The Irrawaddy - Burmese Edition

27/07/2025

ပြည်ပ အလုပ် သွားလုပ်လိုသူများအတွက် ငွေထုတ်ချေးမည့် မူဝါဒ ဆွဲထားဟု PPP ပါတီ ဆို

ဧရာဝတီ၊ ဇူလိုင် ၂၇၊ ၂၀၂၅

နိုင်ငံမှထွက်ခွာမည့်လူငယ်လူရွယ်များအား အကြောင်းအမျိုးမျိုးကြောင့် စစ်ကောင်စီ ကန့်သတ်နေချိန် ပြည်ပသို့ အလုပ် သွားလုပ်လိုသူများအတွက် ချေးငွေထုတ်ပေးမည့် မူဝါဒ ရေးဆွဲထားကြောင်း ယနေ့ ပြုလုပ်သော ပြည်သူ့ရှေ့ဆောင် (PPP) ပါတီ မူဝါဒများ ရှင်းလင်းရာတွင် ဥက္ကဋ္ဌ ဒေါ်သက်သက်ခိုင်က ပြောဆိုသည်။

၎င်းက “ကျေးလက်နေ ၃၅ ရာခိုင်နှုန်းက ပြည်ပသွားတာမှာ မိဘရှိတဲ့ ရွှေထည်တွေ၊အိမ်ခြံမြေတွေ ပေါင်နှံ ရောင်းချ စသဖြင့် ရင်းနှီးမြှုပ်နှံပြီး သွားနေတာ။ ဒီလိုသွားမယ့်အစား ကျမတို့က ရွှေ့ပြောင်းစရိတ် ချေးငွေထုတ် ပေးတာမျိုး၊ Migrant Worker Loan ထုတ်ပေးတာမျိုး ပြီးရင် အရစ်ကျ ပြန်ဆပ်စေတာ။ ဒါက ကျမတို့ ပါတီရဲ့လုပ်ဆောင်ချင်တဲ့ မူဝါဒ ဖြစ်ပါတယ်” ဟု ဆိုသည်။

ထို့ပြင် PPP ပါတီအနေဖြင့် လာမည့် ရွေးကောက်ပွဲ၌ မြို့နယ်အားလုံးမှ ဝင်ရောက်ယှဉ်ပြိုင်မည်ဖြစ်သလို လွှတ်တော်ထဲသို့ရောက်ရှိပါက ရွှေ့ပြောင်းလုပ်သားများအရေးနှင့် ပတ်သက်၍ကြိုးစားပေးသွားမည်ဖြစ်ပြီး အစိုးရအဖွဲ့ထဲ ရောက်သွားလျှင်လည်း ပါတီမှရေးဆွဲထားသည့် အလုပ်သမား မူဝါဒများအတိုင်း ဆောင်ရွက်ပေးသွားမည်ဟု စည်းရုံး ပြောဆိုသွားသည်။

လက်ရှိတွင် စစ်ကောင်စီအနေဖြင့် စစ်မှုထမ်းဥပဒေကို ပြဋ္ဌာန်းထားပြီး စစ်မှုထမ်းအသက် အကျုံးဝင်သူများ ပြည်ပထွက်ခွင့် တင်းကျပ်ထားသည့်အပြင်၊ ပြည်ပရောက် အလုပ်သမားများ၏ လုပ်ခလစာများကိုလည်း၂၅ ရာခိုင်နှုန်းအား စစ်ကောင်စီသတ်မှတ်ထားသော ဘဏ်များမှတဆင့် ပြန်လွှဲရန် ညွှန်ကြားထားသည်။

ဓာတ်ပုံ- PPP



စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

27/07/2025

မလေးရှားဝန်ကြီးချုပ် ကြားဝင်မှုဖြင့် ထိုင်းနှင့်ကမ္ဘောဒီးယားတို့ ကွာလာလမ်ပူတွင် မနက်ဖြန် တွေ့မည်

ဧရာဝတီ၊ဇူလိုင် ၂၇၊ ၂၀၂၅

အာဆီယံဥက္ကဋ္ဌ မလေးရှားဝန်ကြီးချုပ် အန်ဝါ အီဘရာဟင်က ထိုင်း- ကမ္ဘောဒီးယား နယ်စပ်တလျောက် တင်းမာမှုလျော့ချရေးဆွေးနွေးရန်အတွက် ထိုင်းယာယီဝန်ကြီးချုပ် ဖူထမ်ကို ကွာလာလမ်ပူသို့ ဇူလိုင်၂၈ ရက်တွင် လာရောက်ရန် တရားဝင်ဖိတ်ကြားထားသလို ကမ္ဘောဒီးယားဝန်ကြီးချုပ် ဟွန်မာနက်လည်း လာမည်ဟု မျှော်လင့်ကြောင်း ထိုင်းသတင်းများက ဆိုသည်။

အဆိုပါ ဆွေးနွေးပွဲတွင် ငြိမ်းချမ်းရေး ပြန်လည်ထူထောင်ရန် အဆိုပြုချက်များကို အဓိကဆွေးနွေးမည်ဖြစ်ပြီး ထိုင်းအာဏာပိုင်တို့အနေဖြင့် နယ်နိမိတ်ကိစ္စနှင့် အလျော့ပေးရေးများ ဆွေးနွေးမည်မဟုတ်ကြောင်း The Enquirer က ဖော်ပြထားသည်။

မလေးရှားနိုင်ငံအား ကြားဝင်ဖျန်ဖြေသူအဖြစ် နှစ်နိုင်ငံလုံးမှ သဘောတူထားကြောင်း မလေးရှားနိုင်ငံခြားရေးဝန်ကြီး မိုဟာမက်ဟာဆန်က ယနေ့တွင် ရိုက်တာ သတင်းဌာနအား ပြောသည်ဟု ကမ္ဘောဒီးယားသတင်း Khmer times ၌ ဖော်ပြသည်။

မိုဟာမက်က “နှစ်ဖက်စလုံးက မလေးရှားကို ယုံကြည်မှုအပြည့်ရှိပြီး ဖျန်ဖြေသူအနေနဲ့ ဆောင်ရွက်ပေးဖို့ တောင်းဆိုထားပါတယ်” ဟုလည်း ဆိုထားသည်။

ဓာတ်ပုံ- Thai Enquirer

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

27/07/2025

ပေါက်မြို့နယ် စံဖဲရွာဆေးပေးခန်း ဗုံးကြဲခံရ၊ နှစ်ဦး သေဆုံး

ဧရာဝတီ၊ ဇူလိုင် ၂၇၊ ၂၀၂၅

မကွေးတိုင်း၊ ပေါက်မြို့နယ်၊ စံဖဲ (စဖဲ) ရွာကို တိုက်ပွဲဖြစ်ပွားခြင်းမရှိဘဲ ယမန်နေ့ ညနေ ၄ နာရီခန့်တွင် စစ်ကောင်စီက ဗုံးနှစ်လုံးကြဲခဲ့သောကြောင့် ကျေးလက်ဆေးပေးခန်းနှင့်အနီးဝန်းကျင်သို့ ကျရောက်ပြီး ပြည်သူနှစ်ဦးသေဆုံးကာ ၉ ဦး ထိခိုက်ဒဏ်ရာရရှိခဲ့ကြောင်း ဒေသခံများထံက သိရသည်။

အညာမြေ အရပ်ဘက်လူမှုအဖွဲ့အစည်း- မြိုင် မှ တာဝန်ရှိသူတဦးက “စကစက ဂျက်ဖိုက်တာနဲ့လာပြီး ဗုံးနှစ်လုံးကြဲချတာ။ တိုက်ပွဲ ဖြစ်တာမရှိပါဘူးဗျ အကြောင်းမဲ့ သက်သက်လာချတာ။ နှစ်ဦး သေဆုံးပြီးတော့ ၉ ထိခိုက် ဒဏ်ရာရတယ်။ အဲဒီအထဲက ၄ ဦးက စိုးရိမ်ရတဲ့ အခြေအနေရှိတယ်” ဟု ဧရာဝတီသို့ ပြောသည်။

လက်ရှိတွင် စစ်ကောင်စီအနေဖြင့် အရပ်သားနေထိုင်ရာနေရာများကိုပါမကျန် ဗုံးကြဲနေသောကြောင့် ပေါက်မြို့နယ်အတွင်းရှိ ဒေသခံများမှာ စိုးရိမ်ထိတ်လန့်ကာ စစ်ဘေးရှောင်နေရသည်များလည်း ရှိနေကြောင်း သိရသည်။

ဓာတ်ပုံ- CJ



စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

27/07/2025

ကမ္ဘောဒီးယား PHL-03 ဒုံး ၁ စင်း ဖျက်ဆီးလိုက်သည့်သတင်း ထိုင်းစစ်တပ် အတည်မပြု

ဧရာဝတီ၊ ဇူလိုင် ၂၇၊ ၂၀၂၅

ကမ္ဘောဒီးယားဘက်မှ ပစ်လွှတ်လိုက်သည့် PHL-03 ဒုံးများကို ဖျက်ဆီးလိုက်သည်ဆိုသော သတင်းများထွက်ပေါ်နေသော်လည်း အတည်မပြုနိုင်သေးကြောင်းနှင့် အထိတ်တလန့်မဖြစ်ဘဲ သတိထားနေထိုင်ကြရန် ထိုင်းစစ်တပ် ပြောရေးဆိုခွင့်ရှိသူ ဗိုလ်ချုပ် ဝင်းထိုင်း ဆူဗရီ က ပြောဆိုကြောင်း Khaosod ၌ ဖော်ပြထားသည်။

ထိုင်းစစ်တပ်က ကမ္ဘောဒီးယား PHL-03 ဒုံးများထဲမှတခုအား ဖျက်ဆီးခဲ့ပြီး ငါးခု ကျန်ရှိနေသေးပြီး မကြာမီ ဖျက်ဆီးတော့မည်ဖြစ်ကြောင်း သတင်းများထွက်ပေါ်လာပြီးနောက် ယင်းကဲ့သို့ ပြောဆိုခဲ့ခြင်း ဖြစ်သည်။

PHL-03 အတွဲလိုက်ဒုံးပစ် လောင်ချာသည် တရုတ်ထုတ်ဖြစ်ကာ၂၀၀၄-၂၀၀၅ ခုနှစ်များတွင် တရုတ်စစ်တပ်၌ အသုံးပြုခဲ့ပြီးနောက် PHL-03 မှ AR2 အဖြစ် ပြောင်း၍ပြည်ပပို့ကုန်အဖြစ် ရောင်းချခဲ့ခြင်းဖြစ်ကြောင်း အမြင့်ဆုံး ပစ်ခတ်နိုင်သောအကွာအဝေးမှာ ၇၀ မှ ၁၃၀ ကီလိုမီတာရှိကြောင်း သိရသည်။

သို့သော် ကမ္ဘောဒီးယားဘက်ကမူ PHL-03 စနစ်ကို အသုံးပြုခြင်း မရှိကြောင်း ငြင်းဆိုထားပြီး ထိုင်းနိုင်ငံသည် သတင်းမှားများ ဖြန့်ဝေနေသည်ဟု စွပ်စွဲထားသည်။

ထိုင်းနှင့် ကမ္ဘောဒီးယားကြား အပစ်ရပ်ရေး နှစ်နိုင်ငံခေါင်းဆောင်များကို တိုက်တွန်းခဲ့ပြီးနောက် ငြိမ်းချမ်းရေးဆွေးနွေးရန် သဘောတူမှုရခဲ့ကြောင်း အမေရိကန်သမ္မတ ဒေါ်နယ်ထရမ့် ယမန်နေ့တွင် သူ၏ X စာမျက်နှာ၌ ရေးသားပြောဆိုထားသော်လည်း နယ်စပ်တွင် ပစ်ခတ်မှုများရှိနေသေးကြောင်း ထိုင်းသတင်းများက ဆိုသည်။

ယနေ့နံနက် ၆ နာရီ ၄၀ မိနစ်တွင် ကမ္ဘောဒီးယားဘက်မှ အမြောက်ကျည်ဆန်များသည် ထိုင်းနိုင်ငံ ဆူရင်ခရိုင် Phanom D**g Rak နယ်မြေအတွင်း ကျရောက်ခဲ့ပြီး အရပ်သားများနေထိုင်ရာ နေအိမ်များကို ထိမှန်၍ မီးလောင်ပျက်စီးခဲ့ရသည်။ ယနေ့နံနက် ၄ နာရီ ၃၀ မိနစ်မှ ၄ နာရီ ၄၀ မိနစ်အထိ ဆူရင်ခရိုင်အတွင်း နှစ်ဖက် ပစ်ခတ်မှုဖြစ်ပွားခဲ့သလို ယနေ့ နံနက် ၅ နာရီ ၃၀ မိနစ်တွင် ကမ္ဘောဒီးယားဘက်မှ BM-21 အမျိုးအစား လက်နက် ကြီးပစ်ခတ်မှု ထိုင်းဘက်ခြမ်းအား ထိမှန်ခဲ့ပြီး ထိုင်းဘက်မှလည်း လက်နက်ကြီးများဖြင့် ပြန်လည်ပစ်ခတ်ခဲ့ကြောင်း Khaosod တွင် ဖော်ပြထားသည်။

ထို့အတူ ထရမ့် သတိပေးနေသော်လည် ထိုင်းစစ်တပ်သည် ယနေ့ထိ ဆက်လက် ထိုးစစ်ဆင်နေသည်ဟု ကမ္ဘောဒီးယားကာကွယ်ရေးဝန်ကြီးဌာန ပြောရေးဆိုခွင့်ရှိသူ Maly Socheata က ပြောကြောင်း Khmer သတင်း၌ ဖော်ပြထားသည်။

စနေနေ့ တိုက်ပွဲအတွင်း ကမ္ဘောဒီးယားဘက်မှ သေဆုံးသူများထဲ စစ်ဗိုလ်ချုပ်တဦးဖြစ်သူ ဒေါင်ဆမ်နန် သေဆုံးခဲ့ကြောင်း ကမ္ဘောဒီးယားဘာသာဖြင့် ရေးသားသည့် သတင်းတချို့၌ ဖော်ပြထားသည်။

ပုံစာ- PHL-03 ဒုံးအမျိုးအစားကို တွေ့ရစဉ်/ militaryleak

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

27/07/2025

ဒေါ်နယ်ထရမ့် ကြားဝင်ပေမယ့် ထိုင်းနဲ့ ကမ္ဘောဒီးယား ပစ်ခတ်မှု ဆက်ဖြစ်နေ (ရုပ်/သံ)

ဧရာဝတီ၊ ဇူလိုင် ၂၇၊ ၂၀၂၅

နယ်မြေအငြင်းပွားမှု ပြဿနာကြောင့် တိုက်ပွဲတွေ ပြင်းထန်နေတဲ့ ထိုင်း - ကမ္ဘောဒီးယား နှစ်နိုင်ငံလုံးရဲ့ သက်ဆိုင်ရာ ဝန်ကြီးချုပ်တွေနဲ့ တိုက်ပွဲကိုရပ်တန့်ဖို့ ဆွေးနွေးခဲ့ပြီးပြီလို့ အမေရိကန်သမ္မတ ဒေါ်နယ်လ် ထရမ့်က ဆိုပါတယ်။

ဇူလိုင် ၂၆ ရက်နေ့က သူ့တည်ထောင်ထားတဲ့Truth လူမှုကွန်ရက် စာမျက်နှာမှာ ရေးသား ဖော်ပြလာတာဖြစ်ပြီး ပြောဆိုဆွေးနွေး အပြီးမှာ နှစ်နိုင်ငံလုံးက ငြိမ်းချမ်းရေးယူဖို့ သဘောတူလိုက်ပြီလို့လည်း သူက ဆိုပါတယ်။

ဒါပေမယ့် ထရမ့် ပြောဆိုအပြီး နောက်ရက် ဇူလိုင် ၂၇ ရက်နေ့ မနက်အစောပိုင်းမှာပဲ ထိုင်း - ကမ္ဘောဒီးယား နယ်စပ် ဆူရင်ခရိုင်မှာ နှစ်ဖက် ပစ်ခတ်မှုမရပ်ဘဲ ဆက်လက် ပစ်ခတ်နေဆဲဖြစ်တယ်လို့ ထိုင်းအစိုးရ သတင်းဌာနတခုဖြစ်တဲ့ NBT Connext က ထုတ်ပြန်ပါတယ်။

ထိုင်းနိုင်ငံနဲ့ ကမ္ဘောဒီးယားနိုင်ငံဟာ လက်ရှိ အမေရိကန်နိုင်ငံနဲ့ ကုန်သွယ်ရေး သဘောတူညီချက်တွေ‌ ဆွေးနွေးနေတဲ့ ကာလဖြစ်ပြီးတော့ တိုက်ပွဲတွေ ဆက်လက်ဖြစ်ပွားနေရင် ဘယ်နိုင်ငံနဲ့မှ ကုန်သွယ်ရေး သဘောတူညီချက် လက်မှတ်ရေးထိုးမှာ မဟုတ်ဘူးလို့လည်း ထရမ့်က ဖိအားပေး ပြောဆိုထားပါတယ်။

https://youtu.be/CGHDfJJkWFE
#ဧရာဝတီ #ထိုင်း #ကမ္ဘောဒီးယား #ထရမ့် #အပစ်ရပ်ရေး #ကြားဝင်စေ့စပ် #ကုန်သွယ်ရေး #သဘောတူညီချက် #စစ်ပွဲ
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

ဧရာဝတီ၊ ဇူလိုင် ၂၇၊ ၂၀၂၅နယ်မြေအငြင်းပွားမှု ပြဿနာကြောင့် တိုက်ပွဲတွေ ပြင်းထန်နေတဲ့ ထိုင်း - ကမ္ဘောဒီးယား နှ....

27/07/2025

ဒေါ်နယ်ထရမ့် ကြားဝင်ပေမယ့် ထိုင်းနဲ့ ကမ္ဘောဒီးယား ပစ်ခတ်မှု ဆက်ဖြစ်နေ (ရုပ်/သံ)

ဧရာဝတီ၊ ဇူလိုင် ၂၇၊ ၂၀၂၅

နယ်မြေအငြင်းပွားမှု ပြဿနာကြောင့် တိုက်ပွဲတွေ ပြင်းထန်နေတဲ့ ထိုင်း - ကမ္ဘောဒီးယား နှစ်နိုင်ငံလုံးရဲ့ သက်ဆိုင်ရာ ဝန်ကြီးချုပ်တွေနဲ့ တိုက်ပွဲကိုရပ်တန့်ဖို့ ဆွေးနွေးခဲ့ပြီးပြီလို့ အမေရိကန်သမ္မတ ဒေါ်နယ်လ် ထရမ့်က ဆိုပါတယ်။

ဇူလိုင် ၂၆ ရက်နေ့က သူ့တည်ထောင်ထားတဲ့Truth လူမှုကွန်ရက် စာမျက်နှာမှာ ရေးသား ဖော်ပြလာတာဖြစ်ပြီး ပြောဆိုဆွေးနွေး အပြီးမှာ နှစ်နိုင်ငံလုံးက ငြိမ်းချမ်းရေးယူဖို့ သဘောတူလိုက်ပြီလို့လည်း သူက ဆိုပါတယ်။

ဒါပေမယ့် ထရမ့် ပြောဆိုအပြီး နောက်ရက် ဇူလိုင် ၂၇ ရက်နေ့ မနက်အစောပိုင်းမှာပဲ ထိုင်း - ကမ္ဘောဒီးယား နယ်စပ် ဆူရင်ခရိုင်မှာ နှစ်ဖက် ပစ်ခတ်မှုမရပ်ဘဲ ဆက်လက် ပစ်ခတ်နေဆဲဖြစ်တယ်လို့ ထိုင်းအစိုးရ သတင်းဌာနတခုဖြစ်တဲ့ NBT Connext က ထုတ်ပြန်ပါတယ်။

ထိုင်းနိုင်ငံနဲ့ ကမ္ဘောဒီးယားနိုင်ငံဟာ လက်ရှိ အမေရိကန်နိုင်ငံနဲ့ ကုန်သွယ်ရေး သဘောတူညီချက်တွေ‌ ဆွေးနွေးနေတဲ့ ကာလဖြစ်ပြီးတော့ တိုက်ပွဲတွေ ဆက်လက်ဖြစ်ပွားနေရင် ဘယ်နိုင်ငံနဲ့မှ ကုန်သွယ်ရေး သဘောတူညီချက် လက်မှတ်ရေးထိုးမှာ မဟုတ်ဘူးလို့လည်း ထရမ့်က ဖိအားပေး ပြောဆိုထားပါတယ်။

#ဧရာဝတီ #ထိုင်း #ကမ္ဘောဒီးယား #ထရမ့် #အပစ်ရပ်ရေး #ကြားဝင်စေ့စပ် #ကုန်သွယ်ရေး #သဘောတူညီချက် #စစ်ပွဲ
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

27/07/2025

ဘားအံ ရပ်ကွက်တချို့ရေကြီးနေ

ဧရာဝတီ၊ ဇူလိုင် ၂၇၊ ၂၀၂၅

သံလွင်မြစ်ရေသည် ကရင်ပြည်နယ်၊ ဘားအံမြို့၏ စိုးရိမ်ရေအမှတ်ထက် ၄ ပေခွဲကျော် အထိမြင့်တက်နေပြီး မြို့တွင်းသို့ ရေများဝင်ရောက်လာသောကြောင့် ရပ်ကွက်တချို့ရေကြီးနစ်မြုပ်မှုများ ဖြစ်ပေါ်ကာ ကူညီကယ်ဆယ်ရေး လုပ်ဆောင်နေရကြောင်း ဒေသခံများထံက သိရသည်။

ဇူလိုင်၂၅ ရက်မှစ၍ မိုးအဆက်မပြတ် ရွာသွန်းခြင်းကြောင့် သံလွင်မြစ်ရေ တက်လာပြီး အနိမ့်ပိုင်းရပ်ကွက်များနှင့် ဘားအံ တိုင်းရင်းဆေးရုံ၊ အင်းလေးလမ်း၊ ရေပေါ်ဈေးထိပ်၊ ဘားအံရွှေဖားစည်အိမ်ရာ၊ ဘားအံကမ်းနား ဆင်နှစ်ကောင်ရှေ့ လမ်းမပေါ် အစရှိသည့် နေရာများသို့ ရေ ဝင်ရောက်နေကြောင်း၊ ရေအတက်မှာလည်း မြန်နေပြီး အနိမ့်ပိုင်းရပ်ကွက်များနှင့် မြစ်ကမ်းအနီးနေထိုင်သူများမှာ ယာယီ‌ကယ်ဆယ်ရေးစခန်းများတွင် ပြောင်းရွှေ့နေထိုင်နေရကြောင်း သိရသည်။

ထို့အတူ မိုးသည်းထန်စွာရွာသွန်းမှုကြောင့် မွန်ပြည်နယ် သထုံမြို့နယ်၊ ကျိုက်ကော်ဈေးရှေ့ မော်လမြိုင်-ရန်ကုန် ကားလမ်းပေါ်၌ ‌ရေကြီးရေလျှံမှု ဖြစ်ပွားနေကာ လမ်းများ ယာယီပိတ်ထားရကြောင်း ဒေသခံတချို့က ဆိုသည်။

လက်ရှိတွင်လည်း သံလွင်မြစ်ရေမှာ မြို့၏စိုးရိမ်ရေအမှတ်ထက် ကျော်လွန်ရောက်ရှိနေပြီး လာမည့် တရက်အတွင်း ၁ ပေခန့် ထပ်မံ မြင့်တက်လာနိုင်ကြောင်း စစ်ကောင်စီ၏ မိုးလေဝသနှင့် ဇလဗေဒညွှန်ကြားမှု ဦးစီးဌာနက ထုတ်ပြန်ထားသည်။

ဓာတ်ပုံ- ဒေသခံများ



စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

27/07/2025

ကမ္ဘောဒီးယားတို့ ထိုင်းမှ အစုလိုက်အပြုံလိုက် ထွက်ခွာပြီ

ဧရာဝတီ ဇူလိုင် ၂၇၊ ၂၀၂၅

နှစ်နိုင်ငံ နယ်စပ်တွင် ဖြစ်ပွားနေသော တိုက်ပွဲများကြောင့်သာမက ထိုင်းနိုင်ငံအတွင်း ခြိမ်းခြောက် အကြမ်းဖက်မှုများရှိလာ၍ ကမ္ဘောဒီးယားနိုင်ငံသား အစုလိုက်အပြုံလိုက်သည် ၎င်းတို့၏ပစ္စည်းများကို သယ်​ဆောင်ကာ ထိုင်းမှထွက်ခွာလျက်ရှိကြောင်း Khaosod သတင်း၌ ယနေ့ ဖော်ပြထားသည်။

ထိုင်းနိုင်ငံ ချန်သဘူရီခရိုင်ရှိ ဘန်လဲမ် စစ်ဆေးရေးဂိတ်မှတဆင့် နေရပ်ပြန်နေကြခြင်းဖြစ်ပြီး ၎င်းတို့ နယ်စပ်ဂိတ်မပိတ်မီ ဖြတ်သန်းသွားလာနိုင်ရေး ထိုင်းအာဏာပိုင်အဖွဲ့အစည်းများနှင့် ပရဟိတလုပ်ငန်းများကလည်း ပူးပေါင်း ဆောင်ရွက်ပေးလျက်ရှိကြောင်း ဖော်ပြထားသည်။


ဓာတ်ပုံ- Khaosod

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

27/07/2025

အိန္ဒိယသည် မြန်မာ့မြေတွင် အခြေစိုက်သည့် ခွဲထွက်ရေးအဖွဲ့စခန်းများကို ယခင်ကလည်း တိုက်ခိုက်ဖူးသည်။

Website တွင် ဖတ်ရန် https://bit.ly/4okncsn

---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

အိန္ဒိယသည် မြန်မာ့မြေတွင် အခြေစိုက်သည့် ခွဲထွက်ရေးအဖွဲ့စခန်းများကို ယခင်ကလည်း တိုက်ခိုက်ဖူးသည်။

27/07/2025

ဝီလာဝန်သည် လွန်ခဲ့သောနှစ် အနည်းငယ်အတွင်း ဘတ် ၃၈၅ သန်းခန့် ငွေညှစ်ခဲ့သည်ဟု တော်ဝင် ထိုင်းရဲတပ်ဖွဲ့က ပြောသည်။

Website တွင် ဖတ်ရန် https://bit.ly/3IG9EqI

---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

ဝီလာဝန်သည် လွန်ခဲ့သောနှစ် အနည်းငယ်အတွင်း ဘတ် ၃၈၅ သန်းခန့် ငွေညှစ်ခဲ့သည်ဟု တော်ဝင် ထိုင်းရဲတပ်ဖွဲ့က ပြောသည်...

27/07/2025

အနိမ့်ဆုံးလုပ်ခလစာ တိုးမြှင့်ရေး အထူးသဖြင့်အထည်ချုပ်ကဏ္ဍမှာ တိုးမြှင့်ရေးကို အမှန်တကယ် တက်ကြွစွာတောင်းဆိုနေတယ်။ လုပ်အားခ အဆင့်တွေဟာ အလုပ်သမားတွေဘ၀ သာယာစိုပြေရေး၊ ယှဉ်ပြိုင်နိုင်စွမ်းနဲ့ လုပ်ငန်းလက်ခံလုပ်တဲ့နိုင်ငံအနေနဲ့ မြန်မာရဲ့ဂုဏ်သတင်းအတွက် အရေးပါတယ်

Website တွင် ဖတ်ရန် https://bit.ly/454FmFD

---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

EuroCham Myanmar မှ မူဝါဒနှင့် မဟာဗျူဟာ တာဝန်ခံ ဦးသက်ဇော်ထွေးကို ဧရာဝတီက ဆက်သွယ်မေးမြန်းထားပါသည်။

27/07/2025

စစ်ကောင်စီကို စစ်ရေး၊ ဘဏ္ဍာရေးဆိုင်ရာဖိအားပေးဖို့၊ စစ်တပ်ကို လေယာဉ်ဆီထောက်ပံ့နေတဲ့ နိုင်ငံခြားကုမ္ပဏီတွေကို ပိတ်ဆို့နိုင်ရေးနဲ့အတူ ငွေကြေးအထောက်အပံ့အသစ်တွေ ထပ်မရဖို့၊ ရိုဟင်ဂျာနဲ့ ရွှေ့ပြောင်း ဒုက္ခသည်တွေအရေးတွေနဲ့ ပတ်သက်ပြီး ဆောင်ရွက်မယ့် ဥပဒေကြမ်း ၃ ခုကို အမေရိကန် လွှတ်တော်ကော်မတီတွေက ဇူလိုင်လ...

https://burma.irrawaddy.com/video/2025/07/24/403766.html

---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

စစ်ကောင်စီကို စစ်ရေး၊ ဘဏ္ဍာရေးဆိုင်ရာဖိအားပေးဖို့၊ စစ်တပ်ကို လေယာဉ်ဆီထောက်ပံ့နေတဲ့ နိုင်ငံခြားကုမ္ပဏီတွ....