် ကာကွယ်ရေးကို တိုးမြှင့်ဖို့ ရည်ရွယ်တယ်လို့ အမေရိကန်ကာကွယ်ရေးဝန်ကြီးက ပြောကြားခဲ့ပါတယ်။

တစ်ချိန်တည်းမှာပဲ open source intelligence စိစစ်သူတွေကလည်း အမေရိကန်လေတပ်ရဲ့ လောင်စာ သယ် လေယာဉ်တွေဟာ ဇွန်လ၁၅ ရက်ကတည်းက အတ္တလန္တိတ်သမုဒ္ဒရာကိုဖြတ်ပြီး အရှေ့ပိုင်းကို ဦးတည်သွားနေတာကို လေကြောင်းခြေရာခံဆော့ဝဲလ်မှာ ဖမ်းယူရမိထားပြီး ဆိုရှယ်မီဒီယာမှာ တင်ခဲ့ တယ်လို့ သိရပါတယ်။

07/06/2025

၂၆၇ မြို့နယ်တွင် ရွေးကောက်ပွဲကျင်းပမည်ဟုဆို
-----------------------------

ပြည်ထောင်စုရွေးကောက်ပွဲကော်မရှင်ရဲ့ လက်ရှိ စာရင်းဇယားတွေအရ မြို့နယ်ပေါင်း (၂၆၇) မြို့နယ်မှာ ရွေးကောက်ပွဲ ကျင်းပဖို့ လျာထားတယ်လို့ ရွေးကောက်ပွဲ ကော်မရှင်က ဖြေကြားထားပါတယ်။

၂၀၂၅ ခုနှစ် ဒီဇင်ဘာလမှာ ကျင်းပမယ့် ရွေးကောက်ပွဲမှာ အရင်ကျင့်သုံးခဲ့တဲ့ မဲအများဆုံးရသူ အနိုင်ယူစနစ် (FPTP) နဲ့ အချိုးကျ ကိုယ်စားပြုစနစ် (PR) နှစ်မျိုးလုံး အသုံးပြု ဆောင်ရွက်သွားမှာ ဖြစ်တယ်လို့ ဆိုပါတယ်။

ရွေးကောက်ပွဲကိုတော့ နယ်မြေဒေသ အခြေအနေအရ ကန့်သတ်ချက်ရှိတဲ့ နယ်မြေတွေက လွဲပြီး တိုင်းဒေသကြီး နဲ့ ပြည်နယ် အားလုံးမှာ ဦးစားပေးအစီအစဉ်အတိုင်း အပိုင်းခွဲပြီး ကျင်းပဖို့ လျာထားတယ်လို့လည်း ဖြေကြား ချက်မှာ ဖော်ပြထားပါတယ်။

ကျင်းပမယ့် ရွေးကောက်ပွဲကိုတော့ အပိုင်းလိုက် ကျင်းပဖို့ လျာထားပြီး အပိုင်းအလိုက် ရွေးကောက်ပွဲ ကျင်းပမယ့် ရက်တွေကို သတ်မှတ်ပေးမှာ ဖြစ်တယ်လို့လည်း သိရပါတယ်။

ရွေးကောက်ပွဲကျင်းပမယ့်ရက် ထုတ်ပြန် ကြေညာပြီးတဲ့အချိန်မှာ ဖြစ်ပေါ်နေတဲ့ နယ်မြေဒေသလုံခြုံရေး အခြေအနေအရ ရွေးကောက်ပွဲ ကျင်းပနိုင်တဲ့ မြို့နယ်တွေမှာ ဆောင်ရွက်သွားမှာ ဖြစ်ပြီး မကျင်းပနိုင်တဲ့ နယ်မြေတွေကိုလည်း ထုတ်ပြန်ကြေညာပေးမှာ ဖြစ်တယ်လို့ လည်း ဖြေကြားချက်အရ သိရပါတယ်။

ပြည်သူ့လွှတ်တော် ၊ အမျိုးသားလွှတ်တော် နဲ့ တိုင်းဒေသကြီး နဲ့ ပြည်နယ် လွှတ်တော်‌တွေအတွက် မဲထည့်ရမယ့် စနစ်ကလည်း (FPTP) နဲ့ (PR) ၂ မျိုးလုံး အသုံးပြု ဆောင်ရွက်မှာ ဖြစ်လို့ သက်ဆိုင်ရာ လွှတ်တော်ရွေးကောက်ပွဲ ဥပဒေ၊ နည်းဥပဒေတွေ ပြဋ္ဌာန်းထုတ်ပြန်ပြီးရင် အသေး စိတ် သိရမှာ ဖြစ်တယ်လို့လည်း ဆိုပါတယ်။

ရွေးကောက်ပွဲမှာ မြန်မာအီလက်ထရောနစ် မဲပေးစက်နဲ့ မဲပေးရမှာ ဖြစ်ပြီး မိုက်ထရို ကွန်ထရိုလာ စနစ်ဖြစ်တဲ့အတွက် အလွန်ရိုးရှင်းပြီး လုံခြုံ စိတ်ချရတဲ့ စနစ်ပါတယ်လို့လည်း ဖြေကြားချက်မှာ ပါရှိပါတယ်။

ဒါ့အပြင် ပြောင်းလဲကျင့်သုံးမယ့် ရွေးကောက်ပွဲ စနစ်နဲ့ ကိုက်ညီတဲ့ သက်ဆိုင်ရာ လွှတ်တော်ရွေးကောက်ပွဲ ဥပဒေ၊ နည်းဥပဒေတွေ ပြဋ္ဌာန်း ထုတ်ပြန်နိုင်ဖို့ ဆောင်ရွက်နေပြီး ရွေးကောက်ပွဲ ကျင်းပမယ့် မဲဆန္ဒနယ်တွေအလိုက် သတ်မှတ် လွှတ်တော်ကိုယ်စားလှယ်တွေကို ရွေးချယ်နိုင်မှာ ဖြစ်တယ်လို့လည်း ဖြေကြားထားပါတယ်။

20/05/2025

၂၀၀၈ အခြေခံဥပဒေအရ ရွေးကောက်ပွဲ အထမြောက်ရန် ဥပဒေများရေးသားထား၊ ကာ/လုံ၏ အဆုံးအဖြတ်ဖြင့်လည်း ရွေးကောက်ပွဲကျင်းပနိုင်ဟု နစက ဥက္ကဋ္ဌ ပြော
------------------------------------------------------------------------------------

MFN
ရန်ကုန်။ ၂၀၂၅၊ မေ ၂၀ ရက်

၂၀၀၈ ခုနှစ် ဖွဲ့စည်းအုပ်ချုပ်ပုံအခြေခံဥပဒေအရ ရွေးကောက်ပွဲ အထမြောက်ရန် ဥပဒေများရေးသားထားသလို အမျိုးသားကာကွယ်ရေး နှင့် လုံခြုံရေးကောင်စီ၏ အဆုံးအဖြတ်ဖြင့်လည်း ရွေးကောက်ပွဲကျင်းပနိုင်တယ်လို့ နစက ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင် က မေ ၁၉ ရက်နံနက်ပိုင်းမှာ ကျင်းပသည့် နစက အစိုးရအဖွဲ့ လုပ်ငန်းညှိနှိုင်းအစည်းအဝေးတွင် ပြောကြားလိုက်ပါတယ်။

ဖွဲ့စည်းပုံအခြေခံဥပဒေ၏ ပုဒ်မ ၈၅၊ ပုဒ်မ ၁၂၈၊ ပုဒ်မ ၁၅၅ တို့တွင် လွှတ်တော်ခေါ်ရာ၌ အထမြောက်သည့် အပိုင်းများကို ထည့်သွင်းရေးသားထား၍ ဥပဒေများအားချိန်ထိုးကြည့်ပါက ရွေးကောက်ပွဲကို အထမြောက် အောင်ဆောင်ရွက်နိုင်သည်ကို တွေ့ရပြီး ရွေးကောက်ပွဲကျင်းပ၍ ရွေးကောက်ခံအစိုးရဖြင့် နိုင်ငံ့အရေးဆောင်ရွက်ခြင်းသည် နိုင်ငံအတွက်အကောင်းဆုံးဖြစ်တယ်လို့လည်း သူက ပြောပါတယ်။

နစက ဥက္ကဋ္ဌ နိုင်ငံတော်ဝန်ကြီးချုပ်က “ရွေးကောက်ပွဲကျင်းပရာမှာ တရားမျှတသည့် ရွေးကောက်ပွဲ၊ အောင်မြင်သည့် ရွေးကောက်ပွဲဖြစ်ရန် လိုပါတယ်”လို့ အစည်းအဝေးမှာ ထည့်သွင်း ပြောကြားခဲ့ပါတယ်။

မိမိတို့အနေဖြင့် ဖွဲ့စည်းပုံအခြေခံဥပဒေ(၂၀၀၈ ခုနှစ်)နှင့်အညီ နိုင်ငံတော်ကိုတာဝန်ယူဆောင်ရွက်ခဲ့ခြင်းဖြစ်ရာ ပြည်သူများလိုလားသည့် ပါတီစုံဒီမိုကရေစီစနစ်ကို မဖြစ်မနေလျှောက်လှမ်းရမှာဖြစ်ပြီး မူလရည်ရွယ်ချက်တွင် ပါသည့်အတိုင်း ရွေးကောက်ပွဲကျင်းပပြုလုပ်ရမည်ဖြစ်ကာ ရွေးကောက်ပွဲပြုလုပ်ရာတွင် တစ်နိုင်ငံလုံးအတိုင်းအတာဖြင့် ဆောင်ရွက်နိုင်မည်ဆိုပါကအကောင်းဆုံးဖြစ်တယ်လို့လည်း နစက ဥက္ကဋ္ဌက ပြောကြားပါတယ်။

နစကက ပြင်ဆင်နေတဲ့ ရွေးကောက်ပွဲကို ယခု ၂၀၂၅ ခုနှစ် ဒီဇင်ဘာလ တတိယပတ်နဲ့ စတုတ္ထပတ်၊ နောက်နှစ် ၂၀၂၆ ခုနှစ် ဇန်နဝါရီလ ပထမပတ်နဲ့ ဒုတိယပတ်တွေအတွင်း အချိန်ယူပြီး ကျင်းပရန် လျာထားကြောင်း နစက ဥက္ကဋ္ဌ က မတ်လ ၂၅ ရက်နံနက်ပိုင်းက နေပြည်တော်မှာကျင်းပတဲ့ နစက အစည်းအဝေးမှာပြောကြားထားပါတယ်။

#ရွေးကောက်ပွဲ #နစက #၂၀၀၈ဖွဲ့စည်းပုံအခြေခံဥပဒေ

20/05/2025

မြန်မာနိုင်ငံတွင် ကိုဗစ်လူနာသစ်တစ်ဦး စတင်တွေ့ရှိ ၊
ဓါတ်ခွဲနမူနာ စုစုပေါင်း ၂၄၀၀ကျော် စစ်ဆေးခဲ့ဟု ကျန်းမာရေးဝန်ကြီးဌာနထုတ်ပြန်
----------------------------------------
မေ - ၂၀
မြန်မာနိုင်ငံတွင် ကိုဗစ်အတည်ပြု လူနာသစ်တစ်ဦး စတင်တွေ့ရှိခဲ့ကြောင်း မြန်မာနိုင်ငံ ကျန်းမာရေးဝန်ကြီးဌာန ပြည်သူ့ကျန်းမာရေးဦးစီးဌာန မြန်မာနိုင်ငံ ရောဂါကာကွယ်ထိန်းချုပ်ရေးဗဟိုဌာန (Myanmar CDC )၏ မေလ ၁၉ရက်နေ့ ည(၈)နာရီ ထုတ်ပြန်ချက်အရသိရသည်။

ဓါတ်ခွဲ နမူနာပေါင်း ၂၄၀၀ကျော်အား စစ်ဆေးခဲ့ပြီး ကိုဗစ်-၁၉‌ ရောဂါအတည်ပြုလူနာသစ်တစ်ဦးကို စတင်တွေ့ရှိခဲ့ကာယခုဓါတ်ခွဲနမူနာများမှာ မေလ (၁၁)ရက်နေ့မှ မေလ (၁၈)ရက်နေ့အထိ ရက်သတ္တပတ် အတွင်း စစ်ဆေးခဲ့ခြင်းလည်းဖြစ်သည်။

-19

18/05/2025

ပညာရေးနဲ့ပတ်သတ်ပြီးပြောကြားချက်

16/05/2025

ရွေးကောက်ပွဲကျင်းပမည့်ရက်အား လျာထားသတ်မှတ်ပြီးဖြစ်ပြီး အချိန်မီကြိုတင်ထုတ်ပြန်ပေးသွားမည်ကြောင်း UEC ပြောကြား

ရွေးကောက်ပွဲကျင်းပမည့်ရက်အား လျာထားသတ်မှတ်ပြီးဖြစ်ပြီး အချိန်မီကြိုတင်ထုတ်ပြန်ပေးသွားမည်ကြောင်း ပြည်ထောင်စုရွေးကောက်ပွဲကော်မရှင်(UEC)က ပြောကြားသည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက ရွေးကောက်ပွဲကို ဒီဇင်ဘာလတွင် ကျင်းပမည်ဟု ပြောထားသည့်အတွက် ရွေးကောက်ပွဲ ကျင်းပမည့် ရက်အတိအကျကို သတ်မှတ်ထားပြီလားဆိုသည့် သတင်းဌာနတစ်ခု မေးမြန်းမှုအပေါ် ပြန်လည်ဖြေကြားရာတွင် ပြည်ထောင်စုရွေးကောက်ပွဲကော်မရှင်(UEC)က အထက်ပါအတိုင်း ထည့်သွင်းပြောကြားခဲ့ခြင်း ဖြစ်သည်။

" ပြည်ထောင်စုရွေးကောက်ပွဲကော်မရှင် အနေနဲ့ ရွေးကောက်ပွဲကျင်းပမည့်ရက်ကို လျာထားသတ်မှတ်ပြီးဖြစ်ပြီး အချိန်မီ ကြိုတင်ထုတ်ပြန် ပေးမှာ ဖြစ်ပါတယ်။ ရွေးကောက်ပွဲ ကျင်းပမည့်ရက် သတ်မှတ်ကြေညာပြီးနောက်ပိုင်း လွှတ်တော်ကိုယ်စားလှယ်လောင်း အမည်စာရင်း စိစစ်ပြီးချိန်တွင် မဲဆွယ်စည်းရုံးရေးကာလကို သတ်မှတ်ကြေညာသွားမှာ ဖြစ်ပါတယ်" ဟု ပြည်ထောင်စုရွေးကောက်ပွဲကော်မရှင်(UEC)က ပြောကြားသည်။

လာမည့်ရွေးကောက်ပွဲတွင် တစ်နိုင်ငံလုံးစည်းရုံးမည့် ပါတီ (၉) ပါတီတွင် (၃) ပါတီသည် သတ်မှတ်ရုံးခန်း အရေအတွက် ဖွင့်လှစ်ထားနိုင်ပြီး (၆) ပါတီသည် နိုင်ငံရေးပါတီများမှတ်ပုံတင်ခြင်းဥပဒေပါ သတ်မှတ်ချက်အတိုင်း ရွေးကောက်ပွဲကျင်းပမည့် နေ့ရက်မတိုင်မီ အနည်းဆုံး ရက်ပေါင်း ၉၀ ကြိုတင်၍ ကော်မရှင်က အမိန့်ကြော်ငြာစာဖြင့် ထုတ်ပြန်သည့် နေ့ရက်အတွင်း သတ်မှတ်ရုံးခန်း ပြည့်မီနိုင်ရေး ဆောင်ရွက်ရမည် ဖြစ်ကြောင်း ပြည်ထောင်စုရွေးကောက်ပွဲကော်မရှင်(UEC)က ပြောကြားသည်။

တိုင်းဒေသကြီး သို့မဟုတ် ပြည်နယ်တစ်ခုအတွင်း၌သာ စည်းရုံးမည့် ပါတီ ၄၅ ပါတီတွင် ၁၉ ပါတီသည် သတ်မှတ်ရုံးခန်း အရေအတွက် ဖွင့်လှစ်ထားနိုင်ပြီး ၂၆ ပါတီသည် နိုင်ငံရေးပါတီများမှတ်ပုံတင်ခြင်းဥပဒေပါ သတ်မှတ်ချက်အတိုင်း ရွေးကောက်ပွဲကျင်းပမည့် နေ့ရက်မတိုင်မီ အနည်းဆုံး ရက်ပေါင်း ၉၀ ကြိုတင်၍ ကော်မရှင်က အမိန့်ကြော်ငြာစာဖြင့် ထုတ်ပြန်သည့် နေ့ရက်အတွင်း သတ်မှတ် ရုံးခန်း ပြည့်မီနိုင်ရေး ဆောင်ရွက်ရမည် ဖြစ်ကြောင်း ပြည်ထောင်စုရွေးကောက်ပွဲကော်မရှင်(UEC)က ပြောကြားသည်။

ပြည်ထောင်စုရွေးကောက်ပွဲကော်မရှင်(UEC)က " နယ်မြေအခြေအနေ ကန့်သတ်ချက်ရှိသော တိုင်းဒေသကြီးနှင့် ပြည်နယ်များရှိ ပါတီများရုံးခန်း ဖွင့်လှစ်ခြင်းနှင့်စပ်လျဉ်း၍ သက်ဆိုင်ရာ ပါတီ၏ တင်ပြချက်အပေါ် စိစစ်ပြီး လုံခြုံရေး ကောင်းမွန်သော မြို့နယ်ရုံးများတွင် ယာယီ တွဲဖက်ဖွင့်လှစ်ခွင့်ပြုထားပါတယ်။ ပြည်ထောင်စုရွေးကောက်ပွဲကော်မရှင်အနေနဲ့ ပါတီများအတွက် ဖြေလျှော့ဆောင်ရွက်ပေးပြီးဖြစ်ပါတယ်" ဟု ပြောကြားသည်။

ရွေးကောက်ပွဲကို ယခုနှစ် ဒီဇင်ဘာ(သို့မဟုတ်) ၂၀၂၆ ခုနှစ် ဇန်နဝါရီလတွင် အစောဆုံးကျင်းပရန်စီစဉ်ထားကြောင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က ဘယ်လာရုစ်နိုင်ငံသမ္မတ လူကာရန်းကော့နှင့် ဘယ်လာရုစ်သမ္မတ နန်းတော်တွင် တွေ့ဆုံ၍ နှစ်နိုင်ငံဆွေးနွေးမှုများအပြီး မတ် ၇ ရက်က ပြုလုပ်သည့် ပူးတွဲ သတင်းစာရှင်းလင်းပွဲတွင် ပြောကြားခဲ့သည်။
Photo - internet

The Ethics News Agency

05/07/2025

05/07/2025

04/07/2025

22/06/2025

21/06/2025

19/06/2025

17/06/2025

07/06/2025

20/05/2025

20/05/2025

18/05/2025

16/05/2025

Address

Telephone

Website

Alerts

Contact The Business

Shortcuts

Share

Category