Yin Kone Than - ရင်ခုန်သံ, Yagon (2025)

16/07/2025

မွေးစားမိခင် အပျိုကြီးရဲ့ ပျိုးထောင်မှုအောက်မှ ကြီးပြင်းလာရသူ နန်းနန်း။ မိဘအရင်းတွေရဲ့ စွန့်ပစ်မှုကြောင့် စိတ်ဒဏ်ရာရခဲ့ပေမယ့် ငယ်စဉ်ကတည်းက ဖြစ်တည်မှုကို လက်ခံပေးတဲ့ မွေးစားမိခင်ကြောင့် ဘဝကို အကောင်းဆုံး ရှင်သန်ကျော်ဖြတ်နိုင်ခဲ့ပါတယ်။ နန်းနန်း အသက် ၁၇နှစ် ၊ မွေးစားမိခင်ဆုံးပါးသွားတဲ့အချိန်မှာ ငယ်ဘဝအိမ်မက်ကို အကောင်အထည်ဖော်ဖို့ ရန်ကုန်မြို့ကို စွန့်စားထွက်လာခဲ့ပါတယ်။

တစ်ကောင်ကြွက်ဘဝနဲ့ ရန်ကုန်မြို့မှာ အခက်အခဲပေါင်းစုံကို ရင်ဆိုင်ခဲ့ရင်း ဘဝကိုရှေ့ဆက်ဖို့ အလုပ်ရှာရာကနေ Drag Queen လောကထဲကို စတင်ဝင်ရောက်ခဲ့ပါတယ်။ ဝါသနာပါရာအလုပ်နဲ့ လောကဓံတွေကြား တက်လိုက်ကျလိုက် ရုန်းကန်လုပ်ကိုင်နေပေမယ့် အဆင်မပြေမှုတွေ များတာကြောင့် တခြားအလုပ်တစ်ခုကိုလည်း ထပ်မံလုပ်ကိုင်ခဲ့ပါတယ်။

လက်ရှိမှာ အလုပ်တစ်ဖက်နဲ့လည်း ဝါသနာပါရာ Drag Queen ဘဝကို မစွန့်လွှတ်ပဲ အခွင့်ရှိရင်ရှိသလို ကပြဖျော်ဖြေနေရင်း ဘဝကို အေးချမ်းစွာ ဖြတ်သန်းနေပါတယ်။ လောကဓံလှိုင်းလုံးများအကြား အရှုံးမပေးစတမ်း အိပ်မက်နဲ့အတူ ကူးခတ်ဆဲ Drag Queen နန်းနန်းရဲ့ ဘဝအကြောင်း ကို သူငယ်ချင်းလေးတို့အတွက် အခုလိုပဲ တင်ဆက်ပေးလိုက်ရပါတယ်။

#ရင်ခုန်သံ

16/07/2025

Drag Show ပရိသတ်တွေ ရှိကြသလားဗျို့။ ဒီနေ့ဟာ International Drag Day ပါ။ ဇူလိုင်လ ၁၆ရက်နေ့ ကို International Drag Day အဖြစ် ၂၀၀၉ခုနှစ်ကတည်းက အထိမ်းအမှတ်နေ့တစ်ခု အဖြစ် ကျင်းပကြပါတယ်။ 💁💋💄💅🌈

Drag ဆိုတာ လူမှုရပ်ဝန်းထဲကနေ သမားရိုးကျ သတ်မှတ်ထားတဲ့ ဖြစ်တည်မှုတွေ နဲ့ ဆိုင်ရာ အပြုအမူတွေကို ခွဲခြားမှု နည်းပါးလာအောင် ၊ ရှေးရိုးစွဲ ပညတ်တွေကို ပြေလျော့ပျောက်ကွယ်သွားအောင် စိန်ခေါ် ရည်ရွယ်ပြီး ဇာတ်ကောင် အဖြစ် ပုံဖော်တဲ့ အနုပညာရပ် တစ်ခုပါ။ ဒီလို Drag artist တွေထဲမှာ အများဆုံး သိကြမှာကတော့ Drag Queen (များသောအားဖြင့် အမျိုးသမီးဇာတ်ကောင်အဖြစ် ပုံဖော်ခြင်း) ပါ။ သူ့အပြင် Drag King (အမျိုးသားဇာတ်ကောင်အဖြစ် ပုံဖော်ခြင်း) ၊ Non-binary ၊ Gender-fluid စသဖြင့် ဖန်တီးရှင် အမျိုးမျိုး ရှိကြပါတယ်။

Drag က ဖျော်ဖြေရေးသက်သက်မဟုတ်ပါဘူး။ ဒါက—
⭐️အနုပညာနဲ့ ဖန်တီးမှု - အသေးစိတ်အလှဆင်ထားတဲ့ဝတ်စုံတွေ၊ makeup တွေကနေ lip-sync၊ live vocal အထိ အနုပညာရဲ့ အစစ်အမှန်ပုံစံတစ်ခုပါ။
⭐️ကိုယ်ပိုင်လက္ခဏာဖော်ထုတ်မှု - အနုပညာရှင်တွေအတွက် ကိုယ်ပိုင်လက္ခဏာရှာဖွေဖို့၊ လူမှုစံနှုန်းတွေကို စိန်ခေါ်ဖို့နဲ့ စစ်မှန်တဲ့ဘဝကို ရှင်သန်ဖို့ နေရာတစ်ခုပေးပါတယ်။
⭐️လူမှုအသိုင်းအဝိုင်းနဲ့ တက်ကြွလှုပ်ရှားမှု - Drag က LGBTQ+ သမိုင်းမှာ ထဲထဲဝင်ဝင်ပါဝင်မှု ရှိပြီး အထူးသဖြင့် ခက်ခဲတဲ့အချိန်တွေမှာ ကန့်ကွက်မှု၊ ခံနိုင်ရည်နဲ့ အသိုင်းအဝိုင်းတည်ဆောက်ရေးအတွက် အရေးပါတဲ့အင်အားတစ်ခုဖြစ်ခဲ့ပါတယ်။ Drag artist အများအပြားဟာ ယခင်ကရော လက်ရှိမှာပါ လူမှုရေးပြောင်းလဲမှုတွေရဲ့ ရှေ့တန်းကနေ ဦးဆောင်နေကြပါတယ်။
⭐️ပျော်ရွှင်မှုနဲ့ အားပေးမှု - Drag က ဖျော်ဖြေသူတွေရော ကြည့်ရှုသူ ပရိတ်သတ်တွေကိုပါ ပျော်ရွှင်မှုအပြည့်ပေးပြီး ရဲရင့်စွာ၊ စစ်မှန်စွာ နေထိုင်ဖို့ အားပေးပါတယ်။

ဒီနေ့မှာ Drag အနုပညာရဲ့ တောက်ပစူးရှတဲ့ကမ္ဘာ၊ သမိုင်းကြောင်းနဲ့ သာတူညီမျှတဲ့ကမ္ဘာကို အသက်သွင်း၊ ရယ်မောမှုနဲ့ သတ္တိပေးတဲ့ ထူးချွန်တဲ့အနုပညာရှင်တွေကို အတူတူဂုဏ်ပြုကြပါစို့။
သူငယ်ချင်းလေးတို့ အကြိုက်ဆုံး drag artist (သို့) drag နဲ့ပတ်သက်တဲ့ အမှတ်ရစရာအချိန်တွေကို comment မှာမျှဝေပေးပါဦးနော်။ 💜🎉
#ရင်ခုန်သံ

14/07/2025

ဇူလိုင် ၁၄ ရက်နေ့ ဟာ ၂၀၁၂ ခုနှစ် ကစပြီး International Non-Binary People’s Day ဖြစ်လာခဲ့ပါတယ်။ အထူးသဖြင့် non-binary ဖြစ်တည်မှုဟာ သမားရိုးကျ လိင်နှစ်ခု နဲ့ သတ်မှတ်တဲ့ စနစ် ရဲ့ အလွန်မှာ တည်ရှိတာကို ပြသလိုတဲ့အတွက် ဒီရက်ကို အပြည်ပြည်ဆိုင်ရာ အမျိုးသမီးများနေ့ (မတ် ၈ ရက်) နဲ့ အပြည်ပြည်ဆိုင်ရာ အမျိုးသားများနေ့ (နိုဝင်ဘာ ၁၉ ရက်) တို့ရဲ့ အလယ်မှာ ရွေးချယ်ထားတာပါ။ တနည်းအားဖြင့် non-binary တွေအကြောင်း ပိုမိုသိရှိအောင် လေ့လာမျှဝေသင့်တဲ့ အထိမ်းအမှတ်နေ့တစ်ခုပါ။

🟢non-binary ဆိုတာ "အမျိုးသား" (သို့) "အမျိုးသမီး" ဆိုတဲ့ လူ့အဖွဲ့အစည်းရဲ့ သမားရိုးကျ ယူဆချက်တွေအောက်မှာ မပါဝင်တဲ့ လိင်ဖြစ်တည်မှုကို ခံယူထားသူတွေ ဖြစ်ပါတယ်။ လူတစ်ယောက်ရဲ့ အတွင်းစိတ်ထဲက ခံယူချက်အပေါ် မူတည်တဲ့ ဖြစ်တည်မှု တစ်ခု ဖြစ်လို့ ဝတ်စားဆင်ယင်မှု (သို့) အပြင်ပန်းကြည့်ရုံနဲ့ မသတ်မှတ်နိုင်ပါဘူး။ မွေးရာပါလိင်နဲ့ မတူတဲ့ ဖြစ်တည်မှု ကို ခံယူတဲ့အတွက် non-binary အဖြစ် ခံယူထားသူ ထဲမှာ အချို့က transgender အဖြစ် မိမိကိုယ်ကို ဖော်ပြတာမျိုး ရှိနိုင်ပေမယ့် non-binaryတိုင်းက transgender မဟုတ်ပါဘူး။

ဒီနေ့မှာ ဘာလုပ်သင့်လဲ?
✔ နာမ်စားတွေကို လေးစားပါ။ non-binary တွေရဲ့ မြင်ရအများဆုံး အသုံးပြုမှုများတဲ့ pronoun (နာမ်စား) က They/Them ပါ။ ဒါပေမဲ့ တစ်ဦးတစ်ယောက်ချင်းပေါ် မူတည်ပြီး သူတို့ သုံးစွဲတဲ့ နာမ်စားကလည်း ကွဲပြားနိုင်တဲ့အတွက် တဖက်လူကို ခေါ်ဝေါ်တဲ့အခါ တစ်ဦးချင်းစီရဲ့ ကိုယ်ပိုင်နာမ်စားရွေးချယ်မှုကို လေးစားဖို့ အရေးကြီးပါတယ်။
✔LGBTQ+ တို့ရဲ့ ဖြစ်တည်မှုတွေက သက်တံ့ရောင်စဉ်ပမာ အရောင်အသွေးစုံလင်တာဖြစ်လို့ စဉ်ဆက်မပြတ် လေ့လာမှုတွေဆိုတာ အမြဲ လိုအပ်ပါတယ်။ ဒါကြောင့် non-binary တွေရဲ့ အတွေ့အကြုံနဲ့ အခက်အခဲတွေကို လေ့လာပါ။
✔ non-binary တွေအတွက် လုံခြုံပြီး လက်ခံပေးနိုင်တဲ့ နေရာတွေ ဖန်တီးပေးပါ။
ဖြစ်တည်မှုများ အားလုံးကို နားလည်၊ လေးစား၊ ဂုဏ်ပြုတဲ့ လူမှုရပ်ဝန်းတစ်ခု ကို အတူတူကြိုးစားရင်း တည်ဆောက်ကြရအောင်။ 💛🤍💜🖤
🟢Non-binary အနေနဲ့ လူသိရှင်ကြား ဖွင့်ဟထားတဲ့ နာမည်ကျော် တွေထဲမှာ ဘယ်သူတွေပါသလဲ ပြောပြပေးခဲ့ပါဦး။
#ရင်ခုန်သံ

11/07/2025

Weekly Wisdom အစီအစဉ် ကနေ ပြန်လည် ကြိုဆိုလိုက်ပါတယ်။ ဒီအစီအစဉ်ကတော့ သူငယ်ချင်းလေးတို့အတွက် အပြည်ပြည်ဆိုင်ရာက ဗဟုသုတရဖွယ် အကြောင်းအရာ ၊ စကားလုံးတွေကို ရှာဖွေမျှဝေပေးသွားမယ့် အစီအစဉ် ဖြစ်ပါတယ်။ 🌐📈🌈

ဒီတခေါက် ပြောပြပေးသွားမယ့် အကြောင်းအရာ ကတော့ non-binary ဖြစ်ပါတယ်။ ဒီစကားလုံးက နောက်ပိုင်းမှာ မြင်ရများလာတဲ့အတွက် အတူတူလေ့လာကြည့်ကြရအောင်။

Non-binary ဆိုတာ
"အမျိုးသား" (သို့) "အမျိုးသမီး" ဆိုတဲ့ လူ့အဖွဲ့အစည်းရဲ့ သမားရိုးကျ ယူဆချက်တွေအောက်မှာ မပါဝင်တဲ့ လိင်ဖြစ်တည်မှုကို ခံယူထားသူတွေ ဖြစ်ပါတယ်။ တနည်းအားဖြင့် Non-binary တွေအနေနဲ့ သူတို့ကိုယ်သူတို့
✔ အမျိုးသားလည်းဖြစ်၊ အမျိုးသမီးလည်းဖြစ်တယ်
✔ အမျိုးသားလည်းမဟုတ်၊ အမျိုးသမီးလည်းမဟုတ်ပါ
✔ သမားရိုးကျ လိင်သတ်မှတ်ချက်နှစ်ခုကြားက ဖြစ်တည်မှုတစ်ခု
✔ လုံးဝကွဲပြားတဲ့ လိင် သဘောသဘာဝ စသဖြင့် ခံယူတွေးခေါ်တတ်ကြပါတယ်။

👉 အဓိကအနေနဲ့ non-binary ဆိုတာ လူတစ်ယောက်ရဲ့ အတွင်းစိတ်ထဲက ခံယူချက်အပေါ် မူတည်တဲ့ ဖြစ်တည်မှု တစ်ခု ဖြစ်လို့ ဝတ်စားဆင်ယင်မှု (သို့) အပြင်ပန်းကြည့်ရုံနဲ့ မသတ်မှတ်နိုင်ပါဘူး။ မွေးရာပါလိင်နဲ့ မတူတဲ့ ဖြစ်တည်မှု ကို ခံယူတဲ့အတွက် non-binary အဖြစ် ခံယူထားသူ ထဲမှာ အချို့က transgender အဖြစ် မိမိကိုယ်ကို ဖော်ပြတာမျိုး ရှိနိုင်ပေမယ့် non-binaryတိုင်းက transgender မဟုတ်ပါဘူး။

Non-binary အဖြစ် ခံယူထားသူတွေ အနေနဲ့ “Guys” “Girls” လိုမျိုး အစုအဝေးနဲ့ အသုံးပြုပေမယ့် သမားရိုးကျ လိင်ဖြစ်တည်မှုအပေါ် အခြေခံထားတဲ့ စကားလုံးတွေကို မနှစ်သက်ကြတာ ၊ gender-neutral (လိင် သတ်မှတ်ချက်မရှိသော) ဖြစ်တဲ့ “People” “Folks” ဆိုတာမျိုးပဲ သုံးနှုန်းစေချင်တာမျိုး ရှိတတ်တဲ့အတွက် အဲ့ဒီအချက်တွေကိုလည်း သတိပြုရပါမယ်။

Non-binary တွေရဲ့ မြင်ရအများဆုံး အသုံးပြုမှုများတဲ့ pronoun (နာမ်စား) က They/Them ပါ။ ဒါပေမဲ့ တစ်ဦးတစ်ယောက်ချင်းပေါ် မူတည်ပြီး သူတို့ သုံးစွဲတဲ့ နာမ်စားကလည်း ကွဲပြားနိုင်တဲ့အတွက် တဖက်လူကို ခေါ်ဝေါ်တဲ့အခါ တစ်ဦးချင်းစီရဲ့ ကိုယ်ပိုင်နာမ်စားရွေးချယ်မှုကို လေးစားဖို့ အရေးကြီးပါတယ် ဆိုတာ မမေ့ပါနဲ့နော်။

#ရင်ခုန်သံ

11/07/2025

ဘယ်အချက်တွေက မှန်သလား ၊ မှားသလား မန့်ခဲ့ပေးပါဦး။ 🟢🔴

#ရင်ခုန်သံ

07/07/2025

ပြီးခဲ့တဲ့ ဇွန်လ (၂၀)ရက်နေ့မှာ Yin Kone Than - ရင်ခုန်သံ ရဲ့ (၂)နှစ်ပြည့် အထိမ်းအမှတ် အနေနဲ့ တင်ဆက်ပေးခဲ့တဲ့ ဗီဒီယို တွေထဲက မိမိ အကြိုက်နှစ်သက်ဆုံး တစ်ခု အကြောင်းကို မျှဝေရင်း ဖုန်းဘေလ် လက်ဆောင်ရယူနိုင်တဲ့ အစီအစဉ် ကို မိတ်ဆက်ပေးခဲ့ပါတယ်။

ပါဝင်လာသူတွေထဲကမှ ပြောပြထားတဲ့ အဆင့် ၃ဆင့် လုံးကို လုပ်ဆောင်တဲ့သူတွေကို စစ်ထုတ်လိုက်တဲ့ အခါမှာ မူလ က ရည်ရွယ်ထားတဲ့ ကံထူးရှင် အရေအတွက်ထက် နည်းနေတာကို တွေ့ရပါတယ်။

📢ဒါပေမယ့် သေချာ အချိန်ပေးပြီး ပါဝင်ပေးတဲ့အတွက် အခု ရွေးချယ်ခံရတဲ့ ကံထူးရှင်တွေကို အထူးဆု အဖြစ် တဦးလျှင် ဖုန်းဘေလ် တစ်သောင်းကျပ် ပြောင်းလဲချီးမြှင့်ပေးသွားမှာ ဖြစ်ကြောင်း အသိပေးချင်ပါတယ်။ ကံထူးရှင်များအနေနဲ့ Yin Kone Than - ရင်ခုန်သံ ရဲ့ messenger မှာ ဆက်သွယ်ပေးကြပါဦးနော်။

ရှေ့ဆက်ပြီး ပိုမိုကောင်းမွန်တဲ့ အကြောင်းအရာတွေကို တင်ဆက်ပေးနိုင်အောင် Yin Kone Than - ရင်ခုန်သံ ကလည်း ဆက်လက် ကြိုးစားသွားပါဦးမယ်။ LGBTQ+ တို့အတွက် ပိုမိုကောင်းမွန်တဲ့ ၊ လုံခြုံစိတ်ချရတဲ့ ၊ နားလည်လက်ခံမှုတွေနဲ့ ရပ်ဝန်းကို အတူတူ ဆက်လက်ဖန်တီးကြရအောင်။ 💜🏳️‍🌈

#ရင်ခုန်သံ

30/06/2025

Pride Month ကာလ အတွင်း LGBTQ+ ရပ်ဝန်း အပြင် LGBTQ+ တွေနဲ့အတူ ရပ်တည်ပေးနေတဲ့ ဓာတ်ပုံဝါသနာရှင်တွေ ၊ ဓာတ်ပုံပညာကို စိတ်ဝင်စားပြီး အတွေ့အကြုံထပ်မံ ဖြည့်လိုသူတွေ အတွက် ရည်ရွယ်ထားတဲ့ Advocacy Mobile Photography Training (2025) ဟာ အောင်မြင်စွာ ပြီးမြောက်ခဲ့ပါပြီ။ Training ကာလတွင်းမှာ အားလုံးက ရင်းရင်းနှီးနှီး တက်တက်ကြွကြွနဲ့ တက်ရောက်ပေးခဲ့ကြတော့ အခုဆိုရင် post-training project တွေ ကိုယ်စီနဲ့ ဆက်လက်လှုပ်ရှားကြရတော့မှာပါ။

ဒီတော့ Training ကာလအတွင်း သူတို့ရဲ့ အမှတ်အရဆုံး ဖြစ်ရပ် တွေကို ပုံလေးတွေ ထောက်ပြီး တူတူ ဖတ်ကြည့်ကြရအောင်နော်။ 💜📲

Pride Month ပြီးတော့မှာပေမယ့် LGBTQ+ လူမှုရပ်ဝန်းအတွက် အကျိုးပြုတဲ့၊ ကောင်းမွန်တဲ့ အရွေ့တွေမှာတော့ နေ့ရက်တိုင်း ကိုယ်စွမ်းသလောက် ပါဝင်နေကြဖို့လည်း မမေ့ပါနဲ့နော်။ အားလုံးပဲ Happy Pride Month! 🏳️‍🌈

#ရင်ခုန်သံ

27/06/2025

ငယ်စဉ်ကတည်းက တောင်ယာလုပ်ငန်းနဲ့ ကြီးပြင်းလာခဲ့တဲ့ Transgender အမျိုးသမီး အဖြစ် ခံယူထားသူ မျိုးမျိုး။ မိခင် နဲ့ အစ်မဆီက လုံချည်တွေ ခိုးဝတ်လို့ အရိုက်ခံခဲ့ရပေမယ့် မျိုးမျိုးရဲ့ အမျိုးသမီး ဖြစ်ချင်စိတ် က ငယ်ငယ်ကတည်းက ပျောက်ကွယ်မသွားခဲ့ပါဘူး။ နေ့တိုင်း မနက်စောစောထ ဖက်ခူး၊ ဖက်ခေါက်၊ သပြေပန်းခူးပြီး မြို့ပေါ်တက်ရောင်းသလို ကျန်တဲ့အချိန်မှာလည်း ရာသီအလိုက် ကောက်စိုက်၊ နှမ်းစိုက်၊ နှမ်းရိတ် အလုပ်မျိုးစုံ လုပ်ခဲ့ပါတယ်။ အဲ့ဒီလို ရလာတဲ့ လုပ်အားခလေးတွေ စုပြီး အမျိုးသမီးဝတ်အထည်တွေကို ဝယ်ဝတ်တတ်သူပါ။ ရန်ကုန်မှာ အထည်ချုပ်လုပ်ငန်းခွင်မှာ နှစ်အနည်းငယ် လုပ်ကိုင်ခဲ့ပေမယ့် မိဘနှစ်ပါးရဲ့ ကျန်းမာရေး နဲ့ မိသားစုအရေးကြောင့် ရွာပြန်လာပြီး တောင်ယာလုပ်ငန်းကို တာဝန်ယူခဲ့ပါတယ်။ မိဘနှစ်ပါး ရှိစဉ်က တတ်စွမ်းသမျှ ပြုစုလုပ်ကျွေးခဲ့သလို ရင်နဲ့မလွယ် မွေးခဲ့ရတဲ့ တူမလေး ကိုလည်း မူကြိုအရွယ်ကတည်းက ရုန်းကန်ကျွေးမွေး စောင့်ရှောက်လာခဲ့တာ အခုဆိုရင် ၇တန်းအရွယ်တောင် ရောက်လာပါပြီ။ တူမလေး ရဲ့ ပညာရေးအိပ်မက် ကို ဖြည့်ဆည်းပေးဖို့နဲ့ အိုးမကွာအိမ်မကွာ ကုန်စုံဆိုင်လေး ဖွင့်နိုင်ဖို့က မျိုးမျိုးရဲ့ အိပ်မက်ပါ။

ဒီလိုမျိုး ခက်ခဲကြမ်းတမ်းခရီးလမ်းမှာ မိသားစုအပေါ် မေတ္တာမလစ်ငင်းရအောင် ကြိုးပမ်းခဲ့တဲ့ “မနောဖြူတဲ့ တောသူမလေး မျိုးမျိုး” ရဲ့ ဇာတ်လမ်း ကို သူငယ်ချင်းလေးတို့အတွက် အခုလို တင်ဆက်ပေးလိုက်ရပါတယ်။
#ရင်ခုန်သံ

20/06/2025

Yin Kone Than - ရင်ခုန်သံ ရဲ့ ၂နှစ်တာ ခရီးလမ်းမှာ LGBTQ+ သူငယ်ချင်းလေးအတွက် ဗဟုသုတရဖွယ် အကြောင်းအရာတွေ ၊ စိတ်ဝင်စားစရာ သတင်းတွေ အပြင် စိတ်အားတက်ဖွယ် နဲ့ အတုယူဖွယ် ဗီဒီယိုတွေကိုပါ တင်ဆက်ပေးနေလျက် ရှိပါတယ်။ Facebook ကနေ စတင်ခဲ့တဲ့ Yin Kone Than - ရင်ခုန်သံ ဟာ အခုဆိုရင် Instagram, YouTube, Telegram တို့မှာပါ သူငယ်ချင်းလေးတို့နဲ့ အတူရှိနေပါတယ်။ ဒါပေမယ့်……..

မကြာခင်မှာ လာတော့မယ့် နားဆင်မှု အတွေ့အကြုံသစ် အတွက် အဆင်သင့် ဖြစ်ကြပြီလား။ 📢
ဟုတ်ပါတယ်။ မကြာခင်မှာ Yin Kone Than - ရင်ခုန်သံ ကနေ နှလုံးသားနဲ့ အနီးဆုံး အကြောင်းအရာ တွေကို နားဆင်ခံစားနိုင်ဖို့ platform အသစ်မှာ ပေါ်ထွက်လာတော့မှာပါ။

"ဒီနေရာမှာ သင့်ရဲ့အသံကိုလည်း ကြားရဖို့ အဆင်သင့်ဖြစ်နေပြီလား?"
ဘယ်လိုနေရာမျိုးလဲဆိုတာ မှန်းကြည့်ကြည့်ပါဦး…....
🎧နားထောင်ရတာ နှစ်သက်သူတွေအတွက် လက်ဆောင်တစ်ခုလား?
🏳️‍🌈LGBTQ+ အတွေ့အကြုံတွေကို ပိုမိုနက်နက်နဲနဲ မျှဝေမယ့်နေရာလား?
📲သင့်ရဲ့ဖုန်း (သို့) ကွန်ပျူတာကနေ အားလုံးကို ချိတ်ဆက်နိုင်မယ့် နေရာတစ်ခု?
💜Yin Kone Than - ရင်ခုန်သံ ရဲ့ နောက်ထပ် လျှို့ဝှက်ချက်တစ်ခု ကို ဖော်ထုတ်တော့မှာလား?

အဖြေက မကြာတော့ဘူး......ဒါကြောင့် သတင်းအပြည့်အစုံကို စောင့်မျှော်ပေးပါဦးနော်။ 📢

#ရင်ခုန်သံ

20/06/2025

LGBTQ+ တို့ရဲ့ စစ်မှန်တဲ့ ရင်တွင်းစကားသံတွေကို တင်ဆက်ပေးနေတဲ့ Yin Kone Than - ရင်ခုန်သံ ဟာ ဒီနေ့ မှာ ၂နှစ် ပြည့်ခဲ့ပါပြီ။ 🎉🎉

ဒီခရီးမှာ သူငယ်ချင်းလေးတို့အတွက် စိတ်ဝင်စားစရာ သတင်းအချက်အလက်တွေကိုလည်း ဝေမျှပေးခဲ့သလို သိသင့်တဲ့အကြောင်းအရာတွေ ၊ စိတ်အားတက်ဖွယ် နဲ့ အတုယူဖွယ် ဗီဒီယိုတွေကိုပါ တင်ဆက်ပေးနေလျက် ရှိပါတယ်။ ဒါ့အပြင် ရုပ်ရှင်ပံ့ပိုးမှုများ ၊ ဓာတ်ပုံသင်တန်း / ပြိုင်ပွဲတွေအပြင် ဝတ္ထုတိုပြိုင်ပွဲများပါ ကျင်းပနိုင်ခဲ့ပါတယ်။

၂နှစ်တာ အတွင်းမှာ Yin Kone Than - ရင်ခုန်သံ အနေနဲ့ Facebook အပြင် YouTube, Telegram, Instagram မှာပါ ဖြန့်ကြက်နိုင်ခဲ့ပြီး Facebook follower လည်း 10K ကျော်ခဲ့ပါပြီ။ ဒီလိုအောင်မြင်မှုတွေဟာ သူငယ်ချင်းလေးတို့ရဲ့ အားပေးမှုသာ မရှိရင် ဘယ်လိုမှမဖြစ်နိုင်ပါဘူး။ ဒါကြောင့် LGBTQ+ အသိုင်းအဝိုင်း၊ Ally တွေနဲ့ မပြတ်အားပေးနေတဲ့သူတိုင်းကို ကျေးဇူးအထူးတင်ပါတယ်။ ကျေးဇူးတုံ့ပြန်တဲ့အနေနဲ့ Yin Kone Than - ရင်ခုန်သံ က အားလုံးပါဝင်နိုင်မယ့် အစီအစဉ်လေး တစ်ခု ပြင်ဆင်ထားပါတယ်။ ၂နှစ်တာ အတွင်းမှာ Yin Kone Than - ရင်ခုန်သံ အနေနဲ့ Facebook အပြင် YouTube, Telegram, Instagram, မှာပါ ဖြန့်ကြက်နိုင်ခဲ့ပြီး Facebook follower လည်း 10K ကျော်ခဲ့ပါပြီ။ ဒီလိုအောင်မြင်မှုတွေဟာ သူငယ်ချင်းလေးတို့ရဲ့ အားပေးမှုသာ မရှိရင် ဘယ်လိုမှမဖြစ်နိုင်ပါဘူး။ ဒါကြောင့် LGBTQ+ အသိုင်းအဝိုင်း၊ Ally တွေနဲ့ မပြတ်အားပေးနေတဲ့သူတိုင်းကို ကျေးဇူးအထူးတင်ပါတယ်။ ကျေးဇူးတုံ့ပြန်တဲ့အနေနဲ့ Yin Kone Than - ရင်ခုန်သံ က အားလုံးပါဝင်နိုင်မယ့် အစီအစဉ်လေး တစ်ခု ပြင်ဆင်ထားပါတယ်။

📍Yin Kone Than - ရင်ခုန်သံ ရဲ့ YouTube နဲ့ Instagram ကို follow & subscribe လုပ်ပါ။
📍ယခု Facebook ပို့စ်ကို Like & Share လုပ်ပြီး screenshot ရိုက်ထားပေးပါ။
📍Yin Kone Than - ရင်ခုန်သံရဲ့ ဗီဒီယို တွေထဲက သင် အနှစ်သက်ဆုံး တပုဒ်ကို ရွေးချယ်ပြီး ဘာကြောင့် နှစ်သက်တာလဲ ဆိုတာကို ခုနက screenshot နဲ့အတူ ယခု ပို့စ်အောက်မှာ comment မန့်ပေးပါ။
📢ဇွန်လ ၂၈ရက်နေ့ ၊ နေ့လယ် ၁၂နာရီနောက်ဆုံးထား ရရှိထားတဲ့ comment တွေကိုသာ အတည်ယူမှာ ဖြစ်ပါတယ်။ အဆင့် (၃)ဆင့်လုံး သေချာလုပ်ပြီး ပါဝင်ပေးတဲ့ comment တွေထဲက အယောက် (၂၀) ကို မဲနှိုက်ရွေးချယ်ပြီး ဖုန်းဘေလ် (၅၀၀၀) ကျပ်စီ မဲဖောက်ပေးသွားမှာပါ။

ရှေ့ဆက်ပြီး ပိုမိုကောင်းမွန်တဲ့ အကြောင်းအရာတွေကို တင်ဆက်ပေးနိုင်အောင် Yin Kone Than - ရင်ခုန်သံ ကလည်း ဆက်လက် ကြိုးစားသွားပါဦးမယ်။ LGBTQ+ တို့အတွက် ပိုမိုကောင်းမွန်တဲ့ ၊ လုံခြုံစိတ်ချရတဲ့ ၊ နားလည်လက်ခံမှုတွေနဲ့ ရပ်ဝန်းကို အတူတူ ဆက်လက်ဖန်တီးကြရအောင်။

#ရင်ခုန်သံ

16/06/2025

အားလုံး စောင့်မျှော်နေကြတဲ့ အတိုင်း Advocacy Mobile Photography Training ရဲ့ ၂၀၂၅ခုနှစ် အတန်း အတွက် တက်ရောက်ဖို့ ရွေးချယ်ခံရသူများကို Email ကတဆင့် အကြောင်းကြားပြီးသွားပြီ ဖြစ်ပါတယ်။ Email စစ်တဲ့အခါ Inbox မှာရော Spam folder မှာပါ စစ်ကြည့်ပေးဖို့ မမေ့ပါနဲ့နော်။

ယခု training အတွက် စိတ်ပါဝင်စားစွာ အများကြီး လျှောက်ထားပေးကြလို့ လျှောက်ထားသူများ အားလုံး ကို ကျေးဇူးတင်ပါတယ်။

အကြောင်းအမျိုးမျိုးကြောင့် မရွေးချယ်ခံရတဲ့ သူငယ်ချင်းလေးတို့လည်း အားမငယ်ပါနဲ့နော်။ နောက်ထပ် အစီအစဉ်ကောင်းတွေကို တင်ဆက်ပေးသွားဦးမှာဖြစ်လို့ Yin Kone Than - ရင်ခုန်သံ page ကို အမြဲစောင့်ကြည့်ဖို့ တိုက်တွန်းလိုက်ပါရစေ။

#ရင်ခုန်သံ

Yin Kone Than - ရင်ခုန်သံ

16/07/2025

16/07/2025

14/07/2025

11/07/2025

11/07/2025

07/07/2025

30/06/2025

27/06/2025

20/06/2025

20/06/2025

16/06/2025

Address

Website

Alerts

Contact The Business

Shortcuts

Share

Category